Shri Rama Hridayam — InfoLyter.in

ॐ

ಶ್ರೀ ರಾಮ ಹೃದಯಮ್

Shri Rama Hridayam

Rama Hrudayam Kannada

ಶ್ರೀ ಗಣೇಶಾಯ ನಮಃ ।

ಶ್ರೀ ಮಹಾದೇವ ಉವಾಚ ।

ತತೋ ರಾಮಃ ಸ್ವಯಂ ಪ್ರಾಹ ಹನುಮನ್ತಮುಪಸ್ಥಿತಮ್ ।

ಶ‍ಋಣು ಯತ್ವಂ ಪ್ರವಕ್ಷ್ಯಾಮಿ ಹ್ಯಾತ್ಮಾನಾತ್ಮಪರಾತ್ಮನಾಮ್ ॥ 1॥

ಆಕಾಶಸ್ಯ ಯಥಾ ಭೇದಸ್ತ್ರಿವಿಧೋ ದೃಶ್ಯತೇ ಮಹಾನ್ ।

ಜಲಾಶಯೇ ಮಹಾಕಾಶಸ್ತದವಚ್ಛಿನ್ನ ಏವ ಹಿ ।

ಪ್ರತಿಬಿಮ್ಬಾಖ್ಯಮಪರಂ ದೃಶ್ಯತೇ ತ್ರಿವಿಧಂ ನಭಃ ॥ 2॥

ಬುದ್ಧ್ಯವಚ್ಛಿನ್ನಚೈತನ್ಯಮೇಕಂ ಪೂರ್ಣಮಥಾಪರಮ್ ।

ಆಭಾಸಸ್ತ್ವಪರಂ ಬಿಮ್ಬಭೂತಮೇವಂ ತ್ರಿಧಾ ಚಿತಿಃ ॥ 3॥

ಸಾಭಾಸಬುದ್ಧೇಃ ಕರ್ತೃತ್ವಮವಿಚ್ಛಿನ್ನೇಽವಿಕಾರಿಣಿ ।

ಸಾಕ್ಷಿಣ್ಯಾರೋಪ್ಯತೇ ಭ್ರಾನ್ತ್ಯಾ ಜೀವತ್ವಂ ಚ ತಥಾಽಬುಧೈಃ ॥ 4॥

ಆಭಾಸಸ್ತು ಮೃಷಾಬುದ್ಧಿರವಿದ್ಯಾಕಾರ್ಯಮುಚ್ಯತೇ ।

ಅವಿಚ್ಛಿನ್ನಂ ತು ತದ್ಬ್ರಹ್ಮ ವಿಚ್ಛೇದಸ್ತು ವಿಕಲ್ಪಿತಃ ॥ 5॥

ಅವಿಚ್ಛಿನ್ನಸ್ಯ ಪೂರ್ಣೇನ ಏಕತ್ವಂ ಪ್ರತಿಪದ್ಯತೇ ।

ತತ್ತ್ವಮಸ್ಯಾದಿವಾಕ್ಯೈಶ್ಚ ಸಾಭಾಸಸ್ಯಾಹಮಸ್ತಥಾ ॥ 6॥

ಐಕ್ಯಜ್ಞಾನಂ ಯದೋತ್ಪನ್ನಂ ಮಹಾವಾಕ್ಯೇನ ಚಾತ್ಮನೋಃ ।

ತದಾಽವಿದ್ಯಾ ಸ್ವಕಾರ್ಯೈಶ್ಚ ನಶ್ಯತ್ಯೇವ ನ ಸಂಶಯಃ ॥ 7॥

ಏತದ್ವಿಜ್ಞಾಯ ಮದ್ಭಕ್ತೋ ಮದ್ಭಾವಾಯೋಪಪದ್ಯತೇ

ಮದ್ಭಕ್ತಿವಿಮುಖಾನಾಂ ಹಿ ಶಾಸ್ತ್ರಗರ್ತೇಷು ಮುಹ್ಯತಾಮ್ ।

ನ ಜ್ಞಾನಂ ನ ಚ ಮೋಕ್ಷಃ ಸ್ಯಾತ್ತೇಷಾಂ ಜನ್ಮಶತೈರಪಿ ॥ 8॥

ಇದಂ ರಹಸ್ಯಂ ಹೃದಯಂ ಮಮಾತ್ಮನೋ ಮಯೈವ ಸಾಕ್ಷಾತ್ಕಥಿತಂ ತವಾನಘ ।

ಮದ್ಭಕ್ತಿಹೀನಾಯ ಶಠಾಯ ನ ತ್ವಯಾ ದಾತವ್ಯಮೈನ್ದ್ರಾದಪಿ ರಾಜ್ಯತೋಽಧಿಕಮ್ ॥ 9॥

॥ ಶ್ರೀಮದಧ್ಯಾತ್ಮರಾಮಾಯಣೇ ಬಾಲಕಾಣ್ಡೇ ಶ್ರೀರಾಮಹೃದಯಂ ಸಮ್ಪೂರ್ಣಮ್ ॥

Roman (IAST) Transliteration

śrī gaṇeśāya namaḥ |

śrī mahādeva uvāca |

tato rāmaḥ svayaṃ prāha hanumantamupasthitam |

śa‍ṛṇu yatvaṃ pravakṣyāmi hyātmānātmaparātmanām || 1||

ākāśasya yathā bhedastrividho dṛśyate mahān |

jalāśaye mahākāśastadavacchinna eva hi |

pratibimbākhyamaparaṃ dṛśyate trividhaṃ nabhaḥ || 2||

buddhyavacchinnacaitanyamekaṃ pūrṇamathāparam |

ābhāsastvaparaṃ bimbabhūtamevaṃ tridhā citiḥ || 3||

sābhāsabuddheḥ kartṛtvamavicchinne'vikāriṇi |

sākṣiṇyāropyate bhrāntyā jīvatvaṃ ca tathā'budhaiḥ || 4||

ābhāsastu mṛṣābuddhiravidyākāryamucyate |

avicchinnaṃ tu tadbrahma vicchedastu vikalpitaḥ || 5||

avicchinnasya pūrṇena ekatvaṃ pratipadyate |

tattvamasyādivākyaiśca sābhāsasyāhamastathā || 6||

aikyajñānaṃ yadotpannaṃ mahāvākyena cātmanoḥ |

tadā'vidyā svakāryaiśca naśyatyeva na saṃśayaḥ || 7||

etadvijñāya madbhakto madbhāvāyopapadyate

madbhaktivimukhānāṃ hi śāstragarteṣu muhyatām |

na jñānaṃ na ca mokṣaḥ syātteṣāṃ janmaśatairapi || 8||

idaṃ rahasyaṃ hṛdayaṃ mamātmano mayaiva sākṣātkathitaṃ tavānagha |

madbhaktihīnāya śaṭhāya na tvayā dātavyamaindrādapi rājyato'dhikam || 9||

|| śrīmadadhyātmarāmāyaṇe bālakāṇḍe śrīrāmahṛdayaṃ sampūrṇam ||