Shri Bhuvaneshvari Ashtottara Shata Nama Stotram

ॐ

ಶ್ರೀ ಭುವನೇಶ್ವರೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Tara Ashtottara Sata Namavali Kannada

ಕೈಲಾಸಶಿಖರೇ ರಮ್ಯೇ ನಾನಾರತ್ನೋಪಶೋಭಿತೇ ।

ನರನಾರೀಹಿತಾರ್ಥಾಯ ಶಿವಂ ಪಪ್ರಚ್ಛ ಪಾರ್ವತೀ ॥ 1 ॥

ದೇವ್ಯುವಾಚ

ಭುವನೇಶೀ ಮಹಾವಿದ್ಯಾ ನಾಮ್ನಾಮಷ್ಟೋತ್ತರಂ ಶತಮ್ ।

ಕಥಯಸ್ವ ಮಹಾದೇವ ಯದ್ಯಹಂ ತವ ವಲ್ಲಭಾ ॥ 2 ॥

ಈಶ್ವರ ಉವಾಚ

ಶೃಣು ದೇವಿ ಮಹಾಭಾಗೇ ಸ್ತವರಾಜಮಿದಂ ಶುಭಮ್ ।

ಸಹಸ್ರನಾಮ್ನಾಮಧಿಕಂ ಸಿದ್ಧಿದಂ ಮೋಕ್ಷಹೇತುಕಮ್ ॥ 3 ॥

ಶುಚಿಭಿಃ ಪ್ರಾತರುತ್ಥಾಯ ಪಠಿತವ್ಯಃ ಸಮಾಹಿತೈಃ ।

ತ್ರಿಕಾಲಂ ಶ್ರದ್ಧಯಾ ಯುಕ್ತೈಃ ಸರ್ವಕಾಮಫಲಪ್ರದಃ ॥ 4 ॥

ಅಸ್ಯ ಶ್ರೀಭುವನೇಶ್ವರ್ಯಷ್ಟೋತ್ತರಶತನಾಮ ಸ್ತೋತ್ರಮನ್ತ್ರಸ್ಯ ಶಕ್ತಿರೃಷಿಃ ಗಾಯತ್ರೀ ಛನ್ದಃ ಶ್ರೀಭುವನೇಶ್ವರೀ ದೇವತಾ ಚತುರ್ವಿಧಫಲ ಪುರುಷಾರ್ಥ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಅಥ ಸ್ತೋತ್ರಮ್

ಓಂ ಮಹಾಮಾಯಾ ಮಹಾವಿದ್ಯಾ ಮಹಾಯೋಗಾ ಮಹೋತ್ಕಟಾ ।

ಮಾಹೇಶ್ವರೀ ಕುಮಾರೀ ಚ ಬ್ರಹ್ಮಾಣೀ ಬ್ರಹ್ಮರೂಪಿಣೀ ॥ 5 ॥

ವಾಗೀಶ್ವರೀ ಯೋಗರೂಪಾ ಯೋಗಿನೀಕೋಟಿಸೇವಿತಾ ।

ಜಯಾ ಚ ವಿಜಯಾ ಚೈವ ಕೌಮಾರೀ ಸರ್ವಮಙ್ಗಲಾ ॥ 6 ॥

ಹಿಙ್ಗುಲಾ ಚ ವಿಲಾಸೀ ಚ ಜ್ವಾಲಿನೀ ಜ್ವಾಲರೂಪಿಣೀ ।

ಈಶ್ವರೀ ಕ್ರೂರಸಂಹಾರೀ ಕುಲಮಾರ್ಗಪ್ರದಾಯಿನೀ ॥ 7 ॥

ವೈಷ್ಣವೀ ಸುಭಗಾಕಾರಾ ಸುಕುಲ್ಯಾ ಕುಲಪೂಜಿತಾ ।

ವಾಮಾಙ್ಗಾ ವಾಮಚಾರಾ ಚ ವಾಮದೇವಪ್ರಿಯಾ ತಥಾ ॥ 8 ॥

ಡಾಕಿನೀ ಯೋಗಿನೀರೂಪಾ ಭೂತೇಶೀ ಭೂತನಾಯಿಕಾ ।

ಪದ್ಮಾವತೀ ಪದ್ಮನೇತ್ರಾ ಪ್ರಬುದ್ಧಾ ಚ ಸರಸ್ವತೀ ॥ 9 ॥

ಭೂಚರೀ ಖೇಚರೀ ಮಾಯಾ ಮಾತಙ್ಗೀ ಭುವನೇಶ್ವರೀ ।

ಕಾನ್ತಾ ಪತಿವ್ರತಾ ಸಾಕ್ಷೀ ಸುಚಕ್ಷುಃ ಕುಣ್ಡವಾಸಿನೀ ॥ 10 ॥

ಉಮಾ ಕುಮಾರೀ ಲೋಕೇಶೀ ಸುಕೇಶೀ ಪದ್ಮರಾಗಿಣೀ ।

ಇನ್ದ್ರಾಣೀ ಬ್ರಹ್ಮಚಣ್ಡಾಲೀ ಚಣ್ಡಿಕಾ ವಾಯುವಲ್ಲಭಾ ॥ 11 ॥

ಸರ್ವಧಾತುಮಯೀಮೂರ್ತಿರ್ಜಲರೂಪಾ ಜಲೋದರೀ ।

ಆಕಾಶೀ ರಣಗಾ ಚೈವ ನೃಕಪಾಲವಿಭೂಷಣಾ ॥ 12 ॥

ನರ್ಮದಾ ಮೋಕ್ಷದಾ ಚೈವ ಧರ್ಮಕಾಮಾರ್ಥದಾಯಿನೀ ।

ಗಾಯತ್ರೀ ಚಾಽಥ ಸಾವಿತ್ರೀ ತ್ರಿಸನ್ಧ್ಯಾ ತೀರ್ಥಗಾಮಿನೀ ॥ 13 ॥

ಅಷ್ಟಮೀ ನವಮೀ ಚೈವ ದಶಮ್ಯೈಕಾದಶೀ ತಥಾ ।

ಪೌರ್ಣಮಾಸೀ ಕುಹೂರೂಪಾ ತಿಥಿಮೂರ್ತಿಸ್ವರೂಪಿಣೀ ॥ 14 ॥

ಸುರಾರಿನಾಶಕಾರೀ ಚ ಉಗ್ರರೂಪಾ ಚ ವತ್ಸಲಾ ।

ಅನಲಾ ಅರ್ಧಮಾತ್ರಾ ಚ ಅರುಣಾ ಪೀತಲೋಚನಾ ॥ 15 ॥

ಲಜ್ಜಾ ಸರಸ್ವತೀ ವಿದ್ಯಾ ಭವಾನೀ ಪಾಪನಾಶಿನೀ ।

ನಾಗಪಾಶಧರಾ ಮೂರ್ತಿರಗಾಧಾ ಧೃತಕುಣ್ಡಲಾ ॥ 16 ॥

ಕ್ಷತ್ರರೂಪಾ ಕ್ಷಯಕರೀ ತೇಜಸ್ವಿನೀ ಶುಚಿಸ್ಮಿತಾ ।

ಅವ್ಯಕ್ತಾವ್ಯಕ್ತಲೋಕಾ ಚ ಶಮ್ಭುರೂಪಾ ಮನಸ್ವಿನೀ ॥ 17 ॥

ಮಾತಙ್ಗೀ ಮತ್ತಮಾತಙ್ಗೀ ಮಹಾದೇವಪ್ರಿಯಾ ಸದಾ ।

ದೈತ್ಯಘ್ನೀ ಚೈವ ವಾರಾಹೀ ಸರ್ವಶಾಸ್ತ್ರಮಯೀ ಶುಭಾ ॥ 18 ॥

ಯ ಇದಂ ಪಠತೇ ಭಕ್ತ್ಯಾ ಶೃಣುಯಾದ್ವಾ ಸಮಾಹಿತಃ ।

ಅಪುತ್ರೋ ಲಭತೇ ಪುತ್ರಂ ನಿರ್ಧನೋ ಧನವಾನ್ ಭವೇತ್ ॥ 19 ॥

ಮೂರ್ಖೋಽಪಿ ಲಭತೇ ಶಾಸ್ತ್ರಂ ಚೋರೋಽಪಿ ಲಭತೇ ಗತಿಮ್ ।

ವೇದಾನಾಂ ಪಾಠಕೋ ವಿಪ್ರಃ ಕ್ಷತ್ರಿಯೋ ವಿಜಯೀ ಭವೇತ್ ॥ 20 ॥

ವೈಶ್ಯಸ್ತು ಧನವಾನ್ ಭೂಯಾಚ್ಛೂದ್ರಸ್ತು ಸುಖಮೇಧತೇ ।

ಅಷ್ಟಮ್ಯಾಂ ಚ ಚತುರ್ದಶ್ಯಾಂ ನವಮ್ಯಾಂ ಚೈಕಚೇತಸಃ ॥ 21 ॥

ಯೇ ಪಠನ್ತಿ ಸದಾ ಭಕ್ತ್ಯಾ ನ ತೇ ವೈ ದುಃಖಭಾಗಿನಃ ।

ಏಕಕಾಲಂ ದ್ವಿಕಾಲಂ ವಾ ತ್ರಿಕಾಲಂ ವಾ ಚತುರ್ಥಕಮ್ ॥ 22 ॥

ಯೇ ಪಠನ್ತಿ ಸದಾ ಭಕ್ತ್ಯಾ ಸ್ವರ್ಗಲೋಕೇ ಚ ಪೂಜಿತಾಃ ।

ರುದ್ರಂ ದೃಷ್ಟ್ವಾ ಯಥಾ ದೇವಾಃ ಪನ್ನಗಾ ಗರುಡಂ ಯಥಾ ।

ಶತ್ರವಃ ಪ್ರಪಲಾಯನ್ತೇ ತಸ್ಯ ವಕ್ತ್ರವಿಲೋಕನಾತ್ ॥ 23 ॥

ಇತಿ ಶ್ರೀರುದ್ರಯಾಮಲೇ ದೇವೀಶ್ವರಸಂವಾದೇ ಶ್ರೀ ಭುವನೇಶ್ವರ್ಯಷ್ಟೋತ್ತರಶತನಾಮ ಸ್ತೋತ್ರಮ್ ।

Roman (IAST) Transliteration

kailāsaśikhare ramye nānāratnopaśobhite |

naranārīhitārthāya śivaṃ papraccha pārvatī || 1 ||

devyuvāca

bhuvaneśī mahāvidyā nāmnāmaṣṭottaraṃ śatam |

kathayasva mahādeva yadyahaṃ tava vallabhā || 2 ||

īśvara uvāca

śṛṇu devi mahābhāge stavarājamidaṃ śubham |

sahasranāmnāmadhikaṃ siddhidaṃ mokṣahetukam || 3 ||

śucibhiḥ prātarutthāya paṭhitavyaḥ samāhitaiḥ |

trikālaṃ śraddhayā yuktaiḥ sarvakāmaphalapradaḥ || 4 ||

asya śrībhuvaneśvaryaṣṭottaraśatanāma stotramantrasya śaktirṛṣiḥ gāyatrī chandaḥ śrībhuvaneśvarī devatā caturvidhaphala puruṣārtha siddhyarthe jape viniyogaḥ ||

atha stotram

oṃ mahāmāyā mahāvidyā mahāyogā mahotkaṭā |

māheśvarī kumārī ca brahmāṇī brahmarūpiṇī || 5 ||

vāgīśvarī yogarūpā yoginīkoṭisevitā |

jayā ca vijayā caiva kaumārī sarvamaṅgalā || 6 ||

hiṅgulā ca vilāsī ca jvālinī jvālarūpiṇī |

īśvarī krūrasaṃhārī kulamārgapradāyinī || 7 ||

vaiṣṇavī subhagākārā sukulyā kulapūjitā |

vāmāṅgā vāmacārā ca vāmadevapriyā tathā || 8 ||

ḍākinī yoginīrūpā bhūteśī bhūtanāyikā |

padmāvatī padmanetrā prabuddhā ca sarasvatī || 9 ||

bhūcarī khecarī māyā mātaṅgī bhuvaneśvarī |

kāntā pativratā sākṣī sucakṣuḥ kuṇḍavāsinī || 10 ||

umā kumārī lokeśī sukeśī padmarāgiṇī |

indrāṇī brahmacaṇḍālī caṇḍikā vāyuvallabhā || 11 ||

sarvadhātumayīmūrtirjalarūpā jalodarī |

ākāśī raṇagā caiva nṛkapālavibhūṣaṇā || 12 ||

narmadā mokṣadā caiva dharmakāmārthadāyinī |

gāyatrī cā'tha sāvitrī trisandhyā tīrthagāminī || 13 ||

aṣṭamī navamī caiva daśamyaikādaśī tathā |

paurṇamāsī kuhūrūpā tithimūrtisvarūpiṇī || 14 ||

surārināśakārī ca ugrarūpā ca vatsalā |

analā ardhamātrā ca aruṇā pītalocanā || 15 ||

lajjā sarasvatī vidyā bhavānī pāpanāśinī |

nāgapāśadharā mūrtiragādhā dhṛtakuṇḍalā || 16 ||

kṣatrarūpā kṣayakarī tejasvinī śucismitā |

avyaktāvyaktalokā ca śambhurūpā manasvinī || 17 ||

mātaṅgī mattamātaṅgī mahādevapriyā sadā |

daityaghnī caiva vārāhī sarvaśāstramayī śubhā || 18 ||

ya idaṃ paṭhate bhaktyā śṛṇuyādvā samāhitaḥ |

aputro labhate putraṃ nirdhano dhanavān bhavet || 19 ||

mūrkho'pi labhate śāstraṃ coro'pi labhate gatim |

vedānāṃ pāṭhako vipraḥ kṣatriyo vijayī bhavet || 20 ||

vaiśyastu dhanavān bhūyācchūdrastu sukhamedhate |

aṣṭamyāṃ ca caturdaśyāṃ navamyāṃ caikacetasaḥ || 21 ||

ye paṭhanti sadā bhaktyā na te vai duḥkhabhāginaḥ |

ekakālaṃ dvikālaṃ vā trikālaṃ vā caturthakam || 22 ||

ye paṭhanti sadā bhaktyā svargaloke ca pūjitāḥ |

rudraṃ dṛṣṭvā yathā devāḥ pannagā garuḍaṃ yathā |

śatravaḥ prapalāyante tasya vaktravilokanāt || 23 ||

iti śrīrudrayāmale devīśvarasaṃvāde śrī bhuvaneśvaryaṣṭottaraśatanāma stotram |