Sankata Nashana Ganesha Stotram

ॐ

ಸಙ್ಕಟ ನಾಶನ ಗಣೇಶ ಸ್ತೋತ್ರಮ್

Ganesha Stotram Kannada

ನಾರದ ಉವಾಚ ।

ಪ್ರಣಮ್ಯ ಶಿರಸಾ ದೇವಂ ಗೌರೀಪುತ್ರಂ ವಿನಾಯಕಮ್ ।

ಭಕ್ತಾವಾಸಂ ಸ್ಮರೇನ್ನಿತ್ಯಮಾಯುಷ್ಕಾಮಾರ್ಥಸಿದ್ಧಯೇ ॥ 1 ॥

ಪ್ರಥಮಂ ವಕ್ರತುಣ್ಡಂ ಚ, ಏಕದನ್ತಂ ದ್ವಿತೀಯಕಮ್ ।

ತೃತೀಯಂ ಕೃಷ್ಣಪಿಙ್ಗಾಕ್ಷಂ, ಗಜವಕ್ತ್ರಂ ಚತುರ್ಥಕಮ್ ॥ 2 ॥

ಲಮ್ಬೋದರಂ ಪಞ್ಚಮಂ ಚ, ಷಷ್ಠಂ ವಿಕಟಮೇವ ಚ ।

ಸಪ್ತಮಂ ವಿಘ್ನರಾಜಂ ಚ, ಧೂಮ್ರವರ್ಣಂ ತಥಾಷ್ಟಮಮ್ ॥ 3 ॥

ನವಮಂ ಭಾಲಚನ್ದ್ರಂ ಚ, ದಶಮಂ ತು ವಿನಾಯಕಮ್ ।

ಏಕಾದಶಂ ಗಣಪತಿಂ, ದ್ವಾದಶಂ ತು ಗಜಾನನಮ್ ॥ 4 ॥

ದ್ವಾದಶೈತಾನಿ ನಾಮಾನಿ ತ್ರಿಸನ್ಧ್ಯಂ ಯಃ ಪಠೇನ್ನರಃ ।

ನ ಚ ವಿಘ್ನಭಯಂ ತಸ್ಯ ಸರ್ವಸಿದ್ಧಿಕರಂ ಪರಮ್ ॥ 5 ॥

ವಿದ್ಯಾರ್ಥೀ ಲಭತೇ ವಿದ್ಯಾಂ ಧನಾರ್ಥೀ ಲಭತೇ ಧನಮ್ ।

ಪುತ್ರಾರ್ಥೀ ಲಭತೇ ಪುತ್ರಾನ್ಮೋಕ್ಷಾರ್ಥೀ ಲಭತೇ ಗತಿಮ್ ॥ 6 ॥

ಜಪೇದ್ಗಣಪತಿಸ್ತೋತ್ರಂ ಷಡ್ಭಿರ್ಮಾಸೈಃ ಫಲಂ ಲಭೇತ್ ।

ಸಂವತ್ಸರೇಣ ಸಿದ್ಧಿಂ ಚ ಲಭತೇ ನಾತ್ರ ಸಂಶಯಃ ॥ 7 ॥

ಅಷ್ಟಭ್ಯೋ ಬ್ರಾಹ್ಮಣೇಭ್ಯಶ್ಚ ಲಿಖಿತ್ವಾ ಯಃ ಸಮರ್ಪಯೇತ್ ।

ತಸ್ಯ ವಿದ್ಯಾ ಭವೇತ್ಸರ್ವಾ ಗಣೇಶಸ್ಯ ಪ್ರಸಾದತಃ ॥ 8 ॥

ಇತಿ ಶ್ರೀನಾರದಪುರಾಣೇ ಸಙ್ಕಷ್ಟನಾಶನಂ ನಾಮ ಗಣೇಶ ಸ್ತೋತ್ರಮ್ ।

Roman (IAST) Transliteration

nārada uvāca |

praṇamya śirasā devaṃ gaurīputraṃ vināyakam |

bhaktāvāsaṃ smarennityamāyuṣkāmārthasiddhaye || 1 ||

prathamaṃ vakratuṇḍaṃ ca, ekadantaṃ dvitīyakam |

tṛtīyaṃ kṛṣṇapiṅgākṣaṃ, gajavaktraṃ caturthakam || 2 ||

lambodaraṃ pañcamaṃ ca, ṣaṣṭhaṃ vikaṭameva ca |

saptamaṃ vighnarājaṃ ca, dhūmravarṇaṃ tathāṣṭamam || 3 ||

navamaṃ bhālacandraṃ ca, daśamaṃ tu vināyakam |

ekādaśaṃ gaṇapatiṃ, dvādaśaṃ tu gajānanam || 4 ||

dvādaśaitāni nāmāni trisandhyaṃ yaḥ paṭhennaraḥ |

na ca vighnabhayaṃ tasya sarvasiddhikaraṃ param || 5 ||

vidyārthī labhate vidyāṃ dhanārthī labhate dhanam |

putrārthī labhate putrānmokṣārthī labhate gatim || 6 ||

japedgaṇapatistotraṃ ṣaḍbhirmāsaiḥ phalaṃ labhet |

saṃvatsareṇa siddhiṃ ca labhate nātra saṃśayaḥ || 7 ||

aṣṭabhyo brāhmaṇebhyaśca likhitvā yaḥ samarpayet |

tasya vidyā bhavetsarvā gaṇeśasya prasādataḥ || 8 ||

iti śrīnāradapurāṇe saṅkaṣṭanāśanaṃ nāma gaṇeśa stotram |