Manikarnikashtakam — InfoLyter.in

ॐ

ಮಣಿಕರ್ಣಿಕಾಷ್ಟಕಮ್

Manikarnikashtakam

Ashtakam Kannada

ತ್ವತ್ತೀರೇ ಮಣಿಕರ್ಣಿಕೇ ಹರಿಹರೌ ಸಾಯುಜ್ಯಮುಕ್ತಿಪ್ರದೌ

ವಾದನ್ತೌ ಕುರುತಃ ಪರಸ್ಪರಮುಭೌ ಜನ್ತೋಃ ಪ್ರಯಾಣೋತ್ಸವೇ ।

ಮದ್ರೂಪೋ ಮನುಜೋಽಯಮಸ್ತು ಹರಿಣಾ ಪ್ರೋಕ್ತಃ ಶಿವಸ್ತತ್ಕ್ಷಣಾ-

ತ್ತನ್ಮಧ್ಯಾದ್ಭೃಗುಲಾಞ್ಛನೋ ಗರುಡಗಃ ಪೀತಾಮ್ಬರೋ ನಿರ್ಗತಃ ॥ 1 ॥

ಇನ್ದ್ರಾದ್ಯಾಸ್ತ್ರಿದಶಾಃ ಪತನ್ತಿ ನಿಯತಂ ಭೋಗಕ್ಷಯೇ ಯೇ ಪುನ-

ರ್ಜಾಯನ್ತೇ ಮನುಜಾಸ್ತತೋಪಿ ಪಶವಃ ಕೀಟಾಃ ಪತಙ್ಗಾದಯಃ ।

ಯೇ ಮಾತರ್ಮಣಿಕರ್ಣಿಕೇ ತವ ಜಲೇ ಮಜ್ಜನ್ತಿ ನಿಷ್ಕಲ್ಮಷಾಃ

ಸಾಯುಜ್ಯೇಽಪಿ ಕಿರೀಟಕೌಸ್ತುಭಧರಾ ನಾರಾಯಣಾಃ ಸ್ಯುರ್ನರಾಃ ॥ 2 ॥

ಕಾಶೀ ಧನ್ಯತಮಾ ವಿಮುಕ್ತನಗರೀ ಸಾಲಙ್ಕೃತಾ ಗಙ್ಗಯಾ

ತತ್ರೇಯಂ ಮಣಿಕರ್ಣಿಕಾ ಸುಖಕರೀ ಮುಕ್ತಿರ್ಹಿ ತತ್ಕಿಙ್ಕರೀ ।

ಸ್ವರ್ಲೋಕಸ್ತುಲಿತಃ ಸಹೈವ ವಿಬುಧೈಃ ಕಾಶ್ಯಾ ಸಮಂ ಬ್ರಹ್ಮಣಾ

ಕಾಶೀ ಕ್ಷೋಣಿತಲೇ ಸ್ಥಿತಾ ಗುರುತರಾ ಸ್ವರ್ಗೋ ಲಘುತ್ವಂ ಗತಃ ॥ 3 ॥

ಗಙ್ಗಾತೀರಮನುತ್ತಮಂ ಹಿ ಸಕಲಂ ತತ್ರಾಪಿ ಕಾಶ್ಯುತ್ತಮಾ

ತಸ್ಯಾಂ ಸಾ ಮಣಿಕರ್ಣಿಕೋತ್ತಮತಮಾ ಯೇತ್ರೇಶ್ವರೋ ಮುಕ್ತಿದಃ ।

ದೇವಾನಾಮಪಿ ದುರ್ಲಭಂ ಸ್ಥಲಮಿದಂ ಪಾಪೌಘನಾಶಕ್ಷಮಂ

ಪೂರ್ವೋಪಾರ್ಜಿತಪುಣ್ಯಪುಞ್ಜಗಮಕಂ ಪುಣ್ಯೈರ್ಜನೈಃ ಪ್ರಾಪ್ಯತೇ ॥ 4 ॥

ದುಃಖಾಮ್ಭೋಧಿಗತೋ ಹಿ ಜನ್ತುನಿವಹಸ್ತೇಷಾಂ ಕಥಂ ನಿಷ್ಕೃತಿಃ

ಜ್ಞಾತ್ವಾ ತದ್ಧಿ ವಿರಿಞ್ಚಿನಾ ವಿರಚಿತಾ ವಾರಾಣಸೀ ಶರ್ಮದಾ ।

ಲೋಕಾಃಸ್ವರ್ಗಸುಖಾಸ್ತತೋಽಪಿ ಲಘವೋ ಭೋಗಾನ್ತಪಾತಪ್ರದಾಃ

ಕಾಶೀ ಮುಕ್ತಿಪುರೀ ಸದಾ ಶಿವಕರೀ ಧರ್ಮಾರ್ಥಮೋಕ್ಷಪ್ರದಾ ॥ 5 ॥

ಏಕೋ ವೇಣುಧರೋ ಧರಾಧರಧರಃ ಶ್ರೀವತ್ಸಭೂಷಾಧರಃ

ಯೋಽಪ್ಯೇಕಃ ಕಿಲ ಶಙ್ಕರೋ ವಿಷಧರೋ ಗಙ್ಗಾಧರೋ ಮಾಧವಃ ।

ಯೇ ಮಾತರ್ಮಣಿಕರ್ಣಿಕೇ ತವ ಜಲೇ ಮಜ್ಜನ್ತಿ ತೇ ಮಾನವಾಃ

ರುದ್ರಾ ವಾ ಹರಯೋ ಭವನ್ತಿ ಬಹವಸ್ತೇಷಾಂ ಬಹುತ್ವಂ ಕಥಮ್ ॥ 6 ॥

ತ್ವತ್ತೀರೇ ಮರಣಂ ತು ಮಙ್ಗಲಕರಂ ದೇವೈರಪಿ ಶ್ಲಾಘ್ಯತೇ

ಶಕ್ರಸ್ತಂ ಮನುಜಂ ಸಹಸ್ರನಯನೈರ್ದ್ರಷ್ಟುಂ ಸದಾ ತತ್ಪರಃ ।

ಆಯಾನ್ತಂ ಸವಿತಾ ಸಹಸ್ರಕಿರಣೈಃ ಪ್ರತ್ಯುದ್ಗತೋಽಭೂತ್ಸದಾ

ಪುಣ್ಯೋಽಸೌ ವೃಷಗೋಽಥವಾ ಗರುಡಗಃ ಕಿಂ ಮನ್ದಿರಂ ಯಾಸ್ಯತಿ ॥ 7 ॥

ಮಧ್ಯಾಹ್ನೇ ಮಣಿಕರ್ಣಿಕಾಸ್ನಪನಜಂ ಪುಣ್ಯಂ ನ ವಕ್ತುಂ ಕ್ಷಮಃ

ಸ್ವೀಯೈರಬ್ಧಶತೈಶ್ಚತುರ್ಮುಖಧರೋ ವೇದಾರ್ಥದೀಕ್ಷಾಗುರುಃ ।

ಯೋಗಾಭ್ಯಾಸಬಲೇನ ಚನ್ದ್ರಶಿಖರಸ್ತತ್ಪುಣ್ಯಪಾರಙ್ಗತ-

ಸ್ತ್ವತ್ತೀರೇ ಪ್ರಕರೋತಿ ಸುಪ್ತಪುರುಷಂ ನಾರಾಯಣಂ ವಾ ಶಿವಮ್ ॥ 8 ॥

ಕೃಚ್ಛ್ರೈ ಕೋಟಿಶತೈಃ ಸ್ವಪಾಪನಿಧನಂ ಯಚ್ಚಾಶ್ವಮೇಧೈಃ ಫಲಂ

ತತ್ಸರ್ವೇ ಮಣಿಕರ್ಣಿಕಾಸ್ನಪನಜೇ ಪುಣ್ಯೇ ಪ್ರವಿಷ್ಟಂ ಭವೇತ್ ।

ಸ್ನಾತ್ವಾ ಸ್ತೋತ್ರಮಿದಂ ನರಃ ಪಠತಿ ಚೇತ್ಸಂಸಾರಪಾಥೋನಿಧಿಂ

ತೀರ್ತ್ವಾ ಪಲ್ವಲವತ್ಪ್ರಯಾತಿ ಸದನಂ ತೇಜೋಮಯಂ ಬ್ರಹ್ಮಣಃ ॥ 9 ॥

Roman (IAST) Transliteration

tvattīre maṇikarṇike hariharau sāyujyamuktipradau

vādantau kurutaḥ parasparamubhau jantoḥ prayāṇotsave |

madrūpo manujo'yamastu hariṇā proktaḥ śivastatkṣaṇā-

ttanmadhyādbhṛgulāñchano garuḍagaḥ pītāmbaro nirgataḥ || 1 ||

indrādyāstridaśāḥ patanti niyataṃ bhogakṣaye ye puna-

rjāyante manujāstatopi paśavaḥ kīṭāḥ pataṅgādayaḥ |

ye mātarmaṇikarṇike tava jale majjanti niṣkalmaṣāḥ

sāyujye'pi kirīṭakaustubhadharā nārāyaṇāḥ syurnarāḥ || 2 ||

kāśī dhanyatamā vimuktanagarī sālaṅkṛtā gaṅgayā

tatreyaṃ maṇikarṇikā sukhakarī muktirhi tatkiṅkarī |

svarlokastulitaḥ sahaiva vibudhaiḥ kāśyā samaṃ brahmaṇā

kāśī kṣoṇitale sthitā gurutarā svargo laghutvaṃ gataḥ || 3 ||

gaṅgātīramanuttamaṃ hi sakalaṃ tatrāpi kāśyuttamā

tasyāṃ sā maṇikarṇikottamatamā yetreśvaro muktidaḥ |

devānāmapi durlabhaṃ sthalamidaṃ pāpaughanāśakṣamaṃ

pūrvopārjitapuṇyapuñjagamakaṃ puṇyairjanaiḥ prāpyate || 4 ||

duḥkhāmbhodhigato hi jantunivahasteṣāṃ kathaṃ niṣkṛtiḥ

jñātvā taddhi viriñcinā viracitā vārāṇasī śarmadā |

lokāḥsvargasukhāstato'pi laghavo bhogāntapātapradāḥ

kāśī muktipurī sadā śivakarī dharmārthamokṣapradā || 5 ||

eko veṇudharo dharādharadharaḥ śrīvatsabhūṣādharaḥ

yo'pyekaḥ kila śaṅkaro viṣadharo gaṅgādharo mādhavaḥ |

ye mātarmaṇikarṇike tava jale majjanti te mānavāḥ

rudrā vā harayo bhavanti bahavasteṣāṃ bahutvaṃ katham || 6 ||

tvattīre maraṇaṃ tu maṅgalakaraṃ devairapi ślāghyate

śakrastaṃ manujaṃ sahasranayanairdraṣṭuṃ sadā tatparaḥ |

āyāntaṃ savitā sahasrakiraṇaiḥ pratyudgato'bhūtsadā

puṇyo'sau vṛṣago'thavā garuḍagaḥ kiṃ mandiraṃ yāsyati || 7 ||

madhyāhne maṇikarṇikāsnapanajaṃ puṇyaṃ na vaktuṃ kṣamaḥ

svīyairabdhaśataiścaturmukhadharo vedārthadīkṣāguruḥ |

yogābhyāsabalena candraśikharastatpuṇyapāraṅgata-

stvattīre prakaroti suptapuruṣaṃ nārāyaṇaṃ vā śivam || 8 ||

kṛcchrai koṭiśataiḥ svapāpanidhanaṃ yaccāśvamedhaiḥ phalaṃ

tatsarve maṇikarṇikāsnapanaje puṇye praviṣṭaṃ bhavet |

snātvā stotramidaṃ naraḥ paṭhati cetsaṃsārapāthonidhiṃ

tīrtvā palvalavatprayāti sadanaṃ tejomayaṃ brahmaṇaḥ || 9 ||