Shri Madhvacharya Krita Dvadasha Stotra - Dvitiyastotram

ॐ

ಶ್ರೀ ಮಧ್ವಾಚಾರ್ಯ ಕೃತ ದ್ವಾದಶ ಸ್ತೋತ್ರ - ದ್ವಿತೀಯಸ್ತೋತ್ರಮ್

Stotram Madhvacharya Kannada

ಅಥ ದ್ವಿತೀಯಸ್ತೋತ್ರಮ್

ಸ್ವಜನೋದಧಿಸಂವೃದ್ಧಿ ಪೂರ್ಣಚನ್ದ್ರೋ ಗುಣಾರ್ಣವಃ । (ಸುಜನೋದಧಿಸಂವೃದ್ಧಿ)

ಅಮನ್ದಾನನ್ದ ಸಾನ್ದ್ರೋ ನಃ ಸದಾವ್ಯಾದಿನ್ದಿರಾಪತಿಃ ॥ 1॥ (ಪ್ರೀಯಾತಾಮಿನ್ದಿರಾಪತಿಃ)

ರಮಾಚಕೋರೀವಿಧವೇ ದುಷ್ಟದರ್ಪೋದವಹ್ನಯೇ । (ದುಷ್ಟಸರ್ಪೋದವಹ್ನಯೇ)

ಸತ್ಪಾನ್ಥಜನಗೇಹಾಯ ನಮೋ ನಾರಾಯಣಾಯ ತೇ ॥ 2॥

ಚಿದಚಿದ್ಭೇದಂ ಅಖಿಲಂ ವಿಧಾಯಾಧಾಯ ಭುಞ್ಜತೇ ।

ಅವ್ಯಾಕೃತಗುಹಸ್ಥಾಯ ರಮಾಪ್ರಣಯಿನೇ ನಮಃ ॥ 3॥

ಅಮನ್ದಗುಣಸಾರೋಽಪಿ ಮನ್ದಹಾಸೇನ ವೀಕ್ಷಿತಃ ।

ನಿತ್ಯಮಿನ್ದಿರಯಾಽನನ್ದಸಾನ್ದ್ರೋ ಯೋ ನೌಮಿ ತಂ ಹರಿಮ್ ॥ 4॥

ವಶೀ ವಶೋ (ವಶೇ) ನ ಕಸ್ಯಾಪಿ ಯೋಽಜಿತೋ ವಿಜಿತಾಖಿಲಃ ।

ಸರ್ವಕರ್ತಾ ನ ಕ್ರಿಯತೇ ತಂ ನಮಾಮಿ ರಮಾಪತಿಮ್ ॥ 5॥

ಅಗುಣಾಯಗುಣೋದ್ರೇಕ ಸ್ವರೂಪಾಯಾದಿಕಾರಿಣೇ ।

ವಿದಾರಿತಾರಿಸಙ್ಘಾಯ ವಾಸುದೇವಾಯ ತೇ ನಮಃ ॥ 6॥

ಆದಿದೇವಾಯ ದೇವಾನಾಂ ಪತಯೇ ಸಾದಿತಾರಯೇ ।

ಅನಾದ್ಯಜ್ಞಾನಪಾರಾಯ ನಮಃ ಪಾರಾವರಾಶ್ರಯ ॥ 7॥ (ನಮೋ ವರವರಾಯ ತೇ)

ಅಜಾಯ ಜನಯಿತ್ರೇಽಸ್ಯ ವಿಜಿತಾಖಿಲದಾನವ ।

ಅಜಾದಿ ಪೂಜ್ಯಪಾದಾಯ ನಮಸ್ತೇ ಗರುಡಧ್ವಜ ॥ 8॥

ಇನ್ದಿರಾಮನ್ದಸಾನ್ದ್ರಾಗ್ರ್ಯ ಕಟಾಕ್ಷಪ್ರೇಕ್ಷಿತಾತ್ಮನೇ ।

ಅಸ್ಮದಿಷ್ಟೈಕ ಕಾರ್ಯಾಯ ಪೂರ್ಣಾಯ ಹರಯೇ ನಮಃ ॥ 9॥

ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ

ದ್ವಾದಶಸ್ತೋತ್ರೇಷು ದ್ವಿತೀಯಸ್ತೋತ್ರಂ ಸಮ್ಪೂರ್ಣಮ್

Roman (IAST) Transliteration

atha dvitīyastotram

svajanodadhisaṃvṛddhi pūrṇacandro guṇārṇavaḥ | (sujanodadhisaṃvṛddhi)

amandānanda sāndro naḥ sadāvyādindirāpatiḥ || 1|| (prīyātāmindirāpatiḥ)

ramācakorīvidhave duṣṭadarpodavahnaye | (duṣṭasarpodavahnaye)

satpānthajanagehāya namo nārāyaṇāya te || 2||

cidacidbhedaṃ akhilaṃ vidhāyādhāya bhuñjate |

avyākṛtaguhasthāya ramāpraṇayine namaḥ || 3||

amandaguṇasāro'pi mandahāsena vīkṣitaḥ |

nityamindirayā'nandasāndro yo naumi taṃ harim || 4||

vaśī vaśo (vaśe) na kasyāpi yo'jito vijitākhilaḥ |

sarvakartā na kriyate taṃ namāmi ramāpatim || 5||

aguṇāyaguṇodreka svarūpāyādikāriṇe |

vidāritārisaṅghāya vāsudevāya te namaḥ || 6||

ādidevāya devānāṃ pataye sāditāraye |

anādyajñānapārāya namaḥ pārāvarāśraya || 7|| (namo varavarāya te)

ajāya janayitre'sya vijitākhiladānava |

ajādi pūjyapādāya namaste garuḍadhvaja || 8||

indirāmandasāndrāgrya kaṭākṣaprekṣitātmane |

asmadiṣṭaika kāryāya pūrṇāya haraye namaḥ || 9||

iti śrīmadānandatīrthabhagavatpādācārya viracitaṃ

dvādaśastotreṣu dvitīyastotraṃ sampūrṇam