Shri Annapurna Ashtottarashata Namstotram

ॐ

ಶ್ರೀ ಅನ್ನಪೂರ್ಣಾ ಅಷ್ಟೋತ್ತರಶತ ನಾಮ್ಸ್ತೋತ್ರಮ್

Tara Ashtottara Sata Namavali Kannada

ಅಸ್ಯ ಶ್ರೀ ಅನ್ನಪೂರ್ಣಾಷ್ಟೋತ್ತರ ಶತನಾಮಸ್ತೋತ್ರ ಮಹಾಮನ್ತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ಛನ್ದಃ ಶ್ರೀ ಅನ್ನಪೂರ್ಣೇಶ್ವರೀ ದೇವತಾ ಸ್ವಧಾ ಬೀಜಂ ಸ್ವಾಹಾ ಶಕ್ತಿಃ ಓಂ ಕೀಲಕಂ ಮಮ ಸರ್ವಾಭೀಷ್ಟಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಓಂ ಅನ್ನಪೂರ್ಣಾ ಶಿವಾ ದೇವೀ ಭೀಮಾ ಪುಷ್ಟಿಸ್ಸರಸ್ವತೀ ।

ಸರ್ವಜ್ಞಾ ಪಾರ್ವತೀ ದುರ್ಗಾ ಶರ್ವಾಣೀ ಶಿವವಲ್ಲಭಾ ॥ 1 ॥

ವೇದವೇದ್ಯಾ ಮಹಾವಿದ್ಯಾ ವಿದ್ಯಾದಾತ್ರೀ ವಿಶಾರದಾ ।

ಕುಮಾರೀ ತ್ರಿಪುರಾ ಬಾಲಾ ಲಕ್ಷ್ಮೀಶ್ಶ್ರೀರ್ಭಯಹಾರಿಣೀ ॥ 2 ॥

ಭವಾನೀ ವಿಷ್ಣುಜನನೀ ಬ್ರಹ್ಮಾದಿಜನನೀ ತಥಾ ।

ಗಣೇಶಜನನೀ ಶಕ್ತಿಃ ಕುಮಾರಜನನೀ ಶುಭಾ ॥ 3 ॥

ಭೋಗಪ್ರದಾ ಭಗವತೀ ಭಕ್ತಾಭೀಷ್ಟಪ್ರದಾಯಿನೀ ।

ಭವರೋಗಹರಾ ಭವ್ಯಾ ಶುಭ್ರಾ ಪರಮಮಙ್ಗಲಾ ॥ 4 ॥

ಭವಾನೀ ಚಞ್ಚಲಾ ಗೌರೀ ಚಾರುಚನ್ದ್ರಕಲಾಧರಾ ।

ವಿಶಾಲಾಕ್ಷೀ ವಿಶ್ವಮಾತಾ ವಿಶ್ವವನ್ದ್ಯಾ ವಿಲಾಸಿನೀ ॥ 5 ॥

ಆರ್ಯಾ ಕಲ್ಯಾಣನಿಲಯಾ ರುದ್ರಾಣೀ ಕಮಲಾಸನಾ ।

ಶುಭಪ್ರದಾ ಶುಭಾಽನನ್ತಾ ವೃತ್ತಪೀನಪಯೋಧರಾ ॥ 6 ॥

ಅಮ್ಬಾ ಸಂಹಾರಮಥನೀ ಮೃಡಾನೀ ಸರ್ವಮಙ್ಗಲಾ ।

ವಿಷ್ಣುಸಂಸೇವಿತಾ ಸಿದ್ಧಾ ಬ್ರಹ್ಮಾಣೀ ಸುರಸೇವಿತಾ ॥ 7 ॥

ಪರಮಾನನ್ದದಾ ಶಾನ್ತಿಃ ಪರಮಾನನ್ದರೂಪಿಣೀ ।

ಪರಮಾನನ್ದಜನನೀ ಪರಾನನ್ದಪ್ರದಾಯಿನೀ ॥ 8 ॥

ಪರೋಪಕಾರನಿರತಾ ಪರಮಾ ಭಕ್ತವತ್ಸಲಾ ।

ಪೂರ್ಣಚನ್ದ್ರಾಭವದನಾ ಪೂರ್ಣಚನ್ದ್ರನಿಭಾಂಶುಕಾ ॥ 9 ॥

ಶುಭಲಕ್ಷಣಸಮ್ಪನ್ನಾ ಶುಭಾನನ್ದಗುಣಾರ್ಣವಾ ।

ಶುಭಸೌಭಾಗ್ಯನಿಲಯಾ ಶುಭದಾ ಚ ರತಿಪ್ರಿಯಾ ॥ 10 ॥

ಚಣ್ಡಿಕಾ ಚಣ್ಡಮಥನೀ ಚಣ್ಡದರ್ಪನಿವಾರಿಣೀ ।

ಮಾರ್ತಾಣ್ಡನಯನಾ ಸಾಧ್ವೀ ಚನ್ದ್ರಾಗ್ನಿನಯನಾ ಸತೀ ॥ 11 ॥

ಪುಣ್ಡರೀಕಹರಾ ಪೂರ್ಣಾ ಪುಣ್ಯದಾ ಪುಣ್ಯರೂಪಿಣೀ ।

ಮಾಯಾತೀತಾ ಶ್ರೇಷ್ಠಮಾಯಾ ಶ್ರೇಷ್ಠಧರ್ಮಾತ್ಮವನ್ದಿತಾ ॥ 12 ॥

ಅಸೃಷ್ಟಿಸ್ಸಙ್ಗರಹಿತಾ ಸೃಷ್ಟಿಹೇತು ಕಪರ್ದಿನೀ ।

ವೃಷಾರೂಢಾ ಶೂಲಹಸ್ತಾ ಸ್ಥಿತಿಸಂಹಾರಕಾರಿಣೀ ॥ 13 ॥

ಮನ್ದಸ್ಮಿತಾ ಸ್ಕನ್ದಮಾತಾ ಶುದ್ಧಚಿತ್ತಾ ಮುನಿಸ್ತುತಾ ।

ಮಹಾಭಗವತೀ ದಕ್ಷಾ ದಕ್ಷಾಧ್ವರವಿನಾಶಿನೀ ॥ 14 ॥

ಸರ್ವಾರ್ಥದಾತ್ರೀ ಸಾವಿತ್ರೀ ಸದಾಶಿವಕುಟುಮ್ಬಿನೀ ।

ನಿತ್ಯಸುನ್ದರಸರ್ವಾಙ್ಗೀ ಸಚ್ಚಿದಾನನ್ದಲಕ್ಷಣಾ ॥ 15 ॥

ನಾಮ್ನಾಮಷ್ಟೋತ್ತರಶತಮಮ್ಬಾಯಾಃ ಪುಣ್ಯಕಾರಣಮ್ ।

ಸರ್ವಸೌಭಾಗ್ಯಸಿದ್ಧ್ಯರ್ಥಂ ಜಪನೀಯಂ ಪ್ರಯತ್ನತಃ ॥ 16 ॥

ಇದಂ ಜಪಾಧಿಕಾರಸ್ತು ಪ್ರಾಣಮೇವ ತತಸ್ಸ್ತುತಃ ।

ಆವಹನ್ತೀತಿ ಮನ್ತ್ರೇಣ ಪ್ರತ್ಯೇಕಂ ಚ ಯಥಾಕ್ರಮಮ್ ॥ 17 ॥

ಕರ್ತವ್ಯಂ ತರ್ಪಣಂ ನಿತ್ಯಂ ಪೀಠಮನ್ತ್ರೇತಿ ಮೂಲವತ್ ।

ತತ್ತನ್ಮನ್ತ್ರೇತಿಹೋಮೇತಿ ಕರ್ತವ್ಯಶ್ಚೇತಿ ಮಾಲವತ್ ॥ 18 ॥

ಏತಾನಿ ದಿವ್ಯನಾಮಾನಿ ಶ್ರುತ್ವಾ ಧ್ಯಾತ್ವಾ ನಿರನ್ತರಮ್ ।

ಸ್ತುತ್ವಾ ದೇವೀಂ ಚ ಸತತಂ ಸರ್ವಾನ್ಕಾಮಾನವಾಪ್ನುಯಾತ್ ॥ 19 ॥

ಇತಿ ಶ್ರೀ ಬ್ರಹ್ಮೋತ್ತರಖಣ್ಡೇ ಆಗಮಪ್ರಖ್ಯಾತಿಶಿವರಹಸ್ಯೇ ಅನ್ನಪೂರ್ಣಾಷ್ಟೋತ್ತರ ಶತನಾಮಸ್ತೋತ್ರಮ್ ॥

Roman (IAST) Transliteration

asya śrī annapūrṇāṣṭottara śatanāmastotra mahāmantrasya brahmā ṛṣiḥ anuṣṭupchandaḥ śrī annapūrṇeśvarī devatā svadhā bījaṃ svāhā śaktiḥ oṃ kīlakaṃ mama sarvābhīṣṭaprasādasiddhyarthe jape viniyogaḥ |

oṃ annapūrṇā śivā devī bhīmā puṣṭissarasvatī |

sarvajñā pārvatī durgā śarvāṇī śivavallabhā || 1 ||

vedavedyā mahāvidyā vidyādātrī viśāradā |

kumārī tripurā bālā lakṣmīśśrīrbhayahāriṇī || 2 ||

bhavānī viṣṇujananī brahmādijananī tathā |

gaṇeśajananī śaktiḥ kumārajananī śubhā || 3 ||

bhogapradā bhagavatī bhaktābhīṣṭapradāyinī |

bhavarogaharā bhavyā śubhrā paramamaṅgalā || 4 ||

bhavānī cañcalā gaurī cārucandrakalādharā |

viśālākṣī viśvamātā viśvavandyā vilāsinī || 5 ||

āryā kalyāṇanilayā rudrāṇī kamalāsanā |

śubhapradā śubhā'nantā vṛttapīnapayodharā || 6 ||

ambā saṃhāramathanī mṛḍānī sarvamaṅgalā |

viṣṇusaṃsevitā siddhā brahmāṇī surasevitā || 7 ||

paramānandadā śāntiḥ paramānandarūpiṇī |

paramānandajananī parānandapradāyinī || 8 ||

paropakāraniratā paramā bhaktavatsalā |

pūrṇacandrābhavadanā pūrṇacandranibhāṃśukā || 9 ||

śubhalakṣaṇasampannā śubhānandaguṇārṇavā |

śubhasaubhāgyanilayā śubhadā ca ratipriyā || 10 ||

caṇḍikā caṇḍamathanī caṇḍadarpanivāriṇī |

mārtāṇḍanayanā sādhvī candrāgninayanā satī || 11 ||

puṇḍarīkaharā pūrṇā puṇyadā puṇyarūpiṇī |

māyātītā śreṣṭhamāyā śreṣṭhadharmātmavanditā || 12 ||

asṛṣṭissaṅgarahitā sṛṣṭihetu kapardinī |

vṛṣārūḍhā śūlahastā sthitisaṃhārakāriṇī || 13 ||

mandasmitā skandamātā śuddhacittā munistutā |

mahābhagavatī dakṣā dakṣādhvaravināśinī || 14 ||

sarvārthadātrī sāvitrī sadāśivakuṭumbinī |

nityasundarasarvāṅgī saccidānandalakṣaṇā || 15 ||

nāmnāmaṣṭottaraśatamambāyāḥ puṇyakāraṇam |

sarvasaubhāgyasiddhyarthaṃ japanīyaṃ prayatnataḥ || 16 ||

idaṃ japādhikārastu prāṇameva tatasstutaḥ |

āvahantīti mantreṇa pratyekaṃ ca yathākramam || 17 ||

kartavyaṃ tarpaṇaṃ nityaṃ pīṭhamantreti mūlavat |

tattanmantretihometi kartavyaśceti mālavat || 18 ||

etāni divyanāmāni śrutvā dhyātvā nirantaram |

stutvā devīṃ ca satataṃ sarvānkāmānavāpnuyāt || 19 ||

iti śrī brahmottarakhaṇḍe āgamaprakhyātiśivarahasye annapūrṇāṣṭottara śatanāmastotram ||