Surya Grahana Shanti Parihara Shlokah

ॐ

ಸೂರ್ಯ ಗ್ರಹಣ ಶಾನ್ತಿ ಪರಿಹಾರ ಶ್ಲೋಕಾಃ

Surya Kannada

ಶಾನ್ತಿ ಶ್ಲೋಕಃ

ಇನ್ದ್ರೋಽನಲೋ ದಣ್ಡಧರಶ್ಚ ರಕ್ಷಃ

ಪ್ರಾಚೇತಸೋ ವಾಯು ಕುಬೇರ ಶರ್ವಾಃ ।

ಮಜ್ಜನ್ಮ ಋಕ್ಷೇ ಮಮ ರಾಶಿ ಸಂಸ್ಥೇ

ಸೂರ್ಯೋಪರಾಗಂ ಶಮಯನ್ತು ಸರ್ವೇ ॥

ಗ್ರಹಣ ಪೀಡಾ ಪರಿಹಾರ ಶ್ಲೋಕಾಃ

ಯೋಽಸೌ ವಜ್ರಧರೋ ದೇವಃ ಆದಿತ್ಯಾನಾಂ ಪ್ರಭುರ್ಮತಃ ।

ಸಹಸ್ರನಯನಃ ಶಕ್ರಃ ಗ್ರಹಪೀಡಾಂ ವ್ಯಪೋಹತು ॥ 1

ಮುಖಂ ಯಃ ಸರ್ವದೇವಾನಾಂ ಸಪ್ತಾರ್ಚಿರಮಿತದ್ಯುತಿಃ ।

ಚನ್ದ್ರಸೂರ್ಯೋಪರಾಗೋತ್ಥಾಂ ಅಗ್ನಿಃ ಪೀಡಾಂ ವ್ಯಪೋಹತು ॥ 2

ಯಃ ಕರ್ಮಸಾಕ್ಷೀ ಲೋಕಾನಾಂ ಯಮೋ ಮಹಿಷವಾಹನಃ ।

ಚನ್ದ್ರಸೂರ್ಯೋಪರಾಗೋತ್ಥಾಂ ಗ್ರಹಪೀಡಾಂ ವ್ಯಪೋಹತು ॥ 3

ರಕ್ಷೋ ಗಣಾಧಿಪಃ ಸಾಕ್ಷಾತ್ ಪ್ರಲಯಾನಲಸನ್ನಿಭಃ ।

ಉಗ್ರಃ ಕರಾಲೋ ನಿರ್‍ಋತಿಃ ಗ್ರಹಪೀಡಾಂ ವ್ಯಪೋಹತು ॥ 4

ನಾಗಪಾಶಧರೋ ದೇವಃ ಸದಾ ಮಕರವಾಹನಃ ।

ವರುಣೋ ಜಲಲೋಕೇಶೋ ಗ್ರಹಪೀಡಾಂ ವ್ಯಪೋಹತು ॥ 5

ಯಃ ಪ್ರಾಣರೂಪೋ ಲೋಕಾನಾಂ ವಾಯುಃ ಕೃಷ್ಣಮೃಗಪ್ರಿಯಃ ।

ಚನ್ದ್ರಸೂರ್ಯೋಪರಾಗೋತ್ಥಾಂ ಗ್ರಹಪೀಡಾಂ ವ್ಯಪೋಹತು ॥ 6

ಯೋಽಸೌ ನಿಧಿಪತಿರ್ದೇವಃ ಖಡ್ಗಶೂಲಧರೋ ವರಃ ।

ಚನ್ದ್ರಸೂರ್ಯೋಪರಾಗೋತ್ಥಾಂ ಕಲುಷಂ ಮೇ ವ್ಯಪೋಹತು ॥ 7

ಯೋಽಸೌ ಶೂಲಧರೋ ರುದ್ರಃ ಶಙ್ಕರೋ ವೃಷವಾಹನಃ ।

ಚನ್ದ್ರಸೂರ್ಯೋಪರಾಗೋತ್ಥಾಂ ದೋಷಂ ನಾಶಯತು ದ್ರುತಮ್ ॥ 8

ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ।

Roman (IAST) Transliteration

śānti ślokaḥ

indro'nalo daṇḍadharaśca rakṣaḥ

prācetaso vāyu kubera śarvāḥ |

majjanma ṛkṣe mama rāśi saṃsthe

sūryoparāgaṃ śamayantu sarve ||

grahaṇa pīḍā parihāra ślokāḥ

yo'sau vajradharo devaḥ ādityānāṃ prabhurmataḥ |

sahasranayanaḥ śakraḥ grahapīḍāṃ vyapohatu || 1

mukhaṃ yaḥ sarvadevānāṃ saptārciramitadyutiḥ |

candrasūryoparāgotthāṃ agniḥ pīḍāṃ vyapohatu || 2

yaḥ karmasākṣī lokānāṃ yamo mahiṣavāhanaḥ |

candrasūryoparāgotthāṃ grahapīḍāṃ vyapohatu || 3

rakṣo gaṇādhipaḥ sākṣāt pralayānalasannibhaḥ |

ugraḥ karālo nir‍ṛtiḥ grahapīḍāṃ vyapohatu || 4

nāgapāśadharo devaḥ sadā makaravāhanaḥ |

varuṇo jalalokeśo grahapīḍāṃ vyapohatu || 5

yaḥ prāṇarūpo lokānāṃ vāyuḥ kṛṣṇamṛgapriyaḥ |

candrasūryoparāgotthāṃ grahapīḍāṃ vyapohatu || 6

yo'sau nidhipatirdevaḥ khaḍgaśūladharo varaḥ |

candrasūryoparāgotthāṃ kaluṣaṃ me vyapohatu || 7

yo'sau śūladharo rudraḥ śaṅkaro vṛṣavāhanaḥ |

candrasūryoparāgotthāṃ doṣaṃ nāśayatu drutam || 8

oṃ śāntiḥ śāntiḥ śāntiḥ |