Shri Tripura Bhairavi Ashtottara Shata Nama Stotram

ॐ

ಶ್ರೀ ತ್ರಿಪುರ ಭೈರವೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Tara Ashtottara Sata Namavali Kannada

ಶ್ರೀದೇವ್ಯುವಾಚ

ಕೈಲಾಸವಾಸಿನ್ ಭಗವನ್ ಪ್ರಾಣೇಶ್ವರ ಕೃಪಾನಿಧೇ ।

ಭಕ್ತವತ್ಸಲ ಭೈರವ್ಯಾ ನಾಮ್ನಾಮಷ್ಟೋತ್ತರಂ ಶತಮ್ ॥ 1 ॥

ನ ಶ್ರುತಂ ದೇವದೇವೇಶ ವದ ಮಾಂ ದೀನವತ್ಸಲ ।

ಶ್ರೀಶಿವ ಉವಾಚ

ಶೃಣು ಪ್ರಿಯೇ ಮಹಾಗೋಪ್ಯಂ ನಾಮ್ನಾಮಷ್ಟೋತ್ತರಂ ಶತಮ್ ॥ 2 ॥

ಭೈರವ್ಯಾಶ್ಶುಭದಂ ಸೇವ್ಯಂ ಸರ್ವಸಮ್ಪತ್ಪ್ರದಾಯಕಮ್ ।

ಯಸ್ಯಾನುಷ್ಠಾನಮಾತ್ರೇಣ ಕಿಂ ನ ಸಿದ್ಧ್ಯತಿ ಭೂತಲೇ ॥ 3 ॥

ಓಂ ಭೈರವೀ ಭೈರವಾರಾಧ್ಯಾ ಭೂತಿದಾ ಭೂತಭಾವನಾ ।

ಆರ್ಯಾ ಬ್ರಾಹ್ಮೀ ಕಾಮಧೇನುಸ್ಸರ್ವಸಮ್ಪತ್ಪ್ರದಾಯಿನೀ ॥ 4 ॥

ತ್ರೈಲೋಕ್ಯವನ್ದಿತಾ ದೇವೀ ಮಹಿಷಾಸುರಮರ್ದಿನೀ ।

ಮೋಹಘ್ನೀ ಮಾಲತೀ ಮಾಲಾ ಮಹಾಪಾತಕನಾಶಿನೀ ॥ 5 ॥

ಕ್ರೋಧಿನೀ ಕ್ರೋಧನಿಲಯಾ ಕ್ರೋಧರಕ್ತೇಕ್ಷಣಾ ಕುಹೂಃ ।

ತ್ರಿಪುರಾ ತ್ರಿಪುರಾಧಾರಾ ತ್ರಿನೇತ್ರಾ ಭೀಮಭೈರವೀ ॥ 6 ॥

ದೇವಕೀ ದೇವಮಾತಾ ಚ ದೇವದುಷ್ಟವಿನಾಶಿನೀ ।

ದಾಮೋದರಪ್ರಿಯಾ ದೀರ್ಘಾ ದುರ್ಗಾ ದುರ್ಗತಿನಾಶಿನೀ ॥ 7 ॥

ಲಮ್ಬೋದರೀ ಲಮ್ಬಕರ್ಣಾ ಪ್ರಲಮ್ಬಿತಪಯೋಧರಾ ।

ಪ್ರತ್ಯಙ್ಗಿರಾ ಪ್ರತಿಪದಾ ಪ್ರಣತಕ್ಲೇಶನಾಶಿನೀ ॥ 8 ॥

ಪ್ರಭಾವತೀ ಗುಣವತೀ ಗಣಮಾತಾ ಗುಹೇಶ್ವರೀ ।

ಕ್ಷೀರಾಬ್ಧಿತನಯಾ ಕ್ಷೇಮ್ಯಾ ಜಗತ್ತ್ರಾಣವಿಧಾಯಿನೀ ॥ 9 ॥

ಮಹಾಮಾರೀ ಮಹಾಮೋಹಾ ಮಹಾಕ್ರೋಧಾ ಮಹಾನದೀ ।

ಮಹಾಪಾತಕಸಂಹರ್ತ್ರೀ ಮಹಾಮೋಹಪ್ರದಾಯಿನೀ ॥ 10 ॥

ವಿಕರಾಲಾ ಮಹಾಕಾಲಾ ಕಾಲರೂಪಾ ಕಲಾವತೀ ।

ಕಪಾಲಖಟ್ವಾಙ್ಗಧರಾ ಖಡ್ಗಖರ್ಪರಧಾರಿಣೀ ॥ 11 ॥

ಕುಮಾರೀ ಕುಙ್ಕುಮಪ್ರೀತಾ ಕುಙ್ಕುಮಾರುಣರಞ್ಜಿತಾ ।

ಕೌಮೋದಕೀ ಕುಮುದಿನೀ ಕೀರ್ತ್ಯಾ ಕೀರ್ತಿಪ್ರದಾಯಿನೀ ॥ 12 ॥

ನವೀನಾ ನೀರದಾ ನಿತ್ಯಾ ನನ್ದಿಕೇಶ್ವರಪಾಲಿನೀ ।

ಘರ್ಘರಾ ಘರ್ಘರಾರಾವಾ ಘೋರಾ ಘೋರಸ್ವರೂಪಿಣೀ ॥ 13 ॥

ಕಲಿಘ್ನೀ ಕಲಿಧರ್ಮಘ್ನೀ ಕಲಿಕೌತುಕನಾಶಿನೀ ।

ಕಿಶೋರೀ ಕೇಶವಪ್ರೀತಾ ಕ್ಲೇಶಸಙ್ಘನಿವಾರಿಣೀ ॥ 14 ॥

ಮಹೋನ್ಮತ್ತಾ ಮಹಾಮತ್ತಾ ಮಹಾವಿದ್ಯಾ ಮಹೀಮಯೀ ।

ಮಹಾಯಜ್ಞಾ ಮಹಾವಾಣೀ ಮಹಾಮನ್ದರಧಾರಿಣೀ ॥ 15 ॥

ಮೋಕ್ಷದಾ ಮೋಹದಾ ಮೋಹಾ ಭುಕ್ತಿಮುಕ್ತಿಪ್ರದಾಯಿನೀ ।

ಅಟ್ಟಾಟ್ಟಹಾಸನಿರತಾ ಕ್ವಣನ್ನೂಪುರಧಾರಿಣೀ ॥ 16 ॥

ದೀರ್ಘದಂಷ್ಟ್ರಾ ದೀರ್ಘಮುಖೀ ದೀರ್ಘಘೋಣಾ ಚ ದೀರ್ಘಿಕಾ ।

ದನುಜಾನ್ತಕರೀ ದುಷ್ಟಾ ದುಃಖದಾರಿದ್ರ್ಯಭಞ್ಜಿನೀ ॥ 17 ॥

ದುರಾಚಾರಾ ಚ ದೋಷಘ್ನೀ ದಮಪತ್ನೀ ದಯಾಪರಾ ।

ಮನೋಭವಾ ಮನುಮಯೀ ಮನುವಂಶಪ್ರವರ್ಧಿನೀ ॥ 18 ॥

ಶ್ಯಾಮಾ ಶ್ಯಾಮತನುಶ್ಶೋಭಾ ಸೌಮ್ಯಾ ಶಮ್ಭುವಿಲಾಸಿನೀ ।

ಇತಿ ತೇ ಕಥಿತಂ ದಿವ್ಯಂ ನಾಮ್ನಾಮಷ್ಟೋತ್ತರಂ ಶತಮ್ ॥ 19 ॥

ಭೈರವ್ಯಾ ದೇವದೇವೇಶ್ಯಾಸ್ತವ ಪ್ರೀತ್ಯೈ ಸುರೇಶ್ವರಿ ।

ಅಪ್ರಕಾಶ್ಯಮಿದಂ ಗೋಪ್ಯಂ ಪಠನೀಯಂ ಪ್ರಯತ್ನತಃ ॥ 20 ॥

ದೇವೀಂ ಧ್ಯಾತ್ವಾ ಸುರಾಂ ಪೀತ್ವಾ ಮಕಾರೈಃ ಪಞ್ಚಕೈಃ ಪ್ರಿಯೇ ।

ಪೂಜಯೇತ್ಸತತಂ ಭಕ್ತ್ಯಾ ಪಠೇತ್ ಸ್ತೋತ್ರಮಿದಂ ಶುಭಮ್ ॥ 21 ॥

ಷಣ್ಮಾಸಾಭ್ಯನ್ತರೇ ಸೋಽಪಿ ಗಣನಾಥಸಮೋ ಭವೇತ್ ।

ಕಿಮತ್ರ ಬಹುನೋಕ್ತೇನ ತ್ವದಗ್ರೇ ಪ್ರಾಣವಲ್ಲಭೇ ॥ 22 ॥

ಸರ್ವಂ ಜಾನಾಸಿ ಸರ್ವಜ್ಞೇ ಪುನರ್ಮಾಂ ಪರಿಪೃಚ್ಛಸಿ ।

ನ ದೇಯಂ ಪರಶಿಷ್ಯೇಭ್ಯೋ ನಿನ್ದಕೇಭ್ಯೋ ವಿಶೇಷತಃ ॥ 23 ॥

ಇತಿ ಶ್ರೀತ್ರಿಪುರಭೈರವೀ ಅಷ್ಟೋತ್ತರಶತನಾಮಸ್ತೋತ್ರಮ್ ।

Roman (IAST) Transliteration

śrīdevyuvāca

kailāsavāsin bhagavan prāṇeśvara kṛpānidhe |

bhaktavatsala bhairavyā nāmnāmaṣṭottaraṃ śatam || 1 ||

na śrutaṃ devadeveśa vada māṃ dīnavatsala |

śrīśiva uvāca

śṛṇu priye mahāgopyaṃ nāmnāmaṣṭottaraṃ śatam || 2 ||

bhairavyāśśubhadaṃ sevyaṃ sarvasampatpradāyakam |

yasyānuṣṭhānamātreṇa kiṃ na siddhyati bhūtale || 3 ||

oṃ bhairavī bhairavārādhyā bhūtidā bhūtabhāvanā |

āryā brāhmī kāmadhenussarvasampatpradāyinī || 4 ||

trailokyavanditā devī mahiṣāsuramardinī |

mohaghnī mālatī mālā mahāpātakanāśinī || 5 ||

krodhinī krodhanilayā krodharaktekṣaṇā kuhūḥ |

tripurā tripurādhārā trinetrā bhīmabhairavī || 6 ||

devakī devamātā ca devaduṣṭavināśinī |

dāmodarapriyā dīrghā durgā durgatināśinī || 7 ||

lambodarī lambakarṇā pralambitapayodharā |

pratyaṅgirā pratipadā praṇatakleśanāśinī || 8 ||

prabhāvatī guṇavatī gaṇamātā guheśvarī |

kṣīrābdhitanayā kṣemyā jagattrāṇavidhāyinī || 9 ||

mahāmārī mahāmohā mahākrodhā mahānadī |

mahāpātakasaṃhartrī mahāmohapradāyinī || 10 ||

vikarālā mahākālā kālarūpā kalāvatī |

kapālakhaṭvāṅgadharā khaḍgakharparadhāriṇī || 11 ||

kumārī kuṅkumaprītā kuṅkumāruṇarañjitā |

kaumodakī kumudinī kīrtyā kīrtipradāyinī || 12 ||

navīnā nīradā nityā nandikeśvarapālinī |

ghargharā ghargharārāvā ghorā ghorasvarūpiṇī || 13 ||

kalighnī kalidharmaghnī kalikautukanāśinī |

kiśorī keśavaprītā kleśasaṅghanivāriṇī || 14 ||

mahonmattā mahāmattā mahāvidyā mahīmayī |

mahāyajñā mahāvāṇī mahāmandaradhāriṇī || 15 ||

mokṣadā mohadā mohā bhuktimuktipradāyinī |

aṭṭāṭṭahāsaniratā kvaṇannūpuradhāriṇī || 16 ||

dīrghadaṃṣṭrā dīrghamukhī dīrghaghoṇā ca dīrghikā |

danujāntakarī duṣṭā duḥkhadāridryabhañjinī || 17 ||

durācārā ca doṣaghnī damapatnī dayāparā |

manobhavā manumayī manuvaṃśapravardhinī || 18 ||

śyāmā śyāmatanuśśobhā saumyā śambhuvilāsinī |

iti te kathitaṃ divyaṃ nāmnāmaṣṭottaraṃ śatam || 19 ||

bhairavyā devadeveśyāstava prītyai sureśvari |

aprakāśyamidaṃ gopyaṃ paṭhanīyaṃ prayatnataḥ || 20 ||

devīṃ dhyātvā surāṃ pītvā makāraiḥ pañcakaiḥ priye |

pūjayetsatataṃ bhaktyā paṭhet stotramidaṃ śubham || 21 ||

ṣaṇmāsābhyantare so'pi gaṇanāthasamo bhavet |

kimatra bahunoktena tvadagre prāṇavallabhe || 22 ||

sarvaṃ jānāsi sarvajñe punarmāṃ paripṛcchasi |

na deyaṃ paraśiṣyebhyo nindakebhyo viśeṣataḥ || 23 ||

iti śrītripurabhairavī aṣṭottaraśatanāmastotram |