Shri Hayagriva Sampada Stotram

ॐ

श्री हयग्रीव सम्पदा स्तोत्रम्

Vishnu Stotram Vadiraja Devanagari

ज्ञानानन्दमयं देवं निर्मलस्फटिकाकृतिं

आधारं सर्वविद्यानां हयग्रीवमुपास्महे ॥1॥

हयग्रीव हयग्रीव हयग्रीवेति वादिनम् ।

नरं मुञ्चन्ति पापानि दरिद्रमिव योषितः ॥ 1॥

हयग्रीव हयग्रीव हयग्रीवेति यो वदेत् ।

तस्य निस्सरते वाणी जह्नुकन्या प्रवाहवत् ॥ 2॥

हयग्रीव हयग्रीव हयग्रीवेति यो ध्वनिः ।

विशोभते स वैकुण्ठ कवाटोद्घाटनक्षमः ॥ 3॥

श्लोकत्रयमिदं पुण्यं हयग्रीवपदाङ्कितम्

वादिराजयतिप्रोक्तं पठतां सम्पदां पदम् ॥ 4॥

॥ इति श्रीमद्वादिराजपूज्यचरणविरचितं हयग्रीवसम्पदास्तोत्रं सम्पूर्णम् ॥

Roman (IAST) Transliteration

jñānānandamayaṃ devaṃ nirmalasphaṭikākṛtiṃ

ādhāraṃ sarvavidyānāṃ hayagrīvamupāsmahe ||1||

hayagrīva hayagrīva hayagrīveti vādinam |

naraṃ muñcanti pāpāni daridramiva yoṣitaḥ || 1||

hayagrīva hayagrīva hayagrīveti yo vadet |

tasya nissarate vāṇī jahnukanyā pravāhavat || 2||

hayagrīva hayagrīva hayagrīveti yo dhvaniḥ |

viśobhate sa vaikuṇṭha kavāṭodghāṭanakṣamaḥ || 3||

ślokatrayamidaṃ puṇyaṃ hayagrīvapadāṅkitam

vādirājayatiproktaṃ paṭhatāṃ sampadāṃ padam || 4||

|| iti śrīmadvādirājapūjyacaraṇaviracitaṃ hayagrīvasampadāstotraṃ sampūrṇam ||