Devavanim Vedavanim Mataram Vandamahe

ॐ

देववाणीं वेदवाणीं मातरं वन्दामहे

Tara Devanagari

देववाणीं वेदवाणीं मातरं वन्दामहे ।

चिरनवीना चिरपुराणीं सादरं वन्दामहे ॥ ध्रु॥

दिव्यसंस्कृतिरक्षणाय तत्परा भुवने भ्रमन्तः ।

लोकजागरणाय सिद्धाः सङ्घटनमन्त्रं जपन्तः ।

कृतिपरा लक्ष्यैकनिष्ठा भारतं सेवामहे ॥ 1॥

भेदभावनिवारणाय बन्धुतामनुभावयेम ।

कर्मणा मनसा च वचसा मातृवन्दनमाचरेम ।

कीर्तिधनपदकामनाभिर्विरहिता मोदामहे ॥ 2॥

संस्कृतेर्विमुखं समाजं जीवनेन शिक्षयेम ।

मानुकूलादर्शं वयं वै पालयित्वा दर्शयेम ।

जीवनं संस्कृत हितार्थं ह्यर्पितं मन्यामहे ॥ 3॥

वयमसाध्यं लक्ष्यमेतत् संस्कृतेन साधयन्तः ।

त्यागधैर्यसमर्पणेन नवलमितिहासं लिखन्तः ।

जन्मभूमिसमर्चनेन सर्वतः स्पन्दामहे ॥ 4॥

भारताः सोदराः स्मो भावनेयं हृदि निधाय ।

वयं संस्कृतसैनिकाः सज्जीता नैजं विहाय ।

परमवैभवसाधनाया वरमहो याचामहे ॥ 5॥

देववाणीं वेदवाणीं मातरं वन्दामहे

चिरनवीनां चिरपुराणीं सादरं वन्दामहे ॥

Roman (IAST) Transliteration

devavāṇīṃ vedavāṇīṃ mātaraṃ vandāmahe |

ciranavīnā cirapurāṇīṃ sādaraṃ vandāmahe || dhru||

divyasaṃskṛtirakṣaṇāya tatparā bhuvane bhramantaḥ |

lokajāgaraṇāya siddhāḥ saṅghaṭanamantraṃ japantaḥ |

kṛtiparā lakṣyaikaniṣṭhā bhārataṃ sevāmahe || 1||

bhedabhāvanivāraṇāya bandhutāmanubhāvayema |

karmaṇā manasā ca vacasā mātṛvandanamācarema |

kīrtidhanapadakāmanābhirvirahitā modāmahe || 2||

saṃskṛtervimukhaṃ samājaṃ jīvanena śikṣayema |

mānukūlādarśaṃ vayaṃ vai pālayitvā darśayema |

jīvanaṃ saṃskṛta hitārthaṃ hyarpitaṃ manyāmahe || 3||

vayamasādhyaṃ lakṣyametat saṃskṛtena sādhayantaḥ |

tyāgadhairyasamarpaṇena navalamitihāsaṃ likhantaḥ |

janmabhūmisamarcanena sarvataḥ spandāmahe || 4||

bhāratāḥ sodarāḥ smo bhāvaneyaṃ hṛdi nidhāya |

vayaṃ saṃskṛtasainikāḥ sajjītā naijaṃ vihāya |

paramavaibhavasādhanāyā varamaho yācāmahe || 5||

devavāṇīṃ vedavāṇīṃ mātaraṃ vandāmahe

ciranavīnāṃ cirapurāṇīṃ sādaraṃ vandāmahe ||