Shri Shanmukha Pancharatna Stuti

ॐ

ಶ್ರೀ ಷಣ್ಮುಖ ಪಞ್ಚರತ್ನ ಸ್ತುತಿ

Murugan Pancharatnam Kannada

ಸ್ಫುರದ್ವಿದ್ಯುದ್ವಲ್ಲೀವಲಯಿತಮಗೋತ್ಸಙ್ಗವಸತಿಂ

ಭವಾಪ್ಪಿತ್ತಪ್ಲುಷ್ಟಾನಮಿತಕರುಣಾಜೀವನವಶಾತ್ ।

ಅವನ್ತಂ ಭಕ್ತಾನಾಮುದಯಕರಮಮ್ಭೋಧರ ಇತಿ

ಪ್ರಮೋದಾದಾವಾಸಂ ವ್ಯತನುತ ಮಯೂರೋಽಸ್ಯ ಸವಿಧೇ ॥ 1 ॥

ಸುಬ್ರಹ್ಮಣ್ಯೋ ಯೋ ಭವೇಜ್ಜ್ಞಾನಶಕ್ತ್ಯಾ

ಸಿದ್ಧಂ ತಸ್ಮಿನ್ದೇವಸೇನಾಪತಿತ್ವಮ್ ।

ಇತ್ಥಂ ಶಕ್ತಿಂ ದೇವಸೇನಾಪತಿತ್ವಂ

ಸುಬ್ರಹ್ಮಣ್ಯೋ ಬಿಭ್ರದೇಷ ವ್ಯನಕ್ತಿ ॥ 2 ॥

ಪಕ್ಷೋಽನಿರ್ವಚನೀಯೋ ದಕ್ಷಿಣ ಇತಿ ಧಿಯಮಶೇಷಜನತಾಯಾಃ ।

ಜನಯತಿ ಬರ್ಹೀ ದಕ್ಷಿಣನಿರ್ವಚನಾಯೋಗ್ಯಪಕ್ಷಯುಕ್ತೋಽಯಮ್ ॥ 3 ॥

ಯಃ ಪಕ್ಷಮನಿರ್ವಚನಂ ಯಾತಿ ಸಮವಲಮ್ಬ್ಯ ದೃಶ್ಯತೇ ತೇನ ।

ಬ್ರಹ್ಮ ಪರಾತ್ಪರಮಮಲಂ ಸುಬ್ರಹ್ಮಣ್ಯಾಭಿಧಂ ಪರಂ ಜ್ಯೋತಿಃ ॥ 4 ॥

ಷಣ್ಮುಖಂ ಹಸನ್ಮುಖಂ ಸುಖಾಮ್ಬುರಾಶಿಖೇಲನಂ

ಸನ್ಮುನೀನ್ದ್ರಸೇವ್ಯಮಾನಪಾದಪಙ್ಕಜಂ ಸದಾ ।

ಮನ್ಮಥಾದಿಶತ್ರುವರ್ಗನಾಶಕಂ ಕೃಪಾಮ್ಬುಧಿಂ

ಮನ್ಮಹೇ ಮುದಾ ಹೃದಿ ಪ್ರಪನ್ನಕಲ್ಪಭೂರುಹಮ್ ॥ 5 ॥

ಇತಿ ಜಗದ್ಗುರು ಶೃಙ್ಗೇರೀಪೀಠಾಧಿಪ ಶ್ರೀಚನ್ದ್ರಶೇಖರಭಾರತೀ ಶ್ರೀಪಾದೈಃ ವಿರಚಿತಾ ಶ್ರೀಷಣ್ಮುಖಪಞ್ಚರತ್ನಸ್ತುತಿಃ ।

Roman (IAST) Transliteration

sphuradvidyudvallīvalayitamagotsaṅgavasatiṃ

bhavāppittapluṣṭānamitakaruṇājīvanavaśāt |

avantaṃ bhaktānāmudayakaramambhodhara iti

pramodādāvāsaṃ vyatanuta mayūro'sya savidhe || 1 ||

subrahmaṇyo yo bhavejjñānaśaktyā

siddhaṃ tasmindevasenāpatitvam |

itthaṃ śaktiṃ devasenāpatitvaṃ

subrahmaṇyo bibhradeṣa vyanakti || 2 ||

pakṣo'nirvacanīyo dakṣiṇa iti dhiyamaśeṣajanatāyāḥ |

janayati barhī dakṣiṇanirvacanāyogyapakṣayukto'yam || 3 ||

yaḥ pakṣamanirvacanaṃ yāti samavalambya dṛśyate tena |

brahma parātparamamalaṃ subrahmaṇyābhidhaṃ paraṃ jyotiḥ || 4 ||

ṣaṇmukhaṃ hasanmukhaṃ sukhāmburāśikhelanaṃ

sanmunīndrasevyamānapādapaṅkajaṃ sadā |

manmathādiśatruvarganāśakaṃ kṛpāmbudhiṃ

manmahe mudā hṛdi prapannakalpabhūruham || 5 ||

iti jagadguru śṛṅgerīpīṭhādhipa śrīcandraśekharabhāratī śrīpādaiḥ viracitā śrīṣaṇmukhapañcaratnastutiḥ |