Shri Datta Stavam — InfoLyter.in

ॐ

ಶ್ರಿ ದತ್ತ ಸ್ತವಮ್

Shri Datta Stavam

Dattatreya Kannada

ಶ್ರೀ ಗಣೇಶಾಯ ನಮಃ ಶ್ರೀ ಸರಸ್ವತ್ಯೈ ನಮಃ

ಶ್ರೀಪಾದವಲ್ಲಭ ನರಸಿಂಹಸರಸ್ವತಿ

ಶ್ರೀಗುರು ದತ್ತಾತ್ರೇಯಾಯ ನಮಃ

ದತ್ತಾತ್ರೇಯಂ ಮಹಾತ್ಮಾನಂ ವರದಂ ಭಕ್ತವತ್ಸಲಮ್ ।

ಪ್ರಪನ್ನಾರ್ತಿಹರಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 1 ॥

ದೀನಬನ್ಧುಂ ಕೃಪಾಸಿನ್ಧುಂ ಸರ್ವಕಾರಣಕಾರಣಮ್ ।

ಸರ್ವರಕ್ಷಾಕರಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 2 ॥

ಶರಣಾಗತದೀನಾರ್ತ ಪರಿತ್ರಾಣಪರಾಯಣಮ್ ।

ನಾರಾಯಣಂ ವಿಭುಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 3 ॥

ಸರ್ವಾನರ್ಥಹರಂ ದೇವಂ ಸರ್ವಮಙ್ಗಲ ಮಙ್ಗಲಮ್ ।

ಸರ್ವಕ್ಲೇಶಹರಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 4 ॥

ಬ್ರಹ್ಮಣ್ಯಂ ಧರ್ಮತತ್ತ್ವಜ್ಞಂ ಭಕ್ತಕೀರ್ತಿವಿವರ್ಧನಮ್ ।

ಭಕ್ತಾಽಭೀಷ್ಟಪ್ರದಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 5 ॥

ಶೋಷಣಂ ಪಾಪಪಙ್ಕಸ್ಯ ದೀಪನಂ ಜ್ಞಾನತೇಜಸಃ ।

ತಾಪಪ್ರಶಮನಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 6 ॥

ಸರ್ವರೋಗಪ್ರಶಮನಂ ಸರ್ವಪೀಡಾನಿವಾರಣಮ್ ।

ವಿಪದುದ್ಧರಣಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 7 ॥

ಜನ್ಮಸಂಸಾರಬನ್ಧಘ್ನಂ ಸ್ವರೂಪಾನನ್ದದಾಯಕಮ್ ।

ನಿಶ್ಶ್ರೇಯಸಪದಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 8 ॥

ಜಯ ಲಾಭ ಯಶಃ ಕಾಮ ದಾತುರ್ದತ್ತಸ್ಯ ಯಃ ಸ್ತವಮ್ ।

ಭೋಗಮೋಕ್ಷಪ್ರದಸ್ಯೇಮಂ ಪ್ರಪಠೇತ್ ಸುಕೃತೀ ಭವೇತ್ ॥9 ॥

ಶ್ರೀ ಗಣೇಶಾಯ ನಮಃ ಶ್ರೀ ಸರಸ್ವತ್ಯೈ ನಮಃ

ಶ್ರೀಪಾದವಲ್ಲಭ ನರಸಿಂಹಸರಸ್ವತಿ

ಶ್ರೀಗುರು ದತ್ತಾತ್ರೇಯಾಯ ನಮಃ

Roman (IAST) Transliteration

śrī gaṇeśāya namaḥ śrī sarasvatyai namaḥ

śrīpādavallabha narasiṃhasarasvati

śrīguru dattātreyāya namaḥ

dattātreyaṃ mahātmānaṃ varadaṃ bhaktavatsalam |

prapannārtiharaṃ vande smartṛgāmi sanovatu || 1 ||

dīnabandhuṃ kṛpāsindhuṃ sarvakāraṇakāraṇam |

sarvarakṣākaraṃ vande smartṛgāmi sanovatu || 2 ||

śaraṇāgatadīnārta paritrāṇaparāyaṇam |

nārāyaṇaṃ vibhuṃ vande smartṛgāmi sanovatu || 3 ||

sarvānarthaharaṃ devaṃ sarvamaṅgala maṅgalam |

sarvakleśaharaṃ vande smartṛgāmi sanovatu || 4 ||

brahmaṇyaṃ dharmatattvajñaṃ bhaktakīrtivivardhanam |

bhaktā'bhīṣṭapradaṃ vande smartṛgāmi sanovatu || 5 ||

śoṣaṇaṃ pāpapaṅkasya dīpanaṃ jñānatejasaḥ |

tāpapraśamanaṃ vande smartṛgāmi sanovatu || 6 ||

sarvarogapraśamanaṃ sarvapīḍānivāraṇam |

vipaduddharaṇaṃ vande smartṛgāmi sanovatu || 7 ||

janmasaṃsārabandhaghnaṃ svarūpānandadāyakam |

niśśreyasapadaṃ vande smartṛgāmi sanovatu || 8 ||

jaya lābha yaśaḥ kāma dāturdattasya yaḥ stavam |

bhogamokṣapradasyemaṃ prapaṭhet sukṛtī bhavet ||9 ||

śrī gaṇeśāya namaḥ śrī sarasvatyai namaḥ

śrīpādavallabha narasiṃhasarasvati

śrīguru dattātreyāya namaḥ