Shri Dhumavati Ashtottara Shata Nama Stotram

ॐ

ಶ್ರೀ ಧೂಮಾವತೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Tara Ashtottara Sata Namavali Kannada

ಈಶ್ವರ ಉವಾಚ

ಓಂ ಧೂಮಾವತೀ ಧೂಮ್ರವರ್ಣಾ ಧೂಮ್ರಪಾನಪರಾಯಣಾ ।

ಧೂಮ್ರಾಕ್ಷಮಥಿನೀ ಧನ್ಯಾ ಧನ್ಯಸ್ಥಾನನಿವಾಸಿನೀ ॥ 1 ॥

ಅಘೋರಾಚಾರಸನ್ತುಷ್ಟಾ ಅಘೋರಾಚಾರಮಣ್ಡಿತಾ ।

ಅಘೋರಮನ್ತ್ರಸಮ್ಪ್ರೀತಾ ಅಘೋರಮನ್ತ್ರಪೂಜಿತಾ ॥ 2 ॥

ಅಟ್ಟಾಟ್ಟಹಾಸನಿರತಾ ಮಲಿನಾಮ್ಬರಧಾರಿಣೀ ।

ವೃದ್ಧಾ ವಿರೂಪಾ ವಿಧವಾ ವಿದ್ಯಾ ಚ ವಿರಲದ್ವಿಜಾ ॥ 3 ॥

ಪ್ರವೃದ್ಧಘೋಣಾ ಕುಮುಖೀ ಕುಟಿಲಾ ಕುಟಿಲೇಕ್ಷಣಾ ।

ಕರಾಲೀ ಚ ಕರಾಲಾಸ್ಯಾ ಕಙ್ಕಾಲೀ ಶೂರ್ಪಧಾರಿಣೀ ॥ 4 ॥

ಕಾಕಧ್ವಜರಥಾರೂಢಾ ಕೇವಲಾ ಕಠಿನಾ ಕುಹೂಃ ।

ಕ್ಷುತ್ಪಿಪಾಸಾರ್ದಿತಾ ನಿತ್ಯಾ ಲಲಜ್ಜಿಹ್ವಾ ದಿಗಮ್ಬರೀ ॥ 5 ॥

ದೀರ್ಘೋದರೀ ದೀರ್ಘರವಾ ದೀರ್ಘಾಙ್ಗೀ ದೀರ್ಘಮಸ್ತಕಾ ।

ವಿಮುಕ್ತಕುನ್ತಲಾ ಕೀರ್ತ್ಯಾ ಕೈಲಾಸಸ್ಥಾನವಾಸಿನೀ ॥ 6 ॥

ಕ್ರೂರಾ ಕಾಲಸ್ವರೂಪಾ ಚ ಕಾಲಚಕ್ರಪ್ರವರ್ತಿನೀ ।

ವಿವರ್ಣಾ ಚಞ್ಚಲಾ ದುಷ್ಟಾ ದುಷ್ಟವಿಧ್ವಂಸಕಾರಿಣೀ ॥ 7 ॥

ಚಣ್ಡೀ ಚಣ್ಡಸ್ವರೂಪಾ ಚ ಚಾಮುಣ್ಡಾ ಚಣ್ಡನಿಃಸ್ವನಾ ।

ಚಣ್ಡವೇಗಾ ಚಣ್ಡಗತಿಶ್ಚಣ್ಡಮುಣ್ಡವಿನಾಶಿನೀ ॥ 8 ॥

ಚಾಣ್ಡಾಲಿನೀ ಚಿತ್ರರೇಖಾ ಚಿತ್ರಾಙ್ಗೀ ಚಿತ್ರರೂಪಿಣೀ ।

ಕೃಷ್ಣಾ ಕಪರ್ದಿನೀ ಕುಲ್ಲಾ ಕೃಷ್ಣಾರೂಪಾ ಕ್ರಿಯಾವತೀ ॥ 9 ॥

ಕುಮ್ಭಸ್ತನೀ ಮಹೋನ್ಮತ್ತಾ ಮದಿರಾಪಾನವಿಹ್ವಲಾ ।

ಚತುರ್ಭುಜಾ ಲಲಜ್ಜಿಹ್ವಾ ಶತ್ರುಸಂಹಾರಕಾರಿಣೀ ॥ 10 ॥

ಶವಾರೂಢಾ ಶವಗತಾ ಶ್ಮಶಾನಸ್ಥಾನವಾಸಿನೀ ।

ದುರಾರಾಧ್ಯಾ ದುರಾಚಾರಾ ದುರ್ಜನಪ್ರೀತಿದಾಯಿನೀ ॥ 11 ॥

ನಿರ್ಮಾಂಸಾ ಚ ನಿರಾಕಾರಾ ಧೂಮಹಸ್ತಾ ವರಾನ್ವಿತಾ ।

ಕಲಹಾ ಚ ಕಲಿಪ್ರೀತಾ ಕಲಿಕಲ್ಮಷನಾಶಿನೀ ॥ 12 ॥

ಮಹಾಕಾಲಸ್ವರೂಪಾ ಚ ಮಹಾಕಾಲಪ್ರಪೂಜಿತಾ ।

ಮಹಾದೇವಪ್ರಿಯಾ ಮೇಧಾ ಮಹಾಸಙ್ಕಟನಾಶಿನೀ ॥ 13 ॥

ಭಕ್ತಪ್ರಿಯಾ ಭಕ್ತಗತಿರ್ಭಕ್ತಶತ್ರುವಿನಾಶಿನೀ ।

ಭೈರವೀ ಭುವನಾ ಭೀಮಾ ಭಾರತೀ ಭುವನಾತ್ಮಿಕಾ ॥ 14 ॥

ಭೇರುಣ್ಡಾ ಭೀಮನಯನಾ ತ್ರಿನೇತ್ರಾ ಬಹುರೂಪಿಣೀ ।

ತ್ರಿಲೋಕೇಶೀ ತ್ರಿಕಾಲಜ್ಞಾ ತ್ರಿಸ್ವರೂಪಾ ತ್ರಯೀತನುಃ ॥ 15 ॥

ತ್ರಿಮೂರ್ತಿಶ್ಚ ತಥಾ ತನ್ವೀ ತ್ರಿಶಕ್ತಿಶ್ಚ ತ್ರಿಶೂಲಿನೀ ।

ಇತಿ ಧೂಮಾಮಹತ್ ಸ್ತೋತ್ರಂ ನಾಮ್ನಾಮಷ್ಟಶತಾತ್ಮಕಮ್ ॥ 16 ॥

ಮಯಾ ತೇ ಕಥಿತಂ ದೇವಿ ಶತ್ರುಸಙ್ಘವಿನಾಶನಮ್ ।

ಕಾರಾಗಾರೇ ರಿಪುಗ್ರಸ್ತೇ ಮಹೋತ್ಪಾತೇ ಮಹಾಭಯೇ ॥ 17 ॥

ಇದಂ ಸ್ತೋತ್ರಂ ಪಠೇನ್ಮರ್ತ್ಯೋ ಮುಚ್ಯತೇ ಸರ್ವಸಙ್ಕಟೈಃ ।

ಗುಹ್ಯಾದ್ಗುಹ್ಯತರಂ ಗುಹ್ಯಂ ಗೋಪನೀಯಂ ಪ್ರಯತ್ನತಃ ॥ 18 ॥

ಚತುಷ್ಪದಾರ್ಥದಂ ನೄಣಾಂ ಸರ್ವಸಮ್ಪತ್ಪ್ರದಾಯಕಮ್ ॥ 19 ॥

ಇತಿ ಶ್ರೀಧೂಮಾವತ್ಯಷ್ಟೋತ್ತರಶತನಾಮಸ್ತೋತ್ರಮ್ ।

Roman (IAST) Transliteration

īśvara uvāca

oṃ dhūmāvatī dhūmravarṇā dhūmrapānaparāyaṇā |

dhūmrākṣamathinī dhanyā dhanyasthānanivāsinī || 1 ||

aghorācārasantuṣṭā aghorācāramaṇḍitā |

aghoramantrasamprītā aghoramantrapūjitā || 2 ||

aṭṭāṭṭahāsaniratā malināmbaradhāriṇī |

vṛddhā virūpā vidhavā vidyā ca viraladvijā || 3 ||

pravṛddhaghoṇā kumukhī kuṭilā kuṭilekṣaṇā |

karālī ca karālāsyā kaṅkālī śūrpadhāriṇī || 4 ||

kākadhvajarathārūḍhā kevalā kaṭhinā kuhūḥ |

kṣutpipāsārditā nityā lalajjihvā digambarī || 5 ||

dīrghodarī dīrgharavā dīrghāṅgī dīrghamastakā |

vimuktakuntalā kīrtyā kailāsasthānavāsinī || 6 ||

krūrā kālasvarūpā ca kālacakrapravartinī |

vivarṇā cañcalā duṣṭā duṣṭavidhvaṃsakāriṇī || 7 ||

caṇḍī caṇḍasvarūpā ca cāmuṇḍā caṇḍaniḥsvanā |

caṇḍavegā caṇḍagatiścaṇḍamuṇḍavināśinī || 8 ||

cāṇḍālinī citrarekhā citrāṅgī citrarūpiṇī |

kṛṣṇā kapardinī kullā kṛṣṇārūpā kriyāvatī || 9 ||

kumbhastanī mahonmattā madirāpānavihvalā |

caturbhujā lalajjihvā śatrusaṃhārakāriṇī || 10 ||

śavārūḍhā śavagatā śmaśānasthānavāsinī |

durārādhyā durācārā durjanaprītidāyinī || 11 ||

nirmāṃsā ca nirākārā dhūmahastā varānvitā |

kalahā ca kaliprītā kalikalmaṣanāśinī || 12 ||

mahākālasvarūpā ca mahākālaprapūjitā |

mahādevapriyā medhā mahāsaṅkaṭanāśinī || 13 ||

bhaktapriyā bhaktagatirbhaktaśatruvināśinī |

bhairavī bhuvanā bhīmā bhāratī bhuvanātmikā || 14 ||

bheruṇḍā bhīmanayanā trinetrā bahurūpiṇī |

trilokeśī trikālajñā trisvarūpā trayītanuḥ || 15 ||

trimūrtiśca tathā tanvī triśaktiśca triśūlinī |

iti dhūmāmahat stotraṃ nāmnāmaṣṭaśatātmakam || 16 ||

mayā te kathitaṃ devi śatrusaṅghavināśanam |

kārāgāre ripugraste mahotpāte mahābhaye || 17 ||

idaṃ stotraṃ paṭhenmartyo mucyate sarvasaṅkaṭaiḥ |

guhyādguhyataraṃ guhyaṃ gopanīyaṃ prayatnataḥ || 18 ||

catuṣpadārthadaṃ nṝṇāṃ sarvasampatpradāyakam || 19 ||

iti śrīdhūmāvatyaṣṭottaraśatanāmastotram |