3.2 - Dashapurnamaseshtibrahmanam - Krishna Yajurveda Taittiriya Brahmana Pathah - Tritiyasyamito Divi

ॐ

3.2 - ದಶಪೂರ್ಣಮಾಸೇಷ್ಟಿಬ್ರಾಹ್ಮಣಮ್ - ಕೃಷ್ಣ ಯಜುರ್ವೇದ ತೈತ್ತಿರೀಯ ಬ್ರಾಹ್ಮಣ ಪಾಠಃ - ತೃತೀಯಸ್ಯಾಮಿತೋ ದಿವಿ

Krishna Kannada

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ದ್ವಿತೀಯಃ ಪ್ರಪಾಠಕಃ - ದಶಪೂರ್ಣಮಾಸೇಷ್ಟಿಬ್ರಾಹ್ಮಣಮ್

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಅನುವಾಕಂ 1 - ವಥ್ಸಾಪಾಕರಣಮ್

ತೃ॒ತೀಯ॑ಸ್ಯಾಮಿ॒ತೋ ದಿ॒ವಿ ಸೋಮ॑ ಆಸೀತ್ । ತ-ಙ್ಗಾ॑ಯ॒ತ್ರ್ಯಾಹ॑ರತ್ ।

ತಸ್ಯ॑ ಪ॒ರ್ಣಮ॑ಚ್ಛಿದ್ಯತ । ತ-ತ್ಪ॒ರ್ಣೋ॑-ಽಭವತ್ । ತ-ತ್ಪ॒ರ್ಣಸ್ಯ॑ ಪರ್ಣ॒ತ್ವಮ್ । ಬ್ರಹ್ಮ॒ ವೈ ಪ॒ರ್ಣಃ । ಯ-ತ್ಪ॑ರ್ಣಶಾ॒ಖಯಾ॑ ವ॒ಥ್ಸಾನ॑ಪಾಕ॒ರೋತಿ॑ ।

ಬ್ರಹ್ಮ॑ಣೈ॒ವೈನಾ॑ನ॒ಪಾಕ॑ರೋತಿ ॥ ಗಾ॒ಯ॒ತ್ರೋ ವೈ ಪ॒ರ್ಣಃ । ಗಾ॒ಯ॒ತ್ರಾಃ ಪ॒ಶವಃ॑ ॥ 1 ॥

ತಸ್ಮಾ॒-ತ್ತ್ರೀಣಿ॑ತ್ರೀಣಿ ಪ॒ರ್ಣಸ್ಯ॑ ಪಲಾ॒ಶಾನಿ॑ । ತ್ರಿ॒ಪದಾ॑ ಗಾಯ॒ತ್ರೀ । ಯ-ತ್ಪ॑ರ್ಣಶ॒ಖಯಾ॒ ಗಾಃ ಪ್ರಾ॒ರ್ಪಯ॑ತಿ । ಸ್ವಯೈ॒ವೈನಾ॑ ದೇ॒ವತ॑ಯಾ॒ ಪ್ರಾರ್ಪ॑ಯತಿ । ಯ-ಙ್ಕಾ॒ಮಯೇ॑ತಾ ಪ॒ಶು-ಸ್ಸ್ಯಾ॒ದಿತಿ॑ । ಅ॒ಪ॒ರ್ಣಾ-ನ್ತಸ್ಮೈ॒ ಶುಷ್ಕಾ᳚ಗ್ರಾ॒ಮಾಹ॑ರೇತ್ ।

ಅ॒ಪ॒ಶುರೇ॒ವ ಭ॑ವತಿ । ಯ-ಙ್ಕಾ॒ಮಯೇ॑ತ ಪಶು॒ಮಾನ್-ಥ್ಸ್ಯಾ॒ದಿತಿ॑ । ಬ॒ಹು॒ಪ॒ರ್ಣಾ-ನ್ತಸ್ಮೈ॑ ಬಹುಶಾ॒ಖಾಮಾಹ॑ರೇತ್ । ಪ॒ಶು॒ಮನ್ತ॑-ಮೇ॒ವೈನ॑-ಙ್ಕರೋತಿ ॥ 2 ॥

ಯ-ತ್ಪ್ರಾಚೀ॑ಮಾ॒ಹರೇ᳚ತ್ । ದೇ॒ವ॒ಲೋ॒ಕ-ಮ॒ಭಿಜ॑ಯೇತ್ । ಯದುದೀ॑ಚೀ-ಮ್ಮನುಷ್ಯಲೋ॒ಕಮ್ । ಪ್ರಾಚೀ॒ಮುದೀ॑ಚೀ॒ಮಾಹ॑ರತಿ । ಉ॒ಭಯೋ᳚-ರ್ಲೋ॒ಕಯೋ॑-ರ॒ಭಿಜಿ॑ತ್ಯೈ ॥ ಇ॒ಷೇ ತ್ವೋ॒ರ್ಜೇ ತ್ವೇತ್ಯಾ॑ಹ । ಇಷ॑ಮೇ॒ವೋರ್ಜಂ॒-ಯಁಜ॑ಮಾನೇ ದಧಾತಿ ॥

ವಾ॒ಯವ॒-ಸ್ಸ್ಥೇತ್ಯಾ॑ಹ । ವಾ॒ಯುರ್ವಾ ಅ॒ನ್ತರಿ॑ಕ್ಷ॒-ಸ್ಯಾದ್ಧ್ಯ॑ಕ್ಷಾಃ ।

ಅ॒ನ್ತ॒ರಿ॒ಕ್ಷ॒ದೇ॒ವ॒ತ್ಯಾಃ᳚ ಖಲು॒ ವೈ ಪ॒ಶವಃ॑ ॥ 3 ॥

ವಾ॒ಯವ॑ ಏ॒ವೈನಾ॒-ನ್ಪರಿ॑ ದದಾತಿ । ಪ್ರ ವಾ ಏ॑ನಾನೇ॒ತದಾ-ಕ॑ರೋತಿ । ಯದಾಹ॑ । ವಾ॒ಯವ॒-ಸ್ಸ್ಥೇತ್ಯು॑ಪಾ॒ಯವಃ॒

ಸ್ಥೇತ್ಯಾ॑ಹ । ಯಜ॑ಮಾನಾಯೈ॒ವ ಪ॒ಶೂನುಪ॑ಹ್ವಯತೇ ॥

ದೇ॒ವೋ ವಃ॑ ಸವಿ॒ತಾ ಪ್ರಾರ್ಪ॑ಯ॒ತ್ವಿತ್ಯಾ॑ಹ॒ ಪ್ರಸೂ᳚ತ್ಯೈ ॥ ಶ್ರೇಷ್ಠ॑ತಮಾಯ॒ ಕರ್ಮ॑ಣ॒ ಇತ್ಯಾ॑ಹ ।

ಯ॒ಜ್ಞೋ ಹಿ ಶ್ರೇಷ್ಠ॑ತಮ॒-ಙ್ಕರ್ಮ॑ । ತಸ್ಮಾ॑ದೇ॒ವಮಾ॑ಹ ॥

ಆಪ್ಯಾ॑ಯದ್ಧ್ವಮಘ್ನಿಯಾ ದೇವಭಾ॒ಗಮಿತ್ಯಾ॑ಹ ॥ 4 ॥

ವ॒ಥ್ಸೇಭ್ಯ॑ಶ್ಚ॒ ವಾ ಏ॒ತಾಃ ಪು॒ರಾ ಮ॑ನು॒ಷ್ಯೇ᳚ಭ್ಯ॒-ಶ್ಚಾಪ್ಯಾ॑ಯನ್ತ । ದೇ॒ವೇಭ್ಯ॑ ಏ॒ವೈನಾ॒ ಇನ್ದ್ರಾ॒ಯಾಪ್ಯಾ॑ಯತಿ ॥ ಊರ್ಜ॑ಸ್ವತೀಃ॒ ಪಯ॑ಸ್ವತೀ॒ರಿತ್ಯಾ॑ಹ । ಊರ್ಜ॒ಗ್ಂ ॒ಹಿ ಪಯಃ॑ ಸ॒ಮ್ಭರ॑ನ್ತಿ ॥ ಪ್ರ॒ಜಾವ॑ತೀ-ರನಮೀ॒ವಾ ಅ॑ಯ॒ಕ್ಷ್ಮಾ ಇತ್ಯಾ॑ಹ॒ ಪ್ರಜಾ᳚ತ್ಯೈ । ಮಾವಃ॑ ಸ್ತೇ॒ನ ಈ॑ಶತ॒ ಮಾ-ಽಘಶಗ್ಂ॑ಸ॒ ಇತ್ಯಾ॑ಹ॒ ಗುಪ್ತ್ಯೈ᳚ ॥ ರು॒ದ್ರಸ್ಯ॑ ಹೇ॒ತಿಃ ಪರಿ॑ ವೋ ವೃಣ॒ಕ್ತ್ವಿತ್ಯಾ॑ಹ । ರು॒ದ್ರಾ ದೇ॒ವೈನಾ᳚-ಸ್ತ್ರಾಯತೇ ॥

ಧ್ರು॒ವಾ ಅ॒ಸ್ಮಿ-ನ್ಗೋಪ॑ತೌ ಸ್ಯಾತ ಬ॒ಹ್ವೀರಿತ್ಯಾ॑ಹ ।

ಧ್ರು॒ವಾ ಏ॒ವಾಸ್ಮಿ॑-ನ್ಬ॒ಹ್ವೀಃ ಕ॑ರೋತಿ ॥ 5 ॥

ಯಜ॑ಮಾನಸ್ಯ ಪ॒ಶೂ-ನ್ಪಾ॒ಹೀತ್ಯಾ॑ಹ । ಪ॒ಶು॒ನಾ-ಙ್ಗೋ॑ಪೀ॒ಥಾಯ॑ । ತಸ್ಮಾ᳚ಥ್ಸಾ॒ಯ-ಮ್ಪ॒ಶವ॒ ಉಪ॑ ಸ॒ಮಾವ॑ರ್ತನ್ತೇ ॥ ಅನ॑ಧ-ಸ್ಸಾದಯತಿ । ಗರ್ಭಾ॑ಣಾ॒-ನ್ಧೃತ್ಯಾ॒ ಅಪ್ರ॑ಪಾದಾಯ । ತಸ್ಮಾ॒ದ್ಗರ್ಭಾಃ᳚ ಪ್ರ॒ಜಾನಾ॒ಮಪ್ರ॑ಪಾದುಕಾಃ ।

ಉ॒ಪರೀ॑ವ॒ ನಿದ॑ಧಾತಿ । ಉ॒ಪರೀ॑ವ॒ ಹಿ ಸು॑ವ॒ರ್ಗೋ ಲೋ॒ಕಃ ।

ಸು॒ವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ ॥ 6 ॥

(ಪ॒ಶವಃ॑ - ಕರೋತಿ - ಪ॒ಶವೋ॑ - ದೇವಭಾ॒ಗಮಿತ್ಯಾ॑ಹ - ಕರೋತಿ॒ - +ನವ॑ ಚ) (ಅ. 1)

ಅನುವಾಕಂ 2 - ಬರ್ಹಿರಾಹರಣಮ್

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತ್ಯ॑ಶ್ವಪ॒ರ್॒ಶುಮಾದ॑ತ್ತೇ॒ ಪ್ರಸೂ᳚ತ್ಯೈ ।

ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ ।

ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ ।

ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ᳚ ॥ ಯೋ ವಾ ಓಷ॑ಧೀಃ ಪರ್ವ॒ಶೋ ವೇದ॑ । ನೈನಾ॒-ಸ್ಸ ಹಿ॑ನಸ್ತಿ । ಪ್ರ॒ಜಾಪ॑ತಿ॒ರ್ವಾ ಓಷ॑ಧೀಃ ಪರ್ವ॒ಶೋ ವೇ॑ದ । ಸ ಏ॑ನಾ॒ ನ ಹಿ॑ನಸ್ತಿ । ಅ॒ಶ್ವ॒ಪ॒ರ್ಶ್ವಾ ಬ॒ರ್॒ಹಿರಚ್ಛೈ॑ತಿ ।

ಪ್ರಾ॒ಜಾ॒ಪ॒ತ್ಯೋ ವಾ ಅಶ್ವಃ॑ ಸಯೋನಿ॒ತ್ವಾಯ॑ ॥ 7 ॥

ಓಷ॑ಧೀನಾ॒ಮಹಿಗ್ಂ॑ಸಾಯೈ ॥

ಯ॒ಜ್ಞಸ್ಯ॑ ಘೋ॒ಷದ॒ಸೀತ್ಯಾ॑ಹ ।

ಯಜ॑ಮಾನ ಏ॒ವ ರ॒ಯಿ-ನ್ದ॑ಧಾತಿ । ಪ್ರತ್ಯು॑ಷ್ಟ॒ಗ್ಂ॒ ರಕ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯ॒ ಇತ್ಯಾ॑ಹ ।

ರಕ್ಷ॑ಸಾ॒-ಮಪ॑ಹತ್ಯೈ ॥ ಪ್ರೇಯಮ॑ಗಾದ್ಧಿ॒ಷಣಾ॑ ಬ॒ರ್॒ಹಿರಚ್ಛೇತ್ಯಾ॑ಹ । ವಿ॒ದ್ಯಾ ವೈ ಧಿ॒ಷಣಾ᳚ । ವಿ॒ದ್ಯಯೈ॒ವೈನ॒ದಚ್ಛೈ॑ತಿ ॥ ಮನು॑ನಾ ಕೃ॒ತಾ ಸ್ವ॒ಧಯಾ॒ ವಿತ॒ಷ್ಟೇತ್ಯಾ॑ಹ । ಮಾ॒ನ॒ವೀ ಹಿ ಪರ್ಶುಃ॑ ಸ್ವ॒ಧಾಕೃ॑ತಾ ॥ 8 ॥

ತ ಆವ॑ಹನ್ತಿ ಕ॒ವಯಃ॑ ಪು॒ರಸ್ತಾ॒ದಿತ್ಯಾ॑ಹ । ಶು॒ಶ್ರು॒ವಾಗ್ಂಸೋ॒ ವೈ ಕ॒ವಯಃ॑ । ಯ॒ಜ್ಞಃ ಪು॒ರಸ್ತಾ᳚ತ್ । ಮು॒ಖ॒ತ ಏ॒ವ ಯ॒ಜ್ಞಮಾರ॑ಭತೇ । ಅಥೋ॒ ಯದೇ॒ತದು॒ಕ್ತ್ವಾ ಯತಃ॒ ಕುತ॑ಶ್ಚಾ॒ಹರ॑ತಿ । ತ-ತ್ಪ್ರಾಚ್ಯಾ॑ ಏ॒ವ ದಿ॒ಶೋ ಭ॑ವತಿ ॥

ದೇ॒ವೇಭ್ಯೋ॒ ಜುಷ್ಟ॑ಮಿ॒ಹ ಬ॒ರ್॒ಹಿರಾ॒ಸದ॒ ಇತ್ಯಾ॑ಹ । ಬ॒ರ್॒ಹಿಷ॒-ಸ್ಸಮೃ॑ದ್ಧ್ಯೈ । ಕರ್ಮ॒ಣೋ-ಽನ॑ಪರಾಧಾಯ ॥ ದೇ॒ವಾನಾ᳚-ಮ್ಪರಿಷೂ॒ತಮ॒ಸೀತ್ಯಾ॑ಹ ॥ 9 ॥

ಯದ್ವಾ ಇ॒ದ-ಙ್ಕಿ-ಞ್ಚ॑ । ತ-ದ್ದೇ॒ವಾನಾ᳚-ಮ್ಪರಿಷೂ॒ತಮ್ ।

ಅಥೋ॒ ಯಥಾ॒ ವಸ್ಯ॑ಸೇ ಪ್ರತಿ॒ ಪ್ರೋಚ್ಯಾಹೇ॒ದ-ಙ್ಕ॑ರಿಷ್ಯಾ॒ಮೀತಿ॑ । ಏ॒ವಮೇ॒ವ ತದ॑ದ್ಧ್ವ॒ರ್ಯು-ರ್ದೇ॒ವೇಭ್ಯಃ॑ ಪ್ರತಿ॒ ಪ್ರೋಚ್ಯ॑ ಬ॒ರ್॒ಹಿರ್ದಾ॑ತಿ । ಆ॒ತ್ಮನೋ-ಽಹಿಗ್ಂ॑ಸಾಯೈ ॥ ಯಾವ॑ತ-ಸ್ಸ್ತ॒ಮ್ಬಾ-ನ್ಪ॑ರಿ ದಿ॒ಶೇತ್ । ಯತ್ತೇಷಾ॑-ಮುಚ್ಛಿ॒ಗ್ಗ್॒ಷ್ಯಾತ್ । ಅತಿ॒ ತ-ದ್ಯ॒ಜ್ಞಸ್ಯ॑ ರೇಚಯೇತ್ । ಏಕಗ್ಗ್॑ ಸ್ತ॒ಮ್ಬ-ಮ್ಪರಿ॑ದಿಶೇತ್ ।

ತಗ್ಂ ಸರ್ವ॑-ನ್ದಾಯಾತ್ ॥ 10 ॥

ಯ॒ಜ್ಞಸ್ಯಾನ॑ತಿರೇಕಾಯ ॥ ವ॒ರ್॒ಷವೃ॑ದ್ಧ-ಮ॒ಸೀತ್ಯಾ॑ಹ ।

ವ॒ರ್॒ಷ ವೃ॑ದ್ಧಾ॒ ವಾ ಓಷ॑ಧಯಃ ॥

ದೇವ॑ ಬರ್ಹಿ॒ರಿತ್ಯಾ॑ಹ । ದೇ॒ವೇಭ್ಯ॑ ಏ॒ವೈನ॑-ತ್ಕರೋತಿ ।

ಮಾ ತ್ವಾ॒-ಽನ್ವಮ್ಮಾ ತಿ॒ರ್ಯಗಿತ್ಯಾ॒ಹಾ ಹಿಗ್ಂ॑ಸಾಯೈ ।

ಪರ್ವ॑ ತೇ ರಾದ್ಧ್ಯಾಸ॒ಮಿತ್ಯಾ॒-ಹರ್ಧ್ಯೈ᳚ ॥

ಆ॒ಚ್ಛೇ॒ತ್ತಾ ತೇ॒ ಮಾ ರಿ॑ಷ॒ಮಿತ್ಯಾ॑ಹ । ನಾಸ್ಯಾ॒ತ್ಮನೋ॑ ಮೀಯತೇ ।

ಯ ಏ॒ವಂ-ವೇಁದ॑ ॥ 11 ॥

ದೇವ॑ಬರ್ಹಿ-ಶ್ಶ॒ತವ॑ಲ್ಶಂ॒-ವಿಁರೋ॒ಹೇತ್ಯಾ॑ಹ । ಪ್ರ॒ಜಾ ವೈ ಬ॒ರ್॒ಹಿಃ । ಪ್ರ॒ಜಾನಾ᳚-ಮ್ಪ್ರ॒ಜನ॑ನಾಯ ॥ ಸ॒ಹಸ್ರ॑ವಲ್ಶಾ॒ ವಿ ವ॒ಯಗ್ಂ ರು॑ಹೇ॒ಮೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ॥ ಪೃ॒ಥಿ॒ವ್ಯಾ-ಸ್ಸ॒ಪೃಞ್ಚಃ॑ ಪಾ॒ಹೀತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ ॥

ಅಯು॑ಙ್ಗಾಯುಙ್ಗಾ-ನ್ಮು॒ಷ್ಟೀನ್ ಁಲು॑ನೋತಿ । ಮಿ॒ಥು॒ನ॒ತ್ವಾಯ॒ ಪ್ರಜಾ᳚ತ್ಯೈ ॥ ಸು॒ಸ॒ಭೃನ್ತಾ᳚ ತ್ವಾ॒ ಸಮ್ಭ॑ರಾ॒ಮೀತ್ಯಾ॑ಹ । ಬ್ರಹ್ಮ॑ಣೈ॒ವೈನ॒ಥ್- ಸಮ್ಭ॑ರತಿ ॥ 12 ॥

ಅದಿ॑ತ್ಯೈ॒ ರಾಸ್ನಾ॒-ಽಸೀತ್ಯಾ॑ಹ । ಇ॒ಯಂ-ವಾಁ ಅದಿ॑ತಿಃ ।

ಅ॒ಸ್ಯಾ ಏ॒ವೈನ॒-ದ್ರಾಸ್ನಾ᳚-ಙ್ಕರೋತಿ ॥ ಇ॒ನ್ದ್ರಾ॒ಣ್ಯೈ ಸ॒ನಂಹ॑ನ॒ಮಿತ್ಯಾ॑ಹ । ಇ॒ನ್ದ್ರಾ॒ಣೀ ವಾ ಅಗ್ರೇ॑ ದೇ॒ವತಾ॑ನಾ॒ಗ್ಂ॒ ಸಮ॑ನಹ್ಯತ । ಸಾ ಽಽರ್ಧ್ನೋ᳚ತ್ ।

ಋದ್ಧ್ಯೈ॒ ಸನ್ನ॑ಹ್ಯತಿ । ಪ್ರ॒ಜಾ ವೈ ಬ॒ರ್॒ಹಿಃ ।

ಪ್ರ॒ಜಾನಾ॒ಮಪ॑ರಾವಾಪಾಯ ।

ತಸ್ಮಾ॒-ಥ್ಸ್ನಾವ॑ಸನ್ತತಾಃ ಪ್ರ॒ಜಾ ಜಾ॑ಯನ್ತೇ ॥ 13 ॥

ಪೂ॒ಷಾ ತೇ᳚ ಗ್ರ॒ನ್ಥಿ-ಙ್ಗ್ರ॑ಥ್ನಾ॒ತ್ವಿತ್ಯಾ॑ಹ ।

ಪುಷ್ಟಿ॑ಮೇ॒ವ ಯಜ॑ಮಾನೇ ದಧಾತಿ ॥ ಸ ತೇ॒ ಮಾ-ಽಽ ಸ್ಥಾ॒ದಿತ್ಯಾ॒ಹಾಹಿಗ್ಂ॑ಸಾಯೈ ॥ ಪ॒ಶ್ಚಾ-ತ್ಪ್ರಾಞ್ಚ॒ಮುಪ॑ಗೂಹತಿ ।

ಪ॒ಶ್ಚಾ-ದ್ವೈ ಪ್ರಾ॒ಚೀನ॒ಗ್ಂ॒ ರೇತೋ॑ ಧೀಯತೇ ।

ಪ॒ಶ್ಚಾದೇ॒ವಾಸ್ಮೈ᳚ ಪ್ರಾ॒ಚೀನ॒ಗ್ಂ॒ ರೇತೋ॑ ದಧಾತಿ ॥

ಇನ್ದ್ರ॑ಸ್ಯ ತ್ವಾ ಬಾ॒ಹುಭ್ಯಾ॒-ಮುದ್ಯ॑ಚ್ಛ॒ ಇತ್ಯಾ॑ಹ । ಇ॒ನ್ದ್ರಿ॒ಯಮೇ॒ವ ಯಜ॑ಮಾನೇ ದಧಾತಿ ॥

ಬೃಹ॒ಸ್ಪತೇ᳚ರ್ಮೂ॒ರ್ಧ್ನಾ ಹ॑ರಾ॒ಮೀತ್ಯಾ॑ಹ ।

ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿಃ॑ ॥ 14 ॥

ಬ್ರಹ್ಮ॑ಣೈ॒ವೈನ॑ದ್ಧರತಿ ॥ ಉ॒ರ್ವ॑ನ್ತರಿ॑ಕ್ಷ॒-ಮನ್ವಿ॒ಹೀತ್ಯಾ॑ಹ॒ ಗತ್ಯೈ᳚ ॥ ದೇ॒ವ॒ಗ॒ಮ್ಮಮ॒ಸೀತ್ಯಾ॑ಹ । ದೇ॒ವಾನೇ॒ವೈನ॑ದ್ಗಮಯತಿ ॥ ಅನ॑ಧ-ಸ್ಸಾದಯತಿ ।

ಗರ್ಭಾ॑ಣಾ॒-ನ್ಧೃತ್ಯಾ॒ ಅಪ್ರ॑ಪಾದಾಯ । ತಸ್ಮಾ॒-ದ್ಗರ್ಭಾಃ᳚ ಪ್ರ॒ಜಾನಾ॒ಮಪ್ರ॑ಪಾದುಕಾಃ । ಉ॒ಪರೀ॑ವ॒ ನಿದ॑ಧಾತಿ । ಉ॒ಪರೀ॑ವ॒ ಹಿ ಸು॑ವ॒ರ್ಗೋ ಲೋ॒ಕಃ ।

ಸು॒ವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ ॥ 15 ॥

(ಸ॒ಯೋ॒ನಿ॒ತ್ವಾಯ॑ - ಸ್ವ॒ಧಾಕೃ॑ತಾ॒ - ಽಸೀತ್ಯಾ॑ಹ - ದಾಯಾ॒-ದ್- ವೇದ॑ - ಭರತಿ - ಜಾಯನ್ತೇ॒ - ಬೃಹ॒ಸ್ಪತಿಃ॒ - ಸಮ॑ಷ್ಟ್ಯೈ) (ಅ. 2)

ಅನುವಾಕಂ 3 - ದೋಹನಮ್

ಪೂ॒ರ್ವೇ॒ದ್ಯುರಿ॒ದ್ಧ್ಮಾ ಬ॒ರ್॒ಹಿಃ ಕ॑ರೋತಿ । ಯ॒ಜ್ಞಮೇ॒ವಾರಭ್ಯ॑ ಗೃಹೀ॒ತ್ವೋಪ॑ವಸತಿ ॥ ಪ್ರ॒ಜಾಪ॑ತಿ-ರ್ಯ॒ಜ್ಞಮ॑ಸೃಜತ । ತಸ್ಯೋ॒ಖೇ ಅ॑ಸ್ರಗ್ಂಸೇತಾಮ್ । ಯ॒ಜ್ಞೋ ವೈ ಪ್ರ॒ಜಾಪ॑ತಿಃ ।

ಯ-ಥ್ಸಾ᳚ನ್ನಾಯ್ಯೋ॒ಖೇ ಭವ॑ತಃ ।

ಯ॒ಜ್ಞಸ್ಯೈ॒ವ ತದು॒ಖೇ ಉಪ॑ದಧಾ॒ತ್ಯ-ಪ್ರ॑ಸ್ರಗ್ಂಸಾಯ ॥

ಶುನ್ಧ॑ದ್ಧ್ವ॒-ನ್ದೈವ್ಯಾ॑ಯ॒ ಕರ್ಮ॑ಣೇ ದೇವಯ॒ಜ್ಯಾಯಾ॒ ಇತ್ಯಾ॑ಹ । ದೇ॒ವ॒ಯ॒ಜ್ಯಾಯಾ॑ ಏ॒ವೈನಾ॑ನಿ ಶುನ್ಧತಿ ॥ ಮಾ॒ತ॒ರಿಶ್ವ॑ನೋ ಘ॒ರ್ಮೋ॑-ಽಸೀತ್ಯಾ॑ಹ ॥ 16 ॥

ಅ॒ನ್ತರಿ॑ಕ್ಷಂ॒-ವೈಁ ಮಾ॑ತ॒ರಿಶ್ವ॑ನೋ ಘ॒ರ್ಮಃ ।

ಏ॒ಷಾಂ-ಲೋಁ॒ಕಾನಾಂ॒-ವಿಁಧೃ॑ತ್ಯೈ ॥

ದ್ಯೌರ॑ಸಿ ಪೃಥಿ॒ವ್ಯ॑ಸೀತ್ಯಾ॑ಹ । ದಿ॒ವಶ್ಚ॒ ಹ್ಯೇ॑ಷಾ ಪೃ॑ಥಿ॒ವ್ಯಾಶ್ಚ॒ ಸಮ್ಭೃ॑ತಾ । ಯದು॒ಖಾ ।

ತಸ್ಮಾ॑ದೇ॒ವಮಾ॑ಹ ॥ ವಿ॒ಶ್ವಧಾ॑ಯಾ ಅಸಿ ಪರ॒ಮೇಣ॒ ಧಾಮ್ನೇತ್ಯಾ॑ಹ । ವೃಷ್ಟಿ॒ರ್ವೈ ವಿ॒ಶ್ವಧಾ॑ಯಾಃ । ವೃಷ್ಟಿ॑ಮೇ॒ವಾವ॑ರುನ್ಧೇ । ದೃಗ್ಂಹ॑ಸ್ವ॒ ಮಾ ಹ್ವಾ॒ರಿತ್ಯಾ॑ಹ॒ ಧೃತ್ಯೈ᳚ ॥ 17 ॥

ವಸೂ॑ನಾ-ಮ್ಪ॒ವಿತ್ರ॑ಮ॒ಸೀತ್ಯಾ॑ಹ । ಪ್ರಾ॒ಣಾ ವೈ ವಸ॑ವಃ ।

ತೇಷಾಂ॒-ವಾಁ ಏ॒ತ-ದ್ಭಾ॑ಗ॒ಧೇಯ᳚ಮ್ । ಯ-ತ್ಪ॒ವಿತ್ರ᳚ಮ್ । ತೇಭ್ಯ॑ ಏ॒ವೈನ॑-ತ್ಕರೋತಿ ॥ ಶ॒ತಧಾ॑ರಗ್ಂ ಸ॒ಹಸ್ರ॑ಧಾರ॒ಮಿತ್ಯಾ॑ಹ । ಪ್ರಾ॒ಣೇಷ್ವೇ॒ವಾಯು॑-ರ್ದಧಾತಿ ಸರ್ವ॒ತ್ವಾಯ॑ ॥ ತ್ರಿ॒ವೃ-ತ್ಪ॑ಲಾಶಶಾ॒ಖಾಯಾ᳚-ನ್ದರ್ಭ॒ಮಯ॑-ಮ್ಭವತಿ । ತ್ರಿ॒ವೃದ್ವೈ ಪ್ರಾ॒ಣಃ । ತ್ರಿ॒ವೃತ॑ಮೇ॒ವ ಪ್ರಾ॒ಣ-ಮ್ಮ॑ದ್ಧ್ಯ॒ತೋ ಯಜ॑ಮಾನೇ ದಧಾತಿ ॥ 18 ॥

ಸೌ॒ಮ್ಯಃ ಪ॒ರ್ಣ-ಸ್ಸ॑ಯೋನಿ॒ತ್ವಾಯ॑ । ಸಾ॒ಕ್ಷಾ-ತ್ಪ॒ವಿತ್ರ॑-ನ್ದ॒ರ್ಭಾಃ । ಪ್ರಾಖ್ಸಾ॒ಯಮಧಿ॒ ನಿದ॑ಧಾತಿ । ತ-ತ್ಪ್ರಾ॑ಣಾಪಾ॒ನಯೋ॑ ರೂ॒ಪಮ್ । ತಿ॒ರ್ಯಕ್ಪ್ರಾ॒ತಃ । ತ-ದ್ದರ್ಶ॑ಸ್ಯ ರೂ॒ಪಮ್ । ದಾ॒ರ್ಶ್ಯಗ್ಗ್ ಹ್ಯೇ॑ತದಹಃ॑ । ಅನ್ನಂ॒-ವೈಁ ಚ॒ನ್ದ್ರಮಾಃ᳚ ।

ಅನ್ನ॑-ಮ್ಪ್ರಾ॒ಣಾಃ । ಉ॒ಭಯ॑ಮೇ॒ವೋಪೈ॒ತ್ಯಜಾ॑ಮಿತ್ವಾಯ ॥ 19 ॥

ತಸ್ಮಾ॑ದ॒ಯಗ್ಂ ಸ॒ರ್ವತಃ॑ ಪವತೇ ॥ ಹು॒ತ-ಸ್ಸ್ತೋ॒ಕೋ ಹು॒ತೋ ದ್ರ॒ಫ್ಸ ಇತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ । ಹ॒ವಿಷೋ-ಽಸ್ಕ॑ನ್ದಾಯ ।

ನ ಹಿ ಹು॒ತಗ್ಗ್ ಸ್ವಾಹಾ॑ಕೃತ॒ಗ್ಗ್॒ ಸ್ಕನ್ದ॑ತಿ ।

ದಿ॒ವಿ ನಾಕೋ॒ ನಾಮಾ॒ಗ್ನಿಃ । ತಸ್ಯ॑ ವಿ॒ಪ್ರುಷೋ॑ ಭಾಗ॒ಧೇಯ᳚ಮ್ ।

ಅ॒ಗ್ನಯೇ॑ ಬೃಹ॒ತೇ ನಾಕಾ॒ಯೇತ್ಯಾ॑ಹ ।

ನಾಕ॑ಮೇ॒ವಾಗ್ನಿ-ಮ್ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ ।

ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ಮಿತ್ಯಾ॑ಹ ।

ದ್ಯಾವಾ॑ಪೃಥಿ॒ವ್ಯೋರೇ॒ವೈನ॒ತ್-ಪ್ರತಿ॑ಷ್ಠಾಪಯತಿ ॥ 20 ॥

ಪ॒ವಿತ್ರ॑ವ॒ತ್ಯಾನ॑ಯತಿ । ಅ॒ಪಾ-ಞ್ಚೈ॒ವೌಷ॑ಧೀನಾ-ಞ್ಚ॒ ರಸ॒ಗ್ಂ॒ ಸಗ್ಂಸೃ॑ಜತಿ । ಅಥೋ॒ ಓಷ॑ಧೀಷ್ವೇ॒ವ ಪ॒ಶೂ-ನ್ಪ್ರತಿ॑ಷ್ಠಾಪಯತಿ ॥ ಅ॒ನ್ವಾ॒ರಭ್ಯ॒ ವಾಚಂ॑-ಯಁಚ್ಛತಿ ।

ಯ॒ಜ್ಞಸ್ಯ॒ ಧೃತ್ಯೈ᳚ । ಧಾ॒ರಯ॑ನ್ನಾಸ್ತೇ । ಧಾ॒ರಯ॑ನ್ತ ಇವ॒ ಹಿ ದು॒ಹನ್ತಿ॑ । ಕಾಮ॑ಧುಕ್ಷ॒ ಇತ್ಯಾ॒ಹಾತೃ॒ತೀಯ॑ಸ್ಯೈ । ತ್ರಯ॑ ಇ॒ಮೇ ಲೋ॒ಕಾಃ । ಇ॒ಮಾನೇ॒ವ ಲೋ॒ಕಾನ್. ಯಜ॑ಮಾನೋ ದುಹೇ ॥ 21 ॥

ಅ॒ಮೂಮಿತಿ॒ ನಾಮ॑ ಗೃಹ್ಣಾತಿ । ಭ॒ದ್ರಮೇ॒ವಾಸಾ॒-ಙ್ಕರ್ಮಾ॒ವಿಷ್ಕ॑ರೋತಿ ॥ ಸಾ ವಿ॒ಶ್ವಾಯು॒-ಸ್ಸಾ ವಿ॒ಶ್ವವ್ಯ॑ಚಾ॒-ಸ್ಸಾ ವಿ॒ಶ್ವಕ॒ರ್ಮೇತ್ಯಾ॑ಹ । ಇ॒ಯಂ-ವೈಁ ವಿ॒ಶ್ವಾಯುಃ॑ ।

ಅ॒ನ್ತರಿ॑ಕ್ಷಂ-ವಿಁ॒ಶ್ವವ್ಯ॑ಚಾಃ । ಅ॒ಸೌ ವಿ॒ಶ್ವಕ॑ರ್ಮಾ ।

ಇ॒ಮಾನೇ॒ವೈತಾಭಿ॑ರ್ಲೋ॒ಕಾನ್. ಯ॑ಥಾಪೂ॒ರ್ವ-ನ್ದು॑ಹೇ ।

ಅಥೋ॒ ಯಥಾ᳚ ಪ್ರದಾ॒ತ್ರೇ ಪುಣ್ಯ॑ಮಾ॒ಶಾಸ್ತೇ᳚ । ಏ॒ವಮೇ॒ವೈನಾ॑ ಏ॒ತದುಪ॑ಸ್ತೌತಿ । ತಸ್ಮಾ॒ತ್-ಪ್ರಾದಾ॒ದಿತ್ಯು॒ನ್ನೀಯ॒ ವನ್ದ॑ಮಾನಾ ಉಪಸ್ತು॒ವನ್ತಃ॑ ಪ॒ಶೂ-ನ್ದು॑ಹನ್ತಿ ॥ 22 ॥

ಬ॒ಹು ದು॒ಗ್ಧೀನ್ದ್ರಾ॑ಯ ದೇ॒ವೇಭ್ಯೋ॑ ಹ॒ವಿರಿತಿ॒ ವಾಚಂ॒-ವಿಁಸೃ॑ಜತೇ । ಯ॒ಥಾ॒ ದೇ॒ವ॒ತಮೇ॒ವ ಪ್ರಸೌ॑ತಿ ।

ದೈವ್ಯ॑ಸ್ಯ ಚ ಮಾನು॒ಷಸ್ಯ॑ ಚ॒ ವ್ಯಾವೃ॑ತ್ತ್ಯೈ ।

ತ್ರಿರಾ॑ಹ । ತ್ರಿಷ॑ತ್ಯಾ॒ ಹಿ ದೇ॒ವಾಃ । ಅವಾ॑ಚಂ-ಯಁ॒ಮೋ-ಽನ॑ನ್ವಾ-ರ॒ಭ್ಯೋತ್ತ॑ರಾಃ । ಅಪ॑ರಿಮಿತಮೇ॒ವಾವ॑ರುನ್ಧೇ ॥

ನ ದಾ॑ರುಪಾ॒ತ್ರೇಣ॑ ದುಹ್ಯಾತ್ । ಅ॒ಗ್ನಿ॒ವದ್ವೈ ದಾ॑ರುಪಾ॒ತ್ರಮ್ ।

ಯ-ದ್ದಾ॑ರುಪಾ॒ತ್ರೇಣ॑ ದು॒ಹ್ಯಾತ್ ॥ 23 ॥

ಯಾ॒ತಯಾ᳚ಮ್ನಾ ಹ॒ವಿಷಾ॑ ಯಜೇತ । ಅಥೋ॒ ಖಲ್ವಾ॑ಹುಃ ।

ಪು॒ರೋ॒ಡಾಶ॑ಮುಖಾನಿ॒ ವೈ ಹ॒ವೀಗ್ಂಷಿ॑ । ನೇತ ಇ॑ತಃ ಪುರೋ॒ಡಾಶಗ್ಂ॑ ಹ॒ವಿಷೋ॒ ಯಾಮೋ॒-ಽಸ್ತೀತಿ॑ ।

ಕಾಮ॑ಮೇ॒ವ ದಾ॑ರುಪಾ॒ತ್ರೇಣ॑ ದುಹ್ಯಾತ್ ॥ ಶೂ॒ದ್ರ ಏ॒ವ ನ ದು॑ಹ್ಯಾತ್ । ಅಸ॑ತೋ॒ ವಾ ಏ॒ಷ ಸಮ್ಭೂ॑ತಃ । ಯಚ್ಛೂ॒ದ್ರಃ । ಅಹ॑ವಿರೇ॒ವ ತದಿತ್ಯಾ॑ಹುಃ । ಯಚ್ಛೂ॒ದ್ರೋ ದೋಗ್ಧೀತಿ॑ ॥ 24 ॥

ಅ॒ಗ್ನಿ॒ಹೋ॒ತ್ರಮೇ॒ವನ ದು॑ಹ್ಯಾಚ್ಛೂ॒ದ್ರಃ । ತದ್ಧಿ ನೋತ್-ಪು॒ನನ್ತಿ॑ । ಯ॒ದಾ ಖಲು॒ ವೈ ಪ॒ವಿತ್ರ॑ಮ॒ತ್ಯೇತಿ॑ । ಅಥ॒ ತದ್ಧ॒ವಿರಿತಿ॑ ॥

ಸಮ್ಪೃ॑ಚ್ಯದ್ಧ್ವ-ಮೃತಾವರೀ॒ರಿತ್ಯಾ॑ಹ । ಅ॒ಪಾ-ಞ್ಚೈ॒ವೌಷ॑ಧೀನಾ-ಞ್ಚ॒ ರಸ॒ಗ್ಂ॒ ಸಗ್ಂಸೃ॑ಜತಿ ।

ತಸ್ಮಾ॑ದ॒ಪಾ-ಞ್ಚೌಷ॑ಧೀನಾ-ಞ್ಚ॒ ರಸ॒ಮುಪ॑ ಜೀವಾಮಃ ।

ಮ॒ನ್ದ್ರಾ ಧನ॑ಸ್ಯ ಸಾ॒ತಯ॒ ಇತ್ಯಾ॑ಹ । ಪುಷ್ಟಿ॑ಮೇ॒ವ ಯಜ॑ಮಾನೇ ದಧಾತಿ ॥ ಸೋಮೇ॑ನ॒ ತ್ವಾ-ಽಽತ॑ನ॒ಚ್ಮೀನ್ದ್ರಾ॑ಯ॒ ದಧೀತ್ಯಾ॑ಹ ॥ 25 ॥

ಸೋಮ॑ಮೇ॒ವೈನ॑-ತ್ಕರೋತಿ । ಯೋ ವೈ ಸೋಮ॑-ಮ್ಭಕ್ಷಯಿ॒ತ್ವಾ ।

ಸಂ॒ವಁ॒ಥ್ಸ॒ರಗ್ಂ ಸೋಮ॒-ನ್ನ ಪಿಬ॑ತಿ । ಪು॒ನ॒ರ್ಭಕ್ಷ್ಯೋ᳚-ಽಸ್ಯ ಸೋಮಪೀ॒ಥೋ ಭ॑ವತಿ ॥

ಸೋಮಃ॒ ಖಲು॒ ವೈ ಸಾ᳚ನಾಂ॒ಯ್ಯಮ್ । ಯ ಏ॒ವಂ-ವಿಁ॒ದ್ವಾನ್-ಥ್ಸಾ᳚ನಾಂ॒ಯ್ಯ-ಮ್ಪಿಬ॑ತಿ । ಅ॒ಪು॒ನ॒ರ್ಭಕ್ಷ್ಯೋ᳚-ಽಸ್ಯ ಸೋಮಪೀ॒ಥೋ ಭ॑ವತಿ । ನ ಮೃ॒ನ್ಮಯೇ॒ನಾಪಿ॑ದದ್ಧ್ಯಾತ್ ।

ಯ-ನ್ಮೃ॒ನ್ಮಯೇ॑ನಾಪಿದ॒ದ್ಧ್ಯಾತ್ ।

ಪಿ॒ತೃ॒ದೇ॒ವ॒ತ್ಯಗ್ಗ್॑ ಸ್ಯಾತ್ ॥ 26 ॥

ಅ॒ಯ॒ಸ್ಪಾ॒ತ್ರೇಣ॑ ವಾ ದಾರುಪಾ॒ತ್ರೇಣ॒ ವಾ-ಽಪಿ॑ದಧಾತಿ ।

ತದ್ಧಿ ಸದೇ॑ವಮ್ ॥ ಉ॒ದ॒ನ್ವದ್- ಭ॑ವತಿ । ಆಪೋ॒ ವೈ ರ॑ಕ್ಷೋ॒ಘ್ನೀಃ । ರಕ್ಷ॑ಸಾ॒-ಮಪ॑ಹತ್ಯೈ ॥

ಅದ॑ಸ್ತಮಸಿ॒ ವಿಷ್ಣ॑ವೇ॒ ತ್ವೇತ್ಯಾ॑ಹ । ಯ॒ಜ್ಞೋ ವೈ ವಿಷ್ಣುಃ॑ ।

ಯ॒ಜ್ಞಾಯೈ॒ವೈನ॒ದದ॑ಸ್ತ-ಙ್ಕರೋತಿ । ವಿಷ್ಣೋ॑ ಹ॒ವ್ಯಗ್ಂ ರ॑ಕ್ಷ॒ಸ್ವೇತ್ಯಾ॑ಹ॒ ಗುಪ್ತ್ಯೈ᳚ ॥ ಅನ॑ಧ-ಸ್ಸಾದಯತಿ । ಗರ್ಭಾ॑ಣಾ॒-ನ್ಧೃತ್ಯಾ॒ ಅಪ್ರ॑ಪಾದಾಯ ।

ತಸ್ಮಾ॒-ದ್ಗರ್ಭಾಃ᳚ ಪ್ರ॒ಜಾನಾ॒ಮ ಪ್ರ॑ಪಾದುಕಾಃ । ಉ॒ಪರೀ॑ವ॒ ನಿದ॑ಧಾತಿ । ಉ॒ಪರೀ॑ವ॒ ಹಿ ಸು॑ವ॒ರ್ಗೋ ಲೋ॒ಕಃ । ಸು॒ವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ ॥ 27 ॥

(ಅ॒ಸೀತ್ಯಾ॑ಹ॒ - ಧೃತ್ಯೈ॒ - ಯಜ॑ಮಾನೇ ದಧಾ॒ - ತ್ಯಜಾ॑ಮಿತ್ವಾಯ - ಸ್ಥಾಪಯತಿ - ದುಹೇ - ದುಹನ್ತಿ - ದು॒ಹ್ಯಾ-ದ್- ದೋಗ್ಧೀತಿ॒ - ದಧೀತ್ಯಾ॑ಹ - ಸ್ಯಾಥ್ - ಸಾದಯತಿ॒ ಪಞ್ಚ॑ ಚ) (ಅ. 3)

ಅನುವಾಕಂ 4 - ಹವಿರ್ನಿರ್ವಾಪಃ

ಕರ್ಮ॑ಣೇ ವಾ-ನ್ದೇ॒ವೇಭ್ಯಃ॑ ಶಕೇಯ॒ಮಿತ್ಯಾ॑ಹ॒ ಶಕ್ತ್ಯೈ᳚ ।

ಯ॒ಜ್ಞಸ್ಯ॒ ವೈ ಸನ್ತ॑ತಿ॒ಮನು॑ ಪ್ರ॒ಜಾಃ ಪ॒ಶವೋ॒ ಯಜ॑ಮಾನಸ್ಯ॒ ಸನ್ತಾ॑ಯನ್ತೇ । ಯ॒ಜ್ಞಸ್ಯ॒ ವಿಚ್ಛಿ॑ತ್ತಿ॒ಮನು॑ ಪ್ರ॒ಜಾಃ ಪ॒ಶವೋ॒ ಯಜ॑ಮಾನಸ್ಯ॒ ವಿಚ್ಛಿ॑ದ್ಯನ್ತೇ ।

ಯ॒ಜ್ಞಸ್ಯ॒ ಸನ್ತ॑ತಿರಸಿ ಯ॒ಜ್ಞಸ್ಯ॑ ತ್ವಾ॒ ಸನ್ತ॑ತ್ಯೈ ಸ್ತೃಣಾಮಿ॒ ಸನ್ತ॑ತ್ಯೈ ತ್ವಾ ಯ॒ಜ್ಞಸ್ಯೇತ್ಯಾಹ॑ವ॒ನೀಯಾ॒-ಥ್ಸನ್ತ॑ನೋತಿ । ಯಜ॑ಮಾನಸ್ಯ ಪ್ರ॒ಜಾಯೈ॑ ಪಶೂ॒ನಾಗ್ಂ ಸನ್ತ॑ತ್ಯೈ ॥ ಅ॒ಪಃ ಪ್ರಣ॑ಯತಿ । ಶ್ರ॒ದ್ಧಾ ವಾ ಆಪಃ॑ । ಶ್ರ॒ದ್ಧಾಮೇ॒ವಾರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ । ಅ॒ಪಃ ಪ್ರಣ॑ಯತಿ । ಯ॒ಜ್ಞೋ ವಾ ಆಪಃ॑ ॥ 28 ॥

ಯ॒ಜ್ಞಮೇ॒ವಾರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ । ಅ॒ಪಃ ಪ್ರಣ॑ಯತಿ । ವಜ್ರೋ॒ ವಾ ಆಪಃ॑ । ವಜ್ರ॑ಮೇ॒ವ ಭ್ರಾತೃ॑ವ್ಯೇಭ್ಯಃ ಪ್ರ॒ಹೃತ್ಯ॑ ಪ್ರ॒ಣೀಯ॒ ಪ್ರಚ॑ರತಿ । ಅ॒ಪಃ ಪ್ರಣ॑ಯತಿ ।

ಆಪೋ॒ ವೈ ರ॑ಕ್ಷೋ॒ಘ್ನೀಃ । ರಕ್ಷ॑ಸಾ॒-ಮಪ॑ಹತ್ಯೈ । ಅ॒ಪಃ ಪ್ರಣ॑ಯತಿ । ಆಪೋ॒ ವೈ ದೇ॒ವಾನಾ᳚-ಮ್ಪ್ರಿ॒ಯ-ನ್ಧಾಮ॑ ।

ದೇ॒ವಾನಾ॑ಮೇ॒ವ ಪ್ರಿ॒ಯ-ನ್ಧಾಮ॑ ಪ್ರ॒ಣೀಯ॒ ಪ್ರಚ॑ರತಿ ॥ 29 ॥

ಅ॒ಪಃ ಪ್ರಣ॑ಯತಿ । ಆಪೋ॒ ವೈ ಸರ್ವಾ॑ ದೇ॒ವತಾಃ᳚ ।

ದೇ॒ವತಾ॑ ಏ॒ವಾರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ ॥ ವೇಷಾ॑ಯ॒ ತ್ವೇತ್ಯಾ॑ಹ । ವೇಷಾ॑ಯ॒ ಹ್ಯೇ॑ನದಾದ॒ತ್ತೇ ॥ ಪ್ರತ್ಯು॑ಷ್ಟ॒ಗ್ಂ॒ ರಕ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯ॒ ಇತ್ಯಾ॑ಹ ।

ರಕ್ಷ॑ಸಾ॒-ಮಪ॑ಹತ್ಯೈ ॥ ಧೂರ॒ಸೀತ್ಯಾ॑ಹ । ಏ॒ಷ ವೈ ಧುರ್ಯೋ॒-ಽಗ್ನಿಃ । ತಂ-ಯಁದನು॑ಪಸ್ಪೃಶ್ಯಾತೀ॒ಯಾತ್ ॥ 30 ॥

ಅ॒ದ್ಧ್ವ॒ರ್ಯು-ಞ್ಚ॒ ಯಜ॑ಮಾನ-ಞ್ಚ॒ ಪ್ರದ॑ಹೇತ್ । ಉ॒ಪ॒ಸ್ಪೃಶ್ಯಾತ್ಯೇ॑ತಿ । ಅ॒ದ್ಧ್ವ॒ರ್ಯೋಶ್ಚ॒ ಯಜ॑ಮಾನಸ್ಯ॒ ಚಾಪ್ರ॑ದಾಹಾಯ ॥ ಧೂರ್ವ॒ ತಂಯೋಁ᳚-ಽಸ್ಮಾ-ನ್ಧೂರ್ವ॑ತಿ॒ ತ-ನ್ಧೂ᳚ರ್ವ॒ ಯಂ-ವಁ॒ಯ-ನ್ಧೂರ್ವಾ॑ಮ॒ ಇತ್ಯಾ॑ಹ ।

ದ್ವೌ ವಾವ ಪುರು॑ಷೌ । ಯ-ಞ್ಚೈ॒ವ ಧೂರ್ವ॑ತಿ । ಯಶ್ಚೈ॑ನ॒-ನ್ಧೂರ್ವ॑ತಿ । ತಾವು॒ಭೌ ಶು॒ಚಾ-ಽರ್ಪ॑ಯತಿ ॥ ತ್ವ-ನ್ದೇ॒ವಾನಾ॑ಮಸಿ॒ ಸಸ್ನಿ॑ತಮ॒-ಮ್ಪಪ್ರಿ॑ತಮ॒-ಞ್ಜುಷ್ಟ॑ತಮಂ॒-ವಁಹ್ನಿ॑ತಮ-ನ್ದೇವ॒ಹೂತ॑ಮ॒ಮಿತ್ಯಾ॑ಹ । ಯ॒ಥಾ॒ ಯ॒ಜುರೇ॒ವೈ ತತ್ ॥ 31 ॥

ಅಹ್ರು॑ತಮಸಿ ಹವಿ॒ರ್ಧಾನ॒-ಮಿತ್ಯಾ॒ಹಾನಾ᳚ರ್ತ್ಯೈ ।

ದೃಗ್ಂಹ॑ಸ್ವ॒ ಮಾ ಹ್ವಾ॒ರಿತ್ಯಾ॑ಹ॒ ಧೃತ್ಯೈ᳚ ॥

ಮಿ॒ತ್ರಸ್ಯ॑ ತ್ವಾ॒ ಚಕ್ಷು॑ಷಾ॒ ಪ್ರೇಕ್ಷ॒ ಇತ್ಯಾ॑ಹ ಮಿತ್ರ॒ತ್ವಾಯ॑ ।

ಮಾ ಭೇರ್ಮಾ ಸಂವಿಁ॑ಕ್ಥಾ॒ ಮಾ ತ್ವಾ॑ ಹಿಗ್ಂಸಿಷ॒-ಮಿತ್ಯಾ॒ಹಾಹಿಗ್ಂ॑ಸಾಯೈ । ಯದ್ವೈ ಕಿ-ಞ್ಚ॒ ವಾತೋ॒ ನಾಭಿ॒ವಾತಿ॑ ।

ತ-ಥ್ಸರ್ವಂ॑-ವಁರುಣದೇವ॒ತ್ಯ᳚ಮ್ ॥ ಉ॒ರು ವಾತಾ॒ಯೇತ್ಯಾ॑ಹ । ಅವಾ॑ರುಣಮೇ॒ವೈನ॑-ತ್ಕರೋತಿ ॥ ದೇ॒ವಸ್ಯ॑ ತ್ವಾ ಸವಿ॒ತುಃ

ಪ್ರ॑ಸ॒ವ ಇತ್ಯಾ॑ಹ॒ ಪ್ರಸೂ᳚ತ್ಯೈ ।

ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ ॥ 32 ॥

ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ ।

ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ᳚ । ಅ॒ಗ್ನಯೇ॒ ಜುಷ್ಟ॒-ನ್ನಿರ್ವ॑ಪಾ॒ಮೀತ್ಯಾ॑ಹ । ಅ॒ಗ್ನಯ॑ ಏ॒ವೈನಾ॒ಞ್ಜುಷ್ಟಂ॒

ನಿರ್ವ॑ಪತಿ । ತ್ರಿರ್ಯಜು॑ಷಾ । ತ್ರಯ॑ ಇ॒ಮೇ ಲೋ॒ಕಾಃ ।

ಏ॒ಷಾಂ-ಲೋಁ॒ಕಾನಾ॒ಮಾಪ್ತ್ಯೈ᳚ । ತೂ॒ಷ್ಣೀ-ಞ್ಚ॑ತು॒ರ್ಥಮ್ ।

ಅಪ॑ರಿಮಿತಮೇ॒ವಾವ॑ರುನ್ಧೇ । ಸ ಏ॒ವಮೇ॒ವಾನು॑ಪೂ॒ರ್ವಗ್ಂ ಹ॒ವೀಗ್ಂಷಿ॒ ನಿರ್ವ॑ಪತಿ ॥ 33 ॥

ಇ॒ದ-ನ್ದೇ॒ವಾನಾ॑ಮಿ॒ದಮು॑ ನ-ಸ್ಸ॒ಹೇತ್ಯಾ॑ಹ॒ ವ್ಯಾವೃ॑ತ್ತ್ಯೈ ॥

ಸ್ಫಾ॒ತ್ಯೈ ತ್ವಾ॒ ನಾರಾ᳚ತ್ಯಾ॒ ಇತ್ಯಾ॑ಹ॒ ಗುಪ್ತ್ಯೈ᳚ । ತಮ॑ಸೀವ॒ ವಾ ಏ॒ಷೋ᳚-ಽನ್ತಶ್ಚ॑ರತಿ । ಯಃ ಪ॑ರೀ॒ಣಹಿ॑ ॥ ಸುವ॑ರ॒ಭಿ ವಿಖ್ಯೇ॑ಷಂ-ವೈಁಶ್ವಾನ॒ರ-ಞ್ಜ್ಯೋತಿ॒ರಿತ್ಯಾ॑ಹ ।

ಸುವ॑ರೇ॒ವಾಭಿ ವಿ ಪ॑ಶ್ಯತಿ ವೈಶ್ವಾನ॒ರ-ಞ್ಜ್ಯೋತಿಃ॑ ।

ದ್ಯಾವಾ॑ಪೃಥಿ॒ವೀ ಹ॒ವಿಷಿ॑ ಗೃಹೀ॒ತ ಉದ॑ವೇಪೇತಾಮ್ ॥

ದೃಗ್ಂಹ॑ನ್ತಾ॒-ನ್ದುರ್ಯಾ॒ ದ್ಯಾವಾ॑ಪೃಥಿ॒ವ್ಯೋರಿತ್ಯಾ॑ಹ ।

ಗೃ॒ಹಾಣಾ॒-ನ್ದ್ಯಾವಾ॑ಪೃಥಿ॒ವ್ಯೋ-ರ್ಧೃತ್ಯೈ᳚ ॥

ಉ॒ರ್ವ॑ನ್ತರಿ॑ಕ್ಷ॒-ಮನ್ವಿ॒ಹೀತ್ಯಾ॑ಹ॒ ಗತ್ಯೈ᳚ ॥

ಅದಿ॑ತ್ಯಾಸ್ತ್ವೋ॒ಪಸ್ಥೇ॑ ಸಾದಯಾ॒ಮೀತ್ಯಾ॑ಹ । ಇ॒ಯಂ-ವಾಁ ಅದಿ॑ತಿಃ । ಅ॒ಸ್ಯಾ ಏ॒ವೈನ॑ದು॒ಪಸ್ಥೇ॑ ಸಾದಯತಿ ॥

ಅಗ್ನೇ॑ ಹ॒ವ್ಯಗ್ಂ ರ॑ಕ್ಷ॒ಸ್ವೇತ್ಯಾ॑ಹ॒ ಗುಪ್ತ್ಯೈ᳚ ॥ 34 ॥

(ಯ॒ಜ್ಞೋ ವಾ ಆಪೋ॒ - ಧಾಮ॑ ಪ್ರ॒ಣೀಯ॒ ಪ್ರಚ॑ರ - ತ್ಯತೀ॒ಯಾ - ದೇ॒ತ-ದ್- ಬಾ॒ಹುಭ್ಯಾ॒ಮಿತ್ಯಾ॑ಹ - ಹ॒ವಿಗ್ಂಷಿ॒ ನಿರ್ವ॑ಪತಿ॒ - ಗತ್ಯೈ॑ ಚ॒ತ್ವಾರಿ॑ ಚ) (ಅ. 4)

ಅನುವಾಕಂ 5 - ವ್ರೀಹ್ಯವಘಾತಃ

ಇನ್ದ್ರೋ॑ ವೃ॒ತ್ರಮ॑ಹನ್ನ್ । ಸೋ॑-ಽಪಃ । ಅ॒ಭ್ಯ॑ಮ್ರಿಯತ ।

ತಾಸಾಂ॒-ಯಁನ್ಮೇದ್ಧ್ಯಂ॑-ಯಁ॒ಜ್ಞಿಯ॒ಗ್ಂ॒ ಸದೇ॑ವ॒ಮಾಸೀ᳚ತ್ । ತದಪೋದ॑ಕ್ರಾಮತ್ । ತೇ ದ॒ರ್ಭಾ ಅ॑ಭವನ್ನ್ । ಯ-ದ್ದ॒ರ್ಭೈರ॒ಪ ಉ॑ತ್ಪು॒ನಾತಿ॑ । ಯಾ ಏ॒ವ ಮೇದ್ಧ್ಯಾ॑ ಯ॒ಜ್ಞಿಯಾ॒-ಸ್ಸದೇ॑ವಾ॒ ಆಪಃ॑ । ತಾಭಿ॑ರೇ॒ವೈನಾ॒ ಉತ್ಪು॑ನಾತಿ । ದ್ವಾಭ್ಯಾ॒ಮುತ್ಪು॑ನಾತಿ ॥ 35 ॥

ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯೈ ॥ ದೇ॒ವೋ ವಃ॑ ಸವಿ॒ತೋತ್-ಪು॑ನಾ॒ತ್ವಿತ್ಯಾ॑ಹ । ಸ॒ವಿ॒ತೃಪ್ರ॑ಸೂತ ಏ॒ವೈನಾ॒ ಉತ್ಪು॑ನಾತಿ । ಅಚ್ಛಿ॑ದ್ರೇಣ ಪ॒ವಿತ್ರೇ॒ಣೇತ್ಯಾ॑ಹ । ಅ॒ಸೌ ವಾ ಆ॑ದಿ॒ತ್ಯೋ-ಽಚ್ಛಿ॑ದ್ರ-ಮ್ಪ॒ವಿತ್ರ᳚ಮ್ । ತೇನೈ॒ವೈನಾ॒ ಉತ್ಪು॑ನಾತಿ । ವಸೋ॒-ಸ್ಸೂರ್ಯ॑ಸ್ಯ ರ॒ಶ್ಮಿಭಿ॒ರಿತ್ಯಾ॑ಹ । ಪ್ರಾ॒ಣಾ ವಾ ಆಪಃ॑ । ಪ್ರಾ॒ಣಾ ವಸ॑ವಃ । ಪ್ರಾ॒ಣಾ ರ॒ಶ್ಮಯಃ॑ ॥ 36 ॥

ಪ್ರಾ॒ಣೈರೇ॒ವ ಪ್ರಾ॒ಣಾನ್-ಥ್ಸಮ್ಪೃ॑ಣಕ್ತಿ । ಸಾ॒ವಿ॒ತ್ರಿ॒ಯರ್ಚಾ ।

ಸ॒ವಿ॒ತೃಪ್ರ॑ಸೂತ-ಮ್ಮೇ॒ ಕರ್ಮಾ॑ಸ॒ದಿತಿ॑ ।

ಸ॒ವಿ॒ತೃಪ್ರ॑ಸೂತಮೇ॒ವಾಸ್ಯ॒ ಕರ್ಮ॑ ಭವತಿ ।

ಪ॒ಚ್ಛೋ ಗಾ॑ಯತ್ರಿ॒ಯಾ ತ್ರಿ॑ಷ್ಷಮೃದ್ಧ॒ತ್ವಾಯ॑ ॥

ಆಪೋ॑ ದೇವೀರಗ್ರೇಪುವೋ ಅಗ್ರೇಗುವ॒ ಇತ್ಯಾ॑ಹ ।

ರೂ॒ಪ-ಮೇ॒ವಾಸಾ॑ಮೇ॒ತ-ನ್ಮ॑ಹಿ॒ಮಾನಂ॒-ವ್ಯಾಁಚ॑ಷ್ಟೇ ।

ಅಗ್ರ॑ ಇ॒ಮಂ-ಯಁ॒ಜ್ಞ-ನ್ನ॑ಯ॒ತಾಗ್ರೇ॑

ಯ॒ಜ್ಞಪ॑ತಿ॒ಮಿತ್ಯಾ॑ಹ । ಅಗ್ರೇ॑ ಏ॒ವ ಯ॒ಜ್ಞ-ನ್ನ॑ಯನ್ತಿ ।

ಅಗ್ರೇ॑ ಯ॒ಜ್ಞಪ॑ತಿಮ್ ॥ 37 ॥

ಯು॒ಷ್ಮಾನಿನ್ದ್ರೋ॑ ಽವೃಣೀತ ವೃತ್ರ॒ತೂಯೇ॑ ಯೂ॒ಯಮಿನ್ದ್ರ॑ಮವೃಣೀದ್ಧ್ವಂ-ವೃಁತ್ರ॒ತೂರ್ಯ॒ ಇತ್ಯಾ॑ಹ ।

ವೃ॒ತ್ರಗ್ಂ ಹ॑ ಹನಿ॒ಷ್ಯನ್ನಿನ್ದ್ರ॒ ಆಪೋ॑ ವವ್ರೇ ।

ಆಪೋ॒ ಹೇನ್ದ್ರಂ॑-ವಁವ್ರಿರೇ । ಸ॒ಜ್ಞಾಂ-ಮೇ॒ವಾಸಾ॑ಮೇ॒ತ-ಥ್ಸಾಮಾ॑ನಂ॒-ವ್ಯಾಁಚ॑ಷ್ಟೇ ॥ ಪ್ರೋಕ್ಷಿ॑ತಾ॒-ಸ್ಸ್ಥೇತ್ಯಾ॑ಹ । ತೇನಾಪಃ॒ ಪ್ರೋಕ್ಷಿ॑ತಾಃ ॥ ಅ॒ಗ್ನಯೇ॑ ವೋ॒ ಜುಷ್ಟ॒-ಮ್ಪ್ರೋಕ್ಷಾ᳚-ಮ್ಯ॒ಗ್ನೀಷೋಮಾ᳚ಭ್ಯಾ॒-ಮಿತ್ಯಾ॑ಹ ।

ಯ॒ಥಾ॒ ದೇ॒ವ॒ತಮೇ॒ವೈನಾ॒-ನ್ಪ್ರೋಕ್ಷ॑ತಿ । ತ್ರಿಃ ಪ್ರೋಕ್ಷ॑ತಿ । ತ್ರ್ಯಾ॑ವೃ॒ದ್ಧಿ ಯ॒ಜ್ಞಃ ॥ 38 ॥

ಅಥೋ॒ ರಕ್ಷ॑ಸಾ॒ಮಪ॑ಹತ್ಯೈ । ಶುನ್ಧ॑ದ್ಧ್ವಂ॒

ದೈವ್ಯಾ॑ಯ॒ ಕರ್ಮ॑ಣೇ ದೇವಯ॒ಜ್ಯಾಯಾ॒ ಇತ್ಯಾ॑ಹ ।

ದೇ॒ವ॒ಯ॒ಜ್ಯಾಯಾ॑ ಏ॒ವೈನಾ॑ನಿ ಶುನ್ಧತಿ । ತ್ರಿಃ ಪ್ರೋಕ್ಷ॑ತಿ । ತ್ರ್ಯಾ॑ವೃ॒ದ್ಧಿ ಯ॒ಜ್ಞಃ । ಅಥೋ॑ ಮೇದ್ಧ್ಯ॒ತ್ವಾಯ॑ । ಅವ॑ಧೂತ॒ಗ್ಂ॒ ರಕ್ಷೋ-ಽವ॑ಧೂತಾ॒ ಅರಾ॑ತಯ॒ ಇತ್ಯಾ॑ಹ ।

ರಕ್ಷ॑ಸಾ॒-ಮಪ॑ಹತ್ಯೈ । ಅದಿ॑ತ್ಯಾ॒ಸ್ತ್ವಗ॒ಸೀತ್ಯಾ॑ಹ । ಇ॒ಯಂ-ವಾಁ ಅದಿ॑ತಿಃ ॥ 39 ॥

ಅ॒ಸ್ಯಾ ಏ॒ವೈನ॒-ತ್ತ್ವಚ॑-ಙ್ಕರೋತಿ । ಪ್ರತಿ॑ ತ್ವಾ ಪೃಥಿ॒ವೀ ವೇ॒ತ್ತ್ವಿತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ ॥ ಪು॒ರಸ್ತಾ᳚-ತ್ಪ್ರತೀ॒ಚೀನ॑ಗ್ರೀವ॒-ಮುತ್ತ॑ರಲೋ॒ಮೋಪ॑ಸ್ತೃಣಾತಿ ಮೇದ್ಧ್ಯ॒ತ್ವಾಯ॑ ।

ತಸ್ಮಾ᳚-ತ್ಪು॒ರಸ್ತಾ᳚-ತ್ಪ್ರ॒ತ್ಯಞ್ಚಃ॑ ಪ॒ಶವೋ॒ ಮೇಧ॒ಮುಪ॑ತಿಷ್ಠನ್ತೇ । ತಸ್ಮಾ᳚-ತ್ಪ್ರ॒ಜಾ ಮೃ॒ಗ-ಙ್ಗ್ರಾಹು॑ಕಾಃ । ಯ॒ಜ್ಞೋ ದೇ॒ವೇಭ್ಯೋ॒ ನಿಲಾ॑ಯತ ।

ಕೃಷ್ಣೋ॑ ರೂ॒ಪ-ಙ್ಕೃ॒ತ್ವಾ । ಯ-ತ್ಕೃ॑ಷ್ಣಾಜಿ॒ನೇ ಹ॒ವಿರ॑ದ್ಧ್ಯವ॒ಹನ್ತಿ॑ । ಯ॒ಜ್ಞಾದೇ॒ವ-ತ-ದ್ಯ॒ಜ್ಞ-ಮ್ಪ್ರಯು॑ಙ್ಕ್ತೇ । ಹ॒ವಿಷೋ-ಽಸ್ಕ॑ನ್ದಾಯ ॥ 40 ॥

ಅ॒ಧಿ॒ಷವ॑ಣಮಸಿ ವಾನಸ್ಪ॒ತ್ಯಮಿತ್ಯಾ॑ಹ । ಅ॒ಧಿ॒ಷವ॑ಣ-ಮೇ॒ವೈನ॑-ತ್ಕರೋತಿ । ಪ್ರತಿ॒ ತ್ವಾ-ಽದಿ॑ತ್ಯಾ॒ಸ್ತ್ವಗ್ವೇ॒ತ್ತ್ವಿತ್ಯಾ॑ಹ ಸಯ॒ತ್ವಾಯ॑ ॥

ಅ॒ಗ್ನೇಸ್ತ॒ನೂ-ರ॒ಸೀತ್ಯಾ॑ಹ । ಅ॒ಗ್ನೇರ್ವಾ ಏ॒ಷಾ ತ॒ನೂಃ ।

ಯದೋಷ॑ಧಯಃ । ವಾ॒ಚೋ ವಿ॒ಸರ್ಜ॑ನ॒ಮಿತ್ಯಾ॑ಹ ।

ಯ॒ದಾ ಹಿ ಪ್ರ॒ಜಾ ಓಷ॑ಧೀನಾ-ಮ॒ಶ್ನನ್ತಿ॑ । ಅಥ॒ ವಾಚಂ॒-ವಿಁಸೃ॑ಜನ್ತೇ । ದೇ॒ವವೀ॑ತಯೇ ತ್ವಾ ಗೃಹ್ಣಾ॒ಮೀತ್ಯಾ॑ಹ ॥ 41 ॥

ದೇ॒ವತಾ॑ಭಿರೇ॒ವೈನ॒-ಥ್ಸಮ॑ರ್ಧಯತಿ ॥

ಅದ್ರಿ॑ರಸಿ ವಾನಸ್ಪ॒ತ್ಯ ಇತ್ಯಾ॑ಹ । ಗ್ರಾವಾ॑ಣ-ಮೇ॒ವೈನ॑-ತ್ಕರೋತಿ ।

ಸ ಇ॒ದ-ನ್ದೇ॒ವೇಭ್ಯೋ॑ ಹ॒ವ್ಯಗ್ಂ ಸು॒ಶಮಿ॑ ಶಮಿ॒ಷ್ವೇತ್ಯಾ॑ಹ॒ ಶಾನ್ತ್ಯೈ᳚ ॥ ಹವಿ॑ಷ್ಕೃ॒ದೇಹೀತ್ಯಾ॑ಹ ।

ಯ ಏ॒ವ ದೇ॒ವಾನಾಗ್ಂ॑ ಹವಿ॒ಷ್ಕೃತಃ॑ । ತಾನ್. ಹ್ವ॑ಯತಿ ।

ತ್ರಿರ್ಹ್ವ॑ಯತಿ । ತ್ರಿಷ॑ತ್ಯಾ॒ ಹಿ ದೇ॒ವಾಃ ॥ ಇಷ॒ಮಾ ವ॒ದೋರ್ಜ॒ಮಾ ವ॒ದೇತ್ಯಾ॑ಹ ॥ 42 ॥

ಇಷ॑ಮೇ॒ವೋರ್ಜಂ॒-ಯಁಜ॑ಮಾನೇ ದಧಾತಿ ।

ದ್ಯು॒ಮದ್ವ॑ದತ ವ॒ಯಗ್ಂ ಸ॑ಘಾ॒ನ್ತ-ಞ್ಜೇ॒ಷ್ಮೇತ್ಯಾ॑ಹ॒ ಭ್ರಾತೃ॑ವ್ಯಾಭಿಭೂತ್ಯೈ ॥ ಮನೋ᳚-ಶ್ಶ್ರ॒ದ್ಧಾದೇ॑ವಸ್ಯ॒ ಯಜ॑ಮಾನಸ್ಯಾಸುರ॒ಘ್ನೀ ವಾಕ್ । ಯ॒ಜ್ಞಾ॒ಯು॒ಧೇಷು॒ ಪ್ರವಿ॑ಷ್ಟಾ-ಽಽಸೀತ್ । ತೇ-ಽಸು॑ರಾ॒ ಯಾವ॑ನ್ತೋ ಯಜ್ಞಾಯು॒ಧಾನಾ॑ಮು॒ದ್ವದ॑ತಾ-ಮು॒ಪಾಶೃ॑ಣ್ವನ್ನ್ ।

ತೇ ಪರಾ॑-ಽಭವನ್ನ್ । ತಸ್ಮಾ॒-ಥ್ಸ್ವಾನಾ॒-ಮ್ಮದ್ಧ್ಯೇ॑-ಽವ॒ಸಾಯ॑ ಯಜೇತ । ಯಾವ॑ನ್ತೋ-ಽಸ್ಯ॒ ಭ್ರಾತೃ॑ವ್ಯಾ ಯಜ್ಞಾಯು॒ಧಾನಾ॑-ಮು॒ದ್ವದ॑ತಾ-ಮುಪಶೃ॒ಣ್ವನ್ತಿ॑ । ತೇ ಪರಾ॑ ಭವನ್ತಿ ।

ಉ॒ಚ್ಚೈ-ಸ್ಸ॒ಮಾಹ॑ನ್ತ॒ವಾ ಆ॑ಹ॒ ವಿಜಿ॑ತ್ಯೈ ॥ 43 ॥

ವೃ॒ಙ್ಕ್ತ ಏ॑ಷಾಮಿನ್ದ್ರಿ॒ಯಂ-ವೀಁ॒ರ್ಯ᳚ಮ್ । ಶ್ರೇಷ್ಠ॑ ಏಷಾ-ಮ್ಭವತಿ ॥ ವ॒ರ್॒ಷ ವೃ॑ದ್ಧಮಸಿ॒ ಪ್ರತಿ॑ ತ್ವಾ ವ॒ರ್॒ಷವೃ॑ದ್ಧಂ-ವೇಁ॒ತ್ತ್ವಿತ್ಯಾ॑ಹ ।

ವ॒ರ್॒ಷವೃ॑ದ್ಧಾ॒ ವಾ ಓಷ॑ಧಯಃ ।

ವ॒ರ್॒ಷವೃ॑ದ್ಧಾ ಇ॒ಷೀಕಾ॒-ಸ್ಸಮೃ॑ದ್ಧ್ಯೈ ।

ಯ॒ಜ್ಞಗ್ಂ ರಕ್ಷಾ॒ಗ್॒ಸ್ಯನು॒ ಪ್ರಾವಿ॑ಶನ್ನ್ ।

ತಾನ್ಯ॒ಸ್ನಾ ಪ॒ಶುಭ್ಯೋ॑ ನಿ॒ರವಾ॑ದಯನ್ತ ।

ತುಷೈ॒ರೋಷ॑ಧೀಭ್ಯಃ ॥ ಪರಾ॑ಪೂತ॒ಗ್ಂ॒ ರಕ್ಷಃ॒ ಪರಾ॑ಪೂತಾ॒ ಅರಾ॑ತಯ॒ ಇತ್ಯಾ॑ಹ ।

ರಕ್ಷ॑ಸಾ॒ಮಪ॑ಹತ್ಯೈ ॥ 44 ॥

ರಕ್ಷ॑ಸಾ-ಮ್ಭಾ॒ಗೋ॑-ಽಸೀತ್ಯಾ॑ಹ । ತುಷೈ॑ರೇ॒ವ ರಕ್ಷಾಗ್ಂ॑ಸಿ ನಿ॒ರವ॑ದಯತೇ । ಅ॒ಪ ಉಪ॑ಸ್ಪೃಶತಿ ಮೇದ್ಧ್ಯ॒ತ್ವಾಯ॑ । ವಾ॒ಯುರ್ವೋ॒ ವಿ ವಿ॑ನ॒ಕ್ತ್ವಿತ್ಯಾ॑ಹ । ಪ॒ವಿತ್ರಂ॒-ವೈಁ ವಾ॒ಯುಃ । ಪು॒ನಾತ್ಯೇ॒ವೈನಾನ್॑ । ಅ॒ನ್ತರಿ॑ಕ್ಷಾದಿವ॒ ವಾ ಏ॒ತೇ ಪ್ರಸ್ಕ॑ನ್ದನ್ತಿ । ಯೇ ಶೂರ್ಪಾ᳚ತ್ । ದೇ॒ವೋ ವಃ॑ ಸವಿ॒ತಾ ಹಿರ॑ಣ್ಯಪಾಣಿಃ॒ ಪ್ರತಿ॑ಗೃಹ್ಣಾ॒ತ್ವಿತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ ।

ಹ॒ವಿಷೋ-ಽಸ್ಕ॑ನ್ದಾಯ । ತ್ರಿಷ್ಫ॒ಲೀಕ॑ರ್ತ॒ವಾ ಆ॑ಹ । ತ್ರ್ಯಾ॑ವೃ॒ದ್ಧಿ ಯ॒ಜ್ಞಃ । ಅಥೋ॑ ಮೇದ್ಧ್ಯ॒ತ್ವಾಯ॑ ॥ 45 ॥

(ದ್ವಾಭ್ಯಾ॒ಮು-ತ್ಪು॑ನಾತಿ - ರ॒ಶ್ಮಯೋ॑ - ನಯ॒ನ್ತ್ಯಗ್ರೇ॑ ಯ॒ಜ್ಞಪ॑ತಿಂ - ಁಯ॒ಜ್ಞೋ - ಽದಿ॑ತಿ॒ - ರಸ್ಕ॑ನ್ದಾಯ - ಗೃಹ್ಣಾ॒ಮೀತ್ಯಾ॑ಹ - ವ॒ದೇತ್ಯಾ॑ಹ॒ - ವಿಜಿ॑ತ್ಯಾ॒ - ಅಪ॑ಹತ್ಯಾ॒ - ಅಸ್ಕ॑ನ್ದಾಯ॒ ತ್ರೀಣಿ॑ ಚ) (ಅ. 5)

ಅನುವಾಕಂ 6 - ತಣ್ಡುಲಪೇಷಣಮ್

ಅವ॑ಧೂತ॒ಗ್ಂ॒ ರಕ್ಷೋ-ಽವ॑ಧೂತಾ॒ ಅರಾ॑ತಯ॒ ಇತ್ಯಾ॑ಹ । ರಕ್ಷ॑ಸಾ॒ಮಪ॑ಹತ್ಯೈ । ಅದಿ॑ತ್ಯಾ॒ಸ್ತ್ವಗ॒ಸೀತ್ಯಾ॑ಹ । ಇ॒ಯಂ-ವಾಁ ಅದಿ॑ತಿಃ । ಅ॒ಸ್ಯಾ ಏ॒ವೈನ॒-ತ್ತ್ವಚ॑-ಙ್ಕರೋತಿ । ಪ್ರತಿ॑ ತ್ವಾ ಪೃಥಿ॒ವೀ ವೇ॒ತ್ತ್ವಿತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ ।

ಪು॒ರಸ್ತಾ᳚-ತ್ಪ್ರತೀ॒ಚೀನ॑ಗ್ರೀವ॒-ಮುತ್ತ॑ರಲೋ॒ಮೋಪ॑ಸ್ತೃಣಾತಿ ಮೇದ್ಧ್ಯ॒ತ್ವಾಯ॑ । ತಸ್ಮಾ᳚-ತ್ಪು॒ರಸ್ತಾ᳚-ತ್ಪ್ರ॒ತ್ಯಞ್ಚಃ॑ ಪ॒ಶವೋ॒ ಮೇಧ॒ಮುಪ॑ತಿಷ್ಠನ್ತೇ । ತಸ್ಮಾ᳚-ತ್ಪ್ರ॒ಜಾ ಮೃ॒ಗ-ಙ್ಗ್ರಾಹು॑ಕಾಃ । ಯ॒ಜ್ಞೋ ದೇ॒ವೇಭ್ಯೋ॒ ನಿಲಾ॑ಯತ ॥ 46 ॥

ಕೃಷ್ಣೋ॑ ರೂ॒ಪ-ಙ್ಕೃ॒ತ್ವಾ । ಯ-ತ್ಕೃ॑ಷ್ಣಾಜಿ॒ನೇ ಹ॒ವಿರ॑ಧಿಪಿ॒ನಷ್ಟಿ॑ । ಯ॒ಜ್ಞಾದೇ॒ವ ತ-ದ್ಯ॒ಜ್ಞ-ಮ್ಪ್ರಯು॑ಙ್ಕ್ತೇ । ಹ॒ವಿಷೋ-ಽಸ್ಕ॑ನ್ದಾಯ ॥ ದ್ಯಾವಾ॑ಪೃಥಿ॒ವೀ ಸ॒ಹಾಸ್ತಾ᳚ಮ್ । ತೇ ಶ॑ಮ್ಯಾಮಾ॒ತ್ರಮೇಕ॒ಮಹ॒ರ್ವ್ಯೈತಾಗ್ಂ॑ ಶಮ್ಯಾಮಾ॒ತ್ರಮೇಕ॒ಮಹಃ॑ ॥ ದಿ॒ವ-ಸ್ಸ್ಕ॑ಮ್ಭ॒ನಿರ॑ಸಿ॒ ಪ್ರತಿ॒ ತ್ವಾ ಽದಿ॑ತ್ಯಾ॒ಸ್ತ್ವಗ್ವೇ॒ತ್ತ್ವಿತ್ಯಾ॑ಹ ।

ದ್ಯಾವಾ॑ಪೃಥಿ॒ವ್ಯೋ-ರ್ವೀತ್ಯೈ᳚ । ಧಿ॒ಷಣಾ॑-ಽಸಿ ಪರ್ವ॒ತ್ಯಾ

ಪ್ರತಿ॑ ತ್ವಾ ದಿ॒ವ-ಸ್ಸ್ಕ॑ಮ್ಭ॒ನಿರ್ವೇ॒ತ್ತ್ವಿತ್ಯಾ॑ಹ ।

ದ್ಯಾವಾ॑ಪೃಥಿ॒ವ್ಯೋ-ರ್ವಿಧೃ॑ತ್ಯೈ ॥ 47 ॥

ಧಿ॒ಷಣಾ॑-ಽಸಿ ಪಾರ್ವತೇ॒ಯೀ ಪ್ರತಿ॑ ತ್ವಾ ಪರ್ವ॒ತಿರ್ವೇ॒ತ್ತ್ವಿತ್ಯಾ॑ಹ । ದ್ಯಾವಾ॑ಪೃಥಿ॒ವ್ಯೋರ್ಧೃತ್ಯೈ᳚ ॥ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತ್ಯಾ॑ಹ॒ ಪ್ರಸೂ᳚ತ್ಯೈ । ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ । ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ । ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ᳚ ।

ಅಧಿ॑ವಪಾ॒ಮೀತ್ಯಾ॑ಹ । ಯ॒ಥಾ॒ದೇ॒ವ॒ತ-ಮೇ॒ವೈನಾ॒ನಧಿ॑ ವಪತಿ ॥ ಧಾ॒ನ್ಯ॑ಮಸಿ ಧಿನು॒ಹಿ ದೇ॒ವಾನಿತ್ಯಾ॑ಹ । ಏ॒ತಸ್ಯ॒ ಯಜು॑ಷೋ ವೀ॒ರ್ಯೇ॑ಣ ॥ 48 ॥

ಯಾವ॒ದೇಕಾ॑ ದೇ॒ವತಾ॑ ಕಾ॒ಮಯ॑ತೇ॒ ಯಾವ॒ದೇಕಾ᳚ । ತಾವ॒ದಾಹು॑ತಿಃ ಪ್ರಥತೇ । ನ ಹಿ ತದಸ್ತಿ॑ । ಯತ್ತಾವ॑ದೇ॒ವ ಸ್ಯಾತ್ । ಯಾವ॑ಜ್ಜು॒ಹೋತಿ॑ ॥ ಪ್ರಾ॒ಣಾಯ॑ ತ್ವಾ-ಽಪಾ॒ನಾಯ॒ ತ್ವೇತ್ಯಾ॑ಹ । ಪ್ರಾ॒ಣಾನೇ॒ವ ಯಜ॑ಮಾನೇ ದಧಾತಿ । ದೀ॒ರ್ಘಾಮನು॒ ಪ್ರಸಿ॑ತಿ॒ಮಾಯು॑ಷೇ ಧಾ॒ಮಿತ್ಯಾ॑ಹ । ಆಯು॑ರೇ॒ವಾಸ್ಮಿ॑-ನ್ದಧಾತಿ ।

ಅ॒ನ್ತರಿ॑ಕ್ಷಾದಿವ॒ ವಾ ಏ॒ತಾನಿ॒ ಪ್ರಸ್ಕ॑ನ್ದನ್ತಿ । ಯಾನಿ॑ ದೃ॒ಷದಃ॑ । ದೇ॒ವೋ ವಃ॑ ಸವಿ॒ತಾ ಹಿರ॑ಣ್ಯಪಾಣಿಃ॒ ಪ್ರತಿ॑ ಗೃಹ್ಣಾ॒ತ್ವಿತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ । ಹ॒ವಿಷೋ-ಽಸ್ಕ॑ನ್ದಾಯ ॥

ಅಸಂ॑ವಁಪನ್ತೀ ಪಿಗ್ಂ॑ಷಾ॒ಣೂನಿ॑ ಕುರುತಾ॒ದಿತ್ಯಾ॑ಹ ಮೇದ್ಧ್ಯ॒ತ್ವಾಯ॑ ॥ 49 ॥

(ನಿಲಾ॑ಯತ॒ - ವಿಧೃ॑ತ್ಯೈ - ವೀ॒ರ್ಯೇ॑ಣ - ಸ್ಕನ್ದನ್ತಿ ಚ॒ತ್ವಾರಿ॑ ಚ ) (ಅ. 6)

ಅನುವಾಕಂ 7 - ಕಪಾಲೋಪಧಾನಮ್

ಧೃಷ್ಟಿ॑ರಸಿ॒ ಬ್ರಹ್ಮ॑ ಯ॒ಚ್ಛೇತ್ಯಾ॑ಹ॒ ಧೃತ್ಯೈ᳚ ॥

ಅಪಾ᳚ಗ್ನೇ॒ ಽಗ್ನಿಮಾ॒ಮಾದ॑-ಞ್ಜಹಿ॒ ನಿಷ್ಕ್ರ॒ವ್ಯಾದಗ್ಂ॑

ಸೇ॒ಧಾ ದೇ॑ವ॒ಯಜಂ॑-ವಁ॒ಹೇತ್ಯಾ॑ಹ ।

ಯ ಏ॒ವಾಮಾತ್ಕ್ರ॒ವ್ಯಾತ್ । ತಮ॑ಪ॒ಹತ್ಯ॑ । ಮೇದ್ಧ್ಯೇ॒-ಽಗ್ನೌ ಕ॒ಪಾಲ॒ಮುಪ॑ದಧಾತಿ ॥ ನಿರ್ದ॑ಗ್ಧ॒ಗ್ಂ॒ ರಕ್ಷೋ॒ ನಿರ್ದ॑ಗ್ಧಾ॒ ಅರಾ॑ತಯ॒ ಇತ್ಯಾ॑ಹ । ರಕ್ಷಾಗ್॑ಸ್ಯೇ॒ವ

ನಿರ್ದ॑ಹತಿ । ಅ॒ಗ್ನಿ॒ವತ್ಯುಪ॑ದಧಾತಿ । ಅ॒ಸ್ಮಿನ್ನೇ॒ವ ಲೋ॒ಕೇ ಜ್ಯೋತಿ॑ರ್ಧತ್ತೇ । ಅಙ್ಗಾ॑ರ॒ಮಧಿ॑-ವರ್ತಯತಿ ॥ 50 ॥

ಅ॒ನ್ತರಿ॑ಕ್ಷ ಏ॒ವ ಜ್ಯೋತಿ॑ರ್ಧತ್ತೇ ।

ಆ॒ದಿ॒ತ್ಯಮೇ॒ವಾಮುಷ್ಮಿ॑ನ್ ಁಲೋ॒ಕೇ ಜ್ಯೋತಿ॑ರ್ಧತ್ತೇ ।

ಜ್ಯೋತಿ॑ಷ್ಮನ್ತೋ-ಽಸ್ಮಾ ಇ॒ಮೇ ಲೋ॒ಕಾ ಭ॑ವನ್ತಿ ।

ಯ ಏ॒ವಂ-ವೇಁದ॑ ॥ ಧ್ರು॒ವಮ॑ಸಿ ಪೃಥಿ॒ವೀ-ನ್ದೃ॒ಗ್ಂ॒ಹೇತ್ಯಾ॑ಹ । ಪೃ॒ಥಿ॒ವೀಮೇ॒ವೈತೇನ॑ ದೃಗ್ಂಹತಿ ।

ಧ॒ರ್ತ್ರಮ॑ಸ್ಯ॒ನ್ತರಿ॑ಕ್ಷ-ನ್ದೃ॒ಗ್ಂ॒ಹೇತ್ಯಾ॑ಹ । ಅ॒ನ್ತರಿ॑ಕ್ಷಮೇ॒ವೈತೇನ॑ ದೃಗ್ಂಹತಿ ।

ಧ॒ರುಣ॑ಮಸಿ॒ ದಿವ॑-ನ್ದೃ॒ಗ್ಂ॒ಹೇತ್ಯಾ॑ಹ । ದಿವ॑ಮೇ॒ವೈತೇನ॑ ದೃಗ್ಂಹತಿ ॥ 51 ॥

ಧರ್ಮಾ॑ಸಿ॒ ದಿಶೋ॑ ದೃ॒ಗ್ಂ॒ಹೇತ್ಯಾ॑ಹ ।

ದಿಶ॑ ಏ॒ವೈತೇನ॑ ದೃಗ್ಂಹತಿ । ಇ॒ಮಾನೇ॒ವೈತೈ-ರ್ಲೋ॒ಕಾ-ನ್ದೃಗ್ಂ॑ಹತಿ । ದೃಗ್ಂ ಹ॑ನ್ತೇ-ಽಸ್ಮಾ ಇ॒ಮೇ ಲೋ॒ಕಾಃ ಪ್ರ॒ಜಯಾ॑ ಪ॒ಶುಭಿಃ॑ । ಯ ಏ॒ವಂ-ವೇಁದ॑ ॥ ತ್ರೀಣ್ಯಗ್ರೇ॑ ಕ॒ಪಾಲಾ॒ನ್ಯುಪ॑ದಧಾತಿ । ತ್ರಯ॑ ಇ॒ಮೇ ಲೋ॒ಕಾಃ ।

ಏ॒ಷಾಂ-ಲೋಁ॒ಕಾನಾ॒ಮಾಪ್ತ್ಯೈ᳚ ।

ಏಕ॒ಮಗ್ರೇ॑ ಕ॒ಪಾಲ॒ಮುಪ॑ದಧಾತಿ ।

ಏಕಂ॒-ವಾಁ ಅಗ್ರೇ॑ ಕ॒ಪಾಲ॒-ಮ್ಪುರು॑ಷಸ್ಯ ಸ॒ಭಂವಁ॑ತಿ ॥ 52 ॥

ಅಥ॒ ದ್ವೇ । ಅಥ॒ ತ್ರೀಣಿ॑ । ಅಥ॑ ಚ॒ತ್ವಾರಿ॑ । ಅಥಾ॒ಷ್ಟೌ ।

ತಸ್ಮಾ॑ದ॒ಷ್ಟಾಕ॑ಪಾಲ॒-ಮ್ಪುರು॑ಷಸ್ಯ॒ ಶಿರಃ॑ ।

ಯದೇ॒ವ-ಙ್ಕ॒ಪಾಲಾ᳚ನ್ಯುಪ॒ ದಧಾ॑ತಿ । ಯ॒ಜ್ಞೋ ವೈ ಪ್ರ॒ಜಾಪ॑ತಿಃ । ಯ॒ಜ್ಞಮೇ॒ವ ಪ್ರ॒ಜಾಪ॑ತಿ॒ಗ್ಂ॒ ಸಗ್ಗ್ಸ್ಕ॑ರೋತಿ ।

ಆ॒ತ್ಮಾನ॑ಮೇ॒ವ ತ-ಥ್ಸಗ್ಗ್ಸ್ಕ॑ರೋತಿ । ತಗ್ಂ ಸಗ್ಗ್ಸ್ಕೃ॑ತಮಾ॒ತ್ಮಾನ᳚ಮ್ ॥ 53 ॥

ಅ॒ಮುಷ್ಮಿ॑ನ್ ಁಲೋ॒ಕೇ-ಽನು॒ಪರೈ॑ತಿ ॥ ಯದ॒ಷ್ಟಾವು॑ಪ॒ ದಧಾ॑ತಿ । ಗಾ॒ಯ॒ತ್ರಿ॒ಯಾ ತ-ಥ್ಸಮ್ಮಿ॑ತಮ್ । ಯನ್ನವ॑ । ತ್ರಿ॒ವೃತಾ॒ ತತ್ । ಯ-ದ್ದಶ॑ । ವಿ॒ರಾಜಾ॒ ತತ್ । ಯದೇಕಾ॑ದಶ । ತ್ರಿ॒ಷ್ಟುಭಾ॒ ತತ್ । ಯದ್ದ್ವಾದ॑ಶ ॥ 54 ॥

ಜಗ॑ತ್ಯಾ॒ ತತ್ । ಛನ್ದಃ॑ ಸಮ್ಮಿತಾನಿ॒ ಸ ಉ॑ಪ॒ದಧ॑-ತ್ಕ॒ಪಾಲಾ॑ನಿ । ಇ॒ಮಾನ್ ಁಲೋ॒ಕಾನ॑ನುಪೂ॒ರ್ವ-ನ್ದಿಶೋ॒ ವಿಧೃ॑ತ್ಯೈ ದೃಗ್ಂಹತಿ । ಅಥಾಯುಃ॑ ಪ್ರಾ॒ಣಾ-ನ್ಪ್ರ॒ಜಾ-ಮ್ಪ॒ಶೂನ್. ಯಜ॑ಮಾನೇ ದಧಾತಿ । ಸ॒ಜಾ॒ತಾನ॑ಸ್ಮಾ ಅ॒ಭಿತೋ॑ ಬಹು॒ಲಾನ್ ಕ॑ರೋತಿ ॥

ಚಿತ॒-ಸ್ಸ್ಥೇತ್ಯಾ॑ಹ । ಯ॒ಥಾ॒ ಯ॒ಜುರೇ॒ವೈತತ್ ॥

ಭೃಗೂ॑ಣಾ॒ಮಙ್ಗಿ॑ರಸಾ॒-ನ್ತಪ॑ಸಾ ತಪ್ಯದ್ಧ್ವ॒ಮಿತ್ಯಾ॑ಹ ।

ದೇ॒ವತಾ॑ನಾ-ಮೇ॒ವೈನಾ॑ನಿ॒ ತಪ॑ಸಾ ತಪತಿ । ತಾನಿ॒ ತತ॒-ಸ್ಸಗ್ಗ್ಸ್ಥಿ॑ತೇ । ಯಾನಿ॑ ಘ॒ರ್ಮೇ ಕ॒ಪಾಲಾ᳚ನ್ ಯುಪಚಿ॒ನ್ವನ್ತಿ॑ ವೇ॒ಧಸ॒ ಇತಿ॒ ಚತು॑ಷ್ಪದಯ॒ರ್ಚಾ ವಿಮು॑ಞ್ಚತಿ । ಚತು॑ಷ್ಪಾದಃ ಪ॒ಶವಃ॑ । ಪ॒ಶುಷ್ವೇ॒ವೋಪರಿ॑ಷ್ಟಾ॒-ತ್ಪ್ರತಿ॑ತಿಷ್ಠತಿ ॥ 55 ॥

(ವ॒ರ್ತ॒ಯ॒ತಿ॒ - ದಿವ॑ಮೇ॒ವೈತೇನ॑ ದೃಗ್ಂಹತಿ - ಸ॒ಮ್ಭವ॑ತಿ॒ - ತಗ್ಂ ಸಗ್ಗ್ಸ್ಕೃ॑ತಮಾ॒ತ್ಮಾನಂ॒ - ದ್ವಾದ॑ಶ॒ - ಸಗ್ಗ್ಸ್ಥಿ॑ತೇ॒ ತ್ರೀಣಿ॑ ಚ) (ಅ. 7)

ಅನುವಾಕಂ 8 - ಪುರೋಡಾಶಾನಿಷ್ಪಾದನಮ್

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತ್ಯಾ॑ಹ॒ ಪ್ರಸೂ᳚ತ್ಯೈ । ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ ।

ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ ।

ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ᳚ ।

ಸಂವಁ॑ಪಾ॒ಮೀತ್ಯಾ॑ಹ । ಯ॒ಥಾ॒ ದೇ॒ವ॒ತಮೇ॒ವೈನಾ॑ನಿ॒ ಸಂವಁ॑ಪತಿ ॥ ಸಮಾಪೋ॑ ಅ॒ದ್ಭಿರ॑ಗ್ಮತ॒ ಸಮೋಷ॑ಧಯೋ॒ ರಸೇ॒ನೇತ್ಯಾ॑ಹ । ಆಪೋ॒ ವಾ ಓಷ॑ಧೀ-ರ್ಜಿನ್ವನ್ತಿ । ಓಷ॑ಧಯೋ॒-ಽಪೋ ಜಿ॑ನ್ವನ್ತಿ ।

ಅ॒ನ್ಯಾ ವಾ ಏ॒ತಾಸಾ॑ಮ॒ನ್ಯಾ ಜಿ॑ನ್ವನ್ತಿ ॥ 56 ॥

ತಸ್ಮಾ॑ದೇ॒ವಮಾ॑ಹ । ಸಗ್ಂ ರೇ॒ವತೀ॒-ರ್ಜಗ॑ತೀಭಿ॒-ರ್ಮಧು॑ಮತೀ॒-ರ್ಮಧು॑ಮತೀಭಿ-ಸ್ಸೃಜ್ಯದ್ಧ್ವ॒ಮಿತ್ಯಾ॑ಹ ।

ಆಪೋ॒ ವೈ ರೇ॒ವತೀಃ᳚ । ಪ॒ಶವೋ॒ ಜಗ॑ತೀಃ । ಓಷ॑ಧಯೋ॒ ಮಧು॑ಮತೀಃ । ಆಪ॒ ಓಷ॑ಧೀಃ ಪ॒ಶೂನ್ । ತಾನೇ॒ವಾಸ್ಮಾ॑ ಏಕ॒ಧಾ ಸ॒ಗ್ಂ॒ಸೃಜ್ಯ॑ । ಮಧು॑ಮತಃ ಕರೋತಿ ।

ಅ॒ದ್ಭ್ಯಃ ಪರಿ॒ ಪ್ರಜಾ॑ತಾ-ಸ್ಸ್ಥ॒ ಸಮ॒ದ್ಭಿಃ ಪೃ॑ಚ್ಯದ್ಧ್ವ॒ಮಿತಿ॑ ಪ॒ರ್ಯಾಪ್ಲಾ॑ವಯತಿ ।

ಯಥಾ॒ ಸುವೃ॑ಷ್ಟ ಇ॒ಮಾಮ॑ನು ವಿ॒ಸೃತ್ಯ॑ ॥ 57 ॥

ಆಪ॒ ಓಷ॑ಧೀರ್ಮ॒ಹಯ॑ನ್ತಿ । ತಾ॒ದೃಗೇ॒ವ ತತ್ ॥

ಜನ॑ಯತ್ಯೈ ತ್ವಾ॒ ಸಂಯೌಁ॒ಮೀತ್ಯಾ॑ಹ । ಪ್ರ॒ಜಾ ಏ॒ವೈತೇನ॑ ದಾಧಾರ । ಅ॒ಗ್ನಯೇ᳚ ತ್ವಾ॒-ಽಗ್ನೀಷೋಮಾ᳚ಭ್ಯಾ॒ಮಿತ್ಯಾ॑ಹ॒ ವ್ಯಾವೃ॑ತ್ತ್ಯೈ । ಮ॒ಖಸ್ಯ॒ ಶಿರೋ॒-ಽಸೀತ್ಯಾ॑ಹ ।

ಯ॒ಜ್ಞೋ ವೈ ಮ॒ಖಃ । ತಸ್ಯೈ॒ತಚ್ಛಿರಃ॑ । ಯ-ತ್ಪು॑ರೋ॒ಡಾಶಃ॑ । ತಸ್ಮಾ॑ದೇ॒ವಮಾ॑ಹ ॥ 58 ॥

ಘ॒ರ್ಮೋ॑-ಽಸಿ ವಿ॒ಶ್ವಾಯು॒ರಿತ್ಯಾ॑ಹ । ವಿಶ್ವ॑ಮೇ॒ವಾಯು॒-ರ್ಯಜ॑ಮಾನೇ ದಧಾತಿ । ಉ॒ರು ಪ್ರ॑ಥಸ್ವೋ॒ರು ತೇ॑ ಯ॒ಜ್ಞಪ॑ತಿಃ ಪ್ರಥತಾ॒ಮಿತ್ಯಾ॑ಹ । ಯಜ॑ಮಾನಮೇ॒ವ ಪ್ರ॒ಜಯಾ॑ ಪ॒ಶುಭಿಃ॑ ಪ್ರಥಯತಿ । ತ್ವಚ॑-ಙ್ಗೃಹ್ಣೀ॒ಷ್ವೇತ್ಯಾ॑ಹ ।

ಸರ್ವ॑ಮೇ॒ವೈನ॒ಗ್ಂ॒ ಸತ॑ನು-ಙ್ಕರೋತಿ । ಅಥಾ॒ಪ ಆ॒ನೀಯ॒ ಪರಿ॑ ಮಾರ್ಷ್ಟಿ । ಮಾ॒ಗ್ಂ॒ಸ ಏ॒ವ ತ-ತ್ತ್ವಚ॑-ನ್ದಧಾತಿ । ತಸ್ಮಾ᳚-ತ್ತ್ವ॒ಚಾ ಮಾ॒ಗ್ಂ॒ಸ-ಞ್ಛ॒ನ್ನಮ್ ॥

ಘ॒ರ್ಮೋ ವಾ ಏ॒ಷೋ-ಽಶಾ᳚ನ್ತಃ ॥ 59 ॥

ಅ॒ರ್ಧ॒ಮಾ॒ಸೇ᳚-ಽರ್ಧಮಾಸೇ॒ ಪ್ರವೃ॑ಜ್ಯತೇ । ಯ-ತ್ಪು॑ರೋ॒ಡಾಶಃ॑ । ಸ ಈ᳚ಶ್ವ॒ರೋ ಯಜ॑ಮಾನಗ್ಂ ಶು॒ಚಾ ಪ್ರ॒ದಹಃ॑ । ಪರ್ಯ॑ಗ್ನಿ ಕರೋತಿ । ಪ॒ಶುಮೇ॒ವೈನ॑ಮಕಃ । ಶಾನ್ತ್ಯಾ॒ ಅಪ್ರ॑ದಾಹಾಯ । ತ್ರಿಃ ಪರ್ಯ॑ಗ್ನಿ ಕರೋತಿ ।

ತ್ರ್ಯಾ॑ವೃ॒ದ್ಧಿ ಯ॒ಜ್ಞಃ । ಅಥೋ॒ ರಕ್ಷ॑ಸಾ॒ಮಪ॑ಹತ್ಯೈ ॥

ಅ॒ನ್ತರಿ॑ತ॒ಗ್ಂ॒ ರಕ್ಷೋ॒-ಽನ್ತರಿ॑ತಾ॒ ಅರಾ॑ತಯ॒ ಇತ್ಯಾ॑ಹ ॥ 60 ॥

ರಕ್ಷ॑ಸಾ-ಮ॒ನ್ತರ್ಹಿ॑ತ್ಯೈ । ಪು॒ರೋ॒ಡಾಶಂ॒-ವಾಁ ಅಧಿ॑ಶ್ರಿತ॒ಗ್ಂ॒ ರಕ್ಷಾಗ್॑ಸ್ಯಜಿಘಾಗ್ಂಸನ್ನ್ ।

ದಿ॒ವಿ ನಾಕೋ॒ ನಾಮಾ॒ಗ್ನೀ ರ॑ಕ್ಷೋ॒ಹಾ । ಸ ಏ॒ವಾಸ್ಮಾ॒-ದ್ರಕ್ಷಾ॒ಗ್॒ಸ್ಯಪಾ॑ಹನ್ನ್ । ದೇ॒ವಸ್ತ್ವಾ॑ ಸವಿ॒ತಾ ಶ್ರ॑ಪಯ॒ತ್ವಿತ್ಯಾ॑ಹ । ಸ॒ವಿ॒ತೃಪ್ರ॑ಸೂತ ಏ॒ವೈನಗ್ಗ್॑ ಶ್ರಪಯತಿ । ವರ್ಷಿ॑ಷ್ಠೇ॒ ಅಧಿ॒ ನಾಕ॒ ಇತ್ಯಾ॑ಹ । ರಕ್ಷ॑ಸಾ॒ಮಪ॑ಹತ್ಯೈ । ಅ॒ಗ್ನಿಸ್ತೇ॑ ತ॒ನುವ॒-ಮ್ಮಾ-ಽತಿ॑ ಧಾ॒ಗಿತ್ಯಾ॒ಹಾನ॑ತಿದಾಹಾಯ । ಅಗ್ನೇ॑ ಹ॒ವ್ಯಗ್ಂ ರ॑ಕ್ಷ॒ಸ್ವೇತ್ಯಾ॑ಹ॒ ಗುಪ್ತ್ಯೈ᳚ ॥ 61 ॥

ಅವಿ॑ದಹನ್ತ-ಶ್ಶ್ರಪಯ॒ತೇತಿ॒ ವಾಚಂ॒-ವಿಁಸೃ॑ಜತೇ ।

ಯ॒ಜ್ಞಮೇ॒ವ ಹ॒ವೀಗ್ಷ್ಯ॑ಭಿ-ವ್ಯಾ॒ಹೃತ್ಯ॒ ಪ್ರತ॑ನುತೇ ।

ಪು॒ರೋ॒ರುಚ॒ಮವಿ॑ದಾಹಾಯ॒ ಶೃತ್ಯೈ॑ ಕರೋತಿ ॥ ಮ॒ಸ್ತಿಷ್ಕೋ॒ ವೈ ಪು॑ರೋ॒ಡಾಶಃ॑ । ತಂ-ಯಁನ್ನಾಭಿ॑ವಾ॒ಸಯೇ᳚ತ್ । ಆ॒ವಿರ್ಮ॒ಸ್ತಿಷ್ಕಃ॑ ಸ್ಯಾತ್ । ಅ॒ಭಿವಾ॑ಸಯತಿ ।

ತಸ್ಮಾ॒-ದ್ಗುಹಾ॑ ಮ॒ಸ್ತಿಷ್ಕಃ॑ । ಭಸ್ಮ॑ನಾ॒-ಽಭಿ ವಾ॑ಸಯತಿ ।

ತಸ್ಮಾ᳚-ನ್ಮಾ॒ಗ್ಂ॒ಸೇನಾಸ್ಥಿ॑ ಛ॒ನ್ನಮ್ ॥ 62 ॥

ವೇ॒ದೇನಾ॒ಭಿ ವಾ॑ಸಯತಿ । ತಸ್ಮಾ॒-ತ್ಕೇಶೈ॒-ಶ್ಶಿರಃ॑ ಛ॒ನ್ನಮ್ ।

ಅಖ॑ಲತಿಭಾವುಕೋ ಭವತಿ । ಯ ಏ॒ವಂ-ವೇಁದ॑ ॥ ಪ॒ಶೋರ್ವೈ ಪ್ರ॑ತಿ॒ಮಾ ಪು॑ರೋ॒ಡಾಶಃ॑ । ಸ ನಾಯ॒ಜುಷ್ಕ॑-ಮಭಿ॒ವಾಸ್ಯಃ॑ । ವೃಥೇ॑ವ ಸ್ಯಾತ್ । ಈ॒ಶ್ವ॒ರಾ ಯಜ॑ಮಾನಸ್ಯ ಪ॒ಶವಃ॒ ಪ್ರಮೇ॑ತೋಃ ॥ ಸ-ಮ್ಬ್ರಹ್ಮ॑ಣಾ ಪೃಚ್ಯ॒ಸ್ವೇತ್ಯಾ॑ಹ । ಪ್ರಾ॒ಣಾ ವೈ ಬ್ರಹ್ಮ॑ ॥ 63 ॥

ಪ್ರಾ॒ಣಾಃ ಪ॒ಶವಃ॑ । ಪ್ರಾ॒ಣೈರೇ॒ವ ಪ॒ಶೂನ್ಥ್

ಸಮ್ಪೃ॑ಣಕ್ತಿ । ನ ಪ್ರ॒ಮಾಯು॑ಕಾ ಭವನ್ತಿ । ಯಜ॑ಮಾನೋ॒ ವೈ ಪು॑ರೋ॒ಡಾಶಃ॑ । ಪ್ರ॒ಜಾ ಪ॒ಶವಃ॒ ಪುರೀ॑ಷಮ್ ।

ಯದೇ॒ವಮ॑ಭಿ ವಾ॒ಸಯ॑ತಿ । ಯಜ॑ಮಾನಮೇ॒ವ ಪ್ರ॒ಜಯಾ॑ ಪ॒ಶುಭಿ॒-ಸ್ಸಮ॑ರ್ಧಯತಿ ॥ ದೇ॒ವಾ ವೈ ಹ॒ವಿ-ರ್ಭೃ॒ತ್ವಾ-ಽಬ್ರು॑ವನ್ನ್ । ಕಸ್ಮಿ॑ನ್ನಿ॒ದ-ಮ್ಮ್ರ॑ಕ್ಷ್ಯಾಮಹ॒ ಇತಿ॑ ।

ಸೋ᳚-ಽಗ್ನಿರ॑ಬ್ರವೀತ್ ॥ 64 ॥

ಮಯಿ॑ ತ॒ನೂ-ಸ್ಸನ್ನಿಧ॑ದ್ಧ್ವಮ್ । ಅ॒ಹಂ-ವಁ॒ಸ್ತ-ಞ್ಜ॑ನಯಿಷ್ಯಾಮಿ । ಯಸ್ಮಿ॑-ನ್ಮ್ರ॒ಕ್ಷ್ಯದ್ಧ್ವ॒ ಇತಿ॑ । ತೇ ದೇ॒ವಾ ಅ॒ಗ್ನೌ ತ॒ನೂ-ಸ್ಸ-ನ್ನ್ಯ॑ದಧತ । ತಸ್ಮಾ॑ದಾಹುಃ ।

ಅ॒ಗ್ನಿ-ಸ್ಸರ್ವಾ॑ ದೇ॒ವತಾ॒ ಇತಿ॑ । ಸೋ-ಽಙ್ಗಾ॑ರೇಣಾ॒ಪಃ ।

ಅ॒ಭ್ಯ॑ಪಾತಯತ್ । ತತ॑ ಏಕ॒ತೋ॑-ಽಜಾಯತ ।

ಸ ದ್ವಿ॒ತೀಯ॑ಮ॒ಭ್ಯ॑ಪಾತಯತ್ ॥ 65 ॥

ತತೋ᳚ ದ್ವಿ॒ತೋ॑-ಽಜಾಯತ । ಸ ತೃ॒ತೀಯ॑-ಮ॒ಭ್ಯ॑ಪಾತಯತ್ ।

ತತ॑-ಸ್ತ್ರಿ॒ತೋ॑-ಽಜಾಯತ । ಯದ॒ದ್ಭ್ಯೋ-ಽಜಾ॑ಯನ್ತ । ತದಾ॒ಪ್ಯಾನಾ॑ಮಾಪ್ಯ॒ತ್ವಮ್ । ಯದಾ॒ತ್ಮಭ್ಯೋ ಽಜಾ॑ಯನ್ತ ।

ತದಾ॒ತ್ಮ್ಯಾನಾ॑-ಮಾತ್ಮ್ಯ॒ತ್ವಮ್ ॥ ತೇ ದೇ॒ವಾ ಆ॒ಪ್ಯೇಷ್ವ॑ಮೃಜತ । ಆ॒ಪ್ಯಾ ಅ॑ಮೃಜತ॒ ಸೂರ್ಯಾ᳚ಭ್ಯುದಿತೇ । ಸೂರ್ಯಾ᳚ಭ್ಯುದಿತ॒-ಸ್ಸೂರ್ಯಾ॑ಭಿನಿಮ್ರುಕ್ತೇ ॥ 66 ॥

ಸೂರ್ಯಾ॑ಭಿನಿಮ್ರುಕ್ತಃ ಕುನ॒ಖಿನಿ॑ । ಕು॒ನ॒ಖೀ ಶ್ಯಾ॒ವದ॑ತಿ । ಶ್ಯಾ॒ವದ॑ನ್ನಗ್ರದಿಧಿ॒ಷೌ । ಅ॒ಗ್ರ॒ದಿ॒ಧಿ॒ಷುಃ ಪ॑ರಿವಿ॒ತ್ತೇ । ಪ॒ರಿ॒ವಿ॒ತ್ತೋ ವೀ॑ರ॒ಹಣಿ॑ । ವೀ॒ರ॒ಹಾ ಬ್ರ॑ಹ್ಮ॒ಹಣಿ॑ ।

ತದ್ಬ್ರ॑ಹ್ಮ॒ಹಣ॒-ನ್ನಾತ್ಯ॑ಚ್ಯವತ । ಅ॒ನ್ತ॒ರ್ವೇ॒ದಿ ನಿನ॑ಯ॒ತ್ಯವ॑ರುದ್ಧ್ಯೈ । ಉಲ್ಮು॑ಕೇನಾ॒ಭಿ ಗೃ॑ಹ್ಣಾತಿ ಶೃತ॒ತ್ವಾಯ॑ । ಶೃ॒ತಕಾ॑ಮಾ ಇವ॒ ಹಿ ದೇ॒ವಾಃ ॥ 67 ॥

(ಅ॒ನ್ಯಾ ಜಿ॑ನ್ವನ್-ತ್ಯನುವಿ॒ಸೃತ್ಯೈ॒-ವಮಾ॒-ಹಾಶಾ᳚ನ್ತ-ಆಹ॒-ಗುಪ್ತ್ಯೈ॑-ಛ॒ನ್ನಂ - ಬ್ರಹ್ಮಾ᳚-ಬ್ರವೀ-ದ್ದ್ವಿ॒ತೀಯ॑ಮ॒ಭ್ಯ॑ಪಾತಯ॒-ಥ್ಸೂರ್ಯಾ॑ಭಿನಿಮ್ರುಕ್ತೇ-ದೇ॒ವಾಃ) (ಅ. 8)

ಅನುವಾಕಂ 9 - ವೇದಿಕರಣಮ್

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತಿ॒ ಸ್ಫ್ಯಮಾದ॑ತ್ತೇ॒ ಪ್ರಸೂ᳚ತ್ಯೈ । ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ । ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ । ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ᳚ ॥ ಆದ॑ದ॒ ಇನ್ದ್ರ॑ಸ್ಯ ಬಾ॒ಹುರ॑ಸಿ॒ ದಕ್ಷಿ॑ಣ॒ ಇತ್ಯಾ॑ಹ । ಇ॒ನ್ದ್ರಿ॒ಯಮೇ॒ವ ಯಜ॑ಮಾನೇ ದಧಾತಿ । ಸ॒ಹಸ್ರ॑ಭೃಷ್ಟಿ-ಶ್ಶ॒ತತೇ॑ಜಾ॒ ಇತ್ಯಾ॑ಹ ।

ರೂ॒ಪಮೇ॒ವಾಸ್ಯೈ॒ತ-ನ್ಮ॑ಹಿ॒ಮಾನಂ॒-ವ್ಯಾಁಚ॑ಷ್ಟೇ ॥

ವಾ॒ಯುರ॑ಸಿ ತಿ॒ಗ್ಮತೇ॑ಜಾ॒ ಇತ್ಯಾ॑ಹ । ತೇಜೋ॒ ವೈ ವಾ॒ಯುಃ ॥ 68 ॥

ತೇಜ॑ ಏ॒ವಾಸ್ಮಿ॑-ನ್ದಧಾತಿ ॥ ವಿ॒ಷಾದ್ವೈ ನಾಮಾ॑ಸು॒ರ ಆ॑ಸೀತ್ । ಸೋ॑-ಽಬಿಭೇತ್ । ಯ॒ಜ್ಞೇನ॑ ಮಾ ದೇ॒ವಾ ಅ॒ಭಿಭ॑ವಿಷ್ಯ॒ನ್ತೀತಿ॑ । ಸ ಪೃ॑ಥಿ॒ವೀಮ॒ಭ್ಯ॑ವಮೀತ್ । ಸಾ ಽಮೇ॒ದ್ಧ್ಯಾ ಽಭ॑ವತ್ । ಅಥೋ॒ ಯದಿನ್ದ್ರೋ॑ ವೃ॒ತ್ರಮಹನ್ನ್॑ । ತಸ್ಯ॒ ಲೋಹಿ॑ತ-ಮ್ಪೃಥಿ॒ವೀಮನು॒ ವ್ಯ॑ಧಾವತ್ । ಸಾ ಽಮೇ॒ದ್ಧ್ಯಾ ಽಭ॑ವತ್ ।

ಪೃಥಿ॑ವಿ ದೇವಯಜ॒ನೀತ್ಯಾ॑ಹ ॥ 69 ॥

ಮೇದ್ಧ್ಯಾ॑ಮೇ॒ವೈನಾ᳚-ನ್ದೇವ॒ಯಜ॑ನೀ-ಙ್ಕರೋತಿ ।

ಓಷ॑ದ್ಧ್ಯಾಸ್ತೇ॒ ಮೂಲ॒-ಮ್ಮಾ ಹಿಗ್ಂ॑ಸಿಷ॒ಮಿತ್ಯಾ॑ಹ । ಓಷ॑ಧೀನಾ॒-ಮಹಿಗ್ಂ॑ಸಾಯೈ ॥ ವ್ರ॒ಜ-ಙ್ಗ॑ಚ್ಛ ಗೋ॒ಸ್ಥಾನ॒ಮಿತ್ಯಾ॑ಹ । ಛನ್ದಾಗ್ಂ॑ಸಿ॒ ವೈ ವ್ರ॒ಜೋ ಗೋ॒ಸ್ಥಾನಃ॑ । ಛನ್ದಾಗ್॑ಸ್ಯೇ॒ವಾಸ್ಮೈ᳚ ವ್ರ॒ಜ-ಙ್ಗೋ॒ಸ್ಥಾನ॑-ಙ್ಕರೋತಿ ॥ ವರ್ಷ॑ತು ತೇ॒ ದ್ಯೌರಿತ್ಯಾ॑ಹ ।

ವೃಷ್ಟಿ॒ರ್ವೈ ದ್ಯೌಃ । ವೃಷ್ಟಿ॑ಮೇ॒ವಾವ॑ರುನ್ಧೇ ॥

ಬ॒ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾ᳚-ಮ್ಪರಾ॒ವತೀತ್ಯಾ॑ಹ ॥ 70 ॥

ದ್ವೌ ವಾವ ಪುರು॑ಷೌ । ಯ-ಞ್ಚೈ॒ವ ದ್ವೇಷ್ಟಿ॑ । ಯಶ್ಚೈ॑ನ॒-ನ್ದ್ವೇಷ್ಟಿ॑ । ತಾವು॒ಭೌ ಬ॑ದ್ಧ್ನಾತಿ ಪರ॒ಮಸ್ಯಾ᳚-ಮ್ಪರಾ॒ವತಿ॑ ಶ॒ತೇನ॒ ಪಾಶೈಃ᳚ । ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮಸ್ತಮತೋ॒ ಮಾ ಮೌ॒ಗಿತ್ಯಾ॒ಹಾನಿ॑ಮ್ರುಕ್ತ್ಯೈ ॥

ಅ॒ರರು॒ರ್ವೈ ನಾಮಾ॑ಸು॒ರ ಆ॑ಸೀತ್ ।

ಸ ಪೃ॑ಥಿ॒ವ್ಯಾಮುಪ॑ಮ್ಲುಪ್ತೋ-ಽಶಯತ್ ।

ತ-ನ್ದೇ॒ವಾ ಅಪ॑ಹತೋ॒-ಽರರುಃ॑ ಪೃಥಿ॒ವ್ಯಾ ಇತಿ॑ ಪೃಥಿ॒ವ್ಯಾ ಅಪಾ᳚ಘ್ನನ್ನ್ । ಭ್ರಾತೃ॑ವ್ಯೋ॒ ವಾ ಅ॒ರರುಃ॑ । ಅಪ॑ಹತೋ॒-ಽರರುಃ॑ ಪೃಥಿ॒ವ್ಯಾ ಇತಿ॒ ಯದಾಹ॑ ॥ 71 ॥

ಭ್ರಾತೃ॑ವ್ಯಮೇ॒ವ ಪೃ॑ಥಿ॒ವ್ಯಾ ಅಪ॑ಹನ್ತಿ । ತೇ॑-ಽಮನ್ಯನ್ತ ।

ದಿವಂ॒-ವಾಁ ಅ॒ಯಮಿ॒ತಃ ಪ॑ತಿಷ್ಯ॒ತೀತಿ॑ ।

ತಮ॒ರರು॑ಸ್ತೇ॒ ದಿವ॒-ಮ್ಮಾ ಸ್ಕಾ॒ನಿತಿ॑ ದಿ॒ವಃ ಪರ್ಯ॑ಬಾಧನ್ತ । ಭ್ರಾತೃ॑ವ್ಯೋ॒ ವಾ ಅ॒ರರುಃ॑ । ಅ॒ರರು॑ಸ್ತೇ॒ ದಿವ॒-ಮ್ಮಾ ಸ್ಕಾ॒ನಿತಿ॒ ಯದಾಹ॑ । ಭ್ರಾತೃ॑ವ್ಯಮೇ॒ವ ದಿ॒ವಃ ಪರಿ॑ಬಾಧತೇ ।

ಸ್ತ॒ಮ್ಬ॒ ಯ॒ಜುರ್-ಹ॑ರತಿ । ಪೃ॒ಥಿ॒ವ್ಯಾ ಏ॒ವ ಭ್ರಾತೃ॑ವ್ಯ॒-ಮಪ॑ಹನ್ತಿ । ದ್ವಿ॒ತೀಯಗ್ಂ॑ ಹರತಿ ॥ 72 ॥

ಅ॒ನ್ತರಿ॑ಕ್ಷಾದೇ॒ವೈನ॒-ಮಪ॑ಹನ್ತಿ । ತೃ॒ತೀಯಗ್ಂ॑ ಹರತಿ । ದಿ॒ವ ಏ॒ವೈನ॒-ಮಪ॑ಹನ್ತಿ । ತೂ॒ಷ್ಣೀ-ಞ್ಚ॑ತು॒ರ್ಥಗ್ಂ ಹ॑ರತಿ । ಅಪ॑ರಿಮಿತಾದೇ॒ವೈನ॒-ಮಪ॑ಹನ್ತಿ ॥ ಅಸು॑ರಾಣಾಂ॒-ವಾಁ ಇ॒ಯಮಗ್ರ॑ ಆಸೀತ್ । ಯಾವ॒ದಾಸೀ॑ನಃ ಪರಾ॒ ಪಶ್ಯ॑ತಿ ।

ತಾವ॑-ದ್ದೇ॒ವಾನಾ᳚ಮ್ । ತೇ ದೇ॒ವಾ ಅ॑ಬ್ರುವನ್ನ್ ।

ಅಸ್ತ್ವೇ॒ವ ನೋ॒-ಽಸ್ಯಾಮಪೀತಿ॑ ॥ 73 ॥

ಕ್ಯ॑ನ್ನೋ ದಾಸ್ಯ॒ಥೇತಿ॑ । ಯಾವ॑ಥ್ಸ್ವ॒ಯ-ಮ್ಪ॑ರಿಗೃಹ್ಣೀ॒ಥೇತಿ॑ ।

ತೇ ವಸ॑ವ॒ಸ್ತ್ವೇತಿ॑ ದಕ್ಷಿಣ॒ತಃ ಪರ್ಯ॑ಗೃಹ್ಣನ್ನ್ । ರು॒ದ್ರಾಸ್ತ್ವೇತಿ॑ ಪ॒ಶ್ಚಾತ್ । ಆ॒ದಿ॒ತ್ಯಾ-ಸ್ತ್ವೇತ್ಯು॑ತ್ತರ॒ತಃ । ತೇ᳚-ಽಗ್ನಿನಾ॒ ಪ್ರಾಞ್ಚೋ॑-ಽಜಯನ್ನ್ । ವಸು॑ಭಿ-ರ್ದಕ್ಷಿ॒ಣಾ ।

ರು॒ದ್ರೈಃ ಪ್ರ॒ತ್ಯಞ್ಚಃ॑ । ಆ॒ದಿ॒ತ್ಯೈರುದ॑ಞ್ಚಃ ।

ಯಸ್ಯೈ॒ವಂ-ವಿಁ॒ದುಷೋ॒ ವೇದಿ॑-ಮ್ಪರಿ ಗೃ॒ಹ್ಣನ್ತಿ॑ ॥ 74 ॥

ಭವ॑ತ್ಯಾ॒ತ್ಮನಾ᳚ । ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತಿ ॥

ದೇ॒ವಸ್ಯ॑ ಸವಿ॒ತು-ಸ್ಸ॒ವ ಇತ್ಯಾ॑ಹ॒ ಪ್ರಸೂ᳚ತ್ಯೈ ।

ಕರ್ಮ॑ ಕೃಣ್ವನ್ತಿ ವೇ॒ಧಸ॒ ಇತ್ಯಾ॑ಹ । ಇ॒ಷಿ॒ತಗ್ಂ ಹಿ ಕರ್ಮ॑ ಕ್ರಿ॒ಯತೇ᳚ । ಪೃ॒ಥಿ॒ವ್ಯೈ ಮೇದ್ಧ್ಯ॑-ಞ್ಚಾಮೇ॒ದ್ಧ್ಯ-ಞ್ಚ॒ ವ್ಯುದ॑ಕ್ರಾಮತಾಮ್ । ಪ್ರಾ॒ಚೀನ॑-ಮುದೀ॒ಚೀನ॒-ಮ್ಮೇದ್ಧ್ಯ᳚ಮ್ । ಪ್ರ॒ತೀ॒ಚೀನ॑-ನ್ದಕ್ಷಿ॒ಣಾ ಽಮೇ॒ದ್ಧ್ಯಮ್ ।

ಪ್ರಾಚೀ॒ಮುದೀ॑ಚೀ-ಮ್ಪ್ರವ॒ಣಾ-ಙ್ಕ॑ರೋತಿ ।

ಮೇದ್ಧ್ಯಾ॑ಮೇ॒ವೈನಾ᳚-ನ್ದೇವ॒ಯಜ॑ನೀ-ಙ್ಕರೋತಿ ॥ 75 ॥

ಪ್ರಾಞ್ಚೌ॑ ವೇದ್ಯ॒ಗ್ಂ॒ ಸಾವುನ್ನ॑ಯತಿ । ಆ॒ಹ॒ವ॒ನೀಯ॑ಸ್ಯ॒ ಪರಿ॑ಗೃಹೀತ್ಯೈ । ಪ್ರ॒ತೀಚೀ॒ ಶ್ರೋಣೀ᳚ । ಗಾರ್ಹ॑ಪತ್ಯಸ್ಯ॒ ಪರಿ॑ಗೃಹೀತ್ಯೈ । ಅಥೋ॑ ಮಿಥುನ॒ತ್ವಾಯ॑ । ಉದ್ಧ॑ನ್ತಿ । ಯದೇ॒ವಾಸ್ಯಾ॑ ಅಮೇ॒ದ್ಧ್ಯಮ್ । ತದಪ॑ಹನ್ತಿ । ಉದ್ಧ॑ನ್ತಿ ।

ತಸ್ಮಾ॒ದೋಷ॑ಧಯಃ॒ ಪರಾ॑ಭವನ್ತಿ ॥ 76 ॥

ಮೂಲ॑-ಞ್ಛಿನತ್ತಿ । ಭ್ರಾತೃ॑ವ್ಯಸ್ಯೈ॒ವ ಮೂಲ॑-ಞ್ಛಿನತ್ತಿ ।

ಮೂಲಂ॒-ವಾಁ ಅ॑ತಿ॒ತಿಷ್ಠ॒-ದ್ರಕ್ಷಾ॒ಗ್॒ಸ್ಯನೂ-ತ್ಪಿ॑ಪತೇ । ಯದ್ಧಸ್ತೇ॑ನ ಛಿ॒ನ್ದ್ಯಾತ್ । ಕು॒ನ॒ಖಿನೀಃ᳚ ಪ್ರ॒ಜಾ-ಸ್ಸ್ಯುಃ॑ । ಸ್ಫ್ಯೇನ॑ ಛಿನತ್ತಿ । ವಜ್ರೋ॒ ವೈ ಸ್ಫ್ಯಃ ।

ವಜ್ರೇ॑ಣೈ॒ವ ಯ॒ಜ್ಞಾ-ದ್ರಕ್ಷಾ॒ಗ್॒ಸ್ಯಪ॑ಹನ್ತಿ । ಪಿ॒ತೃ॒ದೇ॒ವ॒ತ್ಯಾ ಽತಿ॑ಖಾತಾ । ಇಯ॑ತೀ-ಙ್ಖನತಿ ॥ 77 ॥

ಪ್ರ॒ಜಾಪ॑ತಿನಾ ಯಜ್ಞಮು॒ಖೇನ॒ ಸಮ್ಮಿ॑ತಾಮ್ ॥ ವೇದಿ॑ರ್ದೇ॒ವೇಭ್ಯೋ॒ ನಿಲಾ॑ಯತ । ತಾ-ಞ್ಚ॑ತುರಙ್ಗು॒ಲೇ ಽನ್ವ॑ವಿನ್ದನ್ನ್ । ತಸ್ಮಾ᳚ಚ್ಚತುರಙ್ಗು॒ಲ-ಙ್ಖೇಯಾ᳚ ।

ಚ॒ತು॒ರಙ್ಗು॒ಲ-ಙ್ಖ॑ನತಿ । ಚ॒ತು॒ರ॒ಙ್ಗು॒ಲೇ ಹ್ಯೋಷ॑ಧಯಃ ಪ್ರತಿ॒ತಿಷ್ಠ॑ನ್ತಿ ।

ಆಪ್ರ॑ತಿ॒ಷ್ಠಾಯೈ॑ ಖನತಿ । ಯಜ॑ಮಾನಮೇ॒ವ ಪ್ರ॑ತಿ॒ಷ್ಠಾ-ಙ್ಗ॑ಮಯತಿ । ದ॒ಕ್ಷಿ॒ಣ॒ತೋ ವರ್ಷೀ॑ಯಸೀ-ಙ್ಕರೋತಿ ।

ದೇ॒ವ॒ಯಜ॑ನಸ್ಯೈ॒ವ ರೂ॒ಪಮ॑ಕಃ ॥ 78 ॥

ಪುರೀ॑ಷವತೀ-ಙ್ಕರೋತಿ । ಪ್ರ॒ಜಾ ವೈ ಪ॒ಶವಃ॒ ಪುರೀ॑ಷಮ್ ।

ಪ್ರ॒ಜಯೈ॒ವೈನ॑-ಮ್ಪ॒ಶುಭಿಃ॒ ಪುರೀ॑ಷವನ್ತ-ಙ್ಕರೋತಿ । ಉತ್ತ॑ರ-ಮ್ಪರಿಗ್ರಾ॒ಹ-ಮ್ಪರಿ॑ಗೃಹ್ಣಾತಿ । ಏ॒ತಾವ॑ತೀ॒ ವೈ ಪೃ॑ಥಿ॒ವೀ । ಯಾವ॑ತೀ॒ ವೇದಿಃ॑ । ತಸ್ಯಾ॑ ಏ॒ತಾವ॑ತ ಏ॒ವ ಭ್ರಾತೃ॑ವ್ಯ-ನ್ನಿ॒ರ್ಭಜ್ಯ॑ । ಆ॒ತ್ಮನ॒ ಉತ್ತ॑ರ-ಮ್ಪರಿಗ್ರಾ॒ಹ-ಮ್ಪರಿ॑ಗೃಹ್ಣಾತಿ ।

ಋ॒ತ-ಮ॑ಸ್ಯೃತ॒ಸದ॑ನ-ಮಸ್ಯೃತ॒ಶ್ರೀರ॒ಸೀತ್ಯಾ॑ಹ । ಯ॒ಥಾ॒ ಯ॒ಜುರೇ॒ವೈ ತತ್ ॥ 79 ॥

ಕ್ರೂ॒ರಮಿ॑ವ॒ ವಾ ಏ॒ತ-ತ್ಕ॑ರೋತಿ । ಯದ್ವೇದಿ॑-ಙ್ಕ॒ರೋತಿ॑ ।

ಧಾ ಅ॑ಸಿ ಸ್ವ॒ಧಾ ಅ॒ಸೀತಿ॑ ಯೋಯುಪ್ಯತೇ॒ ಶಾನ್ತ್ಯೈ᳚ ।

ಉ॒ರ್ವೀ ಚಾಸಿ॒ ವಸ್ವೀ॑ ಚಾ॒ಸೀತ್ಯಾ॑ಹ ।

ಉ॒ರ್ವೀಮೇ॒ವೈನಾಂ॒-ವಁಸ್ವೀ᳚-ಙ್ಕರೋತಿ ।

ಪು॒ರಾ ಕ್ರೂ॒ರಸ್ಯ॑ ವಿ॒ಸೃಪೋ॑ ವಿರಫ್ಶಿ॒ನ್ನಿತ್ಯಾ॑ಹ ಮೇದ್ಧ್ಯ॒ತ್ವಾಯ॑ । ಉ॒ದಾ॒ದಾಯ॑ ಪೃಥಿ॒ವೀ-ಞ್ಜೀ॒ರದಾ॑ನು॒ರ್ಯಾಮೈರ॑ಯ-ಞ್ಚ॒ನ್ದ್ರಮ॑ಸಿ ಸ್ವ॒ಧಾಭಿ॒ರಿತ್ಯಾ॑ಹ ।

ಯದೇ॒ವಾಸ್ಯಾ॑ ಅಮೇ॒ದ್ಧ್ಯಮ್ । ತದ॑ಪ॒ಹತ್ಯ॑ ।

ಮೇದ್ಧ್ಯಾ᳚-ನ್ದೇವ॒ಯಜ॑ನೀ-ಙ್ಕೃ॒ತ್ವಾ ॥ 80 ॥

ಯದ॒ದಶ್ಚ॒ನ್ದ್ರಮ॑ಸಿ॒ ಮೇದ್ಧ್ಯ᳚ಮ್ । ತದ॒ಸ್ಯಾಮೇರ॑ಯತಿ ।

ತಾ-ನ್ಧೀರಾ॑ಸೋ ಅನು॒ದೃಶ್ಯ॑ ಯಜನ್ತ॒ ಇತ್ಯಾ॒ಹಾನು॑ಖ್ಯಾತ್ಯೈ ॥ ಪ್ರೋಕ್ಷ॑ಣೀ॒ರಾಸಾ॑ದಯ । ಇ॒ದ್ಧ್ಮಾಬ॒ರ್॒ಹಿ-ರುಪ॑ಸಾದಯ । ಸ್ರು॒ವ-ಞ್ಚ॒ ಸ್ರುಚ॑ಶ್ಚ॒ ಸಮ್ಮೃ॑ಡ್ಢಿ । ಪತ್ನೀ॒ಗ್ಂ॒ ಸನ್ನ॑ಹ್ಯ । ಆಜ್ಯೇ॑ನೋ॒ದೇಹೀತ್ಯಾ॑ಹಾನುಪೂ॒ರ್ವತಾ॑ಯೈ । ಪ್ರೋಕ್ಷ॑ಣೀ॒ರಾಸಾ॑ದಯತಿ । ಆಪೋ॒ ವೈ ರ॑ಕ್ಷೋ॒ಘ್ನೀಃ ॥ 81 ॥

ರಕ್ಷ॑ಸಾ॒ಮಪ॑ಹತ್ಯೈ । ಸ್ಫ್ಯಸ್ಯ॒ ವರ್ತ್ಮನ್᳚-ಥ್ಸಾದಯತಿ । ಯ॒ಜ್ಞಸ್ಯ॒ ಸನ್ತ॑ತ್ಯೈ । ಉ॒ವಾಚ॒ ಹಾಸಿ॑ತೋ ದೈವ॒ಲಃ । ಏ॒ತಾವ॑ತೀ॒ರ್ವಾ ಅ॒ಮುಷ್ಮಿ॑ನ್ ಁಲೋ॒ಕ ಆಪ॑ ಆಸನ್ನ್ ।

ಯಾವ॑ತೀಃ॒ ಪ್ರೋಕ್ಷ॑ಣೀ॒ರಿತಿ॑ । ತಸ್ಮಾ᳚-ದ್ಬ॒ಹ್ವೀರಾ॒ಸಾದ್ಯಾಃ᳚ । ಸ್ಫ್ಯಮು॒ದಸ್ಯನ್ನ್॑ । ಯ-ನ್ದ್ವಿ॒ಷ್ಯಾತ್ತ-ನ್ಧ್ಯಾ॑ಯೇತ್ । ಶು॒ಚೈವೈನ॑-ಮರ್ಪಯತಿ ॥ 82 ॥

(ವೈ ವಾ॒ಯು - ರಾ॑ಹ - ಪರಾ॒ವತೀತ್ಯಾ॒ಹಾ - ಹ॑ - ದ್ವಿ॒ತೀಯಗ್ಂ॑ ಹರ॒ - ತೀತಿ॑ - ಪರಿಗೃ॒ಹ್ಣನ್ತಿ॑ - ದೇವ॒ಯಜ॑ನೀ-ಙ್ಕರೋತಿ - ಭವನ್ತಿ - ಖನತ್ಯ - ಕ - ರೇ॒ತತ್ - ಕೃ॒ತ್ವಾ - ರ॑ಕ್ಷೋ॒ಘ್ನೀ - ರ॑ರ್ಪಯತಿ) (ಅ. 9)

ಅನುವಾಕಂ 10 - ಇಧ್ಮಾಬರ್ಹಿ-ಸ್ಸಾದನಮ್

ವಜ್ರೋ॒ ವೈ ಸ್ಫ್ಯಃ । ಯದ॒ನ್ವಞ್ಚ॑-ನ್ಧಾ॒ರಯೇ᳚ತ್ । ವಜ್ರೇ᳚-ಽದ್ಧ್ವ॒ರ್ಯುಃ, ಕ್ಷ॑ಣ್ವೀತ । ಪು॒ರಸ್ತಾ᳚-ತ್ತಿ॒ರ್ಯಞ್ಚ॑-ನ್ಧಾರಯತಿ । ವಜ್ರೋ॒ ವೈ ಸ್ಫ್ಯಃ । ವಜ್ರೇ॑ಣೈ॒ವ ಯ॒ಜ್ಞಸ್ಯ॑ ದಕ್ಷಿಣ॒ತೋ ರಕ್ಷಾ॒ಗ್॒ಸ್ಯಪ॑ಹನ್ತಿ ।

ಅ॒ಗ್ನಿಭ್ಯಾ॒-ಮ್ಪ್ರಾಚ॑ಶ್ಚ ಪ್ರ॒ತೀಚ॑ಶ್ಚ । ಸ್ಫ್ಯೇನೋದೀ॑ಚಶ್ಚಾ-ಧ॒ರಾಚ॑ಶ್ಚ । ಸ್ಫ್ಯೇನ॒ ವಾ ಏ॒ಷ ವಜ್ರೇ॑ಣಾ॒ಸ್ಯೈ ಪಾ॒ಪ್ಮಾನ॒-ಮ್ಭ್ರಾತೃ॑ವ್ಯ-ಮಪ॒ಹತ್ಯ॑ ।

ಉ॒ತ್ಕ॒ರೇ-ಽಧಿ॒ ಪ್ರವೃ॑ಶ್ಚತಿ ॥ 83 ॥

ಯಥೋ॑ಪ॒ಧಾಯ॑ ವೃ॒ಶ್ಚನ್ತ್ಯ॒ವಮ್ । ಹಸ್ತಾ॒ವವ॑ ನೇನಿಕ್ತೇ । ಆ॒ತ್ಮಾನ॑ಮೇ॒ವ ಪ॑ವಯತೇ । ಸ್ಫ್ಯ-ಮ್ಪ್ರಕ್ಷಾ॑ಲಯತಿ ಮೇದ್ಧ್ಯ॒ತ್ವಾಯ॑ । ಅಥೋ॑ ಪಾ॒ಪ್ಮನ॑ ಏ॒ವ ಭ್ರಾತೃ॑ವ್ಯಸ್ಯ ನ್ಯ॒ಙ್ಗ-ಞ್ಛಿ॑ನತ್ತಿ ॥ ಇ॒ದ್ಧ್ಮಾ-ಬ॒ರ್॒ಹಿ-ರುಪ॑ಸಾದಯತಿ॒ ಯುಕ್ತ್ಯೈ᳚ । ಯ॒ಜ್ಞಸ್ಯ॑ ಮಿಥುನ॒ತ್ವಾಯ॑ ।

ಅಥೋ॑ ಪುರೋ॒ರುಚ॑ಮೇ॒ವೈತಾ-ನ್ದ॑ಧಾತಿ ।

ಉತ್ತ॑ರಸ್ಯ॒ ಕರ್ಮ॒ಣೋ-ಽನು॑ಖ್ಯಾತ್ಯೈ ।

ನ ಪು॒ರಸ್ತಾ᳚-ತ್ಪ್ರ॒ತ್ಯಗುಪ॑ಸಾದಯೇತ್ ॥ 84 ॥

ಯ-ತ್ಪು॒ರಸ್ತಾ᳚-ತ್ಪ್ರ॒ತ್ಯ-ಗು॑ಪಸಾ॒ದಯೇ᳚ತ್ ।

ಅ॒ನ್ಯತ್ರಾ॑ಹುತಿಪ॒ಥಾದಿ॒ದ್ಧ್ಮ-ಮ್ಪ್ರತಿ॑ಪಾದಯೇತ್ । ಪ್ರ॒ಜಾ ವೈ ಬ॒ರ್॒ಹಿಃ । ಅಪ॑ರಾದ್ಧ್ನುಯಾ-ದ್ಬ॒ರ್॒ಹಿಷಾ᳚ ಪ್ರ॒ಜಾನಾ᳚-ಮ್ಪ್ರ॒ಜನ॑ನಮ್ । ಪ॒ಶ್ಚಾತ್-ಪ್ರಾಗುಪ॑ಸಾದಯತಿ । ಆ॒ಹು॒ತಿ॒ಪ॒ಥೇನೇ॒ದ್ಧ್ಮ-ಮ್ಪ್ರತಿ॑ಪಾದಯತಿ ।

ಸ॒ಪ್ರ॒ನ್ತ್ಯೇ॑ವ ಬ॒ರ್॒ಹಿಷಾ᳚ ಪ್ರ॒ಜಾನಾ᳚-ಮ್ಪ್ರ॒ಜನ॑ನ॒ಮುಪೈ॑ತಿ । ದಕ್ಷಿ॑ಣಮಿ॒ದ್ಧ್ಮಮ್ ।

ಉತ್ತ॑ರ-ಮ್ಬ॒ರ॒ಃಇಃ । ಆ॒ತ್ಮಾ ವಾ ಇ॒ದ್ಧ್ಮಃ ।

ಪ್ರ॒ಜಾ ಬ॒ರ್॒ಹಿಃ । ಪ್ರ॒ಜಾ ಹ್ಯಾ᳚ತ್ಮನ॒ ಉತ್ತ॑ರತರಾ ತೀ॒ರ್ಥೇ ।

ತತೋ॒ ಮೇಧ॑ಮುಪ॒ನೀಯ॑ । ಯ॒ಥಾ॒ ದೇ॒ವ॒ತಮೇ॒ವೈನ॒ತ್-ಪ್ರತಿ॑ಷ್ಠಾಪಯತಿ । ಪ್ರತಿ॑ತಿಷ್ಠತಿ ಪ್ರ॒ಜಯಾ॑ ಪ॒ಶುಭಿ॒-ರ್ಯಜ॑ಮಾನಃ ॥ 85 ॥

(ವೃ॒ಶ್ಚ॒ತಿ॒ - ಸಾ॒ದ॒ಯೇ॒ - ದಿ॒ದ್ಧ್ಮಃ ಪಞ್ಚ॑ ಚ) (ಅ. 10)

(ತೃತೀಯ॑ಸ್ಯಾಂ - ದೇ॒ವಸ್ಯಾ᳚ಶ್ವಪ॒ರ್॒ಶುಂ-ಯೋಁ ವೈ - ಪೂ᳚ರ್ವೇ॒ದ್ಯುಃ - ಕರ್ಮ॑ಣೇ ವಾ॒ - ಮಿನ್ದ್ರೋ॑ ವೃ॒ತ್ರಮ॑ಹ॒ನ್-ಥ್ಸೋ॑-ಽಪೋ - ಽವ॑ಧೂತಂ॒ - ಧೃಷ್ಟಿ॑--ರ್ ದೇ॒ವಸ್ಯೇತ್ಯಾ॑ಹ॒ ಸಂವಁ॑ಪಾಮಿ - ದೇ॒ವಸ್ಯ॒ ಸ್ಫ್ಯಮಾದ॑ದೇ॒ - ವಜ್ರೋ॒ ವೈ ಸ್ಫ್ಯೋ ದಶ॑)

(ತೃ॒ತೀಯ॑ಸ್ಯಾಂ - ಁಯ॒ಜ್ಞಸ್ಯಾನ॑ತಿರೇಕಾಯ - ಪ॒ವಿತ್ರ॑ವತ್ಯ - ಧ್ವ॒ರ್ಯು-ಞ್ಚಾ॑ - ಧಿ॒ಷವ॑ಣಮಸ್ಯ॒ - ನ್ತರಿ॑ಕ್ಷ ಏ॒ವ - ರಕ್ಷ॑ಸಾಮ॒ನ್ತರ್ಹಿ॑ತ್ಯೈ॒ - ದ್ವೌ ವಾವ ಪುರು॑ಷೋ॒ - ಯದ॒ದಶ್ಚ॒ನ್ದ್ರಮ॑ಸಿ॒ ಮೇದ್ಧ್ಯ॒-ಮ್ಪಞ್ಚಾಶೀ॑ತಿಃ)

(ತೃ॒ತೀಯ॑ಸ್ಯಾಂ॒ - ಁಯಜ॑ಮಾನಃ)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ದ್ವಿತೀಯಃ ಪ್ರಪಾಠಕ-ಸ್ಸಮಾಪ್ತಃ ॥

Roman (IAST) Transliteration

kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhakaḥ - daśapūrṇamāseṣṭibrāhmaṇam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - vathsāpākaraṇam

tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat |

brahma̭ṇai॒vainā̭na॒pāka̭roti || gā॒ya॒tro vai pa॒rṇaḥ | gā॒ya॒trāḥ pa॒śavaḥ̭ || 1 ||

a॒pa॒śure॒va bha̭vati | ya-ṅkā॒mayḙta paśu॒mān-thsyā॒diti̭ | ba॒hu॒pa॒rṇā-ntasmai̭ bahuśā॒khāmāha̭ret | pa॒śu॒manta̭-me॒vaina̭-ṅkaroti || 2 ||

ya-tprācī̭mā॒hare᳚t | de॒va॒lo॒ka-ma॒bhija̭yet | yadudī̭cī-mmanuṣyalo॒kam | prācī॒mudī̭cī॒māha̭rati | u॒bhayo᳚-rlo॒kayo̭-ra॒bhiji̭tyai || i॒ṣe tvo॒rje tvetyā̭ha | iṣa̭me॒vorjaṃ॒-ya~ja̭māne dadhāti ||

vā॒yava॒-ssthetyā̭ha | vā॒yurvā a॒ntari̭kṣa॒-syāddhya̭kṣāḥ |

a॒nta॒ri॒kṣa॒de॒va॒tyāḥ᳚ khalu॒ vai pa॒śavaḥ̭ || 3 ||

vā॒yava̭ e॒vainā॒-npari̭ dadāti | pra vā ḙnāne॒tadā-ka̭roti | yadāha̭ | vā॒yava॒-ssthetyṷpā॒yavaḥ॒

sthetyā̭ha | yaja̭mānāyai॒va pa॒śūnupa̭hvayate ||

de॒vo vaḥ̭ savi॒tā prārpa̭ya॒tvityā̭ha॒ prasū᳚tyai || śreṣṭha̭tamāya॒ karma̭ṇa॒ ityā̭ha |

ya॒jño hi śreṣṭha̭tama॒-ṅkarma̭ | tasmā̭de॒vamā̭ha ||

āpyā̭yaddhvamaghniyā devabhā॒gamityā̭ha || 4 ||

va॒thsebhya̭śca॒ vā e॒tāḥ pu॒rā ma̭nu॒ṣye᳚bhya॒-ścāpyā̭yanta | de॒vebhya̭ e॒vainā॒ indrā॒yāpyā̭yati || ūrja̭svatīḥ॒ paya̭svatī॒rityā̭ha | ūrja॒gṃ ॒hi payaḥ̭ sa॒mbhara̭nti || pra॒jāva̭tī-ranamī॒vā a̭ya॒kṣmā ityā̭ha॒ prajā᳚tyai | māvaḥ̭ ste॒na ī̭śata॒ mā-'ghaśagṃ̭sa॒ ityā̭ha॒ guptyai᳚ || ru॒drasya̭ he॒tiḥ pari̭ vo vṛṇa॒ktvityā̭ha | ru॒drā de॒vainā᳚-strāyate ||

dhru॒vā a॒smi-ngopa̭tau syāta ba॒hvīrityā̭ha |

dhru॒vā e॒vāsmi̭-nba॒hvīḥ ka̭roti || 5 ||

yaja̭mānasya pa॒śū-npā॒hītyā̭ha | pa॒śu॒nā-ṅgo̭pī॒thāya̭ | tasmā᳚thsā॒ya-mpa॒śava॒ upa̭ sa॒māva̭rtante || ana̭dha-ssādayati | garbhā̭ṇā॒-ndhṛtyā॒ apra̭pādāya | tasmā॒dgarbhāḥ᳚ pra॒jānā॒mapra̭pādukāḥ |

u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |

su॒va॒rgasya̭ lo॒kasya॒ sama̭ṣṭyai || 6 ||

(pa॒śavaḥ̭ - karoti - pa॒śavo̭ - devabhā॒gamityā̭ha - karoti॒ - +nava̭ ca) (a. 1)

anuvākaṃ 2 - barhirāharaṇam

de॒vasya̭ tvā savi॒tuḥ pra̭sa॒va itya̭śvapa॒r॒śumāda̭tte॒ prasū᳚tyai |

a॒śvino᳚-rbā॒hubhyā॒mityā̭ha |

a॒śvinau॒ hi de॒vānā̭maddhva॒ryū āstā᳚m |

pū॒ṣṇo hastā᳚bhyā॒mityā̭ha॒ yatyai᳚ || yo vā oṣa̭dhīḥ parva॒śo veda̭ | nainā॒-ssa hi̭nasti | pra॒jāpa̭ti॒rvā oṣa̭dhīḥ parva॒śo vḙda | sa ḙnā॒ na hi̭nasti | a॒śva॒pa॒rśvā ba॒r॒hiracchai̭ti |

prā॒jā॒pa॒tyo vā aśvaḥ̭ sayoni॒tvāya̭ || 7 ||

oṣa̭dhīnā॒mahigṃ̭sāyai ||

ya॒jñasya̭ gho॒ṣada॒sītyā̭ha |

yaja̭māna e॒va ra॒yi-nda̭dhāti | pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |

rakṣa̭sā॒-mapa̭hatyai || preyama̭gāddhi॒ṣaṇā̭ ba॒r॒hiracchetyā̭ha | vi॒dyā vai dhi॒ṣaṇā᳚ | vi॒dyayai॒vaina॒dacchai̭ti || manṷnā kṛ॒tā sva॒dhayā॒ vita॒ṣṭetyā̭ha | mā॒na॒vī hi parśuḥ̭ sva॒dhākṛ̭tā || 8 ||

ta āva̭hanti ka॒vayaḥ̭ pu॒rastā॒dityā̭ha | śu॒śru॒vāgṃso॒ vai ka॒vayaḥ̭ | ya॒jñaḥ pu॒rastā᳚t | mu॒kha॒ta e॒va ya॒jñamāra̭bhate | atho॒ yade॒tadu॒ktvā yataḥ॒ kuta̭ścā॒hara̭ti | ta-tprācyā̭ e॒va di॒śo bha̭vati ||

de॒vebhyo॒ juṣṭa̭mi॒ha ba॒r॒hirā॒sada॒ ityā̭ha | ba॒r॒hiṣa॒-ssamṛ̭ddhyai | karma॒ṇo-'na̭parādhāya || de॒vānā᳚-mpariṣū॒tama॒sītyā̭ha || 9 ||

yadvā i॒da-ṅki-ñca̭ | ta-dde॒vānā᳚-mpariṣū॒tam |

atho॒ yathā॒ vasya̭se prati॒ procyāhe॒da-ṅka̭riṣyā॒mīti̭ | e॒vame॒va tada̭ddhva॒ryu-rde॒vebhyaḥ̭ prati॒ procya̭ ba॒r॒hirdā̭ti | ā॒tmano-'higṃ̭sāyai || yāva̭ta-ssta॒mbā-npa̭ri di॒śet | yatteṣā̭-mucchi॒gg॒ṣyāt | ati॒ ta-dya॒jñasya̭ recayet | ekagg̭ sta॒mba-mpari̭diśet |

tagṃ sarva̭-ndāyāt || 10 ||

ya॒jñasyāna̭tirekāya || va॒r॒ṣavṛ̭ddha-ma॒sītyā̭ha |

va॒r॒ṣa vṛ̭ddhā॒ vā oṣa̭dhayaḥ ||

deva̭ barhi॒rityā̭ha | de॒vebhya̭ e॒vaina̭-tkaroti |

mā tvā॒-'nvammā ti॒ryagityā॒hā higṃ̭sāyai |

parva̭ te rāddhyāsa॒mityā॒-hardhyai᳚ ||

ā॒cche॒ttā te॒ mā ri̭ṣa॒mityā̭ha | nāsyā॒tmano̭ mīyate |

ya e॒vaṃ-ve~da̭ || 11 ||

deva̭barhi-śśa॒tava̭lśaṃ॒-vi~ro॒hetyā̭ha | pra॒jā vai ba॒r॒hiḥ | pra॒jānā᳚-mpra॒jana̭nāya || sa॒hasra̭valśā॒ vi va॒yagṃ rṷhe॒metyā̭ha | ā॒śiṣa̭me॒vaitāmāśā᳚ste || pṛ॒thi॒vyā-ssa॒pṛñcaḥ̭ pā॒hītyā̭ha॒ prati̭ṣṭhityai ||

ayṷṅgāyuṅgā-nmu॒ṣṭīn ~lṷnoti | mi॒thu॒na॒tvāya॒ prajā᳚tyai || su॒sa॒bhṛntā᳚ tvā॒ sambha̭rā॒mītyā̭ha | brahma̭ṇai॒vaina॒th- sambha̭rati || 12 ||

adi̭tyai॒ rāsnā॒-'sītyā̭ha | i॒yaṃ-vā~ adi̭tiḥ |

a॒syā e॒vaina॒-drāsnā᳚-ṅkaroti || i॒ndrā॒ṇyai sa॒naṃha̭na॒mityā̭ha | i॒ndrā॒ṇī vā agrḙ de॒vatā̭nā॒gṃ॒ sama̭nahyata | sā ''rdhno᳚t |

ṛddhyai॒ sanna̭hyati | pra॒jā vai ba॒r॒hiḥ |

pra॒jānā॒mapa̭rāvāpāya |

tasmā॒-thsnāva̭santatāḥ pra॒jā jā̭yante || 13 ||

pū॒ṣā te᳚ gra॒nthi-ṅgra̭thnā॒tvityā̭ha |

puṣṭi̭me॒va yaja̭māne dadhāti || sa te॒ mā-'' sthā॒dityā॒hāhigṃ̭sāyai || pa॒ścā-tprāñca॒mupa̭gūhati |

pa॒ścā-dvai prā॒cīna॒gṃ॒ reto̭ dhīyate |

pa॒ścāde॒vāsmai᳚ prā॒cīna॒gṃ॒ reto̭ dadhāti ||

indra̭sya tvā bā॒hubhyā॒-mudya̭ccha॒ ityā̭ha | i॒ndri॒yame॒va yaja̭māne dadhāti ||

bṛha॒spate᳚rmū॒rdhnā ha̭rā॒mītyā̭ha |

brahma॒ vai de॒vānā॒-mbṛha॒spatiḥ̭ || 14 ||

brahma̭ṇai॒vaina̭ddharati || u॒rva̭ntari̭kṣa॒-manvi॒hītyā̭ha॒ gatyai᳚ || de॒va॒ga॒mmama॒sītyā̭ha | de॒vāne॒vaina̭dgamayati || ana̭dha-ssādayati |

garbhā̭ṇā॒-ndhṛtyā॒ apra̭pādāya | tasmā॒-dgarbhāḥ᳚ pra॒jānā॒mapra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |

su॒va॒rgasya̭ lo॒kasya॒ sama̭ṣṭyai || 15 ||

(sa॒yo॒ni॒tvāya̭ - sva॒dhākṛ̭tā॒ - 'sītyā̭ha - dāyā॒-d- veda̭ - bharati - jāyante॒ - bṛha॒spatiḥ॒ - sama̭ṣṭyai) (a. 2)

anuvākaṃ 3 - dohanam

pū॒rve॒dyuri॒ddhmā ba॒r॒hiḥ ka̭roti | ya॒jñame॒vārabhya̭ gṛhī॒tvopa̭vasati || pra॒jāpa̭ti-rya॒jñama̭sṛjata | tasyo॒khe a̭sragṃsetām | ya॒jño vai pra॒jāpa̭tiḥ |

ya-thsā᳚nnāyyo॒khe bhava̭taḥ |

ya॒jñasyai॒va tadu॒khe upa̭dadhā॒tya-pra̭sragṃsāya ||

śundha̭ddhva॒-ndaivyā̭ya॒ karma̭ṇe devaya॒jyāyā॒ ityā̭ha | de॒va॒ya॒jyāyā̭ e॒vainā̭ni śundhati || mā॒ta॒riśva̭no gha॒rmo̭-'sītyā̭ha || 16 ||

a॒ntari̭kṣaṃ॒-vai~ mā̭ta॒riśva̭no gha॒rmaḥ |

e॒ṣāṃ-lo~॒kānāṃ॒-vi~dhṛ̭tyai ||

dyaura̭si pṛthi॒vya̭sītyā̭ha | di॒vaśca॒ hyḙṣā pṛ̭thi॒vyāśca॒ sambhṛ̭tā | yadu॒khā |

tasmā̭de॒vamā̭ha || vi॒śvadhā̭yā asi para॒meṇa॒ dhāmnetyā̭ha | vṛṣṭi॒rvai vi॒śvadhā̭yāḥ | vṛṣṭi̭me॒vāva̭rundhe | dṛgṃha̭sva॒ mā hvā॒rityā̭ha॒ dhṛtyai᳚ || 17 ||

vasṷ̄nā-mpa॒vitra̭ma॒sītyā̭ha | prā॒ṇā vai vasa̭vaḥ |

teṣāṃ॒-vā~ e॒ta-dbhā̭ga॒dheya᳚m | ya-tpa॒vitra᳚m | tebhya̭ e॒vaina̭-tkaroti || śa॒tadhā̭ragṃ sa॒hasra̭dhāra॒mityā̭ha | prā॒ṇeṣve॒vāyṷ-rdadhāti sarva॒tvāya̭ || tri॒vṛ-tpa̭lāśaśā॒khāyā᳚-ndarbha॒maya̭-mbhavati | tri॒vṛdvai prā॒ṇaḥ | tri॒vṛta̭me॒va prā॒ṇa-mma̭ddhya॒to yaja̭māne dadhāti || 18 ||

anna̭-mprā॒ṇāḥ | u॒bhaya̭me॒vopai॒tyajā̭mitvāya || 19 ||

tasmā̭da॒yagṃ sa॒rvataḥ̭ pavate || hu॒ta-ssto॒ko hu॒to dra॒phsa ityā̭ha॒ prati̭ṣṭhityai | ha॒viṣo-'ska̭ndāya |

na hi hu॒tagg svāhā̭kṛta॒gg॒ skanda̭ti |

di॒vi nāko॒ nāmā॒gniḥ | tasya̭ vi॒pruṣo̭ bhāga॒dheya᳚m |

a॒gnayḙ bṛha॒te nākā॒yetyā̭ha |

nāka̭me॒vāgni-mbhā̭ga॒dheyḙna॒ sama̭rdhayati |

svāhā॒ dyāvā̭pṛthi॒vībhyā॒mityā̭ha |

dyāvā̭pṛthi॒vyore॒vaina॒t-prati̭ṣṭhāpayati || 20 ||

pa॒vitra̭va॒tyāna̭yati | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati | atho॒ oṣa̭dhīṣve॒va pa॒śū-nprati̭ṣṭhāpayati || a॒nvā॒rabhya॒ vācaṃ̭-ya~cchati |

ya॒jñasya॒ dhṛtyai᳚ | dhā॒raya̭nnāste | dhā॒raya̭nta iva॒ hi du॒hanti̭ | kāma̭dhukṣa॒ ityā॒hātṛ॒tīya̭syai | traya̭ i॒me lo॒kāḥ | i॒māne॒va lo॒kān. yaja̭māno duhe || 21 ||

a॒mūmiti॒ nāma̭ gṛhṇāti | bha॒drame॒vāsā॒-ṅkarmā॒viṣka̭roti || sā vi॒śvāyu॒-ssā vi॒śvavya̭cā॒-ssā vi॒śvaka॒rmetyā̭ha | i॒yaṃ-vai~ vi॒śvāyuḥ̭ |

a॒ntari̭kṣaṃ-vi~॒śvavya̭cāḥ | a॒sau vi॒śvaka̭rmā |

i॒māne॒vaitābhi̭rlo॒kān. ya̭thāpū॒rva-ndṷhe |

atho॒ yathā᳚ pradā॒tre puṇya̭mā॒śāste᳚ | e॒vame॒vainā̭ e॒tadupa̭stauti | tasmā॒t-prādā॒dityu॒nnīya॒ vanda̭mānā upastu॒vantaḥ̭ pa॒śū-ndṷhanti || 22 ||

ba॒hu du॒gdhīndrā̭ya de॒vebhyo̭ ha॒viriti॒ vācaṃ॒-vi~sṛ̭jate | ya॒thā॒ de॒va॒tame॒va prasaṷti |

daivya̭sya ca mānu॒ṣasya̭ ca॒ vyāvṛ̭ttyai |

trirā̭ha | triṣa̭tyā॒ hi de॒vāḥ | avā̭caṃ-ya~॒mo-'na̭nvā-ra॒bhyotta̭rāḥ | apa̭rimitame॒vāva̭rundhe ||

na dā̭rupā॒treṇa̭ duhyāt | a॒gni॒vadvai dā̭rupā॒tram |

ya-ddā̭rupā॒treṇa̭ du॒hyāt || 23 ||

yā॒tayā᳚mnā ha॒viṣā̭ yajeta | atho॒ khalvā̭huḥ |

pu॒ro॒ḍāśa̭mukhāni॒ vai ha॒vīgṃṣi̭ | neta i̭taḥ puro॒ḍāśagṃ̭ ha॒viṣo॒ yāmo॒-'stīti̭ |

kāma̭me॒va dā̭rupā॒treṇa̭ duhyāt || śū॒dra e॒va na dṷhyāt | asa̭to॒ vā e॒ṣa sambhṷ̄taḥ | yacchū॒draḥ | aha̭vire॒va tadityā̭huḥ | yacchū॒dro dogdhīti̭ || 24 ||

a॒gni॒ho॒trame॒vana dṷhyācchū॒draḥ | taddhi not-pu॒nanti̭ | ya॒dā khalu॒ vai pa॒vitra̭ma॒tyeti̭ | atha॒ taddha॒viriti̭ ||

sampṛ̭cyaddhva-mṛtāvarī॒rityā̭ha | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati |

tasmā̭da॒pā-ñcauṣa̭dhīnā-ñca॒ rasa॒mupa̭ jīvāmaḥ |

ma॒ndrā dhana̭sya sā॒taya॒ ityā̭ha | puṣṭi̭me॒va yaja̭māne dadhāti || somḙna॒ tvā-''ta̭na॒cmīndrā̭ya॒ dadhītyā̭ha || 25 ||

soma̭me॒vaina̭-tkaroti | yo vai soma̭-mbhakṣayi॒tvā |

saṃ॒va~॒thsa॒ragṃ soma॒-nna piba̭ti | pu॒na॒rbhakṣyo᳚-'sya somapī॒tho bha̭vati ||

somaḥ॒ khalu॒ vai sā᳚nāṃ॒yyam | ya e॒vaṃ-vi~॒dvān-thsā᳚nāṃ॒yya-mpiba̭ti | a॒pu॒na॒rbhakṣyo᳚-'sya somapī॒tho bha̭vati | na mṛ॒nmaye॒nāpi̭daddhyāt |

ya-nmṛ॒nmayḙnāpida॒ddhyāt |

pi॒tṛ॒de॒va॒tyagg̭ syāt || 26 ||

a॒ya॒spā॒treṇa̭ vā dārupā॒treṇa॒ vā-'pi̭dadhāti |

taddhi sadḙvam || u॒da॒nvad- bha̭vati | āpo॒ vai ra̭kṣo॒ghnīḥ | rakṣa̭sā॒-mapa̭hatyai ||

ada̭stamasi॒ viṣṇa̭ve॒ tvetyā̭ha | ya॒jño vai viṣṇuḥ̭ |

ya॒jñāyai॒vaina॒dada̭sta-ṅkaroti | viṣṇo̭ ha॒vyagṃ ra̭kṣa॒svetyā̭ha॒ guptyai᳚ || ana̭dha-ssādayati | garbhā̭ṇā॒-ndhṛtyā॒ apra̭pādāya |

tasmā॒-dgarbhāḥ᳚ pra॒jānā॒ma pra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ | su॒va॒rgasya̭ lo॒kasya॒ sama̭ṣṭyai || 27 ||

(a॒sītyā̭ha॒ - dhṛtyai॒ - yaja̭māne dadhā॒ - tyajā̭mitvāya - sthāpayati - duhe - duhanti - du॒hyā-d- dogdhīti॒ - dadhītyā̭ha - syāth - sādayati॒ pañca̭ ca) (a. 3)

anuvākaṃ 4 - havirnirvāpaḥ

karma̭ṇe vā-nde॒vebhyaḥ̭ śakeya॒mityā̭ha॒ śaktyai᳚ |

ya॒jñasya॒ vai santa̭ti॒manṷ pra॒jāḥ pa॒śavo॒ yaja̭mānasya॒ santā̭yante | ya॒jñasya॒ vicchi̭tti॒manṷ pra॒jāḥ pa॒śavo॒ yaja̭mānasya॒ vicchi̭dyante |

ya॒jñasya॒ santa̭tirasi ya॒jñasya̭ tvā॒ santa̭tyai stṛṇāmi॒ santa̭tyai tvā ya॒jñasyetyāha̭va॒nīyā॒-thsanta̭noti | yaja̭mānasya pra॒jāyai̭ paśū॒nāgṃ santa̭tyai || a॒paḥ praṇa̭yati | śra॒ddhā vā āpaḥ̭ | śra॒ddhāme॒vārabhya̭ pra॒ṇīya॒ praca̭rati | a॒paḥ praṇa̭yati | ya॒jño vā āpaḥ̭ || 28 ||

āpo॒ vai ra̭kṣo॒ghnīḥ | rakṣa̭sā॒-mapa̭hatyai | a॒paḥ praṇa̭yati | āpo॒ vai de॒vānā᳚-mpri॒ya-ndhāma̭ |

de॒vānā̭me॒va pri॒ya-ndhāma̭ pra॒ṇīya॒ praca̭rati || 29 ||

a॒paḥ praṇa̭yati | āpo॒ vai sarvā̭ de॒vatāḥ᳚ |

de॒vatā̭ e॒vārabhya̭ pra॒ṇīya॒ praca̭rati || veṣā̭ya॒ tvetyā̭ha | veṣā̭ya॒ hyḙnadāda॒tte || pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |

rakṣa̭sā॒-mapa̭hatyai || dhūra॒sītyā̭ha | e॒ṣa vai dhuryo॒-'gniḥ | taṃ-ya~danṷpaspṛśyātī॒yāt || 30 ||

a॒ddhva॒ryu-ñca॒ yaja̭māna-ñca॒ prada̭het | u॒pa॒spṛśyātyḙti | a॒ddhva॒ryośca॒ yaja̭mānasya॒ cāpra̭dāhāya || dhūrva॒ taṃyo~᳚-'smā-ndhūrva̭ti॒ ta-ndhū᳚rva॒ yaṃ-va~॒ya-ndhūrvā̭ma॒ ityā̭ha |

dvau vāva purṷṣau | ya-ñcai॒va dhūrva̭ti | yaścai̭na॒-ndhūrva̭ti | tāvu॒bhau śu॒cā-'rpa̭yati || tva-nde॒vānā̭masi॒ sasni̭tama॒-mpapri̭tama॒-ñjuṣṭa̭tamaṃ॒-va~hni̭tama-ndeva॒hūta̭ma॒mityā̭ha | ya॒thā॒ ya॒jure॒vai tat || 31 ||

ahrṷtamasi havi॒rdhāna॒-mityā॒hānā᳚rtyai |

dṛgṃha̭sva॒ mā hvā॒rityā̭ha॒ dhṛtyai᳚ ||

mi॒trasya̭ tvā॒ cakṣṷṣā॒ prekṣa॒ ityā̭ha mitra॒tvāya̭ |

mā bhermā saṃvi~̭kthā॒ mā tvā̭ higṃsiṣa॒-mityā॒hāhigṃ̭sāyai | yadvai ki-ñca॒ vāto॒ nābhi॒vāti̭ |

ta-thsarvaṃ̭-va~ruṇadeva॒tya᳚m || u॒ru vātā॒yetyā̭ha | avā̭ruṇame॒vaina̭-tkaroti || de॒vasya̭ tvā savi॒tuḥ

pra̭sa॒va ityā̭ha॒ prasū᳚tyai |

a॒śvino᳚-rbā॒hubhyā॒mityā̭ha || 32 ||

a॒śvinau॒ hi de॒vānā̭maddhva॒ryū āstā᳚m |

pū॒ṣṇo hastā᳚bhyā॒mityā̭ha॒ yatyai᳚ | a॒gnaye॒ juṣṭa॒-nnirva̭pā॒mītyā̭ha | a॒gnaya̭ e॒vainā॒ñjuṣṭaṃ॒

nirva̭pati | triryajṷṣā | traya̭ i॒me lo॒kāḥ |

e॒ṣāṃ-lo~॒kānā॒māptyai᳚ | tū॒ṣṇī-ñca̭tu॒rtham |

apa̭rimitame॒vāva̭rundhe | sa e॒vame॒vānṷpū॒rvagṃ ha॒vīgṃṣi॒ nirva̭pati || 33 ||

i॒da-nde॒vānā̭mi॒damṷ na-ssa॒hetyā̭ha॒ vyāvṛ̭ttyai ||

sphā॒tyai tvā॒ nārā᳚tyā॒ ityā̭ha॒ guptyai᳚ | tama̭sīva॒ vā e॒ṣo᳚-'ntaśca̭rati | yaḥ pa̭rī॒ṇahi̭ || suva̭ra॒bhi vikhyḙṣaṃ-vai~śvāna॒ra-ñjyoti॒rityā̭ha |

suva̭re॒vābhi vi pa̭śyati vaiśvāna॒ra-ñjyotiḥ̭ |

dyāvā̭pṛthi॒vī ha॒viṣi̭ gṛhī॒ta uda̭vepetām ||

dṛgṃha̭ntā॒-nduryā॒ dyāvā̭pṛthi॒vyorityā̭ha |

gṛ॒hāṇā॒-ndyāvā̭pṛthi॒vyo-rdhṛtyai᳚ ||

u॒rva̭ntari̭kṣa॒-manvi॒hītyā̭ha॒ gatyai᳚ ||

adi̭tyāstvo॒pasthḙ sādayā॒mītyā̭ha | i॒yaṃ-vā~ adi̭tiḥ | a॒syā e॒vaina̭du॒pasthḙ sādayati ||

agnḙ ha॒vyagṃ ra̭kṣa॒svetyā̭ha॒ guptyai᳚ || 34 ||

(ya॒jño vā āpo॒ - dhāma̭ pra॒ṇīya॒ praca̭ra - tyatī॒yā - de॒ta-d- bā॒hubhyā॒mityā̭ha - ha॒vigṃṣi॒ nirva̭pati॒ - gatyai̭ ca॒tvāri̭ ca) (a. 4)

anuvākaṃ 5 - vrīhyavaghātaḥ

indro̭ vṛ॒trama̭hann | so̭-'paḥ | a॒bhya̭mriyata |

tāsāṃ॒-ya~nmeddhyaṃ̭-ya~॒jñiya॒gṃ॒ sadḙva॒māsī᳚t | tadapoda̭krāmat | te da॒rbhā a̭bhavann | ya-dda॒rbhaira॒pa ṷtpu॒nāti̭ | yā e॒va meddhyā̭ ya॒jñiyā॒-ssadḙvā॒ āpaḥ̭ | tābhi̭re॒vainā॒ utpṷnāti | dvābhyā॒mutpṷnāti || 35 ||

dvi॒pā-dyaja̭mānaḥ॒ prati̭ṣṭhityai || de॒vo vaḥ̭ savi॒tot-pṷnā॒tvityā̭ha | sa॒vi॒tṛpra̭sūta e॒vainā॒ utpṷnāti | acchi̭dreṇa pa॒vitre॒ṇetyā̭ha | a॒sau vā ā̭di॒tyo-'cchi̭dra-mpa॒vitra᳚m | tenai॒vainā॒ utpṷnāti | vaso॒-ssūrya̭sya ra॒śmibhi॒rityā̭ha | prā॒ṇā vā āpaḥ̭ | prā॒ṇā vasa̭vaḥ | prā॒ṇā ra॒śmayaḥ̭ || 36 ||

prā॒ṇaire॒va prā॒ṇān-thsampṛ̭ṇakti | sā॒vi॒tri॒yarcā |

sa॒vi॒tṛpra̭sūta-mme॒ karmā̭sa॒diti̭ |

sa॒vi॒tṛpra̭sūtame॒vāsya॒ karma̭ bhavati |

pa॒ccho gā̭yatri॒yā tri̭ṣṣamṛddha॒tvāya̭ ||

āpo̭ devīragrepuvo agreguva॒ ityā̭ha |

rū॒pa-me॒vāsā̭me॒ta-nma̭hi॒mānaṃ॒-vyā~ca̭ṣṭe |

agra̭ i॒maṃ-ya~॒jña-nna̭ya॒tāgrḙ

ya॒jñapa̭ti॒mityā̭ha | agrḙ e॒va ya॒jña-nna̭yanti |

agrḙ ya॒jñapa̭tim || 37 ||

yu॒ṣmānindro̭ 'vṛṇīta vṛtra॒tūyḙ yū॒yamindra̭mavṛṇīddhvaṃ-vṛ~tra॒tūrya॒ ityā̭ha |

vṛ॒tragṃ ha̭ hani॒ṣyannindra॒ āpo̭ vavre |

āpo॒ hendraṃ̭-va~vrire | sa॒jñāṃ-me॒vāsā̭me॒ta-thsāmā̭naṃ॒-vyā~ca̭ṣṭe || prokṣi̭tā॒-ssthetyā̭ha | tenāpaḥ॒ prokṣi̭tāḥ || a॒gnayḙ vo॒ juṣṭa॒-mprokṣā᳚-mya॒gnīṣomā᳚bhyā॒-mityā̭ha |

ya॒thā॒ de॒va॒tame॒vainā॒-nprokṣa̭ti | triḥ prokṣa̭ti | tryā̭vṛ॒ddhi ya॒jñaḥ || 38 ||

atho॒ rakṣa̭sā॒mapa̭hatyai | śundha̭ddhvaṃ॒

daivyā̭ya॒ karma̭ṇe devaya॒jyāyā॒ ityā̭ha |

rakṣa̭sā॒-mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ || 39 ||

a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai || pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ |

tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata |

kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭ddhyava॒hanti̭ | ya॒jñāde॒va-ta-dya॒jña-mprayṷṅkte | ha॒viṣo-'ska̭ndāya || 40 ||

a॒dhi॒ṣava̭ṇamasi vānaspa॒tyamityā̭ha | a॒dhi॒ṣava̭ṇa-me॒vaina̭-tkaroti | prati॒ tvā-'di̭tyā॒stvagve॒ttvityā̭ha saya॒tvāya̭ ||

a॒gnesta॒nū-ra॒sītyā̭ha | a॒gnervā e॒ṣā ta॒nūḥ |

yadoṣa̭dhayaḥ | vā॒co vi॒sarja̭na॒mityā̭ha |

ya॒dā hi pra॒jā oṣa̭dhīnā-ma॒śnanti̭ | atha॒ vācaṃ॒-vi~sṛ̭jante | de॒vavī̭taye tvā gṛhṇā॒mītyā̭ha || 41 ||

de॒vatā̭bhire॒vaina॒-thsama̭rdhayati ||

adri̭rasi vānaspa॒tya ityā̭ha | grāvā̭ṇa-me॒vaina̭-tkaroti |

sa i॒da-nde॒vebhyo̭ ha॒vyagṃ su॒śami̭ śami॒ṣvetyā̭ha॒ śāntyai᳚ || havi̭ṣkṛ॒dehītyā̭ha |

ya e॒va de॒vānāgṃ̭ havi॒ṣkṛtaḥ̭ | tān. hva̭yati |

trirhva̭yati | triṣa̭tyā॒ hi de॒vāḥ || iṣa॒mā va॒dorja॒mā va॒detyā̭ha || 42 ||

iṣa̭me॒vorjaṃ॒-ya~ja̭māne dadhāti |

dyu॒madva̭data va॒yagṃ sa̭ghā॒nta-ñje॒ṣmetyā̭ha॒ bhrātṛ̭vyābhibhūtyai || mano᳚-śśra॒ddhādḙvasya॒ yaja̭mānasyāsura॒ghnī vāk | ya॒jñā॒yu॒dheṣu॒ pravi̭ṣṭā-''sīt | te-'sṷrā॒ yāva̭nto yajñāyu॒dhānā̭mu॒dvada̭tā-mu॒pāśṛ̭ṇvann |

te parā̭-'bhavann | tasmā॒-thsvānā॒-mmaddhyḙ-'va॒sāya̭ yajeta | yāva̭nto-'sya॒ bhrātṛ̭vyā yajñāyu॒dhānā̭-mu॒dvada̭tā-mupaśṛ॒ṇvanti̭ | te parā̭ bhavanti |

u॒ccai-ssa॒māha̭nta॒vā ā̭ha॒ viji̭tyai || 43 ||

vṛ॒ṅkta ḙṣāmindri॒yaṃ-vī~॒rya᳚m | śreṣṭha̭ eṣā-mbhavati || va॒r॒ṣa vṛ̭ddhamasi॒ prati̭ tvā va॒r॒ṣavṛ̭ddhaṃ-ve~॒ttvityā̭ha |

va॒r॒ṣavṛ̭ddhā॒ vā oṣa̭dhayaḥ |

va॒r॒ṣavṛ̭ddhā i॒ṣīkā॒-ssamṛ̭ddhyai |

ya॒jñagṃ rakṣā॒g॒syanu॒ prāvi̭śann |

tānya॒snā pa॒śubhyo̭ ni॒ravā̭dayanta |

tuṣai॒roṣa̭dhībhyaḥ || parā̭pūta॒gṃ॒ rakṣaḥ॒ parā̭pūtā॒ arā̭taya॒ ityā̭ha |

rakṣa̭sā॒mapa̭hatyai || 44 ||

ha॒viṣo-'ska̭ndāya | triṣpha॒līka̭rta॒vā ā̭ha | tryā̭vṛ॒ddhi ya॒jñaḥ | atho̭ meddhya॒tvāya̭ || 45 ||

(dvābhyā॒mu-tpṷnāti - ra॒śmayo̭ - naya॒ntyagrḙ ya॒jñapa̭tiṃ - ~ya॒jño - 'di̭ti॒ - raska̭ndāya - gṛhṇā॒mītyā̭ha - va॒detyā̭ha॒ - viji̭tyā॒ - apa̭hatyā॒ - aska̭ndāya॒ trīṇi̭ ca) (a. 5)

anuvākaṃ 6 - taṇḍulapeṣaṇam

pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ | tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata || 46 ||

kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭dhipi॒naṣṭi̭ | ya॒jñāde॒va ta-dya॒jña-mprayṷṅkte | ha॒viṣo-'ska̭ndāya || dyāvā̭pṛthi॒vī sa॒hāstā᳚m | te śa̭myāmā॒trameka॒maha॒rvyaitāgṃ̭ śamyāmā॒trameka॒mahaḥ̭ || di॒va-sska̭mbha॒nira̭si॒ prati॒ tvā 'di̭tyā॒stvagve॒ttvityā̭ha |

dyāvā̭pṛthi॒vyo-rvītyai᳚ | dhi॒ṣaṇā̭-'si parva॒tyā

prati̭ tvā di॒va-sska̭mbha॒nirve॒ttvityā̭ha |

dyāvā̭pṛthi॒vyo-rvidhṛ̭tyai || 47 ||

dhi॒ṣaṇā̭-'si pārvate॒yī prati̭ tvā parva॒tirve॒ttvityā̭ha | dyāvā̭pṛthi॒vyordhṛtyai᳚ || de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ |

adhi̭vapā॒mītyā̭ha | ya॒thā॒de॒va॒ta-me॒vainā॒nadhi̭ vapati || dhā॒nya̭masi dhinu॒hi de॒vānityā̭ha | e॒tasya॒ yajṷṣo vī॒ryḙṇa || 48 ||

yāva॒dekā̭ de॒vatā̭ kā॒maya̭te॒ yāva॒dekā᳚ | tāva॒dāhṷtiḥ prathate | na hi tadasti̭ | yattāva̭de॒va syāt | yāva̭jju॒hoti̭ || prā॒ṇāya̭ tvā-'pā॒nāya॒ tvetyā̭ha | prā॒ṇāne॒va yaja̭māne dadhāti | dī॒rghāmanu॒ prasi̭ti॒māyṷṣe dhā॒mityā̭ha | āyṷre॒vāsmi̭-ndadhāti |

a॒ntari̭kṣādiva॒ vā e॒tāni॒ praska̭ndanti | yāni̭ dṛ॒ṣadaḥ̭ | de॒vo vaḥ̭ savi॒tā hira̭ṇyapāṇiḥ॒ prati̭ gṛhṇā॒tvityā̭ha॒ prati̭ṣṭhityai | ha॒viṣo-'ska̭ndāya ||

asaṃ̭va~pantī pigṃ̭ṣā॒ṇūni̭ kurutā॒dityā̭ha meddhya॒tvāya̭ || 49 ||

(nilā̭yata॒ - vidhṛ̭tyai - vī॒ryḙṇa - skandanti ca॒tvāri̭ ca ) (a. 6)

anuvākaṃ 7 - kapālopadhānam

dhṛṣṭi̭rasi॒ brahma̭ ya॒cchetyā̭ha॒ dhṛtyai᳚ ||

apā᳚gne॒ 'gnimā॒māda̭-ñjahi॒ niṣkra॒vyādagṃ̭

se॒dhā dḙva॒yajaṃ̭-va~॒hetyā̭ha |

ya e॒vāmātkra॒vyāt | tama̭pa॒hatya̭ | meddhye॒-'gnau ka॒pāla॒mupa̭dadhāti || nirda̭gdha॒gṃ॒ rakṣo॒ nirda̭gdhā॒ arā̭taya॒ ityā̭ha | rakṣāg̭sye॒va

nirda̭hati | a॒gni॒vatyupa̭dadhāti | a॒sminne॒va lo॒ke jyoti̭rdhatte | aṅgā̭ra॒madhi̭-vartayati || 50 ||

a॒ntari̭kṣa e॒va jyoti̭rdhatte |

ā॒di॒tyame॒vāmuṣmi̭n ~lo॒ke jyoti̭rdhatte |

jyoti̭ṣmanto-'smā i॒me lo॒kā bha̭vanti |

ya e॒vaṃ-ve~da̭ || dhru॒vama̭si pṛthi॒vī-ndṛ॒gṃ॒hetyā̭ha | pṛ॒thi॒vīme॒vaitena̭ dṛgṃhati |

dha॒rtrama̭sya॒ntari̭kṣa-ndṛ॒gṃ॒hetyā̭ha | a॒ntari̭kṣame॒vaitena̭ dṛgṃhati |

dha॒ruṇa̭masi॒ diva̭-ndṛ॒gṃ॒hetyā̭ha | diva̭me॒vaitena̭ dṛgṃhati || 51 ||

dharmā̭si॒ diśo̭ dṛ॒gṃ॒hetyā̭ha |

diśa̭ e॒vaitena̭ dṛgṃhati | i॒māne॒vaitai-rlo॒kā-ndṛgṃ̭hati | dṛgṃ ha̭nte-'smā i॒me lo॒kāḥ pra॒jayā̭ pa॒śubhiḥ̭ | ya e॒vaṃ-ve~da̭ || trīṇyagrḙ ka॒pālā॒nyupa̭dadhāti | traya̭ i॒me lo॒kāḥ |

e॒ṣāṃ-lo~॒kānā॒māptyai᳚ |

eka॒magrḙ ka॒pāla॒mupa̭dadhāti |

ekaṃ॒-vā~ agrḙ ka॒pāla॒-mpurṷṣasya sa॒bhaṃva~̭ti || 52 ||

atha॒ dve | atha॒ trīṇi̭ | atha̭ ca॒tvāri̭ | athā॒ṣṭau |

tasmā̭da॒ṣṭāka̭pāla॒-mpurṷṣasya॒ śiraḥ̭ |

yade॒va-ṅka॒pālā᳚nyupa॒ dadhā̭ti | ya॒jño vai pra॒jāpa̭tiḥ | ya॒jñame॒va pra॒jāpa̭ti॒gṃ॒ saggska̭roti |

ā॒tmāna̭me॒va ta-thsaggska̭roti | tagṃ saggskṛ̭tamā॒tmāna᳚m || 53 ||

a॒muṣmi̭n ~lo॒ke-'nu॒parai̭ti || yada॒ṣṭāvṷpa॒ dadhā̭ti | gā॒ya॒tri॒yā ta-thsammi̭tam | yannava̭ | tri॒vṛtā॒ tat | ya-ddaśa̭ | vi॒rājā॒ tat | yadekā̭daśa | tri॒ṣṭubhā॒ tat | yaddvāda̭śa || 54 ||

jaga̭tyā॒ tat | chandaḥ̭ sammitāni॒ sa ṷpa॒dadha̭-tka॒pālā̭ni | i॒mān ~lo॒kāna̭nupū॒rva-ndiśo॒ vidhṛ̭tyai dṛgṃhati | athāyuḥ̭ prā॒ṇā-npra॒jā-mpa॒śūn. yaja̭māne dadhāti | sa॒jā॒tāna̭smā a॒bhito̭ bahu॒lān ka̭roti ||

cita॒-ssthetyā̭ha | ya॒thā॒ ya॒jure॒vaitat ||

bhṛgṷ̄ṇā॒maṅgi̭rasā॒-ntapa̭sā tapyaddhva॒mityā̭ha |

de॒vatā̭nā-me॒vainā̭ni॒ tapa̭sā tapati | tāni॒ tata॒-ssaggsthi̭te | yāni̭ gha॒rme ka॒pālā᳚n yupaci॒nvanti̭ ve॒dhasa॒ iti॒ catṷṣpadaya॒rcā vimṷñcati | catṷṣpādaḥ pa॒śavaḥ̭ | pa॒śuṣve॒vopari̭ṣṭā॒-tprati̭tiṣṭhati || 55 ||

(va॒rta॒ya॒ti॒ - diva̭me॒vaitena̭ dṛgṃhati - sa॒mbhava̭ti॒ - tagṃ saggskṛ̭tamā॒tmānaṃ॒ - dvāda̭śa॒ - saggsthi̭te॒ trīṇi̭ ca) (a. 7)

anuvākaṃ 8 - puroḍāśāniṣpādanam

de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha |

a॒śvinau॒ hi de॒vānā̭maddhva॒ryū āstā᳚m |

pū॒ṣṇo hastā᳚bhyā॒mityā̭ha॒ yatyai᳚ |

saṃva~̭pā॒mītyā̭ha | ya॒thā॒ de॒va॒tame॒vainā̭ni॒ saṃva~̭pati || samāpo̭ a॒dbhira̭gmata॒ samoṣa̭dhayo॒ rase॒netyā̭ha | āpo॒ vā oṣa̭dhī-rjinvanti | oṣa̭dhayo॒-'po ji̭nvanti |

a॒nyā vā e॒tāsā̭ma॒nyā ji̭nvanti || 56 ||

tasmā̭de॒vamā̭ha | sagṃ re॒vatī॒-rjaga̭tībhi॒-rmadhṷmatī॒-rmadhṷmatībhi-ssṛjyaddhva॒mityā̭ha |

a॒dbhyaḥ pari॒ prajā̭tā-sstha॒ sama॒dbhiḥ pṛ̭cyaddhva॒miti̭ pa॒ryāplā̭vayati |

yathā॒ suvṛ̭ṣṭa i॒māma̭nu vi॒sṛtya̭ || 57 ||

āpa॒ oṣa̭dhīrma॒haya̭nti | tā॒dṛge॒va tat ||

jana̭yatyai tvā॒ saṃyau~॒mītyā̭ha | pra॒jā e॒vaitena̭ dādhāra | a॒gnaye᳚ tvā॒-'gnīṣomā᳚bhyā॒mityā̭ha॒ vyāvṛ̭ttyai | ma॒khasya॒ śiro॒-'sītyā̭ha |

ya॒jño vai ma॒khaḥ | tasyai॒tacchiraḥ̭ | ya-tpṷro॒ḍāśaḥ̭ | tasmā̭de॒vamā̭ha || 58 ||

sarva̭me॒vaina॒gṃ॒ sata̭nu-ṅkaroti | athā॒pa ā॒nīya॒ pari̭ mārṣṭi | mā॒gṃ॒sa e॒va ta-ttvaca̭-ndadhāti | tasmā᳚-ttva॒cā mā॒gṃ॒sa-ñcha॒nnam ||

gha॒rmo vā e॒ṣo-'śā᳚ntaḥ || 59 ||

tryā̭vṛ॒ddhi ya॒jñaḥ | atho॒ rakṣa̭sā॒mapa̭hatyai ||

a॒ntari̭ta॒gṃ॒ rakṣo॒-'ntari̭tā॒ arā̭taya॒ ityā̭ha || 60 ||

rakṣa̭sā-ma॒ntarhi̭tyai | pu॒ro॒ḍāśaṃ॒-vā~ adhi̭śrita॒gṃ॒ rakṣāg̭syajighāgṃsann |

di॒vi nāko॒ nāmā॒gnī ra̭kṣo॒hā | sa e॒vāsmā॒-drakṣā॒g॒syapā̭hann | de॒vastvā̭ savi॒tā śra̭paya॒tvityā̭ha | sa॒vi॒tṛpra̭sūta e॒vainagg̭ śrapayati | varṣi̭ṣṭhe॒ adhi॒ nāka॒ ityā̭ha | rakṣa̭sā॒mapa̭hatyai | a॒gnistḙ ta॒nuva॒-mmā-'ti̭ dhā॒gityā॒hāna̭tidāhāya | agnḙ ha॒vyagṃ ra̭kṣa॒svetyā̭ha॒ guptyai᳚ || 61 ||

avi̭dahanta-śśrapaya॒teti॒ vācaṃ॒-vi~sṛ̭jate |

ya॒jñame॒va ha॒vīgṣya̭bhi-vyā॒hṛtya॒ prata̭nute |

pu॒ro॒ruca॒mavi̭dāhāya॒ śṛtyai̭ karoti || ma॒stiṣko॒ vai pṷro॒ḍāśaḥ̭ | taṃ-ya~nnābhi̭vā॒saye᳚t | ā॒virma॒stiṣkaḥ̭ syāt | a॒bhivā̭sayati |

tasmā॒-dguhā̭ ma॒stiṣkaḥ̭ | bhasma̭nā॒-'bhi vā̭sayati |

tasmā᳚-nmā॒gṃ॒senāsthi̭ cha॒nnam || 62 ||

ve॒denā॒bhi vā̭sayati | tasmā॒-tkeśai॒-śśiraḥ̭ cha॒nnam |

akha̭latibhāvuko bhavati | ya e॒vaṃ-ve~da̭ || pa॒śorvai pra̭ti॒mā pṷro॒ḍāśaḥ̭ | sa nāya॒juṣka̭-mabhi॒vāsyaḥ̭ | vṛthḙva syāt | ī॒śva॒rā yaja̭mānasya pa॒śavaḥ॒ pramḙtoḥ || sa-mbrahma̭ṇā pṛcya॒svetyā̭ha | prā॒ṇā vai brahma̭ || 63 ||

prā॒ṇāḥ pa॒śavaḥ̭ | prā॒ṇaire॒va pa॒śūnth

sampṛ̭ṇakti | na pra॒māyṷkā bhavanti | yaja̭māno॒ vai pṷro॒ḍāśaḥ̭ | pra॒jā pa॒śavaḥ॒ purī̭ṣam |

yade॒vama̭bhi vā॒saya̭ti | yaja̭māname॒va pra॒jayā̭ pa॒śubhi॒-ssama̭rdhayati || de॒vā vai ha॒vi-rbhṛ॒tvā-'brṷvann | kasmi̭nni॒da-mmra̭kṣyāmaha॒ iti̭ |

so᳚-'gnira̭bravīt || 64 ||

a॒gni-ssarvā̭ de॒vatā॒ iti̭ | so-'ṅgā̭reṇā॒paḥ |

a॒bhya̭pātayat | tata̭ eka॒to̭-'jāyata |

sa dvi॒tīya̭ma॒bhya̭pātayat || 65 ||

tato᳚ dvi॒to̭-'jāyata | sa tṛ॒tīya̭-ma॒bhya̭pātayat |

tata̭-stri॒to̭-'jāyata | yada॒dbhyo-'jā̭yanta | tadā॒pyānā̭māpya॒tvam | yadā॒tmabhyo 'jā̭yanta |

tadā॒tmyānā̭-mātmya॒tvam || te de॒vā ā॒pyeṣva̭mṛjata | ā॒pyā a̭mṛjata॒ sūryā᳚bhyudite | sūryā᳚bhyudita॒-ssūryā̭bhinimrukte || 66 ||

tadbra̭hma॒haṇa॒-nnātya̭cyavata | a॒nta॒rve॒di nina̭ya॒tyava̭ruddhyai | ulmṷkenā॒bhi gṛ̭hṇāti śṛta॒tvāya̭ | śṛ॒takā̭mā iva॒ hi de॒vāḥ || 67 ||

(a॒nyā ji̭nvan-tyanuvi॒sṛtyai॒-vamā॒-hāśā᳚nta-āha॒-guptyai̭-cha॒nnaṃ - brahmā᳚-bravī-ddvi॒tīya̭ma॒bhya̭pātaya॒-thsūryā̭bhinimrukte-de॒vāḥ) (a. 8)

anuvākaṃ 9 - vedikaraṇam

de॒vasya̭ tvā savi॒tuḥ pra̭sa॒va iti॒ sphyamāda̭tte॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ || āda̭da॒ indra̭sya bā॒hura̭si॒ dakṣi̭ṇa॒ ityā̭ha | i॒ndri॒yame॒va yaja̭māne dadhāti | sa॒hasra̭bhṛṣṭi-śśa॒tatḙjā॒ ityā̭ha |

rū॒pame॒vāsyai॒ta-nma̭hi॒mānaṃ॒-vyā~ca̭ṣṭe ||

vā॒yura̭si ti॒gmatḙjā॒ ityā̭ha | tejo॒ vai vā॒yuḥ || 68 ||

teja̭ e॒vāsmi̭-ndadhāti || vi॒ṣādvai nāmā̭su॒ra ā̭sīt | so̭-'bibhet | ya॒jñena̭ mā de॒vā a॒bhibha̭viṣya॒ntīti̭ | sa pṛ̭thi॒vīma॒bhya̭vamīt | sā 'me॒ddhyā 'bha̭vat | atho॒ yadindro̭ vṛ॒tramahanṋ | tasya॒ lohi̭ta-mpṛthi॒vīmanu॒ vya̭dhāvat | sā 'me॒ddhyā 'bha̭vat |

pṛthi̭vi devayaja॒nītyā̭ha || 69 ||

meddhyā̭me॒vainā᳚-ndeva॒yaja̭nī-ṅkaroti |

oṣa̭ddhyāste॒ mūla॒-mmā higṃ̭siṣa॒mityā̭ha | oṣa̭dhīnā॒-mahigṃ̭sāyai || vra॒ja-ṅga̭ccha go॒sthāna॒mityā̭ha | chandāgṃ̭si॒ vai vra॒jo go॒sthānaḥ̭ | chandāg̭sye॒vāsmai᳚ vra॒ja-ṅgo॒sthāna̭-ṅkaroti || varṣa̭tu te॒ dyaurityā̭ha |

vṛṣṭi॒rvai dyauḥ | vṛṣṭi̭me॒vāva̭rundhe ||

ba॒dhā॒na dḙva savitaḥ para॒masyā᳚-mparā॒vatītyā̭ha || 70 ||

dvau vāva purṷṣau | ya-ñcai॒va dveṣṭi̭ | yaścai̭na॒-ndveṣṭi̭ | tāvu॒bhau ba̭ddhnāti para॒masyā᳚-mparā॒vati̭ śa॒tena॒ pāśaiḥ᳚ | yo᳚-'smā-ndveṣṭi॒ ya-ñca̭ va॒ya-ndvi॒ṣmastamato॒ mā mau॒gityā॒hāni̭mruktyai ||

a॒raru॒rvai nāmā̭su॒ra ā̭sīt |

sa pṛ̭thi॒vyāmupa̭mlupto-'śayat |

ta-nde॒vā apa̭hato॒-'raruḥ̭ pṛthi॒vyā iti̭ pṛthi॒vyā apā᳚ghnann | bhrātṛ̭vyo॒ vā a॒raruḥ̭ | apa̭hato॒-'raruḥ̭ pṛthi॒vyā iti॒ yadāha̭ || 71 ||

bhrātṛ̭vyame॒va pṛ̭thi॒vyā apa̭hanti | tḙ-'manyanta |

divaṃ॒-vā~ a॒yami॒taḥ pa̭tiṣya॒tīti̭ |

tama॒rarṷste॒ diva॒-mmā skā॒niti̭ di॒vaḥ parya̭bādhanta | bhrātṛ̭vyo॒ vā a॒raruḥ̭ | a॒rarṷste॒ diva॒-mmā skā॒niti॒ yadāha̭ | bhrātṛ̭vyame॒va di॒vaḥ pari̭bādhate |

sta॒mba॒ ya॒jur-ha̭rati | pṛ॒thi॒vyā e॒va bhrātṛ̭vya॒-mapa̭hanti | dvi॒tīyagṃ̭ harati || 72 ||

a॒ntari̭kṣāde॒vaina॒-mapa̭hanti | tṛ॒tīyagṃ̭ harati | di॒va e॒vaina॒-mapa̭hanti | tū॒ṣṇī-ñca̭tu॒rthagṃ ha̭rati | apa̭rimitāde॒vaina॒-mapa̭hanti || asṷrāṇāṃ॒-vā~ i॒yamagra̭ āsīt | yāva॒dāsī̭naḥ parā॒ paśya̭ti |

tāva̭-dde॒vānā᳚m | te de॒vā a̭bruvann |

astve॒va no॒-'syāmapīti̭ || 73 ||

kya̭nno dāsya॒theti̭ | yāva̭thsva॒ya-mpa̭rigṛhṇī॒theti̭ |

ru॒draiḥ pra॒tyañcaḥ̭ | ā॒di॒tyairuda̭ñcaḥ |

yasyai॒vaṃ-vi~॒duṣo॒ vedi̭-mpari gṛ॒hṇanti̭ || 74 ||

bhava̭tyā॒tmanā᳚ | parā᳚-'sya॒ bhrātṛ̭vyo bhavati ||

de॒vasya̭ savi॒tu-ssa॒va ityā̭ha॒ prasū᳚tyai |

prācī॒mudī̭cī-mprava॒ṇā-ṅka̭roti |

meddhyā̭me॒vainā᳚-ndeva॒yaja̭nī-ṅkaroti || 75 ||

tasmā॒doṣa̭dhayaḥ॒ parā̭bhavanti || 76 ||

mūla̭-ñchinatti | bhrātṛ̭vyasyai॒va mūla̭-ñchinatti |

vajrḙṇai॒va ya॒jñā-drakṣā॒g॒syapa̭hanti | pi॒tṛ॒de॒va॒tyā 'ti̭khātā | iya̭tī-ṅkhanati || 77 ||

pra॒jāpa̭tinā yajñamu॒khena॒ sammi̭tām || vedi̭rde॒vebhyo॒ nilā̭yata | tā-ñca̭turaṅgu॒le 'nva̭vindann | tasmā᳚ccaturaṅgu॒la-ṅkheyā᳚ |

ca॒tu॒raṅgu॒la-ṅkha̭nati | ca॒tu॒ra॒ṅgu॒le hyoṣa̭dhayaḥ prati॒tiṣṭha̭nti |

āpra̭ti॒ṣṭhāyai̭ khanati | yaja̭māname॒va pra̭ti॒ṣṭhā-ṅga̭mayati | da॒kṣi॒ṇa॒to varṣī̭yasī-ṅkaroti |

de॒va॒yaja̭nasyai॒va rū॒pama̭kaḥ || 78 ||

purī̭ṣavatī-ṅkaroti | pra॒jā vai pa॒śavaḥ॒ purī̭ṣam |

ṛ॒ta-ma̭syṛta॒sada̭na-masyṛta॒śrīra॒sītyā̭ha | ya॒thā॒ ya॒jure॒vai tat || 79 ||

krū॒rami̭va॒ vā e॒ta-tka̭roti | yadvedi̭-ṅka॒roti̭ |

dhā a̭si sva॒dhā a॒sīti̭ yoyupyate॒ śāntyai᳚ |

u॒rvī cāsi॒ vasvī̭ cā॒sītyā̭ha |

u॒rvīme॒vaināṃ॒-va~svī᳚-ṅkaroti |

pu॒rā krū॒rasya̭ vi॒sṛpo̭ viraphśi॒nnityā̭ha meddhya॒tvāya̭ | u॒dā॒dāya̭ pṛthi॒vī-ñjī॒radā̭nu॒ryāmaira̭ya-ñca॒ndrama̭si sva॒dhābhi॒rityā̭ha |

yade॒vāsyā̭ ame॒ddhyam | tada̭pa॒hatya̭ |

meddhyā᳚-ndeva॒yaja̭nī-ṅkṛ॒tvā || 80 ||

yada॒daśca॒ndrama̭si॒ meddhya᳚m | tada॒syāmera̭yati |

tā-ndhīrā̭so anu॒dṛśya̭ yajanta॒ ityā॒hānṷkhyātyai || prokṣa̭ṇī॒rāsā̭daya | i॒ddhmāba॒r॒hi-rupa̭sādaya | sru॒va-ñca॒ sruca̭śca॒ sammṛ̭ḍḍhi | patnī॒gṃ॒ sanna̭hya | ājyḙno॒dehītyā̭hānupū॒rvatā̭yai | prokṣa̭ṇī॒rāsā̭dayati | āpo॒ vai ra̭kṣo॒ghnīḥ || 81 ||

yāva̭tīḥ॒ prokṣa̭ṇī॒riti̭ | tasmā᳚-dba॒hvīrā॒sādyāḥ᳚ | sphyamu॒dasyanṋ | ya-ndvi॒ṣyātta-ndhyā̭yet | śu॒caivaina̭-marpayati || 82 ||

(vai vā॒yu - rā̭ha - parā॒vatītyā॒hā - ha̭ - dvi॒tīyagṃ̭ hara॒ - tīti̭ - parigṛ॒hṇanti̭ - deva॒yaja̭nī-ṅkaroti - bhavanti - khanatya - ka - re॒tat - kṛ॒tvā - ra̭kṣo॒ghnī - ra̭rpayati) (a. 9)

anuvākaṃ 10 - idhmābarhi-ssādanam

a॒gnibhyā॒-mprāca̭śca pra॒tīca̭śca | sphyenodī̭caścā-dha॒rāca̭śca | sphyena॒ vā e॒ṣa vajrḙṇā॒syai pā॒pmāna॒-mbhrātṛ̭vya-mapa॒hatya̭ |

u॒tka॒re-'dhi॒ pravṛ̭ścati || 83 ||

yatho̭pa॒dhāya̭ vṛ॒ścantya॒vam | hastā॒vava̭ nenikte | ā॒tmāna̭me॒va pa̭vayate | sphya-mprakṣā̭layati meddhya॒tvāya̭ | atho̭ pā॒pmana̭ e॒va bhrātṛ̭vyasya nya॒ṅga-ñchi̭natti || i॒ddhmā-ba॒r॒hi-rupa̭sādayati॒ yuktyai᳚ | ya॒jñasya̭ mithuna॒tvāya̭ |

atho̭ puro॒ruca̭me॒vaitā-nda̭dhāti |

utta̭rasya॒ karma॒ṇo-'nṷkhyātyai |

na pu॒rastā᳚-tpra॒tyagupa̭sādayet || 84 ||

ya-tpu॒rastā᳚-tpra॒tya-gṷpasā॒daye᳚t |

sa॒pra॒ntyḙva ba॒r॒hiṣā᳚ pra॒jānā᳚-mpra॒jana̭na॒mupai̭ti | dakṣi̭ṇami॒ddhmam |

utta̭ra-mba॒ra॒ḥiḥ | ā॒tmā vā i॒ddhmaḥ |

pra॒jā ba॒r॒hiḥ | pra॒jā hyā᳚tmana॒ utta̭ratarā tī॒rthe |

tato॒ medha̭mupa॒nīya̭ | ya॒thā॒ de॒va॒tame॒vaina॒t-prati̭ṣṭhāpayati | prati̭tiṣṭhati pra॒jayā̭ pa॒śubhi॒-ryaja̭mānaḥ || 85 ||

(vṛ॒śca॒ti॒ - sā॒da॒ye॒ - di॒ddhmaḥ pañca̭ ca) (a. 10)

(tṛtīya̭syāṃ - de॒vasyā᳚śvapa॒r॒śuṃ-yo~ vai - pū᳚rve॒dyuḥ - karma̭ṇe vā॒ - mindro̭ vṛ॒trama̭ha॒n-thso̭-'po - 'va̭dhūtaṃ॒ - dhṛṣṭi̭--r de॒vasyetyā̭ha॒ saṃva~̭pāmi - de॒vasya॒ sphyamāda̭de॒ - vajro॒ vai sphyo daśa̭)

(tṛ॒tīya̭syāṃ - ~ya॒jñasyāna̭tirekāya - pa॒vitra̭vatya - dhva॒ryu-ñcā̭ - dhi॒ṣava̭ṇamasya॒ - ntari̭kṣa e॒va - rakṣa̭sāma॒ntarhi̭tyai॒ - dvau vāva purṷṣo॒ - yada॒daśca॒ndrama̭si॒ meddhya॒-mpañcāśī̭tiḥ)

(tṛ॒tīya̭syāṃ॒ - ~yaja̭mānaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhaka-ssamāptaḥ ||