📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ಋಣ ವಿಮೋಚನ ಗಣಪತಿ ಸ್ತೋತ್ರಮ್
Rina Vimochana Ganapati Stotram
Ganesha Stotram Kannada
ಸ್ಮರಾಮಿ ದೇವದೇವೇಶಂ ವಕ್ರತುಣ್ಡಂ ಮಹಾಬಲಮ್ ।
ಷಡಕ್ಷರಂ ಕೃಪಾಸಿನ್ಧುಂ ನಮಾಮಿ ಋಣಮುಕ್ತಯೇ ॥ 1 ॥
ಏಕಾಕ್ಷರಂ ಹ್ಯೇಕದನ್ತಂ ಏಕಂ ಬ್ರಹ್ಮ ಸನಾತನಮ್ ।
ಏಕಮೇವಾದ್ವಿತೀಯಂ ಚ ನಮಾಮಿ ಋಣಮುಕ್ತಯೇ ॥ 2 ॥
ಮಹಾಗಣಪತಿಂ ದೇವಂ ಮಹಾಸತ್ತ್ವಂ ಮಹಾಬಲಮ್ ।
ಮಹಾವಿಘ್ನಹರಂ ಶಮ್ಭೋಃ ನಮಾಮಿ ಋಣಮುಕ್ತಯೇ ॥ 3 ॥
ಕೃಷ್ಣಾಮ್ಬರಂ ಕೃಷ್ಣವರ್ಣಂ ಕೃಷ್ಣಗನ್ಧಾನುಲೇಪನಮ್ ।
ಕೃಷ್ಣಸರ್ಪೋಪವೀತಂ ಚ ನಮಾಮಿ ಋಣಮುಕ್ತಯೇ ॥ 4 ॥
ರಕ್ತಾಮ್ಬರಂ ರಕ್ತವರ್ಣಂ ರಕ್ತಗನ್ಧಾನುಲೇಪನಮ್ ।
ರಕ್ತಪುಷ್ಪಪ್ರಿಯಂ ದೇವಂ ನಮಾಮಿ ಋಣಮುಕ್ತಯೇ ॥ 5 ॥
ಪೀತಾಮ್ಬರಂ ಪೀತವರ್ಣಂ ಪೀತಗನ್ಧಾನುಲೇಪನಮ್ ।
ಪೀತಪುಷ್ಪಪ್ರಿಯಂ ದೇವಂ ನಮಾಮಿ ಋಣಮುಕ್ತಯೇ ॥ 6 ॥
ಧೂಮ್ರಾಮ್ಬರಂ ಧೂಮ್ರವರ್ಣಂ ಧೂಮ್ರಗನ್ಧಾನುಲೇಪನಮ್ ।
ಹೋಮಧೂಮಪ್ರಿಯಂ ದೇವಂ ನಮಾಮಿ ಋಣಮುಕ್ತಯೇ ॥ 7 ॥
ಫಾಲನೇತ್ರಂ ಫಾಲಚನ್ದ್ರಂ ಪಾಶಾಙ್ಕುಶಧರಂ ವಿಭುಮ್ ।
ಚಾಮರಾಲಙ್ಕೃತಂ ದೇವಂ ನಮಾಮಿ ಋಣಮುಕ್ತಯೇ ॥ 8 ॥
ಇದಂ ತ್ವೃಣಹರಂ ಸ್ತೋತ್ರಂ ಸನ್ಧ್ಯಾಯಾಂ ಯಃ ಪಠೇನ್ನರಃ ।
ಷಣ್ಮಾಸಾಭ್ಯನ್ತರೇಣೈವ ಋಣಮುಕ್ತೋ ಭವಿಷ್ಯತಿ ॥ 9 ॥
ಇತಿ ಋಣವಿಮೋಚನ ಮಹಾಗಣಪತಿ ಸ್ತೋತ್ರಮ್ ।
Roman (IAST) Transliteration
smarāmi devadeveśaṃ vakratuṇḍaṃ mahābalam |
ṣaḍakṣaraṃ kṛpāsindhuṃ namāmi ṛṇamuktaye || 1 ||
ekākṣaraṃ hyekadantaṃ ekaṃ brahma sanātanam |
ekamevādvitīyaṃ ca namāmi ṛṇamuktaye || 2 ||
mahāgaṇapatiṃ devaṃ mahāsattvaṃ mahābalam |
mahāvighnaharaṃ śambhoḥ namāmi ṛṇamuktaye || 3 ||
kṛṣṇāmbaraṃ kṛṣṇavarṇaṃ kṛṣṇagandhānulepanam |
kṛṣṇasarpopavītaṃ ca namāmi ṛṇamuktaye || 4 ||
raktāmbaraṃ raktavarṇaṃ raktagandhānulepanam |
raktapuṣpapriyaṃ devaṃ namāmi ṛṇamuktaye || 5 ||
pītāmbaraṃ pītavarṇaṃ pītagandhānulepanam |
pītapuṣpapriyaṃ devaṃ namāmi ṛṇamuktaye || 6 ||
dhūmrāmbaraṃ dhūmravarṇaṃ dhūmragandhānulepanam |
homadhūmapriyaṃ devaṃ namāmi ṛṇamuktaye || 7 ||
phālanetraṃ phālacandraṃ pāśāṅkuśadharaṃ vibhum |
cāmarālaṅkṛtaṃ devaṃ namāmi ṛṇamuktaye || 8 ||
idaṃ tvṛṇaharaṃ stotraṃ sandhyāyāṃ yaḥ paṭhennaraḥ |
ṣaṇmāsābhyantareṇaiva ṛṇamukto bhaviṣyati || 9 ||
iti ṛṇavimocana mahāgaṇapati stotram |
InfoLyter.in — Sacred Vedic Knowledge Portal · Free forever