Ashtavakra Gita Trayodasho'dhyayah

ॐ

അഷ്ടാവക്ര ഗീതാ ത്രയോദശോഽധ്യായഃ

Gita Malayalam

ജനക ഉവാച ॥

അകിഞ്ചനഭവം സ്വാസ്ഥ്യം കൌപീനത്വേഽപി ദുര്ലഭമ് ।

ത്യാഗാദാനേ വിഹായാസ്മാദഹമാസേ യഥാസുഖമ് ॥ 13-1॥

കുത്രാപി ഖേദഃ കായസ്യ ജിഹ്വാ കുത്രാപി ഖിദ്യതേ ।

മനഃ കുത്രാപി തത്ത്യക്ത്വാ പുരുഷാര്ഥേ സ്ഥിതഃ സുഖമ് ॥ 13-2॥

കൃതം കിമപി നൈവ സ്യാദ് ഇതി സഞ്ചിന്ത്യ തത്ത്വതഃ ।

യദാ യത്കര്തുമായാതി തത് കൃത്വാസേ യഥാസുഖമ് ॥ 13-3॥

കര്മനൈഷ്കര്മ്യനിര്ബന്ധഭാവാ ദേഹസ്ഥയോഗിനഃ ।

സംയോഗായോഗവിരഹാദഹമാസേ യഥാസുഖമ് ॥ 13-4॥

അര്ഥാനര്ഥൌ ന മേ സ്ഥിത്യാ ഗത്യാ ന ശയനേന വാ ।

തിഷ്ഠന് ഗച്ഛന് സ്വപന് തസ്മാദഹമാസേ യഥാസുഖമ് ॥ 13-5॥

സ്വപതോ നാസ്തി മേ ഹാനിഃ സിദ്ധിര്യത്നവതോ ന വാ ।

നാശോല്ലാസൌ വിഹായാസ്മാദഹമാസേ യഥാസുഖമ് ॥ 13-6॥

സുഖാദിരൂപാ നിയമം ഭാവേഷ്വാലോക്യ ഭൂരിശഃ ।

ശുഭാശുഭേ വിഹായാസ്മാദഹമാസേ യഥാസുഖമ് ॥ 13-7॥

Roman (IAST) Transliteration

janaka uvāca ||

akiñcanabhavaṃ svāsthyaṃ kaupīnatve'pi durlabham |

tyāgādāne vihāyāsmādahamāse yathāsukham || 13-1||

kutrāpi khedaḥ kāyasya jihvā kutrāpi khidyate |

manaḥ kutrāpi tattyaktvā puruṣārthe sthitaḥ sukham || 13-2||

kṛtaṃ kimapi naiva syād iti sañcintya tattvataḥ |

yadā yatkartumāyāti tat kṛtvāse yathāsukham || 13-3||

karmanaiṣkarmyanirbandhabhāvā dehasthayoginaḥ |

saṃyogāyogavirahādahamāse yathāsukham || 13-4||

arthānarthau na me sthityā gatyā na śayanena vā |

tiṣṭhan gacchan svapan tasmādahamāse yathāsukham || 13-5||

svapato nāsti me hāniḥ siddhiryatnavato na vā |

nāśollāsau vihāyāsmādahamāse yathāsukham || 13-6||

sukhādirūpā niyamaṃ bhāveṣvālokya bhūriśaḥ |

śubhāśubhe vihāyāsmādahamāse yathāsukham || 13-7||