Shri Madhvacharya Krita Dvadasha Stotra - Shashtamastotram

ॐ

ಶ್ರೀ ಮಧ್ವಾಚಾರ್ಯ ಕೃತ ದ್ವಾದಶ ಸ್ತೋತ್ರ - ಷಷ್ಟಮಸ್ತೋತ್ರಮ್

Stotram Madhvacharya Kannada

ಅಥ ಷಷ್ಠಸ್ತೋತ್ರಮ್

ಮತ್ಸ್ಯಕರೂಪ ಲಯೋದವಿಹಾರಿನ್ ವೇದವಿನೇತ್ರ ಚತುರ್ಮುಖವನ್ದ್ಯ ।

ಕೂರ್ಮಸ್ವರೂಪಕ ಮನ್ದರಧಾರಿನ್ ಲೋಕವಿಧಾರಕ ದೇವವರೇಣ್ಯ ॥ 1॥

ಸೂಕರರೂಪಕ ದಾನವಶತ್ರೋ ಭೂಮಿವಿಧಾರಕ ಯಜ್ಞಾವರಾಙ್ಗ ।

ದೇವ ನೃಸಿಂಹ ಹಿರಣ್ಯಕಶತ್ರೋ ಸರ್ವ ಭಯಾನ್ತಕ ದೈವತಬನ್ಧೋ ॥ 2॥

ವಾಮನ ವಾಮನ ಮಾಣವವೇಷ ದೈತ್ಯವರಾನ್ತಕ ಕಾರಣರೂಪ ।

ರಾಮ ಭೃಗೂದ್ವಹ ಸೂರ್ಜಿತದೀಪ್ತೇ ಕ್ಷತ್ರಕುಲಾನ್ತಕ ಶಮ್ಭುವರೇಣ್ಯ ॥ 3॥

ರಾಘವ ರಾಘವ ರಾಕ್ಷಸ ಶತ್ರೋ ಮಾರುತಿವಲ್ಲಭ ಜಾನಕಿಕಾನ್ತ ।

ದೇವಕಿನನ್ದನ ನನ್ದಕುಮಾರ ವೃನ್ದಾವನಾಞ್ಚನ ಗೋಕುಲಚನ್ದ್ರ ॥ 4॥

ಕನ್ದಫಲಾಶನ ಸುನ್ದರರೂಪ ನನ್ದಿತಗೋಕುಲವನ್ದಿತಪಾದ ।

ಇನ್ದ್ರಸುತಾವಕ ನನ್ದಕಹಸ್ತ ಚನ್ದನಚರ್ಚಿತ ಸುನ್ದರಿನಾಥ ॥ 5॥

ಇನ್ದೀವರೋದರ ದಲನಯನ ಮನ್ದರಧಾರಿನ್ ಗೋವಿನ್ದ ವನ್ದೇ ।

ಚನ್ದ್ರಶತಾನನ ಕುನ್ದಸುಹಾಸ ನನ್ದಿತದೈವತಾನನ್ದಸುಪೂರ್ಣ ॥ 6॥

ದೇವಕಿನನ್ದನ ಸುನ್ದರರೂಪ ರುಕ್ಮಿಣಿವಲ್ಲಭ ಪಾಣ್ಡವಬನ್ಧೋ ।

ದೈತ್ಯವಿಮೋಹಕ ನಿತ್ಯಸುಖಾದೇ ದೇವವಿಬೋಧಕ ಬುದ್ಧಸ್ವರೂಪ ॥ 7॥

ದುಷ್ಟಕುಲಾನ್ತಕ ಕಲ್ಕಿಸ್ವರೂಪ ಧರ್ಮವಿವರ್ಧನ ಮೂಲಯುಗಾದೇ ।

ನಾರಾಯಣಾಮಲಕಾರಣಮೂರ್ತೇ ಪೂರ್ಣಗುಣಾರ್ಣವ ನಿತ್ಯಸುಬೋಧ ॥ 8॥

ಆನನ್ದತೀರ್ಥಕೃತಾ ಹರಿಗಾಥಾ ಪಾಪಹರಾ ಶುಭನಿತ್ಯಸುಖಾರ್ಥಾ ॥ 9॥

ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ

ದ್ವಾದಶಸ್ತೋತ್ರೇಷು ಷಷ್ಠಸ್ತೋತ್ರಂ ಸಮ್ಪೂರ್ಣಮ್

Roman (IAST) Transliteration

atha ṣaṣṭhastotram

matsyakarūpa layodavihārin vedavinetra caturmukhavandya |

kūrmasvarūpaka mandaradhārin lokavidhāraka devavareṇya || 1||

sūkararūpaka dānavaśatro bhūmividhāraka yajñāvarāṅga |

deva nṛsiṃha hiraṇyakaśatro sarva bhayāntaka daivatabandho || 2||

vāmana vāmana māṇavaveṣa daityavarāntaka kāraṇarūpa |

rāma bhṛgūdvaha sūrjitadīpte kṣatrakulāntaka śambhuvareṇya || 3||

rāghava rāghava rākṣasa śatro mārutivallabha jānakikānta |

devakinandana nandakumāra vṛndāvanāñcana gokulacandra || 4||

kandaphalāśana sundararūpa nanditagokulavanditapāda |

indrasutāvaka nandakahasta candanacarcita sundarinātha || 5||

indīvarodara dalanayana mandaradhārin govinda vande |

candraśatānana kundasuhāsa nanditadaivatānandasupūrṇa || 6||

devakinandana sundararūpa rukmiṇivallabha pāṇḍavabandho |

daityavimohaka nityasukhāde devavibodhaka buddhasvarūpa || 7||

duṣṭakulāntaka kalkisvarūpa dharmavivardhana mūlayugāde |

nārāyaṇāmalakāraṇamūrte pūrṇaguṇārṇava nityasubodha || 8||

ānandatīrthakṛtā harigāthā pāpaharā śubhanityasukhārthā || 9||

iti śrīmadānandatīrthabhagavatpādācārya viracitaṃ

dvādaśastotreṣu ṣaṣṭhastotraṃ sampūrṇam