Shri Ramanuja Ashtakam — InfoLyter.in

ॐ

ಶ್ರೀ ರಾಮಾನುಜ ಅಷ್ಟಕಮ್

Shri Ramanuja Ashtakam

Rama Ashtakam Kannada

ರಾಮಾನುಜಾಯ ಮುನಯೇ ನಮ ಉಕ್ತಿ ಮಾತ್ರಂ

ಕಾಮಾತುರೋಽಪಿ ಕುಮತಿಃ ಕಲಯನ್ನಭೀಕ್ಷಮ್ ।

ಯಾಮಾಮನನ್ತಿ ಯಮಿನಾಂ ಭಗವಜ್ಜನಾನಾಂ

ತಾಮೇವ ವಿನ್ದತಿ ಗತಿಂ ತಮಸಃ ಪರಸ್ತಾತ್ ॥ 1 ॥

ಸೋಮಾವಚೂಡಸುರಶೇಖರದುಷ್ಕರೇಣ

ಕಾಮಾತಿಗೋಽಪಿ ತಪಸಾ ಕ್ಷಪಯನ್ನಘಾನಿ ।

ರಾಮಾನುಜಾಯ ಮುನಯೇ ನಮ ಇತ್ಯನುಕ್ತ್ವಾ

ಕೋವಾ ಮಹೀಸಹಚರೇ ಕುರುತೇಽನುರಾಗಮ್ ॥ 2 ॥

ರಾಮಾನುಜಾಯ ನಮ ಇತ್ಯಸಕೃದ್ಗೃಣೀತೇ

ಯೋ ಮಾನ ಮಾತ್ಸರ ಮದಸ್ಮರ ದೂಷಿತೋಽಪಿ ।

ಪ್ರೇಮಾತುರಃ ಪ್ರಿಯತಮಾಮಪಹಾಯ ಪದ್ಮಾಂ

ಭೂಮಾ ಭುಜಙ್ಗಶಯನಸ್ತಮನುಪ್ರಯಾತಿ ॥ 3 ॥

ವಾಮಾಲಕಾನಯನವಾಗುರಿಕಾಗೃಹೀತಂ

ಕ್ಷೇಮಾಯ ಕಿಞ್ಚಿದಪಿ ಕರ್ತುಮನೀಹಮಾನಮ್ ।

ರಾಮಾನುಜೋ ಯತಿಪತಿರ್ಯದಿ ನೇಕ್ಷತೇ ಮಾಂ

ಮಾ ಮಾಮಕೋಽಯಮಿತಿ ಮುಞ್ಚತಿ ಮಾಧವೋಽಪಿ ॥ 4 ॥

ರಾಮಾನುಜೇತಿ ಯದಿತಂ ವಿದಿತಂ ಜಗತ್ಯಾಂ

ನಾಮೀಪಿ ನ ಶ್ರುತಿಸಮೀಪಮುಪೈತಿ ಯೇಷಾಮ್ ।

ಮಾ ಮಾ ಮದೀಯ ಇತಿ ಸದ್ಭಿರುಪೇಕ್ಷಿತಾಸ್ತೇ

ಕಾಮಾನುವಿದ್ಧಮನಸೋ ನಿಪತನ್ತ್ಯಧೋಽಧಃ ॥ 5 ॥

ನಾಮಾನುಕೀರ್ತ್ಯ ನರಕಾರ್ತಿಹರಂ ಯದೀಯಂ

ವ್ಯೋಮಾಧಿರೋಹತಿ ಪದಂ ಸಕಲೋಽಪಿ ಲೋಕಃ ।

ರಾಮಾನುಜೋ ಯತಿಪತಿರ್ಯದಿ ನಾವಿರಾಸೀತ್

ಕೋ ಮಾದೃಶಃ ಪ್ರಭವಿತಾ ಭವಮುತ್ತರೀತುಮ್ ॥ 6 ॥

ಸೀಮಾಮಹೀಧ್ರಪರಿಧಿಂ ಪೃಥಿವೀಮವಾಪ್ತುಂ

ವೈಮಾನಿಕೇಶ್ವರಪುರೀಮಧಿವಾಸಿತುಂ ವಾ ।

ವ್ಯೋಮಾಧಿರೋಢುಮಪಿ ನ ಸ್ಪೃಹಯನ್ತಿ ನಿತ್ಯಂ

ರಾಮಾನುಜಾಙ್ಘ್ರಿಯುಗಲಂ ಶರಣಂ ಪ್ರಪನ್ನಾಃ ॥ 7 ॥

ಮಾ ಮಾ ಧುನೋತಿ ಮನಸೋಽಪಿ ನ ಗೋಚರಂ ಯತ್

ಭೂಮಾಸಖೇನ ಪುರುಷೇಣ ಸಹಾನುಭೂಯ ।

ಪ್ರೇಮಾನುವಿದ್ಧಹೃದಯಪ್ರಿಯಭಕ್ತಲಭ್ಯೇ

ರಾಮಾನುಜಾಙ್ಘ್ರಿಕಮಲೇ ರಮತಾಂ ಮನೋ ಮೇ ॥ 8 ॥

ಶ್ಲೋಕಾಷ್ಟಕಮಿದಂ ಪುಣ್ಯಂ ಯೋ ಭಕ್ತ್ಯಾ ಪ್ರತ್ಯಹಂ ಪಠೇತ್ ।

ಆಕಾರತ್ರಯಸಮ್ಪನ್ನಃ ಶೋಕಾಬ್ಧಿಂ ತರತಿ ದ್ರುತಮ್ ॥

Roman (IAST) Transliteration

rāmānujāya munaye nama ukti mātraṃ

kāmāturo'pi kumatiḥ kalayannabhīkṣam |

yāmāmananti yamināṃ bhagavajjanānāṃ

tāmeva vindati gatiṃ tamasaḥ parastāt || 1 ||

somāvacūḍasuraśekharaduṣkareṇa

kāmātigo'pi tapasā kṣapayannaghāni |

rāmānujāya munaye nama ityanuktvā

kovā mahīsahacare kurute'nurāgam || 2 ||

rāmānujāya nama ityasakṛdgṛṇīte

yo māna mātsara madasmara dūṣito'pi |

premāturaḥ priyatamāmapahāya padmāṃ

bhūmā bhujaṅgaśayanastamanuprayāti || 3 ||

vāmālakānayanavāgurikāgṛhītaṃ

kṣemāya kiñcidapi kartumanīhamānam |

rāmānujo yatipatiryadi nekṣate māṃ

mā māmako'yamiti muñcati mādhavo'pi || 4 ||

rāmānujeti yaditaṃ viditaṃ jagatyāṃ

nāmīpi na śrutisamīpamupaiti yeṣām |

mā mā madīya iti sadbhirupekṣitāste

kāmānuviddhamanaso nipatantyadho'dhaḥ || 5 ||

nāmānukīrtya narakārtiharaṃ yadīyaṃ

vyomādhirohati padaṃ sakalo'pi lokaḥ |

rāmānujo yatipatiryadi nāvirāsīt

ko mādṛśaḥ prabhavitā bhavamuttarītum || 6 ||

sīmāmahīdhraparidhiṃ pṛthivīmavāptuṃ

vaimānikeśvarapurīmadhivāsituṃ vā |

vyomādhiroḍhumapi na spṛhayanti nityaṃ

rāmānujāṅghriyugalaṃ śaraṇaṃ prapannāḥ || 7 ||

mā mā dhunoti manaso'pi na gocaraṃ yat

bhūmāsakhena puruṣeṇa sahānubhūya |

premānuviddhahṛdayapriyabhaktalabhye

rāmānujāṅghrikamale ramatāṃ mano me || 8 ||

ślokāṣṭakamidaṃ puṇyaṃ yo bhaktyā pratyahaṃ paṭhet |

ākāratrayasampannaḥ śokābdhiṃ tarati drutam ||