Bala Raksha (bhagavata Purana)

ॐ

ബാല രക്ഷാ (ഭാഗവത പുരാണ)

Vyasa Malayalam

ശ്രീ ഗണേശായ നമഃ ।

അവ്യാദജോഽങ്ഘ്രി മണിമാംസ്തവ ജാന്വഥോരൂ

യജ്ഞോഽച്യുതഃ കടിതടം ജഠരം ഹയാസ്യഃ ।

ഹൃത്കേശവസ്ത്വദുര ഈശ ഇനസ്തു കണ്ഠം

വിഷ്ണുര്ഭുജം മുഖമുരുക്രമ ഈശ്വരഃ കമ് ॥ 1 ॥

ചക്ര്യഗ്രതഃ സഹഗദോ ഹരിരസ്തു പശ്ചാത്

ത്വത്പാര്ശ്വയോര്ധനുരസീ മധുഹാജനശ്ച ।

കോണേഷു ശങ്ഖ ഉരുഗായ ഉപര്യുപേന്ദ്രസ്

താര്ക്ഷ്യഃ ക്ഷിതൌ ഹലധരഃ പുരുഷഃ സമന്താത് ॥ 2 ॥

ഇന്ദ്രിയാണി ഹൃഷീകേശഃ പ്രാണാന്നാരായണോഽവതു ।

ശ്വേതദ്വീപപതിശ്ചിത്തം മനോ യോഗേശ്വരോഽവതു ॥ 3 ॥

പൃശ്നിഗര്ഭസ്തു തേ ബുദ്ധിമാത്മാനം ഭഗവാന്പരഃ ।

ക്രീഡന്തം പാതു ഗോവിന്ദഃ ശയാനം പാതു മാധവഃ ॥ 4 ॥

വ്രജന്തമവ്യാദ്വൈകുണ്ഠ ആസീനം ത്വാം ശ്രിയഃ പതിഃ ।

ഭുഞ്ജാനം യജ്ഞഭുക്പാതു സര്വഗ്രഹഭയങ്കരഃ ॥ 5 ॥

ഡാകിന്യോ യാതുധാന്യശ്ച കുഷ്മാണ്ഡാ യേഽര്ഭകഗ്രഹാഃ ।

ഭൂതപ്രേതപിശാചാശ്ച യക്ഷരക്ഷോവിനായകാഃ ॥ 6 ॥

കോടരാ രേവതീ ജ്യേഷ്ഠാ പൂതനാ മാതൃകാദയഃ ।

ഉന്മാദാ യേ ഹ്യപസ്മാരാ ദേഹപ്രാണേന്ദ്രിയദ്രുഹഃ ॥ 7 ॥

സ്വപ്നദൃഷ്ടാ മഹോത്പാതാ വൃദ്ധബാലഗ്രഹാശ്ച യേ ।

സര്വേ നശ്യന്തു തേ വിഷ്ണോര്നാമഗ്രഹണഭീരവഃ ॥ 8 ॥

॥ ഇതി ശ്രീമദ്ഭാഗവതേ ദശമസ്കന്ധേ ഗോപീകൃതബാലരക്ഷാ സമാപ്താ ॥

Roman (IAST) Transliteration

śrī gaṇeśāya namaḥ |

avyādajo'ṅghri maṇimāṃstava jānvathorū

yajño'cyutaḥ kaṭitaṭaṃ jaṭharaṃ hayāsyaḥ |

hṛtkeśavastvadura īśa inastu kaṇṭhaṃ

viṣṇurbhujaṃ mukhamurukrama īśvaraḥ kam || 1 ||

cakryagrataḥ sahagado harirastu paścāt

tvatpārśvayordhanurasī madhuhājanaśca |

koṇeṣu śaṅkha urugāya uparyupendras

tārkṣyaḥ kṣitau haladharaḥ puruṣaḥ samantāt || 2 ||

indriyāṇi hṛṣīkeśaḥ prāṇānnārāyaṇo'vatu |

śvetadvīpapatiścittaṃ mano yogeśvaro'vatu || 3 ||

pṛśnigarbhastu te buddhimātmānaṃ bhagavānparaḥ |

krīḍantaṃ pātu govindaḥ śayānaṃ pātu mādhavaḥ || 4 ||

vrajantamavyādvaikuṇṭha āsīnaṃ tvāṃ śriyaḥ patiḥ |

bhuñjānaṃ yajñabhukpātu sarvagrahabhayaṅkaraḥ || 5 ||

ḍākinyo yātudhānyaśca kuṣmāṇḍā ye'rbhakagrahāḥ |

bhūtapretapiśācāśca yakṣarakṣovināyakāḥ || 6 ||

koṭarā revatī jyeṣṭhā pūtanā mātṛkādayaḥ |

unmādā ye hyapasmārā dehaprāṇendriyadruhaḥ || 7 ||

svapnadṛṣṭā mahotpātā vṛddhabālagrahāśca ye |

sarve naśyantu te viṣṇornāmagrahaṇabhīravaḥ || 8 ||

|| iti śrīmadbhāgavate daśamaskandhe gopīkṛtabālarakṣā samāptā ||