Shrikrishnashtottarashata Namastotram

ॐ

ಶ್ರೀಕೃಷ್ಣಾಷ್ಟೋತ್ತರಶತ ನಾಮಸ್ತೋತ್ರಂ

Krishna Ashtottara Sata Namavali Kannada

ಶ್ರೀಗೋಪಾಲಕೃಷ್ಣಾಯ ನಮಃ ॥

ಶ್ರೀಶೇಷ ಉವಾಚ ॥

ಓಂ ಅಸ್ಯ ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಸ್ಯ।

ಶ್ರೀಶೇಷ ಋಷಿಃ ॥ ಅನುಷ್ಟುಪ್ ಛನ್ದಃ ॥ ಶ್ರೀಕೃಷ್ಣೋದೇವತಾ ॥

ಶ್ರೀಕೃಷ್ಣಾಷ್ಟೋತ್ತರಶತನಾಮಜಪೇ ವಿನಿಯೋಗಃ ॥

ಓಂ ಶ್ರೀಕೃಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ ।

ವಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ ॥ 1 ॥

ಶ್ರೀವತ್ಸಕೌಸ್ತುಭಧರೋ ಯಶೋದಾವತ್ಸಲೋ ಹರಿಃ ।

ಚತುರ್ಭುಜಾತ್ತಚಕ್ರಾಸಿಗದಾ ಶಙ್ಖಾದ್ಯುದಾಯುಧಃ ॥ 2 ॥

ದೇವಕೀನನ್ದನಃ ಶ್ರೀಶೋ ನನ್ದಗೋಪಪ್ರಿಯಾತ್ಮಜಃ ।

ಯಮುನಾವೇಗಸಂಹಾರೀ ಬಲಭದ್ರಪ್ರಿಯಾನುಜಃ ॥ 3 ॥

ಪೂತನಾಜೀವಿತಹರಃ ಶಕಟಾಸುರಭಞ್ಜನಃ ।

ನನ್ದವ್ರಜಜನಾನನ್ದೀ ಸಚ್ಚಿದಾನನ್ದವಿಗ್ರಹಃ ॥ 4 ॥

ನವನೀತವಿಲಿಪ್ತಾಙ್ಗೋ ನವನೀತನಟೋಽನಘಃ ।

ನವನೀತನವಾಹಾರೋ ಮುಚುಕುನ್ದಪ್ರಸಾದಕಃ ॥ 5 ॥

ಷೋಡಶಸ್ತ್ರೀ ಸಹಸ್ರೇಶ ಸ್ರಿಭಙ್ಗಿ ಮಧುರಾಕೃತಿಃ ।

ಶುಕವಾಗಮೃತಾಬ್ಧೀನ್ದುರ್ಗೋವಿನ್ದೋ ಗೋವಿದಾಮ್ಪತಿಃ ॥ 6 ॥

ವತ್ಸವಾಟಚರೋಽನನ್ತೋ ಧೇನುಕಾಸುರಭಞ್ಜನಃ ।

ತೃಣೀಕೃತತೃಣಾವರ್ತೋ ಯಮಲಾರ್ಜುನಭಞ್ಜನಃ ॥ 7 ॥

ಉತ್ತಾನತಾಲಭೇತ್ತಾ ಚ ತಮಾಲಶ್ಯಾಮಲಾಕೃತಿಃ ।

ಗೋಪಗೋಪೀಶ್ವರೋ ಯೋಗೀ ಸೂರ್ಯಕೋಟಿಸಮಪ್ರಭಃ ॥ 8 ॥

ಇಲಾಪತಿಃ ಪರಞ್ಜ್ಯೋತಿರ್ಯಾದವೇನ್ದ್ರೋ ಯದೂದ್ವಹಃ ।

ವನಮಾಲೀ ಪೀತವಾಸಾಃ ಪಾರಿಜಾತಾಪಹಾರಕಃ ॥ 9 ॥

ಗೋವರ್ಧನಾಚಲೋದ್ಧರ್ತಾ ಗೋಪಾಲಃ ಸರ್ವಪಾಲಕಃ ।

ಅಜೋ ನಿರಞ್ಜನಃ ಕಾಮಜನಕಃ ಕಞ್ಜಲೋಚನಃ ॥ 10 ॥

ಮಧುಹಾ ಮಥುರಾನಾಥೋ ದ್ವಾರಕಾನಾಯಕೋ ಬಲೀ ।

ವೃನ್ದಾವನಾನ್ತಸಞ್ಚಾರೀ ತುಲಸೀದಾಮಭೂಷಣಃ ॥ 11 ॥

ಶ್ಯಮನ್ತಕಮಣೇರ್ಹರ್ತಾ ನರನಾರಾಯಣಾತ್ಮಕಃ ।

ಕುಬ್ಜಾಕೃಷ್ಣಾಮ್ಬರಧರೋ ಮಾಯೀ ಪರಮಪೂರುಷಃ ॥ 12 ॥

ಮುಷ್ಟಿಕಾಸುರಚಾಣೂರಮಹಾಯುದ್ಧವಿಶಾರದಃ ।

ಸಂಸಾರವೈರೀ ಕಂಸಾರಿರ್ಮುರಾರಿರ್ನರಕಾನ್ತಕಃ ॥ 13 ॥

ಅನಾದಿಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಷಕಃ ।

ಶಿಶುಪಾಲಶಿರಶ್ಛೇತ್ತಾ ದುರ್ಯೋಧನಕುಲಾನ್ತಕಃ ॥ 14 ॥

ವಿದುರಾಕ್ರೂರವರದೋ ವಿಶ್ವರೂಪಪ್ರದರ್ಶಕಃ ।

ಸತ್ಯವಾಕ್ ಸತ್ಯಸಙ್ಕಲ್ಪಃ ಸತ್ಯಭಾಮಾರತೋ ಜಯೀ ॥ 15 ॥

ಸುಭದ್ರಾಪೂರ್ವಜೋ ವಿಷ್ಣುರ್ಭೀಷ್ಮಮುಕ್ತಿಪ್ರದಾಯಕಃ ।

ಜಗದ್ಗುರುರ್ಜಗನ್ನಾಥೋ ವೇಣುನಾದವಿಶಾರದಃ ॥ 16 ॥

ವೃಷಭಾಸುರವಿಧ್ವಂಸೀ ಬಾಣಾಸುರಬಲಾನ್ತಕಃ ।

ಯುಧಿಷ್ಠಿರಪ್ರತಿಷ್ಠಾತಾ ಬರ್ಹಿಬರ್ಹಾವತಂಸಕಃ ॥ 17 ॥

ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋದಧಿಃ ।

ಕಾಲೀಯಫಣಿಮಾಣಿಕ್ಯರಞ್ಜಿತಶ್ರೀಪದಾಮ್ಬುಜಃ ॥ 18 ॥

ದಾಮೋದರೋ ಯಜ್ಞಭೋಕ್ತಾ ದಾನವೇನ್ದ್ರವಿನಾಶಕಃ ।

ನಾರಾಯಣಃ ಪರಮ್ಬ್ರಹ್ಮ ಪನ್ನಗಾಶನವಾಹನಃ ॥ 19 ॥

ಜಲಕ್ರೀಡಾಸಮಾಸಕ್ತ ಗೋಪೀವಸ್ತ್ರಾಪಹಾರಕಃ ।

ಪುಣ್ಯಶ್ಲೋಕಸ್ತೀರ್ಥಪಾದೋ ವೇದವೇದ್ಯೋ ದಯಾನಿಧಿಃ ॥ 20 ॥

ಸರ್ವತೀರ್ಥಾತ್ಮಕಃ ಸರ್ವಗ್ರಹರುಪೀ ಪರಾತ್ಪರಃ ।

ಏವಂ ಶ್ರೀಕೃಷ್ಣದೇವಸ್ಯ ನಾಮ್ನಾಮಷ್ಟೋತ್ತರಂ ಶತಮ್ ॥ 21 ॥

ಕೃಷ್ಣನಾಮಾಮೃತಂ ನಾಮ ಪರಮಾನನ್ದಕಾರಕಮ್ ।

ಅತ್ಯುಪದ್ರವದೋಷಘ್ನಂ ಪರಮಾಯುಷ್ಯವರ್ಧನಮ್ ॥ 22 ॥

॥ ಇತಿ ಶ್ರೀನಾರದಪಞ್ಚರಾತ್ರೇ ಜ್ಞಾನಾಮೃತಸಾರೇ ಚತುರ್ಥರಾತ್ರೇ ಉಮಾಮಹೇಶ್ವರಸಂವಾದೇ

ಧರಣೀಶೇಷಸಂವಾದೇ ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥

Roman (IAST) Transliteration

śrīgopālakṛṣṇāya namaḥ ||

śrīśeṣa uvāca ||

oṃ asya śrīkṛṣṇāṣṭottaraśatanāmastotrasya|

śrīśeṣa ṛṣiḥ || anuṣṭup chandaḥ || śrīkṛṣṇodevatā ||

śrīkṛṣṇāṣṭottaraśatanāmajape viniyogaḥ ||

oṃ śrīkṛṣṇaḥ kamalānātho vāsudevaḥ sanātanaḥ |

vasudevātmajaḥ puṇyo līlāmānuṣavigrahaḥ || 1 ||

śrīvatsakaustubhadharo yaśodāvatsalo hariḥ |

caturbhujāttacakrāsigadā śaṅkhādyudāyudhaḥ || 2 ||

devakīnandanaḥ śrīśo nandagopapriyātmajaḥ |

yamunāvegasaṃhārī balabhadrapriyānujaḥ || 3 ||

pūtanājīvitaharaḥ śakaṭāsurabhañjanaḥ |

nandavrajajanānandī saccidānandavigrahaḥ || 4 ||

navanītaviliptāṅgo navanītanaṭo'naghaḥ |

navanītanavāhāro mucukundaprasādakaḥ || 5 ||

ṣoḍaśastrī sahasreśa sribhaṅgi madhurākṛtiḥ |

śukavāgamṛtābdhīndurgovindo govidāmpatiḥ || 6 ||

vatsavāṭacaro'nanto dhenukāsurabhañjanaḥ |

tṛṇīkṛtatṛṇāvarto yamalārjunabhañjanaḥ || 7 ||

uttānatālabhettā ca tamālaśyāmalākṛtiḥ |

gopagopīśvaro yogī sūryakoṭisamaprabhaḥ || 8 ||

ilāpatiḥ parañjyotiryādavendro yadūdvahaḥ |

vanamālī pītavāsāḥ pārijātāpahārakaḥ || 9 ||

govardhanācaloddhartā gopālaḥ sarvapālakaḥ |

ajo nirañjanaḥ kāmajanakaḥ kañjalocanaḥ || 10 ||

madhuhā mathurānātho dvārakānāyako balī |

vṛndāvanāntasañcārī tulasīdāmabhūṣaṇaḥ || 11 ||

śyamantakamaṇerhartā naranārāyaṇātmakaḥ |

kubjākṛṣṇāmbaradharo māyī paramapūruṣaḥ || 12 ||

muṣṭikāsuracāṇūramahāyuddhaviśāradaḥ |

saṃsāravairī kaṃsārirmurārirnarakāntakaḥ || 13 ||

anādibrahmacārī ca kṛṣṇāvyasanakarṣakaḥ |

śiśupālaśiraśchettā duryodhanakulāntakaḥ || 14 ||

vidurākrūravarado viśvarūpapradarśakaḥ |

satyavāk satyasaṅkalpaḥ satyabhāmārato jayī || 15 ||

subhadrāpūrvajo viṣṇurbhīṣmamuktipradāyakaḥ |

jagadgururjagannātho veṇunādaviśāradaḥ || 16 ||

vṛṣabhāsuravidhvaṃsī bāṇāsurabalāntakaḥ |

yudhiṣṭhirapratiṣṭhātā barhibarhāvataṃsakaḥ || 17 ||

pārthasārathiravyakto gītāmṛtamahodadhiḥ |

kālīyaphaṇimāṇikyarañjitaśrīpadāmbujaḥ || 18 ||

dāmodaro yajñabhoktā dānavendravināśakaḥ |

nārāyaṇaḥ parambrahma pannagāśanavāhanaḥ || 19 ||

jalakrīḍāsamāsakta gopīvastrāpahārakaḥ |

puṇyaślokastīrthapādo vedavedyo dayānidhiḥ || 20 ||

sarvatīrthātmakaḥ sarvagraharupī parātparaḥ |

evaṃ śrīkṛṣṇadevasya nāmnāmaṣṭottaraṃ śatam || 21 ||

kṛṣṇanāmāmṛtaṃ nāma paramānandakārakam |

atyupadravadoṣaghnaṃ paramāyuṣyavardhanam || 22 ||

|| iti śrīnāradapañcarātre jñānāmṛtasāre caturtharātre umāmaheśvarasaṃvāde

dharaṇīśeṣasaṃvāde śrīkṛṣṇāṣṭottaraśatanāmastotraṃ sampūrṇam ||