6.77 Yuddhakanda - Saptasaptatitama Sargah

ॐ

6.77 ಯುದ್ಧಕಾಣ್ಡ - ಸಪ್ತಸಪ್ತತಿತಮ ಸರ್ಗಃ

Valmiki Kannada

ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।

ಅಥ ಸಪ್ತಸಪ್ತತಿತಮಸ್ಸರ್ಗಃ ।

ನಿಕುಮ್ಭೋಭ್ರಾತರನ್ದೃಷ್ಟವಾಸುಗ್ರೀವೇಣನಿಪಾತಿತಮ್ ।

ಪ್ರದಹನ್ನಿವಕೋಪೇನವಾನರೇನ್ದ್ರಮವೈಕ್ಷತ ॥ 1 ॥

ತತಸ್ಸ್ರಗ್ದಾಮಸನ್ನದ್ಧನ್ದತ್ತಪಞ್ಚಾಙ್ಗುಲಂಶುಭಮ್ ।

ಆದದೇಪರಿಘಂವೀರೋಮಹೇನ್ದ್ರಶಿಖರೋಪಮಮ್ ॥ 2 ॥

ಹೇಮಪಟ್ಟಪರಿಕ್ಷಿಪ್ತಂವಜ್ರವಿದ್ರುಮಭೂಷಿತಮ್ ।

ಯಮದಣ್ಡೋಪಮಮ್ಭೀಮಂರಕ್ಷಸಾಮ್ಭಯನಾಶನಮ್ ॥ 3 ॥

ತಮಾವಿಧ್ಯಮಹಾತೇಜಾಶ್ಶಕ್ರಧ್ವಜಸಮನ್ತದಾ ।

ನಿನನಾದವಿವೃತ್ತಾಸ್ಯೋನಿಕುಮ್ಭೋಭೀಮವಿಕ್ರಮಃ ॥ 4 ॥

ಉರೋಗತೇನನಿಷ್ಕೇಣಭುಜಸ್ಥೈರಙ್ಗದೈರಪಿ ।

ಕುಣ್ಡಲಾಭ್ಯಾಂ ಚ ಚಿತ್ರಾಭ್ಯಾಮ್ಮಾಲಯಾ ಚ ವಿಚಿತ್ರಯಾ ॥ 5 ॥

ನಿಕುಮ್ಭೋಭೂಷಣೈರ್ಭಾತಿತೇನಸ್ಮಪರಿಘೇಣ ಚ ।

ಯಥೇನ್ದ್ರಧನುಷಾಮೇಘಸ್ಸವಿದ್ಯುತ್ಸ್ತನಯಿತ್ನುಮಾನ್ ॥ 6 ॥

ಪರಿಘಾಗ್ರೇಣ ಪುಸ್ಫೋಟ ವಾತಗ್ರನ್ಥಿರ್ಮಹಾತ್ಮನಃ ।

ಪ್ರಜಜ್ವಾಲ ಸಘೋಷಶ್ಚ ವಿಧೂಮ ಇವ ಪಾವಕಃ ॥ 7 ॥

ನಗರ್ಯಾವಿಟಪಾವತ್ಯಾಗನ್ಧರ್ವಭವನೋತ್ತಮೈಃ ।

ಸತಾರಗ್ರಹನಕ್ಷತ್ರಂಸಚನ್ದ್ರಂಸಮಹಾಗ್ರಹಮ್ ॥ 8 ॥

ನಿಕುಮ್ಭಪರಿಘಾಘೂರ್ಣಮ್ಭ್ರಮತೀವನಭಸ್ಥ್ಸಲಮ್ ।

ದುರಾಸದಶ್ಚಸಞ್ಜಜ್ಞೇಪರಿಘಾಭರಣಪ್ರಭಃ ॥ 9 ॥

ಕಪೀನಾಂಸನಿಕುಮ್ಭಾಗ್ನಿರ್ಯುಗಾನ್ತಾಗ್ನಿರಿವೋತ್ಥಿತಃ ।

ರಾಕ್ಷಸಾವಾನರಾಶ್ಚಾಪಿ ನ ಶೇಕುಸ್ಸ್ಪನ್ದಿತುಮ್ಭಯಾತ್ ॥ 10 ॥

ಹನೂಮಾಂಸ್ತುವಿವೃತ್ಯೋರಸ್ತಸ್ಥೌತಸ್ಯಾಗ್ರತೋಬಲೀ ।

ಪರಿಘೋಪಮಬಾಹುಸ್ತುಪರಿಘಮ್ಭಾಸ್ಕರಪ್ರಭಮ್ ॥ 11 ॥

ಬಲೀಬಲವತಸ್ತಸ್ಯಪಾತಯಾಮಾಸವಕ್ಷಸಿ ।

ಸ್ಥಿರೇತಸ್ಯೋರಸಿವ್ಯೂಢೇಪರಿಘಶ್ಶತಧಾಕೃತಃ ॥ 12 ॥

ವಿಕೀರ್ಯಮಾಣಸ್ಸಹಸಾಉಲ್ಕಾಶತಮಿವಾಮ್ಬರೇ ।

ಸ ತುತೇನಪ್ರಹಾರೇಣವಿಚಚಾಲಮಹಾಕಪಿಃ ॥ 13 ॥

ಪರಿಘೇಣಸಮಾಧೂತೋಯಥಾಭೂಮಿಚಲೇಽಚಲಃ ।

ತಥಾಭಿಹತಸ್ತೇನಹನುಮಾನ್ ಪ್ಲವಗೋತ್ತಮಃ ॥ 14 ॥

ಮುಷ್ಟಿಂಸಮ್ವರ್ತಯಾಮಾಸಬಲೇನಾತಿಮಹಾಬಲಃ ।

ತಮುದ್ಯಮ್ಯಮಹಾತೇಜಾನಿಕುಮ್ಭೋರಸಿವೀರ್ಯವಾನ್ ॥ 15 ॥

ಅಭಿಚಿಕ್ಷೇಪವೇಗೇನವೇಗವಾನ್ ವಾಯುವಿಕ್ರಮಃ ।

ತತಃಪುಸ್ಫೋಟಚರ್ಮಾಸ್ಯಪ್ರಸುಸ್ರಾವ ಚ ಶೋಣಿತಮ್ ॥ 16 ॥

ಮುಷ್ಟಿನಾತೇನಸಞ್ಜಜ್ಞೇಮೇಘೇವಿದ್ಯುದಿವೋತ್ಥಿತಾ ।

ಸಃತುತೇನಪ್ರಹಾರೇಣನಿಕುಮ್ಭೋವಿಚಚಾಲ ಹ ॥ 17 ॥

ಸ್ವಸ್ಥಶ್ಚಾಪಿನಿಜಗ್ರಾಹಹನೂಮನ್ತಮ್ಮಹಾಬಲಮ್ ।

ಚುಕ್ರುಶುಸ್ತದಾಸಙ್ಖ್ಯೇಭೀಮಂಲಙ್ಕಾನಿವಾಸಿನಃ ॥ 18 ॥

ನಿಕುಮ್ಭೇನೋದ್ಯತನ್ದೃಷ್ಟವಾಹನೂಮನ್ತಮ್ಮಹಾಬಲಮ್ ।

ತದಾಹ್ರಿಯಮಾಣೋಽಪಿಕುಮ್ಭಕರ್ಣಾತ್ಮಜೇನ ಹ ॥ 19 ॥

ಆಜಘಾನಾನಿಲಸುತೋವಜ್ರಕಲ್ಪೇನಮುಷ್ಟಿನಾ ।

ಆತ್ಮಾನಮ್ಮೋಕ್ಷಯಿತ್ವಾಥಕ್ಷಿತಾವಭ್ಯವಪದ್ಯತ ॥ 20 ॥

ಹನೂಮಾನುನ್ಮಮಾಥಾಶುನಿಕುಮ್ಭಮ್ಮಾರುತಾತ್ಮಜಃ ।

ನಿಕ್ಷಿಪ್ಯಪರಮಾಯತ್ತೋನಿಕುಮ್ಭನ್ನಿಷ್ಪಿಪೇಷ ಹ ॥ 21 ॥

ಉತ್ಪತ್ಯಚಾಸ್ಯವೇಗೇನಪಪಾತೋರಸಿವೀರ್ಯವಾನ್ ।

ಪರಿಗೃಹ್ಯ ಚ ಬಾಹುಭ್ಯಾಮ್ಪರಿವೃತ್ಯಶಿರೋಧರಾಮ್ ॥ 22 ॥

ಉತ್ಪಾಟಯಾಮಾನಶಿರೋಭೈರವನ್ನದತೋಮಹತ್ ।

ಅಥನಿನದತಿಸಾದಿತೇನಿಕುಮ್ಭೇಪವನಸುತೇನರಣೇಬಭೂವಯುದ್ಧಮ್ ।

ದಶರಥಸುತರಾಕ್ಷಸೇನ್ದ್ರಸೂನ್ವೋರ್ಭೃಶತರಮಾಗತರೋಷಯೋಸ್ಸುಭೀಮಮ್ ॥ 23 ॥

ವ್ಯಪೇತೇತುಜೀವೇನಿಕುಮ್ಭಸ್ಯಹೃಷ್ಟಾವಿನೇದುಃಪ್ಲವಙ್ಗಾದಿಶಸ್ಸಸ್ವನುಶ್ಚ ।

ಚಚಾಲೇವಚೋರ್ವೀಪಫಾಲೇವಚದ್ಯೌರ್ಭಯಂರಾಕ್ಷಸಾನಾಮ್ಬಲಞ್ಚಾವಿವೇಶ ॥ 24 ॥

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತಸಪ್ತತಿತಮಸ್ಸರ್ಗಃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha saptasaptatitamassargaḥ |

nikumbhobhrātarandṛṣṭavāsugrīveṇanipātitam |

pradahannivakopenavānarendramavaikṣata || 1 ||

tatassragdāmasannaddhandattapañcāṅgulaṃśubham |

ādadeparighaṃvīromahendraśikharopamam || 2 ||

hemapaṭṭaparikṣiptaṃvajravidrumabhūṣitam |

yamadaṇḍopamambhīmaṃrakṣasāmbhayanāśanam || 3 ||

tamāvidhyamahātejāśśakradhvajasamantadā |

ninanādavivṛttāsyonikumbhobhīmavikramaḥ || 4 ||

urogatenaniṣkeṇabhujasthairaṅgadairapi |

kuṇḍalābhyāṃ ca citrābhyāmmālayā ca vicitrayā || 5 ||

nikumbhobhūṣaṇairbhātitenasmaparigheṇa ca |

yathendradhanuṣāmeghassavidyutstanayitnumān || 6 ||

parighāgreṇa pusphoṭa vātagranthirmahātmanaḥ |

prajajvāla saghoṣaśca vidhūma iva pāvakaḥ || 7 ||

nagaryāviṭapāvatyāgandharvabhavanottamaiḥ |

satāragrahanakṣatraṃsacandraṃsamahāgraham || 8 ||

nikumbhaparighāghūrṇambhramatīvanabhasthsalam |

durāsadaścasañjajñeparighābharaṇaprabhaḥ || 9 ||

kapīnāṃsanikumbhāgniryugāntāgnirivotthitaḥ |

rākṣasāvānarāścāpi na śekusspanditumbhayāt || 10 ||

hanūmāṃstuvivṛtyorastasthautasyāgratobalī |

parighopamabāhustuparighambhāskaraprabham || 11 ||

balībalavatastasyapātayāmāsavakṣasi |

sthiretasyorasivyūḍheparighaśśatadhākṛtaḥ || 12 ||

vikīryamāṇassahasāulkāśatamivāmbare |

sa tutenaprahāreṇavicacālamahākapiḥ || 13 ||

parigheṇasamādhūtoyathābhūmicale'calaḥ |

tathābhihatastenahanumān plavagottamaḥ || 14 ||

muṣṭiṃsamvartayāmāsabalenātimahābalaḥ |

tamudyamyamahātejānikumbhorasivīryavān || 15 ||

abhicikṣepavegenavegavān vāyuvikramaḥ |

tataḥpusphoṭacarmāsyaprasusrāva ca śoṇitam || 16 ||

muṣṭinātenasañjajñemeghevidyudivotthitā |

saḥtutenaprahāreṇanikumbhovicacāla ha || 17 ||

svasthaścāpinijagrāhahanūmantammahābalam |

cukruśustadāsaṅkhyebhīmaṃlaṅkānivāsinaḥ || 18 ||

nikumbhenodyatandṛṣṭavāhanūmantammahābalam |

tadāhriyamāṇo'pikumbhakarṇātmajena ha || 19 ||

ājaghānānilasutovajrakalpenamuṣṭinā |

ātmānammokṣayitvāthakṣitāvabhyavapadyata || 20 ||

hanūmānunmamāthāśunikumbhammārutātmajaḥ |

nikṣipyaparamāyattonikumbhanniṣpipeṣa ha || 21 ||

utpatyacāsyavegenapapātorasivīryavān |

parigṛhya ca bāhubhyāmparivṛtyaśirodharām || 22 ||

utpāṭayāmānaśirobhairavannadatomahat |

athaninadatisāditenikumbhepavanasutenaraṇebabhūvayuddham |

daśarathasutarākṣasendrasūnvorbhṛśataramāgataroṣayossubhīmam || 23 ||

vyapetetujīvenikumbhasyahṛṣṭāvineduḥplavaṅgādiśassasvanuśca |

cacālevacorvīpaphālevacadyaurbhayaṃrākṣasānāmbalañcāviveśa || 24 ||

ityārṣe śrīmadrāmāyaṇe vālmīkīya ādikāvye yuddhakāṇḍe saptasaptatitamassargaḥ ||