Shri Ranganatha Ashtottara Shata Nama Stotram

ॐ

ಶ್ರೀ ರಙ್ಗನಾಥ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

Vishnu Ashtottara Sata Namavali Kannada

ಅಸ್ಯ ಶ್ರೀರಙ್ಗನಾಥಾಷ್ಟೋತ್ತರಶತನಾಮಸ್ತೋತ್ರಮಹಾಮನ್ತ್ರಸ್ಯ ವೇದವ್ಯಾಸೋ ಭಗವಾನೃಷಿಃ ಅನುಷ್ಟುಪ್ಛನ್ದಃ ಭಗವಾನ್ ಶ್ರೀಮಹಾವಿಷ್ಣುರ್ದೇವತಾ, ಶ್ರೀರಙ್ಗಶಾಯೀತಿ ಬೀಜಂ ಶ್ರೀಕಾನ್ತ ಇತಿ ಶಕ್ತಿಃ ಶ್ರೀಪ್ರದ ಇತಿ ಕೀಲಕಂ ಮಮ ಸಮಸ್ತಪಾಪನಾಶಾರ್ಥೇ ಶ್ರೀರಙ್ಗರಾಜಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧೌಮ್ಯ ಉವಾಚ ।

ಶ್ರೀರಙ್ಗಶಾಯೀ ಶ್ರೀಕಾನ್ತಃ ಶ್ರೀಪ್ರದಃ ಶ್ರಿತವತ್ಸಲಃ ।

ಅನನ್ತೋ ಮಾಧವೋ ಜೇತಾ ಜಗನ್ನಾಥೋ ಜಗದ್ಗುರುಃ ॥ 1 ॥

ಸುರವರ್ಯಃ ಸುರಾರಾಧ್ಯಃ ಸುರರಾಜಾನುಜಃ ಪ್ರಭುಃ ।

ಹರಿರ್ಹತಾರಿರ್ವಿಶ್ವೇಶಃ ಶಾಶ್ವತಃ ಶಮ್ಭುರವ್ಯಯಃ ॥ 2 ॥

ಭಕ್ತಾರ್ತಿಭಞ್ಜನೋ ವಾಗ್ಮೀ ವೀರೋ ವಿಖ್ಯಾತಕೀರ್ತಿಮಾನ್ ।

ಭಾಸ್ಕರಃ ಶಾಸ್ತ್ರತತ್ತ್ವಜ್ಞೋ ದೈತ್ಯಶಾಸ್ತಾಽಮರೇಶ್ವರಃ ॥ 3 ॥

ನಾರಾಯಣೋ ನರಹರಿರ್ನೀರಜಾಕ್ಷೋ ನರಪ್ರಿಯಃ ।

ಬ್ರಹ್ಮಣ್ಯೋ ಬ್ರಹ್ಮಕೃದ್ಬ್ರಹ್ಮಾ ಬ್ರಹ್ಮಾಙ್ಗೋ ಬ್ರಹ್ಮಪೂಜಿತಃ ॥ 4 ॥

ಕೃಷ್ಣಃ ಕೃತಜ್ಞೋ ಗೋವಿನ್ದೋ ಹೃಷೀಕೇಶೋಽಘನಾಶನಃ ।

ವಿಷ್ಣುರ್ಜಿಷ್ಣುರ್ಜಿತಾರಾತಿಃ ಸಜ್ಜನಪ್ರಿಯ ಈಶ್ವರಃ ॥ 5 ॥

ತ್ರಿವಿಕ್ರಮಸ್ತ್ರಿಲೋಕೇಶಃ ತ್ರಯ್ಯರ್ಥಸ್ತ್ರಿಗುಣಾತ್ಮಕಃ ।

ಕಾಕುತ್ಸ್ಥಃ ಕಮಲಾಕಾನ್ತಃ ಕಾಲೀಯೋರಗಮರ್ದನಃ ॥ 6 ॥

ಕಾಲಾಮ್ಬುದಶ್ಯಾಮಲಾಙ್ಗಃ ಕೇಶವಃ ಕ್ಲೇಶನಾಶನಃ ।

ಕೇಶಿಪ್ರಭಞ್ಜನಃ ಕಾನ್ತೋ ನನ್ದಸೂನುರರಿನ್ದಮಃ ॥ 7 ॥

ರುಕ್ಮಿಣೀವಲ್ಲಭಃ ಶೌರಿರ್ಬಲಭದ್ರೋ ಬಲಾನುಜಃ ।

ದಾಮೋದರೋ ಹೃಷೀಕೇಶೋ ವಾಮನೋ ಮಧುಸೂದನಃ ॥ 8 ॥

ಪೂತಃ ಪುಣ್ಯಜನಧ್ವಂಸೀ ಪುಣ್ಯಶ್ಲೋಕಶಿಖಾಮಣಿಃ ।

ಆದಿಮೂರ್ತಿರ್ದಯಾಮೂರ್ತಿಃ ಶಾನ್ತಮೂರ್ತಿರಮೂರ್ತಿಮಾನ್ ॥ 9 ॥

ಪರಮ್ಬ್ರಹ್ಮ ಪರನ್ಧಾಮ ಪಾವನಃ ಪವನೋ ವಿಭುಃ ।

ಚನ್ದ್ರಶ್ಛನ್ದೋಮಯೋ ರಾಮಃ ಸಂಸಾರಾಮ್ಬುಧಿತಾರಕಃ ॥ 10 ॥

ಆದಿತೇಯೋಽಚ್ಯುತೋ ಭಾನುಃ ಶಙ್ಕರಶ್ಶಿವ ಊರ್ಜಿತಃ ।

ಮಹೇಶ್ವರೋ ಮಹಾಯೋಗೀ ಮಹಾಶಕ್ತಿರ್ಮಹತ್ಪ್ರಿಯಃ ॥ 11 ॥

ದುರ್ಜನಧ್ವಂಸಕೋಽಶೇಷಸಜ್ಜನೋಪಾಸ್ತಸತ್ಫಲಮ್ ।

ಪಕ್ಷೀನ್ದ್ರವಾಹನೋಽಕ್ಷೋಭ್ಯಃ ಕ್ಷೀರಾಬ್ಧಿಶಯನೋ ವಿಧುಃ ॥ 12 ॥

ಜನಾರ್ದನೋ ಜಗದ್ಧೇತುರ್ಜಿತಮನ್ಮಥವಿಗ್ರಹಃ ।

ಚಕ್ರಪಾಣಿಃ ಶಙ್ಖಧಾರೀ ಶಾರ್ಙ್ಗೀ ಖಡ್ಗೀ ಗದಾಧರಃ ॥ 13 ॥

ಏವಂ ವಿಷ್ಣೋಶ್ಶತಂ ನಾಮ್ನಾಮಷ್ಟೋತ್ತರಮಿಹೇರಿತಮ್ ।

ಸ್ತೋತ್ರಾಣಾಮುತ್ತಮಂ ಗುಹ್ಯಂ ನಾಮರತ್ನಸ್ತವಾಭಿಧಮ್ ॥ 14 ॥

ಸರ್ವದಾ ಸರ್ವರೋಗಘ್ನಂ ಚಿನ್ತಿತಾರ್ಥಫಲಪ್ರದಮ್ ।

ತ್ವಂ ತು ಶೀಘ್ರಂ ಮಹಾರಾಜ ಗಚ್ಛ ರಙ್ಗಸ್ಥಲಂ ಶುಭಮ್ ॥ 15 ॥

ಸ್ನಾತ್ವಾ ತುಲಾರ್ಕೇ ಕಾವೇರ್ಯಾಂ ಮಾಹಾತ್ಮ್ಯ ಶ್ರವಣಂ ಕುರು ।

ಗವಾಶ್ವವಸ್ತ್ರಧಾನ್ಯಾನ್ನಭೂಮಿಕನ್ಯಾಪ್ರದೋ ಭವ ॥ 16 ॥

ದ್ವಾದಶ್ಯಾಂ ಪಾಯಸಾನ್ನೇನ ಸಹಸ್ರಂ ದಶ ಭೋಜಯ ।

ನಾಮರತ್ನಸ್ತವಾಖ್ಯೇನ ವಿಷ್ಣೋರಷ್ಟಶತೇನ ಚ ।

ಸ್ತುತ್ವಾ ಶ್ರೀರಙ್ಗನಾಥಂ ತ್ವಮಭೀಷ್ಟಫಲಮಾಪ್ನುಹಿ ॥ 17 ॥

ಇತಿ ತುಲಾಕಾವೇರೀಮಾಹಾತ್ಮ್ಯೇ ಶನ್ತನುಂ ಪ್ರತಿ ಧೌಮ್ಯೋಪದಿಷ್ಟ ಶ್ರೀರಙ್ಗನಾಥಾಷ್ಟೋತ್ತರಶತನಾಮ ಸ್ತೋತ್ರಮ್ ।

Roman (IAST) Transliteration

asya śrīraṅganāthāṣṭottaraśatanāmastotramahāmantrasya vedavyāso bhagavānṛṣiḥ anuṣṭupchandaḥ bhagavān śrīmahāviṣṇurdevatā, śrīraṅgaśāyīti bījaṃ śrīkānta iti śaktiḥ śrīprada iti kīlakaṃ mama samastapāpanāśārthe śrīraṅgarājaprasāda siddhyarthe jape viniyogaḥ |

dhaumya uvāca |

śrīraṅgaśāyī śrīkāntaḥ śrīpradaḥ śritavatsalaḥ |

ananto mādhavo jetā jagannātho jagadguruḥ || 1 ||

suravaryaḥ surārādhyaḥ surarājānujaḥ prabhuḥ |

harirhatārirviśveśaḥ śāśvataḥ śambhuravyayaḥ || 2 ||

bhaktārtibhañjano vāgmī vīro vikhyātakīrtimān |

bhāskaraḥ śāstratattvajño daityaśāstā'mareśvaraḥ || 3 ||

nārāyaṇo naraharirnīrajākṣo narapriyaḥ |

brahmaṇyo brahmakṛdbrahmā brahmāṅgo brahmapūjitaḥ || 4 ||

kṛṣṇaḥ kṛtajño govindo hṛṣīkeśo'ghanāśanaḥ |

viṣṇurjiṣṇurjitārātiḥ sajjanapriya īśvaraḥ || 5 ||

trivikramastrilokeśaḥ trayyarthastriguṇātmakaḥ |

kākutsthaḥ kamalākāntaḥ kālīyoragamardanaḥ || 6 ||

kālāmbudaśyāmalāṅgaḥ keśavaḥ kleśanāśanaḥ |

keśiprabhañjanaḥ kānto nandasūnurarindamaḥ || 7 ||

rukmiṇīvallabhaḥ śaurirbalabhadro balānujaḥ |

dāmodaro hṛṣīkeśo vāmano madhusūdanaḥ || 8 ||

pūtaḥ puṇyajanadhvaṃsī puṇyaślokaśikhāmaṇiḥ |

ādimūrtirdayāmūrtiḥ śāntamūrtiramūrtimān || 9 ||

parambrahma parandhāma pāvanaḥ pavano vibhuḥ |

candraśchandomayo rāmaḥ saṃsārāmbudhitārakaḥ || 10 ||

āditeyo'cyuto bhānuḥ śaṅkaraśśiva ūrjitaḥ |

maheśvaro mahāyogī mahāśaktirmahatpriyaḥ || 11 ||

durjanadhvaṃsako'śeṣasajjanopāstasatphalam |

pakṣīndravāhano'kṣobhyaḥ kṣīrābdhiśayano vidhuḥ || 12 ||

janārdano jagaddheturjitamanmathavigrahaḥ |

cakrapāṇiḥ śaṅkhadhārī śārṅgī khaḍgī gadādharaḥ || 13 ||

evaṃ viṣṇośśataṃ nāmnāmaṣṭottaramiheritam |

stotrāṇāmuttamaṃ guhyaṃ nāmaratnastavābhidham || 14 ||

sarvadā sarvarogaghnaṃ cintitārthaphalapradam |

tvaṃ tu śīghraṃ mahārāja gaccha raṅgasthalaṃ śubham || 15 ||

snātvā tulārke kāveryāṃ māhātmya śravaṇaṃ kuru |

gavāśvavastradhānyānnabhūmikanyāprado bhava || 16 ||

dvādaśyāṃ pāyasānnena sahasraṃ daśa bhojaya |

nāmaratnastavākhyena viṣṇoraṣṭaśatena ca |

stutvā śrīraṅganāthaṃ tvamabhīṣṭaphalamāpnuhi || 17 ||

iti tulākāverīmāhātmye śantanuṃ prati dhaumyopadiṣṭa śrīraṅganāthāṣṭottaraśatanāma stotram |