📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ബാല മുകുന്ദാഷ്ടകമ്
Bala Mukundashtakam
Ashtakam Malayalam
കരാരവിന്ദേന പദാരവിന്ദം മുഖാരവിന്ദേ വിനിവേശയന്തമ് ।
വടസ്യ പത്രസ്യ പുടേ ശയാനം ബാലം മുകുന്ദം മനസാ സ്മരാമി ॥ 1 ॥
സംഹൃത്യ ലോകാന്വടപത്രമധ്യേ ശയാനമാദ്യന്തവിഹീനരൂപമ് ।
സര്വേശ്വരം സര്വഹിതാവതാരം ബാലം മുകുന്ദം മനസാ സ്മരാമി ॥ 2 ॥
ഇന്ദീവരശ്യാമലകോമലാങ്ഗം ഇന്ദ്രാദിദേവാര്ചിതപാദപദ്മമ് ।
സന്താനകല്പദ്രുമമാശ്രിതാനാം ബാലം മുകുന്ദം മനസാ സ്മരാമി ॥ 3 ॥
ലമ്ബാലകം ലമ്ബിതഹാരയഷ്ടിം ശൃങ്ഗാരലീലാങ്കിതദന്തപങ്ക്തിമ് ।
ബിമ്ബാധരം ചാരുവിശാലനേത്രം ബാലം മുകുന്ദം മനസാ സ്മരാമി ॥ 4 ॥
ശിക്യേ നിധായാദ്യപയോദധീനി ബഹിര്ഗതായാം വ്രജനായികായാമ് ।
ഭുക്ത്വാ യഥേഷ്ടം കപടേന സുപ്തം ബാലം മുകുന്ദം മനസാ സ്മരാമി ॥ 5 ॥
കലിന്ദജാന്തസ്ഥിതകാലിയസ്യ ഫണാഗ്രരങ്ഗേനടനപ്രിയന്തമ് ।
തത്പുച്ഛഹസ്തം ശരദിന്ദുവക്ത്രം ബാലം മുകുന്ദം മനസാ സ്മരാമി ॥ 6 ॥
ഉലൂഖലേ ബദ്ധമുദാരശൌര്യം ഉത്തുങ്ഗയുഗ്മാര്ജുന ഭങ്ഗലീലമ് ।
ഉത്ഫുല്ലപദ്മായത ചാരുനേത്രം ബാലം മുകുന്ദം മനസാ സ്മരാമി ॥ 7 ॥
ആലോക്യ മാതുര്മുഖമാദരേണ സ്തന്യം പിബന്തം സരസീരുഹാക്ഷമ് ।
സച്ചിന്മയം ദേവമനന്തരൂപം ബാലം മുകുന്ദം മനസാ സ്മരാമി ॥ 8 ॥
Roman (IAST) Transliteration
karāravindena padāravindaṃ mukhāravinde viniveśayantam |
vaṭasya patrasya puṭe śayānaṃ bālaṃ mukundaṃ manasā smarāmi || 1 ||
saṃhṛtya lokānvaṭapatramadhye śayānamādyantavihīnarūpam |
sarveśvaraṃ sarvahitāvatāraṃ bālaṃ mukundaṃ manasā smarāmi || 2 ||
indīvaraśyāmalakomalāṅgaṃ indrādidevārcitapādapadmam |
santānakalpadrumamāśritānāṃ bālaṃ mukundaṃ manasā smarāmi || 3 ||
lambālakaṃ lambitahārayaṣṭiṃ śṛṅgāralīlāṅkitadantapaṅktim |
bimbādharaṃ cāruviśālanetraṃ bālaṃ mukundaṃ manasā smarāmi || 4 ||
śikye nidhāyādyapayodadhīni bahirgatāyāṃ vrajanāyikāyām |
bhuktvā yatheṣṭaṃ kapaṭena suptaṃ bālaṃ mukundaṃ manasā smarāmi || 5 ||
kalindajāntasthitakāliyasya phaṇāgraraṅgenaṭanapriyantam |
tatpucchahastaṃ śaradinduvaktraṃ bālaṃ mukundaṃ manasā smarāmi || 6 ||
ulūkhale baddhamudāraśauryaṃ uttuṅgayugmārjuna bhaṅgalīlam |
utphullapadmāyata cārunetraṃ bālaṃ mukundaṃ manasā smarāmi || 7 ||
ālokya māturmukhamādareṇa stanyaṃ pibantaṃ sarasīruhākṣam |
saccinmayaṃ devamanantarūpaṃ bālaṃ mukundaṃ manasā smarāmi || 8 ||
InfoLyter.in — Sacred Vedic Knowledge Portal · Free forever