Shri Kamala Ashtottara Shata Nama Stotram

ॐ

ಶ್ರೀ ಕಮಲಾ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Tara Ashtottara Sata Namavali Kannada

ಶ್ರೀ ಶಿವ ಉವಾಚ

ಶತಮಷ್ಟೋತ್ತರಂ ನಾಮ್ನಾಂ ಕಮಲಾಯಾ ವರಾನನೇ ।

ಪ್ರವಕ್ಷ್ಯಾಮ್ಯತಿಗುಹ್ಯಂ ಹಿ ನ ಕದಾಪಿ ಪ್ರಕಾಶಯೇತ್ ॥ 1 ॥

ಓಂ ಮಹಾಮಾಯಾ ಮಹಾಲಕ್ಷ್ಮೀರ್ಮಹಾವಾಣೀ ಮಹೇಶ್ವರೀ ।

ಮಹಾದೇವೀ ಮಹಾರಾತ್ರಿರ್ಮಹಿಷಾಸುರಮರ್ದಿನೀ ॥ 2 ॥

ಕಾಲರಾತ್ರಿಃ ಕುಹೂಃ ಪೂರ್ಣಾನನ್ದಾದ್ಯಾ ಭದ್ರಿಕಾ ನಿಶಾ ।

ಜಯಾ ರಿಕ್ತಾ ಮಹಾಶಕ್ತಿರ್ದೇವಮಾತಾ ಕೃಶೋದರೀ ॥ 3 ॥

ಶಚೀನ್ದ್ರಾಣೀ ಶಕ್ರನುತಾ ಶಙ್ಕರಪ್ರಿಯವಲ್ಲಭಾ ।

ಮಹಾವರಾಹಜನನೀ ಮದನೋನ್ಮಥಿನೀ ಮಹೀ ॥ 4 ॥

ವೈಕುಣ್ಠನಾಥರಮಣೀ ವಿಷ್ಣುವಕ್ಷಃಸ್ಥಲಸ್ಥಿತಾ ।

ವಿಶ್ವೇಶ್ವರೀ ವಿಶ್ವಮಾತಾ ವರದಾಽಭಯದಾ ಶಿವಾ ॥ 5 ॥

ಶೂಲಿನೀ ಚಕ್ರಿಣೀ ಮಾ ಚ ಪಾಶಿನೀ ಶಙ್ಖಧಾರಿಣೀ ।

ಗದಿನೀ ಮುಣ್ಡಮಾಲಾ ಚ ಕಮಲಾ ಕರುಣಾಲಯಾ ॥ 6 ॥

ಪದ್ಮಾಕ್ಷಧಾರಿಣೀ ಹ್ಯಮ್ಬಾ ಮಹಾವಿಷ್ಣುಪ್ರಿಯಙ್ಕರೀ ।

ಗೋಲೋಕನಾಥರಮಣೀ ಗೋಲೋಕೇಶ್ವರಪೂಜಿತಾ ॥ 7 ॥

ಗಯಾ ಗಙ್ಗಾ ಚ ಯಮುನಾ ಗೋಮತೀ ಗರುಡಾಸನಾ ।

ಗಣ್ಡಕೀ ಸರಯೂಸ್ತಾಪೀ ರೇವಾ ಚೈವ ಪಯಸ್ವಿನೀ ॥ 8 ॥

ನರ್ಮದಾ ಚೈವ ಕಾವೇರೀ ಕೇದಾರಸ್ಥಲವಾಸಿನೀ ।

ಕಿಶೋರೀ ಕೇಶವನುತಾ ಮಹೇನ್ದ್ರಪರಿವನ್ದಿತಾ ॥ 9 ॥

ಬ್ರಹ್ಮಾದಿದೇವನಿರ್ಮಾಣಕಾರಿಣೀ ವೇದಪೂಜಿತಾ ।

ಕೋಟಿಬ್ರಹ್ಮಾಣ್ಡಮಧ್ಯಸ್ಥಾ ಕೋಟಿಬ್ರಹ್ಮಾಣ್ಡಕಾರಿಣೀ ॥ 10 ॥

ಶ್ರುತಿರೂಪಾ ಶ್ರುತಿಕರೀ ಶ್ರುತಿಸ್ಮೃತಿಪರಾಯಣಾ ।

ಇನ್ದಿರಾ ಸಿನ್ಧುತನಯಾ ಮಾತಙ್ಗೀ ಲೋಕಮಾತೃಕಾ ॥ 11 ॥

ತ್ರಿಲೋಕಜನನೀ ತನ್ತ್ರಾ ತನ್ತ್ರಮನ್ತ್ರಸ್ವರೂಪಿಣೀ ।

ತರುಣೀ ಚ ತಮೋಹನ್ತ್ರೀ ಮಙ್ಗಲಾ ಮಙ್ಗಲಾಯನಾ ॥ 12 ॥

ಮಧುಕೈಟಭಮಥನೀ ಶುಮ್ಭಾಸುರವಿನಾಶಿನೀ ।

ನಿಶುಮ್ಭಾದಿಹರಾ ಮಾತಾ ಹರಿಶಙ್ಕರಪೂಜಿತಾ ॥ 13 ॥

ಸರ್ವದೇವಮಯೀ ಸರ್ವಾ ಶರಣಾಗತಪಾಲಿನೀ ।

ಶರಣ್ಯಾ ಶಮ್ಭುವನಿತಾ ಸಿನ್ಧುತೀರನಿವಾಸಿನೀ ॥ 14 ॥

ಗನ್ಧರ್ವಗಾನರಸಿಕಾ ಗೀತಾ ಗೋವಿನ್ದವಲ್ಲಭಾ ।

ತ್ರೈಲೋಕ್ಯಪಾಲಿನೀ ತತ್ತ್ವರೂಪಾ ತಾರುಣ್ಯಪೂರಿತಾ ॥ 15 ॥

ಚನ್ದ್ರಾವಲೀ ಚನ್ದ್ರಮುಖೀ ಚನ್ದ್ರಿಕಾ ಚನ್ದ್ರಪೂಜಿತಾ ।

ಚನ್ದ್ರಾ ಶಶಾಙ್ಕಭಗಿನೀ ಗೀತವಾದ್ಯಪರಾಯಣಾ ॥ 16 ॥

ಸೃಷ್ಟಿರೂಪಾ ಸೃಷ್ಟಿಕರೀ ಸೃಷ್ಟಿಸಂಹಾರಕಾರಿಣೀ ।

ಇತಿ ತೇ ಕಥಿತಂ ದೇವಿ ರಮಾನಾಮಶತಾಷ್ಟಕಮ್ ॥ 17 ॥

ತ್ರಿಸನ್ಧ್ಯಂ ಪ್ರಯತೋ ಭೂತ್ವಾ ಪಠೇದೇತತ್ಸಮಾಹಿತಃ ।

ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತ್ಯಸಂಶಯಮ್ ॥ 18 ॥

ಇಮಂ ಸ್ತವಂ ಯಃ ಪಠತೀಹ ಮರ್ತ್ಯೋ

ವೈಕುಣ್ಠಪತ್ನ್ಯಾಃ ಪರಮಾದರೇಣ ।

ಧನಾಧಿಪಾದ್ಯೈಃ ಪರಿವನ್ದಿತಃ ಸ್ಯಾತ್

ಪ್ರಯಾಸ್ಯತಿ ಶ್ರೀಪದಮನ್ತಕಾಲೇ ॥ 19 ॥

ಇತಿ ಶ್ರೀ ಕಮಲಾಷ್ಟೋತ್ತರಶತನಾಮಸ್ತೋತ್ರಮ್ ।

Roman (IAST) Transliteration

śrī śiva uvāca

śatamaṣṭottaraṃ nāmnāṃ kamalāyā varānane |

pravakṣyāmyatiguhyaṃ hi na kadāpi prakāśayet || 1 ||

oṃ mahāmāyā mahālakṣmīrmahāvāṇī maheśvarī |

mahādevī mahārātrirmahiṣāsuramardinī || 2 ||

kālarātriḥ kuhūḥ pūrṇānandādyā bhadrikā niśā |

jayā riktā mahāśaktirdevamātā kṛśodarī || 3 ||

śacīndrāṇī śakranutā śaṅkarapriyavallabhā |

mahāvarāhajananī madanonmathinī mahī || 4 ||

vaikuṇṭhanātharamaṇī viṣṇuvakṣaḥsthalasthitā |

viśveśvarī viśvamātā varadā'bhayadā śivā || 5 ||

śūlinī cakriṇī mā ca pāśinī śaṅkhadhāriṇī |

gadinī muṇḍamālā ca kamalā karuṇālayā || 6 ||

padmākṣadhāriṇī hyambā mahāviṣṇupriyaṅkarī |

golokanātharamaṇī golokeśvarapūjitā || 7 ||

gayā gaṅgā ca yamunā gomatī garuḍāsanā |

gaṇḍakī sarayūstāpī revā caiva payasvinī || 8 ||

narmadā caiva kāverī kedārasthalavāsinī |

kiśorī keśavanutā mahendraparivanditā || 9 ||

brahmādidevanirmāṇakāriṇī vedapūjitā |

koṭibrahmāṇḍamadhyasthā koṭibrahmāṇḍakāriṇī || 10 ||

śrutirūpā śrutikarī śrutismṛtiparāyaṇā |

indirā sindhutanayā mātaṅgī lokamātṛkā || 11 ||

trilokajananī tantrā tantramantrasvarūpiṇī |

taruṇī ca tamohantrī maṅgalā maṅgalāyanā || 12 ||

madhukaiṭabhamathanī śumbhāsuravināśinī |

niśumbhādiharā mātā hariśaṅkarapūjitā || 13 ||

sarvadevamayī sarvā śaraṇāgatapālinī |

śaraṇyā śambhuvanitā sindhutīranivāsinī || 14 ||

gandharvagānarasikā gītā govindavallabhā |

trailokyapālinī tattvarūpā tāruṇyapūritā || 15 ||

candrāvalī candramukhī candrikā candrapūjitā |

candrā śaśāṅkabhaginī gītavādyaparāyaṇā || 16 ||

sṛṣṭirūpā sṛṣṭikarī sṛṣṭisaṃhārakāriṇī |

iti te kathitaṃ devi ramānāmaśatāṣṭakam || 17 ||

trisandhyaṃ prayato bhūtvā paṭhedetatsamāhitaḥ |

yaṃ yaṃ kāmayate kāmaṃ taṃ taṃ prāpnotyasaṃśayam || 18 ||

imaṃ stavaṃ yaḥ paṭhatīha martyo

vaikuṇṭhapatnyāḥ paramādareṇa |

dhanādhipādyaiḥ parivanditaḥ syāt

prayāsyati śrīpadamantakāle || 19 ||

iti śrī kamalāṣṭottaraśatanāmastotram |