Narayana Ashtakshari Stuti

ॐ

ನಾರಾಯಣ ಅಷ್ಟಾಕ್ಷರೀ ಸ್ತುತಿ

Vishnu Kannada

ಓಂ ನಮಃ ಪ್ರಣವಾರ್ಥಾರ್ಥ ಸ್ಥೂಲಸೂಕ್ಷ್ಮ ಕ್ಷರಾಕ್ಷರ

ವ್ಯಕ್ತಾವ್ಯಕ್ತ ಕಲಾತೀತ ಓಙ್ಕಾರಾಯ ನಮೋ ನಮಃ ॥ 1 ॥

ನಮೋ ದೇವಾದಿದೇವಾಯ ದೇಹಸಞ್ಚಾರಹೇತವೇ

ದೈತ್ಯಸಙ್ಘವಿನಾಶಾಯ ನಕಾರಾಯ ನಮೋ ನಮಃ ॥ 2 ॥

ಮೋಹನಂ ವಿಶ್ವರೂಪಂ ಚ ಶಿಷ್ಟಾಚಾರಸುಪೋಷಿತಮ್

ಮೋಹವಿಧ್ವಂಸಕಂ ವನ್ದೇ ಮೋಕಾರಾಯ ನಮೋ ನಮಃ ॥ 3 ॥

ನಾರಾಯಣಾಯ ನವ್ಯಾಯ ನರಸಿಂಹಾಯ ನಾಮಿನೇ

ನಾದಾಯ ನಾದಿನೇ ತುಭ್ಯಂ ನಾಕಾರಾಯ ನಮೋ ನಮಃ ॥ 4 ॥

ರಾಮಚನ್ದ್ರಂ ರಘುಪತಿಂ ಪಿತ್ರಾಜ್ಞಾಪರಿಪಾಲಕಮ್

ಕೌಸಲ್ಯಾತನಯಂ ವನ್ದೇ ರಾಕಾರಾಯ ನಮೋ ನಮಃ ॥ 5 ॥

ಯಜ್ಞಾಯ ಯಜ್ಞಗಮ್ಯಾಯ ಯಜ್ಞರಕ್ಷಾಕರಾಯ ಚ

ಯಜ್ಞಾಙ್ಗರೂಪಿಣೇ ತುಭ್ಯಂ ಯಕಾರಾಯ ನಮೋ ನಮಃ ॥ 6 ॥

ಣಾಕಾರಂ ಲೋಕವಿಖ್ಯಾತಂ ನಾನಾಜನ್ಮಫಲಪ್ರದಮ್

ನಾನಾಭೀಷ್ಟಪ್ರದಂ ವನ್ದೇ ಣಾಕಾರಾಯ ನಮೋ ನಮಃ ॥ 7 ॥

ಯಜ್ಞಕರ್ತ್ರೇ ಯಜ್ಞಭರ್ತ್ರೇ ಯಜ್ಞರೂಪಾಯ ತೇ ನಮಃ

ಸುಜ್ಞಾನಗೋಚರಾಯಾಽಸ್ತು ಯಕಾರಾಯ ನಮೋ ನಮಃ ॥ 8 ॥

ಇತಿ ಶ್ರೀ ನಾರಾಯಣ ಅಷ್ಟಾಕ್ಷರೀ ಸ್ತುತಿಃ ।

Roman (IAST) Transliteration

oṃ namaḥ praṇavārthārtha sthūlasūkṣma kṣarākṣara

vyaktāvyakta kalātīta oṅkārāya namo namaḥ || 1 ||

namo devādidevāya dehasañcārahetave

daityasaṅghavināśāya nakārāya namo namaḥ || 2 ||

mohanaṃ viśvarūpaṃ ca śiṣṭācārasupoṣitam

mohavidhvaṃsakaṃ vande mokārāya namo namaḥ || 3 ||

nārāyaṇāya navyāya narasiṃhāya nāmine

nādāya nādine tubhyaṃ nākārāya namo namaḥ || 4 ||

rāmacandraṃ raghupatiṃ pitrājñāparipālakam

kausalyātanayaṃ vande rākārāya namo namaḥ || 5 ||

yajñāya yajñagamyāya yajñarakṣākarāya ca

yajñāṅgarūpiṇe tubhyaṃ yakārāya namo namaḥ || 6 ||

ṇākāraṃ lokavikhyātaṃ nānājanmaphalapradam

nānābhīṣṭapradaṃ vande ṇākārāya namo namaḥ || 7 ||

yajñakartre yajñabhartre yajñarūpāya te namaḥ

sujñānagocarāyā'stu yakārāya namo namaḥ || 8 ||

iti śrī nārāyaṇa aṣṭākṣarī stutiḥ |