3.12 - Vaishvasrijachayanam - Krishna Yajurveda Taittiriya Brahmana Katha Prashnah Pathah - Tubhyam Ta

ॐ

3.12 - ವೈಶ್ವಸೃಜಚಯನಮ್ - ಕೃಷ್ಣ ಯಜುರ್ವೇದ ತೈತ್ತಿರೀಯ ಬ್ರಾಹ್ಮಣ ಕಾಠ ಪ್ರಶ್ನಃ ಪಾಠಃ - ತುಭ್ಯಂ ತಾ

Krishna Kannada

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಕಾಠಕೇ ತೃತೀಯಃ ಪ್ರಶ್ನಃ - ವೈಶ್ವಸೃಜಚಯನಮ್

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಚಾತುರ್ಹೋತ್ರಚಯನಂ-ವೈಁಶ್ವಸೃಜಚಯನ-ಞ್ಚ

ಅನುವಾಕಂ 1 - ವೈಶ್ವಸೃಜಚಯನಾಙ್ಗಭೂತಾಃ ದಿವಶ್ಶ್ಯೇನಯ ಇಷ್ಟಯಃ

ತುಭ್ಯ॒-ನ್ತಾ ಅ॑ಙ್ಗಿರಸ್ತಮ॒ ವಿಶ್ವಾ᳚-ಸ್ಸುಕ್ಷಿ॒ತಯಃ॒ ಪೃಥ॑ಕ್ । ಅಗ್ನೇ॒ ಕಾಮಾ॑ಯ ಯೇಮಿರೇ ॥ ಅ॒ಶ್ಯಾಮ॒ ತ-ಙ್ಕಾಮ॑ಮಗ್ನೇ॒ ತವೋ॒ ತ್ಯ॑ಶ್ಯಾಮ॑ ರ॒ಯಿಗ್ಂ ರ॑ಯಿವ-ಸ್ಸು॒ವೀರ᳚ಮ್ । ಅ॒ಶ್ಯಾಮ॒ ವಾಜ॑ಮ॒ಭಿ ವಾ॒ಜಯ॑ನ್ತೋ॒ ಽಶ್ಯಾಮ॑ ದ್ಯು॒ಮ್ನಮ॑ಜರಾ॒ಜರ॑-ನ್ತೇ ॥ ।

ಆಶಾ॑ನಾ-ನ್ತ್ವಾ ಽಽಶಾಪಾ॒ಲೇಭ್ಯಃ॑ । ಚ॒ತುರ್ಭ್ಯೋ॑ ಅ॒ಮೃತೇ᳚ಭ್ಯಃ । ಇ॒ದ-ಮ್ಭೂ॒ತಸ್ಯಾಧ್ಯ॑ಕ್ಷೇಭ್ಯಃ । ವಿ॒ಧೇಮ॑ ಹ॒ವಿಷಾ॑ ವ॒ಯಮ್ ॥ ವಿಶ್ವಾ॒ ಆಶಾ॒ ಮಧು॑ನಾ॒ ಸಗ್ಂಸೃ॑ಜಾಮಿ । ಅ॒ನ॒ಮೀ॒ವಾ ಆಪ॒ ಓಷ॑ಧಯೋ ಭವನ್ತು । ಅ॒ಯಂ-ಯಁಜ॑ಮಾನೋ॒ ಮೃಧೋ॒ ವ್ಯ॑ಸ್ಯತಾಂ ಅಗೃ॑ಭೀತಾಃ ಪ॒ಶವಃ॑ ಸನ್ತು॒ ಸರ್ವೇ᳚ ॥ ।

ಅನು॑ ನೋ॒-ಽದ್ಯಾ-ಽನು॑ಮತಿರ್ಯ॒ಜ್ಞ-ನ್ದೇ॒ವೇಷು॑ ಮನ್ಯತಾಮ್ । ಅ॒ಗ್ನಿಶ್ಚ॑ ಹವ್ಯ॒ವಾಹ॑ನೋ॒ ಭವ॑ತಾ-ನ್ದಾ॒ಶುಷೇ॒ ಮಯಃ॑ ॥ ಅನ್ವಿದ॑ನುಮತೇ॒ ತ್ವ-ಮ್ಮನ್ಯಾ॑ಸೈ॒ ಶಞ್ಚ॑ನಃ ಕೃಧಿ । ಕ್ರತ್ವೇ॒ ದಕ್ಷಾ॑ಯ ನೋ ಹಿನು॒ ಪ್ರಣ॒ ಆಯೂಗ್ಂ॑ಷಿ ತಾರಿಷಃ ॥ ।

ಕಾಮೋ॑ ಭೂ॒ತಸ್ಯ॒ ಭವ್ಯ॑ಸ್ಯ । ಸ॒ಮ್ರಾಡೇಕೋ॒ ವಿರಾ॑ಜತಿ । ಸ ಇ॒ದ-ಮ್ಪ್ರತಿ॑ ಪಪ್ರಥೇ । ಋ॒ತೂನು-ಥ್ಸೃ॑ಜತೇ ವ॒ಶೀ ॥ ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॑ । ಮನ॑ಸೋ॒ ರೇತಃ॑ ಪ್ರಥ॒ಮಂ-ಯಁದಾಸೀ᳚ತ್ । ಸ॒ತೋ ಬನ್ಧು॒ಮಸ॑ತಿ॒ ನಿರ॑ವಿನ್ದನ್ನ್ । ಹೃ॒ದಿ ಪ್ರ॒ತೀಷ್ಯಾ॑ ಕ॒ವಯೋ॑ ಮನೀ॒ಷಾ ॥ ।

ಬ್ರಹ್ಮ॑ ಜಜ್ಞಾ॒ನ-ಮ್ಪ್ರ॑ಥ॒ಮ-ಮ್ಪು॒ರಸ್ತಾ॒ದ್ವಿ ಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ । ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾ-ಸ್ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವಃ॑ ॥ ಪಿ॒ತಾ ವಿ॒ರಾಜಾ॑ಮೃಷ॒ಭೋ ರ॑ಯೀ॒ಣಾಮ್ । ಅ॒ನ್ತರಿ॑ಕ್ಷಂ-ವಿಁ॒ಶ್ವರೂ॑ಪ॒ ಆವಿ॑ವೇಶ । ತಮ॒ರ್ಕೈ-ರ॒ಭ್ಯ॑ರ್ಚನ್ತಿ ವ॒ಥ್ಸಮ್ । ಬ್ರಹ್ಮ॒ ಸನ್ತ॒-ಮ್ಬ್ರಹ್ಮ॑ಣಾ ವ॒ರ್ಧಯ॑ನ್ತಃ ॥ ।

ಯ॒ಜ್ಞೋ ರಾ॒ಯೋ ಯ॒ಜ್ಞ ಈ॑ಶೇ॒ ವಸೂ॑ನಾಮ್ । ಯ॒ಜ್ಞ-ಸ್ಸ॒ಸ್ಯಾನಾ॑ಮು॒ತ ಸು॑ಕ್ಷಿತೀ॒ನಾಮ್ । ಯ॒ಜ್ಞ ಇ॒ಷ್ಟಃ ಪೂ॒ರ್ವಚಿ॑ತ್ತಿ-ನ್ದಧಾತು । ಯ॒ಜ್ಞೋ ಬ್ರ॑ಹ್ಮ॒ಣ್ವಾಗ್ಂ ಅಪ್ಯೇ॑ತು ದೇ॒ವಾನ್ ॥ ಅ॒ಯಂ-ಯಁ॒ಜ್ಞೋ ವ॑ರ್ಧತಾ॒-ಙ್ಗೋಭಿ॒ರಶ್ವೈಃ᳚ । ಇ॒ಯಂ-ವೇಁದಿಃ॑ ಸ್ವಪ॒ತ್ಯಾ ಸು॒ವೀರಾ᳚ । ಇ॒ದ-ಮ್ಬ॒ರ್॒ಹಿರತಿ॑ ಬ॒ರ್॒ಹೀಗ್ಷ್ಯ॒ನ್ಯಾ । ಇ॒ಮಂ-ಯಁ॒ಜ್ಞಂ-ವಿಁಶ್ವೇ॑ ಅವನ್ತು ದೇ॒ವಾಃ ॥ । ಆಪೋ॑ ಭ॒ದ್ರಾ ಘೃ॒ತಮಿದಾಪ॑ ಆಸುರ॒ಗ್ನೀ-ಷೋಮೌ॑ ಬಿಭ್ರ॒ತ್ಯಾಪ॒ ಇ-ತ್ತಾಃ । ತೀ॒ವ್ರೋ ರಸೋ॑ ಮಧು॒ಪೃಚಾ॑ ಮರಙ್ಗ॒ಮ ಆ ಮಾ᳚ ಪ್ರಾ॒ಣೇನ॑ ಸ॒ಹ ವರ್ಚ॑ಸಾ ಗನ್ನ್ ॥ ಆದಿ-ತ್ಪ॑ಶ್ಯಾಮ್ಯು॒ತ ವಾ॑ ಶೃಣೋ॒ಮ್ಯಾ ಮಾ॒ ಘೋಷೋ॑ ಗಚ್ಛತಿ॒ ವಾನ್ನ॑ ಆಸಾಮ್ । ಮನ್ಯೇ॑ ಭೇಜಾ॒ನೋ ಅ॒ಮೃತ॑ಸ್ಯ॒ ತರ್ಹಿ॒ ಹಿರ॑ಣ್ಯವರ್ಣಾ॒ ಅತೃ॑ಪಂ-ಯಁ॒ದಾ ವಃ॑ ॥ ।

ತುಭ್ಯ॑-ಮ್ಭರನ್ತಿ ಕ್ಷಿ॒ತಯೋ॑ ಯವಿಷ್ಠ । ಬ॒ಲಿಮ॑ಗ್ನೇ॒ ಅನ್ತಿ॑ ತ॒ ಓತ ದೂ॒ರಾತ್ । ಆ ಭನ್ದಿ॑ಷ್ಠಸ್ಯ ಸುಮ॒ತಿ-ಞ್ಚಿ॑ಕಿದ್ಧಿ । ಬೃ॒ಹತ್ತೇ॑ ಅಗ್ನೇ॒ ಮಹಿ॒ ಶರ್ಮ॑ ಭ॒ದ್ರಮ್ ॥ ಯೋ ದೇ॒ಹ್ಯೋ ಅನ॑ಮಯದ್ವಧ॒ಸ್ನೈಃ । ಯೋ ಅರ್ಯ॑ಪತ್ನೀ-ರು॒ಷಸ॑ಶ್ಚ॒ಕಾರ॑ । ಸ ನಿ॒ರುಧ್ಯಾ॒ ನಹು॑ಷೋ ಯ॒ಹ್ವೋ ಅ॒ಗ್ನಿಃ । ವಿಶ॑ಶ್ಚಕ್ರೇ ಬಲಿ॒ಹೃತ॒-ಸ್ಸಹೋ॑ಭಿಃ ॥ ।

ಪೂರ್ವ॑-ನ್ದೇವಾ॒ ಅಪ॑ರೇಣಾ-ನು॒ಪಶ್ಯ॒ಞ್ಜನ್ಮ॑ಭಿಃ । ಜನ್ಮಾ॒ನ್ಯವ॑ರೈಃ॒ ಪರಾ॑ಣಿ । ವೇದಾ॑ನಿ ದೇವಾ ಅ॒ಯಮ॒ಸ್ಮೀತಿ॒ ಮಾಮ್ । ಅ॒ಹಗ್ಂ ಹಿ॒ತ್ವಾ ಶರೀ॑ರ-ಞ್ಜ॒ರಸಃ॑ ಪ॒ರಸ್ತಾ᳚ತ್ ॥ ಪ್ರಾ॒ಣಾ॒ಪಾ॒ನೌ ಚಕ್ಷು॒-ಶ್ಶ್ರೋತ್ರ᳚ಮ್ । ವಾಚ॒-ಮ್ಮನ॑ಸಿ॒ ಸಮ್ಭೃ॑ತಾಮ್ । ಹಿ॒ತ್ವಾ ಶರೀ॑ರ-ಞ್ಜ॒ರಸಃ॑ ಪ॒ರಸ್ತಾ᳚ತ್ । ಆ ಭೂತಿ॒-ಮ್ಭೂತಿಂ॑-ವಁ॒ಯಮ॑ಶ್ನವಾಮಹೈ ॥ ।

ಹ॒ವ್ಯ॒ವಾಹ॑-ಮಭಿಮಾತಿ॒ಷಾ-ಽಹ᳚ಮ್ । ರ॒ಕ್ಷೋ॒ಹಣ॒-ಮ್ಪೃತ॑ನಾಸು ಜಿ॒ಷ್ಣುಮ್ । ಜ್ಯೋತಿ॑ಷ್ಮನ್ತ॒-ನ್ದೀದ್ಯ॑ತ॒-ಮ್ಪುರ॑ನ್ಧಿಮ್ । ಅ॒ಗ್ನಿಗ್ಗ್ ಸ್ವಿ॑ಷ್ಟ॒ಕೃತ॒ಮಾ ಹು॑ವೇಮ ॥ ಸ್ವಿ॑ಷ್ಟಮಗ್ನೇ ಅ॒ಭಿ ತ-ತ್ಪೃ॑ಣಾಹಿ । ವಿಶ್ವಾ॑ ದೇವ॒ ಪೃತ॑ನಾ ಅ॒ಭಿಷ್ಯ । ಉ॒ರು-ನ್ನಃ॒ ಪನ್ಥಾ᳚-ಮ್ಪ್ರದಿ॒ಶನ್ವಿ ಭಾ॑ಹಿ । ಜ್ಯೋತಿ॑ಷ್ಮದ್ಧೇಹ್ಯ॒ಜರ॑-ನ್ನ॒ ಆಯುಃ॑ ॥ ॥ 1 ॥

ತುಭ್ಯ॒-ನ್ದಶ॑ (ಅ. 1)

ಅನುವಾಕಂ 2 - ತಾಸಾ-ಮ್ಬ್ರಾಹ್ಮಣಮ್

ದೇ॒ವೇಭ್ಯೋ॒ ವೈ ಸ್ವ॒ರ್ಗೋ ಲೋ॒ಕಸ್ತಿ॒ರೋ॑-ಽಭವತ್ ।

ತೇ ಪ್ರ॒ಜಾಪ॑ತಿ-ಮಬ್ರುವನ್ನ್ ।

ಪ್ರಜಾ॑ಪತೇ ಸ್ವ॒ರ್ಗೋ ವೈ ನೋ॑ ಲೋ॒ಕಸ್ತಿ॒ರೋ॑-ಽಭೂತ್ । ತಮನ್ವಿ॒ಚ್ಛೇತಿ॑ । ತಂ-ಯಁ॑ಜ್ಞಕ್ರ॒ತುಭಿ॒-ರನ್ವೈ᳚ಚ್ಛತ್ । ತಂ-ಯಁ॑ಜ್ಞಕ್ರ॒ತುಭಿ॒-ರ್ನಾನ್ವ॑ವಿನ್ದತ್ ।

ತಮಿಷ್ಟಿ॑ಭಿ॒-ರನ್ವೈ᳚ಚ್ಛತ್ । ತಮಿಷ್ಟಿ॑ಭಿ॒-ರನ್ವ॑ವಿನ್ದತ್ ।

ತದಿಷ್ಟೀ॑ನಾ-ಮಿಷ್ಟಿ॒ತ್ವಮ್ । ಏಷ್ಟ॑ಯೋ ಹ॒ವೈ ನಾಮ॑ ।

ತಾ ಇಷ್ಟ॑ಯ॒ ಇತ್ಯಾಚ॑ಕ್ಷತೇ ಪ॒ರೋಕ್ಷೇ॑ಣ । ಪ॒ರೋಕ್ಷ॑ ಪ್ರಿಯಾ ಇವ॒ ಹಿ ದೇ॒ವಾಃ ॥ 2 ॥

ತಮಾಶಾ᳚-ಽಬ್ರವೀತ್ । ಪ್ರಜಾ॑ಪತ ಆ॒ಶಯಾ॒ ವೈ ಶ್ರಾ᳚ಮ್ಯಸಿ ।

ಅ॒ಹಮು॒ ವಾ ಆಶಾ᳚-ಽಸ್ಮಿ । ಮಾ-ನ್ನು ಯ॑ಜಸ್ವ ।

ಅಥ॑ ತೇ ಸ॒ತ್ಯಾ-ಽಽಶಾ॑ ಭವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ । ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ ।

ಆ॒ಶಾಯೈ॑ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಯ॑ ಸ॒ತ್ಯಾ-ಽಽಶಾ॑ ಽಭವತ್ । ಅನು॑ ಸ್ವ॒ರ್ಗಂ-ಲೋಁ॒ಕ-ಮ॑ವಿನ್ದತ್ । ಸ॒ತ್ಯಾ ಹ॒ ವಾ ಅ॒ಸ್ಯಾಶಾ॑ ಭವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ ॥ ಸೋ-ಽತ್ರ॑ ಜುಹೋತಿ । ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ॒-ಽಽಶಾಯೈ॒ ಸ್ವಾಹಾ᳚ । ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 3 ॥

ತ-ಙ್ಕಾಮೋ᳚-ಽಬ್ರವೀತ್ । ಪ್ರಜಾ॑ಪತೇ॒ ಕಾಮೇ॑ನ॒ ವೈ ಶ್ರಾ᳚ಮ್ಯಸಿ । ಅ॒ಹಮು॒ವೈ ಕಾಮೋ᳚-ಽಸ್ಮಿ । ಮಾ-ನ್ನು ಯ॑ಜಸ್ವ । ಅಥ॑ ತೇ ಸ॒ತ್ಯಃ ಕಾಮೋ॑ ಭವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ । ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಕಾಮಾ॑ಯ ಚ॒ರುಮ್ । ಅನು॑ಮತ್ಯೈ ಚ॒ರುಮ್ ।

ತತೋ॒ ವೈ ತಸ್ಯ॑ ಸ॒ತ್ಯಃ ಕಾಮೋ॑-ಽಭವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ ।

ಸ॒ತ್ಯೋ ಹ॒ ವಾ ಅ॑ಸ್ಯ॒ ಕಾಮೋ॑ ಭವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 4 ॥

ತ-ಮ್ಬ್ರಹ್ಮಾ᳚-ಽಬ್ರವೀತ್ । ಪ್ರಜಾ॑ಪತೇ॒ ಬ್ರಹ್ಮ॑ಣಾ॒ ವೈಶ್ರಾ᳚ಮ್ಯಸಿ । ಅ॒ಹಮು॒ ವೈ ಬ್ರಹ್ಮಾ᳚-ಽಸ್ಮಿ ।

ಮಾ-ನ್ನು ಯ॑ಜಸ್ವ । ಅಥ॑ ತೇ ಬ್ರಹ್ಮ॒ಣ್ವಾನ್. ಯ॒ಜ್ಞೋ ಭ॑ವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ । ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಬ್ರಹ್ಮ॑ಣೇ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಯ॑ ಬ್ರಹ್ಮ॒ಣ್ವಾನ್. ಯ॒ಜ್ಞೋ॑-ಽಭವತ್ । ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ । ಬ್ರ॒ಹ್ಮ॒ಣ್ವಾನ್. ಹ॒ ವಾ ಅ॑ಸ್ಯ ಯ॒ಜ್ಞೋ ಭ॑ವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ॒ ಬ್ರಹ್ಮ॑ಣೇ॒ ಸ್ವಾಹಾ᳚ । ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ । ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒ ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 5 ॥

ತಂ-ಯಁ॒ಜ್ಞೋ᳚-ಽಬ್ರವೀತ್ । ಪ್ರಜಾ॑ಪತೇ ಯ॒ಜ್ಞೇನ॒ ವೈ ಶ್ರಾ᳚ಮ್ಯಸಿ । ಅ॒ಹಮು॒ ವೈ ಯ॒ಜ್ಞೋ᳚-ಽಸ್ಮಿ ।

ಮಾ-ನ್ನು ಯ॑ಜಸ್ವ । ಅಥ॑ ತೇ ಸ॒ತ್ಯೋ ಯ॒ಜ್ಞೋ ಭ॑ವಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಯ॒ಜ್ಞಾಯ॑ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಯ॑ ಸ॒ತ್ಯೋ ಯ॒ಜ್ಞೋ॑-ಽಭವತ್ । ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ । ಸ॒ತ್ಯೋ ಹ॒ ವಾ ಅ॑ಸ್ಯ ಯ॒ಜ್ಞೋ ಭ॑ವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ॑ ಯ॒ಜ್ಞಾಯ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 6 ॥

ತಮಾಪೋ᳚-ಽಬ್ರುವನ್ನ್ । ಪ್ರಜಾ॑ಪತೇ॒-ಽಫ್ಸು ವೈ ಸರ್ವೇ॒ ಕಾಮಾ᳚-ಶ್ಶ್ರಿ॒ತಾಃ । ವ॒ಯಮು॒ ವಾ ಆಪ॑ಸ್ಸ್ಮಃ । ಅ॒ಸ್ಮಾನ್ನು ಯ॑ಜಸ್ವ । ಅಥ॒ ತ್ವಯಿ॒ ಸರ್ವೇ॒ ಕಾಮಾ᳚-ಶ್ಶ್ರಯಿಷ್ಯನ್ತೇ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಅ॒ದ್ಭ್ಯಶ್ಚ॒ರುಮ್ ।

ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಮಿ॒ನ್-ಥ್ಸರ್ವೇ॒ ಕಾಮಾ॑ ಅಶ್ರಯನ್ತ । ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ । ಸರ್ವೇ॑ ಹ॒ ವಾ ಅ॑ಸ್ಮಿ॒ನ್ ಕಾಮಾ᳚-ಶ್ಶ್ರಯನ್ತೇ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ॒ ಽದ್ಭ್ಯ-ಸ್ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 7 ॥

ತಮ॒ಗ್ನಿ ರ್ಬ॑ಲಿ॒ಮಾನ॑ಬ್ರವೀತ್ ।

ಪ್ರಜಾ॑ಪತೇ॒ ಽಗ್ನಯೇ॒ ವೈ ಬ॑ಲಿ॒ಮತೇ॒ ಸರ್ವಾ॑ಣಿ ಭೂ॒ತಾನಿ॑ ಬ॒ಲಿಗ್ಂ ಹ॑ರನ್ತಿ । ಅ॒ಹಮು॒ ವಾ ಅ॒ಗ್ನಿ ರ್ಬ॑ಲಿ॒ಮಾನ॑ಸ್ಮಿ । ಮಾ-ನ್ನು ಯ॑ಜಸ್ವ ।

ಅಥ॑ ತೇ॒ ಸರ್ವಾ॑ಣಿ ಭೂ॒ತಾನಿ॑ ಬ॒ಲಿಗ್ಂ ಹ॑ರಿಷ್ಯನ್ತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಅ॒ಗ್ನಯೇ॑ ಬಲಿ॒ಮತೇ॑ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಮೈ॒ ಸರ್ವಾ॑ಣಿ ಭೂ॒ತಾನಿ॑ ಬ॒ಲಿ-ಮ॑ಹರನ್ನ್ । ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ । ಸರ್ವಾ॑ಣಿ ಹ॒ ವಾ ಅ॑ಸ್ಮೈ ಭೂ॒ತಾನಿ॑ ಬ॒ಲಿಗ್ಂ ಹ॑ರನ್ತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ॒ ಽಗ್ನಯೇ॑ ಬಲಿ॒ಮತೇ॒ ಸ್ವಾಹಾ᳚ । ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 8 ॥

ತಮನು॑ವಿತ್ತಿರ-ಬ್ರವೀತ್ । ಪ್ರಜಾ॑ಪತೇ ಸ್ವ॒ರ್ಗಂ-ವೈಁ ಲೋ॒ಕಮನು॑-ವಿವಿಥ್ಸಸಿ । ಅ॒ಹಮು॒ ವಾ ಅನು॑ವಿತ್ತಿರಸ್ಮಿ । ಮಾ-ನ್ನು ಯ॑ಜಸ್ವ । ಅಥ॑ ತೇ ಸ॒ತ್ಯಾ ಽನು॑ವಿತ್ತಿ-ರ್ಭವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮ॒ಗ್ನಯೇ॒ ಕಾಮಾ॑ಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ ।

ಅನು॑ವಿತ್ತ್ಯೈ ಚ॒ರುಮ್ । ಅನು॑ಮತ್ಯೈ ಚ॒ರುಮ್ ।

ತತೋ॒ ವೈ ತಸ್ಯ॑ ಸ॒ತ್ಯಾ ಽನು॑ವಿತ್ತಿರಭವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕ-ಮ॑ವಿನ್ದತ್ ।

ಸ॒ತ್ಯಾ ಹ॒ ವಾ ಅ॒ಸ್ಯಾನು॑ವಿತ್ತಿ-ರ್ಭವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಕಾಮಾ॑ಯ॒ ಸ್ವಾಹಾ-ಽನು॑ವಿತ್ತ್ಯೈ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 9 ॥

ತಾ ವಾ ಏ॒ತಾ-ಸ್ಸ॒ಪ್ತ ಸ್ವ॒ರ್ಗಸ್ಯ॑ ಲೋ॒ಕಸ್ಯ॒ ದ್ವಾರಃ॑ ।

ದಿ॒ವ-ಶ್ಶ್ಯೇ॑ನ॒ಯೋ ಽನು॑ವಿತ್ತಯೋ॒ ನಾಮ॑ ।

ಆಶಾ᳚ ಪ್ರಥ॒ಮಾಗ್ಂ ರ॑ಕ್ಷತಿ ।

ಕಾಮೋ᳚ ದ್ವಿ॒ತೀಯಾ᳚ಮ್ । ಬ್ರಹ್ಮ॑ ತೃ॒ತೀಯಾ᳚ಮ್ । ಯ॒ಜ್ಞಶ್ಚ॑ತು॒ರ್ಥೀಮ್ । ಆಪಃ॑ ಪಞ್ಚ॒ಮೀಮ್ ।

ಅ॒ಗ್ನಿ ರ್ಬ॑ಲಿ॒ಮಾನ್-ಥ್ಷ॒ಷ್ಠೀಮ್ । ಅನು॑ವಿತ್ತಿ-ಸ್ಸಪ್ತ॒ಮೀಮ್ ।

ಅನು॑ ಹ॒ ವೈ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಕಾ॒ಮ॒ಚಾರೋ᳚-ಽಸ್ಯ ಸ್ವ॒ರ್ಗೇ ಲೋ॒ಕೇ ಭ॑ವತಿ ।

ಯ ಏ॒ತಾಭಿ॒-ರಿಷ್ಟಿ॑ಭಿ॒-ರ್ಯಜ॑ತೇ ।

ಯ ಉ॑ಚೈನಾ ಏ॒ವಂ-ವೇಁದ॑ । ತಾಸ್ವ॑ನ್ವಿ॒ಷ್ಟಿ । ಪ॒ಷ್ಠೌ॒ಹೀ॒ ವ॒ರಾ-ನ್ದ॑ದ್ಯಾ-ತ್ಕ॒ಗ್ಂ॒ ಸಞ್ಚ॑ ।

ಸ್ತ್ರಿಯೈ॑ ಚಾಭಾ॒ರಗ್ಂ ಸಮೃ॑ದ್ಧ್ಯೈ ॥ 10 ॥

ಅನುವಾಕಂ 3 - ಉಪಾಘಾ ನಾಮೇಷ್ಟಯಃ

ತಪ॑ಸಾ ದೇ॒ವಾ ದೇ॒ವತಾ॒-ಮಗ್ರ॑ ಆಯನ್ನ್ । ತಪ॒ಸರ್ಷ॑ಯ॒-ಸ್ಸ್ವ॑ರನ್ವ॑ವಿನ್ದನ್ನ್ ।

ತಪ॑ಸಾ ಸ॒ಪತ್ನಾ॒-ನ್ಪ್ರಣು॑ದಾ॒ಮಾರಾ॑ತೀಃ ।

ಯೇನೇ॒ದಂ-ವಿಁಶ್ವ॒-ಮ್ಪರಿ॑ಭೂತಂ॒-ಯಁದಸ್ತಿ॑ ॥

ಪ್ರ॒ಥ॒ಮ॒ಜ-ನ್ದೇ॒ವಗ್ಂ ಹ॒ವಿಷಾ॑ ವಿಧೇಮ । ಸ್ವ॒ಯ॒ಭು-ಮ್ಬ್ರಹ್ಮ॑ ಪರ॒ಮ-ನ್ತಪೋ॒ ಯತ್ ।

ಸ ಏ॒ವ ಪು॒ತ್ರ-ಸ್ಸ ಪಿ॒ತಾ ಸ ಮಾ॒ತಾ ।

ತಪೋ॑ ಹ ಯ॒ಕ್ಷ-ಮ್ಪ್ರ॑ಥ॒ಮಗ್ಂ ಸಮ್ಬ॑ಭೂವ ॥

ಶ್ರ॒ದ್ಧಯಾ ದೇ॑ವೋ ದೇವ॒ತ್ವ-ಮ॑ಶ್ನುತೇ ।

ಶ್ರ॒ದ್ಧಾ ಪ್ರ॑ತಿ॒ಷ್ಠಾ ಲೋ॒ಕಸ್ಯ॑ ದೇ॒ವೀ ॥ 11 ॥

ಸಾ ನೋ॑ ಜುಷಾ॒ಣೋಪ॑ ಯ॒ಜ್ಞ-ಮಾಗಾ᳚ತ್ ।

ಕಾಮ॑ವಥ್ಸಾ॒ ಽಮೃತ॒-ನ್ದುಹಾ॑ನಾ ॥

ಶ್ರ॒ದ್ಧಾ ದೇ॒ವೀ ಪ್ರ॑ಥಮ॒ಜಾ ಋ॒ತಸ್ಯ॑ ।

ವಿಶ್ವ॑ಸ್ಯ ಭ॒ರ್ತ್ರೀ ಜಗ॑ತಃ ಪ್ರತಿ॒ಷ್ಠಾ ।

ತಾಗ್ ಶ್ರ॒ದ್ಧಾಗ್ಂ ಹ॒ವಿಷಾ॑ ಯಜಾಮಹೇ ।

ಸಾ ನೋ॑ ಲೋ॒ಕ-ಮ॒ಮೃತ॑-ನ್ದಧಾತು ।

ಈಶಾ॑ನಾ ದೇ॒ವೀ ಭುವ॑ನ॒ಸ್ಯಾಧಿ॑ಪತ್ನೀ ॥ ಆಗಾ᳚ಥ್ಸ॒ತ್ಯಗ್ಂ ಹ॒ವಿರಿ॒ದ-ಞ್ಜು॑ಷಾ॒ಣಮ್ ।

ಯಸ್ಮಾ᳚ದ್ದೇ॒ವಾ ಜ॑ಜ್ಞಿರೇ॒ ಭುವ॑ನಞ್ಚ॒ ವಿಶ್ವೇ᳚ ।

ತಸ್ಮೈ॑ ವಿಧೇಮ ಹ॒ವಿಷಾ॑ ಘೃ॒ತೇನ॑ ॥ 12 ॥

ಯಥಾ॑ ದೇ॒ವೈ-ಸ್ಸ॑ಧ॒ಮಾದ॑-ಮ್ಮದೇಮ ॥

ಯಸ್ಯ॑ ಪ್ರತಿ॒ಷ್ಠೋ-ರ್ವ॑ನ್ತರಿ॑ಕ್ಷಮ್ ।

ಯಸ್ಮಾ᳚ದ್ದೇ॒ವಾ ಜ॑ಜ್ಞಿರೇ॒ ಭುವ॑ನಞ್ಚ॒ ಸರ್ವೇ᳚ ।

ತಥ್ಸ॒ತ್ಯ-ಮರ್ಚ॒ದುಪ॑ಯ॒ಜ್ಞ-ನ್ನ॒ ಆಗಾ᳚ತ್ । ಬ್ರಹ್ಮಾಹು॑ತೀ॒-ರುಪ॒ಮೋದ॑ಮಾನಮ್ ॥

ಮನ॑ಸೋ॒ ವಶೇ॒ ಸರ್ವ॑ಮಿ॒ದ-ಮ್ಬ॑ಭೂವ ।

ನಾನ್ಯಸ್ಯ॒ ಮನೋ॒ ವಶ॒ಮನ್ವಿ॑ಯಾಯ ।

ಭೀ॒ಷ್ಮೋ ಹಿ ದೇ॒ವ-ಸ್ಸಹ॑ಸ॒-ಸ್ಸಹೀ॑ಯಾನ್ ।

ಸ ನೋ॑ ಜುಷಾ॒ಣ ಉಪ॑ ಯ॒ಜ್ಞಮಾಗಾ᳚ತ್ ॥

ಆಕೂ॑ತೀನಾ॒-ಮಧಿ॑ಪತಿ॒-ಞ್ಚೇತ॑ಸಾ-ಞ್ಚ ॥ 13 ॥

ಸ॒ಙ್ಕ॒ಲ್ಪಜೂ॑ತಿ-ನ್ದೇ॒ವಂ-ವಿಁ॑ಪ॒ಶ್ಚಿಮ್ ।

ಮನೋ॒ ರಾಜಾ॑ನಮಿ॒ಹ ವ॒ರ್ಧಯ॑ನ್ತಃ ।

ಉ॒ಪ॒ಹ॒ವೇ᳚ ಽಸ್ಯ ಸುಮ॒ತೌ ಸ್ಯಾ॑ಮ ॥

ಚರ॑ಣ-ಮ್ಪ॒ವಿತ್ರಂ॒-ವಿಁತ॑ತ-ಮ್ಪುರಾ॒ಣಮ್ ।

ಯೇನ॑ ಪೂ॒ತಸ್ತರ॑ತಿ ದುಷ್ಕೃ॒ತಾನಿ॑ ।

ತೇನ॑ ಪ॒ವಿತ್ರೇ॑ಣ ಶು॒ದ್ಧೇನ॑ ಪೂ॒ತಾಃ ।

ಅತಿ॑ ಪಾ॒ಪ್ಮಾನ॒-ಮರಾ॑ತಿ-ನ್ತರೇಮ ॥

ಲೋ॒ಕಸ್ಯ॒ ದ್ವಾರ॑-ಮರ್ಚಿ॒ಮ-ತ್ಪ॒ವಿತ್ರ᳚ಮ್ ।

ಜ್ಯೋತಿ॑ಷ್ಮ॒-ದ್ಭ್ರಾಜ॑ಮಾನ॒-ಮ್ಮಹ॑ಸ್ವತ್ । ಅ॒ಮೃತ॑ಸ್ಯ॒ ಧಾರಾ॑ ಬಹು॒ಧಾ ದೋಹ॑ಮಾನಮ್ ।

ಚರ॑ಣ-ನ್ನೋ ಲೋ॒ಕೇ ಸುಧಿ॑ತಾ-ನ್ದಧಾತು ॥

ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕು-ತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್ । ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ ॥ ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ॑ ನಿ॒ಯುದ್ಭಿ॒-ಸ್ಸಚ॑ಸೇ ಶಿ॒ವಾಭಿಃ॑ । ದಿ॒ವಿ ಮೂ॒ರ್ಧಾನ॑-ನ್ದಧಿಷೇ ಸುವ॒ರ್॒ಷಾ-ಞ್ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ᳚ಮ್ ॥ ॥

(ದೇ॒ವೀ - ಘೃ॒ತೇನ॒ - ಚೇತ॑ಸಾ-ಞ್ಚ॒ - ದೋಹ॑ಮಾನ-ಞ್ಚ॒ತ್ವಾರಿ॑ ಚ) (ಅ. 3)

ಅನುವಾಕಂ 4 - ತಾಸಾ-ಮ್ಬ್ರಾಹ್ಮಣಮ್

ದೇ॒ವೇಭ್ಯೋ॒ ವೈ ಸ್ವ॒ರ್ಗೋ ಲೋ॒ಕಸ್ತಿ॒ರೋ॑ ಽಭವತ್ ।

ತೇ ಪ್ರ॒ಜಾಪ॑ತಿ-ಮಬ್ರುವನ್ನ್ । ಪ್ರಜಾ॑ಪತೇ ಸ್ವ॒ರ್ಗೋ

ವೈ ನೋ॑ ಲೋ॒ಕಸ್ತಿ॒ರೋ॑-ಽಭೂತ್ । ತಮನ್ವಿ॒ಚ್ಛೇತಿ॑ ।

ತಂ-ಯಁ॑ಜ್ಞಕ್ರ॒ತುಭಿ॒-ರನ್ವೈ᳚ಚ್ಛತ್ ।

ತಂ-ಯಁ॑ಜ್ಞಕ್ರ॒ತುಭಿ॒ ರ್ನಾನ್ವ॑ವಿನ್ದತ್ ।

ತಮಿಷ್ಟಿ॑ಭಿ॒-ರನ್ವೈ᳚ಚ್ಛತ್ । ತಮಿಷ್ಟಿ॑ಭಿ॒-ರನ್ವ॑ವಿನ್ದತ್ । ತದಿಷ್ಟೀ॑ನಾ-ಮಿಷ್ಟಿ॒ತ್ವಮ್ । ಏಷ್ಟ॑ಯೋ ಹ॒ ವೈ ನಾಮ॑ । ತಾ ಇಷ್ಟ॑ಯ॒ ಇತ್ಯಾ ಚ॑ಕ್ಷತೇ ಪ॒ರೋಕ್ಷೇ॑ಣ ।

ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 15 ॥

ತ-ನ್ತಪೋ᳚-ಽ ಬ್ರವೀತ್ । ಪ್ರಜಾ॑ಪತೇ॒ ತಪ॑ಸಾ॒ ವೈ

ಶ್ರಾ᳚ಮ್ಯಸಿ । ಅ॒ಹಮು॒ ವೈ ತಪೋ᳚-ಽ ಸ್ಮಿ ।

ಮಾ-ನ್ನು ಯ॑ಜಸ್ವ ।

ಅಥ॑ ತೇ ಸ॒ತ್ಯ-ನ್ತಪೋ॑ ಭವಿಷ್ಯತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮಾ᳚ಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ತಪ॑ಸೇ ಚ॒ರುಮ್ । ಅನು॑ಮತ್ಯೈ ಚ॒ರುಮ್ ।

ತತೋ॒ ವೈ ತಸ್ಯ॑ ಸ॒ತ್ಯ-ನ್ತಪೋ॑ ಽಭವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ ।

ಸ॒ತ್ಯ ಗ್ಂ ಹ॒ ವಾ ಅ॑ಸ್ಯ॒ ತಪೋ॑ ಭವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಅ॒ಗ್ನಯೇ॒ ಸ್ವಾಹಾ॒ ತಪ॑ಸೇ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 16 ॥

ತಗ್ಗ್ ಶ್ರ॒ದ್ಧಾ-ಽಬ್ರ॑ವೀತ್ । ಪ್ರಜಾ॑ಪತೇ ಶ್ರ॒ದ್ಧಯಾ॒ ವೈ ಶ್ರಾ᳚ಮ್ಯಸಿ । ಅ॒ಹಮು॒ ವೈ ಶ್ರ॒ದ್ಧಾ-ಽಸ್ಮಿ॑ । ಮಾ-ನ್ನು ಯ॑ಜಸ್ವ । ಅಥ॑ ತೇ ಸ॒ತ್ಯಾ ಶ್ರ॒ದ್ಧಾ ಭ॑ವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮಾ᳚-ಽಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಶ್ರ॒ದ್ಧಾಯೈ॑ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಯ॑ ಸ॒ತ್ಯಾ ಶ್ರ॒ದ್ಧಾ-ಽಭ॑ವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ ।

ಸ॒ತ್ಯಾ ಹ॒ ವಾ ಅ॑ಸ್ಯ ಶ್ರ॒ದ್ಧಾ ಭ॑ವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಅ॒ಗ್ನಯೇ॒ ಸ್ವಾಹಾ᳚ ಶ್ರ॒ದ್ಧಾಯೈ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 17 ॥

ತಗ್ಂ ಸ॒ತ್ಯ-ಮ॑ಬ್ರವೀತ್ । ಪ್ರಜಾ॑ಪತೇ ಸ॒ತ್ಯೇನ॒ ವೈ ಶ್ರಾ᳚ಮ್ಯಸಿ । ಅ॒ಹಮು॒ ವೈ ಸ॒ತ್ಯಮ॑ಸ್ಮಿ । ಮಾ-ನ್ನು ಯ॑ಜಸ್ವ । ಅಥ॑ ತೇ ಸ॒ತ್ಯಗ್ಂ ಸ॒ತ್ಯ-ಮ್ಭ॑ವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮಾ᳚-ಽಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಸ॒ತ್ಯಾಯ॑ ಚ॒ರುಮ್ । ಅನು॑ಮತ್ಯೈ ಚ॒ರುಮ್ ।

ತತೋ॒ ವೈ ತಸ್ಯ॑ ಸ॒ತ್ಯಗ್ಂ ಸ॒ತ್ಯಮ॑ಭವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ ।

ಸ॒ತ್ಯಗ್ಂ ಹ॒ ವಾ ಅ॑ಸ್ಯ ಸ॒ತ್ಯ-ಮ್ಭ॑ವತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಸ್ವಾಹಾ॑ ಸ॒ತ್ಯಾಯ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 18 ॥

ತ-ಮ್ಮನೋ᳚-ಽಬ್ರವೀತ್ । ಪ್ರಜಾ॑ಪತೇ॒ ಮನ॑ಸಾ॒ ವೈ ಶ್ರಾ᳚ಮ್ಯಸಿ । ಅ॒ಹಮು॒ ವೈ ಮನೋ᳚-ಽಸ್ಮಿ ।

ಮಾ-ನ್ನು ಯ॑ಜಸ್ವ ।

ಅಥ॑ ತೇ ಸ॒ತ್ಯ-ಮ್ಮನೋ॑ ಭವಿಷ್ಯತಿ ।

ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮಾ᳚-ಽಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಮನ॑ಸೇ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಯ॑ ಸ॒ತ್ಯ-ಮ್ಮನೋ॑-ಽಭವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ । ಸ॒ತ್ಯಗ್ಂ ಹ॒ ವಾ ಅ॑ಸ್ಯ॒ ಮನೋ॑ ಭವತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನ ದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಸ್ವಾಹಾ॒ ಮನ॑ಸೇ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 19 ॥

ತ-ಞ್ಚರ॑ಣ-ಮಬ್ರವೀತ್ । ಪ್ರಜಾ॑ಪತೇ॒ ಚರ॑ಣೇನ॒ ವೈ ಶ್ರಾ᳚ಮ್ಯಸಿ । ಅ॒ಹಮು॒ ವೈ ಚರ॑ಣಮಸ್ಮಿ । ಮಾ-ನ್ನು ಯ॑ಜಸ್ವ । ಅಥ॑ ತೇ ಸ॒ತ್ಯ-ಞ್ಚರ॑ಣ-ಮ್ಭವಿಷ್ಯತಿ । ಅನು॑ ಸ್ವ॒ರ್ಗಂ-ಲೋಁ॒ಕಂ-ವೇಁ॒ಥ್ಸ್ಯಸೀತಿ॑ ।

ಸ ಏ॒ತಮಾ᳚-ಽಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ಚರ॑ಣಾಯ ಚ॒ರುಮ್ । ಅನು॑ಮತ್ಯೈ ಚ॒ರುಮ್ । ತತೋ॒ ವೈ ತಸ್ಯ॑ ಸ॒ತ್ಯ-ಞ್ಚರ॑ಣಮಭವತ್ ।

ಅನು॑ ಸ್ವ॒ರ್ಗಂ-ಲೋಁ॒ಕಮ॑ವಿನ್ದತ್ ।

ಸ॒ತ್ಯಗ್ಂ ಹ॒ ವಾ ಅ॑ಸ್ಯ॒ ಚರ॑ಣ-ಮ್ಭವತಿ ।

ಅನು॑ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।

ಯ ಉ॑ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।

ಅ॒ಗ್ನಯೇ॒ ಸ್ವಾಹಾ॒ ಚರ॑ಣಾಯ॒ ಸ್ವಾಹಾ᳚ ।

ಅನು॑ಮತ್ಯೈ॒ ಸ್ವಾಹಾ᳚ ಪ್ರ॒ಜಾಪ॑ತಯೇ॒ ಸ್ವಾಹಾ᳚ ।

ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॒-ಽಗ್ನಯೇ᳚ ಸ್ವಿಷ್ಟ॒ಕೃತೇ॒ ಸ್ವಾಹೇತಿ॑ ॥ 20 ॥

ತಾ ವಾ ಏ॒ತಾಃ ಪಞ್ಚ॑ ಸ್ವ॒ರ್ಗಸ್ಯ॑ ಲೋ॒ಕಸ್ಯ॒ ದ್ವಾರಃ॑ ।

ಅಪಾ॑ಘಾ॒ ಅನು॑ವಿತ್ತಯೋ॒ ನಾಮ॑ । ತಪಃ॑ ಪ್ರಥ॒ಮಾಗ್ಂ ರ॑ಕ್ಷತಿ । ಶ್ರ॒ದ್ಧಾ ದ್ವಿ॒ತೀಯಾ᳚ಮ್ । ಸ॒ತ್ಯ-ನ್ತೃ॒ತೀಯಾ᳚ಮ್ ।

ಮನ॑ಶ್ಚತು॒ರ್ಥೀಮ್ । ಚರ॑ಣ-ಮ್ಪಞ್ಚ॒ಮೀಮ್ ।

ಅನು॑ ಹ॒ ವೈ ಸ್ವ॒ರ್ಗಂ-ಲೋಁ॒ಕಂ-ವಿಁ॑ನ್ದತಿ ।

ಕಾ॒ಮ॒ಚಾರೋ᳚-ಽಸ್ಯ ಸ್ವ॒ರ್ಗೇ ಲೋ॒ಕೇ ಭ॑ವತಿ ।

ಯ ಏ॒ತಾಭಿ॒-ರಿಷ್ಟಿ॑ಭಿ॒-ರ್ಯಜ॑ತೇ ।

ಯ ಉ॑ಚೈನಾ ಏ॒ವಂ-ವೇಁದ॑ ।

ಅನುವಾಕಂ 5 - ಚಾತುರ್ಹೋತ್ರಚಯನಮ್

ಬ್ರಹ್ಮ॒ ವೈ ಚತು॑ರ್ಹೋತಾರಃ । ಚತು॑ರ್ಹೋತೃ॒ಭ್ಯೋ-ಽಧಿ॑ ಯ॒ಜ್ಞೋ ನಿರ್ಮಿ॑ತಃ । ನೈನಗ್ಂ॑ ಶ॒ಪ್ತಮ್ । ನಾಭಿಚ॑ರಿತ॒-ಮಾಗ॑ಚ್ಛತಿ । ಯ ಏ॒ವಂ-ವೇಁದ॑ ॥

ಯೋ ಹ॒ ವೈ ಚತು॑ರ್ಹೋತೃಣಾ-ಞ್ಚತುರ್ಹೋತೃ॒ತ್ವಂ-ವೇಁದ॑ । ಅಥೋ॒ ಪಞ್ಚ॑ ಹೋತೃತ್ವಮ್ ।

ಸರ್ವಾ॑ ಹಾಸ್ಮೈ॒ ದಿಶಃ॑ ಕಲ್ಪನ್ತೇ ।

ವಾ॒ಚಸ್ಪತಿ॒ರ್॒ ಹೋತಾ॒ ದಶ॑ಹೋತೄಣಾಮ್ ।

ಪೃ॒ಥಿ॒ವೀ ಹೋತಾ॒ ಚತು॑ರ್ಹೋತೄಣಾಮ್ ॥ 22 ॥

ಅ॒ಗ್ನಿರ್-ಹೋತಾ॒ ಪಞ್ಚ॑ಹೋತೄಣಾಮ್ । ವಾಘೋತಾ॒ ಷಡ್ಢೋ॑ತೄಣಾಮ್ ।

ಮ॒ಹಾಹ॑ವಿ॒ರ್॒ ಹೋತಾ॑ ಸ॒ಪ್ತಹೋ॑ತೄಣಾಮ್ ।

ಏ॒ತದ್ವೈ ಚತು॑ರ್ಹೋತೃಣಾ-ಞ್ಚತುರ್ಹೋತೃ॒ತ್ವಮ್ ।

ಅಥೋ॒ ಪಞ್ಚ॑ಹೋತೃತ್ವಮ್ । ಸರ್ವಾ॑ ಹಾಸ್ಮೈ॒ ದಿಶಃ॑ ಕಲ್ಪನ್ತೇ । ಯ ಏ॒ವಂ-ವೇಁದ॑ ॥

ಏ॒ಷಾ ವೈ ಸ॑ರ್ವ ವಿ॒ದ್ಯಾ । ಏ॒ತ-ದ್ಭೇ॑ಷ॒ಜಮ್ ।

ಏ॒ಷಾ ಪ॒ಙ್ಕ್ತಿ-ಸ್ಸ್ವ॒ರ್ಗಸ್ಯ॑ ಲೋ॒ಕಸ್ಯಾ᳚-ಞ್ಜ॒ಸಾಯ॑ನಿ-ಸ್ಸ್ರು॒ತಿಃ ॥ 23 ॥

ಏ॒ತಾನ್. ಯೋ-ಽದ್ಧ್ಯೈ-ತ್ಯಛ॑ದಿರ್ದ॒ರ್॒ಶೇ ಯಾವ॑ತ್ತ॒ರಸ᳚ಮ್ । ಸ್ವ॑ರೇತಿ । ಅ॒ನ॒ಪ॒ಬ್ರ॒ವ-ಸ್ಸರ್ವ॒ಮಾಯು॑ರೇತಿ । ವಿ॒ನ್ದತೇ᳚ ಪ್ರ॒ಜಾಮ್ । ರಾ॒ಯಸ್ಪೋಷ॑-ಙ್ಗೌಪ॒ತ್ಯಮ್ ।

ಬ್ರ॒ಹ್ಮ॒ವ॒ರ್ಚ॒ಸೀ ಭ॑ವತಿ ॥ ಏ॒ತಾನ್. ಯೋ-ಽದ್ಧ್ಯೈತಿ॑ । ಸ್ಪೃ॒ಣೋತ್ಯಾ॒ತ್ಮಾನ᳚ಮ್ । ಪ್ರ॒ಜಾ-ಮ್ಪಿ॒ತೄನ್ ॥

ಏ॒ತಾನ್. ವಾ ಅ॑ರು॒ಣ ಔ॑ಪವೇ॒ಶಿ ರ್ವಿ॒ದಾಞ್ಚ॑ಕಾರ ॥ 24 ॥

ಏ॒ತೈರ॑ಧಿವಾ॒ದಮಪಾ॑ಜಯತ್ । ಅಥೋ॒ ವಿಶ್ವ॑-ಮ್ಪಾ॒ಪ್ಮಾನ᳚ಮ್ । ಸ್ವ॑ರ್ಯಯೌ । ಏ॒ತಾನ್. ಯೋ-ಽದ್ಧ್ಯೈತಿ॑ । ಅ॒ಧಿ॒ವಾ॒ದ-ಞ್ಜ॑ಯತಿ । ಅಥೋ॒ ವಿಶ್ವ॑-ಮ್ಪಾ॒ಪ್ಮಾನ᳚ಮ್ । ಸ್ವ॑ರೇತಿ ॥ ಏ॒ತೈರ॒ಗ್ನಿ-ಞ್ಚಿ॑ನ್ವೀತ ಸ್ವ॒ರ್ಗಕಾ॑ಮಃ ।

ಏ॒ತೈರಾಯು॑ಷ್ಕಾಮಃ । ಪ್ರ॒ಜಾ ಪ॒ಶುಕಾ॑ಮೋ ವಾ ॥ 25 ॥

ಪು॒ರಸ್ತಾ॒-ದ್ದಶ॑ಹೋತಾರ॒-ಮುದ॑ಞ್ಚ॒-ಮುಪ॑ದಧಾತಿ ಯಾವತ್ಪ॒ದಮ್ । ಹೃದ॑ಯಂ॒-ಯಁಜು॑ಷೀ॒ ಪತ್ನ್ಯೌ॑ ಚ । ದ॒ಕ್ಷಿ॒ಣ॒ತಃ ಪ್ರಾಞ್ಚ॒-ಞ್ಚತು॑ರ್ಹೋತಾರಮ್ ।

ಪ॒ಶ್ಚಾದುದ॑ಞ್ಚ॒-ಮ್ಪಞ್ಚ॑ ಹೋತಾರಮ್ । ಉ॒ತ್ತ॒ರ॒ತಃ ಪ್ರಾಞ್ಚ॒ಗ್ಂ॒ ಷಡ್ಢೋ॑ತಾರಮ್ ।

ಉ॒ಪರಿ॑ಷ್ಟಾ॒-ತ್ಪ್ರಾಞ್ಚಗ್ಂ॑ ಸ॒ಪ್ತಹೋ॑ತಾರಮ್ । ಹೃದ॑ಯಂ॒-ಯಁಜೂಗ್ಂ॑ಷಿ॒ ಪತ್ನ್ಯ॑ಶ್ಚ ।

ಯ॒ಥಾ॒ವ॒ಕಾ॒ಶ-ಙ್ಗ್ರಹಾನ್॑ । ಯ॒ಥಾ॒ವ॒ಕಾ॒ಶ-ಮ್ಪ್ರ॑ತಿಗ್ರ॒ಹಾನ್ ಁಲೋ॑ಕ-ಮ್ಪೃ॒ಣಾಶ್ಚ॑ ।

ಸರ್ವಾ॑ ಹಾಸ್ಯೈ॒ತಾ ದೇ॒ವತಾಃ᳚ ಪ್ರೀ॒ತಾ ಅ॒ಭೀಷ್ಟಾ॑ ಭವನ್ತಿ ॥ 26 ॥

ಸದೇ॑ವಮ॒ಗ್ನಿ-ಞ್ಚಿ॑ನುತೇ ॥

ರ॒ಥಸ॑ಮಿನ್ತ-ಶ್ಚೇತ॒ವ್ಯಃ॑ । ವಜ್ರೋ॒ ವೈ ರಥಃ॑ ।

ವಜ್ರೇ॑ಣೈ॒ವ ಪಾ॒ಪ್ಮಾನ॒-ಮ್ಭ್ರಾತೃ॑ವ್ಯಗ್ಗ್ ಸ್ತೃಣುತೇ । ಪ॒ಕ್ಷ-ಸ್ಸ॑ಮಿನ್ತ-ಶ್ಚೇತ॒ವ್ಯಃ॑ ।

ಏ॒ತಾವಾ॒ನ್॒. ವೈ ರಥಃ॑ । ಯಾವ॑ತ್ಪ॒ಕ್ಷಃ । ರ॒ಥಸ॑ಮಿನ್ತಮೇ॒ವ ಚಿ॑ನುತೇ ॥

ಇ॒ಮಮೇ॒ವ ಲೋ॒ಕ-ಮ್ಪ॑ಶುಬ॒ನ್ಧೇನಾ॒ಭಿಜ॑ಯತಿ ।

ಅಥೋ॑ ಅಗ್ನಿಷ್ಟೋ॒ಮೇನ॑ ॥ 27 ॥

ಅ॒ನ್ತರಿ॑ಕ್ಷ-ಮು॒ಕ್ಥ್ಯೇ॑ನ । ಸ್ವ॑ರತಿರಾ॒ತ್ರೇಣ॑ । ಸರ್ವಾ᳚ನ್ ಁಲೋ॒ಕಾನ॑ಹೀ॒ನೇನ॑ । ಅಥೋ॑ ಸ॒ತ್ರೇಣ॑ ॥ ವರೋ॒ ದಕ್ಷಿ॑ಣಾ । ವರೇ॑ಣೈ॒ವ ವರಗ್ಗ್॑ ಸ್ಪೃಣೋತಿ ।

ಆ॒ತ್ಮಾ ಹಿ ವರಃ॑ ॥ ಏಕ॑ವಿಗ್ಂಶತಿ॒ ರ್ದಕ್ಷಿ॑ಣಾ ದದಾತಿ ।

ಏ॒ಕ॒ವಿ॒ಗ್ಂ॒ಶೋ ವಾ ಇ॒ತ-ಸ್ಸ್ವ॒ರ್ಗೋ ಲೋ॒ಕಃ । ಪ್ರಸ್ವ॒ರ್ಗಂ-ಲೋಁ॒ಕಮಾ᳚ಪ್ನೋತಿ ॥ 28 ॥

ಅ॒ಸಾವಾ॑ದಿ॒ತ್ಯ ಏ॑ಕವಿ॒ಗ್ಂ॒ಶಃ । ಅ॒ಮುಮೇ॒ವಾ-ದಿ॒ತ್ಯಮಾ᳚ಪ್ನೋತಿ ॥ ಶ॒ತ-ನ್ದ॑ದಾತಿ । ಶ॒ತಾಯುಃ॒ ಪುರು॑ಷ-ಶ್ಶ॒ತೇನ್ದ್ರಿ॑ಯಃ । ಆಯು॑ಷ್ಯೇ॒ವೇನ್ದ್ರಿ॒ಯೇ ಪ್ರತಿ॑ತಿಷ್ಠತಿ ॥ ಸ॒ಹಸ್ರ॑-ನ್ದದಾತಿ ।

ಸ॒ಹಸ್ರ॑ ಸಮ್ಮಿತ-ಸ್ಸ್ವ॒ರ್ಗೋ ಲೋ॒ಕಃ ।

ಸ್ವ॒ರ್ಗಸ್ಯ॑ ಲೋ॒ಕಸ್ಯಾ॒-ಭಿಜಿ॑ತ್ಯೈ ॥ ಅ॒ನ್ವಿ॒ಷ್ಟ॒ಕ-ನ್ದಕ್ಷಿ॑ಣಾ ದದಾತಿ । ಸರ್ವಾ॑ಣಿ॒ ವಯಾಗ್ಂ॑ಸಿ ॥ 29 ॥

ಸರ್ವ॒ಸ್ಯಾಪ್ತ್ಯೈ᳚ । ಸರ್ವ॒ಸ್ಯಾ-ವ॑ರುದ್ಧ್ಯೈ ॥ ಯದಿ॒ ನ ವಿ॒ನ್ದೇತ॑ । ಮ॒ನ್ಥಾನೇ॑ತಾವ॒ತೋ ದ॑ದ್ಯಾದೋದ॒ನಾನ್. ವಾ᳚ । ಅ॒ಶ್ನು॒ತೇ ತ-ಙ್ಕಾಮ᳚ಮ್ । ಯಸ್ಮೈ॒ ಕಾಮಾ॑ಯಾ॒-ಗ್ನಿಶ್ಚೀ॒ಯತೇ᳚ ॥ ಪ॒ಷ್ಠೌ॒ಹೀ-ನ್ತ್ವ॒ನ್ತರ್ವ॑ತೀ-ನ್ದದ್ಯಾತ್ ।

ಸಾ ಹಿ ಸರ್ವಾ॑ಣಿ॒ ವಯಾಗ್ಂ॑ಸಿ । ಸರ್ವ॒ಸ್ಯಾಪ್ತ್ಯೈ᳚ । ಸರ್ವ॒ಸ್ಯಾ-ವ॑ರುದ್ಧ್ಯೈ ॥ 30 ॥

ಹಿರ॑ಣ್ಯ-ನ್ದದಾತಿ । ಹಿರ॑ಣ್ಯ-ಜ್ಯೋತಿರೇ॒ವ ಸ್ವ॒ರ್ಗಂ-ಲೋಁ॒ಕಮೇ॑ತಿ ॥ ವಾಸೋ॑ ದದಾತಿ । ತೇನಾಯುಃ॒ ಪ್ರತಿ॑ರತೇ ॥ ವೇ॒ದಿ॒ತೃ॒ತೀ॒ಯೇ ಯ॑ಜೇತ । ತ್ರಿಷ॑ತ್ಯಾ॒ ಹಿ ದೇ॒ವಾಃ ।

ಸ ಸ॑ತ್ಯಮ॒ಗ್ನಿ-ಞ್ಚಿ॑ನುತೇ ॥ ತದೇ॒ತ-ತ್ಪ॑ಶುಬ॒ನ್ಧೇ ಬ್ರಾಹ್ಮ॑ಣ-ಮ್ಬ್ರೂಯಾತ್ । ನೇತ॑ರೇಷು ಯ॒ಜ್ಞೇಷು॑ ॥

ಯೋ ಹ॒ ವೈ ಚತು॑ರ್ಹೋತೄ-ನನುಸವ॒ನ-ನ್ತ॑ರ್ಪಯಿತ॒ವ್ಯಾನ್॑. ವೇದ॑ ॥ 31 ॥

ತೃಪ್ಯ॑ತಿ ಪ್ರ॒ಜಯಾ॑ ಪ॒ಶುಭಿಃ॑ ।

ಉಪೈ॑ನಗ್ಂ ಸೋಮಪೀ॒ಥೋ ನ॑ಮತಿ ।

ಏ॒ತೇ ವೈ ಚತು॑ರ್ಹೋತಾರೋ ಽನುಸವ॒ನ-ನ್ತ॑ರ್ಪಯಿತ॒ವ್ಯಾಃ᳚ । ಯೇ ಬ್ರಾ᳚ಹ್ಮ॒ಣಾ ಬ॑ಹು॒ವಿದಃ॑ ।

ತೇಭ್ಯೋ॒ ಯದ್ದಕ್ಷಿ॑ಣಾ॒ ನ ನಯೇ᳚ತ್ । ದುರಿ॑ಷ್ಟಗ್ಗ್ ಸ್ಯಾತ್ । ಅ॒ಗ್ನಿಮ॑ಸ್ಯ ವೃಞ್ಜೀರನ್ನ್ ।

ತೇಭ್ಯೋ॑ ಯಥಾ ಶ್ರ॒ದ್ಧ-ನ್ದ॑ದ್ಯಾತ್ । ಸ್ವಿ॑ಷ್ಟಮೇ॒ವೈತತ್ಕ್ರಿ॑ಯತೇ ।

ನಾಸ್ಯಾ॒ಗ್ನಿಂ-ವೃಁ॑ಞ್ಜತೇ ॥ 32 ॥

ಹಿ॒ರ॒ಣ್ಯೇ॒ಷ್ಟ॒ಕೋ ಭ॑ವತಿ । ಯಾವ॑ದುತ್ತ॒ಮ-ಮ॑ಙ್ಗುಲಿ-ಕಾ॒ಣ್ಡಂ-ಯಁ॑ಜ್ಞ ಪ॒ರುಷಾ॒ ಸಮ್ಮಿ॑ತಮ್ ।

ತೇಜೋ॒ ಹಿರ॑ಣ್ಯಮ್ ॥ ಯದಿ॒ ಹಿರ॑ಣ್ಯ॒-ನ್ನ ವಿ॒ನ್ದೇತ್ । ಶರ್ಕ॑ರಾ ಅ॒ಕ್ತಾ ಉಪ॑ದದ್ಧ್ಯಾತ್ । ತೇಜೋ॑ ಘೃ॒ತಮ್ । ಸತೇ॑ಜಸಮೇ॒-ವಾಗ್ನಿ-ಞ್ಚಿ॑ನುತೇ ॥ ಅ॒ಗ್ನಿಞ್ಚಿ॒ತ್ವಾ ಸೌ᳚ತ್ರಾಮ॒ಣ್ಯಾ ಯ॑ಜೇತ ಮೈತ್ರಾವರು॒ಣ್ಯಾ ವಾ᳚ ।

ವೀ॒ರ್ಯೇ॑ಣ॒ ವಾ ಏ॒ಷ ವ್ಯೃ॑ದ್ಧ್ಯತೇ ।

ಯೋ᳚-ಽಗ್ನಿಞ್ಚಿ॑ನು॒ತೇ ॥ 33 ॥

ಯಾವ॑ದೇ॒ವ ವೀ॒ರ್ಯ᳚ಮ್ । ತದ॑ಸ್ಮಿ-ನ್ದಧಾತಿ ॥

ಬ್ರಹ್ಮ॑ಣ॒-ಸ್ಸಾಯು॑ಜ್ಯಗ್ಂ ಸಲೋ॒ಕತಾ॑-ಮಾಪ್ನೋತಿ ।

ಏ॒ತಾಸಾ॑ಮೇ॒ವ ದೇ॒ವತಾ॑ನಾ॒ಗ್ಂ॒ ಸಾಯು॑ಜ್ಯಮ್ ।

ಸಾ॒ರ್ಷ್ಟಿತಾಗ್ಂ॑ ಸಮಾನ ಲೋ॒ಕತಾ॑-ಮಾಪ್ನೋತಿ । ಯ ಏ॒ತಮ॒ಗ್ನಿ-ಞ್ಚಿ॑ನು॒ತೇ । ಯ ಉ॑ಚೈನಮೇ॒ವಂ-ವೇಁದ॑ ॥ ಏ॒ತದೇ॒ವ ಸಾ॑ವಿ॒ತ್ರೇ ಬ್ರಾಹ್ಮ॑ಣಮ್ ।

ಅಥೋ॑ ನಾಚಿಕೇ॒ತೇ ॥ 34 ॥

(ಹೋತಾ॒ ಚತು॑ರ್ಹೋತೄಣಾಗ್ - ಸ್ರು॒ತಿ - ಶ್ಚ॑ಕಾರ - ವಾ - ಭವನ್ತ್ಯ - ಗ್ನಿಷ್ಟೋ॒ಮೇನಾ᳚ - ಪ್ನೋತಿ॒ - ವಯಾಗ್ಂ॑ಸಿ॒ - ವಯಾಗ್ಂ॑ಸಿ॒ - ಸರ್ವ॒ಸ್ಯಾಪ್ತ್ಯೈ॒ ಸರ್ವ॒ಸ್ಯಾವ॑ರುದ್ಧ್ಯೈ॒ - ವೇದ॑ - ವೃಞ್ಜತೇ - ಚಿನು॒ತೇ - +ನವ॑ ಚ) (ಅ. 5)

ಅನುವಾಕಂ 6 - ವೈಶ್ವಸೃಜಚಯನಮ್

ಯಚ್ಚಾ॒ಮೃತಂ॒-ಯಁಚ್ಚ ಮರ್ತ್ಯ᳚ಮ್ । ಯಚ್ಚ॒ ಪ್ರಾಣಿ॑ತಿ॒ ಯಚ್ಚ॒ ನ । ಸರ್ವಾ॒ಸ್ತಾ ಇಷ್ಟ॑ಕಾಃ ಕೃ॒ತ್ವಾ ।

ಉಪ॑ ಕಾಮ॒ದುಘಾ॑ ದಧೇ । ತೇನರ್ಷಿ॑ಣಾ॒ ತೇನ॒ ಬ್ರಹ್ಮ॑ಣಾ । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ ಸರ್ವಾ॒-ಸ್ಸ್ತ್ರಿಯ॒-ಸ್ಸರ್ವಾ᳚-ನ್ಪು॒ಗ್ಂ॒ಸಃ । ಸರ್ವ॒-ನ್ನ ಸ್ತ್ರೀ॑-ಪುಮಞ್ಚ॒ ಯತ್ ।

ಸರ್ವಾ॒ಸ್ತಾಃ ॥ ಯಾವ॑ನ್ತಃ ಪಾ॒ಗ್ಂ॒ಸವೋ॒ ಭೂಮೇಃ᳚ ॥ 35 ॥

ಸಙ್ಖ್ಯಾ॑ತಾ ದೇವಮಾ॒ಯಯಾ᳚ । ಸರ್ವಾ॒ಸ್ತಾಃ ॥ ಯಾವ॑ನ್ತ॒ ಊಷಾಃ᳚ ಪಶೂ॒ನಾಮ್ । ಪೃ॒ಥಿ॒ವ್ಯಾ-ಮ್ಪುಷ್ಟಿ॑ ರ್ಹಿ॒ತಾಃ । ಸರ್ವಾ॒ಸ್ತಾಃ ॥ ಯಾವ॑ತೀ॒-ಸ್ಸಿಕ॑ತಾ॒-ಸ್ಸರ್ವಾಃ᳚ ।

ಅ॒ಫ್ಸ್ವ॑ನ್ತಶ್ಚ॒ ಯಾ-ಶ್ಶ್ರಿ॒ತಾಃ । ಸರ್ವಾ॒ಸ್ತಾಃ ॥ ಯಾವ॑ತೀ॒-ಶ್ಶರ್ಕ॑ರಾ॒ ಧೃತ್ಯೈ᳚ । ಅ॒ಸ್ಯಾ-ಮ್ಪೃ॑ಥಿ॒ವ್ಯಾಮಧಿ॑ ॥ 36 ॥

ಸರ್ವಾ॒ಸ್ತಾಃ ॥ ಯಾವ॒ನ್ತೋ-ಽಶ್ಮಾ॑ನೋ॒-ಽಸ್ಯಾ-ಮ್ಪೃ॑ಥಿ॒ವ್ಯಾಮ್ । ಪ್ರ॒ತಿ॒ಷ್ಠಾಸು॒ ಪ್ರತಿ॑ಷ್ಠಿತಾಃ । ಸರ್ವಾ॒ಸ್ತಾಃ ॥ ಯಾವ॑ತೀ ರ್ವೀ॒ರುಧ॒-ಸ್ಸರ್ವಾಃ᳚ ।

ವಿಷ್ಠಿ॑ತಾಃ ಪೃಥಿ॒ವೀಮನು॑ । ಸರ್ವಾ॒ಸ್ತಾಃ ॥ ಯಾವ॑ತೀ॒ರೋಷ॑ಧೀ॒-ಸ್ಸರ್ವಾಃ᳚ ।

ವಿಷ್ಠಿ॑ತಾಃ ಪೃಥಿ॒ವೀಮನು॑ । ಸರ್ವಾ॒ಸ್ತಾಃ ॥ 37 ॥

ಯಾವ॑ನ್ತೋ॒ ವನ॒ಸ್ಪತ॑ಯಃ । ಅ॒ಸ್ಯಾ-ಮ್ಪೃ॑ಥಿ॒ವ್ಯಾಮಧಿ॑ । ಸರ್ವಾ॒ಸ್ತಾಃ ॥

ಯಾವ॑ನ್ತೋ ಗ್ರಾ॒ಮ್ಯಾಃ ಪ॒ಶವ॒-ಸ್ಸರ್ವೇ᳚ । ಆ॒ರ॒ಣ್ಯಾಶ್ಚ॒ ಯೇ । ಸರ್ವಾ॒ಸ್ತಾಃ ॥ ಯೇ ದ್ವಿ॒ಪಾದ॒-ಶ್ಚತು॑ಷ್ಪಾದಃ । ಅ॒ಪಾದ॑ ಉದರಸ॒ರ್ಪಿಣಃ॑ ।

ಸರ್ವಾ॒ಸ್ತಾಃ ॥ ಯಾವ॒ದಾಞ್ಜ॑-ನಮು॒ಚ್ಯತೇ᳚ ॥ 38 ॥

ದೇ॒ವ॒ತ್ರಾ ಯಚ್ಚ॑ ಮಾನು॒ಷಮ್ । ಸರ್ವಾ॒ಸ್ತಾಃ ॥ ಯಾವ॑ತ್ಕೃ॒ಷ್ಣಾಯ॑ಸ॒ಗ್ಂ॒ ಸರ್ವ᳚ಮ್ ।

ದೇ॒ವ॒ತ್ರಾ ಯಚ್ಚ॑ ಮಾನು॒ಷಮ್ । ಸರ್ವಾ॒ಸ್ತಾಃ ॥

ಯಾವ॑ ಲ್ಲೋ॒ಹಾಯ॑ಸ॒ಗ್ಂ॒ ಸರ್ವ᳚ಮ್ ।

ದೇ॒ವ॒ತ್ರಾ ಯಚ್ಚ॑ ಮಾನು॒ಷಮ್ । ಸರ್ವಾ॒ಸ್ತಾಃ ॥ ಸರ್ವ॒ಗ್ಂ॒ ಸೀಸ॒ಗ್ಂ॒ ಸರ್ವ॒-ನ್ತ್ರಪು॑ ।

ದೇ॒ವ॒ತ್ರಾ ಯಚ್ಚ॑ ಮಾನು॒ಷಮ್ ॥ 39 ॥

ಸರ್ವಾ॒ಸ್ತಾಃ ॥ ಸರ್ವ॒ಗ್ಂ॒ ಹಿರ॑ಣ್ಯಗ್ಂ ರಜ॒ತಮ್ । ದೇ॒ವ॒ತ್ರಾ ಯಚ್ಚ॑ ಮಾನು॒ಷಮ್ ।

ಸರ್ವಾ॒ಸ್ತಾಃ ॥ ಸರ್ವ॒ಗ್ಂ॒ ಸುವ॑ರ್ಣ॒ಗ್ಂ॒ ಹರಿ॑ತಮ್ । ದೇ॒ವ॒ತ್ರಾ ಯಚ್ಚ॑ ಮಾನು॒ಷಮ್ ।

ಸರ್ವಾ॒ಸ್ತಾ ಇಷ್ಟ॑ಕಾಃ ಕೃ॒ತ್ವಾ । ಉಪ॑ಕಾಮ॒ದುಘಾ॑ ದಧೇ । ತೇನರ್ಷಿ॑ಣಾ॒ ತೇನ॒ ಬ್ರಹ್ಮ॑ಣಾ ।

ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 40 ॥

[ಭೂಮೇ॒ - ರಧಿ॒ - ವಿಷ್ಠಿ॑ತಾಃ ಪೃಥಿ॒ವೀಮನು॒ ಸರ್ವಾ॒ಸ್ತಾ - ಉ॒ಚ್ಯತ॑ - ಮಾನು॒ಷಗ್ಂ - ಸೀ॑ದ ] (ಅ. 6)

(ಯಚ್ಚ॒ ಸ್ತ್ರಿಯಃ॑ ಪಾ॒ಗ್ಂ॒ಸವ॒ ಊಷಾ॒-ಸ್ಸಿಕ॑ತಾ॒-ಶ್ಶರ್ಕ॑ರಾ॒ ಅಶ್ಮಾ॑ನೋ ವೀ॒ರುಧ॒ ಓಷ॑ಧೀ॒-ರ್ವನ॒ಸ್ಪತ॑ಯೋ ಗ್ರಾ॒ಮ್ಯಾ ಯೇ ದ್ವಿ॒ಪಾದೋ॒ ಯಾವ॒ದಾಞ್ಜ॑ನಂ॒-ಯಾಁವ॑-ತ್ಕೃ॒ಷ್ಣಾಯ॑ಸಂ

ಁಲೋ॒ಹಾಯ॑ಸ॒ಗ್ಂ॒ ಸೀಸ॒ಗ್ಂ॒ ಹಿರ॑ಣ್ಯ॒ಗ್ಂ॒ ಸುವ॑ರ್ಣ॒ಗ್ಂ॒ ಹರಿ॑ತಮ॒ಷ್ಟಾದ॑ಶ)

ಅನುವಾಕಂ 7 - ವೈಶ್ವಸೃಜಚಯನಮ್

ಸರ್ವಾ॒ ದಿಶೋ॑ ದಿ॒ಕ್ಷು । ಯಚ್ಚಾ॒ನ್ತ ರ್ಭೂ॒ತ-ಮ್ಪ್ರತಿ॑ಷ್ಠಿತಮ್ । ಸರ್ವಾ॒ಸ್ತಾ ಇಷ್ಟ॑ಕಾಃ ಕೃ॒ತ್ವಾ ।

ಉಪ॑ ಕಾಮ॒ದುಘಾ॑ ದಧೇ ।

ತೇನರ್ಷಿ॑ಣಾ॒ ತೇನ॒ ಬ್ರಹ್ಮ॑ಣಾ ।

ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥

ಅ॒ನ್ತರಿ॑ಕ್ಷಞ್ಚ॒ ಕೇವ॑ಲಮ್ ।

ಯಚ್ಚಾ॒ಸ್ಮಿ-ನ್ನ॑ನ್ತ॒ರಾಹಿ॑ತಮ್ ।

ಸರ್ವಾ॒ಸ್ತಾಃ ॥ ಆ॒ನ್ತ॒ರಿ॒ಕ್ಷ್ಯ॑ಶ್ಚ॒ ಯಾಃ ಪ್ರ॒ಜಾಃ ॥ 41 ॥

ಗ॒ನ್ಧ॒ರ್ವಾ॒-ಫ್ಸ॒ರಸ॑ಶ್ಚ॒ ಯೇ । ಸರ್ವಾ॒ಸ್ತಾಃ ॥ ಸರ್ವಾ॑-ನುದಾ॒ರಾನ್-ಥ್ಸ॒ಲಿಲಾನ್॑ ।

ಅ॒ನ್ತರಿ॑ಕ್ಷೇ॒ ಪ್ರತಿ॑ಷ್ಠಿತಾನ್ । ಸರ್ವಾ॒ಸ್ತಾಃ ॥

ಸರ್ವಾ॑-ನುದಾ॒ರಾನ್-ಥ್ಸ॑ಲಿ॒ಲಾನ್ ।

ಸ್ಥಾ॒ವ॒ರಾಃ ಪ್ರೋ॒ಷ್ಯಾ᳚ಶ್ಚ॒ ಯೇ । ಸರ್ವಾ॒ಸ್ತಾಃ ॥ ಸರ್ವಾ॒-ನ್ಧುನಿ॒ಗ್ಂ॒ ಸರ್ವಾ᳚ನ್-ಧ್ವ॒ಗ್ಂ॒ಸಾನ್ ।

ಹಿ॒ಮೋ ಯಚ್ಚ॑ ಶೀ॒ಯತೇ᳚ ॥ 42 ॥

ಸರ್ವಾ॒ಸ್ತಾಃ ॥ ಸರ್ವಾ॒-ನ್ಮರೀ॑ಚೀ॒ನ್॒. ವಿತ॑ತಾನ್ । ನೀ॒ಹಾ॒ರೋ ಯಚ್ಚ॑ ಶೀ॒ಯತೇ᳚ । ಸರ್ವಾ॒ಸ್ತಾಃ ॥ ಸರ್ವಾ॑ ವಿ॒ದ್ಯುತ॒-ಸ್ಸರ್ವಾ᳚ನ್-ಥ್ಸ್ತನಯಿ॒ತ್ನೂನ್ । ಹ್ರಾ॒ದುನೀ॒ ರ್ಯಚ್ಚ॑ ಶೀ॒ಯತೇ᳚ । ಸರ್ವಾ॒ಸ್ತಾಃ ॥ ಸರ್ವಾ॒-ಸ್ಸ್ರವ॑ನ್ತೀ-ಸ್ಸ॒ರಿತಃ॑ ।

ಸರ್ವ॑ಮಫ್ಸು ಚ॒ರಞ್ಚ॒ ಯತ್ । ಸರ್ವಾ॒ಸ್ತಾಃ ॥ 43 ॥

ಯಾಶ್ಚ॒ ಕೂಪ್ಯಾ॒ ಯಾಶ್ಚ॑ ನಾ॒ದ್ಯಾ᳚-ಸ್ಸಮು॒ದ್ರಿಯಾಃ᳚ । ಯಾಶ್ಚ॑ ವೈಶ॒ನ್ತೀರು॒ತ ಪ್ರಾ॑ಸ॒ಚೀರ್ಯಾಃ ।

ಸರ್ವಾ॒ಸ್ತಾಃ ॥ ಯೇ ಚೋ॒ತ್ತಿಷ್ಠ॑ನ್ತಿ ಜೀ॒ಮೂತಾಃ᳚ ।

ಯಾಶ್ಚ॒ ವರ್ಷ॑ನ್ತಿ ವೃ॒ಷ್ಟಯಃ॑ । ಸರ್ವಾ॒ಸ್ತಾಃ ॥ ತಪ॒ಸ್ತೇಜ॑ ಆಕಾ॒ಶಮ್ । ಯಚ್ಚಾ॑ಕಾ॒ಶೇ ಪ್ರತಿ॑ಷ್ಠಿತಮ್ ।

ಸರ್ವಾ॒ಸ್ತಾಃ ॥ ವಾ॒ಯುಂ-ವಁಯಾಗ್ಂ॑ಸಿ॒ ಸರ್ವಾ॑ಣಿ ॥ 44 ॥

ಅ॒ನ್ತ॒ರಿ॒ಕ್ಷ॒ಚ॒ರಞ್ಚ॒ ಯತ್ । ಸರ್ವಾ॒ಸ್ತಾಃ ॥ ಅ॒ಗ್ನಿಗ್ಂ ಸೂರ್ಯ॑-ಞ್ಚ॒ನ್ದ್ರಮ್ । ಮಿ॒ತ್ರಂ-ವಁರು॑ಣ॒-ಮ್ಭಗ᳚ಮ್ । ಸರ್ವಾ॒ಸ್ತಾಃ ॥ ಸ॒ತ್ಯಗ್ಗ್ ಶ್ರ॒ದ್ಧಾ-ನ್ತಪೋ॒ ದಮ᳚ಮ್ ।

ನಾಮ॑ ರೂ॒ಪಞ್ಚ॑ ಭೂ॒ತಾನಾ᳚ಮ್ । ಸರ್ವಾ॒ಸ್ತಾ ಇಷ್ಟ॑ಕಾಃ ಕೃ॒ತ್ವಾ । ಉಪ॑ ಕಾಮ॒ದುಘಾ॑ ದಧೇ । ತೇನರ್ಷಿ॑ಣಾ॒ ತೇನ॒ ಬ್ರಹ್ಮ॑ಣಾ ।

ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 45 ॥

(ಪ್ರ॒ಜಾ-ಹಿ॒ಮೋ ಯಚ್ಚ॑ ಶೀ॒ಯತೇ॒-ಸರ್ವಾ॒ಸ್ತಾಃ-ಸರ್ವಾ॑ಣಿ॒-ಬ್ರಹ್ಮ॒ಣೈಕ॑-ಞ್ಚ) (ಅ. 7)

(ದಿಶೋ॒-ಽನ್ತರಿ॑ಕ್ಷಮಾನ್ತರಿ॒ಕ್ಷ್ಯ॑ ಉದಾ॒ರಾನು॑ದಾ॒ರಾ-ನ್ಧುನಿ॒-ಮ್ಮರೀ॑ಚೀನ್. ವಿ॒ದ್ಯುತಃ॒

ಸ್ರವ॑ನ್ತೀ॒ರ್ಯಾಶ್ಚ॒ ಯೇ ಚ॒ ತಪೋ॑ ವಾ॒ಯುಮ॒ಗ್ನಿಗ್ಂ ಸ॒ತ್ಯ-ಮ್ಪಞ್ಚ॑ದಶ)

ಅನುವಾಕಂ 8 - ವೈಶ್ವಸೃಜಚಯನಮ್

ಸರ್ವಾ॒-ನ್ದಿವ॒ಗ್ಂ॒ ಸರ್ವಾ᳚-ನ್ದೇ॒ವಾ-ನ್ದಿ॒ವಿ ।

ಯಚ್ಚಾ॒ನ್ತ ರ್ಭೂ॒ತ-ಮ್ಪ್ರತಿ॑ಷ್ಠಿತಮ್ ।

ಸರ್ವಾ॒ಸ್ತಾ ಇಷ್ಟ॑ಕಾಃ ಕೃ॒ತ್ವಾ । ಉಪ॑ ಕಾಮ॒ದುಘಾ॑ ದಧೇ । ತೇನರ್ಷಿ॑ಣಾ॒ ತೇನ॒ ಬ್ರಹ್ಮ॑ಣಾ ।

ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವದ-ಧ್ರು॒ವಾ ಸೀ॑ದ ॥ ಯಾವ॑ತೀ॒ ಸ್ತಾರ॑ಕಾ॒-ಸ್ಸರ್ವಾಃ᳚ ।

ವಿತ॑ತಾ ರೋಚ॒ನೇ ದಿ॒ವಿ । ಸರ್ವಾ॒ಸ್ತಾಃ ॥ ಋಚೋ॒ ಯಜೂಗ್ಂ॑ಷಿ॒ ಸಾಮಾ॑ನಿ ॥ 46 ॥

ಅ॒ಥ॒ರ್ವಾ॒ಙ್ಗಿ॒ರಸ॑ಶ್ಚ॒ ಯೇ । ಸರ್ವಾ॒ಸ್ತಾಃ ॥ ಇ॒ತಿ॒ಹಾ॒ಸ॒ಪು॒ರಾ॒ಣಞ್ಚ॑ ।

ಸ॒ರ್ಪ॒ದೇ॒ವ॒ಜ॒ನಾಶ್ಚ॒ ಯೇ । ಸರ್ವಾ॒ಸ್ತಾಃ ॥

ಯೇ ಚ॑ ಲೋ॒ಕಾ ಯೇ ಚಾ॑ಲೋ॒ಕಾಃ ।

ಅ॒ನ್ತ ರ್ಭೂ॒ತ-ಮ್ಪ್ರತಿ॑ಷ್ಠಿತಮ್ । ಸರ್ವಾ॒ಸ್ತಾಃ ॥

ಯಚ್ಚ॒ ಬ್ರಹ್ಮ॒ ಯಚ್ಚಾ᳚ಬ್ರ॒ಹ್ಮ ।

ಅ॒ನ್ತ ರ್ಬ್ರ॒ಹ್ಮ-ನ್ಪ್ರತಿ॑ಷ್ಠಿತಮ್ ॥ 47 ॥

ಸರ್ವಾ॒ಸ್ತಾಃ ॥ ಅ॒ಹೋ॒ರಾ॒ತ್ರಾಣಿ॒ ಸರ್ವಾ॑ಣಿ । ಅ॒ದ್ರ್ಧ॒ಮಾ॒ಸಾಗ್ಶ್ಚ॒ ಕೇವ॑ಲಾನ್ ।

ಸರ್ವಾ॒ಸ್ತಾಃ ॥ ಸರ್ವಾ॑ನೃ॒ತೂನ್-ಥ್ಸರ್ವಾ᳚-ನ್ಮಾ॒ಸಾನ್ । ಸಂ॒ವಁ॒ಥ್ಸ॒ರಞ್ಚ॒ ಕೇವ॑ಲಮ್ ।

ಸರ್ವಾ॒ಸ್ತಾಃ ॥ ಸರ್ವ॒-ಮ್ಭೂತ॒ಗ್ಂ॒ ಸರ್ವ॒-ಮ್ಭವ್ಯ᳚ಮ್ । ಯಚ್ಚಾ॒ತೋ-ಽಧಿ॑ ಭವಿ॒ಷ್ಯತಿ॑ ।

ಸರ್ವಾ॒ಸ್ತಾ ಇಷ್ಟ॑ಕಾಃ ಕೃ॒ತ್ವಾ ।

ಉಪ॑ ಕಾಮ॒ದುಘಾ॑ ದಧೇ ।

ತೇನರ್ಷಿ॑ಣಾ॒ ತೇನ॒ ಬ್ರಹ್ಮ॑ಣಾ ।

ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 48 ॥

(ಸಾಮಾ॑ನಿ - ಬ್ರ॒ಹ್ಮ-ನ್ಪ್ರತಿ॑ಷ್ಠಿತಂ - ಕೃ॒ತ್ವಾ ತ್ರೀಣಿ॑ ಚ) (ಅ. 8)

(ದಿವ॒-ನ್ತಾರ॑ಕಾ॒ ಋಚ॑ ಇತಿಹಾಸಪುರಾ॒ಣ-ಞ್ಚ॒ ಯೇ ಚ॒ ಯಚ್ಚಾ॑ಹೋರಾ॒ತ್ರಾಣ್ಯೃ॒ತೂ-ನ್ಭೂತ॒-ನ್ನವ॑)

ಅನುವಾಕಂ 9 - ಬ್ರಹ್ಮಾ ಸದಸ್ಯಾಸೀನೋ ವೌಶ್ವಸೃಜಾನ್ ವ್ಯಾಚಷ್ಟೇ

ಋ॒ಚಾ-ಮ್ಪ್ರಾಚೀ॑ ಮಹ॒ತೀ ದಿಗು॑ಚ್ಯತೇ ।

ದಕ್ಷಿ॑ಣಾ-ಮಾಹು॒ ರ್ಯಜು॑ಷಾಮಪಾ॒ರಾಮ್ ।

ಅಥ॑ರ್ವಣಾ॒-ಮಗ್ಂಇ॑ರಸಾ-ಮ್ಪ್ರ॒ತೀಚೀ᳚ ।

ಸಾಮ್ನಾ॒-ಮುದೀ॑ಚೀ ಮಹ॒ತೀ ದಿಗು॑ಚ್ಯತೇ ॥

ಋ॒ಗ್ಭಿಃ ಪೂ᳚ರ್ವಾ॒ಹ್ಣೇ ದಿ॒ವಿ ದೇ॒ವ ಈ॑ಯತೇ ।

ಯ॒ಜು॒ರ್ವೇ॒ದೇ ತಿ॑ಷ್ಠತಿ॒ ಮದ್ಧ್ಯೇ॒ ಅಹ್ನಃ॑ ।

ಸಾ॒ಮ॒ವೇ॒ದೇ-ನಾ᳚ಸ್ತಮ॒ಯೇ ಮಹೀ॑ಯತೇ ।

ವೇದೈ॒-ರಶೂ᳚ನ್ಯ-ಸ್ತ್ರಿ॒ಭಿರೇ॑ತಿ॒ ಸೂರ್ಯಃ॑ ॥

ಋ॒ಗ್ಭ್ಯೋ ಜಾ॒ತಾಗ್ಂ ಸ॑ರ್ವ॒ಶೋ ಮೂರ್ತಿ॑-ಮಾಹುಃ ।

ಸರ್ವಾ॒ ಗತಿ॑ ರ್ಯಾಜು॒ಷೀ ಹೈ॒ವ ಶಶ್ವ॑ತ್ ॥ 49 ॥

ಸರ್ವ॒-ನ್ತೇಜ॑ ಸ್ಸಾಮರೂ॒ಪ್ಯಗ್ಂ ಹ॑ ಶಶ್ವತ್ । ಸರ್ವಗ್ಂ॑ ಹೇ॒ದ-ಮ್ಬ್ರಹ್ಮ॑ಣಾ ಹೈ॒ವ ಸೃ॒ಷ್ಟಮ್ ॥

ಋ॒ಗ್ಭ್ಯೋ ಜಾ॒ತಂ-ವೈಁಶ್ಯಂ॒-ವಁರ್ಣ॑-ಮಾಹುಃ । ಯ॒ಜು॒ರ್ವೇ॒ದ-ಙ್ಕ್ಷ॑ತ್ರಿ॒ಯಸ್ಯಾ॑-ಹು॒ರ್ಯೋನಿ᳚ಮ್ ।

ಸಾ॒ಮ॒ವೇ॒ದೋ ಬ್ರಾ᳚ಹ್ಮ॒ಣಾನಾ॒-ಮ್ಪ್ರಸೂ॑ತಿಃ ।

ಪೂರ್ವೇ॒ ಪೂರ್ವೇ᳚ಭ್ಯೋ॒ ವಚ॑ ಏ॒ತ-ದೂ॑ಚುಃ ॥

ಆ॒ದ॒ರ್॒ಶ-ಮ॒ಗ್ನಿ-ಞ್ಚಿ॑ನ್ವಾ॒ನಾಃ ।

ಪೂರ್ವೇ॑ ವಿಶ್ವ॒ ಸೃಜೋ॒-ಽಮೃತಾಃ᳚ ।

ಶ॒ತಂ-ವಁ॑ರ್ಷ ಸಹ॒ಸ್ರಾಣಿ॑ । ದೀ॒ಕ್ಷಿ॒ತಾ-ಸ್ಸ॒ತ್ರ-ಮಾ॑ಸತ ॥ 50 ॥

ತಪ॑ ಆಸೀ-ದ್ಗೃ॒ಹಪ॑ತಿಃ । ಬ್ರಹ್ಮ॑ ಬ್ರ॒ಹ್ಮಾಭ॑ವ-ಥ್ಸ್ವ॒ಯಮ್ । ಸ॒ತ್ಯಗ್ಂ ಹ॒ ಹೋ ತೈ॑ಷಾ॒ಮಾಸೀ᳚ತ್ ।

ಯ-ದ್ವಿ॑ಶ್ವ॒ಸೃಜ॒ ಆಸ॑ತ ॥

ಅ॒ಮೃತ॑-ಮೇಭ್ಯ॒ ಉದ॑ಗಾಯತ್ ।

ಸ॒ಹಸ್ರ॑-ಮ್ಪರಿವಥ್ಸ॒ರಾನ್ ।

ಭೂ॒ತಗ್ಂ ಹ॑ ಪ್ರಸ್ತೋ॒ ತೈಷಾ॒ಮಾಸೀ᳚ತ್ ।

ಭ॒ವಿ॒ಷ್ಯ-ತ್ಪ್ರತಿ॑ ಚಾಹರತ್ ॥

ಪ್ರಾ॒ಣೋ ಅ॑ದ್ಧ್ವ॒ರ್ಯು-ರ॑ಭವತ್ ।

ಇ॒ದಗ್ಂ ಸರ್ವ॒ಗ್ಂ॒ ಸಿಷಾ॑ಸತಾಮ್ ॥ 51 ॥

ಅ॒ಪಾ॒ನೋ ವಿ॒ದ್ವಾ-ನಾ॒ವೃತಃ॑ । ಪ್ರತಿ॒ ಪ್ರಾತಿ॑ಷ್ಠ-ದದ್ಧ್ವ॒ರೇ ॥ ಆ॒ರ್ತ॒ವಾ ಉ॑ಪಗಾ॒ತಾರಃ॑ । ಸ॒ದ॒ಸ್ಯಾ॑ ಋ॒ತವೋ॑-ಽಭವನ್ನ್ । ಅ॒ರ್ಧ॒ಮಾ॒ಸಾಶ್ಚ॒ ಮಾಸಾ᳚ಶ್ಚ । ಚ॒ಮ॒ಸಾ॒-ದ್ಧ್ವ॒ರ್ಯ॒ವೋ-ಽಭ॑ವನ್ನ್ ॥

ಅಶಗ್ಂ॑ ಸ॒-ದ್ಬ್ರಹ್ಮ॑ಣ॒-ಸ್ತೇಜಃ॑ ।

ಅ॒ಚ್ಛಾ॒ವಾ॒ಕೋ ಽಭ॑ವ॒-ದ್ಯಶಃ॑ ।

ಋ॒ತ-ಮೇ॑ಷಾ-ಮ್ಪ್ರಶಾ॒ಸ್ತಾ-ಽಽಸೀ᳚ತ್ ।

ಯ-ದ್ವಿ॑ಶ್ವ॒ ಸೃಜ॒ ಆಸ॑ತ ॥ 52 ॥

ಊರ್ಗ್-ರಾಜಾ॑ನ॒-ಮುದ॑ವಹತ್ । ಧ್ರು॒ವ॒ ಗೋ॒ಪ-ಸ್ಸಹೋ॑-ಽಭವತ್ । ಓಜೋ॒-ಽಭ್ಯ॑ಷ್ಟೌ॒-ದ್ಗ್ರಾವ್.ಣ್ಣಃ॑ ।

ಯ-ದ್ವಿ॑ಶ್ವ॒ ಸೃಜ॒ ಆಸ॑ತ ॥

ಅಪ॑ಚಿತಿಃ ಪೋ॒ತ್ರೀಯಾ॑-ಮಯಜತ್ । ನೇ॒ಷ್ಟ್ರೀಯಾ॑-ಮಯಜ॒-ತ್ತ್ವಿಷಿಃ॑ । ಆಗ್ನೀ᳚ದ್ಧ್ರಾ-ದ್ವಿ॒ದುಷೀ॑ ಸ॒ತ್ಯಮ್ । ಶ್ರ॒ದ್ಧಾ ಹೈ॒ವಾ ಯ॑ಜ-ಥ್ಸ್ವ॒ಯಮ್ ॥ ಇರಾ॒ ಪತ್ನೀ॑ ವಿಶ್ವ॒ ಸೃಜಾ᳚ಮ್ । ಆಕೂ॑ತಿ-ರಪಿನಡ್ಢ॒ವಿಃ ॥ 53 ॥

ಇ॒ದ್ಧ್ಮಗ್ಂ ಹ॒ ಕ್ಷುಚ್ ಚೈ᳚ಭ್ಯ ಉ॒ಗ್ರೇ । ತೃ॒ಷ್ಣಾ ಚಾ ವ॑ಹತಾಮು॒ಭೇ ॥ ವಾಗೇ॑ಷಾಗ್ಂ ಸುಬ್ರಹ್ಮ॒ಣ್ಯಾ-ಽಽಸೀ᳚ತ್ । ಛ॒ನ್ದೋ॒ ಯೋ॒ಗಾನ್. ವಿ॑ಜಾನ॒ತೀ ।

ಕ॒ಲ್ಪ॒ತ॒ನ್ತ್ರಾಣಿ॑ ತನ್ವಾ॒ನಾ-ಽಹಃ॑ । ಸ॒ಗ್ಗ್॒ಸ್ಥಾಶ್ಚ॑ ಸರ್ವ॒ಶಃ ॥ ಅ॒ಹೋ॒ರಾ॒ತ್ರೇ ಪ॑ಶುಪಾ॒ಲ್ಯೌ । ಮು॒ಹೂ॒ರ್ತಾಃ ಪ್ರೇ॒ಷ್ಯಾ॑ ಅಭವನ್ನ್ । ಮೃ॒ತ್ಯುಸ್ ತದ॑-ಭವ-ದ್ಧಾ॒ತಾ । ಶ॒ಮಿ॒ತೋ ಗ್ರೋ ವಿ॒ಶಾ-ಮ್ಪತಿಃ॑ ॥ 54 ॥

ವಿ॒ಶ್ವ॒ಸೃಜಃ॑ ಪ್ರಥ॒ಮಾ-ಸ್ಸ॒ತ್ರ-ಮಾ॑ಸತ । ಸ॒ಹಸ್ರ॑ ಸಮ॒-ಮ್ಪ್ರಸು॑ತೇನ॒ ಯನ್ತಃ॑ ।

ತತೋ॑ ಹ ಜಜ್ಞೇ॒ ಭುವ॑ನಸ್ಯ ಗೋ॒ಪಾಃ । ಹಿ॒ರ॒ಣ್ಮಯಃ॑ ಶ॒ಕುನಿ॒ ರ್ಬ್ರಹ್ಮ॒ ನಾಮ॑ ॥ ಯೇನ॒ ಸೂರ್ಯ॒-ಸ್ತಪ॑ತಿ॒ ತೇಜ॑ಸೇ॒-ದ್ಧಃ । ಪಿ॒ತಾ ಪು॒ತ್ರೇಣ॑ ಪಿತೃ॒ಮಾನ್. ಯೋನಿ॑ಯೋನೌ । ನಾವೇ॑ದವಿ-ನ್ಮನುತೇ॒ ತ-ಮ್ಬೃ॒ಹನ್ತ᳚ಮ್ । ಸ॒ರ್ವಾ॒ನು॒ಭು-ಮಾ॒ತ್ಮಾನಗ್ಂ॑ ಸಮ್ಪರಾ॒ಯೇ ॥

ಏ॒ಷ ನಿ॒ತ್ಯೋ ಮ॑ಹಿ॒ಮಾ ಬ್ರಾ᳚ಹ್ಮ॒ಣಸ್ಯ॑ ।

ನ ಕರ್ಮ॑ಣಾ ವರ್ಧತೇ॒ ನೋ ಕನೀ॑ಯಾನ್ ॥ 55 ॥

ತಸ್ಯೈ॒ವಾತ್ಮಾ ಪ॑ದ॒ವಿತ್ತಂ-ವಿಁ॑ದಿತ್ವಾ ।

ನ ಕರ್ಮ॑ಣಾ ಲಿಪ್ಯತೇ॒ ಪಾಪ॑ಕೇನ ॥

ಪಞ್ಚ॑ಪಞ್ಚಾ॒ಶತ॑-ಸ್ತ್ರಿ॒ವೃತಃ॑ ಸಂವಁಥ್ಸ॒ರಾಃ ।

ಪಞ್ಚ॑ಪಞ್ಚಾ॒ಶತಃ॑ ಪಞ್ಚದ॒ಶಾಃ । ಪಞ್ಚ॑ಪಞ್ಚಾ॒ಶತಃ॑ ಸಪ್ತದ॒ಶಾಃ ।

ಪಞ್ಚ॑ಪಞ್ಚಾ॒ಶತ॑ ಏಕವಿ॒ಗ್ಂ॒ಶಾಃ ।

ವಿ॒ಶ್ವ॒ಸೃಜಾಗ್ಂ॑ ಸ॒ಹಸ್ರ॑ ಸಂವಁಥ್ಸರಮ್ ॥

ಏ॒ತೇನ॒ ವೈ ವಿ॑ಶ್ವ॒ಸೃಜ॑ ಇ॒ದಂ-ವಿಁಶ್ವ॑-ಮಸೃಜನ್ತ । ಯ-ದ್ವಿಶ್ವ॒-ಮಸೃ॑ಜನ್ತ । ತಸ್ಮಾ᳚-ದ್ವಿಶ್ವ॒ಸೃಜಃ॑ ॥

ವಿಶ್ವ॑-ಮೇನಾ॒-ನನು॒ ಪ್ರಜಾ॑ಯತೇ । ಬ್ರಹ್ಮ॑ಣ॒-ಸ್ಸಾಯು॑ಜ್ಯಗ್ಂ ಸಲೋ॒ಕತಾಂ᳚-ಯಁನ್ತಿ ।

ಏ॒ತಾಸಾ॑ಮೇ॒ವ ದೇ॒ವತಾ॑ನಾ॒ಗ್ಂ॒ ಸಾಯು॑ಜ್ಯಮ್ । ಸಾ॒ರ್ಷ್ಟಿತಾಗ್ಂ॑ ಸಮಾನ ಲೋ॒ಕತಾಂ᳚-ಯಁನ್ತಿ ।

ಯ ಏ॒ತ-ದು॑ಪ॒ಯನ್ತಿ॑ । ಯೇ ಚೈ॑ನ॒-ತ್ಪ್ರಾಹುಃ॑ ।

ಯೇಭ್ಯ॑-ಶ್ಚೈನ॒-ತ್ಪ್ರಾಹುಃ॑ ॥

ಓಮ್ ॥ 56 ॥

(ಶಶ್ವ॑ - ದಾಸತ॒ - ಸಿಷಾ॑ಸತಾ॒ - ಮಾಸ॑ತ - ಹ॒ವಿಷ್ - ಪತಿಃ॒ - ಕನೀ॑ಯಾ॒ನ್ - ತಸ್ಮಾ᳚-ದ್ವಿಶ್ವ॒ಸೃಜೋ॒-ಽಷ್ಟೌ ಚ॑) (ಅ. 9)

(ತುಭ್ಯಂ॑ - ದೇ॒ವೇಭ್ಯ॒ - ಸ್ತಪ॑ಸಾ - ದೇ॒ವೇಭ್ಯೋ॒ - ಬ್ರಹ್ಮ॒ ವೈ ಚತು॑ರ್ಹೋತಾರೋ॒ - ಯಚ್ಚಾ॒ಮೃತ॒ಗ್ಂ॒ - ಸರ್ವಾ॒ ದಿಶೋ॑ ದಿ॒ಕ್ಷು - ಸರ್ವಾ॒-ನ್ದಿವ॑ - ಮೃ॒ಚಾ-ಮ್ಪ್ರಾಚೀ॒ ನವ॑)

(ತುಭ್ಯಂ॒ - ತಪ॑ಸಾ॒ - ತಾ ವಾ ಏ॒ತಾಃ ಪಞ್ಚ॒ - ಹಿರ॑ಣ್ಯ-ನ್ದದಾತಿ॒ - ಸರ್ವಾ॒ ದಿಶ॒ - ಸ್ತಪ॑ ಆಸೀದ್ಗೃ॒ಹಪ॑ತಿ॒-ಷ್ಷಟ್ಪ॑ಞ್ಚಾ॒ಶತ್)

(ತುಭ್ಯ॒-ಮೋಂ)

॥ ಹರಿಃ॑ ಓಮ್ ॥

॥ ತೈತ್ತಿರೀಯ ಯಜುರ್ಬ್ರಾಹ್ಮಣೇ ಕಾಠಕೇ ತೃತೀಯ ಪ್ರಶ್ನ-ಸ್ಸಮಾಪ್ತಃ ॥

॥ ಇತಿ ತೈತ್ತಿರೀಯ ಯಜುರ್ಬ್ರಾಹ್ಮಣೇ ಕಾಠಕಂ ಸಮಾಪ್ತಮ್ ॥

Roman (IAST) Transliteration

kṛṣṇa yajurvedīya taittirīya brāhmaṇe kāṭhake tṛtīyaḥ praśnaḥ - vaiśvasṛjacayanam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

cāturhotracayanaṃ-vai~śvasṛjacayana-ñca

anuvākaṃ 1 - vaiśvasṛjacayanāṅgabhūtāḥ divaśśyenaya iṣṭayaḥ

tubhya॒-ntā a̭ṅgirastama॒ viśvā᳚-ssukṣi॒tayaḥ॒ pṛtha̭k | agne॒ kāmā̭ya yemire || a॒śyāma॒ ta-ṅkāma̭magne॒ tavo॒ tya̭śyāma̭ ra॒yigṃ ra̭yiva-ssu॒vīra᳚m | a॒śyāma॒ vāja̭ma॒bhi vā॒jaya̭nto॒ 'śyāma̭ dyu॒mnama̭jarā॒jara̭-nte || |

āśā̭nā-ntvā ''śāpā॒lebhyaḥ̭ | ca॒turbhyo̭ a॒mṛte᳚bhyaḥ | i॒da-mbhū॒tasyādhya̭kṣebhyaḥ | vi॒dhema̭ ha॒viṣā̭ va॒yam || viśvā॒ āśā॒ madhṷnā॒ sagṃsṛ̭jāmi | a॒na॒mī॒vā āpa॒ oṣa̭dhayo bhavantu | a॒yaṃ-ya~ja̭māno॒ mṛdho॒ vya̭syatāṃ agṛ̭bhītāḥ pa॒śavaḥ̭ santu॒ sarve᳚ || |

anṷ no॒-'dyā-'nṷmatirya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || |

kāmo̭ bhū॒tasya॒ bhavya̭sya | sa॒mrāḍeko॒ virā̭jati | sa i॒da-mprati̭ paprathe | ṛ॒tūnu-thsṛ̭jate va॒śī || kāma॒stadagre॒ sama̭varta॒tādhi̭ | mana̭so॒ retaḥ̭ pratha॒maṃ-ya~dāsī᳚t | sa॒to bandhu॒masa̭ti॒ nira̭vindann | hṛ॒di pra॒tīṣyā̭ ka॒vayo̭ manī॒ṣā || |

brahma̭ jajñā॒na-mpra̭tha॒ma-mpu॒rastā॒dvi sī̭ma॒ta-ssu॒ruco̭ ve॒na ā̭vaḥ | sa bu॒dhniyā̭ upa॒mā a̭sya vi॒ṣṭhā-ssa॒taśca॒ yoni॒masa̭taśca॒ vivaḥ̭ || pi॒tā vi॒rājā̭mṛṣa॒bho ra̭yī॒ṇām | a॒ntari̭kṣaṃ-vi~॒śvarṷ̄pa॒ āvi̭veśa | tama॒rkai-ra॒bhya̭rcanti va॒thsam | brahma॒ santa॒-mbrahma̭ṇā va॒rdhaya̭ntaḥ || |

ya॒jño rā॒yo ya॒jña ī̭śe॒ vasṷ̄nām | ya॒jña-ssa॒syānā̭mu॒ta sṷkṣitī॒nām | ya॒jña i॒ṣṭaḥ pū॒rvaci̭tti-ndadhātu | ya॒jño bra̭hma॒ṇvāgṃ apyḙtu de॒vān || a॒yaṃ-ya~॒jño va̭rdhatā॒-ṅgobhi॒raśvaiḥ᳚ | i॒yaṃ-ve~diḥ̭ svapa॒tyā su॒vīrā᳚ | i॒da-mba॒r॒hirati̭ ba॒r॒hīgṣya॒nyā | i॒maṃ-ya~॒jñaṃ-vi~śvḙ avantu de॒vāḥ || | āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭ maraṅga॒ma ā mā᳚ prā॒ṇena̭ sa॒ha varca̭sā gann || ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || |

tubhya̭-mbharanti kṣi॒tayo̭ yaviṣṭha | ba॒lima̭gne॒ anti̭ ta॒ ota dū॒rāt | ā bhandi̭ṣṭhasya suma॒ti-ñci̭kiddhi | bṛ॒hattḙ agne॒ mahi॒ śarma̭ bha॒dram || yo de॒hyo ana̭mayadvadha॒snaiḥ | yo arya̭patnī-ru॒ṣasa̭śca॒kāra̭ | sa ni॒rudhyā॒ nahṷṣo ya॒hvo a॒gniḥ | viśa̭ścakre bali॒hṛta॒-ssaho̭bhiḥ || |

pūrva̭-ndevā॒ apa̭reṇā-nu॒paśya॒ñjanma̭bhiḥ | janmā॒nyava̭raiḥ॒ parā̭ṇi | vedā̭ni devā a॒yama॒smīti॒ mām | a॒hagṃ hi॒tvā śarī̭ra-ñja॒rasaḥ̭ pa॒rastā᳚t || prā॒ṇā॒pā॒nau cakṣu॒-śśrotra᳚m | vāca॒-mmana̭si॒ sambhṛ̭tām | hi॒tvā śarī̭ra-ñja॒rasaḥ̭ pa॒rastā᳚t | ā bhūti॒-mbhūtiṃ̭-va~॒yama̭śnavāmahai || |

ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 1 ||

tubhya॒-ndaśa̭ (a. 1)

anuvākaṃ 2 - tāsā-mbrāhmaṇam

de॒vebhyo॒ vai sva॒rgo lo॒kasti॒ro̭-'bhavat |

te pra॒jāpa̭ti-mabruvann |

prajā̭pate sva॒rgo vai no̭ lo॒kasti॒ro̭-'bhūt | tamanvi॒ccheti̭ | taṃ-ya~̭jñakra॒tubhi॒-ranvai᳚cchat | taṃ-ya~̭jñakra॒tubhi॒-rnānva̭vindat |

tamiṣṭi̭bhi॒-ranvai᳚cchat | tamiṣṭi̭bhi॒-ranva̭vindat |

tadiṣṭī̭nā-miṣṭi॒tvam | eṣṭa̭yo ha॒vai nāma̭ |

tā iṣṭa̭ya॒ ityāca̭kṣate pa॒rokṣḙṇa | pa॒rokṣa̭ priyā iva॒ hi de॒vāḥ || 2 ||

tamāśā᳚-'bravīt | prajā̭pata ā॒śayā॒ vai śrā᳚myasi |

a॒hamu॒ vā āśā᳚-'smi | mā-nnu ya̭jasva |

atha̭ te sa॒tyā-''śā̭ bhaviṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat |

anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ kāmā̭ya॒ svāhā॒-''śāyai॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 3 ||

tato॒ vai tasya̭ sa॒tyaḥ kāmo̭-'bhavat |

anṷ sva॒rgaṃ-lo~॒kama̭vindat |

sa॒tyo ha॒ vā a̭sya॒ kāmo̭ bhavati |

anṷ sva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷ cainade॒vaṃ-ve~da̭ | so-'tra̭ juhoti |

a॒gnaye॒ kāmā̭ya॒ svāhā॒ kāmā̭ya॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 4 ||

ta-mbrahmā᳚-'bravīt | prajā̭pate॒ brahma̭ṇā॒ vaiśrā᳚myasi | a॒hamu॒ vai brahmā᳚-'smi |

anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te | ya ṷcainade॒vaṃ-ve~da̭ | so-'tra̭ juhoti | a॒gnaye॒ kāmā̭ya॒ svāhā॒ brahma̭ṇe॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ | sva॒rgāya̭ lo॒kāya॒ svāhā॒ 'gnaye᳚ sviṣṭa॒kṛte॒ svāheti̭ || 5 ||

taṃ-ya~॒jño᳚-'bravīt | prajā̭pate ya॒jñena॒ vai śrā᳚myasi | a॒hamu॒ vai ya॒jño᳚-'smi |

mā-nnu ya̭jasva | atha̭ te sa॒tyo ya॒jño bha̭vaṣyati | anṷ sva॒rgaṃ-lo~॒kaṃ-ve~॒thsyasīti̭ |

anṷ sva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷcainade॒vaṃ-ve~da̭ | so-'tra̭ juhoti |

a॒gnaye॒ kāmā̭ya॒ svāhā̭ ya॒jñāya॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 6 ||

sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | a॒dbhyaśca॒rum |

ya ṷcainade॒vaṃ-ve~da̭ | so-'tra̭ juhoti |

a॒gnaye॒ kāmā̭ya॒ svāhā॒ 'dbhya-ssvāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 7 ||

tama॒gni rba̭li॒māna̭bravīt |

prajā̭pate॒ 'gnaye॒ vai ba̭li॒mate॒ sarvā̭ṇi bhū॒tāni̭ ba॒ligṃ ha̭ranti | a॒hamu॒ vā a॒gni rba̭li॒māna̭smi | mā-nnu ya̭jasva |

atha̭ te॒ sarvā̭ṇi bhū॒tāni̭ ba॒ligṃ ha̭riṣyanti |

anṷ sva॒rgaṃ-lo~॒kaṃ-ve~॒thsyasīti̭ |

ya ṷcainade॒vaṃ-ve~da̭ | so-'tra̭ juhoti |

a॒gnaye॒ kāmā̭ya॒ svāhā॒ 'gnayḙ bali॒mate॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 8 ||

sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat |

anṷvittyai ca॒rum | anṷmatyai ca॒rum |

tato॒ vai tasya̭ sa॒tyā 'nṷvittirabhavat |

anṷ sva॒rgaṃ-lo~॒ka-ma̭vindat |

sa॒tyā ha॒ vā a॒syānṷvitti-rbhavati |

anṷ sva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷcainade॒vaṃ-ve~da̭ | so-'tra̭ juhoti |

a॒gnaye॒ kāmā̭ya॒ svāhā-'nṷvittyai॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 9 ||

tā vā e॒tā-ssa॒pta sva॒rgasya̭ lo॒kasya॒ dvāraḥ̭ |

di॒va-śśyḙna॒yo 'nṷvittayo॒ nāma̭ |

āśā᳚ pratha॒māgṃ ra̭kṣati |

kāmo᳚ dvi॒tīyā᳚m | brahma̭ tṛ॒tīyā᳚m | ya॒jñaśca̭tu॒rthīm | āpaḥ̭ pañca॒mīm |

a॒gni rba̭li॒mān-thṣa॒ṣṭhīm | anṷvitti-ssapta॒mīm |

anṷ ha॒ vai sva॒rgaṃ-lo~॒kaṃ-vi~̭ndati |

kā॒ma॒cāro᳚-'sya sva॒rge lo॒ke bha̭vati |

ya e॒tābhi॒-riṣṭi̭bhi॒-ryaja̭te |

ya ṷcainā e॒vaṃ-ve~da̭ | tāsva̭nvi॒ṣṭi | pa॒ṣṭhau॒hī॒ va॒rā-nda̭dyā-tka॒gṃ॒ sañca̭ |

striyai̭ cābhā॒ragṃ samṛ̭ddhyai || 10 ||

anuvākaṃ 3 - upāghā nāmeṣṭayaḥ

tapa̭sā de॒vā de॒vatā॒-magra̭ āyann | tapa॒sarṣa̭ya॒-ssva̭ranva̭vindann |

tapa̭sā sa॒patnā॒-npraṇṷdā॒mārā̭tīḥ |

yene॒daṃ-vi~śva॒-mpari̭bhūtaṃ॒-ya~dasti̭ ||

pra॒tha॒ma॒ja-nde॒vagṃ ha॒viṣā̭ vidhema | sva॒ya॒bhu-mbrahma̭ para॒ma-ntapo॒ yat |

sa e॒va pu॒tra-ssa pi॒tā sa mā॒tā |

tapo̭ ha ya॒kṣa-mpra̭tha॒magṃ samba̭bhūva ||

śra॒ddhayā dḙvo deva॒tva-ma̭śnute |

śra॒ddhā pra̭ti॒ṣṭhā lo॒kasya̭ de॒vī || 11 ||

sā no̭ juṣā॒ṇopa̭ ya॒jña-māgā᳚t |

kāma̭vathsā॒ 'mṛta॒-nduhā̭nā ||

śra॒ddhā de॒vī pra̭thama॒jā ṛ॒tasya̭ |

viśva̭sya bha॒rtrī jaga̭taḥ prati॒ṣṭhā |

tāg śra॒ddhāgṃ ha॒viṣā̭ yajāmahe |

sā no̭ lo॒ka-ma॒mṛta̭-ndadhātu |

īśā̭nā de॒vī bhuva̭na॒syādhi̭patnī || āgā᳚thsa॒tyagṃ ha॒viri॒da-ñjṷṣā॒ṇam |

yasmā᳚dde॒vā ja̭jñire॒ bhuva̭nañca॒ viśve᳚ |

tasmai̭ vidhema ha॒viṣā̭ ghṛ॒tena̭ || 12 ||

yathā̭ de॒vai-ssa̭dha॒māda̭-mmadema ||

yasya̭ prati॒ṣṭho-rva̭ntari̭kṣam |

yasmā᳚dde॒vā ja̭jñire॒ bhuva̭nañca॒ sarve᳚ |

tathsa॒tya-marca॒dupa̭ya॒jña-nna॒ āgā᳚t | brahmāhṷtī॒-rupa॒moda̭mānam ||

mana̭so॒ vaśe॒ sarva̭mi॒da-mba̭bhūva |

nānyasya॒ mano॒ vaśa॒manvi̭yāya |

bhī॒ṣmo hi de॒va-ssaha̭sa॒-ssahī̭yān |

sa no̭ juṣā॒ṇa upa̭ ya॒jñamāgā᳚t ||

ākṷ̄tīnā॒-madhi̭pati॒-ñceta̭sā-ñca || 13 ||

sa॒ṅka॒lpajṷ̄ti-nde॒vaṃ-vi~̭pa॒ścim |

mano॒ rājā̭nami॒ha va॒rdhaya̭ntaḥ |

u॒pa॒ha॒ve᳚ 'sya suma॒tau syā̭ma ||

cara̭ṇa-mpa॒vitraṃ॒-vi~ta̭ta-mpurā॒ṇam |

yena̭ pū॒tastara̭ti duṣkṛ॒tāni̭ |

tena̭ pa॒vitrḙṇa śu॒ddhena̭ pū॒tāḥ |

ati̭ pā॒pmāna॒-marā̭ti-ntarema ||

lo॒kasya॒ dvāra̭-marci॒ma-tpa॒vitra᳚m |

jyoti̭ṣma॒-dbhrāja̭māna॒-mmaha̭svat | a॒mṛta̭sya॒ dhārā̭ bahu॒dhā doha̭mānam |

cara̭ṇa-nno lo॒ke sudhi̭tā-ndadhātu ||

a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||

(de॒vī - ghṛ॒tena॒ - ceta̭sā-ñca॒ - doha̭māna-ñca॒tvāri̭ ca) (a. 3)

anuvākaṃ 4 - tāsā-mbrāhmaṇam

de॒vebhyo॒ vai sva॒rgo lo॒kasti॒ro̭ 'bhavat |

te pra॒jāpa̭ti-mabruvann | prajā̭pate sva॒rgo

vai no̭ lo॒kasti॒ro̭-'bhūt | tamanvi॒ccheti̭ |

taṃ-ya~̭jñakra॒tubhi॒-ranvai᳚cchat |

taṃ-ya~̭jñakra॒tubhi॒ rnānva̭vindat |

pa॒rokṣa̭priyā iva॒ hi de॒vāḥ || 15 ||

ta-ntapo᳚-' bravīt | prajā̭pate॒ tapa̭sā॒ vai

śrā᳚myasi | a॒hamu॒ vai tapo᳚-' smi |

mā-nnu ya̭jasva |

atha̭ te sa॒tya-ntapo̭ bhaviṣyati |

anṷ sva॒rgaṃ-lo~॒kaṃ-ve~॒thsyasīti̭ |

sa e॒tamā᳚gne॒ya-ma॒ṣṭāka̭pāla॒-nnira̭vapat | tapa̭se ca॒rum | anṷmatyai ca॒rum |

tato॒ vai tasya̭ sa॒tya-ntapo̭ 'bhavat |

anṷ sva॒rgaṃ-lo~॒kama̭vindat |

sa॒tya gṃ ha॒ vā a̭sya॒ tapo̭ bhavati |

anṷ sva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷ cainade॒vaṃ-ve~da̭ | so-'tra̭ juhoti | a॒gnaye॒ svāhā॒ tapa̭se॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 16 ||

sa e॒tamā᳚-'gne॒ya-ma॒ṣṭāka̭pāla॒-nnira̭vapat | śra॒ddhāyai̭ ca॒rum | anṷmatyai ca॒rum | tato॒ vai tasya̭ sa॒tyā śra॒ddhā-'bha̭vat |

anṷ sva॒rgaṃ-lo~॒kama̭vindat |

sa॒tyā ha॒ vā a̭sya śra॒ddhā bha̭vati |

anṷ sva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷ cainade॒vaṃ-ve~da̭ | so-'tra̭ juhoti | a॒gnaye॒ svāhā᳚ śra॒ddhāyai॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 17 ||

sa e॒tamā᳚-'gne॒ya-ma॒ṣṭāka̭pāla॒-nnira̭vapat | sa॒tyāya̭ ca॒rum | anṷmatyai ca॒rum |

tato॒ vai tasya̭ sa॒tyagṃ sa॒tyama̭bhavat |

anṷ sva॒rgaṃ-lo~॒kama̭vindat |

sa॒tyagṃ ha॒ vā a̭sya sa॒tya-mbha̭vati |

anṷ sva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷcainade॒vaṃ-ve~da̭ | so-'tra̭ juhoti |

a॒gnaye॒ svāhā̭ sa॒tyāya॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 18 ||

ta-mmano᳚-'bravīt | prajā̭pate॒ mana̭sā॒ vai śrā᳚myasi | a॒hamu॒ vai mano᳚-'smi |

mā-nnu ya̭jasva |

atha̭ te sa॒tya-mmano̭ bhaviṣyati |

anṷ sva॒rgaṃ-lo~॒kaṃ-ve~॒thsyasīti̭ |

sa e॒tamā᳚-'gne॒ya-ma॒ṣṭāka̭pāla॒-nnira̭vapat | mana̭se ca॒rum | anṷmatyai ca॒rum | tato॒ vai tasya̭ sa॒tya-mmano̭-'bhavat |

anṷ sva॒rgaṃ-lo~॒kama̭vindat | sa॒tyagṃ ha॒ vā a̭sya॒ mano̭ bhavati | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |

ya ṷcaina de॒vaṃ-ve~da̭ | so-'tra̭ juhoti |

a॒gnaye॒ svāhā॒ mana̭se॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 19 ||

sa e॒tamā᳚-'gne॒ya-ma॒ṣṭāka̭pāla॒-nnira̭vapat | cara̭ṇāya ca॒rum | anṷmatyai ca॒rum | tato॒ vai tasya̭ sa॒tya-ñcara̭ṇamabhavat |

anṷ sva॒rgaṃ-lo~॒kama̭vindat |

sa॒tyagṃ ha॒ vā a̭sya॒ cara̭ṇa-mbhavati |

anṷsva॒rgaṃ-lo~॒kaṃ-vi~̭ndati |

ya e॒tena̭ ha॒viṣā॒ yaja̭te |

ya ṷcainade॒vaṃ-ve~da̭ | so-'tra̭ juhoti |

a॒gnaye॒ svāhā॒ cara̭ṇāya॒ svāhā᳚ |

anṷmatyai॒ svāhā᳚ pra॒jāpa̭taye॒ svāhā᳚ |

sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 20 ||

tā vā e॒tāḥ pañca̭ sva॒rgasya̭ lo॒kasya॒ dvāraḥ̭ |

apā̭ghā॒ anṷvittayo॒ nāma̭ | tapaḥ̭ pratha॒māgṃ ra̭kṣati | śra॒ddhā dvi॒tīyā᳚m | sa॒tya-ntṛ॒tīyā᳚m |

mana̭ścatu॒rthīm | cara̭ṇa-mpañca॒mīm |

anṷ ha॒ vai sva॒rgaṃ-lo~॒kaṃ-vi~̭ndati |

kā॒ma॒cāro᳚-'sya sva॒rge lo॒ke bha̭vati |

ya e॒tābhi॒-riṣṭi̭bhi॒-ryaja̭te |

ya ṷcainā e॒vaṃ-ve~da̭ |

anuvākaṃ 5 - cāturhotracayanam

brahma॒ vai catṷrhotāraḥ | catṷrhotṛ॒bhyo-'dhi̭ ya॒jño nirmi̭taḥ | nainagṃ̭ śa॒ptam | nābhica̭rita॒-māga̭cchati | ya e॒vaṃ-ve~da̭ ||

yo ha॒ vai catṷrhotṛṇā-ñcaturhotṛ॒tvaṃ-ve~da̭ | atho॒ pañca̭ hotṛtvam |

sarvā̭ hāsmai॒ diśaḥ̭ kalpante |

vā॒caspati॒r॒ hotā॒ daśa̭hotṝṇām |

pṛ॒thi॒vī hotā॒ catṷrhotṝṇām || 22 ||

a॒gnir-hotā॒ pañca̭hotṝṇām | vāghotā॒ ṣaḍḍho̭tṝṇām |

ma॒hāha̭vi॒r॒ hotā̭ sa॒ptaho̭tṝṇām |

e॒tadvai catṷrhotṛṇā-ñcaturhotṛ॒tvam |

atho॒ pañca̭hotṛtvam | sarvā̭ hāsmai॒ diśaḥ̭ kalpante | ya e॒vaṃ-ve~da̭ ||

e॒ṣā vai sa̭rva vi॒dyā | e॒ta-dbhḙṣa॒jam |

e॒ṣā pa॒ṅkti-ssva॒rgasya̭ lo॒kasyā᳚-ñja॒sāya̭ni-ssru॒tiḥ || 23 ||

bra॒hma॒va॒rca॒sī bha̭vati || e॒tān. yo-'ddhyaiti̭ | spṛ॒ṇotyā॒tmāna᳚m | pra॒jā-mpi॒tṝn ||

e॒tān. vā a̭ru॒ṇa aṷpave॒śi rvi॒dāñca̭kāra || 24 ||

e॒taira̭dhivā॒damapā̭jayat | atho॒ viśva̭-mpā॒pmāna᳚m | sva̭ryayau | e॒tān. yo-'ddhyaiti̭ | a॒dhi॒vā॒da-ñja̭yati | atho॒ viśva̭-mpā॒pmāna᳚m | sva̭reti || e॒taira॒gni-ñci̭nvīta sva॒rgakā̭maḥ |

e॒tairāyṷṣkāmaḥ | pra॒jā pa॒śukā̭mo vā || 25 ||

pu॒rastā॒-ddaśa̭hotāra॒-muda̭ñca॒-mupa̭dadhāti yāvatpa॒dam | hṛda̭yaṃ॒-ya~jṷṣī॒ patnyaṷ ca | da॒kṣi॒ṇa॒taḥ prāñca॒-ñcatṷrhotāram |

pa॒ścāduda̭ñca॒-mpañca̭ hotāram | u॒tta॒ra॒taḥ prāñca॒gṃ॒ ṣaḍḍho̭tāram |

u॒pari̭ṣṭā॒-tprāñcagṃ̭ sa॒ptaho̭tāram | hṛda̭yaṃ॒-ya~jūgṃ̭ṣi॒ patnya̭śca |

ya॒thā॒va॒kā॒śa-ṅgrahāṋ | ya॒thā॒va॒kā॒śa-mpra̭tigra॒hān ~lo̭ka-mpṛ॒ṇāśca̭ |

sarvā̭ hāsyai॒tā de॒vatāḥ᳚ prī॒tā a॒bhīṣṭā̭ bhavanti || 26 ||

sadḙvama॒gni-ñci̭nute ||

ra॒thasa̭minta-śceta॒vyaḥ̭ | vajro॒ vai rathaḥ̭ |

vajrḙṇai॒va pā॒pmāna॒-mbhrātṛ̭vyagg stṛṇute | pa॒kṣa-ssa̭minta-śceta॒vyaḥ̭ |

e॒tāvā॒n॒. vai rathaḥ̭ | yāva̭tpa॒kṣaḥ | ra॒thasa̭mintame॒va ci̭nute ||

i॒mame॒va lo॒ka-mpa̭śuba॒ndhenā॒bhija̭yati |

atho̭ agniṣṭo॒mena̭ || 27 ||

a॒ntari̭kṣa-mu॒kthyḙna | sva̭ratirā॒treṇa̭ | sarvā᳚n ~lo॒kāna̭hī॒nena̭ | atho̭ sa॒treṇa̭ || varo॒ dakṣi̭ṇā | varḙṇai॒va varagg̭ spṛṇoti |

ā॒tmā hi varaḥ̭ || eka̭vigṃśati॒ rdakṣi̭ṇā dadāti |

e॒ka॒vi॒gṃ॒śo vā i॒ta-ssva॒rgo lo॒kaḥ | prasva॒rgaṃ-lo~॒kamā᳚pnoti || 28 ||

a॒sāvā̭di॒tya ḙkavi॒gṃ॒śaḥ | a॒mume॒vā-di॒tyamā᳚pnoti || śa॒ta-nda̭dāti | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭tiṣṭhati || sa॒hasra̭-ndadāti |

sa॒hasra̭ sammita-ssva॒rgo lo॒kaḥ |

sva॒rgasya̭ lo॒kasyā॒-bhiji̭tyai || a॒nvi॒ṣṭa॒ka-ndakṣi̭ṇā dadāti | sarvā̭ṇi॒ vayāgṃ̭si || 29 ||

sarva॒syāptyai᳚ | sarva॒syā-va̭ruddhyai || yadi॒ na vi॒ndeta̭ | ma॒nthānḙtāva॒to da̭dyādoda॒nān. vā᳚ | a॒śnu॒te ta-ṅkāma᳚m | yasmai॒ kāmā̭yā॒-gniścī॒yate᳚ || pa॒ṣṭhau॒hī-ntva॒ntarva̭tī-ndadyāt |

sā hi sarvā̭ṇi॒ vayāgṃ̭si | sarva॒syāptyai᳚ | sarva॒syā-va̭ruddhyai || 30 ||

hira̭ṇya-ndadāti | hira̭ṇya-jyotire॒va sva॒rgaṃ-lo~॒kamḙti || vāso̭ dadāti | tenāyuḥ॒ prati̭rate || ve॒di॒tṛ॒tī॒ye ya̭jeta | triṣa̭tyā॒ hi de॒vāḥ |

sa sa̭tyama॒gni-ñci̭nute || tade॒ta-tpa̭śuba॒ndhe brāhma̭ṇa-mbrūyāt | neta̭reṣu ya॒jñeṣṷ ||

yo ha॒ vai catṷrhotṝ-nanusava॒na-nta̭rpayita॒vyāṋ. veda̭ || 31 ||

tṛpya̭ti pra॒jayā̭ pa॒śubhiḥ̭ |

upai̭nagṃ somapī॒tho na̭mati |

e॒te vai catṷrhotāro 'nusava॒na-nta̭rpayita॒vyāḥ᳚ | ye brā᳚hma॒ṇā ba̭hu॒vidaḥ̭ |

tebhyo॒ yaddakṣi̭ṇā॒ na naye᳚t | duri̭ṣṭagg syāt | a॒gnima̭sya vṛñjīrann |

tebhyo̭ yathā śra॒ddha-nda̭dyāt | svi̭ṣṭame॒vaitatkri̭yate |

nāsyā॒gniṃ-vṛ~̭ñjate || 32 ||

hi॒ra॒ṇye॒ṣṭa॒ko bha̭vati | yāva̭dutta॒ma-ma̭ṅguli-kā॒ṇḍaṃ-ya~̭jña pa॒ruṣā॒ sammi̭tam |

tejo॒ hira̭ṇyam || yadi॒ hira̭ṇya॒-nna vi॒ndet | śarka̭rā a॒ktā upa̭daddhyāt | tejo̭ ghṛ॒tam | satḙjasame॒-vāgni-ñci̭nute || a॒gniñci॒tvā sau᳚trāma॒ṇyā ya̭jeta maitrāvaru॒ṇyā vā᳚ |

vī॒ryḙṇa॒ vā e॒ṣa vyṛ̭ddhyate |

yo᳚-'gniñci̭nu॒te || 33 ||

yāva̭de॒va vī॒rya᳚m | tada̭smi-ndadhāti ||

brahma̭ṇa॒-ssāyṷjyagṃ salo॒katā̭-māpnoti |

e॒tāsā̭me॒va de॒vatā̭nā॒gṃ॒ sāyṷjyam |

sā॒rṣṭitāgṃ̭ samāna lo॒katā̭-māpnoti | ya e॒tama॒gni-ñci̭nu॒te | ya ṷcainame॒vaṃ-ve~da̭ || e॒tade॒va sā̭vi॒tre brāhma̭ṇam |

atho̭ nācike॒te || 34 ||

(hotā॒ catṷrhotṝṇāg - sru॒ti - śca̭kāra - vā - bhavantya - gniṣṭo॒menā᳚ - pnoti॒ - vayāgṃ̭si॒ - vayāgṃ̭si॒ - sarva॒syāptyai॒ sarva॒syāva̭ruddhyai॒ - veda̭ - vṛñjate - cinu॒te - +nava̭ ca) (a. 5)

anuvākaṃ 6 - vaiśvasṛjacayanam

yaccā॒mṛtaṃ॒-ya~cca martya᳚m | yacca॒ prāṇi̭ti॒ yacca॒ na | sarvā॒stā iṣṭa̭kāḥ kṛ॒tvā |

upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā | tayā̭ de॒vata̭yā-'ṅgira॒sva-ddhru॒vā sī̭da || sarvā॒-sstriya॒-ssarvā᳚-npu॒gṃ॒saḥ | sarva॒-nna strī̭-pumañca॒ yat |

sarvā॒stāḥ || yāva̭ntaḥ pā॒gṃ॒savo॒ bhūmeḥ᳚ || 35 ||

saṅkhyā̭tā devamā॒yayā᳚ | sarvā॒stāḥ || yāva̭nta॒ ūṣāḥ᳚ paśū॒nām | pṛ॒thi॒vyā-mpuṣṭi̭ rhi॒tāḥ | sarvā॒stāḥ || yāva̭tī॒-ssika̭tā॒-ssarvāḥ᳚ |

a॒phsva̭ntaśca॒ yā-śśri॒tāḥ | sarvā॒stāḥ || yāva̭tī॒-śśarka̭rā॒ dhṛtyai᳚ | a॒syā-mpṛ̭thi॒vyāmadhi̭ || 36 ||

sarvā॒stāḥ || yāva॒nto-'śmā̭no॒-'syā-mpṛ̭thi॒vyām | pra॒ti॒ṣṭhāsu॒ prati̭ṣṭhitāḥ | sarvā॒stāḥ || yāva̭tī rvī॒rudha॒-ssarvāḥ᳚ |

viṣṭhi̭tāḥ pṛthi॒vīmanṷ | sarvā॒stāḥ || yāva̭tī॒roṣa̭dhī॒-ssarvāḥ᳚ |

viṣṭhi̭tāḥ pṛthi॒vīmanṷ | sarvā॒stāḥ || 37 ||

yāva̭nto॒ vana॒spata̭yaḥ | a॒syā-mpṛ̭thi॒vyāmadhi̭ | sarvā॒stāḥ ||

yāva̭nto grā॒myāḥ pa॒śava॒-ssarve᳚ | ā॒ra॒ṇyāśca॒ ye | sarvā॒stāḥ || ye dvi॒pāda॒-ścatṷṣpādaḥ | a॒pāda̭ udarasa॒rpiṇaḥ̭ |

sarvā॒stāḥ || yāva॒dāñja̭-namu॒cyate᳚ || 38 ||

de॒va॒trā yacca̭ mānu॒ṣam | sarvā॒stāḥ || yāva̭tkṛ॒ṣṇāya̭sa॒gṃ॒ sarva᳚m |

de॒va॒trā yacca̭ mānu॒ṣam | sarvā॒stāḥ ||

yāva̭ llo॒hāya̭sa॒gṃ॒ sarva᳚m |

de॒va॒trā yacca̭ mānu॒ṣam | sarvā॒stāḥ || sarva॒gṃ॒ sīsa॒gṃ॒ sarva॒-ntrapṷ |

de॒va॒trā yacca̭ mānu॒ṣam || 39 ||

sarvā॒stāḥ || sarva॒gṃ॒ hira̭ṇyagṃ raja॒tam | de॒va॒trā yacca̭ mānu॒ṣam |

sarvā॒stāḥ || sarva॒gṃ॒ suva̭rṇa॒gṃ॒ hari̭tam | de॒va॒trā yacca̭ mānu॒ṣam |

sarvā॒stā iṣṭa̭kāḥ kṛ॒tvā | upa̭kāma॒dughā̭ dadhe | tenarṣi̭ṇā॒ tena॒ brahma̭ṇā |

tayā̭ de॒vata̭yā-'ṅgira॒sva-ddhru॒vā sī̭da || 40 ||

[bhūme॒ - radhi॒ - viṣṭhi̭tāḥ pṛthi॒vīmanu॒ sarvā॒stā - u॒cyata̭ - mānu॒ṣagṃ - sī̭da ] (a. 6)

(yacca॒ striyaḥ̭ pā॒gṃ॒sava॒ ūṣā॒-ssika̭tā॒-śśarka̭rā॒ aśmā̭no vī॒rudha॒ oṣa̭dhī॒-rvana॒spata̭yo grā॒myā ye dvi॒pādo॒ yāva॒dāñja̭naṃ॒-yā~va̭-tkṛ॒ṣṇāya̭saṃ

~lo॒hāya̭sa॒gṃ॒ sīsa॒gṃ॒ hira̭ṇya॒gṃ॒ suva̭rṇa॒gṃ॒ hari̭tama॒ṣṭāda̭śa)

anuvākaṃ 7 - vaiśvasṛjacayanam

sarvā॒ diśo̭ di॒kṣu | yaccā॒nta rbhū॒ta-mprati̭ṣṭhitam | sarvā॒stā iṣṭa̭kāḥ kṛ॒tvā |

upa̭ kāma॒dughā̭ dadhe |

tenarṣi̭ṇā॒ tena॒ brahma̭ṇā |

tayā̭ de॒vata̭yā-'ṅgira॒sva-ddhru॒vā sī̭da ||

a॒ntari̭kṣañca॒ keva̭lam |

yaccā॒smi-nna̭nta॒rāhi̭tam |

sarvā॒stāḥ || ā॒nta॒ri॒kṣya̭śca॒ yāḥ pra॒jāḥ || 41 ||

ga॒ndha॒rvā॒-phsa॒rasa̭śca॒ ye | sarvā॒stāḥ || sarvā̭-nudā॒rān-thsa॒lilāṋ |

a॒ntari̭kṣe॒ prati̭ṣṭhitān | sarvā॒stāḥ ||

sarvā̭-nudā॒rān-thsa̭li॒lān |

sthā॒va॒rāḥ pro॒ṣyā᳚śca॒ ye | sarvā॒stāḥ || sarvā॒-ndhuni॒gṃ॒ sarvā᳚n-dhva॒gṃ॒sān |

hi॒mo yacca̭ śī॒yate᳚ || 42 ||

sarvā॒stāḥ || sarvā॒-nmarī̭cī॒n॒. vita̭tān | nī॒hā॒ro yacca̭ śī॒yate᳚ | sarvā॒stāḥ || sarvā̭ vi॒dyuta॒-ssarvā᳚n-thstanayi॒tnūn | hrā॒dunī॒ ryacca̭ śī॒yate᳚ | sarvā॒stāḥ || sarvā॒-ssrava̭ntī-ssa॒ritaḥ̭ |

sarva̭maphsu ca॒rañca॒ yat | sarvā॒stāḥ || 43 ||

yāśca॒ kūpyā॒ yāśca̭ nā॒dyā᳚-ssamu॒driyāḥ᳚ | yāśca̭ vaiśa॒ntīru॒ta prā̭sa॒cīryāḥ |

sarvā॒stāḥ || ye co॒ttiṣṭha̭nti jī॒mūtāḥ᳚ |

yāśca॒ varṣa̭nti vṛ॒ṣṭayaḥ̭ | sarvā॒stāḥ || tapa॒steja̭ ākā॒śam | yaccā̭kā॒śe prati̭ṣṭhitam |

sarvā॒stāḥ || vā॒yuṃ-va~yāgṃ̭si॒ sarvā̭ṇi || 44 ||

a॒nta॒ri॒kṣa॒ca॒rañca॒ yat | sarvā॒stāḥ || a॒gnigṃ sūrya̭-ñca॒ndram | mi॒traṃ-va~rṷṇa॒-mbhaga᳚m | sarvā॒stāḥ || sa॒tyagg śra॒ddhā-ntapo॒ dama᳚m |

nāma̭ rū॒pañca̭ bhū॒tānā᳚m | sarvā॒stā iṣṭa̭kāḥ kṛ॒tvā | upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā |

tayā̭ de॒vata̭yā-'ṅgira॒sva-ddhru॒vā sī̭da || 45 ||

(pra॒jā-hi॒mo yacca̭ śī॒yate॒-sarvā॒stāḥ-sarvā̭ṇi॒-brahma॒ṇaika̭-ñca) (a. 7)

(diśo॒-'ntari̭kṣamāntari॒kṣya̭ udā॒rānṷdā॒rā-ndhuni॒-mmarī̭cīn. vi॒dyutaḥ॒

srava̭ntī॒ryāśca॒ ye ca॒ tapo̭ vā॒yuma॒gnigṃ sa॒tya-mpañca̭daśa)

anuvākaṃ 8 - vaiśvasṛjacayanam

sarvā॒-ndiva॒gṃ॒ sarvā᳚-nde॒vā-ndi॒vi |

yaccā॒nta rbhū॒ta-mprati̭ṣṭhitam |

sarvā॒stā iṣṭa̭kāḥ kṛ॒tvā | upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā |

tayā̭ de॒vata̭yā-'ṅgira॒svada-dhru॒vā sī̭da || yāva̭tī॒ stāra̭kā॒-ssarvāḥ᳚ |

vita̭tā roca॒ne di॒vi | sarvā॒stāḥ || ṛco॒ yajūgṃ̭ṣi॒ sāmā̭ni || 46 ||

a॒tha॒rvā॒ṅgi॒rasa̭śca॒ ye | sarvā॒stāḥ || i॒ti॒hā॒sa॒pu॒rā॒ṇañca̭ |

sa॒rpa॒de॒va॒ja॒nāśca॒ ye | sarvā॒stāḥ ||

ye ca̭ lo॒kā ye cā̭lo॒kāḥ |

a॒nta rbhū॒ta-mprati̭ṣṭhitam | sarvā॒stāḥ ||

yacca॒ brahma॒ yaccā᳚bra॒hma |

a॒nta rbra॒hma-nprati̭ṣṭhitam || 47 ||

sarvā॒stāḥ || a॒ho॒rā॒trāṇi॒ sarvā̭ṇi | a॒drdha॒mā॒sāgśca॒ keva̭lān |

sarvā॒stāḥ || sarvā̭nṛ॒tūn-thsarvā᳚-nmā॒sān | saṃ॒va~॒thsa॒rañca॒ keva̭lam |

sarvā॒stāḥ || sarva॒-mbhūta॒gṃ॒ sarva॒-mbhavya᳚m | yaccā॒to-'dhi̭ bhavi॒ṣyati̭ |

sarvā॒stā iṣṭa̭kāḥ kṛ॒tvā |

upa̭ kāma॒dughā̭ dadhe |

tenarṣi̭ṇā॒ tena॒ brahma̭ṇā |

tayā̭ de॒vata̭yā-'ṅgira॒sva-ddhru॒vā sī̭da || 48 ||

(sāmā̭ni - bra॒hma-nprati̭ṣṭhitaṃ - kṛ॒tvā trīṇi̭ ca) (a. 8)

(diva॒-ntāra̭kā॒ ṛca̭ itihāsapurā॒ṇa-ñca॒ ye ca॒ yaccā̭horā॒trāṇyṛ॒tū-nbhūta॒-nnava̭)

anuvākaṃ 9 - brahmā sadasyāsīno vauśvasṛjān vyācaṣṭe

ṛ॒cā-mprācī̭ maha॒tī digṷcyate |

dakṣi̭ṇā-māhu॒ ryajṷṣāmapā॒rām |

atha̭rvaṇā॒-magṃi̭rasā-mpra॒tīcī᳚ |

sāmnā॒-mudī̭cī maha॒tī digṷcyate ||

ṛ॒gbhiḥ pū᳚rvā॒hṇe di॒vi de॒va ī̭yate |

ya॒ju॒rve॒de ti̭ṣṭhati॒ maddhye॒ ahnaḥ̭ |

sā॒ma॒ve॒de-nā᳚stama॒ye mahī̭yate |

vedai॒-raśū᳚nya-stri॒bhirḙti॒ sūryaḥ̭ ||

ṛ॒gbhyo jā॒tāgṃ sa̭rva॒śo mūrti̭-māhuḥ |

sarvā॒ gati̭ ryāju॒ṣī hai॒va śaśva̭t || 49 ||

sarva॒-nteja̭ ssāmarū॒pyagṃ ha̭ śaśvat | sarvagṃ̭ he॒da-mbrahma̭ṇā hai॒va sṛ॒ṣṭam ||

ṛ॒gbhyo jā॒taṃ-vai~śyaṃ॒-va~rṇa̭-māhuḥ | ya॒ju॒rve॒da-ṅkṣa̭tri॒yasyā̭-hu॒ryoni᳚m |

sā॒ma॒ve॒do brā᳚hma॒ṇānā॒-mprasṷ̄tiḥ |

pūrve॒ pūrve᳚bhyo॒ vaca̭ e॒ta-dṷ̄cuḥ ||

ā॒da॒r॒śa-ma॒gni-ñci̭nvā॒nāḥ |

pūrvḙ viśva॒ sṛjo॒-'mṛtāḥ᳚ |

śa॒taṃ-va~̭rṣa saha॒srāṇi̭ | dī॒kṣi॒tā-ssa॒tra-mā̭sata || 50 ||

tapa̭ āsī-dgṛ॒hapa̭tiḥ | brahma̭ bra॒hmābha̭va-thsva॒yam | sa॒tyagṃ ha॒ ho tai̭ṣā॒māsī᳚t |

ya-dvi̭śva॒sṛja॒ āsa̭ta ||

a॒mṛta̭-mebhya॒ uda̭gāyat |

sa॒hasra̭-mparivathsa॒rān |

bhū॒tagṃ ha̭ prasto॒ taiṣā॒māsī᳚t |

bha॒vi॒ṣya-tprati̭ cāharat ||

prā॒ṇo a̭ddhva॒ryu-ra̭bhavat |

i॒dagṃ sarva॒gṃ॒ siṣā̭satām || 51 ||

a॒pā॒no vi॒dvā-nā॒vṛtaḥ̭ | prati॒ prāti̭ṣṭha-daddhva॒re || ā॒rta॒vā ṷpagā॒tāraḥ̭ | sa॒da॒syā̭ ṛ॒tavo̭-'bhavann | a॒rdha॒mā॒sāśca॒ māsā᳚śca | ca॒ma॒sā॒-ddhva॒rya॒vo-'bha̭vann ||

aśagṃ̭ sa॒-dbrahma̭ṇa॒-stejaḥ̭ |

a॒cchā॒vā॒ko 'bha̭va॒-dyaśaḥ̭ |

ṛ॒ta-mḙṣā-mpraśā॒stā-''sī᳚t |

ya-dvi̭śva॒ sṛja॒ āsa̭ta || 52 ||

ūrg-rājā̭na॒-muda̭vahat | dhru॒va॒ go॒pa-ssaho̭-'bhavat | ojo॒-'bhya̭ṣṭau॒-dgrāv.ṇṇaḥ̭ |

ya-dvi̭śva॒ sṛja॒ āsa̭ta ||

apa̭citiḥ po॒trīyā̭-mayajat | ne॒ṣṭrīyā̭-mayaja॒-ttviṣiḥ̭ | āgnī᳚ddhrā-dvi॒duṣī̭ sa॒tyam | śra॒ddhā hai॒vā ya̭ja-thsva॒yam || irā॒ patnī̭ viśva॒ sṛjā᳚m | ākṷ̄ti-rapinaḍḍha॒viḥ || 53 ||

i॒ddhmagṃ ha॒ kṣuc cai᳚bhya u॒gre | tṛ॒ṣṇā cā va̭hatāmu॒bhe || vāgḙṣāgṃ subrahma॒ṇyā-''sī᳚t | cha॒ndo॒ yo॒gān. vi̭jāna॒tī |

ka॒lpa॒ta॒ntrāṇi̭ tanvā॒nā-'haḥ̭ | sa॒gg॒sthāśca̭ sarva॒śaḥ || a॒ho॒rā॒tre pa̭śupā॒lyau | mu॒hū॒rtāḥ pre॒ṣyā̭ abhavann | mṛ॒tyus tada̭-bhava-ddhā॒tā | śa॒mi॒to gro vi॒śā-mpatiḥ̭ || 54 ||

vi॒śva॒sṛjaḥ̭ pratha॒mā-ssa॒tra-mā̭sata | sa॒hasra̭ sama॒-mprasṷtena॒ yantaḥ̭ |

tato̭ ha jajñe॒ bhuva̭nasya go॒pāḥ | hi॒ra॒ṇmayaḥ̭ śa॒kuni॒ rbrahma॒ nāma̭ || yena॒ sūrya॒-stapa̭ti॒ teja̭se॒-ddhaḥ | pi॒tā pu॒treṇa̭ pitṛ॒mān. yoni̭yonau | nāvḙdavi-nmanute॒ ta-mbṛ॒hanta᳚m | sa॒rvā॒nu॒bhu-mā॒tmānagṃ̭ samparā॒ye ||

e॒ṣa ni॒tyo ma̭hi॒mā brā᳚hma॒ṇasya̭ |

na karma̭ṇā vardhate॒ no kanī̭yān || 55 ||

tasyai॒vātmā pa̭da॒vittaṃ-vi~̭ditvā |

na karma̭ṇā lipyate॒ pāpa̭kena ||

pañca̭pañcā॒śata̭-stri॒vṛtaḥ̭ saṃva~thsa॒rāḥ |

pañca̭pañcā॒śataḥ̭ pañcada॒śāḥ | pañca̭pañcā॒śataḥ̭ saptada॒śāḥ |

pañca̭pañcā॒śata̭ ekavi॒gṃ॒śāḥ |

vi॒śva॒sṛjāgṃ̭ sa॒hasra̭ saṃva~thsaram ||

e॒tena॒ vai vi̭śva॒sṛja̭ i॒daṃ-vi~śva̭-masṛjanta | ya-dviśva॒-masṛ̭janta | tasmā᳚-dviśva॒sṛjaḥ̭ ||

viśva̭-menā॒-nanu॒ prajā̭yate | brahma̭ṇa॒-ssāyṷjyagṃ salo॒katāṃ᳚-ya~nti |

e॒tāsā̭me॒va de॒vatā̭nā॒gṃ॒ sāyṷjyam | sā॒rṣṭitāgṃ̭ samāna lo॒katāṃ᳚-ya~nti |

ya e॒ta-dṷpa॒yanti̭ | ye cai̭na॒-tprāhuḥ̭ |

yebhya̭-ścaina॒-tprāhuḥ̭ ||

om || 56 ||

(śaśva̭ - dāsata॒ - siṣā̭satā॒ - māsa̭ta - ha॒viṣ - patiḥ॒ - kanī̭yā॒n - tasmā᳚-dviśva॒sṛjo॒-'ṣṭau ca̭) (a. 9)

(tubhyaṃ̭ - de॒vebhya॒ - stapa̭sā - de॒vebhyo॒ - brahma॒ vai catṷrhotāro॒ - yaccā॒mṛta॒gṃ॒ - sarvā॒ diśo̭ di॒kṣu - sarvā॒-ndiva̭ - mṛ॒cā-mprācī॒ nava̭)

(tubhyaṃ॒ - tapa̭sā॒ - tā vā e॒tāḥ pañca॒ - hira̭ṇya-ndadāti॒ - sarvā॒ diśa॒ - stapa̭ āsīdgṛ॒hapa̭ti॒-ṣṣaṭpa̭ñcā॒śat)

(tubhya॒-moṃ)

|| hariḥ̭ om ||

|| taittirīya yajurbrāhmaṇe kāṭhake tṛtīya praśna-ssamāptaḥ ||

|| iti taittirīya yajurbrāhmaṇe kāṭhakaṃ samāptam ||