Shri Madhvacharya Krita Dvadasha Stotra - Ashtamastotram

ॐ

ಶ್ರೀ ಮಧ್ವಾಚಾರ್ಯ ಕೃತ ದ್ವಾದಶ ಸ್ತೋತ್ರ - ಅಷ್ಟಮಸ್ತೋತ್ರಮ್

Stotram Madhvacharya Kannada

ಅಥ ಅಷ್ಟಮಸ್ತೋತ್ರಮ್

ವನ್ದಿತಾಶೇಷವನ್ದ್ಯೋರುವೃನ್ದಾರಕಂ ಚನ್ದನಾಚರ್ಚಿತೋದಾರಪೀನಾಂಸಕಮ್ ।

ಇನ್ದಿರಾಚಞ್ಚಲಾಪಾಙ್ಗನೀರಾಜಿತಂ ಮನ್ದರೋದ್ಧಾರಿವೃತ್ತೋದ್ಭುಜಾಭೋಗಿನಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 1॥

ಸೃಷ್ಟಿಸಂಹಾರಲೀಲಾವಿಲಾಸಾತತಂ ಪುಷ್ಟಷಾಡ್ಗುಣ್ಯಸದ್ವಿಗ್ರಹೋಲ್ಲಾಸಿನಮ್ ।

ದುಷ್ಟನಿಃಶೇಷಸಂಹಾರಕರ್ಮೋದ್ಯತಂ ಹೃಷ್ಟಪುಷ್ಟಾತಿಶಿಷ್ಟ (ಅನುಶಿಷ್ಟ) ಪ್ರಜಾಸಂಶ್ರಯಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 2॥

ಉನ್ನತಪ್ರಾರ್ಥಿತಾಶೇಷಸಂಸಾಧಕಂ ಸನ್ನತಾಲೌಕಿಕಾನನ್ದದಶ್ರೀಪದಮ್ ।

ಭಿನ್ನಕರ್ಮಾಶಯಪ್ರಾಣಿಸಮ್ಪ್ರೇರಕಂ ತನ್ನ ಕಿಂ ನೇತಿ ವಿದ್ವತ್ಸು ಮೀಮಾಂಸಿತಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 3॥

ವಿಪ್ರಮುಖ್ಯೈಃ ಸದಾ ವೇದವಾದೋನ್ಮುಖೈಃ ಸುಪ್ರತಾಪೈಃ ಕ್ಷಿತೀಶೇಶ್ವರೈಶ್ಚಾರ್ಚ್ಚಿತಮ್ ।

ಅಪ್ರತರ್ಕ್ಯೋರುಸಂವಿದ್ಗುಣಂ ನಿರ್ಮಲಂ ಸಪ್ರಕಾಶಾಜರಾನನ್ದರೂಪಂ ಪರಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 4॥

ಅತ್ಯಯೋ ಯಸ್ಯ (ಯೇನ) ಕೇನಾಪಿ ನ ಕ್ವಾಪಿ ಹಿ ಪ್ರತ್ಯಯೋ ಯದ್ಗುಣೇಷೂತ್ತಮಾನಾಂ ಪರಃ ।

ಸತ್ಯಸಙ್ಕಲ್ಪ ಏಕೋ ವರೇಣ್ಯೋ ವಶೀ ಮತ್ಯನೂನೈಃ ಸದಾ ವೇದವಾದೋದಿತಃ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 5॥

ಪಶ್ಯತಾಂ ದುಃಖಸನ್ತಾನನಿರ್ಮೂಲನಂ ದೃಶ್ಯತಾಂ ದೃಶ್ಯತಾಮಿತ್ಯಜೇಶಾರ್ಚಿತಮ್ ।

ನಶ್ಯತಾಂ ದೂರಗಂ ಸರ್ವದಾಪ್ಯಾಽತ್ಮಗಂ ವಶ್ಯತಾಂ ಸ್ವೇಚ್ಛಯಾ ಸಜ್ಜನೇಷ್ವಾಗತಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 6॥

ಅಗ್ರಜಂ ಯಃ ಸಸರ್ಜಾಜಮಗ್ರ್ಯಾಕೃತಿಂ ವಿಗ್ರಹೋ ಯಸ್ಯ ಸರ್ವೇ ಗುಣಾ ಏವ ಹಿ ।

ಉಗ್ರ ಆದ್ಯೋಽಪಿ ಯಸ್ಯಾತ್ಮಜಾಗ್ರ್ಯಾತ್ಮಜಃ ಸದ್ಗೃಹೀತಃ ಸದಾ ಯಃ ಪರಂ ದೈವತಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 7॥

ಅಚ್ಯುತೋ ಯೋ ಗುಣೈರ್ನಿತ್ಯಮೇವಾಖಿಲೈಃ ಪ್ರಚ್ಯುತೋಽಶೇಷದೋಷೈಃ ಸದಾ ಪೂರ್ತಿತಃ ।

ಉಚ್ಯತೇ ಸರ್ವವೇದೋರುವಾದೈರಜಃ ಸ್ವರ್ಚಿತೋ ಬ್ರಹ್ಮರುದ್ರೇನ್ದ್ರಪೂರ್ವೈಃ ಸದಾ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 8॥

ಧಾರ್ಯತೇ ಯೇನ ವಿಶ್ವಂ ಸದಾಜಾದಿಕಂ ವಾರ್ಯತೇಽಶೇಷದುಃಖಂ ನಿಜಧ್ಯಾಯಿನಾಮ್ ।

ಪಾರ್ಯತೇ ಸರ್ವಮನ್ಯೈರ್ನಯತ್ಪಾರ್ಯತೇ ಕಾರ್ಯತೇ ಚಾಖಿಲಂ ಸರ್ವಭೂತೈಃ ಸದಾ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 9॥

ಸರ್ವಪಾಪಾನಿಯತ್ಸಂಸ್ಮೃತೇಃ ಸಙ್ಕ್ಷಯಂ ಸರ್ವದಾ ಯಾನ್ತಿ ಭಕ್ತ್ಯಾ ವಿಶುದ್ಧಾತ್ಮನಾಮ್ ।

ಶರ್ವಗುರ್ವಾದಿಗೀರ್ವಾಣ ಸಂಸ್ಥಾನದಃ ಕುರ್ವತೇ ಕರ್ಮ ಯತ್ಪ್ರೀತಯೇ ಸಜ್ಜನಾಃ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 10॥

ಅಕ್ಷಯಂ ಕರ್ಮ ಯಸ್ಮಿನ್ ಪರೇ ಸ್ವರ್ಪಿತಂ ಪ್ರಕ್ಷಯಂ ಯಾನ್ತಿ ದುಃಖಾನಿ ಯನ್ನಾಮತಃ ।

ಅಕ್ಷರೋ ಯೋಽಜರಃ ಸರ್ವದೈವಾಮೃತಃ ಕುಕ್ಷಿಗಂ ಯಸ್ಯ ವಿಶ್ವಂ ಸದಾಽಜಾದಿಕಮ್ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 11॥

ನನ್ದಿತೀರ್ಥೋರುಸನ್ನಾಮಿನೋ ನನ್ದಿನಃ ಸನ್ದಧಾನಾಃ ಸದಾನನ್ದದೇವೇ ಮತಿಮ್ ।

ಮನ್ದಹಾಸಾರುಣಾ ಪಾಙ್ಗದತ್ತೋನ್ನತಿಂ ವನ್ದಿತಾಶೇಷದೇವಾದಿವೃನ್ದಂ ಸದಾ ।

ಪ್ರೀಣಯಾಮೋ ವಾಸುದೇವಂ ದೇವತಾಮಣ್ಡಲಾಖಣ್ಡಮಣ್ಡನಂ ಪ್ರೀಣಯಾಮೋ ವಾಸುದೇವಮ್ ॥ 12॥

ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ

ದ್ವಾದಶಸ್ತೋತ್ರೇಷು ಅಷ್ಟಮಸ್ತೋತ್ರಂ ಸಮ್ಪೂರ್ಣಮ್

Roman (IAST) Transliteration

atha aṣṭamastotram

vanditāśeṣavandyoruvṛndārakaṃ candanācarcitodārapīnāṃsakam |

indirācañcalāpāṅganīrājitaṃ mandaroddhārivṛttodbhujābhoginam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 1||

sṛṣṭisaṃhāralīlāvilāsātataṃ puṣṭaṣāḍguṇyasadvigrahollāsinam |

duṣṭaniḥśeṣasaṃhārakarmodyataṃ hṛṣṭapuṣṭātiśiṣṭa (anuśiṣṭa) prajāsaṃśrayam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 2||

unnataprārthitāśeṣasaṃsādhakaṃ sannatālaukikānandadaśrīpadam |

bhinnakarmāśayaprāṇisamprerakaṃ tanna kiṃ neti vidvatsu mīmāṃsitam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 3||

vipramukhyaiḥ sadā vedavādonmukhaiḥ supratāpaiḥ kṣitīśeśvaraiścārccitam |

apratarkyorusaṃvidguṇaṃ nirmalaṃ saprakāśājarānandarūpaṃ param |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 4||

atyayo yasya (yena) kenāpi na kvāpi hi pratyayo yadguṇeṣūttamānāṃ paraḥ |

satyasaṅkalpa eko vareṇyo vaśī matyanūnaiḥ sadā vedavādoditaḥ |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 5||

paśyatāṃ duḥkhasantānanirmūlanaṃ dṛśyatāṃ dṛśyatāmityajeśārcitam |

naśyatāṃ dūragaṃ sarvadāpyā'tmagaṃ vaśyatāṃ svecchayā sajjaneṣvāgatam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 6||

agrajaṃ yaḥ sasarjājamagryākṛtiṃ vigraho yasya sarve guṇā eva hi |

ugra ādyo'pi yasyātmajāgryātmajaḥ sadgṛhītaḥ sadā yaḥ paraṃ daivatam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 7||

acyuto yo guṇairnityamevākhilaiḥ pracyuto'śeṣadoṣaiḥ sadā pūrtitaḥ |

ucyate sarvavedoruvādairajaḥ svarcito brahmarudrendrapūrvaiḥ sadā |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 8||

dhāryate yena viśvaṃ sadājādikaṃ vāryate'śeṣaduḥkhaṃ nijadhyāyinām |

pāryate sarvamanyairnayatpāryate kāryate cākhilaṃ sarvabhūtaiḥ sadā |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 9||

sarvapāpāniyatsaṃsmṛteḥ saṅkṣayaṃ sarvadā yānti bhaktyā viśuddhātmanām |

śarvagurvādigīrvāṇa saṃsthānadaḥ kurvate karma yatprītaye sajjanāḥ |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 10||

akṣayaṃ karma yasmin pare svarpitaṃ prakṣayaṃ yānti duḥkhāni yannāmataḥ |

akṣaro yo'jaraḥ sarvadaivāmṛtaḥ kukṣigaṃ yasya viśvaṃ sadā'jādikam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 11||

nanditīrthorusannāmino nandinaḥ sandadhānāḥ sadānandadeve matim |

mandahāsāruṇā pāṅgadattonnatiṃ vanditāśeṣadevādivṛndaṃ sadā |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 12||

iti śrīmadānandatīrthabhagavatpādācārya viracitaṃ

dvādaśastotreṣu aṣṭamastotraṃ sampūrṇam