Shri Medha Dakshinamurti Mantravarnapada Stutih

ॐ

ಶ್ರೀ ಮೇಧಾ ದಕ್ಷಿಣಾಮೂರ್ತಿ ಮನ್ತ್ರವರ್ಣಪದ ಸ್ತುತಿಃ

Stotram Kannada

ಓಮಿತ್ಯೇಕಾಕ್ಷರಂ ಬ್ರಹ್ಮ ವ್ಯಾಹರನ್ತಿ ತ್ರಯಶ್ಶಿಖಾಃ ।

ತಸ್ಮೈತಾರಾತ್ಮನೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 1 ॥

ನತ್ವಾ ಯಂ ಮುನಯಸ್ಸರ್ವೇ ಪರಂಯಾನ್ತಿ ದುರಾಸದಮ್ ।

ನಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 2 ॥

ಮೋಹಜಾಲವಿನಿರ್ಮುಕ್ತೋ ಬ್ರಹ್ಮವಿದ್ಯಾತಿ ಯತ್ಪದಮ್ ।

ಮೋಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 3 ॥

ಭವಮಾಶ್ರಿತ್ಯಯಂ ವಿದ್ವಾನ್ ನಭವೋಹ್ಯಭವತ್ಪರಃ ।

ಭಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 4 ॥

ಗಗನಾಕಾರವದ್ಭಾನ್ತಮನುಭಾತ್ಯಖಿಲಂ ಜಗತ್ ।

ಗಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 5 ॥

ವಟಮೂಲನಿವಾಸೋ ಯೋ ಲೋಕಾನಾಂ ಪ್ರಭುರವ್ಯಯಃ ।

ವಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 6 ॥

ತೇಜೋಭಿರ್ಯಸ್ಯಸೂರ್ಯೋಽಸೌ ಕಾಲಕ್ಲೃಪ್ತಿಕರೋ ಭವೇತ್ ।

ತೇಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 7 ॥

ದಕ್ಷತ್ರಿಪುರಸಂಹಾರೇ ಯಃ ಕಾಲವಿಷಭಞ್ಜನೇ ।

ದಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 8 ॥

ಕ್ಷಿಪ್ರಂ ಭವತಿ ವಾಕ್ಸಿದ್ಧಿರ್ಯನ್ನಾಮಸ್ಮರಣಾನ್ನೃಣಾಮ್ ।

ಕ್ಷಿಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 9 ॥

ಣಾಕಾರವಾಚ್ಯೋಯಸ್ಸುಪ್ತಂ ಸನ್ದೀಪಯತಿ ಮೇ ಮನಃ ।

ಣಾಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 10 ॥

ಮೂರ್ತಯೋ ಹ್ಯಷ್ಟಧಾಯಸ್ಯ ಜಗಜ್ಜನ್ಮಾದಿಕಾರಣಮ್ ।

ಮೂಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 11 ॥

ತತ್ತ್ವಂ ಬ್ರಹ್ಮಾಸಿ ಪರಮಮಿತಿ ಯದ್ಗುರುಬೋಧಿತಃ ।

ಸರೇಫತಾತ್ಮನೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 12 ॥

ಯೇಯಂ ವಿದಿತ್ವಾ ಬ್ರಹ್ಮಾದ್ಯಾ ಋಷಯೋ ಯಾನ್ತಿ ನಿರ್ವೃತಿಮ್ ।

ಯೇಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 13 ॥

ಮಹತಾಂ ದೇವಮಿತ್ಯಾಹುರ್ನಿಗಮಾಗಮಯೋಶ್ಶಿವಃ ।

ಮಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 14 ॥

ಸರ್ವಸ್ಯಜಗತೋ ಹ್ಯನ್ತರ್ಬಹಿರ್ಯೋ ವ್ಯಾಪ್ಯಸಂಸ್ಥಿತಃ ।

ಹ್ಯಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 15 ॥

ತ್ವಮೇವ ಜಗತಸ್ಸಾಕ್ಷೀ ಸೃಷ್ಟಿಸ್ಥಿತ್ಯನ್ತಕಾರಣಮ್ ।

ಮೇಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 16 ॥

ಧಾಮೇತಿ ಧಾತೃಸೃಷ್ಟೇರ್ಯತ್ಕಾರಣಂ ಕಾರ್ಯಮುಚ್ಯತೇ ।

ಧಾಙ್ಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 17 ॥

ಪ್ರಕೃತೇರ್ಯತ್ಪರಂ ಧ್ಯಾತ್ವಾ ತಾದಾತ್ಮ್ಯಂ ಯಾತಿ ವೈ ಮುನಿಃ ।

ಪ್ರಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 18 ॥

ಜ್ಞಾನಿನೋಯಮುಪಾಸ್ಯನ್ತಿ ತತ್ತ್ವಾತೀತಂ ಚಿದಾತ್ಮಕಮ್ ।

ಜ್ಞಾಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 19 ॥

ಪ್ರಜ್ಞಾ ಸಞ್ಜಾಯತೇ ಯಸ್ಯ ಧ್ಯಾನನಾಮಾರ್ಚನಾದಿಭಿಃ ।

ಪ್ರಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 20 ॥

ಯಸ್ಯ ಸ್ಮರಣಮಾತ್ರೇಣ ನರೋಮುಕ್ತಸ್ಸಬನ್ಧನಾತ್ । [ ಸರೋಮುಕ್ತ ]

ಯಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 21 ॥

ಛವೇರ್ಯನ್ನೇನ್ದ್ರಿಯಾಣ್ಯಾಪುರ್ವಿಷಯೇಷ್ವಿಹ ಜಾಡ್ಯತಾಮ್ ।

ಛಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 22 ॥

ಸ್ವಾನ್ತೇವಿದಾಂ ಜಡಾನಾಂ ಯೋ ದೂರೇತಿಷ್ಠತಿ ಚಿನ್ಮಯಃ ।

ಸ್ವಾಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 23 ॥

ಹಾರಪ್ರಾಯಫಣೀನ್ದ್ರಾಯ ಸರ್ವವಿದ್ಯಾಪ್ರದಾಯಿನೇ ।

ಹಾಕಾರರೂಪಿಣೇ ಮೇಧಾದಕ್ಷಿಣಾಮೂರ್ತಯೇ ನಮಃ ॥ 24 ॥

ಇತಿ ಶ್ರೀ ಮೇಧಾದಕ್ಷಿಣಾಮೂರ್ತಿ ಮನ್ತ್ರವರ್ಣಪದ ಸ್ತುತಿಃ ॥

Roman (IAST) Transliteration

omityekākṣaraṃ brahma vyāharanti trayaśśikhāḥ |

tasmaitārātmane medhādakṣiṇāmūrtaye namaḥ || 1 ||

natvā yaṃ munayassarve paraṃyānti durāsadam |

nakārarūpiṇe medhādakṣiṇāmūrtaye namaḥ || 2 ||

mohajālavinirmukto brahmavidyāti yatpadam |

mokārarūpiṇe medhādakṣiṇāmūrtaye namaḥ || 3 ||

bhavamāśrityayaṃ vidvān nabhavohyabhavatparaḥ |

bhakārarūpiṇe medhādakṣiṇāmūrtaye namaḥ || 4 ||

gaganākāravadbhāntamanubhātyakhilaṃ jagat |

gakārarūpiṇe medhādakṣiṇāmūrtaye namaḥ || 5 ||

vaṭamūlanivāso yo lokānāṃ prabhuravyayaḥ |

vakārarūpiṇe medhādakṣiṇāmūrtaye namaḥ || 6 ||

tejobhiryasyasūryo'sau kālaklṛptikaro bhavet |

tekārarūpiṇe medhādakṣiṇāmūrtaye namaḥ || 7 ||

dakṣatripurasaṃhāre yaḥ kālaviṣabhañjane |

dakārarūpiṇe medhādakṣiṇāmūrtaye namaḥ || 8 ||

kṣipraṃ bhavati vāksiddhiryannāmasmaraṇānnṛṇām |

kṣikārarūpiṇe medhādakṣiṇāmūrtaye namaḥ || 9 ||

ṇākāravācyoyassuptaṃ sandīpayati me manaḥ |

ṇākārarūpiṇe medhādakṣiṇāmūrtaye namaḥ || 10 ||

mūrtayo hyaṣṭadhāyasya jagajjanmādikāraṇam |

mūkārarūpiṇe medhādakṣiṇāmūrtaye namaḥ || 11 ||

tattvaṃ brahmāsi paramamiti yadgurubodhitaḥ |

sarephatātmane medhādakṣiṇāmūrtaye namaḥ || 12 ||

yeyaṃ viditvā brahmādyā ṛṣayo yānti nirvṛtim |

yekārarūpiṇe medhādakṣiṇāmūrtaye namaḥ || 13 ||

mahatāṃ devamityāhurnigamāgamayośśivaḥ |

makārarūpiṇe medhādakṣiṇāmūrtaye namaḥ || 14 ||

sarvasyajagato hyantarbahiryo vyāpyasaṃsthitaḥ |

hyakārarūpiṇe medhādakṣiṇāmūrtaye namaḥ || 15 ||

tvameva jagatassākṣī sṛṣṭisthityantakāraṇam |

mekārarūpiṇe medhādakṣiṇāmūrtaye namaḥ || 16 ||

dhāmeti dhātṛsṛṣṭeryatkāraṇaṃ kāryamucyate |

dhāṅkārarūpiṇe medhādakṣiṇāmūrtaye namaḥ || 17 ||

prakṛteryatparaṃ dhyātvā tādātmyaṃ yāti vai muniḥ |

prakārarūpiṇe medhādakṣiṇāmūrtaye namaḥ || 18 ||

jñāninoyamupāsyanti tattvātītaṃ cidātmakam |

jñākārarūpiṇe medhādakṣiṇāmūrtaye namaḥ || 19 ||

prajñā sañjāyate yasya dhyānanāmārcanādibhiḥ |

prakārarūpiṇe medhādakṣiṇāmūrtaye namaḥ || 20 ||

yasya smaraṇamātreṇa naromuktassabandhanāt | [ saromukta ]

yakārarūpiṇe medhādakṣiṇāmūrtaye namaḥ || 21 ||

chaveryannendriyāṇyāpurviṣayeṣviha jāḍyatām |

chakārarūpiṇe medhādakṣiṇāmūrtaye namaḥ || 22 ||

svāntevidāṃ jaḍānāṃ yo dūretiṣṭhati cinmayaḥ |

svākārarūpiṇe medhādakṣiṇāmūrtaye namaḥ || 23 ||

hāraprāyaphaṇīndrāya sarvavidyāpradāyine |

hākārarūpiṇe medhādakṣiṇāmūrtaye namaḥ || 24 ||

iti śrī medhādakṣiṇāmūrti mantravarṇapada stutiḥ ||