Shri Batuka Bhairava Kavacham

ॐ

ಶ್ರೀ ಬಟುಕ ಭೈರವ ಕವಚಂ

Shiva Kavacham Kannada

ಶ್ರೀಭೈರವ ಉವಾಚ ।

ದೇವೇಶಿ ದೇಹರಕ್ಷಾರ್ಥಂ ಕಾರಣಂ ಕಥ್ಯತಾಂ ಧ್ರುವಮ್ ।

ಮ್ರಿಯನ್ತೇ ಸಾಧಕಾ ಯೇನ ವಿನಾ ಶ್ಮಶಾನಭೂಮಿಷು ॥

ರಣೇಷು ಚಾತಿಘೋರೇಷು ಮಹಾವಾಯುಜಲೇಷು ಚ ।

ಶೃಙ್ಗಿಮಕರವಜ್ರೇಷು ಜ್ವರಾದಿವ್ಯಾಧಿವಹ್ನಿಷು ॥

ಶ್ರೀದೇವ್ಯುವಾಚ ।

ಕಥಯಾಮಿ ಶೃಣು ಪ್ರಾಜ್ಞ ಬಟೋಸ್ತು ಕವಚಂ ಶುಭಮ್ ।

ಗೋಪನೀಯಂ ಪ್ರಯತ್ನೇನ ಮಾತೃಜಾರೋಪಮಂ ಯಥಾ ॥

ತಸ್ಯ ಧ್ಯಾನಂ ತ್ರಿಧಾ ಪ್ರೋಕ್ತಂ ಸಾತ್ತ್ವಿಕಾದಿಪ್ರಭೇದತಃ ।

ಸಾತ್ತ್ವಿಕಂ ರಾಜಸಂ ಚೈವ ತಾಮಸಂ ದೇವ ತತ್ ಶೃಣು ॥

ಧ್ಯಾನಮ್ –

ವನ್ದೇ ಬಾಲಂ ಸ್ಫಟಿಕಸದೃಶಂ ಕುಣ್ಡಲೋದ್ಭಾಸಿವಕ್ತ್ರಂ

ದಿವ್ಯಾಕಲ್ಪೈರ್ನವಮಣಿಮಯೈಃ ಕಿಙ್ಕಿಣೀನೂಪುರಾದ್ಯೈಃ ।

ದೀಪ್ತಾಕಾರಂ ವಿಶದವದನಂ ಸುಪ್ರಸನ್ನಂ ತ್ರಿನೇತ್ರಂ

ಹಸ್ತಾಬ್ಜಾಭ್ಯಾಂ ಬಟುಕಮನಿಶಂ ಶೂಲಖಡ್ಗೌದಧಾನಮ್ ॥ 1 ॥

ಉದ್ಯದ್ಭಾಸ್ಕರಸನ್ನಿಭಂ ತ್ರಿನಯನಂ ರಕ್ತಾಙ್ಗರಾಗಸ್ರಜಂ

ಸ್ಮೇರಾಸ್ಯಂ ವರದಂ ಕಪಾಲಮಭಯಂ ಶೂಲಂ ದಧಾನಂ ಕರೈಃ ।

ನೀಲಗ್ರೀವಮುದಾರಭೂಷಣಶತಂ ಶೀತಾಂಶುಚೂಡೋಜ್ಜ್ವಲಂ

ಬನ್ಧೂಕಾರುಣವಾಸಸಂ ಭಯಹರಂ ದೇವಂ ಸದಾ ಭಾವಯೇ ॥ 2 ॥

ಧ್ಯಾಯೇನ್ನೀಲಾದ್ರಿಕಾನ್ತಂ ಶಶಿಶಕಲಧರಂ ಮುಣ್ಡಮಾಲಂ ಮಹೇಶಂ

ದಿಗ್ವಸ್ತ್ರಂ ಪಿಙ್ಗಕೇಶಂ ಡಮರುಮಥ ಸೃಣಿಂ ಖಡ್ಗಶೂಲಾಭಯಾನಿ ।

ನಾಗಂ ಘಣ್ಟಾಂ ಕಪಾಲಂ ಕರಸರಸಿರುಹೈರ್ವಿಭ್ರತಂ ಭೀಮದಂಷ್ಟ್ರಂ

ಸರ್ಪಾಕಲ್ಪಂ ತ್ರಿನೇತ್ರಂ ಮಣಿಮಯವಿಲಸತ್ಕಿಙ್ಕಿಣೀ ನೂಪುರಾಢ್ಯಮ್ ॥ 3 ॥

ಅಸ್ಯ ವಟುಕಭೈರವಕವಚಸ್ಯ ಮಹಾಕಾಲ ಋಷಿರನುಷ್ಟುಪ್ಛನ್ದಃ ಶ್ರೀವಟುಕಭೈರವೋ ದೇವತಾ ಬಂ ಬೀಜಂ ಹ್ರೀಂ ಶಕ್ತಿರಾಪದುದ್ಧಾರಣಾಯೇತಿ ಕೀಲಕಂ ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ವಿನಿಯೋಗಃ ।

ಕವಚಮ್ –

ಓಂ ಶಿರೋ ಮೇ ಭೈರವಃ ಪಾತು ಲಲಾಟಂ ಭೀಷಣಸ್ತಥಾ ।

ನೇತ್ರೇ ಚ ಭೂತಹನನಃ ಸಾರಮೇಯಾನುಗೋ ಭ್ರುವೌ ॥ 1

ಭೂತನಾಥಶ್ಚ ಮೇ ಕರ್ಣೌ ಕಪೋಲೌ ಪ್ರೇತವಾಹನಃ ।

ನಾಸಾಪುಟೌ ತಥೋಷ್ಠೌ ಚ ಭಸ್ಮಾಙ್ಗಃ ಸರ್ವಭೂಷಣಃ ॥ 2

ಭೀಷಣಾಸ್ಯೋ ಮಮಾಸ್ಯಂ ಚ ಶಕ್ತಿಹಸ್ತೋ ಗಲಂ ಮಮ ।

ಸ್ಕನ್ಧೌ ದೈತ್ಯರಿಪುಃ ಪಾತು ಬಾಹೂ ಅತುಲವಿಕ್ರಮಃ ॥ 3

ಪಾಣೀ ಕಪಾಲೀ ಮೇ ಪಾತು ಮುಣ್ಡಮಾಲಾಧರೋ ಹೃದಮ್ ।

ವಕ್ಷಃಸ್ಥಲಂ ತಥಾ ಶಾನ್ತಃ ಕಾಮಚಾರೀ ಸ್ತನಂ ಮಮ ॥ 4

ಉದರಂ ಚ ಸ ಮೇ ತುಷ್ಟಃ ಕ್ಷೇತ್ರೇಶಃ ಪಾರ್ಶ್ವತಸ್ತಥಾ ।

ಕ್ಷೇತ್ರಪಾಲಃ ಪೃಷ್ಠದೇಶಂ ಕ್ಷೇತ್ರಾಖ್ಯೋ ನಾಭಿತಸ್ತಥಾ ॥ 5

ಕಟಿಂ ಪಾಪೌಘನಾಶಶ್ಚ ಬಟುಕೋ ಲಿಙ್ಗದೇಶಕಮ್ ।

ಗುದಂ ರಕ್ಷಾಕರಃ ಪಾತು ಊರೂ ರಕ್ಷಾಕರಃ ಸದಾ ॥ 6

ಜಾನೂ ಚ ಘುರ್ಘುರಾರಾವೋ ಜಙ್ಘೇ ರಕ್ಷತು ರಕ್ತಪಃ ।

ಗುಲ್ಫೌ ಚ ಪಾದುಕಾಸಿದ್ಧಃ ಪಾದಪೃಷ್ಠಂ ಸುರೇಶ್ವರಃ ॥ 7

ಆಪಾದಮಸ್ತಕಂ ಚೈವ ಆಪದುದ್ಧಾರಣಸ್ತಥಾ ।

ಸಹಸ್ರಾರೇ ಮಹಾಪದ್ಮೇ ಕರ್ಪೂರಧವಲೋ ಗುರುಃ ॥ 8

ಪಾತು ಮಾಂ ವಟುಕೋ ದೇವೋ ಭೈರವಃ ಸರ್ವಕರ್ಮಸು ।

ಪೂರ್ವ ಸ್ಯಾಮಸಿತಾಙ್ಗೋ ಮೇ ದಿಶಿ ರಕ್ಷತು ಸರ್ವದಾ ॥ 9

ಆಗ್ನೇಯ್ಯಾಂ ಚ ರುರುಃ ಪಾತು ದಕ್ಷಿಣೇ ಚಣ್ಡಭೈರವಃ ।

ನೈರೃತ್ಯಾಂ ಕ್ರೋಧನಃ ಪಾತು ಮಾಮುನ್ಮತ್ತಸ್ತು ಪಶ್ಚಿಮೇ ॥ 10

ವಾಯವ್ಯಾಂ ಮೇ ಕಪಾಲೀ ಚ ನಿತ್ಯಂ ಪಾಯಾತ್ ಸುರೇಶ್ವರಃ ।

ಭೀಷಣೋ ಭೈರವಃ ಪಾತೂತ್ತರಸ್ಯಾಂ ದಿಶಿ ಸರ್ವದಾ ॥ 11

ಸಂಹಾರಭೈರವಃ ಪಾತು ದಿಶ್ಯೈಶಾನ್ಯಾಂ ಮಹೇಶ್ವರಃ ।

ಊರ್ಧ್ವೇ ಪಾತು ವಿಧಾತಾ ವೈ ಪಾತಾಲೇ ನನ್ದಿಕೋ ವಿಭುಃ ॥ 12

ಸದ್ಯೋಜಾತಸ್ತು ಮಾಂ ಪಾಯಾತ್ ಸರ್ವತೋ ದೇವಸೇವಿತಃ ।

ವಾಮದೇವೋಽವತು ಪ್ರೀತೋ ರಣೇ ಘೋರೇ ತಥಾವತು ॥ 13

ಜಲೇ ತತ್ಪುರುಷಃ ಪಾತು ಸ್ಥಲೇ ಪಾತು ಗುರುಃ ಸದಾ ।

ಡಾಕಿನೀಪುತ್ರಕಃ ಪಾತು ದಾರಾಂಸ್ತು ಲಾಕಿನೀಸುತಃ ॥ 14

ಪಾತು ಸಾಕಲಕೋ ಭ್ರಾತೄನ್ ಶ್ರಿಯಂ ಮೇ ಸತತಂ ಗಿರಃ ।

ಲಾಕಿನೀಪುತ್ರಕಃ ಪಾತು ಪಶೂನಶ್ವಾನಜಾಂಸ್ತಥಾ ॥ 15

ಮಹಾಕಾಲೋಽವತು ಚ್ಛತ್ರಂ ಸೈನ್ಯಂ ವೈ ಕಾಲಭೈರವಃ ।

ರಾಜ್ಯಂ ರಾಜ್ಯಶ್ರಿಯಂ ಪಾಯಾತ್ ಭೈರವೋ ಭೀತಿಹಾರಕಃ ॥ 16

ರಕ್ಷಾಹೀನನ್ತು ಯತ್ ಸ್ಥಾನಂ ವರ್ಜಿತಂ ಕವಚೇನ ಚ ।

ತತ್ ಸರ್ವಂ ರಕ್ಷ ಮೇ ದೇವ ತ್ವಂ ಯತಃ ಸರ್ವರಕ್ಷಕಃ ॥ 17

ಏತತ್ ಕವಚಮೀಶಾನ ತವ ಸ್ನೇಹಾತ್ ಪ್ರಕಾಶಿತಮ್ ।

ನಾಖ್ಯೇಯಂ ನರಲೋಕೇಷು ಸಾರಭೂತಂ ಚ ಸುಶ್ರಿಯಮ್ ॥ 18

ಯಸ್ಮೈ ಕಸ್ಮೈ ನ ದಾತವ್ಯಂ ಕವಚೇಶಂ ಸುದುರ್ಲಭಮ್ ।

ನ ದೇಯಂ ಪರಶಿಷ್ಯೇಭ್ಯಃ ಕೃಪಣೇಭ್ಯಶ್ಚ ಶಙ್ಕರ ॥ 19

ಯೋ ದದಾತಿ ನಿಷಿದ್ಧೇಭ್ಯಃ ಸ ವೈ ಭ್ರಷ್ಟೋ ಭವೇದ್ಧ್ರುವಮ್ ।

ಅನೇನ ಕವಚೇಶೇನ ರಕ್ಷಾಂ ಕೃತ್ವಾ ದ್ವಿಜೋತ್ತಮಃ ॥ 20

ವಿಚರನ್ ಯತ್ರ ಕುತ್ರಾಪಿ ವಿಘ್ನೌಘೈಃ ಪ್ರಾಪ್ಯತೇ ನ ಸಃ ।

ಮನ್ತ್ರೇಣ ಮ್ರಿಯತೇ ಯೋಗೀ ಕವಚಂ ಯನ್ನ ರಕ್ಷಿತಃ ॥ 21

ತಸ್ಮಾತ್ ಸರ್ವಪ್ರಯತ್ನೇನ ದುರ್ಲಭಂ ಪಾಪಚೇತಸಾಮ್ ।

ಭೂರ್ಜೇ ರಮ್ಭಾತ್ವಚೇ ವಾಪಿ ಲಿಖಿತ್ವಾ ವಿಧಿವತ್ ಪ್ರಭೋ ॥ 22

ಧಾರಯೇತ್ ಪಾಠಯೇದ್ವಾಪಿ ಸಮ್ಪಠೇದ್ವಾಪಿ ನಿತ್ಯಶಃ ।

ಸಮ್ಪ್ರಾಪ್ನೋತಿ ಪ್ರಭಾವಂ ವೈ ಕವಚಸ್ಯಾಸ್ಯ ವರ್ಣಿತಮ್ ॥ 23

ನಮೋ ಭೈರವದೇವಾಯ ಸಾರಭೂತಾಯ ವೈ ನಮಃ ।

ನಮಸ್ತ್ರೈಲೋಕ್ಯನಾಥಾಯ ನಾಥನಾಥಾಯ ವೈ ನಮಃ ॥ 24

ಇತಿ ವಿಶ್ವಸಾರೋದ್ಧಾರತನ್ತ್ರೇ ಆಪದುದ್ಧಾರಕಲ್ಪೇ ಭೈರವಭೈರವೀಸಂವಾದೇ ವಟುಕಭೈರವಕವಚಂ ಸಮಾಪ್ತಮ್ ॥

Roman (IAST) Transliteration

śrībhairava uvāca |

deveśi deharakṣārthaṃ kāraṇaṃ kathyatāṃ dhruvam |

mriyante sādhakā yena vinā śmaśānabhūmiṣu ||

raṇeṣu cātighoreṣu mahāvāyujaleṣu ca |

śṛṅgimakaravajreṣu jvarādivyādhivahniṣu ||

śrīdevyuvāca |

kathayāmi śṛṇu prājña baṭostu kavacaṃ śubham |

gopanīyaṃ prayatnena mātṛjāropamaṃ yathā ||

tasya dhyānaṃ tridhā proktaṃ sāttvikādiprabhedataḥ |

sāttvikaṃ rājasaṃ caiva tāmasaṃ deva tat śṛṇu ||

dhyānam –

vande bālaṃ sphaṭikasadṛśaṃ kuṇḍalodbhāsivaktraṃ

divyākalpairnavamaṇimayaiḥ kiṅkiṇīnūpurādyaiḥ |

dīptākāraṃ viśadavadanaṃ suprasannaṃ trinetraṃ

hastābjābhyāṃ baṭukamaniśaṃ śūlakhaḍgaudadhānam || 1 ||

udyadbhāskarasannibhaṃ trinayanaṃ raktāṅgarāgasrajaṃ

smerāsyaṃ varadaṃ kapālamabhayaṃ śūlaṃ dadhānaṃ karaiḥ |

nīlagrīvamudārabhūṣaṇaśataṃ śītāṃśucūḍojjvalaṃ

bandhūkāruṇavāsasaṃ bhayaharaṃ devaṃ sadā bhāvaye || 2 ||

dhyāyennīlādrikāntaṃ śaśiśakaladharaṃ muṇḍamālaṃ maheśaṃ

digvastraṃ piṅgakeśaṃ ḍamarumatha sṛṇiṃ khaḍgaśūlābhayāni |

nāgaṃ ghaṇṭāṃ kapālaṃ karasarasiruhairvibhrataṃ bhīmadaṃṣṭraṃ

sarpākalpaṃ trinetraṃ maṇimayavilasatkiṅkiṇī nūpurāḍhyam || 3 ||

asya vaṭukabhairavakavacasya mahākāla ṛṣiranuṣṭupchandaḥ śrīvaṭukabhairavo devatā baṃ bījaṃ hrīṃ śaktirāpaduddhāraṇāyeti kīlakaṃ mama sarvābhīṣṭasiddhyarthe viniyogaḥ |

kavacam –

oṃ śiro me bhairavaḥ pātu lalāṭaṃ bhīṣaṇastathā |

netre ca bhūtahananaḥ sārameyānugo bhruvau || 1

bhūtanāthaśca me karṇau kapolau pretavāhanaḥ |

nāsāpuṭau tathoṣṭhau ca bhasmāṅgaḥ sarvabhūṣaṇaḥ || 2

bhīṣaṇāsyo mamāsyaṃ ca śaktihasto galaṃ mama |

skandhau daityaripuḥ pātu bāhū atulavikramaḥ || 3

pāṇī kapālī me pātu muṇḍamālādharo hṛdam |

vakṣaḥsthalaṃ tathā śāntaḥ kāmacārī stanaṃ mama || 4

udaraṃ ca sa me tuṣṭaḥ kṣetreśaḥ pārśvatastathā |

kṣetrapālaḥ pṛṣṭhadeśaṃ kṣetrākhyo nābhitastathā || 5

kaṭiṃ pāpaughanāśaśca baṭuko liṅgadeśakam |

gudaṃ rakṣākaraḥ pātu ūrū rakṣākaraḥ sadā || 6

jānū ca ghurghurārāvo jaṅghe rakṣatu raktapaḥ |

gulphau ca pādukāsiddhaḥ pādapṛṣṭhaṃ sureśvaraḥ || 7

āpādamastakaṃ caiva āpaduddhāraṇastathā |

sahasrāre mahāpadme karpūradhavalo guruḥ || 8

pātu māṃ vaṭuko devo bhairavaḥ sarvakarmasu |

pūrva syāmasitāṅgo me diśi rakṣatu sarvadā || 9

āgneyyāṃ ca ruruḥ pātu dakṣiṇe caṇḍabhairavaḥ |

nairṛtyāṃ krodhanaḥ pātu māmunmattastu paścime || 10

vāyavyāṃ me kapālī ca nityaṃ pāyāt sureśvaraḥ |

bhīṣaṇo bhairavaḥ pātūttarasyāṃ diśi sarvadā || 11

saṃhārabhairavaḥ pātu diśyaiśānyāṃ maheśvaraḥ |

ūrdhve pātu vidhātā vai pātāle nandiko vibhuḥ || 12

sadyojātastu māṃ pāyāt sarvato devasevitaḥ |

vāmadevo'vatu prīto raṇe ghore tathāvatu || 13

jale tatpuruṣaḥ pātu sthale pātu guruḥ sadā |

ḍākinīputrakaḥ pātu dārāṃstu lākinīsutaḥ || 14

pātu sākalako bhrātṝn śriyaṃ me satataṃ giraḥ |

lākinīputrakaḥ pātu paśūnaśvānajāṃstathā || 15

mahākālo'vatu cchatraṃ sainyaṃ vai kālabhairavaḥ |

rājyaṃ rājyaśriyaṃ pāyāt bhairavo bhītihārakaḥ || 16

rakṣāhīnantu yat sthānaṃ varjitaṃ kavacena ca |

tat sarvaṃ rakṣa me deva tvaṃ yataḥ sarvarakṣakaḥ || 17

etat kavacamīśāna tava snehāt prakāśitam |

nākhyeyaṃ naralokeṣu sārabhūtaṃ ca suśriyam || 18

yasmai kasmai na dātavyaṃ kavaceśaṃ sudurlabham |

na deyaṃ paraśiṣyebhyaḥ kṛpaṇebhyaśca śaṅkara || 19

yo dadāti niṣiddhebhyaḥ sa vai bhraṣṭo bhaveddhruvam |

anena kavaceśena rakṣāṃ kṛtvā dvijottamaḥ || 20

vicaran yatra kutrāpi vighnaughaiḥ prāpyate na saḥ |

mantreṇa mriyate yogī kavacaṃ yanna rakṣitaḥ || 21

tasmāt sarvaprayatnena durlabhaṃ pāpacetasām |

bhūrje rambhātvace vāpi likhitvā vidhivat prabho || 22

dhārayet pāṭhayedvāpi sampaṭhedvāpi nityaśaḥ |

samprāpnoti prabhāvaṃ vai kavacasyāsya varṇitam || 23

namo bhairavadevāya sārabhūtāya vai namaḥ |

namastrailokyanāthāya nāthanāthāya vai namaḥ || 24

iti viśvasāroddhāratantre āpaduddhārakalpe bhairavabhairavīsaṃvāde vaṭukabhairavakavacaṃ samāptam ||