Vishnu Shatpadi — InfoLyter.in

ॐ

ವಿಷ್ಣು ಷಟ್ಪದಿ

Vishnu Shatpadi

Vishnu Adi Shankaracharya Kannada

ಅವಿನಯಮಪನಯ ವಿಷ್ಣೋ ದಮಯ ಮನಃ ಶಮಯ ವಿಷಯಮೃಗತೃಷ್ಣಾಮ್ ।

ಭೂತದಯಾಂ ವಿಸ್ತಾರಯ ತಾರಯ ಸಂಸಾರಸಾಗರತಃ ॥ 1 ॥

ದಿವ್ಯಧುನೀಮಕರನ್ದೇ ಪರಿಮಲಪರಿಭೋಗಸಚ್ಚಿದಾನನ್ದೇ ।

ಶ್ರೀಪತಿಪದಾರವಿನ್ದೇ ಭವಭಯಖೇದಚ್ಛಿದೇ ವನ್ದೇ ॥ 2 ॥

ಸತ್ಯಪಿ ಭೇದಾಪಗಮೇ ನಾಥ ತವಾಽಹಂ ನ ಮಾಮಕೀನಸ್ತ್ವಮ್ ।

ಸಾಮುದ್ರೋ ಹಿ ತರಙ್ಗಃ ಕ್ವಚನ ಸಮುದ್ರೋ ನ ತಾರಙ್ಗಃ ॥ 3 ॥

ಉದ್ಧೃತನಗ ನಗಭಿದನುಜ ದನುಜಕುಲಾಮಿತ್ರ ಮಿತ್ರಶಶಿದೃಷ್ಟೇ ।

ದೃಷ್ಟೇ ಭವತಿ ಪ್ರಭವತಿ ನ ಭವತಿ ಕಿಂ ಭವತಿರಸ್ಕಾರಃ ॥ 4 ॥

ಮತ್ಸ್ಯಾದಿಭಿರವತಾರೈರವತಾರವತಾಽವತಾ ಸದಾ ವಸುಧಾಮ್ ।

ಪರಮೇಶ್ವರ ಪರಿಪಾಲ್ಯೋ ಭವತಾ ಭವತಾಪಭೀತೋಽಹಮ್ ॥ 5 ॥

ದಾಮೋದರ ಗುಣಮನ್ದಿರ ಸುನ್ದರವದನಾರವಿನ್ದ ಗೋವಿನ್ದ ।

ಭವಜಲಧಿಮಥನಮನ್ದರ ಪರಮಂ ದರಮಪನಯ ತ್ವಂ ಮೇ ॥ 6 ॥

ನಾರಾಯಣ ಕರುಣಾಮಯ ಶರಣಂ ಕರವಾಣಿ ತಾವಕೌ ಚರಣೌ ।

ಇತಿ ಷಟ್ಪದೀ ಮದೀಯೇ ವದನಸರೋಜೇ ಸದಾ ವಸತು ॥

ಇತಿ ಶ್ರೀಮಚ್ಚಙ್ಕರಾಚಾರ್ಯ ವಿರಚಿತಂ ಶ್ರೀ ವಿಷ್ಣು ಷಟ್ಪದೀ ಸ್ತೋತ್ರಂ ಸಮ್ಪೂರ್ಣಮ್

Roman (IAST) Transliteration

avinayamapanaya viṣṇo damaya manaḥ śamaya viṣayamṛgatṛṣṇām |

bhūtadayāṃ vistāraya tāraya saṃsārasāgarataḥ || 1 ||

divyadhunīmakarande parimalaparibhogasaccidānande |

śrīpatipadāravinde bhavabhayakhedacchide vande || 2 ||

satyapi bhedāpagame nātha tavā'haṃ na māmakīnastvam |

sāmudro hi taraṅgaḥ kvacana samudro na tāraṅgaḥ || 3 ||

uddhṛtanaga nagabhidanuja danujakulāmitra mitraśaśidṛṣṭe |

dṛṣṭe bhavati prabhavati na bhavati kiṃ bhavatiraskāraḥ || 4 ||

matsyādibhiravatārairavatāravatā'vatā sadā vasudhām |

parameśvara paripālyo bhavatā bhavatāpabhīto'ham || 5 ||

dāmodara guṇamandira sundaravadanāravinda govinda |

bhavajaladhimathanamandara paramaṃ daramapanaya tvaṃ me || 6 ||

nārāyaṇa karuṇāmaya śaraṇaṃ karavāṇi tāvakau caraṇau |

iti ṣaṭpadī madīye vadanasaroje sadā vasatu ||

iti śrīmaccaṅkarācārya viracitaṃ śrī viṣṇu ṣaṭpadī stotraṃ sampūrṇam