Narayaniyam Dashaka 67 - Shrikrishnatirodhanam Tatha Punah Pratyakshibhuya Gopikah Prinanam

ॐ

ನಾರಾಯಣೀಯಂ ದಶಕ 67 - ಶ್ರೀಕೃಷ್ಣತಿರೋಧಾನಂ ತಥಾ ಪುನಃ ಪ್ರತ್ಯಕ್ಷೀಭೂಯ ಗೋಪಿಕಾಃ ಪ್ರೀಣನಮ್

Vishnu Kannada

ಸ್ಫುರತ್ಪರಾನನ್ದರಸಾತ್ಮಕೇನ ತ್ವಯಾ ಸಮಾಸಾದಿತಭೋಗಲೀಲಾಃ ।

ಅಸೀಮಮಾನನ್ದಭರಂ ಪ್ರಪನ್ನಾ ಮಹಾನ್ತಮಾಪುರ್ಮದಮಮ್ಬುಜಾಕ್ಷ್ಯಃ ॥1॥

ನಿಲೀಯತೇಽಸೌ ಮಯಿ ಮಯ್ಯಮಾಯಂ ರಮಾಪತಿರ್ವಿಶ್ವಮನೋಭಿರಾಮಃ ।

ಇತಿ ಸ್ಮ ಸರ್ವಾಃ ಕಲಿತಾಭಿಮಾನಾ ನಿರೀಕ್ಷ್ಯ ಗೋವಿನ್ದ್ ತಿರೋಹಿತೋಽಭೂಃ ॥2॥

ರಾಧಾಭಿಧಾಂ ತಾವದಜಾತಗರ್ವಾಮತಿಪ್ರಿಯಾಂ ಗೋಪವಧೂಂ ಮುರಾರೇ ।

ಭವಾನುಪಾದಾಯ ಗತೋ ವಿದೂರಂ ತಯಾ ಸಹ ಸ್ವೈರವಿಹಾರಕಾರೀ ॥3॥

ತಿರೋಹಿತೇಽಥ ತ್ವಯಿ ಜಾತತಾಪಾಃ ಸಮಂ ಸಮೇತಾಃ ಕಮಲಾಯತಾಕ್ಷ್ಯಃ ।

ವನೇ ವನೇ ತ್ವಾಂ ಪರಿಮಾರ್ಗಯನ್ತ್ಯೋ ವಿಷಾದಮಾಪುರ್ಭಗವನ್ನಪಾರಮ್ ॥4॥

ಹಾ ಚೂತ ಹಾ ಚಮ್ಪಕ ಕರ್ಣಿಕಾರ ಹಾ ಮಲ್ಲಿಕೇ ಮಾಲತಿ ಬಾಲವಲ್ಯಃ ।

ಕಿಂ ವೀಕ್ಷಿತೋ ನೋ ಹೃದಯೈಕಚೋರಃ ಇತ್ಯಾದಿ ತಾಸ್ತ್ವತ್ಪ್ರವಣಾ ವಿಲೇಪುಃ ॥5॥

ನಿರೀಕ್ಷಿತೋಽಯಂ ಸಖಿ ಪಙ್ಕಜಾಕ್ಷಃ ಪುರೋ ಮಮೇತ್ಯಾಕುಲಮಾಲಪನ್ತೀ ।

ತ್ವಾಂ ಭಾವನಾಚಕ್ಷುಷಿ ವೀಕ್ಷ್ಯ ಕಾಚಿತ್ತಾಪಂ ಸಖೀನಾಂ ದ್ವಿಗುಣೀಚಕಾರ ॥6॥

ತ್ವದಾತ್ಮಿಕಾಸ್ತಾ ಯಮುನಾತಟಾನ್ತೇ ತವಾನುಚಕ್ರುಃ ಕಿಲ ಚೇಷ್ಟಿತಾನಿ ।

ವಿಚಿತ್ಯ ಭೂಯೋಽಪಿ ತಥೈವ ಮಾನಾತ್ತ್ವಯಾ ವಿಮುಕ್ತಾಂ ದದೃಶುಶ್ಚ ರಾಧಾಮ್ ॥7॥

ತತಃ ಸಮಂ ತಾ ವಿಪಿನೇ ಸಮನ್ತಾತ್ತಮೋವತಾರಾವಧಿ ಮಾರ್ಗಯನ್ತ್ಯಃ ।

ಪುನರ್ವಿಮಿಶ್ರಾ ಯಮುನಾತಟಾನ್ತೇ ಭೃಶಂ ವಿಲೇಪುಶ್ಚ ಜಗುರ್ಗುಣಾಂಸ್ತೇ ॥8॥

ತಥಾ ವ್ಯಥಾಸಙ್ಕುಲಮಾನಸಾನಾಂ ವ್ರಜಾಙ್ಗನಾನಾಂ ಕರುಣೈಕಸಿನ್ಧೋ ।

ಜಗತ್ತ್ರಯೀಮೋಹನಮೋಹನಾತ್ಮಾ ತ್ವಂ ಪ್ರಾದುರಾಸೀರಯಿ ಮನ್ದಹಾಸೀ ॥9॥

ಸನ್ದಿಗ್ಧಸನ್ದರ್ಶನಮಾತ್ಮಕಾನ್ತಂ ತ್ವಾಂ ವೀಕ್ಷ್ಯ ತನ್ವ್ಯಃ ಸಹಸಾ ತದಾನೀಮ್ ।

ಕಿಂ ಕಿಂ ನ ಚಕ್ರುಃ ಪ್ರಮದಾತಿಭಾರಾತ್ ಸ ತ್ವಂ ಗದಾತ್ ಪಾಲಯ ಮಾರುತೇಶ ॥10॥

Roman (IAST) Transliteration

sphuratparānandarasātmakena tvayā samāsāditabhogalīlāḥ |

asīmamānandabharaṃ prapannā mahāntamāpurmadamambujākṣyaḥ ||1||

nilīyate'sau mayi mayyamāyaṃ ramāpatirviśvamanobhirāmaḥ |

iti sma sarvāḥ kalitābhimānā nirīkṣya govind tirohito'bhūḥ ||2||

rādhābhidhāṃ tāvadajātagarvāmatipriyāṃ gopavadhūṃ murāre |

bhavānupādāya gato vidūraṃ tayā saha svairavihārakārī ||3||

tirohite'tha tvayi jātatāpāḥ samaṃ sametāḥ kamalāyatākṣyaḥ |

vane vane tvāṃ parimārgayantyo viṣādamāpurbhagavannapāram ||4||

hā cūta hā campaka karṇikāra hā mallike mālati bālavalyaḥ |

kiṃ vīkṣito no hṛdayaikacoraḥ ityādi tāstvatpravaṇā vilepuḥ ||5||

nirīkṣito'yaṃ sakhi paṅkajākṣaḥ puro mametyākulamālapantī |

tvāṃ bhāvanācakṣuṣi vīkṣya kācittāpaṃ sakhīnāṃ dviguṇīcakāra ||6||

tvadātmikāstā yamunātaṭānte tavānucakruḥ kila ceṣṭitāni |

vicitya bhūyo'pi tathaiva mānāttvayā vimuktāṃ dadṛśuśca rādhām ||7||

tataḥ samaṃ tā vipine samantāttamovatārāvadhi mārgayantyaḥ |

punarvimiśrā yamunātaṭānte bhṛśaṃ vilepuśca jagurguṇāṃste ||8||

tathā vyathāsaṅkulamānasānāṃ vrajāṅganānāṃ karuṇaikasindho |

jagattrayīmohanamohanātmā tvaṃ prādurāsīrayi mandahāsī ||9||

sandigdhasandarśanamātmakāntaṃ tvāṃ vīkṣya tanvyaḥ sahasā tadānīm |

kiṃ kiṃ na cakruḥ pramadātibhārāt sa tvaṃ gadāt pālaya māruteśa ||10||