Mahashashta Anugraha Kavacham

ॐ

ಮಹಾಶಾಶ್ತಾ ಅನುಗ್ರಹ ಕವಚಮ್

Ayyappa Kavacham Kannada

ಶ್ರೀದೇವ್ಯುವಾಚ-

ಭಗವನ್ ದೇವದೇವೇಶ ಸರ್ವಜ್ಞ ತ್ರಿಪುರಾನ್ತಕ ।

ಪ್ರಾಪ್ತೇ ಕಲಿಯುಗೇ ಘೋರೇ ಮಹಾಭೂತೈಃ ಸಮಾವೃತೇ ॥ 1

ಮಹಾವ್ಯಾಧಿ ಮಹಾವ್ಯಾಲ ಘೋರರಾಜೈಃ ಸಮಾವೃತೇ ।

ದುಃಸ್ವಪ್ನಶೋಕಸನ್ತಾಪೈಃ ದುರ್ವಿನೀತೈಃ ಸಮಾವೃತೇ ॥ 2

ಸ್ವಧರ್ಮವಿರತೇಮಾರ್ಗೇ ಪ್ರವೃತ್ತೇ ಹೃದಿ ಸರ್ವದಾ ।

ತೇಷಾಂ ಸಿದ್ಧಿಂ ಚ ಮುಕ್ತಿಂ ಚ ತ್ವಂ ಮೇ ಬ್ರೂಹಿ ವೃಷದ್ವಜ ॥ 3

ಈಶ್ವರ ಉವಾಚ-

ಶೃಣು ದೇವಿ ಮಹಾಭಾಗೇ ಸರ್ವಕಲ್ಯಾಣಕಾರಣೇ ।

ಮಹಾಶಾಸ್ತುಶ್ಚ ದೇವೇಶಿ ಕವಚಂ ಪುಣ್ಯವರ್ಧನಮ್ ॥ 4

ಅಗ್ನಿಸ್ತಮ್ಭ ಜಲಸ್ತಮ್ಭ ಸೇನಾಸ್ತಮ್ಭ ವಿಧಾಯಕಮ್ ।

ಮಹಾಭೂತಪ್ರಶಮನಂ ಮಹಾವ್ಯಾಧಿನಿವಾರಣಮ್ ॥ 5

ಮಹಾಜ್ಞಾನಪ್ರದಂ ಪುಣ್ಯಂ ವಿಶೇಷಾತ್ ಕಲಿತಾಪಹಮ್ ।

ಸರ್ವರಕ್ಷೋತ್ತಮಂ ಪುಂಸಾಂ ಆಯುರಾರೋಗ್ಯವರ್ಧನಮ್ ॥ 6

ಕಿಮತೋ ಬಹುನೋಕ್ತೇನ ಯಂ ಯಂ ಕಾಮಯತೇ ದ್ವಿಜಃ ।

ತಂ ತಮಾಪ್ನೋತ್ಯಸನ್ದೇಹೋ ಮಹಾಶಾಸ್ತುಃ ಪ್ರಸಾದನಾತ್ ॥ 7

ಕವಚಸ್ಯ ಋಷಿರ್ಬ್ರಹ್ಮಾ ಗಾಯತ್ರೀಃ ಛನ್ದ ಉಚ್ಯತೇ ।

ದೇವತಾ ಶ್ರೀಮಹಾಶಾಸ್ತಾ ದೇವೋ ಹರಿಹರಾತ್ಮಜಃ ॥ 8

ಷಡಙ್ಗಮಾಚರೇದ್ಭಕ್ತ್ಯಾ ಮಾತ್ರಯಾ ಜಾತಿಯುಕ್ತಯಾ ।

ಧ್ಯಾನಮಸ್ಯ ಪ್ರವಕ್ಷ್ಯಾಮಿ ಶೃಣುಷ್ವಾವಹಿತಾ ಪ್ರಿಯೇ ॥ 9

ಅಸ್ಯ ಶ್ರೀ ಮಹಾಶಾಸ್ತುಃ ಕವಚಮನ್ತ್ರಸ್ಯ । ಬ್ರಹ್ಮಾ ಋಷಿಃ । ಗಾಯತ್ರೀಃ ಛನ್ದಃ । ಮಹಾಶಾಸ್ತಾ ದೇವತಾ । ಹ್ರಾಂ ಬೀಜಮ್ । ಹ್ರೀಂ ಶಕ್ತಿಃ । ಹ್ರೂಂ ಕೀಲಕಮ್ । ಶ್ರೀ ಮಹಾಶಾಸ್ತುಃ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಹ್ರಾಂ ಇತ್ಯಾದಿ ಷಡಙ್ಗನ್ಯಾಸಃ ॥

ಧ್ಯಾನಮ್-

ತೇಜೋಮಣ್ಡಲಮಧ್ಯಗಂ ತ್ರಿನಯನಂ ದಿವ್ಯಾಮ್ಬರಾಲಙ್ಕೃತಂ

ದೇವಂ ಪುಷ್ಪಶರೇಕ್ಷುಕಾರ್ಮುಕ ಲಸನ್ಮಾಣಿಕ್ಯಪಾತ್ರಾಽಭಯಮ್ ।

ಬಿಭ್ರಾಣಂ ಕರಪಙ್ಕಜೈಃ ಮದಗಜ ಸ್ಕನ್ಧಾಧಿರೂಢಂ ವಿಭುಂ

ಶಾಸ್ತಾರಂ ಶರಣಂ ಭಜಾಮಿ ಸತತಂ ತ್ರೈಲೋಕ್ಯ ಸಮ್ಮೋಹನಮ್ ॥

ಮಹಾಶಾಸ್ತಾ ಶಿರಃ ಪಾತು ಫಾಲಂ ಹರಿಹರಾತ್ಮಜಃ ।

ಕಾಮರೂಪೀ ದೃಶಂ ಪಾತು ಸರ್ವಜ್ಞೋ ಮೇ ಶ್ರುತಿಂ ಸದಾ ॥ 1

ಘ್ರಾಣಂ ಪಾತು ಕೃಪಾಧ್ಯಕ್ಷಃ ಮುಖಂ ಗೌರೀಪ್ರಿಯಃ ಸದಾ ।

ವೇದಾಧ್ಯಾಯೀ ಚ ಮೇ ಜಿಹ್ವಾಂ ಪಾತು ಮೇ ಚಿಬುಕಂ ಗುರುಃ ॥ 2

ಕಣ್ಠಂ ಪಾತು ವಿಶುದ್ಧಾತ್ಮಾ ಸ್ಕನ್ಧೌ ಪಾತು ಸುರಾರ್ಚಿತಃ ।

ಬಾಹೂ ಪಾತು ವಿರೂಪಾಕ್ಷಃ ಕರೌ ತು ಕಮಲಾಪ್ರಿಯಃ ॥ 3

ಭೂತಾಧಿಪೋ ಮೇ ಹೃದಯಂ ಮಧ್ಯಂ ಪಾತು ಮಹಾಬಲಃ ।

ನಾಭಿಂ ಪಾತು ಮಹಾವೀರಃ ಕಮಲಾಕ್ಷೋಽವತು ಕಟಿಮ್ ॥ 4

ಸನೀಪಂ ಪಾತು ವಿಶ್ವೇಶಃ ಗುಹ್ಯಂ ಗುಹ್ಯಾರ್ಥವಿತ್ಸದಾ ।

ಊರೂ ಪಾತು ಗಜಾರೂಢಃ ವಜ್ರಧಾರೀ ಚ ಜಾನುನೀ ॥ 5

ಜಙ್ಘೇ ಪಾತ್ವಙ್ಕುಶಧರಃ ಪಾದೌ ಪಾತು ಮಹಾಮತಿಃ ।

ಸರ್ವಾಙ್ಗಂ ಪಾತು ಮೇ ನಿತ್ಯಂ ಮಹಾಮಾಯಾವಿಶಾರದಃ ॥ 6

ಇತೀದಂ ಕವಚಂ ಪುಣ್ಯಂ ಸರ್ವಾಘೌಘನಿಕೃನ್ತನಮ್ ।

ಮಹಾವ್ಯಾಧಿಪ್ರಶಮನಂ ಮಹಾಪಾತಕನಾಶನಮ್ ॥ 7

ಜ್ಞಾನವೈರಾಗ್ಯದಂ ದಿವ್ಯಮಣಿಮಾದಿವಿಭೂಷಿತಮ್ ।

ಆಯುರಾರೋಗ್ಯಜನನಂ ಮಹಾವಶ್ಯಕರಂ ಪರಮ್ ॥ 8

ಯಂ ಯಂ ಕಾಮಯತೇ ಕಾಮಂ ತಂ ತಮಾಪ್ನೋತ್ಯಸಂಶಯಃ ।

ತ್ರಿಸನ್ಧ್ಯಂ ಯಃ ಪಠೇದ್ವಿದ್ವಾನ್ ಸ ಯಾತಿ ಪರಮಾಂ ಗತಿಮ್ ॥

ಇತಿ ಶ್ರೀ ಮಹಾಶಾಸ್ತಾ ಅನುಗ್ರಹ ಕವಚಮ್ ।

Roman (IAST) Transliteration

śrīdevyuvāca-

bhagavan devadeveśa sarvajña tripurāntaka |

prāpte kaliyuge ghore mahābhūtaiḥ samāvṛte || 1

mahāvyādhi mahāvyāla ghorarājaiḥ samāvṛte |

duḥsvapnaśokasantāpaiḥ durvinītaiḥ samāvṛte || 2

svadharmaviratemārge pravṛtte hṛdi sarvadā |

teṣāṃ siddhiṃ ca muktiṃ ca tvaṃ me brūhi vṛṣadvaja || 3

īśvara uvāca-

śṛṇu devi mahābhāge sarvakalyāṇakāraṇe |

mahāśāstuśca deveśi kavacaṃ puṇyavardhanam || 4

agnistambha jalastambha senāstambha vidhāyakam |

mahābhūtapraśamanaṃ mahāvyādhinivāraṇam || 5

mahājñānapradaṃ puṇyaṃ viśeṣāt kalitāpaham |

sarvarakṣottamaṃ puṃsāṃ āyurārogyavardhanam || 6

kimato bahunoktena yaṃ yaṃ kāmayate dvijaḥ |

taṃ tamāpnotyasandeho mahāśāstuḥ prasādanāt || 7

kavacasya ṛṣirbrahmā gāyatrīḥ chanda ucyate |

devatā śrīmahāśāstā devo hariharātmajaḥ || 8

ṣaḍaṅgamācaredbhaktyā mātrayā jātiyuktayā |

dhyānamasya pravakṣyāmi śṛṇuṣvāvahitā priye || 9

asya śrī mahāśāstuḥ kavacamantrasya | brahmā ṛṣiḥ | gāyatrīḥ chandaḥ | mahāśāstā devatā | hrāṃ bījam | hrīṃ śaktiḥ | hrūṃ kīlakam | śrī mahāśāstuḥ prasāda siddhyarthe jape viniyogaḥ ||

hrāṃ ityādi ṣaḍaṅganyāsaḥ ||

dhyānam-

tejomaṇḍalamadhyagaṃ trinayanaṃ divyāmbarālaṅkṛtaṃ

devaṃ puṣpaśarekṣukārmuka lasanmāṇikyapātrā'bhayam |

bibhrāṇaṃ karapaṅkajaiḥ madagaja skandhādhirūḍhaṃ vibhuṃ

śāstāraṃ śaraṇaṃ bhajāmi satataṃ trailokya sammohanam ||

mahāśāstā śiraḥ pātu phālaṃ hariharātmajaḥ |

kāmarūpī dṛśaṃ pātu sarvajño me śrutiṃ sadā || 1

ghrāṇaṃ pātu kṛpādhyakṣaḥ mukhaṃ gaurīpriyaḥ sadā |

vedādhyāyī ca me jihvāṃ pātu me cibukaṃ guruḥ || 2

kaṇṭhaṃ pātu viśuddhātmā skandhau pātu surārcitaḥ |

bāhū pātu virūpākṣaḥ karau tu kamalāpriyaḥ || 3

bhūtādhipo me hṛdayaṃ madhyaṃ pātu mahābalaḥ |

nābhiṃ pātu mahāvīraḥ kamalākṣo'vatu kaṭim || 4

sanīpaṃ pātu viśveśaḥ guhyaṃ guhyārthavitsadā |

ūrū pātu gajārūḍhaḥ vajradhārī ca jānunī || 5

jaṅghe pātvaṅkuśadharaḥ pādau pātu mahāmatiḥ |

sarvāṅgaṃ pātu me nityaṃ mahāmāyāviśāradaḥ || 6

itīdaṃ kavacaṃ puṇyaṃ sarvāghaughanikṛntanam |

mahāvyādhipraśamanaṃ mahāpātakanāśanam || 7

jñānavairāgyadaṃ divyamaṇimādivibhūṣitam |

āyurārogyajananaṃ mahāvaśyakaraṃ param || 8

yaṃ yaṃ kāmayate kāmaṃ taṃ tamāpnotyasaṃśayaḥ |

trisandhyaṃ yaḥ paṭhedvidvān sa yāti paramāṃ gatim ||

iti śrī mahāśāstā anugraha kavacam |