Shukra Ashtottara Shata Nama Stotram

ॐ

ಶುಕ್ರ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

Tara Ashtottara Sata Namavali Kannada

ಶುಕ್ರಃ ಶುಚಿಃ ಶುಭಗುಣಃ ಶುಭದಃ ಶುಭಲಕ್ಷಣಃ ।

ಶೋಭನಾಕ್ಷಃ ಶುಭ್ರರೂಪಃ ಶುದ್ಧಸ್ಫಟಿಕಭಾಸ್ವರಃ ॥ 1 ॥

ದೀನಾರ್ತಿಹಾರಕೋ ದೈತ್ಯಗುರುಃ ದೇವಾಭಿವನ್ದಿತಃ ।

ಕಾವ್ಯಾಸಕ್ತಃ ಕಾಮಪಾಲಃ ಕವಿಃ ಕಲ್ಯಾಣದಾಯಕಃ ॥ 2 ॥

ಭದ್ರಮೂರ್ತಿರ್ಭದ್ರಗುಣೋ ಭಾರ್ಗವೋ ಭಕ್ತಪಾಲನಃ ।

ಭೋಗದೋ ಭುವನಾಧ್ಯಕ್ಷೋ ಭುಕ್ತಿಮುಕ್ತಿಫಲಪ್ರದಃ ॥ 3 ॥

ಚಾರುಶೀಲಶ್ಚಾರುರೂಪಶ್ಚಾರುಚನ್ದ್ರನಿಭಾನನಃ ।

ನಿಧಿರ್ನಿಖಿಲಶಾಸ್ತ್ರಜ್ಞೋ ನೀತಿವಿದ್ಯಾಧುರನ್ಧರಃ ॥ 4 ॥

ಸರ್ವಲಕ್ಷಣಸಮ್ಪನ್ನಃ ಸರ್ವಾವಗುಣವರ್ಜಿತಃ ।

ಸಮಾನಾಧಿಕನಿರ್ಮುಕ್ತಃ ಸಕಲಾಗಮಪಾರಗಃ ॥ 5 ॥

ಭೃಗುರ್ಭೋಗಕರೋ ಭೂಮಿಸುರಪಾಲನತತ್ಪರಃ ।

ಮನಸ್ವೀ ಮಾನದೋ ಮಾನ್ಯೋ ಮಾಯಾತೀತೋ ಮಹಾಶಯಃ ॥ 6 ॥

ಬಲಿಪ್ರಸನ್ನೋಽಭಯದೋ ಬಲೀ ಬಲಪರಾಕ್ರಮಃ ।

ಭವಪಾಶಪರಿತ್ಯಾಗೋ ಬಲಿಬನ್ಧವಿಮೋಚಕಃ ॥ 7 ॥

ಘನಾಶಯೋ ಘನಾಧ್ಯಕ್ಷೋ ಕಮ್ಬುಗ್ರೀವಃ ಕಲಾಧರಃ ।

ಕಾರುಣ್ಯರಸಸಮ್ಪೂರ್ಣಃ ಕಲ್ಯಾಣಗುಣವರ್ಧನಃ ॥ 8 ॥

ಶ್ವೇತಾಮ್ಬರಃ ಶ್ವೇತವಪುಶ್ಚತುರ್ಭುಜಸಮನ್ವಿತಃ ।

ಅಕ್ಷಮಾಲಾಧರೋಽಚಿನ್ತ್ಯೋ ಅಕ್ಷೀಣಗುಣಭಾಸುರಃ ॥ 9 ॥

ನಕ್ಷತ್ರಗಣಸಞ್ಚಾರೋ ನಯದೋ ನೀತಿಮಾರ್ಗದಃ ।

ವರ್ಷಪ್ರದೋ ಹೃಷೀಕೇಶಃ ಕ್ಲೇಶನಾಶಕರಃ ಕವಿಃ ॥ 10 ॥

ಚಿನ್ತಿತಾರ್ಥಪ್ರದಃ ಶಾನ್ತಮತಿಃ ಚಿತ್ತಸಮಾಧಿಕೃತ್ ।

ಆಧಿವ್ಯಾಧಿಹರೋ ಭೂರಿವಿಕ್ರಮಃ ಪುಣ್ಯದಾಯಕಃ ॥ 11 ॥

ಪುರಾಣಪುರುಷಃ ಪೂಜ್ಯಃ ಪುರುಹೂತಾದಿಸನ್ನುತಃ ।

ಅಜೇಯೋ ವಿಜಿತಾರಾತಿರ್ವಿವಿಧಾಭರಣೋಜ್ಜ್ವಲಃ ॥ 12 ॥

ಕುನ್ದಪುಷ್ಪಪ್ರತೀಕಾಶೋ ಮನ್ದಹಾಸೋ ಮಹಾಮತಿಃ ।

ಮುಕ್ತಾಫಲಸಮಾನಾಭೋ ಮುಕ್ತಿದೋ ಮುನಿಸನ್ನುತಃ ॥ 13 ॥

ರತ್ನಸಿಂಹಾಸನಾರೂಢೋ ರಥಸ್ಥೋ ರಜತಪ್ರಭಃ ।

ಸೂರ್ಯಪ್ರಾಗ್ದೇಶಸಞ್ಚಾರಃ ಸುರಶತ್ರುಸುಹೃತ್ ಕವಿಃ ॥ 14 ॥

ತುಲಾವೃಷಭರಾಶೀಶೋ ದುರ್ಧರೋ ಧರ್ಮಪಾಲಕಃ ।

ಭಾಗ್ಯದೋ ಭವ್ಯಚಾರಿತ್ರೋ ಭವಪಾಶವಿಮೋಚಕಃ ॥ 15 ॥

ಗೌಡದೇಶೇಶ್ವರೋ ಗೋಪ್ತಾ ಗುಣೀ ಗುಣವಿಭೂಷಣಃ ।

ಜ್ಯೇಷ್ಠಾನಕ್ಷತ್ರಸಮ್ಭೂತೋ ಜ್ಯೇಷ್ಠಃ ಶ್ರೇಷ್ಠಃ ಶುಚಿಸ್ಮಿತಃ ॥ 16 ॥

ಅಪವರ್ಗಪ್ರದೋಽನನ್ತಃ ಸನ್ತಾನಫಲದಾಯಕಃ ।

ಸರ್ವೈಶ್ವರ್ಯಪ್ರದಃ ಸರ್ವಗೀರ್ವಾಣಗಣಸನ್ನುತಃ ॥ 17 ॥

ಏವಂ ಶುಕ್ರಗ್ರಹಸ್ಯೈವ ಕ್ರಮಾದಷ್ಟೋತ್ತರಂ ಶತಮ್ ।

ಸರ್ವಪಾಪಪ್ರಶಮನಂ ಸರ್ವಪುಣ್ಯಫಲಪ್ರದಮ್ ।

ಯಃ ಪಠೇಚ್ಛೃಣುಯಾದ್ವಾಪಿ ಸರ್ವಾನ್ ಕಾಮಾನವಾಪ್ನುಯಾತ್ ॥ 18 ॥

ಇತಿ ಶ್ರೀ ಶುಕ್ರ ಅಷ್ಟೋತ್ತರಶತನಾಮ ಸ್ತೋತ್ರಮ್ ।

Roman (IAST) Transliteration

śukraḥ śuciḥ śubhaguṇaḥ śubhadaḥ śubhalakṣaṇaḥ |

śobhanākṣaḥ śubhrarūpaḥ śuddhasphaṭikabhāsvaraḥ || 1 ||

dīnārtihārako daityaguruḥ devābhivanditaḥ |

kāvyāsaktaḥ kāmapālaḥ kaviḥ kalyāṇadāyakaḥ || 2 ||

bhadramūrtirbhadraguṇo bhārgavo bhaktapālanaḥ |

bhogado bhuvanādhyakṣo bhuktimuktiphalapradaḥ || 3 ||

cāruśīlaścārurūpaścārucandranibhānanaḥ |

nidhirnikhilaśāstrajño nītividyādhurandharaḥ || 4 ||

sarvalakṣaṇasampannaḥ sarvāvaguṇavarjitaḥ |

samānādhikanirmuktaḥ sakalāgamapāragaḥ || 5 ||

bhṛgurbhogakaro bhūmisurapālanatatparaḥ |

manasvī mānado mānyo māyātīto mahāśayaḥ || 6 ||

baliprasanno'bhayado balī balaparākramaḥ |

bhavapāśaparityāgo balibandhavimocakaḥ || 7 ||

ghanāśayo ghanādhyakṣo kambugrīvaḥ kalādharaḥ |

kāruṇyarasasampūrṇaḥ kalyāṇaguṇavardhanaḥ || 8 ||

śvetāmbaraḥ śvetavapuścaturbhujasamanvitaḥ |

akṣamālādharo'cintyo akṣīṇaguṇabhāsuraḥ || 9 ||

nakṣatragaṇasañcāro nayado nītimārgadaḥ |

varṣaprado hṛṣīkeśaḥ kleśanāśakaraḥ kaviḥ || 10 ||

cintitārthapradaḥ śāntamatiḥ cittasamādhikṛt |

ādhivyādhiharo bhūrivikramaḥ puṇyadāyakaḥ || 11 ||

purāṇapuruṣaḥ pūjyaḥ puruhūtādisannutaḥ |

ajeyo vijitārātirvividhābharaṇojjvalaḥ || 12 ||

kundapuṣpapratīkāśo mandahāso mahāmatiḥ |

muktāphalasamānābho muktido munisannutaḥ || 13 ||

ratnasiṃhāsanārūḍho rathastho rajataprabhaḥ |

sūryaprāgdeśasañcāraḥ suraśatrusuhṛt kaviḥ || 14 ||

tulāvṛṣabharāśīśo durdharo dharmapālakaḥ |

bhāgyado bhavyacāritro bhavapāśavimocakaḥ || 15 ||

gauḍadeśeśvaro goptā guṇī guṇavibhūṣaṇaḥ |

jyeṣṭhānakṣatrasambhūto jyeṣṭhaḥ śreṣṭhaḥ śucismitaḥ || 16 ||

apavargaprado'nantaḥ santānaphaladāyakaḥ |

sarvaiśvaryapradaḥ sarvagīrvāṇagaṇasannutaḥ || 17 ||

evaṃ śukragrahasyaiva kramādaṣṭottaraṃ śatam |

sarvapāpapraśamanaṃ sarvapuṇyaphalapradam |

yaḥ paṭhecchṛṇuyādvāpi sarvān kāmānavāpnuyāt || 18 ||

iti śrī śukra aṣṭottaraśatanāma stotram |