Shri Vishnu Ashtottara Shatanama Stotram

ॐ

ಶ್ರೀ ವಿಷ್ಣು ಅಷ್ಟೋತ್ತರ ಶತನಾಮ ಸ್ತೋತ್ರಮ್

Vishnu Ashtottara Sata Namavali Kannada

ಅಷ್ಟೋತ್ತರಶತಂ ನಾಮ್ನಾಂ ವಿಷ್ಣೋರತುಲತೇಜಸಃ ।

ಯಸ್ಯ ಶ್ರವಣಮಾತ್ರೇಣ ನರೋ ನಾರಾಯಣೋ ಭವೇತ್ ॥ 1 ॥

ವಿಷ್ಣುರ್ಜಿಷ್ಣುರ್ವಷಟ್ಕಾರೋ ದೇವದೇವೋ ವೃಷಾಕಪಿಃ । [ವೃಷಾಪತಿಃ]

ದಾಮೋದರೋ ದೀನಬನ್ಧುರಾದಿದೇವೋಽದಿತೇಸ್ತುತಃ ॥ 2 ॥

ಪುಣ್ಡರೀಕಃ ಪರಾನನ್ದಃ ಪರಮಾತ್ಮಾ ಪರಾತ್ಪರಃ ।

ಪರಶುಧಾರೀ ವಿಶ್ವಾತ್ಮಾ ಕೃಷ್ಣಃ ಕಲಿಮಲಾಪಹಾ ॥ 3 ॥

ಕೌಸ್ತುಭೋದ್ಭಾಸಿತೋರಸ್ಕೋ ನರೋ ನಾರಾಯಣೋ ಹರಿಃ ।

ಹರೋ ಹರಪ್ರಿಯಃ ಸ್ವಾಮೀ ವೈಕುಣ್ಠೋ ವಿಶ್ವತೋಮುಖಃ ॥ 4 ॥

ಹೃಷೀಕೇಶೋಽಪ್ರಮೇಯಾತ್ಮಾ ವರಾಹೋ ಧರಣೀಧರಃ ।

ವಾಮನೋ ವೇದವಕ್ತಾ ಚ ವಾಸುದೇವಃ ಸನಾತನಃ ॥ 5 ॥

ರಾಮೋ ವಿರಾಮೋ ವಿರಜೋ ರಾವಣಾರೀ ರಮಾಪತಿಃ ।

ವೈಕುಣ್ಠವಾಸೀ ವಸುಮಾನ್ ಧನದೋ ಧರಣೀಧರಃ ॥ 6 ॥

ಧರ್ಮೇಶೋ ಧರಣೀನಾಥೋ ಧ್ಯೇಯೋ ಧರ್ಮಭೃತಾಂವರಃ ।

ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ ॥ 7 ॥

ಸರ್ವಗಃ ಸರ್ವವಿತ್ಸರ್ವಃ ಶರಣ್ಯಃ ಸಾಧುವಲ್ಲಭಃ । [ಸರ್ವದಃ]

ಕೌಸಲ್ಯಾನನ್ದನಃ ಶ್ರೀಮಾನ್ ರಾಕ್ಷಸಃಕುಲನಾಶಕಃ ॥ 8 ॥

ಜಗತ್ಕರ್ತಾ ಜಗದ್ಧರ್ತಾ ಜಗಜ್ಜೇತಾ ಜನಾರ್ತಿಹಾ ।

ಜಾನಕೀವಲ್ಲಭೋ ದೇವೋ ಜಯರೂಪೋ ಜಲೇಶ್ವರಃ ॥ 9 ॥

ಕ್ಷೀರಾಬ್ಧಿವಾಸೀ ಕ್ಷೀರಾಬ್ಧಿತನಯಾವಲ್ಲಭಸ್ತಥಾ ।

ಶೇಷಶಾಯೀ ಪನ್ನಗಾರಿವಾಹನೋ ವಿಷ್ಟರಶ್ರವಃ ॥ 10 ॥

ಮಾಧವೋ ಮಥುರಾನಾಥೋ ಮುಕುನ್ದೋ ಮೋಹನಾಶನಃ ।

ದೈತ್ಯಾರಿಃ ಪುಣ್ಡರೀಕಾಕ್ಷೋ ಹ್ಯಚ್ಯುತೋ ಮಧುಸೂದನಃ ॥ 11 ॥

ಸೋಮಸೂರ್ಯಾಗ್ನಿನಯನೋ ನೃಸಿಂಹೋ ಭಕ್ತವತ್ಸಲಃ ।

ನಿತ್ಯೋ ನಿರಾಮಯಶ್ಶುದ್ಧೋ ವರದೇವೋ ಜಗತ್ಪ್ರಭುಃ ॥ 12 ॥ [ನರದೇವೋ]

ಹಯಗ್ರೀವೋ ಜಿತರಿಪುರುಪೇನ್ದ್ರೋ ರುಕ್ಮಿಣೀಪತಿಃ ।

ಸರ್ವದೇವಮಯಃ ಶ್ರೀಶಃ ಸರ್ವಾಧಾರಃ ಸನಾತನಃ ॥ 13 ॥

ಸೌಮ್ಯಃ ಸೌಮ್ಯಪ್ರದಃ ಸ್ರಷ್ಟಾ ವಿಷ್ವಕ್ಸೇನೋ ಜನಾರ್ದನಃ ।

ಯಶೋದಾತನಯೋ ಯೋಗೀ ಯೋಗಶಾಸ್ತ್ರಪರಾಯಣಃ ॥ 14 ॥

ರುದ್ರಾತ್ಮಕೋ ರುದ್ರಮೂರ್ತಿಃ ರಾಘವೋ ಮಧುಸೂಧನಃ । [ರುದ್ರಸೂದನಃ]

ಇತಿ ತೇ ಕಥಿತಂ ದಿವ್ಯಂ ನಾಮ್ನಾಮಷ್ಟೋತ್ತರಂ ಶತಮ್ ॥ 15 ॥

ಸರ್ವಪಾಪಹರಂ ಪುಣ್ಯಂ ದಿವ್ಯೋರತುಲತೇಜಸಃ ।

ದುಃಖದಾರಿದ್ರ್ಯದೌರ್ಭಾಗ್ಯನಾಶನಂ ಸುಖವರ್ಧನಮ್ ॥ 16 ॥

ಸರ್ವಸಮ್ಪತ್ಕರಂ ಸೌಮ್ಯಂ ಮಹಾಪಾತಕನಾಶನಮ್ ।

ಪ್ರಾತರುತ್ಥಾಯ ವಿಪೇನ್ದ್ರ ಪಠೇದೇಕಾಗ್ರಮಾನಸಃ ॥ 17 ॥

ತಸ್ಯ ನಶ್ಯನ್ತಿ ವಿಪದಾಂ ರಾಶಯಃ ಸಿದ್ಧಿಮಾಪ್ನುಯಾತ್ ॥ 18 ॥

ಇತಿ ಶ್ರೀ ವಿಷ್ಣೋಃ ಅಷ್ಟೋತ್ತರಶತನಾಮ ಸ್ತೋತ್ರಮ್ ॥

Roman (IAST) Transliteration

aṣṭottaraśataṃ nāmnāṃ viṣṇoratulatejasaḥ |

yasya śravaṇamātreṇa naro nārāyaṇo bhavet || 1 ||

viṣṇurjiṣṇurvaṣaṭkāro devadevo vṛṣākapiḥ | [vṛṣāpatiḥ]

dāmodaro dīnabandhurādidevo'ditestutaḥ || 2 ||

puṇḍarīkaḥ parānandaḥ paramātmā parātparaḥ |

paraśudhārī viśvātmā kṛṣṇaḥ kalimalāpahā || 3 ||

kaustubhodbhāsitorasko naro nārāyaṇo hariḥ |

haro harapriyaḥ svāmī vaikuṇṭho viśvatomukhaḥ || 4 ||

hṛṣīkeśo'prameyātmā varāho dharaṇīdharaḥ |

vāmano vedavaktā ca vāsudevaḥ sanātanaḥ || 5 ||

rāmo virāmo virajo rāvaṇārī ramāpatiḥ |

vaikuṇṭhavāsī vasumān dhanado dharaṇīdharaḥ || 6 ||

dharmeśo dharaṇīnātho dhyeyo dharmabhṛtāṃvaraḥ |

sahasraśīrṣā puruṣaḥ sahasrākṣaḥ sahasrapāt || 7 ||

sarvagaḥ sarvavitsarvaḥ śaraṇyaḥ sādhuvallabhaḥ | [sarvadaḥ]

kausalyānandanaḥ śrīmān rākṣasaḥkulanāśakaḥ || 8 ||

jagatkartā jagaddhartā jagajjetā janārtihā |

jānakīvallabho devo jayarūpo jaleśvaraḥ || 9 ||

kṣīrābdhivāsī kṣīrābdhitanayāvallabhastathā |

śeṣaśāyī pannagārivāhano viṣṭaraśravaḥ || 10 ||

mādhavo mathurānātho mukundo mohanāśanaḥ |

daityāriḥ puṇḍarīkākṣo hyacyuto madhusūdanaḥ || 11 ||

somasūryāgninayano nṛsiṃho bhaktavatsalaḥ |

nityo nirāmayaśśuddho varadevo jagatprabhuḥ || 12 || [naradevo]

hayagrīvo jitaripurupendro rukmiṇīpatiḥ |

sarvadevamayaḥ śrīśaḥ sarvādhāraḥ sanātanaḥ || 13 ||

saumyaḥ saumyapradaḥ sraṣṭā viṣvakseno janārdanaḥ |

yaśodātanayo yogī yogaśāstraparāyaṇaḥ || 14 ||

rudrātmako rudramūrtiḥ rāghavo madhusūdhanaḥ | [rudrasūdanaḥ]

iti te kathitaṃ divyaṃ nāmnāmaṣṭottaraṃ śatam || 15 ||

sarvapāpaharaṃ puṇyaṃ divyoratulatejasaḥ |

duḥkhadāridryadaurbhāgyanāśanaṃ sukhavardhanam || 16 ||

sarvasampatkaraṃ saumyaṃ mahāpātakanāśanam |

prātarutthāya vipendra paṭhedekāgramānasaḥ || 17 ||

tasya naśyanti vipadāṃ rāśayaḥ siddhimāpnuyāt || 18 ||

iti śrī viṣṇoḥ aṣṭottaraśatanāma stotram ||