Shri Krishna Kavacham (trailokya Mangala Kavacham)

ॐ

ಶ್ರೀ ಕೃಷ್ಣ ಕವಚಂ (ತ್ರೈಲೋಕ್ಯ ಮಙ್ಗಲ ಕವಚಮ್)

Krishna Kavacham Kannada

ಶ್ರೀ ನಾರದ ಉವಾಚ –

ಭಗವನ್ಸರ್ವಧರ್ಮಜ್ಞ ಕವಚಂ ಯತ್ಪ್ರಕಾಶಿತಮ್ ।

ತ್ರೈಲೋಕ್ಯಮಙ್ಗಲಂ ನಾಮ ಕೃಪಯಾ ಕಥಯ ಪ್ರಭೋ ॥ 1 ॥

ಸನತ್ಕುಮಾರ ಉವಾಚ –

ಶೃಣು ವಕ್ಷ್ಯಾಮಿ ವಿಪ್ರೇನ್ದ್ರ ಕವಚಂ ಪರಮಾದ್ಭುತಮ್ ।

ನಾರಾಯಣೇನ ಕಥಿತಂ ಕೃಪಯಾ ಬ್ರಹ್ಮಣೇ ಪುರಾ ॥ 2 ॥

ಬ್ರಹ್ಮಣಾ ಕಥಿತಂ ಮಹ್ಯಂ ಪರಂ ಸ್ನೇಹಾದ್ವದಾಮಿ ತೇ ।

ಅತಿ ಗುಹ್ಯತರಂ ತತ್ತ್ವಂ ಬ್ರಹ್ಮಮನ್ತ್ರೌಘವಿಗ್ರಹಮ್ ॥ 3 ॥

ಯದ್ಧೃತ್ವಾ ಪಠನಾದ್ಬ್ರಹ್ಮಾ ಸೃಷ್ಟಿಂ ವಿತನುತೇ ಧ್ರುವಮ್ ।

ಯದ್ಧೃತ್ವಾ ಪಠನಾತ್ಪಾತಿ ಮಹಾಲಕ್ಷ್ಮೀರ್ಜಗತ್ತ್ರಯಮ್ ॥ 4 ॥

ಪಠನಾದ್ಧಾರಣಾಚ್ಛಮ್ಭುಃ ಸಂಹರ್ತಾ ಸರ್ವಮನ್ತ್ರವಿತ್ ।

ತ್ರೈಲೋಕ್ಯಜನನೀ ದುರ್ಗಾ ಮಹಿಷಾದಿಮಹಾಸುರಾನ್ ॥ 5 ॥

ವರತೃಪ್ತಾನ್ ಜಘಾನೈವ ಪಠನಾದ್ಧಾರಣಾದ್ಯತಃ ।

ಏವಮಿನ್ದ್ರಾದಯಃ ಸರ್ವೇ ಸರ್ವೈಶ್ವರ್ಯಮವಾಪ್ನುಯುಃ ॥ 6 ॥

ಇದಂ ಕವಚಮತ್ಯನ್ತಗುಪ್ತಂ ಕುತ್ರಾಪಿ ನೋ ವದೇತ್ ।

ಶಿಷ್ಯಾಯ ಭಕ್ತಿಯುಕ್ತಾಯ ಸಾಧಕಾಯ ಪ್ರಕಾಶಯೇತ್ ॥ 7 ॥

ಶಠಾಯ ಪರಶಿಷ್ಯಾಯ ದತ್ವಾ ಮೃತ್ಯುಮವಾಪ್ನುಯಾತ್ ।

ತ್ರೈಲೋಕ್ಯಮಙ್ಗಲಸ್ಯಾಽಸ್ಯ ಕವಚಸ್ಯ ಪ್ರಜಾಪತಿಃ ॥ 8 ॥

ಋಷಿಶ್ಛನ್ದಶ್ಚ ಗಾಯತ್ರೀ ದೇವೋ ನಾರಾಯಣಸ್ಸ್ವಯಮ್ ।

ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ ॥ 9 ॥

ಪ್ರಣವೋ ಮೇ ಶಿರಃ ಪಾತು ನಮೋ ನಾರಾಯಣಾಯ ಚ ।

ಫಾಲಂ ಮೇ ನೇತ್ರಯುಗಲಮಷ್ಟಾರ್ಣೋ ಭುಕ್ತಿಮುಕ್ತಿದಃ ॥ 10 ॥

ಕ್ಲೀಂ ಪಾಯಾಚ್ಛ್ರೋತ್ರಯುಗ್ಮಂ ಚೈಕಾಕ್ಷರಃ ಸರ್ವಮೋಹನಃ ।

ಕ್ಲೀಂ ಕೃಷ್ಣಾಯ ಸದಾ ಘ್ರಾಣಂ ಗೋವಿನ್ದಾಯೇತಿ ಜಿಹ್ವಿಕಾಮ್ ॥ 11 ॥

ಗೋಪೀಜನಪದವಲ್ಲಭಾಯ ಸ್ವಾಹಾಽನನಂ ಮಮ ।

ಅಷ್ಟಾದಶಾಕ್ಷರೋ ಮನ್ತ್ರಃ ಕಣ್ಠಂ ಪಾತು ದಶಾಕ್ಷರಃ ॥ 12 ॥

ಗೋಪೀಜನಪದವಲ್ಲಭಾಯ ಸ್ವಾಹಾ ಭುಜದ್ವಯಮ್ ।

ಕ್ಲೀಂ ಗ್ಲೌಂ ಕ್ಲೀಂ ಶ್ಯಾಮಲಾಙ್ಗಾಯ ನಮಃ ಸ್ಕನ್ಧೌ ರಕ್ಷಾಕ್ಷರಃ ॥ 13 ॥

ಕ್ಲೀಂ ಕೃಷ್ಣಃ ಕ್ಲೀಂ ಕರೌ ಪಾಯಾತ್ ಕ್ಲೀಂ ಕೃಷ್ಣಾಯಾಂ ಗತೋಽವತು ।

ಹೃದಯಂ ಭುವನೇಶಾನಃ ಕ್ಲೀಂ ಕೃಷ್ಣಃ ಕ್ಲೀಂ ಸ್ತನೌ ಮಮ ॥ 14 ॥

ಗೋಪಾಲಾಯಾಗ್ನಿಜಾಯಾತಂ ಕುಕ್ಷಿಯುಗ್ಮಂ ಸದಾಽವತು ।

ಕ್ಲೀಂ ಕೃಷ್ಣಾಯ ಸದಾ ಪಾತು ಪಾರ್ಶ್ವಯುಗ್ಮಮನುತ್ತಮಃ ॥ 15 ॥

ಕೃಷ್ಣ ಗೋವಿನ್ದಕೌ ಪಾತು ಸ್ಮರಾದ್ಯೌಜೇಯುತೌ ಮನುಃ ।

ಅಷ್ಟಾಕ್ಷರಃ ಪಾತು ನಾಭಿಂ ಕೃಷ್ಣೇತಿ ದ್ವ್ಯಕ್ಷರೋಽವತು ॥ 16 ॥

ಪೃಷ್ಠಂ ಕ್ಲೀಂ ಕೃಷ್ಣಕಂ ಗಲ್ಲ ಕ್ಲೀಂ ಕೃಷ್ಣಾಯ ದ್ವಿರಾನ್ತಕಃ ।

ಸಕ್ಥಿನೀ ಸತತಂ ಪಾತು ಶ್ರೀಂ ಹ್ರೀಂ ಕ್ಲೀಂ ಕೃಷ್ಣಠದ್ವಯಮ್ ॥ 17 ॥

ಊರೂ ಸಪ್ತಾಕ್ಷರಂ ಪಾಯಾತ್ ತ್ರಯೋದಶಾಕ್ಷರೋಽವತು ।

ಶ್ರೀಂ ಹ್ರೀಂ ಕ್ಲೀಂ ಪದತೋ ಗೋಪೀಜನವಲ್ಲಭಪದಂ ತತಃ ॥ 18 ॥

ಶ್ರಿಯಾ ಸ್ವಾಹೇತಿ ಪಾಯೂ ವೈ ಕ್ಲೀಂ ಹ್ರೀಂ ಶ್ರೀಂ ಸದಶಾರ್ಣಕಃ ।

ಜಾನುನೀ ಚ ಸದಾ ಪಾತು ಕ್ಲೀಂ ಹ್ರೀಂ ಶ್ರೀಂ ಚ ದಶಾಕ್ಷರಃ ॥ 19 ॥

ತ್ರಯೋದಶಾಕ್ಷರಃ ಪಾತು ಜಙ್ಘೇ ಚಕ್ರಾದ್ಯುದಾಯುಧಃ ।

ಅಷ್ಟಾದಶಾಕ್ಷರೋ ಹ್ರೀಂ ಶ್ರೀಂ ಪೂರ್ವಕೋ ವಿಂಶದರ್ಣಕಃ ॥ 20 ॥

ಸರ್ವಾಙ್ಗಂ ಮೇ ಸದಾ ಪಾತು ದ್ವಾರಕಾನಾಯಕೋ ಬಲೀ ।

ನಮೋ ಭಗವತೇ ಪಶ್ಚಾದ್ವಾಸುದೇವಾಯ ತತ್ಪರಮ್ ॥ 21 ॥

ತಾರಾದ್ಯೋ ದ್ವಾದಶಾರ್ಣೋಽಯಂ ಪ್ರಾಚ್ಯಾಂ ಮಾಂ ಸರ್ವದಾಽವತು ।

ಶ್ರೀಂ ಹ್ರೀಂ ಕ್ಲೀಂ ಚ ದಶಾರ್ಣಸ್ತು ಕ್ಲೀಂ ಹ್ರೀಂ ಶ್ರೀಂ ಷೋಡಶಾರ್ಣಕಃ ॥ 22 ॥

ಗದಾದ್ಯುದಾಯುಧೋ ವಿಷ್ಣುರ್ಮಾಮಗ್ನೇರ್ದಿಶಿ ರಕ್ಷತು ।

ಹ್ರೀಂ ಶ್ರೀಂ ದಶಾಕ್ಷರೋ ಮನ್ತ್ರೋ ದಕ್ಷಿಣೇ ಮಾಂ ಸದಾಽವತು ॥ 23 ॥

ತಾರೋ ನಮೋ ಭಗವತೇ ರುಕ್ಮಿಣೀವಲ್ಲಭಾಯ ಚ ।

ಸ್ವಾಹೇತಿ ಷೋಡಶಾರ್ಣೋಽಯಂ ನೈರೃತ್ಯಾಂ ದಿಶಿ ರಕ್ಷತು ॥ 24 ॥

ಕ್ಲೀಂ ಹೃಷೀಕೇಶ ವಂಶಾಯ ನಮೋ ಮಾಂ ವಾರುಣೋಽವತು ।

ಅಷ್ಟಾದಶಾರ್ಣಃ ಕಾಮಾನ್ತೋ ವಾಯವ್ಯೇ ಮಾಂ ಸದಾಽವತು ॥ 25 ॥

ಶ್ರೀಂ ಮಾಯಾಕಾಮತೃಷ್ಣಾಯ ಗೋವಿನ್ದಾಯ ದ್ವಿಕೋ ಮನುಃ ।

ದ್ವಾದಶಾರ್ಣಾತ್ಮಕೋ ವಿಷ್ಣುರುತ್ತರೇ ಮಾಂ ಸದಾಽವತು ॥ 26 ॥

ವಾಗ್ಭವಂ ಕಾಮಕೃಷ್ಣಾಯ ಹ್ರೀಂ ಗೋವಿನ್ದಾಯ ತತ್ಪರಮ್ ।

ಶ್ರೀಂ ಗೋಪೀಜನವಲ್ಲಭಾಯ ಸ್ವಾಹಾ ಹಸ್ತೌ ತತಃ ಪರಮ್ ॥ 27 ॥

ದ್ವಾವಿಂಶತ್ಯಕ್ಷರೋ ಮನ್ತ್ರೋ ಮಾಮೈಶಾನ್ಯೇ ಸದಾಽವತು ।

ಕಾಲೀಯಸ್ಯ ಫಣಾಮಧ್ಯೇ ದಿವ್ಯಂ ನೃತ್ಯಂ ಕರೋತಿ ತಮ್ ॥ 28 ॥

ನಮಾಮಿ ದೇವಕೀಪುತ್ರಂ ನೃತ್ಯರಾಜಾನಮಚ್ಯುತಮ್ ।

ದ್ವಾತ್ರಿಂಶದಕ್ಷರೋ ಮನ್ತ್ರೋಽಪ್ಯಧೋ ಮಾಂ ಸರ್ವದಾಽವತು ॥ 29 ॥

ಕಾಮದೇವಾಯ ವಿದ್ಮಹೇ ಪುಷ್ಪಬಾಣಾಯ ಧೀಮಹಿ ।

ತನ್ನೋಽನಙ್ಗಃ ಪ್ರಚೋದಯಾದೇಷಾ ಮಾಂ ಪಾತುಚೋರ್ಧ್ವತಃ ॥ 30 ॥

ಇತಿ ತೇ ಕಥಿತಂ ವಿಪ್ರ ಬ್ರಹ್ಮಮನ್ತ್ರೌಘವಿಗ್ರಹಮ್ ।

ತ್ರೈಲೋಕ್ಯಮಙ್ಗಲಂ ನಾಮ ಕವಚಂ ಬ್ರಹ್ಮರೂಪಕಮ್ ॥ 31 ॥

ಬ್ರಹ್ಮಣಾ ಕಥಿತಂ ಪೂರ್ವಂ ನಾರಾಯಣಮುಖಾಚ್ಛ್ರುತಮ್ ।

ತವ ಸ್ನೇಹಾನ್ಮಯಾಽಖ್ಯಾತಂ ಪ್ರವಕ್ತವ್ಯಂ ನ ಕಸ್ಯಚಿತ್ ॥ 32 ॥

ಗುರುಂ ಪ್ರಣಮ್ಯ ವಿಧಿವತ್ಕವಚಂ ಪ್ರಪಠೇತ್ತತಃ ।

ಸಕೃದ್ದ್ವಿಸ್ತ್ರಿರ್ಯಥಾಜ್ಞಾನಂ ಸ ಹಿ ಸರ್ವತಪೋಮಯಃ ॥ 33 ॥

ಮನ್ತ್ರೇಷು ಸಕಲೇಷ್ವೇವ ದೇಶಿಕೋ ನಾತ್ರ ಸಂಶಯಃ ।

ಶತಮಷ್ಟೋತ್ತರಂ ಚಾಸ್ಯ ಪುರಶ್ಚರ್ಯಾ ವಿಧಿಸ್ಸ್ಮೃತಃ ॥ 34 ॥

ಹವನಾದೀನ್ದಶಾಂಶೇನ ಕೃತ್ವಾ ತತ್ಸಾಧಯೇದ್ಧ್ರುವಮ್ ।

ಯದಿ ಸ್ಯಾತ್ಸಿದ್ಧಕವಚೋ ವಿಷ್ಣುರೇವ ಭವೇತ್ಸ್ವಯಮ್ ॥ 35 ॥

ಮನ್ತ್ರಸಿದ್ಧಿರ್ಭವೇತ್ತಸ್ಯ ಪುರಶ್ಚರ್ಯಾ ವಿಧಾನತಃ ।

ಸ್ಪರ್ಧಾಮುದ್ಧೂಯ ಸತತಂ ಲಕ್ಷ್ಮೀರ್ವಾಣೀ ವಸೇತ್ತತಃ ॥ 36 ॥

ಪುಷ್ಪಾಞ್ಜಲ್ಯಷ್ಟಕಂ ದತ್ವಾ ಮೂಲೇನೈವ ಪಠೇತ್ಸಕೃತ್ ।

ದಶವರ್ಷಸಹಸ್ರಾಣಿ ಪೂಜಾಯಾಃ ಫಲಮಾಪ್ನುಯಾತ್ ॥ 37 ॥

ಭೂರ್ಜೇ ವಿಲಿಖ್ಯ ಗುಲಿಕಾಂ ಸ್ವರ್ಣಸ್ಥಾಂ ಧಾರಯೇದ್ಯದಿ ।

ಕಣ್ಠೇ ವಾ ದಕ್ಷಿಣೇ ಬಾಹೌ ಸೋಽಪಿ ವಿಷ್ಣುರ್ನ ಸಂಶಯಃ ॥ 38 ॥

ಅಶ್ವಮೇಧಸಹಸ್ರಾಣಿ ವಾಜಪೇಯಶತಾನಿ ಚ ।

ಮಹಾದಾನಾನಿ ಯಾನ್ಯೇವ ಪ್ರಾದಕ್ಷಿಣ್ಯಂ ಭುವಸ್ತಥಾ ॥ 39 ॥

ಕಲಾಂ ನಾರ್ಹನ್ತಿ ತಾನ್ಯೇವ ಸಕೃದುಚ್ಚಾರಣಾತ್ತತಃ ।

ಕವಚಸ್ಯ ಪ್ರಸಾದೇನ ಜೀವನ್ಮುಕ್ತೋ ಭವೇನ್ನರಃ ॥ 40 ॥

ತ್ರೈಲೋಕ್ಯಂ ಕ್ಷೋಭಯತ್ಯೇವ ತ್ರೈಲೋಕ್ಯವಿಜಯೀ ಸ ಹಿ ।

ಇದಂ ಕವಚಮಜ್ಞಾತ್ವಾ ಯಜೇದ್ಯಃ ಪುರುಷೋತ್ತಮಮ್ ।

ಶತಲಕ್ಷಪ್ರಜಪ್ತೋಽಪಿ ನ ಮನ್ತ್ರಸ್ತಸ್ಯ ಸಿದ್ಧ್ಯತಿ ॥ 41 ॥

ಇತಿ ಶ್ರೀ ನಾರದಪಾಞ್ಚರಾತ್ರೇ ಜ್ಞಾನಾಮೃತಸಾರೇ ತ್ರೈಲೋಕ್ಯಮಙ್ಗಲಕವಚಮ್ ।

Roman (IAST) Transliteration

śrī nārada uvāca –

bhagavansarvadharmajña kavacaṃ yatprakāśitam |

trailokyamaṅgalaṃ nāma kṛpayā kathaya prabho || 1 ||

sanatkumāra uvāca –

śṛṇu vakṣyāmi viprendra kavacaṃ paramādbhutam |

nārāyaṇena kathitaṃ kṛpayā brahmaṇe purā || 2 ||

brahmaṇā kathitaṃ mahyaṃ paraṃ snehādvadāmi te |

ati guhyataraṃ tattvaṃ brahmamantraughavigraham || 3 ||

yaddhṛtvā paṭhanādbrahmā sṛṣṭiṃ vitanute dhruvam |

yaddhṛtvā paṭhanātpāti mahālakṣmīrjagattrayam || 4 ||

paṭhanāddhāraṇācchambhuḥ saṃhartā sarvamantravit |

trailokyajananī durgā mahiṣādimahāsurān || 5 ||

varatṛptān jaghānaiva paṭhanāddhāraṇādyataḥ |

evamindrādayaḥ sarve sarvaiśvaryamavāpnuyuḥ || 6 ||

idaṃ kavacamatyantaguptaṃ kutrāpi no vadet |

śiṣyāya bhaktiyuktāya sādhakāya prakāśayet || 7 ||

śaṭhāya paraśiṣyāya datvā mṛtyumavāpnuyāt |

trailokyamaṅgalasyā'sya kavacasya prajāpatiḥ || 8 ||

ṛṣiśchandaśca gāyatrī devo nārāyaṇassvayam |

dharmārthakāmamokṣeṣu viniyogaḥ prakīrtitaḥ || 9 ||

praṇavo me śiraḥ pātu namo nārāyaṇāya ca |

phālaṃ me netrayugalamaṣṭārṇo bhuktimuktidaḥ || 10 ||

klīṃ pāyācchrotrayugmaṃ caikākṣaraḥ sarvamohanaḥ |

klīṃ kṛṣṇāya sadā ghrāṇaṃ govindāyeti jihvikām || 11 ||

gopījanapadavallabhāya svāhā'nanaṃ mama |

aṣṭādaśākṣaro mantraḥ kaṇṭhaṃ pātu daśākṣaraḥ || 12 ||

gopījanapadavallabhāya svāhā bhujadvayam |

klīṃ glauṃ klīṃ śyāmalāṅgāya namaḥ skandhau rakṣākṣaraḥ || 13 ||

klīṃ kṛṣṇaḥ klīṃ karau pāyāt klīṃ kṛṣṇāyāṃ gato'vatu |

hṛdayaṃ bhuvaneśānaḥ klīṃ kṛṣṇaḥ klīṃ stanau mama || 14 ||

gopālāyāgnijāyātaṃ kukṣiyugmaṃ sadā'vatu |

klīṃ kṛṣṇāya sadā pātu pārśvayugmamanuttamaḥ || 15 ||

kṛṣṇa govindakau pātu smarādyaujeyutau manuḥ |

aṣṭākṣaraḥ pātu nābhiṃ kṛṣṇeti dvyakṣaro'vatu || 16 ||

pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ |

sakthinī satataṃ pātu śrīṃ hrīṃ klīṃ kṛṣṇaṭhadvayam || 17 ||

ūrū saptākṣaraṃ pāyāt trayodaśākṣaro'vatu |

śrīṃ hrīṃ klīṃ padato gopījanavallabhapadaṃ tataḥ || 18 ||

śriyā svāheti pāyū vai klīṃ hrīṃ śrīṃ sadaśārṇakaḥ |

jānunī ca sadā pātu klīṃ hrīṃ śrīṃ ca daśākṣaraḥ || 19 ||

trayodaśākṣaraḥ pātu jaṅghe cakrādyudāyudhaḥ |

aṣṭādaśākṣaro hrīṃ śrīṃ pūrvako viṃśadarṇakaḥ || 20 ||

sarvāṅgaṃ me sadā pātu dvārakānāyako balī |

namo bhagavate paścādvāsudevāya tatparam || 21 ||

tārādyo dvādaśārṇo'yaṃ prācyāṃ māṃ sarvadā'vatu |

śrīṃ hrīṃ klīṃ ca daśārṇastu klīṃ hrīṃ śrīṃ ṣoḍaśārṇakaḥ || 22 ||

gadādyudāyudho viṣṇurmāmagnerdiśi rakṣatu |

hrīṃ śrīṃ daśākṣaro mantro dakṣiṇe māṃ sadā'vatu || 23 ||

tāro namo bhagavate rukmiṇīvallabhāya ca |

svāheti ṣoḍaśārṇo'yaṃ nairṛtyāṃ diśi rakṣatu || 24 ||

klīṃ hṛṣīkeśa vaṃśāya namo māṃ vāruṇo'vatu |

aṣṭādaśārṇaḥ kāmānto vāyavye māṃ sadā'vatu || 25 ||

śrīṃ māyākāmatṛṣṇāya govindāya dviko manuḥ |

dvādaśārṇātmako viṣṇuruttare māṃ sadā'vatu || 26 ||

vāgbhavaṃ kāmakṛṣṇāya hrīṃ govindāya tatparam |

śrīṃ gopījanavallabhāya svāhā hastau tataḥ param || 27 ||

dvāviṃśatyakṣaro mantro māmaiśānye sadā'vatu |

kālīyasya phaṇāmadhye divyaṃ nṛtyaṃ karoti tam || 28 ||

namāmi devakīputraṃ nṛtyarājānamacyutam |

dvātriṃśadakṣaro mantro'pyadho māṃ sarvadā'vatu || 29 ||

kāmadevāya vidmahe puṣpabāṇāya dhīmahi |

tanno'naṅgaḥ pracodayādeṣā māṃ pātucordhvataḥ || 30 ||

iti te kathitaṃ vipra brahmamantraughavigraham |

trailokyamaṅgalaṃ nāma kavacaṃ brahmarūpakam || 31 ||

brahmaṇā kathitaṃ pūrvaṃ nārāyaṇamukhācchrutam |

tava snehānmayā'khyātaṃ pravaktavyaṃ na kasyacit || 32 ||

guruṃ praṇamya vidhivatkavacaṃ prapaṭhettataḥ |

sakṛddvistriryathājñānaṃ sa hi sarvatapomayaḥ || 33 ||

mantreṣu sakaleṣveva deśiko nātra saṃśayaḥ |

śatamaṣṭottaraṃ cāsya puraścaryā vidhissmṛtaḥ || 34 ||

havanādīndaśāṃśena kṛtvā tatsādhayeddhruvam |

yadi syātsiddhakavaco viṣṇureva bhavetsvayam || 35 ||

mantrasiddhirbhavettasya puraścaryā vidhānataḥ |

spardhāmuddhūya satataṃ lakṣmīrvāṇī vasettataḥ || 36 ||

puṣpāñjalyaṣṭakaṃ datvā mūlenaiva paṭhetsakṛt |

daśavarṣasahasrāṇi pūjāyāḥ phalamāpnuyāt || 37 ||

bhūrje vilikhya gulikāṃ svarṇasthāṃ dhārayedyadi |

kaṇṭhe vā dakṣiṇe bāhau so'pi viṣṇurna saṃśayaḥ || 38 ||

aśvamedhasahasrāṇi vājapeyaśatāni ca |

mahādānāni yānyeva prādakṣiṇyaṃ bhuvastathā || 39 ||

kalāṃ nārhanti tānyeva sakṛduccāraṇāttataḥ |

kavacasya prasādena jīvanmukto bhavennaraḥ || 40 ||

trailokyaṃ kṣobhayatyeva trailokyavijayī sa hi |

idaṃ kavacamajñātvā yajedyaḥ puruṣottamam |

śatalakṣaprajapto'pi na mantrastasya siddhyati || 41 ||

iti śrī nāradapāñcarātre jñānāmṛtasāre trailokyamaṅgalakavacam |