Murari Pancha Ratna Stotram

ॐ

ಮುರಾರಿ ಪಞ್ಚ ರತ್ನ ಸ್ತೋತ್ರಮ್

Pancharatnam Kannada

ಯತ್ಸೇವನೇನ ಪಿತೃಮಾತೃಸಹೋದರಾಣಾಂ

ಚಿತ್ತಂ ನ ಮೋಹಮಹಿಮಾ ಮಲಿನಂ ಕರೋತಿ ।

ಇತ್ಥಂ ಸಮೀಕ್ಷ್ಯ ತವ ಭಕ್ತಜನಾನ್ಮುರಾರೇ

ಮೂಕೋಽಸ್ಮಿ ತೇಽಙ್ಘ್ರಿಕಮಲಂ ತದತೀವ ಧನ್ಯಮ್ ॥ 1 ॥

ಯೇ ಯೇ ವಿಲಗ್ನಮನಸಃ ಸುಖಮಾಪ್ತುಕಾಮಾಃ

ತೇ ತೇ ಭವನ್ತಿ ಜಗದುದ್ಭವಮೋಹಶೂನ್ಯಾಃ ।

ದೃಷ್ಟ್ವಾ ವಿನಷ್ಟಧನಧಾನ್ಯಗೃಹಾನ್ಮುರಾರೇ

ಮೂಕೋಽಸ್ಮಿ ತೇಽಙ್ಘ್ರಿಕಮಲಂ ತದತೀವ ಧನ್ಯಮ್ ॥ 2 ॥

ವಸ್ತ್ರಾಣಿ ದಿಗ್ವಲಯಮಾವಸತಿಃ ಶ್ಮಶಾನೇ

ಪಾತ್ರಂ ಕಪಾಲಮಪಿ ಮುಣ್ಡವಿಭೂಷಣಾನಿ ।

ರುದ್ರೇ ಪ್ರಸಾದಮಚಲಂ ತವ ವೀಕ್ಷ್ಯ ಶೌರೇ

ಮೂಕೋಽಸ್ಮಿ ತೇಽಙ್ಘ್ರಿಕಮಲಂ ತದತೀವ ಧನ್ಯಮ್ ॥ 3 ॥

ಯತ್ಕೀರ್ತಿಗಾಯನಪರಸ್ಯ ವಿಧಾತೃಸೂನೋಃ

ಕೌಪೀನಮೈಣಮಜಿನಂ ವಿಪುಲಾಂ ವಿಭೂತಿಮ್ ।

ಸ್ವಸ್ಯಾರ್ಥ ದಿಗ್ಭ್ರಮಣಮೀಕ್ಷ್ಯ ತು ಸಾರ್ವಕಾಲಂ

ಮೂಕೋಽಸ್ಮಿ ತೇಽಙ್ಘ್ರಿಕಮಲಂ ತದತೀವ ಧನ್ಯಮ್ ॥ 4 ॥

ಯದ್ವೀಕ್ಷಣೇ ಧೃತಧಿಯಾಮಶನಂ ಫಲಾದಿ

ವಾಸೋಽಪಿ ನಿರ್ಜಿನವನೇ ಗಿರಿಕನ್ದರಾಸು ।

ವಾಸಾಂಸಿ ವಲ್ಕಲಮಯಾನಿ ವಿಲೋಕ್ಯ ಚೈವಂ

ಮೂಕೋಽಸ್ಮಿ ತೇಽಙ್ಘ್ರಿಕಮಲಂ ತದತೀವ ಧನ್ಯಮ್ ॥ 5 ॥

ಸ್ತೋತ್ರಂ ಪಾದಾಮ್ಬುಜಸ್ಯೈತಚ್ಛ್ರೀಶಸ್ಯ ವಿಜಿತೇನ್ದ್ರಿಯಃ ।

ಪಠಿತ್ವಾ ತತ್ಪದಂ ಯಾತಿ ಶ್ಲೋಕಾರ್ಥಜ್ಞಸ್ತು ಯೋ ನರಃ ॥ 6 ॥

ಇತಿ ಮುರಾರಿ ಪಞ್ಚರತ್ನಮ್ ।

Roman (IAST) Transliteration

yatsevanena pitṛmātṛsahodarāṇāṃ

cittaṃ na mohamahimā malinaṃ karoti |

itthaṃ samīkṣya tava bhaktajanānmurāre

mūko'smi te'ṅghrikamalaṃ tadatīva dhanyam || 1 ||

ye ye vilagnamanasaḥ sukhamāptukāmāḥ

te te bhavanti jagadudbhavamohaśūnyāḥ |

dṛṣṭvā vinaṣṭadhanadhānyagṛhānmurāre

mūko'smi te'ṅghrikamalaṃ tadatīva dhanyam || 2 ||

vastrāṇi digvalayamāvasatiḥ śmaśāne

pātraṃ kapālamapi muṇḍavibhūṣaṇāni |

rudre prasādamacalaṃ tava vīkṣya śaure

mūko'smi te'ṅghrikamalaṃ tadatīva dhanyam || 3 ||

yatkīrtigāyanaparasya vidhātṛsūnoḥ

kaupīnamaiṇamajinaṃ vipulāṃ vibhūtim |

svasyārtha digbhramaṇamīkṣya tu sārvakālaṃ

mūko'smi te'ṅghrikamalaṃ tadatīva dhanyam || 4 ||

yadvīkṣaṇe dhṛtadhiyāmaśanaṃ phalādi

vāso'pi nirjinavane girikandarāsu |

vāsāṃsi valkalamayāni vilokya caivaṃ

mūko'smi te'ṅghrikamalaṃ tadatīva dhanyam || 5 ||

stotraṃ pādāmbujasyaitacchrīśasya vijitendriyaḥ |

paṭhitvā tatpadaṃ yāti ślokārthajñastu yo naraḥ || 6 ||

iti murāri pañcaratnam |