📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ಶ್ರೀ ರುದ್ರಂ ಲಘುನ್ಯಾಸಮ್
Shri Rudram Laghunyasam
Shiva Vedic Kannada
ಓಂ ಅಥಾತ್ಮಾನಗ್ಂ ಶಿವಾತ್ಮಾನಂ ಶ್ರೀ ರುದ್ರರೂಪ-ನ್ಧ್ಯಾಯೇತ್ ॥
ಶುದ್ಧಸ್ಫಟಿಕ ಸಙ್ಕಾಶ-ನ್ತ್ರಿನೇತ್ರ-ಮ್ಪಞ್ಚ ವಕ್ತ್ರಕಮ್ ।
ಗಙ್ಗಾಧರ-ನ್ದಶಭುಜಂ ಸರ್ವಾಭರಣ ಭೂಷಿತಮ್ ॥
ನೀಲಗ್ರೀವಂ ಶಶಾಙ್ಕಾಙ್ಕ-ನ್ನಾಗ ಯಜ್ಞೋಪ ವೀತಿನಮ್ ।
ವ್ಯಾಘ್ರ ಚರ್ಮೋತ್ತರೀಯ-ಞ್ಚ ವರೇಣ್ಯಮಭಯ ಪ್ರದಮ್ ॥
ಕಮಣ್ಡಲ್-ವಕ್ಷ ಸೂತ್ರಾಣಾ-ನ್ಧಾರಿಣಂ ಶೂಲಪಾಣಿನಮ್ ।
ಜ್ವಲನ್ತ-ಮ್ಪಿಙ್ಗಲಜಟಾ ಶಿಖಾ ಮುದ್ದ್ಯೋತ ಧಾರಿಣಮ್ ॥
ವೃಷ ಸ್ಕನ್ಧ ಸಮಾರೂಢಂ ಉಮಾ ದೇಹಾರ್ಥ ಧಾರಿಣಮ್ ।
ಅಮೃತೇನಾಪ್ಲುತಂ ಶಾನ್ತ-ನ್ದಿವ್ಯಭೋಗ ಸಮನ್ವಿತಮ್ ॥
ದಿಗ್ದೇವತಾ ಸಮಾಯುಕ್ತಂ ಸುರಾಸುರ ನಮಸ್ಕೃತಮ್ ।
ನಿತ್ಯ-ಞ್ಚ ಶಾಶ್ವತಂ ಶುದ್ಧ-ನ್ಧ್ರುವ-ಮಕ್ಷರ-ಮವ್ಯಯಮ್ ।
ಸರ್ವ ವ್ಯಾಪಿನ-ಮೀಶಾನಂ ರುದ್ರಂ-ವೈಁ ವಿಶ್ವರೂಪಿಣಮ್ ।
ಏವ-ನ್ಧ್ಯಾತ್ವಾ ದ್ವಿಜ-ಸ್ಸಮ್ಯ-ಕ್ತತೋ ಯಜನಮಾರಭೇತ್ ॥
ಅಥಾತೋ ರುದ್ರ ಸ್ನಾನಾರ್ಚನಾಭಿಷೇಕ ವಿಧಿಂ-ವ್ಯಾಁ᳚ಕ್ಷ್ಯಾಸ್ಯಾಮಃ ।
ಆದಿತ ಏವ ತೀರ್ಥೇ ಸ್ನಾತ್ವಾ,
ಉದೇತ್ಯ ಶುಚಿಃ ಪ್ರಯತೋ ಬ್ರಹ್ಮಚಾರೀ ಶುಕ್ಲವಾಸಾ ದೇವಾಭಿಮುಖ-ಸ್ಸ್ಥಿತ್ವಾ,
ಆತ್ಮನಿ ದೇವತಾ-ಸ್ಸ್ಥಾಪಯೇತ್ ॥
ಪ್ರಜನನೇ ಬ್ರಹ್ಮಾ ತಿಷ್ಠತು ।
ಪಾದಯೋರ್ವಿಷ್ಣುಸ್ತಿಷ್ಠತು ।
ಹಸ್ತಯೋರ್​ಹರಸ್ತಿಷ್ಠತು ।
ಬಾಹ್ವೋರಿನ್ದ್ರಸ್ತಿಷ್ಟತು ।
ಜಠರೇ-ಽಅಗ್ನಿಸ್ತಿಷ್ಠತು ।
ಹೃದ॑ಯೇ ಶಿವಸ್ತಿಷ್ಠತು ।
ಕಣ್ಠೇ ವಸವಸ್ತಿಷ್ಠನ್ತು ।
ವಕ್ತ್ರೇ ಸರಸ್ವತೀ ತಿಷ್ಠತು ।
ನಾಸಿಕಯೋ-ರ್ವಾಯುಸ್ತಿಷ್ಠತು ।
ನಯನಯೋ-ಶ್ಚನ್ದ್ರಾದಿತ್ಯೌ ತಿಷ್ಟೇತಾಮ್ ।
ಕರ್ಣಯೋರಶ್ವಿನೌ ತಿಷ್ಟೇತಾಮ್ ।
ಲಲಾಟೇ ರುದ್ರಾಸ್ತಿಷ್ಠನ್ತು ।
ಮೂರ್ಥ್ನ್ಯಾದಿತ್ಯಾಸ್ತಿಷ್ಠನ್ತು ।
ಶಿರಸಿ ಮಹಾದೇವಸ್ತಿಷ್ಠತು ।
ಶಿಖಾಯಾಂ-ವಾಁಮದೇವಾಸ್ತಿಷ್ಠತು ।
ಪೃಷ್ಠೇ ಪಿನಾಕೀ ತಿಷ್ಠತು ।
ಪುರತ-ಶ್ಶೂಲೀ ತಿಷ್ಠತು ।
ಪಾರ್​ಶ್ವಯೋ-ಶ್ಶಿವಾಶಙ್ಕರೌ ತಿಷ್ಠೇತಾಮ್ ।
ಸರ್ವತೋ ವಾಯುಸ್ತಿಷ್ಠತು ।
ತತೋ ಬಹಿ-ಸ್ಸರ್ವತೋ-ಽಗ್ನಿರ್ಜ್ವಾಲಾಮಾಲಾ-ಪರಿವೃತಸ್ತಿಷ್ಠತು ।
ಸರ್ವೇಷ್ವಙ್ಗೇಷು ಸರ್ವಾ ದೇವತಾ ಯಥಾಸ್ಥಾನ-ನ್ತಿಷ್ಠನ್ತು ।
ಮಾಗ್ಂ ರಕ್ಷನ್ತು ।
ಅ॒ಗ್ನಿರ್ಮೇ॑ ವಾ॒ಚಿ ಶ್ರಿ॒ತಃ । ವಾಘೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ವಾ॒ಯುರ್ಮೇ᳚ ಪ್ರಾ॒ಣೇ ಶ್ರಿ॒ತಃ । ಪ್ರಾ॒ಣೋ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಸೂರ್ಯೋ॑ ಮೇ॒ ಚಕ್ಷುಷಿ ಶ್ರಿ॒ತಃ । ಚಕ್ಷು॒ರ್​ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಚ॒ನ್ದ್ರಮಾ॑ ಮೇ॒ ಮನ॑ಸಿ ಶ್ರಿ॒ತಃ । ಮನೋ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ದಿಶೋ॑ ಮೇ॒ ಶ್ರೋತ್ರೇ᳚ ಶ್ರಿ॒ತಾಃ । ಶ್ರೋತ್ರ॒ಗ್ಂ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಆಪೋಮೇ॒ ರೇತಸಿ ಶ್ರಿ॒ತಾಃ । ರೇತೋ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಪೃ॒ಥಿ॒ವೀ ಮೇ॒ ಶರೀ॑ರೇ ಶ್ರಿ॒ತಾ । ಶರೀ॑ರ॒ಗ್ಂ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಓ॒ಷ॒ಧಿ॒ ವ॒ನ॒ಸ್ಪತಯೋ॑ ಮೇ॒ ಲೋಮ॑ಸು ಶ್ರಿ॒ತಾಃ । ಲೋಮಾ॑ನಿ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಇನ್ದ್ರೋ॑ ಮೇ॒ ಬಲೇ᳚ ಶ್ರಿ॒ತಃ । ಬಲ॒ಗ್ಂ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಪ॒ರ್ಜನ್ಯೋ॑ ಮೇ॒ ಮೂ॒ರ್ದ್ನಿ ಶ್ರಿ॒ತಃ । ಮೂ॒ರ್ಧಾ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಈಶಾ॑ನೋ ಮೇ॒ ಮ॒ನ್ಯೌ ಶ್ರಿ॒ತಃ । ಮ॒ನ್ಯುರ್​ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಆ॒ತ್ಮಾ ಮ॑ ಆ॒ತ್ಮನಿ॑ ಶ್ರಿ॒ತಃ । ಆ॒ತ್ಮಾ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಪುನ॑ರ್ಮ ಆ॒ತ್ಮಾ ಪುನ॒ರಾಯು॒ ರಾಗಾ᳚ತ್ । ಪುನಃ॑ ಪ್ರಾ॒ಣಃ ಪುನ॒ರಾಕೂ॑ತ॒ಮಾಗಾ᳚ತ್ । ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ವಾವೃಧಾ॒ನಃ । ಅ॒ನ್ತಸ್ತಿ॑ಷ್ಠ॒ತ್ವಮೃತ॑ಸ್ಯ ಗೋ॒ಪಾಃ ॥
ಅಸ್ಯ ಶ್ರೀ ರುದ್ರಾಧ್ಯಾಯ ಪ್ರಶ್ನ ಮಹಾಮನ್ತ್ರಸ್ಯ,
ಅಘೋರ ಋಷಿಃ,
ಅನುಷ್ಟು-ಪ್ಛನ್ದಃ,
ಸಙ್ಕರ್​ಷಣ ಮೂರ್ತಿ ಸ್ವರೂಪೋ ಯೋ-ಽಸಾವಾದಿತ್ಯಃ ಪರಮಪುರುಷ-ಸ್ಸ ಏಷ ರುದ್ರೋ ದೇವತಾ ।
ನಮ-ಶ್ಶಿವಾಯೇತಿ ಬೀಜಮ್ ।
ಶಿವತರಾಯೇತಿ ಶಕ್ತಿಃ ।
ಮಹಾದೇವಾಯೇತಿ ಕೀಲಕಮ್ ।
ಶ್ರೀ ಸಾಮ್ಬ ಸದಾಶಿವ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಓಂ ಅಗ್ನಿಹೋತ್ರಾತ್ಮನೇ ಅಙ್ಗುಷ್ಠಾಭ್ಯಾ-ನ್ನಮಃ ।
ದರ್​ಶಪೂರ್ಣ ಮಾಸಾತ್ಮನೇ ತರ್ಜನೀಭ್ಯಾ-ನ್ನಮಃ ।
ಚಾತುರ್ಮಾಸ್ಯಾತ್ಮನೇ ಮಧ್ಯಮಾಭ್ಯಾ-ನ್ನಮಃ ।
ನಿರೂಢ ಪಶುಬನ್ಧಾತ್ಮನೇ ಅನಾಮಿಕಾಭ್ಯಾ-ನ್ನಮಃ ।
ಜ್ಯೋತಿಷ್ಟೋಮಾತ್ಮನೇ ಕನಿಷ್ಠಿಕಾಭ್ಯಾ-ನ್ನಮಃ ।
ಸರ್ವಕ್ರತ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾ-ನ್ನಮಃ ॥
ಅಗ್ನಿಹೋತ್ರಾತ್ಮನೇ ಹೃದಯಾಯ ನಮಃ ।
ದರ್​ಶಪೂರ್ಣ ಮಾಸಾತ್ಮನೇ ಶಿರಸೇ ಸ್ವಾಹಾ ।
ಚಾತುರ್ಮಾಸ್ಯಾತ್ಮನೇ ಶಿಖಾಯೈ ವಷಟ್ ।
ನಿರೂಢ ಪಶುಬನ್ಧಾತ್ಮನೇ ಕವಚಾಯ ಹುಮ್ ।
ಜ್ಯೋತಿಷ್ಟೋಮಾತ್ಮನೇ ನೇತ್ರತ್ರಯಾಯ ವೌಷಟ್ ।
ಸರ್ವಕ್ರತ್ವಾತ್ಮನೇ ಅಸ್ತ್ರಾಯಫಟ್ । ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥
ಧ್ಯಾನಂ
ಆಪಾತಾಲ-ನಭಸ್ಸ್ಥಲಾನ್ತ-ಭುವನ-ಬ್ರಹ್ಮಾಣ್ಡ-ಮಾವಿಸ್ಫುರತ್-
ಜ್ಯೋತಿ-ಸ್ಸ್ಫಾಟಿಕ-ಲಿಙ್ಗ-ಮೌಲಿ-ವಿಲಸತ್-ಪೂರ್ಣೇನ್ದು-ವಾನ್ತಾಮೃತೈಃ ।
ಅಸ್ತೋಕಾಪ್ಲುತ-ಮೇಕ-ಮೀಶ-ಮನಿಶಂ ರುದ್ರಾನು-ವಾಕಾಞ್ಜಪನ್
ಧ್ಯಾಯೇ-ದೀಪ್ಸಿತ-ಸಿದ್ಧಯೇ ಧ್ರುವಪದಂ-ವಿಁಪ್ರೋ-ಽಭಿಷಿಞ್ಚೇ-ಚ್ಚಿವಮ್ ॥
ಬ್ರಹ್ಮಾಣ್ಡ ವ್ಯಾಪ್ತದೇಹಾ ಭಸಿತ ಹಿಮರುಚಾ ಭಾಸಮಾನಾ ಭುಜಙ್ಗೈಃ
ಕಣ್ಠೇ ಕಾಲಾಃ ಕಪರ್ದಾಃ ಕಲಿತ-ಶಶಿಕಲಾ-ಶ್ಚಣ್ಡ ಕೋದಣ್ಡ ಹಸ್ತಾಃ ।
ತ್ರ್ಯಕ್ಷಾ ರುದ್ರಾಕ್ಷಮಾಲಾಃ ಪ್ರಕಟಿತವಿಭವಾ-ಶ್ಶಾಮ್ಭವಾ ಮೂರ್ತಿಭೇದಾಃ
ರುದ್ರಾ-ಶ್ಶ್ರೀರುದ್ರಸೂಕ್ತ-ಪ್ರಕಟಿತವಿಭವಾ ನಃ ಪ್ರಯಚ್ಚನ್ತು ಸೌಖ್ಯಮ್ ॥
ಓ-ಙ್ಗ॒ಣಾನಾ᳚-ನ್ತ್ವಾ ಗ॒ಣಪ॑ತಿಗ್ಂ ಹವಾಮಹೇ ಕ॒ವಿ-ಙ್ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಮ್ ।
ಜ್ಯೇ॒ಷ್ಠ॒ರಾಜ॒-ಮ್ಬ್ರಹ್ಮ॑ಣಾ-ಮ್ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥
ಮಹಾಗಣಪತಯೇ॒ ನಮಃ ॥
ಶ-ಞ್ಚ॑ ಮೇ॒ ಮಯ॑ಶ್ಚ ಮೇ ಪ್ರಿ॒ಯ-ಞ್ಚ॑ ಮೇ-ಽನುಕಾ॒ಮಶ್ಚ॑ ಮೇ॒ ಕಾಮ॑ಶ್ಚ ಮೇ ಸೌಮನಸ॒ಶ್ಚ॑ ಮೇ ಭ॒ದ್ರ-ಞ್ಚ॑ ಮೇ॒ ಶ್ರೇಯ॑ಶ್ಚ ಮೇ॒ ವಸ್ಯ॑ಶ್ಚ ಮೇ॒ ಯಶ॑ಶ್ಚ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣ-ಞ್ಚ ಮೇ ಯ॒ನ್ತಾ ಚ॑ ಮೇ ಧ॒ರ್ತಾ ಚ॑ ಮೇ॒ ಕ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒ ವಿಶ್ವ॑-ಞ್ಚ ಮೇ॒ ಮಹ॑ಶ್ಚ ಮೇ ಸಂ॒​ವಿಁಚ್ಚ॑ ಮೇ॒ ಜ್ಞಾತ್ರ॑-ಞ್ಚ ಮೇ॒ ಸೂಶ್ಚ॑ ಮೇ ಪ್ರ॒ಸೂಶ್ಚ॑ ಮೇ॒ ಸೀರ॑-ಞ್ಚ ಮೇ ಲ॒ಯಶ್ಚ॑ ಮ ಋ॒ತ-ಞ್ಚ॑ ಮೇ॒-ಽಮೃತ॑-ಞ್ಚ ಮೇ-ಽಯ॒ಕ್ಷ್ಮ-ಞ್ಚ॒ ಮೇ-ಽನಾ॑ಮಯಚ್ಚ ಮೇ ಜೀ॒ವಾತು॑ಶ್ಚ ಮೇ ದೀರ್ಘಾಯು॒ತ್ವ-ಞ್ಚ॑ ಮೇ-ಽನಮಿ॒ತ್ರ-ಞ್ಚ॒ ಮೇ-ಽಭ॑ಯ-ಞ್ಚ ಮೇ ಸು॒ಗ-ಞ್ಚ॑ ಮೇ॒ ಶಯ॑ನ-ಞ್ಚ ಮೇ ಸೂ॒ಷಾ ಚ॑ ಮೇ॒ ಸು॒ದಿನ॑-ಞ್ಚ ಮೇ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
Roman (IAST) Transliteration
oṃ athātmānagṃ śivātmānaṃ śrī rudrarūpa-ndhyāyet ||
śuddhasphaṭika saṅkāśa-ntrinetra-mpañca vaktrakam |
gaṅgādhara-ndaśabhujaṃ sarvābharaṇa bhūṣitam ||
nīlagrīvaṃ śaśāṅkāṅka-nnāga yajñopa vītinam |
vyāghra carmottarīya-ñca vareṇyamabhaya pradam ||
kamaṇḍal-vakṣa sūtrāṇā-ndhāriṇaṃ śūlapāṇinam |
jvalanta-mpiṅgalajaṭā śikhā muddyota dhāriṇam ||
vṛṣa skandha samārūḍhaṃ umā dehārtha dhāriṇam |
amṛtenāplutaṃ śānta-ndivyabhoga samanvitam ||
digdevatā samāyuktaṃ surāsura namaskṛtam |
nitya-ñca śāśvataṃ śuddha-ndhruva-makṣara-mavyayam |
sarva vyāpina-mīśānaṃ rudraṃ-vai~ viśvarūpiṇam |
eva-ndhyātvā dvija-ssamya-ktato yajanamārabhet ||
athāto rudra snānārcanābhiṣeka vidhiṃ-vyā~᳚kṣyāsyāmaḥ |
ādita eva tīrthe snātvā,
udetya śuciḥ prayato brahmacārī śuklavāsā devābhimukha-ssthitvā,
ātmani devatā-ssthāpayet ||
prajanane brahmā tiṣṭhatu |
pādayorviṣṇustiṣṭhatu |
hastayor​harastiṣṭhatu |
bāhvorindrastiṣṭatu |
jaṭhare-'agnistiṣṭhatu |
hṛda̭ye śivastiṣṭhatu |
kaṇṭhe vasavastiṣṭhantu |
vaktre sarasvatī tiṣṭhatu |
nāsikayo-rvāyustiṣṭhatu |
nayanayo-ścandrādityau tiṣṭetām |
karṇayoraśvinau tiṣṭetām |
lalāṭe rudrāstiṣṭhantu |
mūrthnyādityāstiṣṭhantu |
śirasi mahādevastiṣṭhatu |
śikhāyāṃ-vā~madevāstiṣṭhatu |
pṛṣṭhe pinākī tiṣṭhatu |
purata-śśūlī tiṣṭhatu |
pār​śvayo-śśivāśaṅkarau tiṣṭhetām |
sarvato vāyustiṣṭhatu |
tato bahi-ssarvato-'gnirjvālāmālā-parivṛtastiṣṭhatu |
sarveṣvaṅgeṣu sarvā devatā yathāsthāna-ntiṣṭhantu |
māgṃ rakṣantu |
a॒gnirmḙ vā॒ci śri॒taḥ | vāghṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
vā॒yurme᳚ prā॒ṇe śri॒taḥ | prā॒ṇo hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
sūryo̭ me॒ cakṣuṣi śri॒taḥ | cakṣu॒r​hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
ca॒ndramā̭ me॒ mana̭si śri॒taḥ | mano॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
diśo̭ me॒ śrotre᳚ śri॒tāḥ | śrotra॒gṃ॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
āpome॒ retasi śri॒tāḥ | reto hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
pṛ॒thi॒vī me॒ śarī̭re śri॒tā | śarī̭ra॒gṃ॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
o॒ṣa॒dhi॒ va॒na॒spatayo̭ me॒ loma̭su śri॒tāḥ | lomā̭ni॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
indro̭ me॒ bale᳚ śri॒taḥ | bala॒gṃ॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
pa॒rjanyo̭ me॒ mū॒rdni śri॒taḥ | mū॒rdhā hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
īśā̭no me॒ ma॒nyau śri॒taḥ | ma॒nyur​hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
ā॒tmā ma̭ ā॒tmani̭ śri॒taḥ | ā॒tmā hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
puna̭rma ā॒tmā puna॒rāyu॒ rāgā᳚t | punaḥ̭ prā॒ṇaḥ puna॒rākṷ̄ta॒māgā᳚t | vai॒śvā॒na॒ro ra॒śmibhi̭rvāvṛdhā॒naḥ | a॒ntasti̭ṣṭha॒tvamṛta̭sya go॒pāḥ ||
asya śrī rudrādhyāya praśna mahāmantrasya,
aghora ṛṣiḥ,
anuṣṭu-pchandaḥ,
saṅkar​ṣaṇa mūrti svarūpo yo-'sāvādityaḥ paramapuruṣa-ssa eṣa rudro devatā |
nama-śśivāyeti bījam |
śivatarāyeti śaktiḥ |
mahādevāyeti kīlakam |
śrī sāmba sadāśiva prasāda siddhyarthe jape viniyogaḥ ||
oṃ agnihotrātmane aṅguṣṭhābhyā-nnamaḥ |
dar​śapūrṇa māsātmane tarjanībhyā-nnamaḥ |
cāturmāsyātmane madhyamābhyā-nnamaḥ |
nirūḍha paśubandhātmane anāmikābhyā-nnamaḥ |
jyotiṣṭomātmane kaniṣṭhikābhyā-nnamaḥ |
sarvakratvātmane karatala karapṛṣṭhābhyā-nnamaḥ ||
agnihotrātmane hṛdayāya namaḥ |
dar​śapūrṇa māsātmane śirase svāhā |
cāturmāsyātmane śikhāyai vaṣaṭ |
nirūḍha paśubandhātmane kavacāya hum |
jyotiṣṭomātmane netratrayāya vauṣaṭ |
sarvakratvātmane astrāyaphaṭ | bhūrbhuvassuvaromiti digbandhaḥ ||
dhyānaṃ
āpātāla-nabhassthalānta-bhuvana-brahmāṇḍa-māvisphurat-
jyoti-ssphāṭika-liṅga-mauli-vilasat-pūrṇendu-vāntāmṛtaiḥ |
astokāpluta-meka-mīśa-maniśaṃ rudrānu-vākāñjapan
dhyāye-dīpsita-siddhaye dhruvapadaṃ-vi~pro-'bhiṣiñce-ccivam ||
brahmāṇḍa vyāptadehā bhasita himarucā bhāsamānā bhujaṅgaiḥ
kaṇṭhe kālāḥ kapardāḥ kalita-śaśikalā-ścaṇḍa kodaṇḍa hastāḥ |
tryakṣā rudrākṣamālāḥ prakaṭitavibhavā-śśāmbhavā mūrtibhedāḥ
rudrā-śśrīrudrasūkta-prakaṭitavibhavā naḥ prayaccantu saukhyam ||
o-ṅga॒ṇānā᳚-ntvā ga॒ṇapa̭tigṃ havāmahe ka॒vi-ṅka̭vī॒nāmṷpa॒maśra̭vastamam |
jye॒ṣṭha॒rāja॒-mbrahma̭ṇā-mbrahmaṇaspata॒ ā naḥ̭ śṛ॒ṇvannū॒tibhi̭ssīda॒ sāda̭nam ||
mahāgaṇapataye॒ namaḥ ||
śa-ñca̭ me॒ maya̭śca me pri॒ya-ñca̭ me-'nukā॒maśca̭ me॒ kāma̭śca me saumanasa॒śca̭ me bha॒dra-ñca̭ me॒ śreya̭śca me॒ vasya̭śca me॒ yaśa̭śca me॒ bhaga̭śca me॒ dravi̭ṇa-ñca me ya॒ntā ca̭ me dha॒rtā ca̭ me॒ kṣema̭śca me॒ dhṛti̭śca me॒ viśva̭-ñca me॒ maha̭śca me saṃ॒​vi~cca̭ me॒ jñātra̭-ñca me॒ sūśca̭ me pra॒sūśca̭ me॒ sīra̭-ñca me la॒yaśca̭ ma ṛ॒ta-ñca̭ me॒-'mṛta̭-ñca me-'ya॒kṣma-ñca॒ me-'nā̭mayacca me jī॒vātṷśca me dīrghāyu॒tva-ñca̭ me-'nami॒tra-ñca॒ me-'bha̭ya-ñca me su॒ga-ñca̭ me॒ śaya̭na-ñca me sū॒ṣā ca̭ me॒ su॒dina̭-ñca me ||
oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever