Shri Govindashtakam — InfoLyter.in

ॐ

ಶ್ರೀ ಗೋವಿನ್ದಾಷ್ಟಕಂ

Shri Govindashtakam

Vishnu Ashtakam Kannada

ಸತ್ಯಂ ಜ್ಞಾನಮನನ್ತಂ ನಿತ್ಯಮನಾಕಾಶಂ ಪರಮಾಕಾಶಂ

ಗೋಷ್ಠಪ್ರಾಙ್ಗಣರಿಙ್ಖಣಲೋಲಮನಾಯಾಸಂ ಪರಮಾಯಾಸಮ್ ।

ಮಾಯಾಕಲ್ಪಿತನಾನಾಕಾರಮನಾಕಾರಂ ಭುವನಾಕಾರಂ

ಕ್ಷ್ಮಾಮಾನಾಥಮನಾಥಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 1 ॥

ಮೃತ್ಸ್ನಾಮತ್ಸೀಹೇತಿ ಯಶೋದಾತಾಡನಶೈಶವಸನ್ತ್ರಾಸಂ

ವ್ಯಾದಿತವಕ್ತ್ರಾಲೋಕಿತಲೋಕಾಲೋಕಚತುರ್ದಶಲೋಕಾಲಿಮ್ ।

ಲೋಕತ್ರಯಪುರಮೂಲಸ್ತಮ್ಭಂ ಲೋಕಾಲೋಕಮನಾಲೋಕಂ

ಲೋಕೇಶಂ ಪರಮೇಶಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 2 ॥

ತ್ರೈವಿಷ್ಟಪರಿಪುವೀರಘ್ನಂ ಕ್ಷಿತಿಭಾರಘ್ನಂ ಭವರೋಗಘ್ನಂ

ಕೈವಲ್ಯಂ ನವನೀತಾಹಾರಮನಾಹಾರಂ ಭುವನಾಹಾರಮ್ ।

ವೈಮಲ್ಯಸ್ಫುಟಚೇತೋವೃತ್ತಿವಿಶೇಷಾಭಾಸಮನಾಭಾಸಂ

ಶೈವಂ ಕೇವಲಶಾನ್ತಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 3 ॥

ಗೋಪಾಲಂ ಪ್ರಭುಲೀಲಾವಿಗ್ರಹಗೋಪಾಲಂ ಕುಲಗೋಪಾಲಂ

ಗೋಪೀಖೇಲನಗೋವರ್ಧನಧೃತಿಲೀಲಾಲಾಲಿತಗೋಪಾಲಮ್ ।

ಗೋಭಿರ್ನಿಗದಿತಗೋವಿನ್ದಸ್ಫುಟನಾಮಾನಂ ಬಹುನಾಮಾನಂ

ಗೋಧೀಗೋಚರದೂರಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 4 ॥

ಗೋಪೀಮಣ್ಡಲಗೋಷ್ಠೀಭೇದಂ ಭೇದಾವಸ್ಥಮಭೇದಾಭಂ

ಶಶ್ವದ್ಗೋಖುರನಿರ್ಧೂತೋದ್ಗತಧೂಲೀಧೂಸರಸೌಭಾಗ್ಯಮ್ ।

ಶ್ರದ್ಧಾಭಕ್ತಿಗೃಹೀತಾನನ್ದಮಚಿನ್ತ್ಯಂ ಚಿನ್ತಿತಸದ್ಭಾವಂ

ಚಿನ್ತಾಮಣಿಮಹಿಮಾನಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 5 ॥

ಸ್ನಾನವ್ಯಾಕುಲಯೋಷಿದ್ವಸ್ತ್ರಮುಪಾದಾಯಾಗಮುಪಾರೂಢಂ

ವ್ಯಾದಿತ್ಸನ್ತೀರಥ ದಿಗ್ವಸ್ತ್ರಾ ದಾತುಮುಪಾಕರ್ಷನ್ತಂ ತಾಃ ।

ನಿರ್ಧೂತದ್ವಯಶೋಕವಿಮೋಹಂ ಬುದ್ಧಂ ಬುದ್ಧೇರನ್ತಃಸ್ಥಂ

ಸತ್ತಾಮಾತ್ರಶರೀರಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 6 ॥

ಕಾನ್ತಂ ಕಾರಣಕಾರಣಮಾದಿಮನಾದಿಂ ಕಾಲಘನಾಭಾಸಂ

ಕಾಲಿನ್ದೀಗತಕಾಲಿಯಶಿರಸಿ ಸುನೃತ್ಯನ್ತಂ ಮುಹುರತ್ಯನ್ತಮ್ ।

ಕಾಲಂ ಕಾಲಕಲಾತೀತಂ ಕಲಿತಾಶೇಷಂ ಕಲಿದೋಷಘ್ನಂ

ಕಾಲತ್ರಯಗತಿಹೇತುಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 7 ॥

ಬೃನ್ದಾವನಭುವಿ ಬೃನ್ದಾರಕಗಣಬೃನ್ದಾರಾಧಿತವನ್ದ್ಯಾಯಾಂ

ಕುನ್ದಾಭಾಮಲಮನ್ದಸ್ಮೇರಸುಧಾನನ್ದಂ ಸುಮಹಾನನ್ದಮ್ ।

ವನ್ದ್ಯಾಶೇಷಮಹಾಮುನಿಮಾನಸವನ್ದ್ಯಾನನ್ದಪದದ್ವನ್ದ್ವಂ

ನನ್ದ್ಯಾಶೇಷಗುಣಾಬ್ಧಿಂ ಪ್ರಣಮತ ಗೋವಿನ್ದಂ ಪರಮಾನನ್ದಮ್ ॥ 8 ॥

ಗೋವಿನ್ದಾಷ್ಟಕಮೇತದಧೀತೇ ಗೋವಿನ್ದಾರ್ಪಿತಚೇತಾ ಯೋ

ಗೋವಿನ್ದಾಚ್ಯುತ ಮಾಧವ ವಿಷ್ಣೋ ಗೋಕುಲನಾಯಕ ಕೃಷ್ಣೇತಿ ।

ಗೋವಿನ್ದಾಙ್ಘ್ರಿಸರೋಜಧ್ಯಾನಸುಧಾಜಲಧೌತಸಮಸ್ತಾಘೋ

ಗೋವಿನ್ದಂ ಪರಮಾನನ್ದಾಮೃತಮನ್ತಃಸ್ಥಂ ಸ ತಮಭ್ಯೇತಿ ॥ 9 ॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಭಗವತಃ ಕೃತೌ ಶ್ರೀ ಗೋವಿನ್ದಾಷ್ಟಕಮ್ ।

Roman (IAST) Transliteration

satyaṃ jñānamanantaṃ nityamanākāśaṃ paramākāśaṃ

goṣṭhaprāṅgaṇariṅkhaṇalolamanāyāsaṃ paramāyāsam |

māyākalpitanānākāramanākāraṃ bhuvanākāraṃ

kṣmāmānāthamanāthaṃ praṇamata govindaṃ paramānandam || 1 ||

mṛtsnāmatsīheti yaśodātāḍanaśaiśavasantrāsaṃ

vyāditavaktrālokitalokālokacaturdaśalokālim |

lokatrayapuramūlastambhaṃ lokālokamanālokaṃ

lokeśaṃ parameśaṃ praṇamata govindaṃ paramānandam || 2 ||

traiviṣṭaparipuvīraghnaṃ kṣitibhāraghnaṃ bhavarogaghnaṃ

kaivalyaṃ navanītāhāramanāhāraṃ bhuvanāhāram |

vaimalyasphuṭacetovṛttiviśeṣābhāsamanābhāsaṃ

śaivaṃ kevalaśāntaṃ praṇamata govindaṃ paramānandam || 3 ||

gopālaṃ prabhulīlāvigrahagopālaṃ kulagopālaṃ

gopīkhelanagovardhanadhṛtilīlālālitagopālam |

gobhirnigaditagovindasphuṭanāmānaṃ bahunāmānaṃ

godhīgocaradūraṃ praṇamata govindaṃ paramānandam || 4 ||

gopīmaṇḍalagoṣṭhībhedaṃ bhedāvasthamabhedābhaṃ

śaśvadgokhuranirdhūtodgatadhūlīdhūsarasaubhāgyam |

śraddhābhaktigṛhītānandamacintyaṃ cintitasadbhāvaṃ

cintāmaṇimahimānaṃ praṇamata govindaṃ paramānandam || 5 ||

snānavyākulayoṣidvastramupādāyāgamupārūḍhaṃ

vyāditsantīratha digvastrā dātumupākarṣantaṃ tāḥ |

nirdhūtadvayaśokavimohaṃ buddhaṃ buddherantaḥsthaṃ

sattāmātraśarīraṃ praṇamata govindaṃ paramānandam || 6 ||

kāntaṃ kāraṇakāraṇamādimanādiṃ kālaghanābhāsaṃ

kālindīgatakāliyaśirasi sunṛtyantaṃ muhuratyantam |

kālaṃ kālakalātītaṃ kalitāśeṣaṃ kalidoṣaghnaṃ

kālatrayagatihetuṃ praṇamata govindaṃ paramānandam || 7 ||

bṛndāvanabhuvi bṛndārakagaṇabṛndārādhitavandyāyāṃ

kundābhāmalamandasmerasudhānandaṃ sumahānandam |

vandyāśeṣamahāmunimānasavandyānandapadadvandvaṃ

nandyāśeṣaguṇābdhiṃ praṇamata govindaṃ paramānandam || 8 ||

govindāṣṭakametadadhīte govindārpitacetā yo

govindācyuta mādhava viṣṇo gokulanāyaka kṛṣṇeti |

govindāṅghrisarojadhyānasudhājaladhautasamastāgho

govindaṃ paramānandāmṛtamantaḥsthaṃ sa tamabhyeti || 9 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī govindāṣṭakam |