Surya Sahasra Nama Stotram

ॐ

ಸೂರ್ಯ ಸಹಸ್ರ ನಾಮ ಸ್ತೋತ್ರಮ್

Surya Stotram Kannada

ಅಸ್ಯ ಶ್ರೀ ಸೂರ್ಯ ಸಹಸ್ರನಾಮ ಸ್ತೋತ್ರಸ್ಯ ವೇದವ್ಯಾಸ ಋಷಿಃ ಅನುಷ್ಟುಪ್ಛನ್ದಃ ಸವಿತಾ ದೇವತಾ ಸರ್ವಾಭೀಷ್ಟ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್ ।

ಧ್ಯೇಯಃ ಸದಾ ಸವಿತೃಮಣ್ಡಲಮಧ್ಯವರ್ತೀ

ನಾರಾಯಣಃ ಸರಸಿಜಾಸನಸನ್ನಿವಿಷ್ಟಃ ।

ಕೇಯೂರವಾನ್ ಮಕರಕುಣ್ಡಲವಾನ್ ಕಿರೀಟೀ

ಹಾರೀ ಹಿರಣ್ಮಯವಪುರ್ಧೃತಶಙ್ಖಚಕ್ರಃ ॥

ಸ್ತೋತ್ರಮ್ ।

ಓಂ ವಿಶ್ವವಿದ್ವಿಶ್ವಜಿತ್ಕರ್ತಾ ವಿಶ್ವಾತ್ಮಾ ವಿಶ್ವತೋಮುಖಃ ।

ವಿಶ್ವೇಶ್ವರೋ ವಿಶ್ವಯೋನಿರ್ನಿಯತಾತ್ಮಾ ಜಿತೇನ್ದ್ರಿಯಃ ॥ 1 ॥

ಕಾಲಾಶ್ರಯಃ ಕಾಲಕರ್ತಾ ಕಾಲಹಾ ಕಾಲನಾಶನಃ ।

ಮಹಾಯೋಗೀ ಮಹಾಸಿದ್ಧಿರ್ಮಹಾತ್ಮಾ ಸುಮಹಾಬಲಃ ॥ 2 ॥

ಪ್ರಭುರ್ವಿಭುರ್ಭೂತನಾಥೋ ಭೂತಾತ್ಮಾ ಭುವನೇಶ್ವರಃ ।

ಭೂತಭವ್ಯೋ ಭಾವಿತಾತ್ಮಾ ಭೂತಾನ್ತಃಕರಣಂ ಶಿವಃ ॥ 3 ॥

ಶರಣ್ಯಃ ಕಮಲಾನನ್ದೋ ನನ್ದನೋ ನನ್ದವರ್ಧನಃ ।

ವರೇಣ್ಯೋ ವರದೋ ಯೋಗೀ ಸುಸಂಯುಕ್ತಃ ಪ್ರಕಾಶಕಃ ॥ 4 ॥

ಪ್ರಾಪ್ತಯಾನಃ ಪರಪ್ರಾಣಃ ಪೂತಾತ್ಮಾ ಪ್ರಿಯತಃ ಪ್ರಿಯಃ । [ಪ್ರಯತಃ]

ನಯಃ ಸಹಸ್ರಪಾತ್ ಸಾಧುರ್ದಿವ್ಯಕುಣ್ಡಲಮಣ್ಡಿತಃ ॥ 5 ॥

ಅವ್ಯಙ್ಗಧಾರೀ ಧೀರಾತ್ಮಾ ಸವಿತಾ ವಾಯುವಾಹನಃ ।

ಸಮಾಹಿತಮತಿರ್ದಾತಾ ವಿಧಾತಾ ಕೃತಮಙ್ಗಲಃ ॥ 6 ॥

ಕಪರ್ದೀ ಕಲ್ಪಪಾದ್ರುದ್ರಃ ಸುಮನಾ ಧರ್ಮವತ್ಸಲಃ ।

ಸಮಾಯುಕ್ತೋ ವಿಮುಕ್ತಾತ್ಮಾ ಕೃತಾತ್ಮಾ ಕೃತಿನಾಂ ವರಃ ॥ 7 ॥

ಅವಿಚಿನ್ತ್ಯವಪುಃ ಶ್ರೇಷ್ಠೋ ಮಹಾಯೋಗೀ ಮಹೇಶ್ವರಃ ।

ಕಾನ್ತಃ ಕಾಮಾರಿರಾದಿತ್ಯೋ ನಿಯತಾತ್ಮಾ ನಿರಾಕುಲಃ ॥ 8 ॥

ಕಾಮಃ ಕಾರುಣಿಕಃ ಕರ್ತಾ ಕಮಲಾಕರಬೋಧನಃ ।

ಸಪ್ತಸಪ್ತಿರಚಿನ್ತ್ಯಾತ್ಮಾ ಮಹಾಕಾರುಣಿಕೋತ್ತಮಃ ॥ 9 ॥

ಸಞ್ಜೀವನೋ ಜೀವನಾಥೋ ಜಯೋ ಜೀವೋ ಜಗತ್ಪತಿಃ ।

ಅಯುಕ್ತೋ ವಿಶ್ವನಿಲಯಃ ಸಂವಿಭಾಗೀ ವೃಷಧ್ವಜಃ ॥ 10 ॥

ವೃಷಾಕಪಿಃ ಕಲ್ಪಕರ್ತಾ ಕಲ್ಪಾನ್ತಕರಣೋ ರವಿಃ ।

ಏಕಚಕ್ರರಥೋ ಮೌನೀ ಸುರಥೋ ರಥಿನಾಂ ವರಃ ॥ 11 ॥

ಸಕ್ರೋಧನೋ ರಶ್ಮಿಮಾಲೀ ತೇಜೋರಾಶಿರ್ವಿಭಾವಸುಃ ।

ದಿವ್ಯಕೃದ್ದಿನಕೃದ್ದೇವೋ ದೇವದೇವೋ ದಿವಸ್ಪತಿಃ ॥ 12 ॥

ದೀನನಾಥೋ ಹರೋ ಹೋತಾ ದಿವ್ಯಬಾಹುರ್ದಿವಾಕರಃ ।

ಯಜ್ಞೋ ಯಜ್ಞಪತಿಃ ಪೂಷಾ ಸ್ವರ್ಣರೇತಾಃ ಪರಾವರಃ ॥ 13 ॥

ಪರಾಪರಜ್ಞಸ್ತರಣಿರಂಶುಮಾಲೀ ಮನೋಹರಃ ।

ಪ್ರಾಜ್ಞಃ ಪ್ರಾಜ್ಞಪತಿಃ ಸೂರ್ಯಃ ಸವಿತಾ ವಿಷ್ಣುರಂಶುಮಾನ್ ॥ 14 ॥

ಸದಾಗತಿರ್ಗನ್ಧವಹೋ ವಿಹಿತೋ ವಿಧಿರಾಶುಗಃ ।

ಪತಙ್ಗಃ ಪತಗಃ ಸ್ಥಾಣುರ್ವಿಹಙ್ಗೋ ವಿಹಗೋ ವರಃ ॥ 15 ॥

ಹರ್ಯಶ್ವೋ ಹರಿತಾಶ್ವಶ್ಚ ಹರಿದಶ್ವೋ ಜಗತ್ಪ್ರಿಯಃ ।

ತ್ರ್ಯಮ್ಬಕಃ ಸರ್ವದಮನೋ ಭಾವಿತಾತ್ಮಾ ಭಿಷಗ್ವರಃ ॥ 16 ॥

ಆಲೋಕಕೃಲ್ಲೋಕನಾಥೋ ಲೋಕಾಲೋಕನಮಸ್ಕೃತಃ ।

ಕಾಲಃ ಕಲ್ಪಾನ್ತಕೋ ವಹ್ನಿಸ್ತಪನಃ ಸಮ್ಪ್ರತಾಪನಃ ॥ 17 ॥

ವಿಲೋಚನೋ ವಿರೂಪಾಕ್ಷಃ ಸಹಸ್ರಾಕ್ಷಃ ಪುರನ್ದರಃ ।

ಸಹಸ್ರರಶ್ಮಿರ್ಮಿಹಿರೋ ವಿವಿಧಾಮ್ಬರಭೂಷಣಃ ॥ 18 ॥

ಖಗಃ ಪ್ರತರ್ದನೋ ಧನ್ಯೋ ಹಯಗೋ ವಾಗ್ವಿಶಾರದಃ ।

ಶ್ರೀಮಾನಶಿಶಿರೋ ವಾಗ್ಮೀ ಶ್ರೀಪತಿಃ ಶ್ರೀನಿಕೇತನಃ ॥ 19 ॥

ಶ್ರೀಕಣ್ಠಃ ಶ್ರೀಧರಃ ಶ್ರೀಮಾನ್ ಶ್ರೀನಿವಾಸೋ ವಸುಪ್ರದಃ ।

ಕಾಮಚಾರೀ ಮಹಾಮಾಯೋ ಮಹೋಗ್ರೋಽವಿದಿತಾಮಯಃ ॥ 20 ॥

ತೀರ್ಥಕ್ರಿಯಾವಾನ್ ಸುನಯೋ ವಿಭಕ್ತೋ ಭಕ್ತವತ್ಸಲಃ ।

ಕೀರ್ತಿಃ ಕೀರ್ತಿಕರೋ ನಿತ್ಯಃ ಕುಣ್ಡಲೀ ಕವಚೀ ರಥೀ ॥ 21 ॥

ಹಿರಣ್ಯರೇತಾಃ ಸಪ್ತಾಶ್ವಃ ಪ್ರಯತಾತ್ಮಾ ಪರನ್ತಪಃ ।

ಬುದ್ಧಿಮಾನಮರಶ್ರೇಷ್ಠೋ ರೋಚಿಷ್ಣುಃ ಪಾಕಶಾಸನಃ ॥ 22 ॥

ಸಮುದ್ರೋ ಧನದೋ ಧಾತಾ ಮಾನ್ಧಾತಾ ಕಶ್ಮಲಾಪಹಃ ।

ತಮೋಘ್ನೋ ಧ್ವಾನ್ತಹಾ ವಹ್ನಿರ್ಹೋತಾಽನ್ತಃಕರಣೋ ಗುಹಃ ॥ 23 ॥

ಪಶುಮಾನ್ ಪ್ರಯತಾನನ್ದೋ ಭೂತೇಶಃ ಶ್ರೀಮತಾಂ ವರಃ ।

ನಿತ್ಯೋಽದಿತೋ ನಿತ್ಯರಥಃ ಸುರೇಶಃ ಸುರಪೂಜಿತಃ ॥ 24 ॥

ಅಜಿತೋ ವಿಜಿತೋ ಜೇತಾ ಜಙ್ಗಮಸ್ಥಾವರಾತ್ಮಕಃ ।

ಜೀವಾನನ್ದೋ ನಿತ್ಯಗಾಮೀ ವಿಜೇತಾ ವಿಜಯಪ್ರದಃ ॥ 25 ॥

ಪರ್ಜನ್ಯೋಽಗ್ನಿಃ ಸ್ಥಿತಿಃ ಸ್ಥೇಯಃ ಸ್ಥವಿರೋಽಥ ನಿರಞ್ಜನಃ ।

ಪ್ರದ್ಯೋತನೋ ರಥಾರೂಢಃ ಸರ್ವಲೋಕಪ್ರಕಾಶಕಃ ॥ 26 ॥

ಧ್ರುವೋ ಮೇಷೀ ಮಹಾವೀರ್ಯೋ ಹಂಸಃ ಸಂಸಾರತಾರಕಃ ।

ಸೃಷ್ಟಿಕರ್ತಾ ಕ್ರಿಯಾಹೇತುರ್ಮಾರ್ತಣ್ಡೋ ಮರುತಾಂ ಪತಿಃ ॥ 27 ॥

ಮರುತ್ವಾನ್ ದಹನಸ್ತ್ವಷ್ಟಾ ಭಗೋ ಭರ್ಗೋಽರ್ಯಮಾ ಕಪಿಃ ।

ವರುಣೇಶೋ ಜಗನ್ನಾಥಃ ಕೃತಕೃತ್ಯಃ ಸುಲೋಚನಃ ॥ 28 ॥

ವಿವಸ್ವಾನ್ ಭಾನುಮಾನ್ ಕಾರ್ಯಃ ಕಾರಣಸ್ತೇಜಸಾಂ ನಿಧಿಃ ।

ಅಸಙ್ಗಗಾಮೀ ತಿಗ್ಮಾಂಶುರ್ಧರ್ಮಾಂಶುರ್ದೀಪ್ತದೀಧಿತಿಃ ॥ 29 ॥

ಸಹಸ್ರದೀಧಿತಿರ್ಬ್ರಧ್ನಃ ಸಹಸ್ರಾಂಶುರ್ದಿವಾಕರಃ ।

ಗಭಸ್ತಿಮಾನ್ ದೀಧಿತಿಮಾನ್ ಸ್ರಗ್ವೀ ಮಣಿಕುಲದ್ಯುತಿಃ ॥ 30 ॥

ಭಾಸ್ಕರಃ ಸುರಕಾರ್ಯಜ್ಞಃ ಸರ್ವಜ್ಞಸ್ತೀಕ್ಷ್ಣದೀಧಿತಿಃ ।

ಸುರಜ್ಯೇಷ್ಠಃ ಸುರಪತಿರ್ಬಹುಜ್ಞೋ ವಚಸಾಂ ಪತಿಃ ॥ 31 ॥

ತೇಜೋನಿಧಿರ್ಬೃಹತ್ತೇಜಾ ಬೃಹತ್ಕೀರ್ತಿರ್ಬೃಹಸ್ಪತಿಃ ।

ಅಹಿಮಾನೂರ್ಜಿತೋ ಧೀಮಾನಾಮುಕ್ತಃ ಕೀರ್ತಿವರ್ಧನಃ ॥ 32 ॥

ಮಹಾವೈದ್ಯೋ ಗಣಪತಿರ್ಧನೇಶೋ ಗಣನಾಯಕಃ ।

ತೀವ್ರಪ್ರತಾಪನಸ್ತಾಪೀ ತಾಪನೋ ವಿಶ್ವತಾಪನಃ ॥ 33 ॥

ಕಾರ್ತಸ್ವರೋ ಹೃಷೀಕೇಶಃ ಪದ್ಮಾನನ್ದೋಽತಿನನ್ದಿತಃ ।

ಪದ್ಮನಾಭೋಽಮೃತಾಹಾರಃ ಸ್ಥಿತಿಮಾನ್ ಕೇತುಮಾನ್ ನಭಃ ॥ 34 ॥

ಅನಾದ್ಯನ್ತೋಽಚ್ಯುತೋ ವಿಶ್ವೋ ವಿಶ್ವಾಮಿತ್ರೋ ಘೃಣಿರ್ವಿರಾಟ್ ।

ಆಮುಕ್ತಕವಚೋ ವಾಗ್ಮೀ ಕಞ್ಚುಕೀ ವಿಶ್ವಭಾವನಃ ॥ 35 ॥

ಅನಿಮಿತ್ತಗತಿಃ ಶ್ರೇಷ್ಠಃ ಶರಣ್ಯಃ ಸರ್ವತೋಮುಖಃ ।

ವಿಗಾಹೀ ವೇಣುರಸಹಃ ಸಮಾಯುಕ್ತಃ ಸಮಾಕ್ರತುಃ ॥ 36 ॥

ಧರ್ಮಕೇತುರ್ಧರ್ಮರತಿಃ ಸಂಹರ್ತಾ ಸಂಯಮೋ ಯಮಃ ।

ಪ್ರಣತಾರ್ತಿಹರೋ ವಾಯುಃ ಸಿದ್ಧಕಾರ್ಯೋ ಜನೇಶ್ವರಃ ॥ 37 ॥

ನಭೋ ವಿಗಾಹನಃ ಸತ್ಯಃ ಸವಿತಾತ್ಮಾ ಮನೋಹರಃ ।

ಹಾರೀ ಹರಿರ್ಹರೋ ವಾಯುರೃತುಃ ಕಾಲಾನಲದ್ಯುತಿಃ ॥ 38 ॥

ಸುಖಸೇವ್ಯೋ ಮಹಾತೇಜಾ ಜಗತಾಮೇಕಕಾರಣಮ್ ।

ಮಹೇನ್ದ್ರೋ ವಿಷ್ಟುತಃ ಸ್ತೋತ್ರಂ ಸ್ತುತಿಹೇತುಃ ಪ್ರಭಾಕರಃ ॥ 39 ॥

ಸಹಸ್ರಕರ ಆಯುಷ್ಮಾನ್ ಅರೋಷಃ ಸುಖದಃ ಸುಖೀ ।

ವ್ಯಾಧಿಹಾ ಸುಖದಃ ಸೌಖ್ಯಂ ಕಲ್ಯಾಣಃ ಕಲತಾಂ ವರಃ ॥ 40 ॥

ಆರೋಗ್ಯಕಾರಣಂ ಸಿದ್ಧಿರೃದ್ಧಿರ್ವೃದ್ಧಿರ್ಬೃಹಸ್ಪತಿಃ ।

ಹಿರಣ್ಯರೇತಾ ಆರೋಗ್ಯಂ ವಿದ್ವಾನ್ ಬ್ರಧ್ನೋ ಬುಧೋ ಮಹಾನ್ ॥ 41 ॥

ಪ್ರಾಣವಾನ್ ಧೃತಿಮಾನ್ ಘರ್ಮೋ ಘರ್ಮಕರ್ತಾ ರುಚಿಪ್ರದಃ ।

ಸರ್ವಪ್ರಿಯಃ ಸರ್ವಸಹಃ ಸರ್ವಶತ್ರುವಿನಾಶನಃ ॥ 42 ॥

ಪ್ರಾಂಶುರ್ವಿದ್ಯೋತನೋ ದ್ಯೋತಃ ಸಹಸ್ರಕಿರಣಃ ಕೃತೀ ।

ಕೇಯೂರೀ ಭೂಷಣೋದ್ಭಾಸೀ ಭಾಸಿತೋ ಭಾಸನೋಽನಲಃ ॥ 43 ॥

ಶರಣ್ಯಾರ್ತಿಹರೋ ಹೋತಾ ಖದ್ಯೋತಃ ಖಗಸತ್ತಮಃ ।

ಸರ್ವದ್ಯೋತೋ ಭವದ್ಯೋತಃ ಸರ್ವದ್ಯುತಿಕರೋ ಮತಃ ॥ 44 ॥

ಕಲ್ಯಾಣಃ ಕಲ್ಯಾಣಕರಃ ಕಲ್ಯಃ ಕಲ್ಯಕರಃ ಕವಿಃ ।

ಕಲ್ಯಾಣಕೃತ್ ಕಲ್ಯವಪುಃ ಸರ್ವಕಲ್ಯಾಣಭಾಜನಮ್ ॥ 45 ॥

ಶಾನ್ತಿಪ್ರಿಯಃ ಪ್ರಸನ್ನಾತ್ಮಾ ಪ್ರಶಾನ್ತಃ ಪ್ರಶಮಪ್ರಿಯಃ ।

ಉದಾರಕರ್ಮಾ ಸುನಯಃ ಸುವರ್ಚಾ ವರ್ಚಸೋಜ್ಜ್ವಲಃ ॥ 46 ॥

ವರ್ಚಸ್ವೀ ವರ್ಚಸಾಮೀಶಸ್ತ್ರೈಲೋಕ್ಯೇಶೋ ವಶಾನುಗಃ ।

ತೇಜಸ್ವೀ ಸುಯಶಾ ವರ್ಷ್ಮೀ ವರ್ಣಾಧ್ಯಕ್ಷೋ ಬಲಿಪ್ರಿಯಃ ॥ 47 ॥

ಯಶಸ್ವೀ ತೇಜೋನಿಲಯಸ್ತೇಜಸ್ವೀ ಪ್ರಕೃತಿಸ್ಥಿತಃ ।

ಆಕಾಶಗಃ ಶೀಘ್ರಗತಿರಾಶುಗೋ ಗತಿಮಾನ್ ಖಗಃ ॥ 48 ॥

ಗೋಪತಿರ್ಗ್ರಹದೇವೇಶೋ ಗೋಮಾನೇಕಃ ಪ್ರಭಞ್ಜನಃ ।

ಜನಿತಾ ಪ್ರಜನೋ ಜೀವೋ ದೀಪಃ ಸರ್ವಪ್ರಕಾಶಕಃ ॥ 49 ॥

ಸರ್ವಸಾಕ್ಷೀ ಯೋಗನಿತ್ಯೋ ನಭಸ್ವಾನಸುರಾನ್ತಕಃ ।

ರಕ್ಷೋಘ್ನೋ ವಿಘ್ನಶಮನಃ ಕಿರೀಟೀ ಸುಮನಃಪ್ರಿಯಃ ॥ 50 ॥

ಮರೀಚಿಮಾಲೀ ಸುಮತಿಃ ಕೃತಾಭಿಖ್ಯವಿಶೇಷಕಃ ।

ಶಿಷ್ಟಾಚಾರಃ ಶುಭಾಚಾರಃ ಸ್ವಚಾರಾಚಾರತತ್ಪರಃ ॥ 51 ॥

ಮನ್ದಾರೋ ಮಾಠರೋ ವೇಣುಃ ಕ್ಷುಧಾಪಃ ಕ್ಷ್ಮಾಪತಿರ್ಗುರುಃ ।

ಸುವಿಶಿಷ್ಟೋ ವಿಶಿಷ್ಟಾತ್ಮಾ ವಿಧೇಯೋ ಜ್ಞಾನಶೋಭನಃ ॥ 52 ॥

ಮಹಾಶ್ವೇತಃ ಪ್ರಿಯೋ ಜ್ಞೇಯಃ ಸಾಮಗೋ ಮೋಕ್ಷದಾಯಕಃ ।

ಸರ್ವವೇದಪ್ರಗೀತಾತ್ಮಾ ಸರ್ವವೇದಲಯೋ ಮಹಾನ್ ॥ 53 ॥

ವೇದಮೂರ್ತಿಶ್ಚತುರ್ವೇದೋ ವೇದಭೃದ್ವೇದಪಾರಗಃ ।

ಕ್ರಿಯಾವಾನಸಿತೋ ಜಿಷ್ಣುರ್ವರೀಯಾಂಶುರ್ವರಪ್ರದಃ ॥ 54 ॥

ವ್ರತಚಾರೀ ವ್ರತಧರೋ ಲೋಕಬನ್ಧುರಲಙ್ಕೃತಃ ।

ಅಲಙ್ಕಾರಾಕ್ಷರೋ ವೇದ್ಯೋ ವಿದ್ಯಾವಾನ್ ವಿದಿತಾಶಯಃ ॥ 55 ॥

ಆಕಾರೋ ಭೂಷಣೋ ಭೂಷ್ಯೋ ಭೂಷ್ಣುರ್ಭುವನಪೂಜಿತಃ ।

ಚಕ್ರಪಾಣಿರ್ಧ್ವಜಧರಃ ಸುರೇಶೋ ಲೋಕವತ್ಸಲಃ ॥ 56 ॥

ವಾಗ್ಮಿಪತಿರ್ಮಹಾಬಾಹುಃ ಪ್ರಕೃತಿರ್ವಿಕೃತಿರ್ಗುಣಃ ।

ಅನ್ಧಕಾರಾಪಹಃ ಶ್ರೇಷ್ಠೋ ಯುಗಾವರ್ತೋ ಯುಗಾದಿಕೃತ್ ॥ 57 ॥

ಅಪ್ರಮೇಯಃ ಸದಾಯೋಗೀ ನಿರಹಙ್ಕಾರ ಈಶ್ವರಃ ।

ಶುಭಪ್ರದಃ ಶುಭಃ ಶಾಸ್ತಾ ಶುಭಕರ್ಮಾ ಶುಭಪ್ರದಃ ॥ 58 ॥

ಸತ್ಯವಾನ್ ಶ್ರುತಿಮಾನುಚ್ಚೈರ್ನಕಾರೋ ವೃದ್ಧಿದೋಽನಲಃ ।

ಬಲಭೃದ್ಬಲದೋ ಬನ್ಧುರ್ಮತಿಮಾನ್ ಬಲಿನಾಂ ವರಃ ॥ 59 ॥

ಅನಙ್ಗೋ ನಾಗರಾಜೇನ್ದ್ರಃ ಪದ್ಮಯೋನಿರ್ಗಣೇಶ್ವರಃ ।

ಸಂವತ್ಸರ ಋತುರ್ನೇತಾ ಕಾಲಚಕ್ರಪ್ರವರ್ತಕಃ ॥ 60 ॥

ಪದ್ಮೇಕ್ಷಣಃ ಪದ್ಮಯೋನಿಃ ಪ್ರಭಾವಾನಮರಃ ಪ್ರಭುಃ ।

ಸುಮೂರ್ತಿಃ ಸುಮತಿಃ ಸೋಮೋ ಗೋವಿನ್ದೋ ಜಗದಾದಿಜಃ ॥ 61 ॥

ಪೀತವಾಸಾಃ ಕೃಷ್ಣವಾಸಾ ದಿಗ್ವಾಸಾಸ್ತ್ವಿನ್ದ್ರಿಯಾತಿಗಃ ।

ಅತೀನ್ದ್ರಿಯೋಽನೇಕರೂಪಃ ಸ್ಕನ್ದಃ ಪರಪುರಞ್ಜಯಃ ॥ 62 ॥

ಶಕ್ತಿಮಾನ್ ಜಲಧೃಗ್ಭಾಸ್ವಾನ್ ಮೋಕ್ಷಹೇತುರಯೋನಿಜಃ ।

ಸರ್ವದರ್ಶೀ ಜಿತಾದರ್ಶೋ ದುಃಸ್ವಪ್ನಾಶುಭನಾಶನಃ ॥ 63 ॥

ಮಾಙ್ಗಲ್ಯಕರ್ತಾ ತರಣಿರ್ವೇಗವಾನ್ ಕಶ್ಮಲಾಪಹಃ ।

ಸ್ಪಷ್ಟಾಕ್ಷರೋ ಮಹಾಮನ್ತ್ರೋ ವಿಶಾಖೋ ಯಜನಪ್ರಿಯಃ ॥ 64 ॥

ವಿಶ್ವಕರ್ಮಾ ಮಹಾಶಕ್ತಿರ್ದ್ಯುತಿರೀಶೋ ವಿಹಙ್ಗಮಃ ।

ವಿಚಕ್ಷಣೋ ದಕ್ಷ ಇನ್ದ್ರಃ ಪ್ರತ್ಯೂಷಃ ಪ್ರಿಯದರ್ಶನಃ ॥ 65 ॥

ಅಖಿನ್ನೋ ವೇದನಿಲಯೋ ವೇದವಿದ್ವಿದಿತಾಶಯಃ ।

ಪ್ರಭಾಕರೋ ಜಿತರಿಪುಃ ಸುಜನೋಽರುಣಸಾರಥಿಃ ॥ 66 ॥

ಕುನಾಶೀ ಸುರತಃ ಸ್ಕನ್ದೋ ಮಹಿತೋಽಭಿಮತೋ ಗುರುಃ ।

ಗ್ರಹರಾಜೋ ಗ್ರಹಪತಿರ್ಗ್ರಹನಕ್ಷತ್ರಮಣ್ಡಲಃ ॥ 67 ॥

ಭಾಸ್ಕರಃ ಸತತಾನನ್ದೋ ನನ್ದನೋ ನರವಾಹನಃ ।

ಮಙ್ಗಲೋಽಥ ಮಙ್ಗಲವಾನ್ ಮಾಙ್ಗಲ್ಯೋ ಮಙ್ಗಲಾವಹಃ ॥ 68 ॥

ಮಙ್ಗಲ್ಯಚಾರುಚರಿತಃ ಶೀರ್ಣಃ ಸರ್ವವ್ರತೋ ವ್ರತೀ ।

ಚತುರ್ಮುಖಃ ಪದ್ಮಮಾಲೀ ಪೂತಾತ್ಮಾ ಪ್ರಣತಾರ್ತಿಹಾ ॥ 69 ॥

ಅಕಿಞ್ಚನಃ ಸತಾಮೀಶೋ ನಿರ್ಗುಣೋ ಗುಣವಾಞ್ಛುಚಿಃ ।

ಸಮ್ಪೂರ್ಣಃ ಪುಣ್ಡರೀಕಾಕ್ಷೋ ವಿಧೇಯೋ ಯೋಗತತ್ಪರಃ ॥ 70 ॥

ಸಹಸ್ರಾಂಶುಃ ಕ್ರತುಮತಿಃ ಸರ್ವಜ್ಞಃ ಸುಮತಿಃ ಸುವಾಕ್ ।

ಸುವಾಹನೋ ಮಾಲ್ಯದಾಮಾ ಕೃತಾಹಾರೋ ಹರಿಪ್ರಿಯಃ ॥ 71 ॥

ಬ್ರಹ್ಮಾ ಪ್ರಚೇತಾಃ ಪ್ರಥಿತಃ ಪ್ರಯತಾತ್ಮಾ ಸ್ಥಿರಾತ್ಮಕಃ ।

ಶತವಿನ್ದುಃ ಶತಮುಖೋ ಗರೀಯಾನನಲಪ್ರಭಃ ॥ 72 ॥

ಧೀರೋ ಮಹತ್ತರೋ ವಿಪ್ರಃ ಪುರಾಣಪುರುಷೋತ್ತಮಃ ।

ವಿದ್ಯಾರಾಜಾಧಿರಾಜೋ ಹಿ ವಿದ್ಯಾವಾನ್ ಭೂತಿದಃ ಸ್ಥಿತಃ ॥ 73 ॥

ಅನಿರ್ದೇಶ್ಯವಪುಃ ಶ್ರೀಮಾನ್ ವಿಪಾಪ್ಮಾ ಬಹುಮಙ್ಗಲಃ ।

ಸ್ವಃಸ್ಥಿತಃ ಸುರಥಃ ಸ್ವರ್ಣೋ ಮೋಕ್ಷದೋ ಬಲಿಕೇತನಃ ॥ 74 ॥

ನಿರ್ದ್ವನ್ದ್ವೋ ದ್ವನ್ದ್ವಹಾ ಸ್ವರ್ಗಃ ಸರ್ವಗಃ ಸಮ್ಪ್ರಕಾಶಕಃ ।

ದಯಾಲುಃ ಸೂಕ್ಷ್ಮಧೀಃ ಕ್ಷಾನ್ತಿಃ ಕ್ಷೇಮಾಕ್ಷೇಮಸ್ಥಿತಿಪ್ರಿಯಃ ॥ 75 ॥

ಭೂಧರೋ ಭೂಪತಿರ್ವಕ್ತಾ ಪವಿತ್ರಾತ್ಮಾ ತ್ರಿಲೋಚನಃ ।

ಮಹಾವರಾಹಃ ಪ್ರಿಯಕೃದ್ದಾತಾ ಭೋಕ್ತಾಽಭಯಪ್ರದಃ ॥ 76 ॥

ಚಕ್ರವರ್ತೀ ಧೃತಿಕರಃ ಸಮ್ಪೂರ್ಣೋಽಥ ಮಹೇಶ್ವರಃ ।

ಚತುರ್ವೇದಧರೋಽಚಿನ್ತ್ಯೋ ವಿನಿನ್ದ್ಯೋ ವಿವಿಧಾಶನಃ ॥ 77 ॥

ವಿಚಿತ್ರರಥ ಏಕಾಕೀ ಸಪ್ತಸಪ್ತಿಃ ಪರಾತ್ಪರಃ ।

ಸರ್ವೋದಧಿಸ್ಥಿತಿಕರಃ ಸ್ಥಿತಿಸ್ಥೇಯಃ ಸ್ಥಿತಿಪ್ರಿಯಃ ॥ 78 ॥

ನಿಷ್ಕಲಃ ಪುಷ್ಕಲೋ ವಿಭುರ್ವಸುಮಾನ್ ವಾಸವಪ್ರಿಯಃ ।

ಪಶುಮಾನ್ ವಾಸವಸ್ವಾಮೀ ವಸುಧಾಮಾ ವಸುಪ್ರದಃ ॥ 79 ॥

ಬಲವಾನ್ ಜ್ಞಾನವಾಂಸ್ತತ್ತ್ವಮೋಙ್ಕಾರಸ್ತ್ರಿಷುಸಂಸ್ಥಿತಃ ।

ಸಙ್ಕಲ್ಪಯೋನಿರ್ದಿನಕೃದ್ಭಗವಾನ್ ಕಾರಣಾಪಹಃ ॥ 80 ॥

ನೀಲಕಣ್ಠೋ ಧನಾಧ್ಯಕ್ಷಶ್ಚತುರ್ವೇದಪ್ರಿಯಂವದಃ ।

ವಷಟ್ಕಾರೋದ್ಗಾತಾ ಹೋತಾ ಸ್ವಾಹಾಕಾರೋ ಹುತಾಹುತಿಃ ॥ 81 ॥

ಜನಾರ್ದನೋ ಜನಾನನ್ದೋ ನರೋ ನಾರಾಯಣೋಽಮ್ಬುದಃ ।

ಸನ್ದೇಹನಾಶನೋ ವಾಯುರ್ಧನ್ವೀ ಸುರನಮಸ್ಕೃತಃ ॥ 82 ॥

ವಿಗ್ರಹೀ ವಿಮಲೋ ವಿನ್ದುರ್ವಿಶೋಕೋ ವಿಮಲದ್ಯುತಿಃ ।

ದ್ಯುತಿಮಾನ್ ದ್ಯೋತನೋ ವಿದ್ಯುದ್ವಿದ್ಯಾವಾನ್ ವಿದಿತೋ ಬಲೀ ॥ 83 ॥

ಘರ್ಮದೋ ಹಿಮದೋ ಹಾಸಃ ಕೃಷ್ಣವರ್ತ್ಮಾ ಸುತಾಜಿತಃ ।

ಸಾವಿತ್ರೀಭಾವಿತೋ ರಾಜಾ ವಿಶ್ವಾಮಿತ್ರೋ ಘೃಣಿರ್ವಿರಾಟ್ ॥ 84 ॥

ಸಪ್ತಾರ್ಚಿಃ ಸಪ್ತತುರಗಃ ಸಪ್ತಲೋಕನಮಸ್ಕೃತಃ ।

ಸಮ್ಪೂರ್ಣೋಽಥ ಜಗನ್ನಾಥಃ ಸುಮನಾಃ ಶೋಭನಪ್ರಿಯಃ ॥ 85 ॥

ಸರ್ವಾತ್ಮಾ ಸರ್ವಕೃತ್ ಸೃಷ್ಟಿಃ ಸಪ್ತಿಮಾನ್ ಸಪ್ತಮೀಪ್ರಿಯಃ ।

ಸುಮೇಧಾ ಮೇಧಿಕೋ ಮೇಧ್ಯೋ ಮೇಧಾವೀ ಮಧುಸೂದನಃ ॥ 86 ॥

ಅಙ್ಗಿರಃಪತಿಃ ಕಾಲಜ್ಞೋ ಧೂಮಕೇತುಃ ಸುಕೇತನಃ ।

ಸುಖೀ ಸುಖಪ್ರದಃ ಸೌಖ್ಯಃ ಕಾನ್ತಿಃ ಕಾನ್ತಿಪ್ರಿಯೋ ಮುನಿಃ ॥ 87 ॥

ಸನ್ತಾಪನಃ ಸನ್ತಪನ ಆತಪಸ್ತಪಸಾಂ ಪತಿಃ ।

ಉಮಾಪತಿಃ ಸಹಸ್ರಾಂಶುಃ ಪ್ರಿಯಕಾರೀ ಪ್ರಿಯಙ್ಕರಃ ॥ 88 ॥

ಪ್ರೀತಿರ್ವಿಮನ್ಯುರಮ್ಭೋತ್ಥಃ ಖಞ್ಜನೋ ಜಗತಾಂ ಪತಿಃ ।

ಜಗತ್ಪಿತಾ ಪ್ರೀತಮನಾಃ ಸರ್ವಃ ಖರ್ವೋ ಗುಹೋಽಚಲಃ ॥ 89 ॥

ಸರ್ವಗೋ ಜಗದಾನನ್ದೋ ಜಗನ್ನೇತಾ ಸುರಾರಿಹಾ ।

ಶ್ರೇಯಃ ಶ್ರೇಯಸ್ಕರೋ ಜ್ಯಾಯಾನ್ ಮಹಾನುತ್ತಮ ಉದ್ಭವಃ ॥ 90 ॥

ಉತ್ತಮೋ ಮೇರುಮೇಯೋಽಥ ಧರಣೋ ಧರಣೀಧರಃ ।

ಧರಾಧ್ಯಕ್ಷೋ ಧರ್ಮರಾಜೋ ಧರ್ಮಾಧರ್ಮಪ್ರವರ್ತಕಃ ॥ 91 ॥

ರಥಾಧ್ಯಕ್ಷೋ ರಥಗತಿಸ್ತರುಣಸ್ತನಿತೋಽನಲಃ ।

ಉತ್ತರೋಽನುತ್ತರಸ್ತಾಪೀ ಅವಾಕ್ಪತಿರಪಾಂ ಪತಿಃ ॥ 92 ॥

ಪುಣ್ಯಸಙ್ಕೀರ್ತನಃ ಪುಣ್ಯೋ ಹೇತುರ್ಲೋಕತ್ರಯಾಶ್ರಯಃ ।

ಸ್ವರ್ಭಾನುರ್ವಿಗತಾನನ್ದೋ ವಿಶಿಷ್ಟೋತ್ಕೃಷ್ಟಕರ್ಮಕೃತ್ ॥ 93 ॥

ವ್ಯಾಧಿಪ್ರಣಾಶನಃ ಕ್ಷೇಮಃ ಶೂರಃ ಸರ್ವಜಿತಾಂ ವರಃ ।

ಏಕರಥೋ ರಥಾಧೀಶಃ ಪಿತಾ ಶನೈಶ್ಚರಸ್ಯ ಹಿ ॥ 94 ॥

ವೈವಸ್ವತಗುರುರ್ಮೃತ್ಯುರ್ಧರ್ಮನಿತ್ಯೋ ಮಹಾವ್ರತಃ ।

ಪ್ರಲಮ್ಬಹಾರಸಞ್ಚಾರೀ ಪ್ರದ್ಯೋತೋ ದ್ಯೋತಿತಾನಲಃ ॥ 95 ॥

ಸನ್ತಾಪಹೃತ್ ಪರೋ ಮನ್ತ್ರೋ ಮನ್ತ್ರಮೂರ್ತಿರ್ಮಹಾಬಲಃ ।

ಶ್ರೇಷ್ಠಾತ್ಮಾ ಸುಪ್ರಿಯಃ ಶಮ್ಭುರ್ಮರುತಾಮೀಶ್ವರೇಶ್ವರಃ ॥ 96 ॥

ಸಂಸಾರಗತಿವಿಚ್ಚೇತ್ತಾ ಸಂಸಾರಾರ್ಣವತಾರಕಃ ।

ಸಪ್ತಜಿಹ್ವಃ ಸಹಸ್ರಾರ್ಚೀ ರತ್ನಗರ್ಭೋಽಪರಾಜಿತಃ ॥ 97 ॥

ಧರ್ಮಕೇತುರಮೇಯಾತ್ಮಾ ಧರ್ಮಾಧರ್ಮವರಪ್ರದಃ ।

ಲೋಕಸಾಕ್ಷೀ ಲೋಕಗುರುರ್ಲೋಕೇಶಶ್ಚಣ್ಡವಾಹನಃ ॥ 98 ॥

ಧರ್ಮಯೂಪೋ ಯೂಪವೃಕ್ಷೋ ಧನುಷ್ಪಾಣಿರ್ಧನುರ್ಧರಃ ।

ಪಿನಾಕಧೃಙ್ಮಹೋತ್ಸಾಹೋ ಮಹಾಮಾಯೋ ಮಹಾಶನಃ ॥ 99 ॥

ವೀರಃ ಶಕ್ತಿಮತಾಂ ಶ್ರೇಷ್ಠಃ ಸರ್ವಶಸ್ತ್ರಭೃತಾಂ ವರಃ ।

ಜ್ಞಾನಗಮ್ಯೋ ದುರಾರಾಧ್ಯೋ ಲೋಹಿತಾಙ್ಗೋ ವಿವರ್ಧನಃ ॥ 100 ॥

ಖಗೋಽನ್ಧೋ ಧರ್ಮದೋ ನಿತ್ಯೋ ಧರ್ಮಕೃಚ್ಚಿತ್ರವಿಕ್ರಮಃ ।

ಭಗವಾನಾತ್ಮವಾನ್ ಮನ್ತ್ರಸ್ತ್ರ್ಯಕ್ಷರೋ ನೀಲಲೋಹಿತಃ ॥ 101 ॥

ಏಕೋಽನೇಕಸ್ತ್ರಯೀ ಕಾಲಃ ಸವಿತಾ ಸಮಿತಿಞ್ಜಯಃ ।

ಶಾರ್ಙ್ಗಧನ್ವಾಽನಲೋ ಭೀಮಃ ಸರ್ವಪ್ರಹರಣಾಯುಧಃ ॥ 102 ॥

ಸುಕರ್ಮಾ ಪರಮೇಷ್ಠೀ ಚ ನಾಕಪಾಲೀ ದಿವಿಸ್ಥಿತಃ ।

ವದಾನ್ಯೋ ವಾಸುಕಿರ್ವೈದ್ಯ ಆತ್ರೇಯೋಽಥ ಪರಾಕ್ರಮಃ ॥ 103 ॥

ದ್ವಾಪರಃ ಪರಮೋದಾರಃ ಪರಮೋ ಬ್ರಹ್ಮಚರ್ಯವಾನ್ ।

ಉದೀಚ್ಯವೇಷೋ ಮುಕುಟೀ ಪದ್ಮಹಸ್ತೋ ಹಿಮಾಂಶುಭೃತ್ ॥ 104 ॥

ಸಿತಃ ಪ್ರಸನ್ನವದನಃ ಪದ್ಮೋದರನಿಭಾನನಃ ।

ಸಾಯಂ ದಿವಾ ದಿವ್ಯವಪುರನಿರ್ದೇಶ್ಯೋ ಮಹಾಲಯಃ ॥ 105 ॥

ಮಹಾರಥೋ ಮಹಾನೀಶಃ ಶೇಷಃ ಸತ್ತ್ವರಜಸ್ತಮಃ ।

ಧೃತಾತಪತ್ರಪ್ರತಿಮೋ ವಿಮರ್ಷೀ ನಿರ್ಣಯಃ ಸ್ಥಿತಃ ॥ 106 ॥

ಅಹಿಂಸಕಃ ಶುದ್ಧಮತಿರದ್ವಿತೀಯೋ ವಿವರ್ಧನಃ ।

ಸರ್ವದೋ ಧನದೋ ಮೋಕ್ಷೋ ವಿಹಾರೀ ಬಹುದಾಯಕಃ ॥ 107 ॥

ಚಾರುರಾತ್ರಿಹರೋ ನಾಥೋ ಭಗವಾನ್ ಸರ್ವಗೋಽವ್ಯಯಃ ।

ಮನೋಹರವಪುಃ ಶುಭ್ರಃ ಶೋಭನಃ ಸುಪ್ರಭಾವನಃ ॥ 108 ॥

ಸುಪ್ರಭಾವಃ ಸುಪ್ರತಾಪಃ ಸುನೇತ್ರೋ ದಿಗ್ವಿದಿಕ್ಪತಿಃ ।

ರಾಜ್ಞೀಪ್ರಿಯಃ ಶಬ್ದಕರೋ ಗ್ರಹೇಶಸ್ತಿಮಿರಾಪಹಃ ॥ 109 ॥

ಸೈಂಹಿಕೇಯರಿಪುರ್ದೇವೋ ವರದೋ ವರನಾಯಕಃ ।

ಚತುರ್ಭುಜೋ ಮಹಾಯೋಗೀ ಯೋಗೀಶ್ವರಪತಿಸ್ತಥಾ ॥ 110 ॥

ಅನಾದಿರೂಪೋಽದಿತಿಜೋ ರತ್ನಕಾನ್ತಿಃ ಪ್ರಭಾಮಯಃ ।

ಜಗತ್ಪ್ರದೀಪೋ ವಿಸ್ತೀರ್ಣೋ ಮಹಾವಿಸ್ತೀರ್ಣಮಣ್ಡಲಃ ॥ 111 ॥

ಏಕಚಕ್ರರಥಃ ಸ್ವರ್ಣರಥಃ ಸ್ವರ್ಣಶರೀರಧೃಕ್ ।

ನಿರಾಲಮ್ಬೋ ಗಗನಗೋ ಧರ್ಮಕರ್ಮಪ್ರಭಾವಕೃತ್ ॥ 112 ॥

ಧರ್ಮಾತ್ಮಾ ಕರ್ಮಣಾಂ ಸಾಕ್ಷೀ ಪ್ರತ್ಯಕ್ಷಃ ಪರಮೇಶ್ವರಃ ।

ಮೇರುಸೇವೀ ಸುಮೇಧಾವೀ ಮೇರುರಕ್ಷಾಕರೋ ಮಹಾನ್ ॥ 113 ॥

ಆಧಾರಭೂತೋ ರತಿಮಾಂಸ್ತಥಾ ಚ ಧನಧಾನ್ಯಕೃತ್ ।

ಪಾಪಸನ್ತಾಪಹರ್ತಾ ಚ ಮನೋವಾಞ್ಛಿತದಾಯಕಃ ॥ 114 ॥

ರೋಗಹರ್ತಾ ರಾಜ್ಯದಾಯೀ ರಮಣೀಯಗುಣೋಽನೃಣೀ ।

ಕಾಲತ್ರಯಾನನ್ತರೂಪೋ ಮುನಿವೃನ್ದನಮಸ್ಕೃತಃ ॥ 115 ॥

ಸನ್ಧ್ಯಾರಾಗಕರಃ ಸಿದ್ಧಃ ಸನ್ಧ್ಯಾವನ್ದನವನ್ದಿತಃ ।

ಸಾಮ್ರಾಜ್ಯದಾನನಿರತಃ ಸಮಾರಾಧನತೋಷವಾನ್ ॥ 116 ॥

ಭಕ್ತದುಃಖಕ್ಷಯಕರೋ ಭವಸಾಗರತಾರಕಃ ।

ಭಯಾಪಹರ್ತಾ ಭಗವಾನಪ್ರಮೇಯಪರಾಕ್ರಮಃ ।

ಮನುಸ್ವಾಮೀ ಮನುಪತಿರ್ಮಾನ್ಯೋ ಮನ್ವನ್ತರಾಧಿಪಃ ॥ 117 ॥

ಫಲಶ್ರುತಿಃ ।

ಏತತ್ತೇ ಸರ್ವಮಾಖ್ಯಾತಂ ಯನ್ಮಾಂ ತ್ವಂ ಪರಿಪೃಚ್ಛಸಿ ।

ನಾಮ್ನಾಂ ಸಹಸ್ರಂ ಸವಿತುಃ ಪರಾಶರ್ಯೋ ಯದಾಹ ಮೇ ॥ 1 ॥

ಧನ್ಯಂ ಯಶಸ್ಯಮಾಯುಷ್ಯಂ ದುಃಖದುಃಸ್ವಪ್ನನಾಶನಮ್ ।

ಬನ್ಧಮೋಕ್ಷಕರಂ ಚೈವ ಭಾನೋರ್ನಾಮಾನುಕೀರ್ತನಾತ್ ॥ 2 ॥

ಯಸ್ತ್ವಿದಂ ಶೃಣುಯಾನ್ನಿತ್ಯಂ ಪಠೇದ್ವಾ ಪ್ರಯತೋ ನರಃ ।

ಅಕ್ಷಯಂ ಸುಖಮನ್ನಾದ್ಯಂ ಭವೇತ್ತಸ್ಯೋಪಸಾಧಿತಮ್ ॥ 3 ॥

ನೃಪಾಗ್ನಿತಸ್ಕರಭಯಂ ವ್ಯಾಧಿತೋ ನ ಭಯಂ ಭವೇತ್ ।

ವಿಜಯೀ ಚ ಭವೇನ್ನಿತ್ಯಮಾಶ್ರಯಂ ಪರಮಾಪ್ನುಯಾತ್ ॥ 4 ॥

ಕೀರ್ತಿಮಾನ್ ಸುಭಗೋ ವಿದ್ವಾನ್ ಸ ಸುಖೀ ಪ್ರಿಯದರ್ಶನಃ ।

ಜೀವೇದ್ವರ್ಷಶತಾಯುಶ್ಚ ಸರ್ವವ್ಯಾಧಿವಿವರ್ಜಿತಃ ॥ 5 ॥

ನಾಮ್ನಾಂ ಸಹಸ್ರಮಿದಮಂಶುಮತಃ ಪಠೇದ್ಯಃ

ಪ್ರಾತಃ ಶುಚಿರ್ನಿಯಮವಾನ್ ಸುಸಮೃದ್ಧಿಯುಕ್ತಃ ।

ದೂರೇಣ ತಂ ಪರಿಹರನ್ತಿ ಸದೈವ ರೋಗಾಃ

ಭೂತಾಃ ಸುಪರ್ಣಮಿವ ಸರ್ವಮಹೋರಗೇನ್ದ್ರಾಃ ॥ 6 ॥

ಇತಿ ಶ್ರೀ ಭವಿಷ್ಯಪುರಾಣೇ ಸಪ್ತಮಕಲ್ಪೇ ಶ್ರೀಭಗವತ್ಸೂರ್ಯಸ್ಯ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥

Roman (IAST) Transliteration

asya śrī sūrya sahasranāma stotrasya vedavyāsa ṛṣiḥ anuṣṭupchandaḥ savitā devatā sarvābhīṣṭa siddhyarthe jape viniyogaḥ |

dhyānam |

dhyeyaḥ sadā savitṛmaṇḍalamadhyavartī

nārāyaṇaḥ sarasijāsanasanniviṣṭaḥ |

keyūravān makarakuṇḍalavān kirīṭī

hārī hiraṇmayavapurdhṛtaśaṅkhacakraḥ ||

stotram |

oṃ viśvavidviśvajitkartā viśvātmā viśvatomukhaḥ |

viśveśvaro viśvayonirniyatātmā jitendriyaḥ || 1 ||

kālāśrayaḥ kālakartā kālahā kālanāśanaḥ |

mahāyogī mahāsiddhirmahātmā sumahābalaḥ || 2 ||

prabhurvibhurbhūtanātho bhūtātmā bhuvaneśvaraḥ |

bhūtabhavyo bhāvitātmā bhūtāntaḥkaraṇaṃ śivaḥ || 3 ||

śaraṇyaḥ kamalānando nandano nandavardhanaḥ |

vareṇyo varado yogī susaṃyuktaḥ prakāśakaḥ || 4 ||

prāptayānaḥ paraprāṇaḥ pūtātmā priyataḥ priyaḥ | [prayataḥ]

nayaḥ sahasrapāt sādhurdivyakuṇḍalamaṇḍitaḥ || 5 ||

avyaṅgadhārī dhīrātmā savitā vāyuvāhanaḥ |

samāhitamatirdātā vidhātā kṛtamaṅgalaḥ || 6 ||

kapardī kalpapādrudraḥ sumanā dharmavatsalaḥ |

samāyukto vimuktātmā kṛtātmā kṛtināṃ varaḥ || 7 ||

avicintyavapuḥ śreṣṭho mahāyogī maheśvaraḥ |

kāntaḥ kāmārirādityo niyatātmā nirākulaḥ || 8 ||

kāmaḥ kāruṇikaḥ kartā kamalākarabodhanaḥ |

saptasaptiracintyātmā mahākāruṇikottamaḥ || 9 ||

sañjīvano jīvanātho jayo jīvo jagatpatiḥ |

ayukto viśvanilayaḥ saṃvibhāgī vṛṣadhvajaḥ || 10 ||

vṛṣākapiḥ kalpakartā kalpāntakaraṇo raviḥ |

ekacakraratho maunī suratho rathināṃ varaḥ || 11 ||

sakrodhano raśmimālī tejorāśirvibhāvasuḥ |

divyakṛddinakṛddevo devadevo divaspatiḥ || 12 ||

dīnanātho haro hotā divyabāhurdivākaraḥ |

yajño yajñapatiḥ pūṣā svarṇaretāḥ parāvaraḥ || 13 ||

parāparajñastaraṇiraṃśumālī manoharaḥ |

prājñaḥ prājñapatiḥ sūryaḥ savitā viṣṇuraṃśumān || 14 ||

sadāgatirgandhavaho vihito vidhirāśugaḥ |

pataṅgaḥ patagaḥ sthāṇurvihaṅgo vihago varaḥ || 15 ||

haryaśvo haritāśvaśca haridaśvo jagatpriyaḥ |

tryambakaḥ sarvadamano bhāvitātmā bhiṣagvaraḥ || 16 ||

ālokakṛllokanātho lokālokanamaskṛtaḥ |

kālaḥ kalpāntako vahnistapanaḥ sampratāpanaḥ || 17 ||

vilocano virūpākṣaḥ sahasrākṣaḥ purandaraḥ |

sahasraraśmirmihiro vividhāmbarabhūṣaṇaḥ || 18 ||

khagaḥ pratardano dhanyo hayago vāgviśāradaḥ |

śrīmānaśiśiro vāgmī śrīpatiḥ śrīniketanaḥ || 19 ||

śrīkaṇṭhaḥ śrīdharaḥ śrīmān śrīnivāso vasupradaḥ |

kāmacārī mahāmāyo mahogro'viditāmayaḥ || 20 ||

tīrthakriyāvān sunayo vibhakto bhaktavatsalaḥ |

kīrtiḥ kīrtikaro nityaḥ kuṇḍalī kavacī rathī || 21 ||

hiraṇyaretāḥ saptāśvaḥ prayatātmā parantapaḥ |

buddhimānamaraśreṣṭho rociṣṇuḥ pākaśāsanaḥ || 22 ||

samudro dhanado dhātā māndhātā kaśmalāpahaḥ |

tamoghno dhvāntahā vahnirhotā'ntaḥkaraṇo guhaḥ || 23 ||

paśumān prayatānando bhūteśaḥ śrīmatāṃ varaḥ |

nityo'dito nityarathaḥ sureśaḥ surapūjitaḥ || 24 ||

ajito vijito jetā jaṅgamasthāvarātmakaḥ |

jīvānando nityagāmī vijetā vijayapradaḥ || 25 ||

parjanyo'gniḥ sthitiḥ stheyaḥ sthaviro'tha nirañjanaḥ |

pradyotano rathārūḍhaḥ sarvalokaprakāśakaḥ || 26 ||

dhruvo meṣī mahāvīryo haṃsaḥ saṃsāratārakaḥ |

sṛṣṭikartā kriyāheturmārtaṇḍo marutāṃ patiḥ || 27 ||

marutvān dahanastvaṣṭā bhago bhargo'ryamā kapiḥ |

varuṇeśo jagannāthaḥ kṛtakṛtyaḥ sulocanaḥ || 28 ||

vivasvān bhānumān kāryaḥ kāraṇastejasāṃ nidhiḥ |

asaṅgagāmī tigmāṃśurdharmāṃśurdīptadīdhitiḥ || 29 ||

sahasradīdhitirbradhnaḥ sahasrāṃśurdivākaraḥ |

gabhastimān dīdhitimān sragvī maṇikuladyutiḥ || 30 ||

bhāskaraḥ surakāryajñaḥ sarvajñastīkṣṇadīdhitiḥ |

surajyeṣṭhaḥ surapatirbahujño vacasāṃ patiḥ || 31 ||

tejonidhirbṛhattejā bṛhatkīrtirbṛhaspatiḥ |

ahimānūrjito dhīmānāmuktaḥ kīrtivardhanaḥ || 32 ||

mahāvaidyo gaṇapatirdhaneśo gaṇanāyakaḥ |

tīvrapratāpanastāpī tāpano viśvatāpanaḥ || 33 ||

kārtasvaro hṛṣīkeśaḥ padmānando'tinanditaḥ |

padmanābho'mṛtāhāraḥ sthitimān ketumān nabhaḥ || 34 ||

anādyanto'cyuto viśvo viśvāmitro ghṛṇirvirāṭ |

āmuktakavaco vāgmī kañcukī viśvabhāvanaḥ || 35 ||

animittagatiḥ śreṣṭhaḥ śaraṇyaḥ sarvatomukhaḥ |

vigāhī veṇurasahaḥ samāyuktaḥ samākratuḥ || 36 ||

dharmaketurdharmaratiḥ saṃhartā saṃyamo yamaḥ |

praṇatārtiharo vāyuḥ siddhakāryo janeśvaraḥ || 37 ||

nabho vigāhanaḥ satyaḥ savitātmā manoharaḥ |

hārī harirharo vāyurṛtuḥ kālānaladyutiḥ || 38 ||

sukhasevyo mahātejā jagatāmekakāraṇam |

mahendro viṣṭutaḥ stotraṃ stutihetuḥ prabhākaraḥ || 39 ||

sahasrakara āyuṣmān aroṣaḥ sukhadaḥ sukhī |

vyādhihā sukhadaḥ saukhyaṃ kalyāṇaḥ kalatāṃ varaḥ || 40 ||

ārogyakāraṇaṃ siddhirṛddhirvṛddhirbṛhaspatiḥ |

hiraṇyaretā ārogyaṃ vidvān bradhno budho mahān || 41 ||

prāṇavān dhṛtimān gharmo gharmakartā rucipradaḥ |

sarvapriyaḥ sarvasahaḥ sarvaśatruvināśanaḥ || 42 ||

prāṃśurvidyotano dyotaḥ sahasrakiraṇaḥ kṛtī |

keyūrī bhūṣaṇodbhāsī bhāsito bhāsano'nalaḥ || 43 ||

śaraṇyārtiharo hotā khadyotaḥ khagasattamaḥ |

sarvadyoto bhavadyotaḥ sarvadyutikaro mataḥ || 44 ||

kalyāṇaḥ kalyāṇakaraḥ kalyaḥ kalyakaraḥ kaviḥ |

kalyāṇakṛt kalyavapuḥ sarvakalyāṇabhājanam || 45 ||

śāntipriyaḥ prasannātmā praśāntaḥ praśamapriyaḥ |

udārakarmā sunayaḥ suvarcā varcasojjvalaḥ || 46 ||

varcasvī varcasāmīśastrailokyeśo vaśānugaḥ |

tejasvī suyaśā varṣmī varṇādhyakṣo balipriyaḥ || 47 ||

yaśasvī tejonilayastejasvī prakṛtisthitaḥ |

ākāśagaḥ śīghragatirāśugo gatimān khagaḥ || 48 ||

gopatirgrahadeveśo gomānekaḥ prabhañjanaḥ |

janitā prajano jīvo dīpaḥ sarvaprakāśakaḥ || 49 ||

sarvasākṣī yoganityo nabhasvānasurāntakaḥ |

rakṣoghno vighnaśamanaḥ kirīṭī sumanaḥpriyaḥ || 50 ||

marīcimālī sumatiḥ kṛtābhikhyaviśeṣakaḥ |

śiṣṭācāraḥ śubhācāraḥ svacārācāratatparaḥ || 51 ||

mandāro māṭharo veṇuḥ kṣudhāpaḥ kṣmāpatirguruḥ |

suviśiṣṭo viśiṣṭātmā vidheyo jñānaśobhanaḥ || 52 ||

mahāśvetaḥ priyo jñeyaḥ sāmago mokṣadāyakaḥ |

sarvavedapragītātmā sarvavedalayo mahān || 53 ||

vedamūrtiścaturvedo vedabhṛdvedapāragaḥ |

kriyāvānasito jiṣṇurvarīyāṃśurvarapradaḥ || 54 ||

vratacārī vratadharo lokabandhuralaṅkṛtaḥ |

alaṅkārākṣaro vedyo vidyāvān viditāśayaḥ || 55 ||

ākāro bhūṣaṇo bhūṣyo bhūṣṇurbhuvanapūjitaḥ |

cakrapāṇirdhvajadharaḥ sureśo lokavatsalaḥ || 56 ||

vāgmipatirmahābāhuḥ prakṛtirvikṛtirguṇaḥ |

andhakārāpahaḥ śreṣṭho yugāvarto yugādikṛt || 57 ||

aprameyaḥ sadāyogī nirahaṅkāra īśvaraḥ |

śubhapradaḥ śubhaḥ śāstā śubhakarmā śubhapradaḥ || 58 ||

satyavān śrutimānuccairnakāro vṛddhido'nalaḥ |

balabhṛdbalado bandhurmatimān balināṃ varaḥ || 59 ||

anaṅgo nāgarājendraḥ padmayonirgaṇeśvaraḥ |

saṃvatsara ṛturnetā kālacakrapravartakaḥ || 60 ||

padmekṣaṇaḥ padmayoniḥ prabhāvānamaraḥ prabhuḥ |

sumūrtiḥ sumatiḥ somo govindo jagadādijaḥ || 61 ||

pītavāsāḥ kṛṣṇavāsā digvāsāstvindriyātigaḥ |

atīndriyo'nekarūpaḥ skandaḥ parapurañjayaḥ || 62 ||

śaktimān jaladhṛgbhāsvān mokṣaheturayonijaḥ |

sarvadarśī jitādarśo duḥsvapnāśubhanāśanaḥ || 63 ||

māṅgalyakartā taraṇirvegavān kaśmalāpahaḥ |

spaṣṭākṣaro mahāmantro viśākho yajanapriyaḥ || 64 ||

viśvakarmā mahāśaktirdyutirīśo vihaṅgamaḥ |

vicakṣaṇo dakṣa indraḥ pratyūṣaḥ priyadarśanaḥ || 65 ||

akhinno vedanilayo vedavidviditāśayaḥ |

prabhākaro jitaripuḥ sujano'ruṇasārathiḥ || 66 ||

kunāśī surataḥ skando mahito'bhimato guruḥ |

graharājo grahapatirgrahanakṣatramaṇḍalaḥ || 67 ||

bhāskaraḥ satatānando nandano naravāhanaḥ |

maṅgalo'tha maṅgalavān māṅgalyo maṅgalāvahaḥ || 68 ||

maṅgalyacārucaritaḥ śīrṇaḥ sarvavrato vratī |

caturmukhaḥ padmamālī pūtātmā praṇatārtihā || 69 ||

akiñcanaḥ satāmīśo nirguṇo guṇavāñchuciḥ |

sampūrṇaḥ puṇḍarīkākṣo vidheyo yogatatparaḥ || 70 ||

sahasrāṃśuḥ kratumatiḥ sarvajñaḥ sumatiḥ suvāk |

suvāhano mālyadāmā kṛtāhāro haripriyaḥ || 71 ||

brahmā pracetāḥ prathitaḥ prayatātmā sthirātmakaḥ |

śatavinduḥ śatamukho garīyānanalaprabhaḥ || 72 ||

dhīro mahattaro vipraḥ purāṇapuruṣottamaḥ |

vidyārājādhirājo hi vidyāvān bhūtidaḥ sthitaḥ || 73 ||

anirdeśyavapuḥ śrīmān vipāpmā bahumaṅgalaḥ |

svaḥsthitaḥ surathaḥ svarṇo mokṣado baliketanaḥ || 74 ||

nirdvandvo dvandvahā svargaḥ sarvagaḥ samprakāśakaḥ |

dayāluḥ sūkṣmadhīḥ kṣāntiḥ kṣemākṣemasthitipriyaḥ || 75 ||

bhūdharo bhūpatirvaktā pavitrātmā trilocanaḥ |

mahāvarāhaḥ priyakṛddātā bhoktā'bhayapradaḥ || 76 ||

cakravartī dhṛtikaraḥ sampūrṇo'tha maheśvaraḥ |

caturvedadharo'cintyo vinindyo vividhāśanaḥ || 77 ||

vicitraratha ekākī saptasaptiḥ parātparaḥ |

sarvodadhisthitikaraḥ sthitistheyaḥ sthitipriyaḥ || 78 ||

niṣkalaḥ puṣkalo vibhurvasumān vāsavapriyaḥ |

paśumān vāsavasvāmī vasudhāmā vasupradaḥ || 79 ||

balavān jñānavāṃstattvamoṅkārastriṣusaṃsthitaḥ |

saṅkalpayonirdinakṛdbhagavān kāraṇāpahaḥ || 80 ||

nīlakaṇṭho dhanādhyakṣaścaturvedapriyaṃvadaḥ |

vaṣaṭkārodgātā hotā svāhākāro hutāhutiḥ || 81 ||

janārdano janānando naro nārāyaṇo'mbudaḥ |

sandehanāśano vāyurdhanvī suranamaskṛtaḥ || 82 ||

vigrahī vimalo vindurviśoko vimaladyutiḥ |

dyutimān dyotano vidyudvidyāvān vidito balī || 83 ||

gharmado himado hāsaḥ kṛṣṇavartmā sutājitaḥ |

sāvitrībhāvito rājā viśvāmitro ghṛṇirvirāṭ || 84 ||

saptārciḥ saptaturagaḥ saptalokanamaskṛtaḥ |

sampūrṇo'tha jagannāthaḥ sumanāḥ śobhanapriyaḥ || 85 ||

sarvātmā sarvakṛt sṛṣṭiḥ saptimān saptamīpriyaḥ |

sumedhā medhiko medhyo medhāvī madhusūdanaḥ || 86 ||

aṅgiraḥpatiḥ kālajño dhūmaketuḥ suketanaḥ |

sukhī sukhapradaḥ saukhyaḥ kāntiḥ kāntipriyo muniḥ || 87 ||

santāpanaḥ santapana ātapastapasāṃ patiḥ |

umāpatiḥ sahasrāṃśuḥ priyakārī priyaṅkaraḥ || 88 ||

prītirvimanyurambhotthaḥ khañjano jagatāṃ patiḥ |

jagatpitā prītamanāḥ sarvaḥ kharvo guho'calaḥ || 89 ||

sarvago jagadānando jagannetā surārihā |

śreyaḥ śreyaskaro jyāyān mahānuttama udbhavaḥ || 90 ||

uttamo merumeyo'tha dharaṇo dharaṇīdharaḥ |

dharādhyakṣo dharmarājo dharmādharmapravartakaḥ || 91 ||

rathādhyakṣo rathagatistaruṇastanito'nalaḥ |

uttaro'nuttarastāpī avākpatirapāṃ patiḥ || 92 ||

puṇyasaṅkīrtanaḥ puṇyo heturlokatrayāśrayaḥ |

svarbhānurvigatānando viśiṣṭotkṛṣṭakarmakṛt || 93 ||

vyādhipraṇāśanaḥ kṣemaḥ śūraḥ sarvajitāṃ varaḥ |

ekaratho rathādhīśaḥ pitā śanaiścarasya hi || 94 ||

vaivasvatagururmṛtyurdharmanityo mahāvrataḥ |

pralambahārasañcārī pradyoto dyotitānalaḥ || 95 ||

santāpahṛt paro mantro mantramūrtirmahābalaḥ |

śreṣṭhātmā supriyaḥ śambhurmarutāmīśvareśvaraḥ || 96 ||

saṃsāragativiccettā saṃsārārṇavatārakaḥ |

saptajihvaḥ sahasrārcī ratnagarbho'parājitaḥ || 97 ||

dharmaketurameyātmā dharmādharmavarapradaḥ |

lokasākṣī lokagururlokeśaścaṇḍavāhanaḥ || 98 ||

dharmayūpo yūpavṛkṣo dhanuṣpāṇirdhanurdharaḥ |

pinākadhṛṅmahotsāho mahāmāyo mahāśanaḥ || 99 ||

vīraḥ śaktimatāṃ śreṣṭhaḥ sarvaśastrabhṛtāṃ varaḥ |

jñānagamyo durārādhyo lohitāṅgo vivardhanaḥ || 100 ||

khago'ndho dharmado nityo dharmakṛccitravikramaḥ |

bhagavānātmavān mantrastryakṣaro nīlalohitaḥ || 101 ||

eko'nekastrayī kālaḥ savitā samitiñjayaḥ |

śārṅgadhanvā'nalo bhīmaḥ sarvapraharaṇāyudhaḥ || 102 ||

sukarmā parameṣṭhī ca nākapālī divisthitaḥ |

vadānyo vāsukirvaidya ātreyo'tha parākramaḥ || 103 ||

dvāparaḥ paramodāraḥ paramo brahmacaryavān |

udīcyaveṣo mukuṭī padmahasto himāṃśubhṛt || 104 ||

sitaḥ prasannavadanaḥ padmodaranibhānanaḥ |

sāyaṃ divā divyavapuranirdeśyo mahālayaḥ || 105 ||

mahāratho mahānīśaḥ śeṣaḥ sattvarajastamaḥ |

dhṛtātapatrapratimo vimarṣī nirṇayaḥ sthitaḥ || 106 ||

ahiṃsakaḥ śuddhamatiradvitīyo vivardhanaḥ |

sarvado dhanado mokṣo vihārī bahudāyakaḥ || 107 ||

cārurātriharo nātho bhagavān sarvago'vyayaḥ |

manoharavapuḥ śubhraḥ śobhanaḥ suprabhāvanaḥ || 108 ||

suprabhāvaḥ supratāpaḥ sunetro digvidikpatiḥ |

rājñīpriyaḥ śabdakaro graheśastimirāpahaḥ || 109 ||

saiṃhikeyaripurdevo varado varanāyakaḥ |

caturbhujo mahāyogī yogīśvarapatistathā || 110 ||

anādirūpo'ditijo ratnakāntiḥ prabhāmayaḥ |

jagatpradīpo vistīrṇo mahāvistīrṇamaṇḍalaḥ || 111 ||

ekacakrarathaḥ svarṇarathaḥ svarṇaśarīradhṛk |

nirālambo gaganago dharmakarmaprabhāvakṛt || 112 ||

dharmātmā karmaṇāṃ sākṣī pratyakṣaḥ parameśvaraḥ |

merusevī sumedhāvī merurakṣākaro mahān || 113 ||

ādhārabhūto ratimāṃstathā ca dhanadhānyakṛt |

pāpasantāpahartā ca manovāñchitadāyakaḥ || 114 ||

rogahartā rājyadāyī ramaṇīyaguṇo'nṛṇī |

kālatrayānantarūpo munivṛndanamaskṛtaḥ || 115 ||

sandhyārāgakaraḥ siddhaḥ sandhyāvandanavanditaḥ |

sāmrājyadānanirataḥ samārādhanatoṣavān || 116 ||

bhaktaduḥkhakṣayakaro bhavasāgaratārakaḥ |

bhayāpahartā bhagavānaprameyaparākramaḥ |

manusvāmī manupatirmānyo manvantarādhipaḥ || 117 ||

phalaśrutiḥ |

etatte sarvamākhyātaṃ yanmāṃ tvaṃ paripṛcchasi |

nāmnāṃ sahasraṃ savituḥ parāśaryo yadāha me || 1 ||

dhanyaṃ yaśasyamāyuṣyaṃ duḥkhaduḥsvapnanāśanam |

bandhamokṣakaraṃ caiva bhānornāmānukīrtanāt || 2 ||

yastvidaṃ śṛṇuyānnityaṃ paṭhedvā prayato naraḥ |

akṣayaṃ sukhamannādyaṃ bhavettasyopasādhitam || 3 ||

nṛpāgnitaskarabhayaṃ vyādhito na bhayaṃ bhavet |

vijayī ca bhavennityamāśrayaṃ paramāpnuyāt || 4 ||

kīrtimān subhago vidvān sa sukhī priyadarśanaḥ |

jīvedvarṣaśatāyuśca sarvavyādhivivarjitaḥ || 5 ||

nāmnāṃ sahasramidamaṃśumataḥ paṭhedyaḥ

prātaḥ śucirniyamavān susamṛddhiyuktaḥ |

dūreṇa taṃ pariharanti sadaiva rogāḥ

bhūtāḥ suparṇamiva sarvamahoragendrāḥ || 6 ||

iti śrī bhaviṣyapurāṇe saptamakalpe śrībhagavatsūryasya sahasranāmastotraṃ sampūrṇam ||