Arjuna Krita Shri Durga Stotram

ॐ

അര്ജുന കൃത ശ്രീ ദുര്ഗാ സ്തോത്രമ്

Durga Stotram Malayalam

അര്ജുന ഉവാച ।

നമസ്തേ സിദ്ധസേനാനി ആര്യേ മന്ദരവാസിനി ।

കുമാരി കാലി കാപാലി കപിലേ കൃഷ്ണപിങ്ഗലേ ॥ 1 ॥

ഭദ്രകാലി നമസ്തുഭ്യം മഹാകാലി നമോഽസ്തു തേ ।

ചണ്ഡി ചണ്ഡേ നമസ്തുഭ്യം താരിണി വരവര്ണിനി ॥ 2 ॥

കാത്യായനി മഹാഭാഗേ കരാലി വിജയേ ജയേ ।

ശിഖിപിഞ്ഛധ്വജധരേ നാനാഭരണഭൂഷിതേ ॥ 3 ॥

അട്ടശൂലപ്രഹരണേ ഖഡ്ഗഖേടകധാരിണി ।

ഗോപേന്ദ്രസ്യാനുജേ ജ്യേഷ്ഠേ നന്ദഗോപകുലോദ്ഭവേ ॥ 4 ॥

മഹിഷാസൃക്പ്രിയേ നിത്യം കൌശികി പീതവാസിനി ।

അട്ടഹാസേ കോകമുഖേ നമസ്തേഽസ്തു രണപ്രിയേ ॥ 5 ॥

ഉമേ ശാകമ്ഭരി ശ്വേതേ കൃഷ്ണേ കൈടഭനാശിനി ।

ഹിരണ്യാക്ഷി വിരൂപാക്ഷി സുധൂമ്രാക്ഷി നമോഽസ്തു തേ ॥ 6 ॥

വേദശ്രുതിമഹാപുണ്യേ ബ്രഹ്മണ്യേ ജാതവേദസി ।

ജമ്ബൂകടകചൈത്യേഷു നിത്യം സന്നിഹിതാലയേ ॥ 7 ॥

ത്വം ബ്രഹ്മവിദ്യാ വിദ്യാനാം മഹാനിദ്രാ ച ദേഹിനാമ് ।

സ്കന്ദമാതര്ഭഗവതി ദുര്ഗേ കാന്താരവാസിനി ॥ 8 ॥

സ്വാഹാകാരഃ സ്വധാ ചൈവ കലാ കാഷ്ഠാ സരസ്വതീ ।

സാവിത്രീ വേദമാതാ ച തഥാ വേദാന്ത ഉച്യതേ ॥ 9 ॥

കാന്താരഭയദുര്ഗേഷു ഭക്താനാം ചാലയേഷു ച ।

നിത്യം വസസി പാതാലേ യുദ്ധേ ജയസി ദാനവാന് ॥ 10 ॥

ത്വം ജമ്ഭനീ മോഹിനീ ച മായാ ഹ്രീഃ ശ്രീസ്തഥൈവ ച ।

സന്ധ്യാ പ്രഭാവതീ ചൈവ സാവിത്രീ ജനനീ തഥാ ॥ 11 ॥

തുഷ്ടിഃ പുഷ്ടിര്ധൃതിര്ദീപ്തിശ്ചന്ദ്രാദിത്യവിവര്ധിനീ ।

ഭൂതിര്ഭൂതിമതാം സങ്ഖ്യേ വീക്ഷ്യസേ സിദ്ധചാരണൈഃ ॥ 12 ॥

സ്തുതാസി ത്വം മഹാദേവി വിശുദ്ധേനാന്തരാത്മനാ ।

ജയോ ഭവതു മേ നിത്യം ത്വത്പ്രസാദാദ്രണാജിരേ ॥ 13 ॥

ഇതി ശ്രീമന്മഹാഭാരതേ ഭീഷ്മപര്വണി ത്രയോവിംശോഽധ്യായേ അര്ജുന കൃത ശ്രീ ദുര്ഗാ സ്തോത്രമ് ।

Roman (IAST) Transliteration

arjuna uvāca |

namaste siddhasenāni ārye mandaravāsini |

kumāri kāli kāpāli kapile kṛṣṇapiṅgale || 1 ||

bhadrakāli namastubhyaṃ mahākāli namo'stu te |

caṇḍi caṇḍe namastubhyaṃ tāriṇi varavarṇini || 2 ||

kātyāyani mahābhāge karāli vijaye jaye |

śikhipiñchadhvajadhare nānābharaṇabhūṣite || 3 ||

aṭṭaśūlapraharaṇe khaḍgakheṭakadhāriṇi |

gopendrasyānuje jyeṣṭhe nandagopakulodbhave || 4 ||

mahiṣāsṛkpriye nityaṃ kauśiki pītavāsini |

aṭṭahāse kokamukhe namaste'stu raṇapriye || 5 ||

ume śākambhari śvete kṛṣṇe kaiṭabhanāśini |

hiraṇyākṣi virūpākṣi sudhūmrākṣi namo'stu te || 6 ||

vedaśrutimahāpuṇye brahmaṇye jātavedasi |

jambūkaṭakacaityeṣu nityaṃ sannihitālaye || 7 ||

tvaṃ brahmavidyā vidyānāṃ mahānidrā ca dehinām |

skandamātarbhagavati durge kāntāravāsini || 8 ||

svāhākāraḥ svadhā caiva kalā kāṣṭhā sarasvatī |

sāvitrī vedamātā ca tathā vedānta ucyate || 9 ||

kāntārabhayadurgeṣu bhaktānāṃ cālayeṣu ca |

nityaṃ vasasi pātāle yuddhe jayasi dānavān || 10 ||

tvaṃ jambhanī mohinī ca māyā hrīḥ śrīstathaiva ca |

sandhyā prabhāvatī caiva sāvitrī jananī tathā || 11 ||

tuṣṭiḥ puṣṭirdhṛtirdīptiścandrādityavivardhinī |

bhūtirbhūtimatāṃ saṅkhye vīkṣyase siddhacāraṇaiḥ || 12 ||

stutāsi tvaṃ mahādevi viśuddhenāntarātmanā |

jayo bhavatu me nityaṃ tvatprasādādraṇājire || 13 ||

iti śrīmanmahābhārate bhīṣmaparvaṇi trayoviṃśo'dhyāye arjuna kṛta śrī durgā stotram |