Shri Svarna Akarshana Bhairava Stotram

ॐ

ಶ್ರೀ ಸ್ವರ್ಣ ಆಕರ್ಷಣ ಭೈರವ ಸ್ತೋತ್ರಮ್

Shiva Stotram Kannada

ಓಂ ಅಸ್ಯ ಶ್ರೀ ಸ್ವರ್ಣಾಕರ್ಷಣ ಭೈರವ ಸ್ತೋತ್ರ ಮಹಾಮನ್ತ್ರಸ್ಯ ಬ್ರಹ್ಮ ಋಷಿಃ ಅನುಷ್ಟುಪ್ ಛನ್ದಃ ಶ್ರೀ ಸ್ವರ್ಣಾಕರ್ಷಣ ಭೈರವೋ ದೇವತಾ ಹ್ರೀಂ ಬೀಜಂ ಕ್ಲೀಂ ಶಕ್ತಿಃ ಸಃ ಕೀಲಕಂ ಮಮ ದಾರಿದ್ರ್ಯ ನಾಶಾರ್ಥೇ ಪಾಠೇ ವಿನಿಯೋಗಃ ॥

ಋಷ್ಯಾದಿ ನ್ಯಾಸಃ ।

ಬ್ರಹ್ಮರ್ಷಯೇ ನಮಃ ಶಿರಸಿ ।

ಅನುಷ್ಟುಪ್ ಛನ್ದಸೇ ನಮಃ ಮುಖೇ ।

ಸ್ವರ್ಣಾಕರ್ಷಣ ಭೈರವಾಯ ನಮಃ ಹೃದಿ ।

ಹ್ರೀಂ ಬೀಜಾಯ ನಮಃ ಗುಹ್ಯೇ ।

ಕ್ಲೀಂ ಶಕ್ತಯೇ ನಮಃ ಪಾದಯೋಃ ।

ಸಃ ಕೀಲಕಾಯ ನಮಃ ನಾಭೌ ।

ವಿನಿಯೊಗಾಯ ನಮಃ ಸರ್ವಾಙ್ಗೇ ।

ಹ್ರಾಂ ಹ್ರೀಂ ಹ್ರೂಂ ಇತಿ ಕರ ಷಡಙ್ಗನ್ಯಾಸಃ ॥

ಧ್ಯಾನಮ್ ।

ಪಾರಿಜಾತದ್ರುಮ ಕಾನ್ತಾರೇ ಸ್ಥಿತೇ ಮಾಣಿಕ್ಯಮಣ್ಡಪೇ ।

ಸಿಂಹಾಸನಗತಂ ವನ್ದೇ ಭೈರವಂ ಸ್ವರ್ಣದಾಯಕಮ್ ॥

ಗಾಙ್ಗೇಯ ಪಾತ್ರಂ ಡಮರೂಂ ತ್ರಿಶೂಲಂ

ವರಂ ಕರಃ ಸನ್ದಧತಂ ತ್ರಿನೇತ್ರಮ್ ।

ದೇವ್ಯಾಯುತಂ ತಪ್ತ ಸುವರ್ಣವರ್ಣ

ಸ್ವರ್ಣಾಕರ್ಷಣಭೈರವಮಾಶ್ರಯಾಮಿ ॥

ಮನ್ತ್ರಃ ।

ಓಂ ಐಂ ಹ್ರೀಂ ಶ್ರೀಂ ಐಂ ಶ್ರೀಂ ಆಪದುದ್ಧಾರಣಾಯ ಹ್ರಾಂ ಹ್ರೀಂ ಹ್ರೂಂ ಅಜಾಮಲವಧ್ಯಾಯ ಲೋಕೇಶ್ವರಾಯ ಸ್ವರ್ಣಾಕರ್ಷಣಭೈರವಾಯ ಮಮ ದಾರಿದ್ರ್ಯ ವಿದ್ವೇಷಣಾಯ ಮಹಾಭೈರವಾಯ ನಮಃ ಶ್ರೀಂ ಹ್ರೀಂ ಐಮ್ ।

ಸ್ತೋತ್ರಮ್ ।

ನಮಸ್ತೇಽಸ್ತು ಭೈರವಾಯ ಬ್ರಹ್ಮವಿಷ್ಣುಶಿವಾತ್ಮನೇ ।

ನಮಸ್ತ್ರೈಲೋಕ್ಯವನ್ದ್ಯಾಯ ವರದಾಯ ಪರಾತ್ಮನೇ ॥ 1 ॥

ರತ್ನಸಿಂಹಾಸನಸ್ಥಾಯ ದಿವ್ಯಾಭರಣಶೋಭಿನೇ ।

ದಿವ್ಯಮಾಲ್ಯವಿಭೂಷಾಯ ನಮಸ್ತೇ ದಿವ್ಯಮೂರ್ತಯೇ ॥ 2 ॥

ನಮಸ್ತೇಽನೇಕಹಸ್ತಾಯ ಹ್ಯನೇಕಶಿರಸೇ ನಮಃ ।

ನಮಸ್ತೇಽನೇಕನೇತ್ರಾಯ ಹ್ಯನೇಕವಿಭವೇ ನಮಃ ॥ 3 ॥

ನಮಸ್ತೇಽನೇಕಕಣ್ಠಾಯ ಹ್ಯನೇಕಾಂಶಾಯ ತೇ ನಮಃ ।

ನಮೋಸ್ತ್ವನೇಕೈಶ್ವರ್ಯಾಯ ಹ್ಯನೇಕದಿವ್ಯತೇಜಸೇ ॥ 4 ॥

ಅನೇಕಾಯುಧಯುಕ್ತಾಯ ಹ್ಯನೇಕಸುರಸೇವಿನೇ ।

ಅನೇಕಗುಣಯುಕ್ತಾಯ ಮಹಾದೇವಾಯ ತೇ ನಮಃ ॥ 5 ॥

ನಮೋ ದಾರಿದ್ರ್ಯಕಾಲಾಯ ಮಹಾಸಮ್ಪತ್ಪ್ರದಾಯಿನೇ ।

ಶ್ರೀಭೈರವೀಪ್ರಯುಕ್ತಾಯ ತ್ರಿಲೋಕೇಶಾಯ ತೇ ನಮಃ ॥ 6 ॥

ದಿಗಮ್ಬರ ನಮಸ್ತುಭ್ಯಂ ದಿಗೀಶಾಯ ನಮೋ ನಮಃ ।

ನಮೋಽಸ್ತು ದೈತ್ಯಕಾಲಾಯ ಪಾಪಕಾಲಾಯ ತೇ ನಮಃ ॥ 7 ॥

ಸರ್ವಜ್ಞಾಯ ನಮಸ್ತುಭ್ಯಂ ನಮಸ್ತೇ ದಿವ್ಯಚಕ್ಷುಷೇ ।

ಅಜಿತಾಯ ನಮಸ್ತುಭ್ಯಂ ಜಿತಾಮಿತ್ರಾಯ ತೇ ನಮಃ ॥ 8 ॥

ನಮಸ್ತೇ ರುದ್ರಪುತ್ರಾಯ ಗಣನಾಥಾಯ ತೇ ನಮಃ ।

ನಮಸ್ತೇ ವೀರವೀರಾಯ ಮಹಾವೀರಾಯ ತೇ ನಮಃ ॥ 9 ॥

ನಮೋಽಸ್ತ್ವನನ್ತವೀರ್ಯಾಯ ಮಹಾಘೋರಾಯ ತೇ ನಮಃ ।

ನಮಸ್ತೇ ಘೋರಘೋರಾಯ ವಿಶ್ವಘೋರಾಯ ತೇ ನಮಃ ॥ 10 ॥

ನಮಃ ಉಗ್ರಾಯ ಶಾನ್ತಾಯ ಭಕ್ತೇಭ್ಯಃ ಶಾನ್ತಿದಾಯಿನೇ ।

ಗುರವೇ ಸರ್ವಲೋಕಾನಾಂ ನಮಃ ಪ್ರಣವ ರೂಪಿಣೇ ॥ 11 ॥

ನಮಸ್ತೇ ವಾಗ್ಭವಾಖ್ಯಾಯ ದೀರ್ಘಕಾಮಾಯ ತೇ ನಮಃ ।

ನಮಸ್ತೇ ಕಾಮರಾಜಾಯ ಯೋಷಿತ್ಕಾಮಾಯ ತೇ ನಮಃ ॥ 12 ॥

ದೀರ್ಘಮಾಯಾಸ್ವರೂಪಾಯ ಮಹಾಮಾಯಾಪತೇ ನಮಃ ।

ಸೃಷ್ಟಿಮಾಯಾಸ್ವರೂಪಾಯ ವಿಸರ್ಗಾಯ ಸಮ್ಯಾಯಿನೇ ॥ 13 ॥

ರುದ್ರಲೋಕೇಶಪೂಜ್ಯಾಯ ಹ್ಯಾಪದುದ್ಧಾರಣಾಯ ಚ ।

ನಮೋಽಜಾಮಲಬದ್ಧಾಯ ಸುವರ್ಣಾಕರ್ಷಣಾಯ ತೇ ॥ 14 ॥

ನಮೋ ನಮೋ ಭೈರವಾಯ ಮಹಾದಾರಿದ್ರ್ಯನಾಶಿನೇ ।

ಉನ್ಮೂಲನಕರ್ಮಠಾಯ ಹ್ಯಲಕ್ಷ್ಮ್ಯಾ ಸರ್ವದಾ ನಮಃ ॥ 15 ॥

ನಮೋ ಲೋಕತ್ರಯೇಶಾಯ ಸ್ವಾನನ್ದನಿಹಿತಾಯ ತೇ ।

ನಮಃ ಶ್ರೀಬೀಜರೂಪಾಯ ಸರ್ವಕಾಮಪ್ರದಾಯಿನೇ ॥ 16 ॥

ನಮೋ ಮಹಾಭೈರವಾಯ ಶ್ರೀರೂಪಾಯ ನಮೋ ನಮಃ ।

ಧನಾಧ್ಯಕ್ಷ ನಮಸ್ತುಭ್ಯಂ ಶರಣ್ಯಾಯ ನಮೋ ನಮಃ ॥ 17 ॥

ನಮಃ ಪ್ರಸನ್ನರೂಪಾಯ ಹ್ಯಾದಿದೇವಾಯ ತೇ ನಮಃ ।

ನಮಸ್ತೇ ಮನ್ತ್ರರೂಪಾಯ ನಮಸ್ತೇ ರತ್ನರೂಪಿಣೇ ॥ 18 ॥

ನಮಸ್ತೇ ಸ್ವರ್ಣರೂಪಾಯ ಸುವರ್ಣಾಯ ನಮೋ ನಮಃ ।

ನಮಃ ಸುವರ್ಣವರ್ಣಾಯ ಮಹಾಪುಣ್ಯಾಯ ತೇ ನಮಃ ॥ 19 ॥

ನಮಃ ಶುದ್ಧಾಯ ಬುದ್ಧಾಯ ನಮಃ ಸಂಸಾರತಾರಿಣೇ ।

ನಮೋ ದೇವಾಯ ಗುಹ್ಯಾಯ ಪ್ರಬಲಾಯ ನಮೋ ನಮಃ ॥ 20 ॥

ನಮಸ್ತೇ ಬಲರೂಪಾಯ ಪರೇಷಾಂ ಬಲನಾಶಿನೇ ।

ನಮಸ್ತೇ ಸ್ವರ್ಗಸಂಸ್ಥಾಯ ನಮೋ ಭೂರ್ಲೋಕವಾಸಿನೇ ॥ 21 ॥

ನಮಃ ಪಾತಾಲವಾಸಾಯ ನಿರಾಧಾರಾಯ ತೇ ನಮಃ ।

ನಮೋ ನಮಃ ಸ್ವತನ್ತ್ರಾಯ ಹ್ಯನನ್ತಾಯ ನಮೋ ನಮಃ ॥ 22 ॥

ದ್ವಿಭುಜಾಯ ನಮಸ್ತುಭ್ಯಂ ಭುಜತ್ರಯಸುಶೋಭಿನೇ ।

ನಮೋಽಣಿಮಾದಿಸಿದ್ಧಾಯ ಸ್ವರ್ಣಹಸ್ತಾಯ ತೇ ನಮಃ ॥ 23 ॥

ಪೂರ್ಣಚನ್ದ್ರಪ್ರತೀಕಾಶವದನಾಮ್ಭೋಜಶೋಭಿನೇ ।

ನಮಸ್ತೇ ಸ್ವರ್ಣರೂಪಾಯ ಸ್ವರ್ಣಾಲಙ್ಕಾರಶೋಭಿನೇ ॥ 24 ॥

ನಮಃ ಸ್ವರ್ಣಾಕರ್ಷಣಾಯ ಸ್ವರ್ಣಾಭಾಯ ಚ ತೇ ನಮಃ ।

ನಮಸ್ತೇ ಸ್ವರ್ಣಕಣ್ಠಾಯ ಸ್ವರ್ಣಾಲಙ್ಕಾರಧಾರಿಣೇ ॥ 25 ॥

ಸ್ವರ್ಣಸಿಂಹಾಸನಸ್ಥಾಯ ಸ್ವರ್ಣಪಾದಾಯ ತೇ ನಮಃ ।

ನಮಃ ಸ್ವರ್ಣಾಭಪಾರಾಯ ಸ್ವರ್ಣಕಾಞ್ಚೀಸುಶೋಭಿನೇ ॥ 26 ॥

ನಮಸ್ತೇ ಸ್ವರ್ಣಜಙ್ಘಾಯ ಭಕ್ತಕಾಮದುಘಾತ್ಮನೇ ।

ನಮಸ್ತೇ ಸ್ವರ್ಣಭಕ್ತಾನಾಂ ಕಲ್ಪವೃಕ್ಷಸ್ವರೂಪಿಣೇ ॥ 27 ॥

ಚಿನ್ತಾಮಣಿಸ್ವರೂಪಾಯ ನಮೋ ಬ್ರಹ್ಮಾದಿಸೇವಿನೇ ।

ಕಲ್ಪದ್ರುಮಾಧಃಸಂಸ್ಥಾಯ ಬಹುಸ್ವರ್ಣಪ್ರದಾಯಿನೇ ॥ 28 ॥

ನಮೋ ಹೇಮಾದಿಕರ್ಷಾಯ ಭೈರವಾಯ ನಮೋ ನಮಃ ।

ಸ್ತವೇನಾನೇನ ಸನ್ತುಷ್ಟೋ ಭವ ಲೋಕೇಶಭೈರವ ॥ 29 ॥

ಪಶ್ಯ ಮಾಂ ಕರುಣಾವಿಷ್ಟ ಶರಣಾಗತವತ್ಸಲ ।

ಶ್ರೀಭೈರವ ಧನಾಧ್ಯಕ್ಷ ಶರಣಂ ತ್ವಾಂ ಭಜಾಮ್ಯಹಮ್ ।

ಪ್ರಸೀದ ಸಕಲಾನ್ ಕಾಮಾನ್ ಪ್ರಯಚ್ಛ ಮಮ ಸರ್ವದಾ ॥ 30 ॥

ಫಲಶ್ರುತಿಃ

ಶ್ರೀಮಹಾಭೈರವಸ್ಯೇದಂ ಸ್ತೋತ್ರಸೂಕ್ತಂ ಸುದುರ್ಲಭಮ್ ।

ಮನ್ತ್ರಾತ್ಮಕಂ ಮಹಾಪುಣ್ಯಂ ಸರ್ವೈಶ್ವರ್ಯಪ್ರದಾಯಕಮ್ ॥ 31 ॥

ಯಃ ಪಠೇನ್ನಿತ್ಯಮೇಕಾಗ್ರಂ ಪಾತಕೈಃ ಸ ವಿಮುಚ್ಯತೇ ।

ಲಭತೇ ಚಾಮಲಾಲಕ್ಷ್ಮೀಮಷ್ಟೈಶ್ವರ್ಯಮವಾಪ್ನುಯಾತ್ ॥ 32 ॥

ಚಿನ್ತಾಮಣಿಮವಾಪ್ನೋತಿ ಧೇನು ಕಲ್ಪತರುಂ ಧೃವಮ್ ।

ಸ್ವರ್ಣರಾಶಿಮವಾಪ್ನೋತಿ ಸಿದ್ಧಿಮೇವ ಸ ಮಾನವಃ ॥ 33 ॥

ಸನ್ಧ್ಯಾಯಾಂ ಯಃ ಪಠೇತ್ ಸ್ತೋತ್ರಂ ದಶಾವೃತ್ಯಾ ನರೋತ್ತಮೈಃ ।

ಸ್ವಪ್ನೇ ಶ್ರೀಭೈರವಸ್ತಸ್ಯ ಸಾಕ್ಷಾದ್ಭೂತ್ವಾ ಜಗದ್ಗುರುಃ ॥ 34 ॥

ಸ್ವರ್ಣರಾಶಿ ದದಾತ್ಯೇವ ತತ್‍ಕ್ಷಣಾನ್ನಾಸ್ತಿ ಸಂಶಯಃ ।

ಸರ್ವದಾ ಯಃ ಪಠೇತ್ ಸ್ತೋತ್ರಂ ಭೈರವಸ್ಯ ಮಹಾತ್ಮನಃ ॥ 35 ॥

ಲೋಕತ್ರಯಂ ವಶೀಕುರ್ಯಾದಚಲಾಂ ಶ್ರಿಯಮವಾಪ್ನುಯಾತ್ ।

ನ ಭಯಂ ಲಭತೇ ಕ್ವಾಪಿ ವಿಘ್ನಭೂತಾದಿಸಮ್ಭವ ॥ 36 ॥

ಮ್ರಿಯನ್ತೇ ಶತ್ರವೋಽವಶ್ಯಮಲಕ್ಷ್ಮೀನಾಶಮಾಪ್ನುಯಾತ್ ।

ಅಕ್ಷಯಂ ಲಭತೇ ಸೌಖ್ಯಂ ಸರ್ವದಾ ಮಾನವೋತ್ತಮಃ ॥ 37 ॥

ಅಷ್ಟಪಞ್ಚಾಶತಾಣಢ್ಯೋ ಮನ್ತ್ರರಾಜಃ ಪ್ರಕೀರ್ತಿತಃ ।

ದಾರಿದ್ರ್ಯದುಃಖಶಮನಂ ಸ್ವರ್ಣಾಕರ್ಷಣಕಾರಕಃ ॥ 38 ॥

ಯ ಯೇನ ಸಞ್ಜಪೇತ್ ಧೀಮಾನ್ ಸ್ತೋತ್ರಂ ವಾ ಪ್ರಪಠೇತ್ ಸದಾ ।

ಮಹಾಭೈರವಸಾಯುಜ್ಯಂ ಸ್ವಾನ್ತಕಾಲೇ ಭವೇದ್ಧ್ರುವಮ್ ॥ 39 ॥

ಇತಿ ರುದ್ರಯಾಮಲ ತನ್ತ್ರೇ ಸ್ವರ್ಣಾಕರ್ಷಣ ಭೈರವ ಸ್ತೋತ್ರಮ್ ॥

Roman (IAST) Transliteration

oṃ asya śrī svarṇākarṣaṇa bhairava stotra mahāmantrasya brahma ṛṣiḥ anuṣṭup chandaḥ śrī svarṇākarṣaṇa bhairavo devatā hrīṃ bījaṃ klīṃ śaktiḥ saḥ kīlakaṃ mama dāridrya nāśārthe pāṭhe viniyogaḥ ||

ṛṣyādi nyāsaḥ |

brahmarṣaye namaḥ śirasi |

anuṣṭup chandase namaḥ mukhe |

svarṇākarṣaṇa bhairavāya namaḥ hṛdi |

hrīṃ bījāya namaḥ guhye |

klīṃ śaktaye namaḥ pādayoḥ |

saḥ kīlakāya namaḥ nābhau |

viniyògāya namaḥ sarvāṅge |

hrāṃ hrīṃ hrūṃ iti kara ṣaḍaṅganyāsaḥ ||

dhyānam |

pārijātadruma kāntāre sthite māṇikyamaṇḍape |

siṃhāsanagataṃ vande bhairavaṃ svarṇadāyakam ||

gāṅgeya pātraṃ ḍamarūṃ triśūlaṃ

varaṃ karaḥ sandadhataṃ trinetram |

devyāyutaṃ tapta suvarṇavarṇa

svarṇākarṣaṇabhairavamāśrayāmi ||

mantraḥ |

oṃ aiṃ hrīṃ śrīṃ aiṃ śrīṃ āpaduddhāraṇāya hrāṃ hrīṃ hrūṃ ajāmalavadhyāya lokeśvarāya svarṇākarṣaṇabhairavāya mama dāridrya vidveṣaṇāya mahābhairavāya namaḥ śrīṃ hrīṃ aim |

stotram |

namaste'stu bhairavāya brahmaviṣṇuśivātmane |

namastrailokyavandyāya varadāya parātmane || 1 ||

ratnasiṃhāsanasthāya divyābharaṇaśobhine |

divyamālyavibhūṣāya namaste divyamūrtaye || 2 ||

namaste'nekahastāya hyanekaśirase namaḥ |

namaste'nekanetrāya hyanekavibhave namaḥ || 3 ||

namaste'nekakaṇṭhāya hyanekāṃśāya te namaḥ |

namostvanekaiśvaryāya hyanekadivyatejase || 4 ||

anekāyudhayuktāya hyanekasurasevine |

anekaguṇayuktāya mahādevāya te namaḥ || 5 ||

namo dāridryakālāya mahāsampatpradāyine |

śrībhairavīprayuktāya trilokeśāya te namaḥ || 6 ||

digambara namastubhyaṃ digīśāya namo namaḥ |

namo'stu daityakālāya pāpakālāya te namaḥ || 7 ||

sarvajñāya namastubhyaṃ namaste divyacakṣuṣe |

ajitāya namastubhyaṃ jitāmitrāya te namaḥ || 8 ||

namaste rudraputrāya gaṇanāthāya te namaḥ |

namaste vīravīrāya mahāvīrāya te namaḥ || 9 ||

namo'stvanantavīryāya mahāghorāya te namaḥ |

namaste ghoraghorāya viśvaghorāya te namaḥ || 10 ||

namaḥ ugrāya śāntāya bhaktebhyaḥ śāntidāyine |

gurave sarvalokānāṃ namaḥ praṇava rūpiṇe || 11 ||

namaste vāgbhavākhyāya dīrghakāmāya te namaḥ |

namaste kāmarājāya yoṣitkāmāya te namaḥ || 12 ||

dīrghamāyāsvarūpāya mahāmāyāpate namaḥ |

sṛṣṭimāyāsvarūpāya visargāya samyāyine || 13 ||

rudralokeśapūjyāya hyāpaduddhāraṇāya ca |

namo'jāmalabaddhāya suvarṇākarṣaṇāya te || 14 ||

namo namo bhairavāya mahādāridryanāśine |

unmūlanakarmaṭhāya hyalakṣmyā sarvadā namaḥ || 15 ||

namo lokatrayeśāya svānandanihitāya te |

namaḥ śrībījarūpāya sarvakāmapradāyine || 16 ||

namo mahābhairavāya śrīrūpāya namo namaḥ |

dhanādhyakṣa namastubhyaṃ śaraṇyāya namo namaḥ || 17 ||

namaḥ prasannarūpāya hyādidevāya te namaḥ |

namaste mantrarūpāya namaste ratnarūpiṇe || 18 ||

namaste svarṇarūpāya suvarṇāya namo namaḥ |

namaḥ suvarṇavarṇāya mahāpuṇyāya te namaḥ || 19 ||

namaḥ śuddhāya buddhāya namaḥ saṃsāratāriṇe |

namo devāya guhyāya prabalāya namo namaḥ || 20 ||

namaste balarūpāya pareṣāṃ balanāśine |

namaste svargasaṃsthāya namo bhūrlokavāsine || 21 ||

namaḥ pātālavāsāya nirādhārāya te namaḥ |

namo namaḥ svatantrāya hyanantāya namo namaḥ || 22 ||

dvibhujāya namastubhyaṃ bhujatrayasuśobhine |

namo'ṇimādisiddhāya svarṇahastāya te namaḥ || 23 ||

pūrṇacandrapratīkāśavadanāmbhojaśobhine |

namaste svarṇarūpāya svarṇālaṅkāraśobhine || 24 ||

namaḥ svarṇākarṣaṇāya svarṇābhāya ca te namaḥ |

namaste svarṇakaṇṭhāya svarṇālaṅkāradhāriṇe || 25 ||

svarṇasiṃhāsanasthāya svarṇapādāya te namaḥ |

namaḥ svarṇābhapārāya svarṇakāñcīsuśobhine || 26 ||

namaste svarṇajaṅghāya bhaktakāmadughātmane |

namaste svarṇabhaktānāṃ kalpavṛkṣasvarūpiṇe || 27 ||

cintāmaṇisvarūpāya namo brahmādisevine |

kalpadrumādhaḥsaṃsthāya bahusvarṇapradāyine || 28 ||

namo hemādikarṣāya bhairavāya namo namaḥ |

stavenānena santuṣṭo bhava lokeśabhairava || 29 ||

paśya māṃ karuṇāviṣṭa śaraṇāgatavatsala |

śrībhairava dhanādhyakṣa śaraṇaṃ tvāṃ bhajāmyaham |

prasīda sakalān kāmān prayaccha mama sarvadā || 30 ||

phalaśrutiḥ

śrīmahābhairavasyedaṃ stotrasūktaṃ sudurlabham |

mantrātmakaṃ mahāpuṇyaṃ sarvaiśvaryapradāyakam || 31 ||

yaḥ paṭhennityamekāgraṃ pātakaiḥ sa vimucyate |

labhate cāmalālakṣmīmaṣṭaiśvaryamavāpnuyāt || 32 ||

cintāmaṇimavāpnoti dhenu kalpataruṃ dhṛvam |

svarṇarāśimavāpnoti siddhimeva sa mānavaḥ || 33 ||

sandhyāyāṃ yaḥ paṭhet stotraṃ daśāvṛtyā narottamaiḥ |

svapne śrībhairavastasya sākṣādbhūtvā jagadguruḥ || 34 ||

svarṇarāśi dadātyeva tat‍kṣaṇānnāsti saṃśayaḥ |

sarvadā yaḥ paṭhet stotraṃ bhairavasya mahātmanaḥ || 35 ||

lokatrayaṃ vaśīkuryādacalāṃ śriyamavāpnuyāt |

na bhayaṃ labhate kvāpi vighnabhūtādisambhava || 36 ||

mriyante śatravo'vaśyamalakṣmīnāśamāpnuyāt |

akṣayaṃ labhate saukhyaṃ sarvadā mānavottamaḥ || 37 ||

aṣṭapañcāśatāṇaḍhyo mantrarājaḥ prakīrtitaḥ |

dāridryaduḥkhaśamanaṃ svarṇākarṣaṇakārakaḥ || 38 ||

ya yena sañjapet dhīmān stotraṃ vā prapaṭhet sadā |

mahābhairavasāyujyaṃ svāntakāle bhaveddhruvam || 39 ||

iti rudrayāmala tantre svarṇākarṣaṇa bhairava stotram ||