1.1 - Agnyadheyabrahmanam - Krishna Yajurveda Taittiriya Brahmana Pathah - Brahma Sandhattam

ॐ

1.1 - ಅಗ್ನ್ಯಾಧೇಯಬ್ರಾಹ್ಮಣಂ - ಕೃಷ್ಣ ಯಜುರ್ವೇದ ತೈತ್ತಿರೀಯ ಬ್ರಾಹ್ಮಣ ಪಾಠಃ - ಬ್ರಹ್ಮ ಸನ್ಧತ್ತಂ

Krishna Vedic Kannada

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕೇ ಪ್ರಥಮಃ ಪ್ರಪಾಠಕಃ - ಅಗ್ನ್ಯಾಧೇಯಬ್ರಾಹ್ಮಣಂ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಬ್ರಹ್ಮ॒ ಸನ್ಧ॑ತ್ತ॒-ನ್ತನ್ಮೇ॑ ಜಿನ್ವತಮ್ । ಕ್ಷ॒ತ್ರಗ್ಂ ಸನ್ಧ॑ತ್ತ॒-ನ್ತನ್ಮೇ॑ ಜಿನ್ವತಮ್ । ಇಷ॒ಗ್ಂ॒ ಸನ್ಧ॑ತ್ತ॒-ನ್ತಾ-ಮ್ಮೇ॑ ಜಿನ್ವತಮ್ । ಊರ್ಜ॒ಗ್ಂ॒ ಸನ್ಧ॑ತ್ತ॒-ನ್ತಾ-ಮ್ಮೇ॑ ಜಿನ್ವತಮ್ । ರ॒ಯಿಗ್ಂ ಸನ್ಧ॑ತ್ತ॒-ನ್ತಾ-ಮ್ಮೇ॑ ಜಿನ್ವತಮ್ । ಪುಷ್ಟಿ॒ಗ್ಂ॒ ಸನ್ಧ॑ತ್ತ॒-ನ್ತಾ-ಮ್ಮೇ॑ ಜಿನ್ವತಮ್ । ಪ್ರ॒ಜಾಗ್ಂ ಸನ್ಧ॑ತ್ತ॒-ನ್ತಾ-ಮ್ಮೇ॑ ಜಿನ್ವತಮ್ । ಪ॒ಶೂ-ನ್ಥ್ಸನ್ಧ॑ತ್ತ॒-ನ್ತಾನ್ಮೇ॑ ಜಿನ್ವತಮ್ ॥ ಸ್ತು॒ತೋ॑-ಽಸಿ॒ ಜನ॑ಧಾಃ । ದೇ॒ವಾಸ್ತ್ವಾ॑ ಶುಕ್ರ॒ಪಾಃ ಪ್ರಣ॑ಯನ್ತು ॥ 1 ॥

ಸು॒ವೀರಾಃ᳚ ಪ್ರ॒ಜಾಃ ಪ್ರ॑ಜ॒ನಯ॒-ನ್ಪರೀ॑ಹಿ । ಶು॒ಕ್ರ-ಶ್ಶು॒ಕ್ರಶೋ॑ಚಿಷಾ ॥ ಸ್ತು॒ತೋ॑-ಽಸಿ॒ ಜನ॑ಧಾಃ । ದೇ॒ವಾಸ್ತ್ವಾ॑ ಮನ್ಥಿ॒ಪಾಃ ಪ್ರಣ॑ಯನ್ತು ॥ ಸು॒ಪ್ರ॒ಜಾಃ ಪ್ರ॒ಜಾಃ ಪ್ರ॑ಜ॒ನಯ॒-ನ್ಪರೀ॑ಹಿ । ಮ॒ನ್ಥೀ ಮ॒ನ್ಥಿಶೋ॑ಚಿಷಾ ॥ಸ॒ಜ॒ಙ್ಗ್ಮಾ॒ನೌ ದಿ॒ವ ಆ ಪೃ॑ಥಿ॒ವ್ಯಾ-ಽಽಯುಃ॑ । ಸನ್ಧ॑ತ್ತ॒-ನ್ತನ್ಮೇ॑ ಜಿನ್ವತಮ್ । ಪ್ರಾ॒ಣಗ್ಂ ಸನ್ಧ॑ತ್ತ॒-ನ್ತ-ಮ್ಮೇ॑ ಜಿನ್ವತಮ್ । ಅ॒ಪಾ॒ನಗ್ಂ ಸನ್ಧ॑ತ್ತ॒-ನ್ತ-ಮ್ಮೇ॑ ಜಿನ್ವತಮ್ ॥ 2 ॥

ವ್ಯಾ॒ನಗ್ಂ ಸನ್ಧ॑ತ್ತ॒-ನ್ತ-ಮ್ಮೇ॑ ಜಿನ್ವತಮ್ । ಚಕ್ಷು॒-ಸ್ಸನ್ಧ॑ತ್ತ॒-ನ್ತನ್ಮೇ॑ ಜಿನ್ವತಮ್ । ಶ್ರೋತ್ರ॒ಗ್ಂ॒ ಸನ್ಧ॑ತ್ತ॒-ನ್ತನ್ಮೇ॑ ಜಿನ್ವತಮ್ । ಮನ॒-ಸ್ಸನ್ಧ॑ತ್ತ॒-ನ್ತನ್ಮೇ॑ ಜಿನ್ವತಮ್ । ವಾಚ॒ಗ್ಂ॒ ಸನ್ಧ॑ತ್ತ॒-ನ್ತಾ-ಮ್ಮೇ॑ ಜಿನ್ವತಮ್ ॥ ಆಯುಃ॑ ಸ್ಥ॒ ಆಯು॑ರ್ಮೇ ಧತ್ತಮ್ । ಆಯು॑-ರ್ಯ॒ಜ್ಞಾಯ॑ ಧತ್ತಮ್ । ಆಯು॑-ರ್ಯ॒ಜ್ಞಪ॑ತಯೇ ಧತ್ತಮ್ । ಪ್ರಾ॒ಣ-ಸ್ಸ್ಥಃ॑ ಪ್ರಾ॒ಣ-ಮ್ಮೇ॑ ಧತ್ತಮ್ । ಪ್ರಾ॒ಣಂ-ಯಁ॒ಜ್ಞಾಯ॑ ಧತ್ತಮ್ ॥ 3 ॥

ಪ್ರಾ॒ಣಂ-ಯಁ॒ಜ್ಞಪ॑ತಯೇ ಧತ್ತಮ್ । ಚಕ್ಷುಃ॑ ಸ್ಥ॒ಶ್ಚಕ್ಷು॑ರ್ಮೇ ಧತ್ತಮ್ । ಚಕ್ಷು॑-ರ್ಯ॒ಜ್ಞಾಯ॑ ಧತ್ತಮ್ । ಚಕ್ಷು॑-ರ್ಯ॒ಜ್ಞಪ॑ತಯೇ ಧತ್ತಮ್ । ಶ್ರೋತ್ರಗ್ಗ್॑ ಸ್ಥ॒-ಶ್ಶ್ರೋತ್ರ॑-ಮ್ಮೇ ಧತ್ತಮ್ । ಶ್ರೋತ್ರಂ॑-ಯಁ॒ಜ್ಞಾಯ॑ ಧತ್ತಮ್ । ಶ್ರೋತ್ರಂ॑-ಯಁ॒ಜ್ಞಪ॑ತಯೇ ಧತ್ತಮ್ । ತೌ ದೇ॑ವೌ ಶುಕ್ರಾಮನ್ಥಿನೌ ।ಕ॒ಲ್ಪಯ॑ತ॒-ನ್ದೈವೀ॒ರ್ವಿಶಃ॑ । ಕ॒ಲ್ಪಯ॑ತ॒-ಮ್ಮಾನು॑ಷೀಃ ॥ 4 ॥

ಇಷ॒-ಮೂರ್ಜ॑ಮ॒ಸ್ಮಾಸು॑ ಧತ್ತಮ್ । ಪ್ರಾ॒ಣಾ-ನ್ಪ॒ಶುಷು॑ । ಪ್ರ॒ಜಾ-ಮ್ಮಯಿ॑ ಚ॒ ಯಜ॑ಮಾನೇ ಚ ॥ ನಿರ॑ಸ್ತ॒-ಶ್ಶಣ್ಡಃ॑ । ನಿರ॑ಸ್ತೋ॒ ಮರ್ಕಃ॑ ॥ ಅಪ॑ನುತ್ತೌ॒ ಶಣ್ಡಾ॒ಮರ್ಕೌ॑ ಸ॒ಹಾಮುನಾ᳚ ॥ ಶು॒ಕ್ರಸ್ಯ॑ ಸ॒ಮಿದ॑ಸಿ । ಮ॒ನ್ಥಿನಃ॑ ಸ॒ಮಿದ॑ಸಿ ॥ ಸ ಪ್ರ॑ಥ॒ಮ-ಸ್ಸಙ್ಕೃ॑ತಿ-ರ್ವಿ॒ಶ್ವಕ॑ರ್ಮಾ । ಸ ಪ್ರ॑ಥ॒ಮೋ ಮಿ॒ತ್ರೋ ವರು॑ಣೋ ಅ॒ಗ್ನಿಃ । ಸ ಪ್ರ॑ಥ॒ಮೋ ಬೃಹ॒ಸ್ಪತಿ॑ಶ್ಚಿಕಿ॒ತ್ವಾನ್ । ತಸ್ಮಾ॒ ಇನ್ದ್ರಾ॑ಯ ಸು॒ತಮಾಜು॑ಹೋಮಿ ॥ 5 ॥

(ನ॒ಯ॒ - ನ್ತ್ವ॒ಪಾ॒ನಗ್ಂ ಸನ್ಧ॑ತ್ತಂ॒ ತ-ಮ್ಮೇ॑ ಜಿನ್ವತಂ - ಪ್ರಾ॒ಣಂ-ಯಁ॒ಜ್ಞಾಯ॑ ಧತ್ತಂ॒ - ಮಾನು॑ಷೀ--ರ್ ಅ॒ಗ್ನಿ-ರ್ದ್ವೇ ಚ॑) (ಅ. 1)

ಬ್ರಹ್ಮ॑ ಕ್ಷ॒ತ್ರ-ನ್ತತ್ । ಇಷ॒ಮೂರ್ಜಗ್ಂ॑ ರ॒ಯಿ-ಮ್ಪುಷ್ಟಿ॑-ಮ್ಪ್ರ॒ಜಾ-ನ್ತಾಮ್ । ಪ॒ಶು-ನ್ತಾನ್ । ಸನ್ಧ॑ತ್ತ॒-ನ್ತತ್ । ಪ್ರಾ॒ಣಮ॑ಪಾ॒ನಂ-ವ್ಯಾಁ॒ನ-ನ್ತಮ್ । ಚಕ್ಷು॒-ಶ್ಶ್ರೋತ್ರ॒-ಮ್ಮನ॒ಸ್ತತ್ । ವಾಚ॒-ನ್ತಾಮ್ । ಇ॒ಷಾದಿ॒ಪಞ್ಚ॑ಕೇ॒ ವಾಚ॒-ನ್ತಾ-ಮ್ಮೇ᳚ । ಪ॒ಶೂ-ನ್ಥ್ಸನ್ಧ॑ತ್ತ॒-ನ್ತಾನ್ಮೇ᳚ । ಪ್ರಾ॒ಣಾದಿ॒ತ್ರಿತ॑ಯೇ॒ ತ-ಮ್ಮೇ᳚ । ಅ॒ನ್ಯತ್ರ॒ ತನ್ಮೇ᳚ । )

ಕೃತ್ತಿ॑ಕಾ-ಸ್ವ॒ಗ್ನಿ-ಮಾದ॑ಧೀತ । ಏ॒ತದ್ವಾ ಅ॒ಗ್ನೇ-ರ್ನಕ್ಷ॑ತ್ರಮ್ । ಯ-ತ್ಕೃತ್ತಿ॑ಕಾಃ । ಸ್ವಾಯಾ॑ಮೇ॒ವೈನ॑-ನ್ದೇ॒ವತಾ॑ಯಾಮಾ॒ಧಾಯ॑ । ಬ್ರ॒ಹ್ಮ॒ವ॒ರ್ಚ॒ಸೀ ಭ॑ವತಿ ॥ ಮುಖಂ॒-ವಾಁ ಏ॒ತನ್ನಕ್ಷ॑ತ್ರಾಣಾಮ್ । ಯ-ತ್ಕೃತ್ತಿ॑ಕಾಃ । ಯಃ ಕೃತ್ತಿ॑ಕಾ-ಸ್ವ॒ಗ್ನಿ-ಮಾ॑ಧ॒ತ್ತೇ । ಮುಖ್ಯ॑ ಏ॒ವ ಭ॑ವತಿ ॥ ಅಥೋ॒ ಖಲು॑ ॥ 6 ॥

ಅ॒ಗ್ನಿ॒-ನ॒ಕ್ಷ॒ತ್ರಮಿತ್ಯ-ಪ॑ಚಾಯನ್ತಿ । ಗೃ॒ಹಾನಃಅ॒ ದಾಹು॑ಕೋ ಭವತಿ ॥ ಪ್ರ॒ಜಾಪ॑ತೀ ರೋಹಿ॒ಣ್ಯಾ-ಮ॒ಗ್ನಿ-ಮ॑ಸೃಜತ । ತ-ನ್ದೇ॒ವಾ ರೋ॑ಹಿ॒ಣ್ಯಾ-ಮಾದ॑ಧತ । ತತೋ॒ ವೈ ತೇ ಸರ್ವಾ॒-ನ್ರೋಹಾ॑ನರೋಹನ್ನ್ । ತ-ದ್ರೋ॑ಹಿ॒ಣ್ಯೈ ರೋ॑ಹಿಣಿ॒ತ್ವಮ್ । ಯೋ ರೋ॑ಹಿ॒ಣ್ಯಾ-ಮ॒ಗ್ನಿಮಾ॑ಧ॒ತ್ತೇ । ಋ॒ಧ್ನೋತ್ಯೇ॒ವ । ಸರ್ವಾ॒-ನ್ರೋಹಾ᳚ನ್-ರೋಹತಿ ॥ ದೇ॒ವಾ ವೈ ಭ॒ದ್ರಾ-ಸ್ಸನ್ತೋ॒-ಽಗ್ನಿ-ಮಾಧಿ॑ಥ್ಸನ್ತ ॥ 7 ॥

ತೇಷಾ॒ಮನಾ॑ಹಿತೋ॒ ಽಗ್ನಿರಾಸೀ᳚ತ್ । ಅಥೈ᳚ಭ್ಯೋ ವಾ॒ಮಂ-ವಁಸ್ವಪಾ᳚ಕ್ರಾಮತ್ । ತೇ ಪುನ॑ರ್ವಸ್ವೋ॒ರಾದ॑ಧತ । ತತೋ॒ ವೈ ತಾನ್ ವಾ॒ಮಂ-ವಁಸೂ॒ಪಾವ॑ರ್ತತ । ಯಃ ಪು॒ರಾ ಭ॒ದ್ರ-ಸ್ಸಮ್ಪಾಪೀ॑ಯಾ॒-ನ್ಥ್ಸ್ಯಾತ್ । ಸ ಪುನ॑ರ್ವಸ್ವೋ-ರ॒ಗ್ನಿ-ಮಾದ॑ಧೀತ । ಪುನ॑ರೇ॒ವೈನಂ॑-ವಾಁ॒ಮಂ-ವಁಸೂ॒ಪಾವ॑ರ್ತತೇ । ಭ॒ದ್ರೋ ಭ॑ವತಿ ॥ ಯಃ ಕಾ॒ಮಯೇ॑ತ॒ ದಾನ॑ಕಾಮಾ ಮೇ ಪ್ರ॒ಜಾ-ಸ್ಸ್ಯು॒ರಿತಿ॑ । ಸ ಪೂರ್ವ॑ಯೋಃ॒ ಫಲ್ಗು॑ನ್ಯೋ-ರ॒ಗ್ನಿ-ಮಾದ॑ಧೀತ ॥ 8 ॥

ಅ॒ರ್ಯ॒ಮ್ಣೋ ವಾ ಏ॒ತನ್ನಕ್ಷ॑ತ್ರಮ್ । ಯತ್ಪೂರ್ವೇ॒ ಫಲ್ಗು॑ನೀ । ಅ॒ರ್ಯ॒ಮೇತಿ॒ ತಮಾ॑ಹು॒ರ್ಯೋ ದದಾ॑ತಿ । ದಾನ॑ಕಾಮಾ ಅಸ್ಮೈ ಪ್ರ॒ಜಾ ಭ॑ವನ್ತಿ ॥ ಯಃ ಕಾ॒ಮಯೇ॑ತ ಭ॒ಗೀ ಸ್ಯಾ॒ಮಿತಿ॑ । ಸ ಉತ್ತ॑ರಯೋಃ॒ ಫಲ್ಗು॑ನ್ಯೋ-ರ॒ಗ್ನಿಮಾದ॑ಧೀತ । ಭಗ॑ಸ್ಯ॒ ವಾ ಏ॒ತನ್ನಕ್ಷ॑ತ್ರಮ್ । ಯದುತ್ತ॑ರೇ॒ ಫಲ್ಗು॑ನೀ । ಭ॒ಗ್ಯೇ॑ವ ಭ॑ವತಿ ॥ ಕಾ॒ಲ॒ಕ॒ಞ್ಜಾ ವೈ ನಾಮಾಸು॑ರಾ ಆಸನ್ನ್ ॥ 9 ॥

ತೇ ಸು॑ವ॒ರ್ಗಾಯ॑ ಲೋ॒ಕಾಯಾ॒ಗ್ನಿ-ಮ॑ಚಿನ್ವತ । ಪುರು॑ಷ॒ ಇಷ್ಟ॑ಕಾ॒-ಮುಪಾ॑ದಧಾ॒ತ್-ಪುರು॑ಷ॒ ಇಷ್ಟ॑ಕಾಮ್ । ಸ ಇನ್ದ್ರೋ᳚ ಬ್ರಾಹ್ಮ॒ಣೋ ಬ್ರುವಾ॑ಣ॒ ಇಷ್ಟ॑ಕಾ॒ಮುಪಾ॑ಧತ್ತ । ಏ॒ಷಾ ಮೇ॑ ಚಿ॒ತ್ರಾ ನಾಮೇತಿ॑ । ತೇ ಸು॑ವ॒ರ್ಗಂ-ಲೋಁ॒ಕಮಾಪ್ರಾರೋ॑ಹನ್ನ್ । ಸ ಇನ್ದ್ರ॒ ಇಷ್ಟ॑ಕಾ॒ಮಾವೃ॑ಹತ್ । ತೇ-ಽವಾ॑ಕೀರ್ಯನ್ತ । ಯೇ॑-ಽವಾಕೀ᳚ರ್ಯನ್ತ । ತ ಊರ್ಣಾ॒ವಭ॑ಯೋ-ಽಭವನ್ನ್ । ದ್ವಾವುದ॑ಪತತಾಮ್ ॥ 10 ॥

ತೌ ದಿ॒ವ್ಯೌ ಶ್ವಾನಾ॑ವಭವತಾಮ್ । ಯೋ ಭ್ರಾತೃ॑ವ್ಯವಾ॒-ನ್ಥ್ಸ್ಯಾತ್ । ಸ ಚಿ॒ತ್ರಾಯಾ॑-ಮ॒ಗ್ನಿ-ಮಾದ॑ಧೀತ । ಅ॒ವ॒ಕೀರ್ಯೈ॒ವ ಭ್ರಾತೃ॑ವ್ಯಾನ್ । ಓಜೋ॒ ಬಲ॑ಮಿನ್ದ್ರಿ॒ಯಂ-ವೀಁ॒ರ್ಯ॑ಮಾ॒ತ್ಮನ್-ಧ॑ತ್ತೇ ॥ ವ॒ಸನ್ತಾ᳚ ಬ್ರಾಹ್ಮ॒ಣೋ᳚ ಽಗ್ನಿಮಾದ॑ಧೀತ । ವ॒ಸ॒ನ್ತೋ ವೈ ಬ್ರಾ᳚ಹ್ಮ॒ಣಸ್ಯ॒ರ್ತುಃ । ಸ್ವ ಏ॒ವೈನ॑-ಮೃ॒ತಾವಾ॒ಧಾಯ॑ । ಬ್ರ॒ಹ್ಮ॒ವ॒ರ್ಚ॒ಸೀ ಭ॑ವತಿ । ಮುಖಂ॒-ವಾಁ ಏ॒ತದೃ॑ತೂ॒ನಾಮ್ ॥ 11 ॥

ಯ-ದ್ವ॑ಸ॒ನ್ತಃ । ಯೋ ವ॒ಸನ್ತಾ॒-ಽಗ್ನಿಮಾ॑ಧ॒ತ್ತೇ । ಮುಖ್ಯ॑ ಏ॒ವ ಭ॑ವತಿ । ಅಥೋ॒ ಯೋನಿ॑ಮನ್ತಮೇ॒ವೈನ॒-ಮ್ಪ್ರಜಾ॑ತ॒ಮಾಧ॑ತ್ತೇ । ಗ್ರೀ॒ಷ್ಮೇ ರಾ॑ಜ॒ನ್ಯ॑ ಆದ॑ಧೀತ । ಗ್ರೀ॒ಷ್ಮೋ ವೈ ರಾ॑ಜ॒ನ್ಯ॑ಸ್ಯ॒ರ್ತುಃ । ಸ್ವ ಏ॒ವೈನ॑ಮೃ॒ತಾವಾ॒ಧಾಯ॑ । ಇ॒ನ್ದ್ರಿ॒ಯಾ॒ವೀ ಭ॑ವತಿ । ಶ॒ರದಿ॒ ವೈಶ್ಯ॒ ಆದ॑ಧೀತ । ಶ॒ರದ್ವೈ ವೈಶ್ಯ॑ಸ್ಯ॒ರ್ತುಃ ॥ 12 ॥

ಸ್ವ ಏ॒ವೈನ॑ಮೃ॒ತಾವಾ॒ಧಾಯ॑ । ಪ॒ಶು॒ಮಾ-ನ್ಭ॑ವತಿ ॥ ನ ಪೂರ್ವ॑ಯೋಃ॒ ಫಲ್ಗು॑ನ್ಯೋ-ರ॒ಗ್ನಿಮಾದ॑ಧೀತ । ಏ॒ಷಾ ವೈ ಜ॑ಘ॒ನ್ಯಾ॑ ರಾತ್ರಿಃ॑ ಸಂವಁಥ್ಸ॒ರಸ್ಯ॑ । ಯತ್ಪೂರ್ವೇ॒ ಫಲ್ಗು॑ನೀ । ಪೃ॒ಷ್ಟಿ॒ತ ಏ॒ವ ಸಂ॑ವಁಥ್ಸ॒ರಸ್ಯಾ॒-ಗ್ನಿಮಾ॒ಧಾಯ॑ । ಪಾಪೀ॑ಯಾನ್-ಭವತಿ । ಉತ್ತ॑ರಯೋ॒ರಾದ॑ಧೀತ । ಏ॒ಷಾ ವೈ ಪ್ರ॑ಥ॒ಮಾ ರಾತ್ರಿಃ॑ ಸಂವಁಥ್ಸ॒ರಸ್ಯ॑ । ಯದುತ್ತ॑ರೇ॒ ಫಲ್ಗು॑ನೀ । ಮು॒ಖ॒ತ ಏ॒ವ ಸಂ॑ವಁಥ್ಸ॒ರಸ್ಯಾ॒-ಗ್ನಿಮಾ॒ಧಾಯ॑ । ವಸೀ॑ಯಾ-ನ್ಭವತಿ ॥ ಅಥೋ॒ ಖಲು॑ । ಯ॒ದೈವೈನಂ॑-ಯಁ॒ಜ್ಞ ಉ॑ಪ॒ನಮೇ᳚ತ್ । ಅಥಾದ॑ಧೀತ । ಸೈವಾಸ್ಯರ್ಧಿಃ॑ ॥ 13 ॥

(ಖಲ್ವಾ॑ - ಧಿಥ್ಸನ್ತ॒ - ಫಲ್ಗು॑ನ್ಯೋರ॒ಗ್ನಿಮಾದ॑ಧೀತಾ - ಸನ್ - ನಪತತಾ - ಮತೂ॒ನಾಂ - ಁವೈಶ್ಯ॑ಸ್ಯ॒ರ್ತು - ರುತ್ತ॑ರೇ॒ ಫಲ್ಗು॑ನೀ॒ ಷಟ್ ಚ॑) (ಅ. 2)

ಉದ್ಧ॑ನ್ತಿ । ಯದೇ॒ವಾಸ್ಯಾ॑ ಅಮೇ॒ದ್ಧ್ಯಮ್ । ತದಪ॑ ಹನ್ತಿ ॥ ಅ॒ಪೋ-ಽವೋ᳚ಕ್ಷತಿ॒ ಶಾನ್ತ್ಯೈ᳚ ॥ ಸಿಕ॑ತಾ॒ ನಿವ॑ಪತಿ । ಏ॒ತದ್ವಾ ಅ॒ಗ್ನೇ-ರ್ವೈ᳚ಶ್ವಾನ॒ರಸ್ಯ॑ ರೂ॒ಪಮ್ । ರೂ॒ಪೇಣೈ॒ವ ವೈ᳚ಶ್ವಾನ॒ರಮವ॑-ರುನ್ಧೇ ॥ ಊಷಾ॒-ನ್ನಿವ॑ಪತಿ । ಪುಷ್ಟಿ॒ರ್ವಾ ಏ॒ಷಾ ಪ್ರ॒ಜನ॑ನಮ್ । ಯದೂಷಾಃ᳚ ॥ 14 ॥

ಪುಷ್ಟ್ಯಾ॑ಮೇ॒ವ ಪ್ರ॒ಜನ॑ನೇ॒ ಽಗ್ನಿಮಾಧ॑ತ್ತೇ । ಅಥೋ॑ ಸ॒ಞ್ಜ್ಞಾನ॑ ಏ॒ವ । ಸ॒-ಞ್ಜ್ಞಾನ॒ಗ್ಗ್॒ ಹ್ಯೇ॑ತ-ತ್ಪ॑ಶೂ॒ನಾಮ್ । ಯದೂಷಾಃ᳚ ॥ ದ್ಯಾವಾ॑ಪೃಥಿ॒ವೀ ಸ॒ಹಾಸ್ತಾ᳚ಮ್ । ತೇ ವಿ॑ಯ॒ತೀ ಅ॑ಬ್ರೂತಾಮ್ । ಅಸ್ತ್ವೇ॒ವ ನೌ॑ ಸ॒ಹ ಯ॒ಜ್ಞಿಯ॒ಮಿತಿ॑ । ಯದ॒ಮುಷ್ಯಾ॑ ಯ॒ಜ್ಞಿಯ॒ಮಾಸೀ᳚ತ್ । ತದ॒ಸ್ಯಾ-ಮ॑ದಧಾತ್ । ತ ಊಷಾ॑ ಅಭವನ್ನ್ ॥ 15 ॥

ಯದ॒ಸ್ಯಾ ಯ॒ಜ್ಞಿಯ॒ಮಾಸೀ᳚ತ್ । ತದ॒ಮುಷ್ಯಾ॑-ಮದಧಾತ್ । ತದ॒ದಶ್ಚ॒ನ್ದ್ರಮ॑ಸಿ ಕೃ॒ಷ್ಣಮ್ । ಊಷಾ᳚ನ್ನಿ॒ವಪ॑ನ್ನ॒ದೋ ದ್ಧ್ಯಾ॑ಯೇತ್ । ದ್ಯಾವಾ॑ಪೃಥಿ॒ವ್ಯೋರೇ॒ವ ಯ॒ಜ್ಞಿಯೇ॒-ಽಗ್ನಿಮಾಧ॑ತ್ತೇ ॥ ಅ॒ಗ್ನಿರ್ದೇ॒ವೇಭ್ಯೋ॒ ನಿಲಾ॑ಯತ । ಆ॒ಖೂ ರೂ॒ಪ-ಙ್ಕೃ॒ತ್ವಾ । ಸ ಪೃ॑ಥಿ॒ವೀ-ಮ್ಪ್ರಾವಿ॑ಶತ್ । ಸ ಊ॒ತೀಃ ಕು॑ರ್ವಾ॒ಣಃ ಪೃ॑ಥಿ॒ವೀಮನು॒ ಸಮ॑ಚರತ್ । ತದಾ॑ಖುಕರೀ॒ಷ-ಮ॑ಭವತ್ ॥ 16 ॥

ಯದಾ॑ಖುಕರೀ॒ಷಗ್ಂ ಸ॑ಭಾಂ॒ರೋ ಭವ॑ತಿ । ಯದೇ॒ವಾಸ್ಯ॒ ತತ್ರ॒ ನ್ಯ॑ಕ್ತಮ್ । ತದೇ॒ವಾವ॑ರುನ್ಧೇ ॥ ಊರ್ಜಂ॒-ವಾಁ ಏ॒ತಗ್ಂ ರಸ॑-ಮ್ಪೃಥಿ॒ವ್ಯಾ ಉ॑ಪ॒ದೀಕಾ॒ ಉದ್ದಿ॑ಹನ್ತಿ । ಯ-ದ್ವ॒ಲ್ಮೀಕ᳚ಮ್ । ಯ-ದ್ವ॑ಲ್ಮೀಕವ॒ಪಾ ಸ॑ಭಾಂ॒ರೋ ಭವ॑ತಿ । ಊರ್ಜ॑ಮೇ॒ವ ರಸ॑-ಮ್ಪೃಥಿ॒ವ್ಯಾ ಅವ॑ರುನ್ಧೇ । ಅಥೋ॒ ಶ್ರೋತ್ರ॑ಮೇ॒ವ । ಶ್ರೋತ್ರ॒ಗ್ಗ್॒ ಹ್ಯೇ॑ತ-ತ್ಪೃ॑ಥಿ॒ವ್ಯಾಃ । ಯ-ದ್ವ॒ಲ್ಮೀಕಃ॑ ॥ 17 ॥

ಅಬ॑ಧಿರೋ ಭವತಿ । ಯ ಏ॒ವಂ-ವೇಁದ॑ ॥ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ । ತಾಸಾ॒ಮನ್ನ॒-ಮುಪಾ᳚ಕ್ಷೀಯತ । ತಾಭ್ಯ॒-ಸ್ಸೂದ॒ಮುಪ॒ ಪ್ರಾಭಿ॑ನತ್ । ತತೋ॒ ವೈ ತಾಸಾ॒ಮನ್ನ॒-ನ್ನಾಕ್ಷೀ॑ಯತ । ಯಸ್ಯ॒ ಸೂದಃ॑ ಸಮ್ಭಾ॒ರೋ ಭವ॑ತಿ । ನಾಸ್ಯ॑ ಗೃ॒ಹೇ-ಽನ್ನ॑-ಙ್ಕ್ಷೀಯತೇ ॥ ಆಪೋ॒ ವಾ ಇ॒ದಮಗ್ರೇ॑ ಸಲಿ॒ಲಮಾ॑ಸೀತ್ । ತೇನ॑ ಪ್ರ॒ಜಾಪ॑ತಿರಶ್ರಾಮ್ಯತ್ ॥ 18 ॥

ಕ॒ಥಮಿ॒ದಗ್ಗ್ ಸ್ಯಾ॒ದಿತಿ॑ । ಸೋ॑-ಽಪಶ್ಯ-ತ್ಪುಷ್ಕರಪ॒ರ್ಣ-ನ್ತಿಷ್ಠ॑ತ್ । ಸೋ॑-ಽಮನ್ಯತ । ಅಸ್ತಿ॒ ವೈ ತತ್ । ಯಸ್ಮಿ॑-ನ್ನಿ॒ದಮಧಿ॒ ತಿಷ್ಠ॒ತೀತಿ॑ । ಸ ವ॑ರಾ॒ಹೋ ರೂ॒ಪ-ಙ್ಕೃ॒ತ್ವೋಪ॒ನ್ಯ॑ಮಜ್ಜತ್ । ಸ ಪೃ॑ಥಿ॒ವೀಮ॒ಧ ಆ᳚ರ್ಚ್ಛತ್ । ತಸ್ಯಾ॑ ಉಪ॒ಹತ್ಯೋದ॑ಮಜ್ಜತ್ । ತ-ತ್ಪು॑ಷ್ಕರಪ॒ರ್ಣೇ᳚ ಽಪ್ರಥಯತ್ । ಯದಪ್ರ॑ಥಯತ್ ॥ 19 ॥

ತ-ತ್ಪೃ॑ಥಿ॒ವ್ಯೈ ಪೃ॑ಥಿವಿ॒ತ್ವಮ್ । ಅಭೂ॒ದ್ವಾ ಇ॒ದಮಿತಿ॑ । ತದ್ಭೂಮ್ಯೈ॑ ಭೂಮಿ॒ತ್ವಮ್ । ತಾ-ನ್ದಿಶೋ-ಽನು॒ ವಾತ॒-ಸ್ಸಮ॑ವಹತ್ । ತಾಗ್ಂ ಶರ್ಕ॑ರಾಭಿರದೃಗ್ಂ ಹತ್ । ಶಂ-ವೈಁ ನೋ॑-ಽಭೂ॒ದಿತಿ॑ । ತಚ್ಛರ್ಕ॑ರಾಣಾಗ್ಂ ಶರ್ಕರ॒ತ್ವಮ್ । ಯ-ದ್ವ॑ರಾ॒ಹವಿ॑ಹತಗ್ಂ ಸಮ್ಭಾ॒ರೋ ಭವ॑ತಿ । ಅ॒ಸ್ಯಾಮೇ॒ವಾ-ಛ॑ಮ್ಬಟ್ಕಾರಮ॒ಗ್ನಿ-ಮಾಧ॑ತ್ತೇ । ಶರ್ಕ॑ರಾ ಭವನ್ತಿ॒ ಧೃತ್ಯೈ᳚ ॥ 20 ॥

ಅಥೋ॑ ಶ॒ತ್ವಾಂಯಁ॑ ॥ ಸರೇ॑ತಾ ಅ॒ಗ್ನಿರಾ॒ಧೇಯ॒ ಇತ್ಯಾ॑ಹುಃ । ಆಪೋ॒ ವರು॑ಣಸ್ಯ॒ ಪತ್ನ॑ಯ ಆಸನ್ನ್ । ತಾ ಅ॒ಗ್ನಿರ॒ಭ್ಯ॑ದ್ಧ್ಯಾಯತ್ । ತಾ-ಸ್ಸಮ॑ಭವತ್ । ತಸ್ಯ॒ ರೇತಃ॒ ಪರಾ॑-ಽಪತತ್ । ತದ್ಧಿರ॑ಣ್ಯ-ಮಭವತ್ । ಯದ್ಧಿರ॑ಣ್ಯ-ಮು॒ಪಾಸ್ಯ॑ತಿ । ಸರೇ॑ತಸಮೇ॒ವಾಗ್ನಿ-ಮಾಧ॑ತ್ತೇ ॥ ಪುರು॑ಷ॒ ಇನ್ವೈ ಸ್ವಾ-ದ್ರೇತ॑ಸೋ ಬೀಭಥ್ಸತ॒ ಇತ್ಯಾ॑ಹುಃ ॥ 21 ॥

ಉ॒ತ್ತ॒ರ॒ತ ಉಪಾ᳚ಸ್ಯ॒ತ್ಯ-ಬೀ॑ಭಥ್ಸಾಯೈ ॥ ಅತಿ॒ ಪ್ರಯ॑ಚ್ಛತಿ । ಆರ್ತಿ॑ಮೇ॒ವಾತಿ॒ ಪ್ರಯ॑ಚ್ಛತಿ ॥ ಅ॒ಗ್ನಿರ್ದೇ॒ವೇಭ್ಯೋ॒ ನಿಲಾ॑ಯತ । ಅಶ್ವೋ॑ ರೂ॒ಪ-ಙ್ಕೃ॒ತ್ವಾ । ಸೋ᳚-ಽಶ್ವ॒ತ್ಥೇ ಸಂ॑ವಁಥ್ಸ॒ರ-ಮ॑ತಿಷ್ಠತ್ । ತದ॑ಶ್ವ॒ತ್ಥಸ್ಯಾ᳚-ಶ್ವತ್ಥ॒ತ್ವಮ್ । ಯದಾಶ್ವ॑ತ್ಥ-ಸ್ಸಮ್ಭಾ॒ರೋ ಭವ॑ತಿ । ಯದೇ॒ವಾಸ್ಯ॒ ತತ್ರ॒ ನ್ಯ॑ಕ್ತಮ್ । ತದೇ॒ವಾವ॑-ರುನ್ಧೇ ॥ 22 ॥

ದೇ॒ವಾ ವಾ ಊರ್ಜಂ॒-ವ್ಯಁ॑ಭಜನ್ತ । ತತ॑ ಉದು॒ಮ್ಬರ॒ ಉದ॑ತಿಷ್ಠತ್ । ಊರ್ಗ್ವಾ ಉ॑ದು॒ಮ್ಬರಃ॑ । ಯದೌದು॑ಮ್ಬರ-ಸ್ಸಮ್ಭಾ॒ರೋ ಭವ॑ತಿ । ಊರ್ಜ॑ಮೇ॒ವಾವ॑-ರುನ್ಧೇ ॥ ತೃ॒ತೀಯ॑ಸ್ಯಾಮಿ॒ತೋ ದಿ॒ವಿ ಸೋಮ॑ ಆಸೀತ್ । ತ-ಙ್ಗಾ॑ಯ॒ತ್ರ್ಯಾಹ॑ರತ್ । ತಸ್ಯ॑ ಪ॒ರ್ಣಮ॑ಚ್ಛಿದ್ಯತ । ತತ್ಪ॒ರ್ಣೋ॑ ಽಭವತ್ । ತ-ತ್ಪ॒ರ್ಣಸ್ಯ॑ ಪರ್ಣ॒ತ್ವಮ್ ॥ 23 ॥

ಯಸ್ಯ॑ ಪರ್ಣ॒ಮಯಃ॑ ಸಮ್ಭಾ॒ರೋ ಭವ॑ತಿ । ಸೋ॒ಮ॒ಪೀ॒ಥಮೇ॒ವಾವ॑ ರುನ್ಧೇ ॥ ದೇ॒ವಾ ವೈ ಬ್ರಹ್ಮ॑ನ್ನವದನ್ತ । ತ-ತ್ಪ॒ರ್ಣ ಉಪಾ॑ಶೃಣೋತ್ । ಸು॒ಶ್ರವಾ॒ ವೈ ನಾಮ॑ । ಯ-ತ್ಪ॑ರ್ಣ॒ಮಯಃ॑ ಸಮ್ಭಾ॒ರೋ ಭವ॑ತಿ । ಬ್ರ॒ಹ್ಮ॒ವ॒ರ್ಚ॒ಸಮೇ॒ವಾವ॑ ರುನ್ಧೇ ॥ ಪ್ರ॒ಜಾಪ॑ತಿ-ರ॒ಗ್ನಿ-ಮ॑ಸೃಜತ । ಸೋ॑-ಽಬಿಭೇ॒ತ್ಪ್ರ ಮಾ॑ ಧಕ್ಷ್ಯ॒ತೀತಿ॑ । ತಗ್ಂ ಶ॒ಮ್ಯಾ॑-ಽಶಮಯತ್ ॥ 24 ॥

ತಚ್ಛ॒ಮ್ಯೈ॑ ಶಮಿ॒ತ್ವಮ್ । ಯಚ್ಛ॑ಮೀ॒ಮಯಃ॑ ಸಮ್ಭಾ॒ರೋ ಭವ॑ತಿ । ಶಾನ್ತ್ಯಾ॒ ಅಪ್ರ॑ದಾಹಾಯ ॥ ಅ॒ಗ್ನೇ-ಸ್ಸೃ॒ಷ್ಟಸ್ಯ॑ ಯ॒ತಃ । ವಿಕ॑ಙ್ಕತ॒-ಮ್ಭಾ ಆ᳚ರ್ಚ್ಛತ್ । ಯ-ದ್ವೈಕ॑ಙ್ಕತ-ಸ್ಸಮ್ಭಾ॒ರೋ ಭವ॑ತಿ । ಭಾ ಏ॒ವಾವ॑ರುನ್ಧೇ ॥ ಸಹೃ॑ದಯೋ॒ ಽಗ್ನಿರಾ॒ಧೇಯ॒ ಇತ್ಯಾ॑ಹುಃ । ಮ॒ರುತೋ॒-ಽದ್ಭಿರ॒ಗ್ನಿ-ಮ॑ತಮಯನ್ನ್ । ತಸ್ಯ॑ ತಾ॒ನ್ತಸ್ಯ॒ ಹೃದ॑ಯ॒ಮಾಚ್ಛಿ॑ನ್ದನ್ನ್ । ಸಾ-ಽಶನಿ॑ರಭವತ್ । ಯದ॒ಶನಿ॑ಹತಸ್ಯ ವೃ॒ಕ್ಷಸ್ಯ॑ ಸಮ್ಭಾ॒ರೋ ಭವ॑ತಿ ।ಸಹೃ॑ದಯ-ಮೇ॒ವಾಗ್ನಿ-ಮಾಧ॑ತ್ತೇ ॥ 25 ॥

(ಊಷಾ॑ - ಅಭವನ್ - ನಭವ-ದ್- ವ॒ಲ್ಮೀಕ್ರೋ᳚ - ಽಶ್ರಾಮ್ಯ॒ - ದಪ್ರ॑ಥಯ॒ - ದ್ಧೃತ್ಯೈ॑ - ಬೀಭಥ್ಸತ॒ ಇತ್ಯಾ॑ಹು - ರುನ್ಧೇ - ಪರ್ಣ॒ತ್ವ - ಮ॑ಶಮಯದ - ಚ್ಛಿನ್ದ॒ಗ್ಗ್॒ ಸ್ತ್ರೀಣಿ॑ ಚ) (ಅ. 3)

ದ್ವಾ॒ದ॒ಶಸು॑ ವಿಕ್ರಾ॒ಮೇಷ್ವ॒ಗ್ನಿಮಾದ॑ಧೀತ । ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರಃ । ಸಂ॒ವಁ॒ಥ್ಸ॒ರಾ-ದೇ॒ವೈನ॑-ಮವ॒ರುದ್ಧ್ಯಾ-ಧ॑ತ್ತೇ ॥ ಯ-ದ್ದ್ವಾ॑ದ॒ಶಸು॑ ವಿಕ್ರಾ॒ಮೇ-ಷ್ವಾ॒ದಧೀ॑ತ । ಪರಿ॑ಮಿತ॒ಮವ॑ರುನ್ಧೀತ । ಚಕ್ಷು॑-ರ್ನಿಮಿತ॒ ಆದ॑ಧೀತ । ಇಯ॒-ದ್ದ್ವಾದ॑ಶ ವಿಕ್ರಾ॒ಮಾ(3) ಇತಿ॑ । ಪರಿ॑ಮಿತ-ಞ್ಚೈ॒ವಾಪ॑ರಿಮಿತ॒-ಞ್ಚಾವ॑ರುನ್ಧೇ ॥ ಅನೃ॑ತಂ॒-ವೈಁ ವಾ॒ಚಾ ವ॑ದತಿ । ಅನೃ॑ತ॒-ಮ್ಮನ॑ಸಾ ದ್ಧ್ಯಾಯತಿ ॥ 26 ॥

ಚಕ್ಷು॒-ರ್ವೈ ಸ॒ತ್ಯಮ್ । ಅದ್ರಾ(3)ಗಿತ್ಯಾ॑ಹ । ಅದ॑ರ್ಶ॒ಮಿತಿ॑ । ತ-ಥ್ಸ॒ತ್ಯಮ್ । ಯಶ್ಚಕ್ಷು॑-ರ್ನಿಮಿತೇ॒-ಽಗ್ನಿ-ಮಾ॑ಧ॒ತ್ತೇ । ಸ॒ತ್ಯ ಏ॒ವೈನ॒-ಮಾಧ॑ತ್ತೇ ॥ ತಸ್ಮಾ॒ದಾಹಿ॑ತಾಗ್ನಿ॒ರ್ನಾನೃ॑ತಂ-ವಁದೇತ್ । ನಾಸ್ಯ॑ ಬ್ರಾಹ್ಮ॒ಣೋ-ಽನಾ᳚ಶ್ವಾ-ನ್ಗೃ॒ಹೇ ವ॑ಸೇತ್ । ಸ॒ತ್ಯೇ ಹ್ಯ॑ಸ್ಯಾ॒ಗ್ನಿರಾಹಿ॑ತಃ ॥ ಆ॒ಗ್ನೇ॒ಯೀ ವೈ ರಾತ್ರಿಃ॑ ॥ 27 ॥

ಆ॒ಗ್ನೇ॒ಯಾಃ ಪ॒ಶವಃ॑ । ಐ॒ನ್ದ್ರಮಹಃ॑ । ನಕ್ತ॒-ಙ್ಗಾರ್ಹ॑ಪತ್ಯ॒-ಮಾದ॑ಧಾತಿ । ಪ॒ಶೂನೇ॒ವಾವ॑-ರುನ್ಧೇ । ದಿವಾ॑-ಽಽಹವ॒ನೀಯ᳚ಮ್ । ಇ॒ನ್ದ್ರಿ॒ಯಮೇ॒ವಾ-ವ॑ರುನ್ಧೇ ॥ ಅ॒ರ್ಧೋದಿ॑ತೇ॒ ಸೂರ್ಯ॑ ಆಹವ॒ನೀಯ॒-ಮಾದ॑ಧಾತಿ । ಏ॒ತಸ್ಮಿ॒ನ್ ವೈ ಲೋ॒ಕೇ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ । ಪ್ರ॒ಜಾ ಏ॒ವ ತ-ದ್ಯಜ॑ಮಾನ-ಸ್ಸೃಜತೇ । ಅಥೋ॑ ಭೂ॒ತ-ಞ್ಚೈ॒ವ ಭ॑ವಿ॒ಷ್ಯಚ್ಚಾ-ವ॑ರುನ್ಧೇ ॥ 28 ॥

ಇಡಾ॒ ವೈ ಮಾ॑ನ॒ವೀ ಯ॑ಜ್ಞಾನೂಕಾ॒ಶಿನ್ಯಾ॑ಸೀತ್ । ಸಾ-ಽಶೃ॑ಣೋತ್ । ಅಸು॑ರಾ ಅ॒ಗ್ನಿಮಾದ॑ಧತ॒ ಇತಿ॑ । ತದ॑ಗಚ್ಛತ್ । ತ ಆ॑ಹವ॒ನೀಯ॒ಮಗ್ರ॒ ಆದ॑ಧತ । ಅಥ॒ ಗಾರ್ಹ॑ಪತ್ಯಮ್ । ಅಥಾ᳚-ನ್ವಾಹಾರ್ಯ॒-ಪಚ॑ನಮ್ । ಸಾ ಽಬ್ರ॑ವೀತ್ । ಪ್ರ॒ತೀಚ್ಯೇ॑ಷಾ॒ಗ್॒ ಶ್ರೀರ॑ಗಾತ್ । ಭ॒ದ್ರಾ ಭೂ॒ತ್ವಾ ಪರಾ॑ಭವಿಷ್ಯ॒ನ್ತೀತಿ॑ ॥ 29 ॥

ಯಸ್ಯೈ॒ವ-ಮ॒ಗ್ನಿರಾ॑ಧೀ॒ಯತೇ᳚ । ಪ್ರ॒ತೀಚ್ಯ॑ಸ್ಯ॒ ಶ್ರೀರೇ॑ತಿ । ಭ॒ದ್ರೋ ಭೂ॒ತ್ವಾ ಪರಾ॑ಭವತಿ ॥ ಸಾ-ಽಶೃ॑ಣೋತ್ । ದೇ॒ವಾ ಅ॒ಗ್ನಿ-ಮಾದ॑ಧತ॒ ಇತಿ॑ । ತದ॑ಗಚ್ಛತ್ । ತೇ᳚-ಽನ್ವಾಹಾರ್ಯ॒-ಪಚ॑ನ॒ಮಗ್ರ॒ ಆದ॑ಧತ । ಅಥ॒ ಗಾರ್ಹ॑ಪತ್ಯಮ್ । ಅಥಾ॑ಹವ॒ನೀಯ᳚ಮ್ । ಸಾ-ಽಬ್ರ॑ವೀತ್ ॥ 30 ॥

ಪ್ರಾಚ್ಯೇ॑ಷಾ॒ಗ್॒ ಶ್ರೀರ॑ಗಾತ್ । ಭ॒ದ್ರಾ ಭೂ॒ತ್ವಾ ಸು॑ವ॒ರ್ಗಂ-ಲೋಁ॒ಕಮೇ᳚ಷ್ಯನ್ತಿ । ಪ್ರ॒ಜಾ-ನ್ತು ನ ವೇ᳚ಥ್ಸ್ಯನ್ತ॒ ಇತಿ॑ । ಯಸ್ಯೈ॒ವಮ॒ಗ್ನಿ-ರಾ॑ಧೀ॒ಯತೇ᳚ । ಪ್ರಾಚ್ಯ॑ಸ್ಯ॒ ಶ್ರೀರೇ॑ತಿ । ಭ॒ದ್ರೋ ಭೂ॒ತ್ವಾ ಸು॑ವ॒ರ್ಗಂ-ಲೋಁ॒ಕಮೇ॑ತಿ । ಪ್ರ॒ಜಾ-ನ್ತು ನ ವಿ॑ನ್ದತೇ ॥ ಸಾ-ಽಬ್ರ॑ವೀ॒ದಿಡಾ॒ ಮನು᳚ಮ್ । ತಥಾ॒ ವಾ ಅ॒ಹ-ನ್ತವಾ॒ಗ್ನಿ-ಮಾಧಾ᳚ಸ್ಯಾಮಿ । ಯಥಾ॒ ಪ್ರ ಪ್ರ॒ಜಯಾ॑ ಪ॒ಶುಭಿ॑-ರ್ಮಿಥು॒ನೈ-ರ್ಜ॑ನಿ॒ಷ್ಯಸೇ᳚ ॥ 31 ॥

ಪ್ರತ್ಯ॒ಸ್ಮಿನ್ ಁಲೋ॒ಕೇ ಸ್ಥಾ॒ಸ್ಯಸಿ॑ । ಅ॒ಭಿ ಸು॑ವ॒ರ್ಗಂ-ಲೋಁ॒ಕ-ಞ್ಜೇ॒ಷ್ಯಸೀತಿ॑ । ಗಾರ್ಹ॑ಪತ್ಯ॒ಮಗ್ರ॒ ಆದ॑ಧಾತ್ । ಗಾರ್ಹ॑ಪತ್ಯಂ॒-ವಾಁ ಅನು॑ ಪ್ರ॒ಜಾಃ ಪ॒ಶವಃ॒ ಪ್ರಜಾ॑ಯನ್ತೇ । ಗಾರ್ಹ॑ಪತ್ಯೇನೈ॒ವಾಸ್ಮೈ᳚ ಪ್ರ॒ಜಾ-ಮ್ಪ॒ಶೂ-ನ್ಪ್ರಾಜ॑ನಯತ್ । ಅಥಾ᳚-ನ್ವಾಹಾರ್ಯ॒-ಪಚ॑ನಮ್ । ತಿ॒ರ್ಯಙ್ಙ್॑ವ॒ ವಾ ಅ॒ಯಂ-ಲೋಁ॒ಕಃ । ಅ॒ಸ್ಮಿನ್ನೇ॒ವ ತೇನ॑ ಲೋ॒ಕೇ ಪ್ರತ್ಯ॑ತಿಷ್ಠತ್ । ಅಥಾ॑ಹವ॒ನೀಯ᳚ಮ್ । ತೇನೈ॒ವ ಸು॑ವ॒ರ್ಗಂ-ಲೋಁ॒ಕ-ಮ॒ಭ್ಯ॑ಜಯತ್ ॥ 32 ॥

ಯಸ್ಯೈ॒ವಮ॒ಗ್ನಿ-ರಾ॑ಧೀ॒ಯತೇ᳚ । ಪ್ರ ಪ್ರ॒ಜಯಾ॑ ಪ॒ಶುಭಿ॑-ರ್ಮಿಥು॒ನೈ-ರ್ಜಾ॑ಯತೇ । ಪ್ರತ್ಯ॒ಸ್ಮಿನ್ ಁಲೋ॒ಕೇ ತಿ॑ಷ್ಠತಿ । ಅ॒ಭಿ ಸು॑ವ॒ರ್ಗಂ-ಲೋಁ॒ಕ-ಞ್ಜ॑ಯತಿ ॥ ಯಸ್ಯ॒ ವಾ ಅಯ॑ಥಾದೇವತಮ॒ಗ್ನಿ-ರಾ॑ಧೀ॒ಯತೇ᳚ । ಆ ದೇ॒ವತಾ᳚ಭ್ಯೋ ವೃಶ್ಚ್ಯತೇ । ಪಾಪೀ॑ಯಾ-ನ್ಭವತಿ । ಯಸ್ಯ॑ ಯಥಾ ದೇವ॒ತಮ್ । ನ ದೇ॒ವತಾ᳚ಭ್ಯ॒ ಆವೃ॑ಶ್ಚ್ಯತೇ । ವಸೀ॑ಯಾ-ನ್ಭವತಿ ॥ 33 ॥

ಭೃಗೂ॑ಣಾ॒-ನ್ತ್ವಾ-ಽಙ್ಗಿ॑ರಸಾಂ-ವ್ರಁತಪತೇ ವ್ರ॒ತೇನಾ-ದ॑ಧಾ॒ಮೀತಿ॑ ಭೃಗ್ವಙ್ಗಿ॒ರಸಾ॒ಮಾದ॑ದ್ಧ್ಯಾತ್ । ಆ॒ದಿ॒ತ್ಯಾನಾ᳚-ನ್ತ್ವಾ ದೇ॒ವಾನಾಂ᳚-ವ್ರಁತಪತೇ ವ್ರ॒ತೇನಾದ॑ಧಾ॒ಮೀತ್ಯ॒ನ್ಯಾಸಾ॒-ಮ್ಬ್ರಾಹ್ಮ॑ಣೀನಾ-ಮ್ಪ್ರ॒ಜಾನಾ᳚ಮ್ । ವರು॑ಣಸ್ಯ ತ್ವಾ॒ ರಾಜ್ಞೋ᳚ ವ್ರತಪತೇ ವ್ರ॒ತೇನಾದ॑ಧಾ॒ಮೀತಿ॒ ರಾಜ್ಞಃ॑ । ಇನ್ದ್ರ॑ಸ್ಯ ತ್ವೇನ್ದ್ರಿ॒ಯೇಣ॑ ವ್ರತಪತೇ ವ್ರ॒ತೇನಾದ॑ಧಾ॒ಮೀತಿ॑ ರಾಜ॒ನ್ಯ॑ಸ್ಯ । ಮನೋ᳚ಸ್ತ್ವಾ ಗ್ರಾಮ॒ಣ್ಯೋ᳚ ವ್ರತಪತೇ ವ್ರ॒ತೇನಾದ॑ಧಾ॒ಮೀತಿ॒ ವೈಶ್ಯ॑ಸ್ಯ । ಋ॒ಭೂ॒ಣಾ-ನ್ತ್ವಾ॑ ದೇ॒ವಾನಾಂ᳚-ವ್ರಁತಪತೇ ವ್ರ॒ತೇನಾದ॑ಧಾ॒ಮೀತಿ॑ ರಥಕಾ॒ರಸ್ಯ॑ । ಯ॒ಥಾ॒ ದೇ॒ವ॒ತಮ॒ಗ್ನಿ-ರಾಧೀ॑ಯತೇ । ನ ದೇ॒ವತಾ᳚ಭ್ಯ॒ ಆ ವೃ॑ಶ್ಚ್ಯತೇ । ವಸೀ॑ಯಾ-ನ್ಭವತಿ ॥ 34 ॥

(ಧ್ಯಾ॒ಯ॒ತಿ॒ - ವೈ ರಾತ್ರಿ॒ - ಶ್ಚಾವ॑ರುನ್ಧೇ - ಭವಿಷ್ಯ॒ನ್ತೀತ್ಯ॑ - ಬ್ರವೀ - ಜ್ಜನಿ॒ಷ್ಯಸೇ॑ - ಽಜಯ॒-ದ್- ವಸೀ॑ಯಾ-ನ್ಭವತಿ॒ - ನವ॑ ಚ) (ಅ. 4)

ಅನುವಾಕಂ 5 - ತತ್ರ ಪವಮಾನಹಬೀಂಷಿ

ಪ್ರ॒ಜಾಪ॑ತಿ-ರ್ವಾ॒ಚ-ಸ್ಸ॒ತ್ಯ-ಮ॑ಪಶ್ಯತ್ । ತೇನಾ॒ಗ್ನಿಮಾಧ॑ತ್ತ । ತೇನ॒ ವೈ ಸ ಆ᳚ರ್ಧ್ನೋತ್ । ಭೂರ್ಭುವ॒-ಸ್ಸುವ॒ರಿತ್ಯಾ॑ಹ । ಏ॒ತದ್ವೈ ವಾ॒ಚ-ಸ್ಸ॒ತ್ಯಮ್ । ಯ ಏ॒ತೇನಾ॒ಗ್ನಿ-ಮಾ॑ಧ॒ತ್ತೇ । ಋ॒ದ್ಧ್ನೋತ್ಯೇ॒ವ । ಅಥೋ॑ ಸ॒ತ್ಯಪ್ರಾ॑ಶೂರೇ॒ವ ಭ॑ವತಿ । ಅಥೋ॒ ಯ ಏ॒ವಂ-ವಿಁ॒ದ್ವಾನ॑ಭಿ॒ಚರ॑ತಿ । ಸ್ತೃ॒ಣು॒ತ ಏ॒ವೈನ᳚ಮ್ ॥ 35 ॥

ಭೂರಿತ್ಯಾ॑ಹ । ಪ್ರ॒ಜಾ ಏ॒ವ ತ-ದ್ಯಜ॑ಮಾನ-ಸ್ಸೃಜತೇ । ಭುವ॒ ಇತ್ಯಾ॑ಹ । ಅ॒ಸ್ಮಿನ್ನೇ॒ವ ಲೋ॒ಕೇ ಪ್ರತಿ॑ ತಿಷ್ಠತಿ । ಸುವ॒ರಿತ್ಯಾ॑ಹ । ಸು॒ವ॒ರ್ಗ ಏ॒ವ ಲೋ॒ಕೇ ಪ್ರತಿ॑ ತಿಷ್ಠತಿ ॥ ತ್ರಿ॒ಭಿರ॒ಕ್ಷರೈ॒-ರ್ಗಾರ್ಹ॑ಪತ್ಯ॒-ಮಾದ॑ಧಾತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಷ್ವೇ॑ವೈನಂ॑-ಲೋಁ॒ಕೇಷು॒ ಪ್ರತಿ॑ಷ್ಠಿತ॒-ಮಾಧ॑ತ್ತೇ । ಸರ್ವೈಃ᳚ ಪ॒ಞ್ಚಭಿ॑-ರಾಹವ॒ನೀಯ᳚ಮ್ ॥ 36 ॥

ಸು॒ವ॒ರ್ಗಾಯ॒ ವಾ ಏ॒ಷ ಲೋ॒ಕಾಯಾಧೀ॑ಯತೇ । ಯದಾ॑ಹವ॒ನೀಯಃ॑ । ಸು॒ವ॒ರ್ಗ ಏ॒ವಾಸ್ಮೈ॑ ಲೋ॒ಕೇ ವಾ॒ಚ-ಸ್ಸ॒ತ್ಯಗ್ಂ ಸರ್ವ॑ಮಾಪ್ನೋತಿ ॥ ತ್ರಿ॒ಭಿ-ರ್ಗಾರ್ಹ॑ಪತ್ಯ॒-ಮಾದ॑ಧಾತಿ । ಪ॒ಞ್ಚಭಿ॑-ರಾಹವ॒ನೀಯ᳚ಮ್ । ಅ॒ಷ್ಟೌ ಸಮ್ಪ॑ದ್ಯನ್ತೇ । ಅ॒ಷ್ಟಾಕ್ಷ॑ರಾ ಗಾಯ॒ತ್ರೀ । ಗಾ॒ಯ॒ತ್ರೋ᳚-ಽಗ್ನಿಃ । ಯಾವಾ॑ನೇ॒ವಾಗ್ನಿಃ । ತಮಾಧ॑ತ್ತೇ ॥ 37 ॥

ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ । ತಾ ಅ॑ಸ್ಮಾ-ಥ್ಸೃ॒ಷ್ಟಾಃ ಪರಾ॑ಚೀರಾಯನ್ನ್ । ತಾಭ್ಯೋ॒ ಜ್ಯೋತಿ॒-ರುದ॑ಗೃಹ್ಣಾತ್ । ತ-ಞ್ಜ್ಯೋತಿಃ॒ ಪಶ್ಯ॑ನ್ತೀಃ ಪ್ರ॒ಜಾ ಅ॒ಭಿಸ॒ಮಾವ॑ರ್ತನ್ತ । ಉ॒ಪರೀ॑ವಾ॒ಗ್ನಿ-ಮುದ್ಗೃ॑ಹ್ಣೀಯಾ-ದು॒ದ್ಧರನ್ನ್॑ । ಜ್ಯೋತಿ॑ರೇ॒ವ ಪಶ್ಯ॑ನ್ತೀಃ ಪ್ರ॒ಜಾ ಯಜ॑ಮಾನ-ಮ॒ಭಿ-ಸ॒ಮಾವ॑ರ್ತನ್ತೇ ॥ ಪ್ರ॒ಜಾಪ॑ತೇ॒ರಕ್ಷ್ಯ॑ಶ್ವಯತ್ । ತ-ತ್ಪರಾ॑-ಽಪತತ್ । ತದಶ್ವೋ॑-ಽಭವತ್ । ತದಶ್ವ॑ಸ್ಯಾ-ಶ್ವ॒ತ್ವಮ್ ॥ 38 ॥

ಏ॒ಷ ವೈ ಪ್ರ॒ಜಾಪ॑ತಿಃ । ಯದ॒ಗ್ನಿಃ । ಪ್ರಾ॒ಜಾ॒ಪ॒ತ್ಯೋ-ಽಶ್ವಃ॑ । ಯದಶ್ವ॑-ಮ್ಪು॒ರಸ್ತಾ॒ನ್ನಯ॑ತಿ । ಸ್ವಮೇ॒ವ ಚಕ್ಷುಃ॒ ಪಶ್ಯ॑-ನ್ಪ್ರ॒ಜಾಪ॑ತಿ॒-ರನೂದೇ॑ತಿ ॥ ವ॒ಜ್ರೀ ವಾ ಏ॒ಷಃ । ಯದಶ್ವಃ॑ । ಯದಶ್ವ॑-ಮ್ಪು॒ರಸ್ತಾ॒ನ್ನಯ॑ತಿ । ಜಾ॒ತಾನೇ॒ವ ಭ್ರಾತೃ॑ವ್ಯಾ॒-ನ್ಪ್ರಣು॑ದತೇ ॥ ಪುನ॒ರಾವ॑ರ್ತಯತಿ ॥ 39 ॥

ಜ॒ನಿ॒ಷ್ಯಮಾ॑ಣಾನೇ॒ವ ಪ್ರತಿ॑ನುದತೇ ॥ ನ್ಯಾ॑ಹವ॒ನೀಯೋ॒ ಗಾರ್ಹ॑ಪತ್ಯ-ಮಕಾಮಯತ । ನಿ ಗಾರ್ಹ॑ಪತ್ಯ ಆಹವ॒ನೀಯ᳚ಮ್ । ತೌ ವಿ॒ಭಾಜ॒-ನ್ನಾಶ॑ಕ್ನೋತ್ । ಸೋಶ್ವಃ॑ ಪೂರ್ವ॒ವಾಡ್-ಭೂ॒ತ್ವಾ । ಪ್ರಾಞ್ಚ॒-ಮ್ಪೂರ್ವ॒ಮುದ॑ವಹತ್ । ತ-ತ್ಪೂ᳚ರ್ವ॒ವಾಹಃ॑ ಪೂರ್ವವಾ॒ಟ್-ತ್ವಮ್ । ಯದಶ್ವ॑-ಮ್ಪು॒ರಸ್ತಾ॒ನ್ನಯ॑ತಿ । ವಿಭ॑ಕ್ತಿರೇ॒ವೈನ॑ಯೋ॒ಸ್ಸಾ । ಅಥೋ॒ ನಾನಾ॑ವೀರ್ಯಾವೇ॒ವೈನೌ॑ ಕುರುತೇ ॥ 40 ॥

ಯದು॒ಪರ್ಯು॑ಪರಿ॒ ಶಿರೋ॒ ಹರೇ᳚ತ್ । ಪ್ರಾ॒ಣಾನ್ ವಿಚ್ಛಿ॑ನ್ದ್ಯಾತ್ । ಅ॒ಧೋ॑-ಽಧ॒-ಶ್ಶಿರೋ॑ ಹರತಿ । ಪ್ರಾ॒ಣಾನಾ᳚-ಙ್ಗೋಪೀ॒ಥಾಯ॑ ॥ ಇಯ॒ತ್ಯಗ್ರೇ॑ ಹರತಿ । ಅಥೇಯ॒ತ್ಯಥೇಯ॑ತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಷ್ವೇ॑ವೈನಂ॑-ಲೋಁ॒ಕೇಷು॒ ಪ್ರತಿ॑ಷ್ಠಿತ॒ಮಾ-ಧ॑ತ್ತೇ ॥ ಪ್ರ॒ಜಾಪ॑ತಿ-ರ॒ಗ್ನಿ-ಮ॑ಸೃಜತ । ಸೋ॑-ಽಬಿಭೇ॒ತ್ಪ್ರ ಮಾ॑ ಧಕ್ಷ್ಯ॒ತೀತಿ॑ ॥ 41 ॥

ತಸ್ಯ॑ ತ್ರೇ॒ಧಾ ಮ॑ಹಿ॒ಮಾನಂ॒-ವ್ಯೌಁ॑ಹತ್ । ಶಾನ್ತ್ಯಾ॒ ಅಪ್ರ॑ದಾಹಾಯ । ಯತ್-ತ್ರೇ॒ಧಾ-ಽಗ್ನಿ-ರಾ॑ಧೀ॒ಯತೇ᳚ । ಮ॒ಹಿ॒ಮಾನ॑ಮೇ॒ವಾಸ್ಯ॒ ತ-ದ್ವ್ಯೂ॑ಹತಿ । ಶಾನ್ತ್ಯಾ॒ ಅಪ್ರ॑ದಾಹಾಯ ॥ ಪುನ॒ರಾವ॑ರ್ತಯತಿ । ಮ॒ಹಿ॒ಮಾನ॑ಮೇ॒ವಾಸ್ಯ॒ ಸನ್ದ॑ಧಾತಿ ॥ ಪ॒ಶುರ್ವಾ ಏ॒ಷಃ । ಯದಶ್ವಃ॑ । ಏ॒ಷ ರು॒ದ್ರಃ ॥ 42 ॥

ಯದ॒ಗ್ನಿಃ । ಯದಶ್ವ॑ಸ್ಯ ಪ॒ದೇ᳚-ಽಗ್ನಿ-ಮಾ॑ದ॒ದ್ಧ್ಯಾತ್ । ರು॒ದ್ರಾಯ॑ ಪ॒ಶೂ-ನಪಿ॑ದದ್ಧ್ಯಾತ್ । ಅ॒ಪ॒ಶು-ರ್ಯಜ॑ಮಾನ-ಸ್ಸ್ಯಾತ್ । ಯ-ನ್ನಾಕ್ರ॒ಮಯೇ᳚ತ್ । ಅನ॑ವರುದ್ಧಾ ಅಸ್ಯ ಪ॒ಶವಃ॑ ಸ್ಯುಃ । ಪಾ॒ರ್ಶ್ವ॒ತ ಆಕ್ರ॑ಮಯೇತ್ । ಯಥಾ ಽಽಹಿ॑ತಸ್ಯಾ॒ಗ್ನೇ-ರಙ್ಗಾ॑ರಾ ಅಭ್ಯವ॒ವರ್ತೇ॑ರನ್ನ್ । ಅವ॑ರುದ್ಧಾ ಅಸ್ಯ ಪ॒ಶವೋ॒ ಭವ॑ನ್ತಿ । ನ ರು॒ದ್ರಾಯಾಪಿ॑ದಧಾತಿ ॥ 43 ॥

ತ್ರೀಣಿ॑ ಹ॒ವೀಗ್ಂಷಿ॒ ನಿರ್ವ॑ಪತಿ । ವಿ॒ರಾಜ॑ ಏ॒ವ ವಿಕ್ರಾ᳚ನ್ತಂ॒-ಯಁಜ॑ಮಾ॒ನೋ-ಽನು॒ ವಿಕ್ರ॑ಮತೇ ॥ ಅ॒ಗ್ನಯೇ॒ ಪವ॑ಮಾನಾಯ । ಅ॒ಗ್ನಯೇ॑ ಪಾವ॒ಕಾಯ॑ । ಅ॒ಗ್ನಯೇ॒ ಶುಚ॑ಯೇ । ಯದ॒ಗ್ನಯೇ॒ ಪವ॑ಮಾನಾಯ ನಿ॒ರ್ವಪ॑ತಿ । ಪು॒ನಾತ್ಯೇ॒ವೈನ᳚ಮ್ । ಯದ॒ಗ್ನಯೇ॑ ಪಾವ॒ಕಾಯ॑ । ಪೂ॒ತ ಏ॒ವಾಸ್ಮಿ॑-ನ್ನ॒ನ್ನಾದ್ಯ॑-ನ್ದಧಾತಿ । ಯದ॒ಗ್ನಯೇ॒ ಶುಚ॑ಯೇ । ಬ್ರ॒ಹ್ಮ॒ವ॒ರ್ಚ॒ಸ-ಮೇ॒ವಾಸ್ಮಿ॑-ನ್ನು॒ಪರಿ॑ಷ್ಟಾ-ದ್ದಧಾತಿ ॥ 44 ॥

(ಏ॒ನ॒ - ಮಾ॒ಹ॒ವ॒ನೀಯಂ॑ - ಧತ್ತೇ - ಽಶ್ವ॒ತ್ವಂ - ಁವ॑ರ್ತಯತಿ - ಕುರುತ॒ - ಇತಿ॑ -ರು॒ದ್ರೋ - ದ॑ಧಾತಿ॒ - ಯದ॒ಗ್ನಯೇ॒ ಶುಚ॑ಯ॒ ಏಕ॑-ಞ್ಚ) (ಅ. 5)

ಅನುವಾಕಂ 6 - ಪವಮಾನಹವಿರ್ವಿಸ್ತಾರಃ, ಹವಿರನ್ತರಾಣಿ, ದಕ್ಷಿಣಾಶ್ಚ

ದೇ॒ವಾ॒ಸು॒ರಾ-ಸ್ಸಂಯಁ॑ತ್ತಾ ಆಸನ್ನ್ । ತೇ ದೇ॒ವಾ ವಿ॑ಜ॒ಯ-ಮು॑ಪ॒ಯನ್ತಃ॑ । ಅ॒ಗ್ನೌ ವಾ॒ಮಂ-ವಁಸು॒ ಸ-ನ್ನ್ಯ॑ದಧತ । ಇ॒ದಮು॑ ನೋ ಭವಿಷ್ಯತಿ । ಯದಿ॑ ನೋ ಜೇ॒ಷ್ಯನ್ತೀತಿ॑ । ತದ॒ಗ್ನಿರ್ನೋ-ಥ್ಸಹ॑ಮಶಕ್ನೋತ್ । ತತ್-ತ್ರೇ॒ಧಾ ವಿನ್ಯ॑ದಧಾತ್ । ಪ॒ಶುಷು॒ ತೃತೀ॑ಯಮ್ । ಅ॒ಫ್ಸು ತೃತೀ॑ಯಮ್ । ಆ॒ದಿ॒ತ್ಯೇ ತೃತೀ॑ಯಮ್ ॥ 45 ॥

ತ-ದ್ದೇ॒ವಾ ವಿ॒ಜಿತ್ಯ॑ । ಪುನ॒ರವಾ॑ರುರುಥ್ಸನ್ತ । ತೇ᳚-ಽಗ್ನಯೇ॒ ಪವ॑ಮಾನಾಯ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪನ್ನ್ । ಪ॒ಶವೋ॒ ವಾ ಅ॒ಗ್ನಿಃ ಪವ॑ಮಾನಃ । ಯದೇ॒ವ ಪ॒ಶುಷ್ವಾಸೀ᳚ತ್ । ತತ್-ತೇನಾವಾ॑ರುನ್ಧತ । ತೇ᳚-ಽಗ್ನಯೇ॑ ಪಾವ॒ಕಾಯ॑ । ಆಪೋ॒ ವಾ ಅ॒ಗ್ನಿಃ ಪಾ॑ವ॒ಕಃ । ಯದೇ॒ವಾಫ್ಸ್ವಾಸೀ᳚ತ್ । ತತ್-ತೇನಾವಾ॑ರುನ್ಧತ ॥ 46 ॥

ತೇ᳚-ಽಗ್ನಯೇ॒ ಶುಚ॑ಯೇ । ಅ॒ಸೌ ವಾ ಆ॑ದಿ॒ತ್ಯೋ᳚-ಽಗ್ನಿ-ಶ್ಶುಚಿಃ॑ । ಯದೇ॒ವಾದಿ॒ತ್ಯ ಆಸೀ᳚ತ್ । ತತ್-ತೇನಾವಾ॑ರುನ್ಧತ ॥ ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ತ॒ನುವೋ॒ ವಾವೈತಾ ಅ॑ಗ್ನ್ಯಾ॒ಧೇಯ॑ಸ್ಯ । ಆ॒ಗ್ನೇ॒ಯೋ ವಾ ಅ॒ಷ್ಟಾಕ॑ಪಾಲೋ ಽಗ್ನ್ಯಾ॒ಧೇಯ॒ಮಿತಿ॑ । ಯತ್ತ-ನ್ನಿ॒ರ್ವಪೇ᳚ತ್ । ನೈತಾನಿ॑ । ಯಥಾ॒-ಽಽತ್ಮಾ ಸ್ಯಾತ್ ॥ 47 ॥

ನಾಙ್ಗಾ॑ನಿ । ತಾ॒ದೃಗೇ॒ವ ತತ್ । ಯದೇ॒ತಾನಿ॑ ನಿ॒ರ್ವಪೇ᳚ತ್ । ನ ತಮ್ । ಯಥಾ-ಽಙ್ಗಾ॑ನಿ॒ ಸ್ಯುಃ । ನಾತ್ಮಾ । ತಾ॒ದೃಗೇ॒ವ ತತ್ । ಉ॒ಭಯಾ॑ನಿ ಸ॒ಹನಿ॒ರುಪ್ಯಾ॑ಣಿ । ಯ॒ಜ್ಞಸ್ಯ॑ ಸಾತ್ಮ॒ತ್ವಾಯ॑ ॥ ಉ॒ಭಯಂ॒-ವಾಁ ಏ॒ತಸ್ಯೇ᳚ನ್ದ್ರಿ॒ಯಂ-ವೀಁ॒ರ್ಯ॑ಮಾಪ್ಯತೇ ॥ 48 ॥

ಯೋ᳚-ಽಗ್ನಿಮಾ॑ಧ॒ತ್ತೇ । ಐ॒ನ್ದ್ರಾ॒ಗ್ನ-ಮೇಕಾ॑ದಶಕಪಾಲ॒- ಮನು॒ ನಿರ್ವ॑ಪೇತ್ । ಆ॒ದಿ॒ತ್ಯ-ಞ್ಚ॒ರುಮ್ । ಇ॒ನ್ದ್ರಾ॒ಗ್ನೀ ವೈ ದೇ॒ವಾನಾ॒-ಮಯಾ॑ತಯಾಮಾನೌ । ಯೇ ಏ॒ವ ದೇ॒ವತೇ॒ ಅಯಾ॑ತಯಾಮ್ನೀ । ತಾಭ್ಯಾ॑ಮೇ॒ವಾಸ್ಮಾ॑ ಇನ್ದ್ರಿ॒ಯಂ-ವೀಁ॒ರ್ಯ॑ಮವ॑- ರುನ್ಧೇ । ಆ॒ದಿ॒ತ್ಯೋ ಭ॑ವತಿ । ಇ॒ಯಂ-ವಾಁ ಅದಿ॑ತಿಃ । ಅ॒ಸ್ಯಾಮೇ॒ವ ಪ್ರತಿ॑ತಿಷ್ಠತಿ ॥ ಧೇ॒ನ್ವೈ ವಾ ಏ॒ತ-ದ್ರೇತಃ॑ ॥ 49 ॥

ಯದಾಜ್ಯ᳚ಮ್ । ಅ॒ನ॒ಡುಹ॑ಸ್ತಣ್ಡು॒ಲಾಃ । ಮಿ॒ಥು॒ನಮೇ॒ವಾವ॑-ರುನ್ಧೇ । ಘೃ॒ತೇ ಭ॑ವತಿ । ಯ॒ಜ್ಞಸ್ಯಾಲೂ᳚ಕ್ಷಾನ್ತತ್ವಾಯ ॥ ಚ॒ತ್ವಾರ॑ ಆರ್ಷೇ॒ಯಾಃ ಪ್ರಾಶ್ಞ॑ನ್ತಿ । ದಿ॒ಶಾಮೇ॒ವ ಜ್ಯೋತಿ॑ಷಿ ಜುಹೋತಿ ॥ ಪ॒ಶವೋ॒ ವಾ ಏ॒ತಾನಿ॑ ಹ॒ವೀಗ್ಂಷಿ॑ । ಏ॒ಷ ರು॒ದ್ರಃ । ಯದ॒ಗ್ನಿಃ ॥ 50 ॥

ಯಥ್ಸ॒ದ್ಯ ಏ॒ತಾನಿ॑ ಹ॒ವೀಗ್ಂಷಿ॑ ನಿ॒ರ್ವಪೇ᳚ತ್ । ರು॒ದ್ರಾಯ॑ ಪ॒ಶೂನಪಿ॑ ದದ್ಧ್ಯಾತ್ । ಅ॒ಪ॒ಶು-ರ್ಯಜ॑ಮಾನ-ಸ್ಸ್ಯಾತ್ । ಯನ್ನಾನು॑ನಿ॒ರ್ವಪೇ᳚ತ್ । ಅನ॑ವರುದ್ಧಾ ಅಸ್ಯ ಪ॒ಶವಃ॑ ಸ್ಯುಃ । ದ್ವಾ॒ದ॒ಶಸು॒ ರಾತ್ರೀ॒ಷ್ವನು॒ ನಿರ್ವ॑ಪೇತ್ । ಸಂ॒ವಁ॒ಥ್ಸ॒ರ ಪ್ರ॑ತಿಮಾ॒ ವೈ ದ್ವಾದ॑ಶ॒ ರಾತ್ರ॑ಯಃ । ಸಂ॒ವಁ॒ಥ್ಸ॒ರೇಣೈ॒ವಾಸ್ಮೈ॑ ರು॒ದ್ರಗ್ಂ ಶ॑ಮಯಿ॒ತ್ವಾ । ಪ॒ಶೂನವ॑ ರುನ್ಧೇ ॥ ಯದೇಕ॑-ಮೇಕಮೇ॒ತಾನಿ॑ ಹ॒ವೀಗ್ಂಷಿ॑ ನಿ॒ರ್ವಪೇ᳚ತ್ ॥ 51 ॥

ಯಥಾ॒ ತ್ರೀಣ್ಯಾ॒ವಪ॑ನಾನಿ ಪೂ॒ರಯೇ᳚ತ್ । ತಾ॒ದೃಕ್ತತ್ । ನ ಪ್ರ॒ಜನ॑ನ॒ಮುಚ್ಛಿಗ್ಂ॑ಷೇತ್ । ಏಕ॑-ನ್ನಿ॒ರುಪ್ಯ॑ । ಉತ್ತ॑ರೇ॒ ಸಮ॑ಸ್ಯೇತ್ । ತೃ॒ತೀಯ॑ಮೇ॒ವಾಸ್ಮೈ॑ ಲೋ॒ಕಮುಚ್ಛಿಗ್ಂ॑ಷತಿ ಪ್ರ॒ಜನ॑ನಾಯ । ತ-ಮ್ಪ್ರ॒ಜಯಾ॑ ಪ॒ಶುಭಿ॒ರನು॒ ಪ್ರಜಾ॑ಯತೇ । ಅಥೋ॑ ಯ॒ಜ್ಞಸ್ಯೈ॒ವೈಷಾ-ಽಭಿಕ್ರಾ᳚ನ್ತಿಃ ॥ ರ॒ಥ॒ಚ॒ಕ್ರ-ಮ್ಪ್ರವ॑ರ್ತಯತಿ । ಮ॒ನು॒ಷ್ಯ॒ರ॒ಥೇನೈ॒ವ ದೇ॑ವರ॒ಥ-ಮ್ಪ್ರ॒ತ್ಯವ॑ರೋಹತಿ ॥ 52 ॥

ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಹೋ॒ತ॒ವ್ಯ॑-ಮಗ್ನಿಹೋ॒ತ್ರಾಂ(3) ನಹೋ॑ತ॒ವ್ಯಾ(3)ಮಿತಿ॑ । ಯ-ದ್ಯಜು॑ಷಾ ಜುಹು॒ಯಾತ್ । ಅಯ॑ಥಾಪೂರ್ವ॒ಮಾಹು॑ತೀ ಜುಹುಯಾತ್ । ಯನ್ನ ಜು॑ಹು॒ಯಾತ್ । ಅ॒ಗ್ನಿಃ ಪರಾ॑ಭವೇತ್ । ತೂ॒ಷ್ಣೀಮೇ॒ವ ಹೋ॑ತ॒ವ್ಯ᳚ಮ್ । ಯ॒ಥಾ॒ಪೂ॒ರ್ವ-ಮಾಹು॑ತೀ ಜು॒ಹೋತಿ॑ । ನಾಗ್ನಿಃ ಪರಾ॑ಭವತಿ ॥ ಅ॒ಗ್ನೀಧೇ॑ ದದಾತಿ ॥ 53 ॥

ಅ॒ಗ್ನಿಮು॑ಖಾ-ನೇ॒ವರ್ತೂ-ನ್ಪ್ರೀ॑ಣಾತಿ । ಉ॒ಪ॒ಬರ್ಹ॑ಣ-ನ್ದದಾತಿ । ರೂ॒ಪಾಣಾ॒ಮವ॑-ರುದ್ಧ್ಯೈ । ಅಶ್ವ॑-ಮ್ಬ್ರ॒ಹ್ಮಣೇ᳚ । ಇ॒ನ್ದ್ರಿ॒ಯಮೇ॒ವಾವ॑-ರುನ್ಧೇ । ಧೇ॒ನುಗ್ಂ ಹೋತ್ರೇ᳚ । ಆ॒ಶಿಷ॑ ಏ॒ವಾವ॑ರುನ್ಧೇ । ಅ॒ನ॒ಡ್ವಾಹ॑-ಮದ್ಧ್ವ॒ರ್ಯವೇ᳚ । ವಹ್ನಿ॒ರ್ವಾ ಅ॑ನ॒ಡ್ವಾನ್ । ವಹ್ನಿ॑ರದ್ಧ್ವ॒ರ್ಯುಃ ॥ 54 ॥

ವಹ್ನಿ॑ನೈ॒ವ ವಹ್ನಿ॑ ಯ॒ಜ್ಞಸ್ಯಾವ॑-ರುನ್ಧೇ । ಮಿ॒ಥು॒ನೌ ಗಾವೌ॑ ದದಾತಿ । ಮಿ॒ಥು॒ನಸ್ಯಾವ॑-ರುದ್ಧ್ಯೈ । ವಾಸೋ॑ ದದಾತಿ । ಸ॒ರ್ವ॒ ದೇ॒ವ॒ತ್ಯಂ॑-ವೈಁ ವಾಸಃ॑ । ಸರ್ವಾ॑ ಏ॒ವ ದೇ॒ವತಾಃ᳚ ಪ್ರೀಣಾತಿ । ಆ ದ್ವಾ॑ದ॒ಶಭ್ಯೋ॑ ದದಾತಿ । ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರಃ । ಸಂ॒ವಁ॒ಥ್ಸ॒ರ ಏ॒ವ ಪ್ರತಿ॑ ತಿಷ್ಠತಿ । ಕಾಮ॑ಮೂ॒ರ್ಧ್ವ-ನ್ದೇಯ᳚ಮ್ । ಅಪ॑ರಿಮಿತ॒ಸ್ಯಾವ॑-ರುದ್ಧ್ಯೈ ॥ 55 ॥

(ಆ॒ದಿ॒ತ್ಯೇ ತೃತೀ॑ಯ - ಮ॒ಫ್ಸ್ವಾಸೀ॒-ತ್ತ-ತ್ತೇನಾವಾ॑ರುನ್ಧತ॒ - ಸ್ಯಾ - ದಾ᳚ಪ್ಯತೇ॒ - ರೇತೋ॒ - ಽಗ್ನಿ - ರೇಕ॑ಮೇಕ ಮೇ॒ತಾನಿ॑ ಹ॒ವಿಗ್ಂಷಿ॑ ನಿ॒ರ್ವಪೇ᳚ತ್ - ಪ್ರ॒ತ್ಯವ॑ರೋಹತಿ - ದದಾತ್ಯ - ದ್ಧ್ವ॒ರ್ಯು--ರ್ ದೇಯ॒ ಮೇಕ॑-ಞ್ಚ) (ಅ. 6)

ಅನುವಾಕಂ 7 - ಆಧಾನಮನ್ತ್ರಾಃ

ಘ॒ರ್ಮ-ಶ್ಶಿರ॒ಸ್ತದ॒ಯಮ॒ಗ್ನಿಃ । ಸ-ಮ್ಪ್ರಿ॑ಯಃ ಪ॒ಶುಭಿ॑-ರ್ಭುವತ್ । ಛ॒ರ್ದಿಸ್ತೋ॒ಕಾಯ॒ ತನ॑ಯಾಯ ಯಚ್ಛ ॥ ವಾತಃ॑ ಪ್ರಾ॒ಣಸ್ತದ॒ಯಮ॒ಗ್ನಿಃ । ಸ-ಮ್ಪ್ರಿ॑ಯಃ ಪ॒ಶುಭಿ॑-ರ್ಭುವತ್ । ಸ್ವ॒ದಿ॒ತ-ನ್ತೋ॒ಕಾಯ॒ ತನ॑ಯಾಯ ಪಿ॒ತು-ಮ್ಪ॑ಚ ॥ ಪ್ರಾಚೀ॒ಮನು॑ ಪ್ರ॒ದಿಶ॒-ಮ್ಪ್ರೇಹಿ॑ ವಿ॒ದ್ವಾನ್ । ಅ॒ಗ್ನೇರ॑ಗ್ನೇ ಪು॒ರೋ ಅ॑ಗ್ನಿ-ರ್ಭವೇ॒ಹ । ವಿಶ್ವಾ॒ ಆಶಾ॒ ದೀದ್ಯಾ॑ನೋ॒ ವಿಭಾ॑ಹಿ । ಊರ್ಜ॑-ನ್ನೋ ಧೇಹಿ ದ್ವಿ॒ಪದೇ॒ ಚತು॑ಷ್ಪದೇ ॥ 56 ॥

ಅ॒ರ್ಕಶ್ಚಕ್ಷು॒-ಸ್ತದ॒ಸೌ ಸೂರ್ಯ॒ಸ್ತದ॒ಯಮ॒ಗ್ನಿಃ । ಸಮ್ಪ್ರಿ॑ಯಃ ಪ॒ಶುಭಿ॑-ರ್ಭುವತ್ । ಯ-ತ್ತೇ॑ ಶುಕ್ರ ಶು॒ಕ್ರಂ-ವಁರ್ಚಃ॑ ಶು॒ಕ್ರಾ ತ॒ನೂಃ । ಶು॒ಕ್ರ-ಞ್ಜ್ಯೋತಿ॒ರಜ॑ಸ್ರಮ್ । ತೇನ॑ ಮೇ ದೀದಿಹಿ॒ ತೇನ॒ ತ್ವಾ-ಽಽದ॑ಧೇ । ಅ॒ಗ್ನಿನಾ᳚-ಽಗ್ನೇ॒ ಬ್ರಹ್ಮ॑ಣಾ ॥ ಆ॒ನ॒ಶೇ ವ್ಯಾ॑ನಶೇ॒ ಸರ್ವ॒ಮಾಯು॒-ರ್ವ್ಯಾ॑ನಶೇ ॥ ಯೇ ತೇ॑ ಅಗ್ನೇ ಶಿ॒ವೇ ತ॒ನುವೌ᳚ । ವಿ॒ರಾಟ್ ಚ॑ ಸ್ವ॒ರಾಟ್ ಚ॑ । ತೇ ಮಾ ವಿ॑ಶತಾ॒-ನ್ತೇ ಮಾ॑ ಜಿನ್ವತಾಮ್ ॥ 57 ॥

ಯೇ ತೇ॑ ಅಗ್ನೇ ಶಿ॒ವೇ ತ॒ನುವೌ᳚ । ಸ॒ಮ್ರಾಟ್ ಚಾ॑ಭಿ॒ಭೂಶ್ಚ॑ । ತೇ ಮಾ ವಿ॑ಶತಾ॒-ನ್ತೇ ಮಾ॑ ಜಿನ್ವತಾಮ್ । ಯೇ ತೇ॑ ಅಗ್ನೇ ಶಿ॒ವೇ ತ॒ನುವೌ᳚ । ವಿ॒ಭೂಶ್ಚ॑ ಪರಿ॒ಭೂಶ್ಚ॑ । ತೇ ಮಾ ವಿ॑ಶತಾ॒-ನ್ತೇ ಮಾ॑ ಜಿನ್ವತಾಮ್ । ಯೇ ತೇ॑ ಅಗ್ನೇ ಶಿ॒ವೇ ತ॒ನುವೌ᳚ । ಪ್ರ॒ಭ್ವೀ ಚ॒ ಪ್ರಭೂ॑ತಿಶ್ಚ । ತೇ ಮಾ ವಿ॑ಶತಾ॒-ನ್ತೇ ಮಾ॑ ಜಿನ್ವತಾಮ್ । ಯಾಸ್ತೇ॑ ಅಗ್ನೇ ಶಿ॒ವಾಸ್ತ॒ನುವಃ॑ । ತಾಭಿ॒ಸ್ತ್ವಾ ಽಽದ॑ಧೇ ॥ ಯಾಸ್ತೇ॑ ಅಗ್ನೇ ಘೋ॒ರಾಸ್ತ॒ನುವಃ॑ । ತಾಭಿ॑ರ॒ಮು-ಙ್ಗ॑ಚ್ಛ ॥ 58 ॥

(ಚತು॑ಷ್ಪದೇ - ಜಿನ್ವತಾಂ - ತ॒ನುವ॒ ಸ್ತ್ರೀಣಿ॑ ಚ ) (ಅ. 7)

ಅನುವಾಕಂ 8 - ಏತದ್ಬ್ರಾಹ್ಮಣಂ

ಇ॒ಮೇ ವಾ ಏ॒ತೇ ಲೋ॒ಕಾ ಅ॒ಗ್ನಯಃ॑ । ತೇ ಯದವ್ಯಾ॑ವೃತ್ತಾ ಆಧೀ॒ಯೇರನ್ನ್॑ । ಶೋ॒ಚಯೇ॑ಯು॒-ರ್ಯಜ॑ಮಾನಮ್ । ಘ॒ರ್ಮ-ಶ್ಶಿರ॒ ಇತಿ॒ ಗಾರ್ಹ॑ಪತ್ಯ॒-ಮಾದ॑ಧಾತಿ । ವಾತಃ॑ ಪ್ರಾ॒ಣ ಇತ್ಯ॑ನ್ವಾಹಾರ್ಯ॒-ಪಚ॑ನಮ್ । ಅ॒ರ್ಕ-ಶ್ಚಕ್ಷು॒ರಿತ್ಯಾ॑-ಹವ॒ನೀಯ᳚ಮ್ । ತೇನೈ॒ವೈನಾ॒ನ್ ವ್ಯಾವ॑ರ್ತಯತಿ । ತಥಾ॒ ನ ಶೋ॑ಚಯನ್ತಿ॒ ಯಜ॑ಮಾನಮ್ ॥ ರ॒ಥ॒ನ್ತ॒ರ-ಮ॒ಭಿಗಾ॑ಯತೇ॒ ಗಾರ್ಹ॑ಪತ್ಯ ಆಧೀ॒ಯಮಾ॑ನೇ । ರಾಥ॑ನ್ತರೋ॒ ವಾ ಅ॒ಯಂ-ಲೋಁ॒ಕಃ ॥ 59 ॥

ಅ॒ಸ್ಮಿನ್ನೇ॒ವೈನಂ॑-ಲೋಁ॒ಕೇ ಪ್ರತಿ॑ಷ್ಠಿತ॒-ಮಾಧ॑ತ್ತೇ । ವಾ॒ಮ॒ದೇ॒ವ್ಯ-ಮ॒ಭಿಗಾ॑ಯತ ಉದ್ಧ್ರಿ॒ಯಮಾ॑ಣೇ । ಅ॒ನ್ತರಿ॑ಕ್ಷಂ॒-ವೈಁ ವಾ॑ಮದೇ॒ವ್ಯಮ್ । ಅ॒ನ್ತರಿ॑ಕ್ಷ ಏ॒ವೈನ॒-ಮ್ಪ್ರತಿ॑ಷ್ಠಿತ॒-ಮಾಧ॑ತ್ತೇ । ಅಥೋ॒ ಶಾನ್ತಿ॒-ರ್ವೈ ವಾ॑ಮದೇ॒ವ್ಯಮ್ । ಶಾ॒ನ್ತಮೇ॒ವೈನ॑-ಮ್ಪಶ॒ವ್ಯ॑ಮುದ್ಧ॑ರತೇ । ಬೃ॒ಹದ॒ಭಿಗಾ॑ಯತ ಆಹವ॒ನೀಯ॑ ಆಧೀ॒ಯಮಾ॑ನೇ । ಬಾರ್ಹ॑ತೋ॒ ವಾ ಅ॒ಸೌ ಲೋ॒ಕಃ । ಅ॒ಮುಷ್ಮಿ॑ನ್ನೇ॒ವೈನಂ॑-ಲೋಁ॒ಕೇ ಪ್ರತಿ॑ಷ್ಠಿತ॒-ಮಾಧ॑ತ್ತೇ ॥ ಪ್ರ॒ಜಾಪ॑ತಿ-ರ॒ಗ್ನಿ-ಮ॑ಸೃಜತ ॥ 60 ॥

ಸೋ-ಽಶ್ವೋ॒ ವಾರೋ॑ ಭೂ॒ತ್ವಾ ಪರಾಂ॑ಐತ್ । ತಂ-ವಾಁ॑ರವ॒ನ್ತೀಯೇ॑ನಾವಾರಯತ ।ತ-ದ್ವಾ॑ರವ॒ನ್ತೀಯ॑ಸ್ಯ ವಾರವನ್ತೀಯ॒ತ್ವಮ್ । ಶ್ಯೈ॒ತೇನ॑ ಶ್ಯೇ॒ತೀ ಅ॑ಕುರುತ ।ತಚ್ಛ್ಯೈ॒ತಸ್ಯ॑ ಶ್ಯೈತ॒ತ್ವಮ್ । ಯ-ದ್ವಾ॑ರವ॒ನ್ತೀಯ॑-ಮಭಿ॒ಗಾಯ॑ತೇ । ವಾ॒ರ॒ಯಿ॒ತ್ವೈವೈನ॒-ಮ್ಪ್ರತಿ॑ಷ್ಠಿತ॒-ಮಾಧ॑ತ್ತೇ । ಶ್ಯೈ॒ತೇನ॑ ಶ್ಯೇ॒ತೀ ಕು॑ರುತೇ ॥ ಘ॒ರ್ಮ-ಶ್ಶಿರ॒ ಇತಿ॒ ಗಾರ್ಹ॑ಪತ್ಯ॒-ಮಾದ॑ಧಾತಿ । ಸಶೀ॑ರ್ಷಾಣ-ಮೇ॒ವೈನ॒-ಮಾಧ॑ತ್ತೇ ॥ 61 ॥

ಉಪೈ॑ನ॒ಮುತ್ತ॑ರೋ ಯ॒ಜ್ಞೋ ನ॑ಮತಿ ॥ ರು॒ದ್ರೋ ವಾ ಏ॒ಷಃ । ಯದ॒ಗ್ನಿಃ । ಸ ಆ॑ಧೀ॒ಯಮಾ॑ನ ಈಶ್ವ॒ರೋ ಯಜ॑ಮಾನಸ್ಯ ಪ॒ಶೂನ್ ಹಿಗ್ಂಸಿ॑ತೋಃ । ಸ-ಮ್ಪ್ರಿ॑ಯಃ ಪ॒ಶುಭಿ॑-ರ್ಭುವ॒ದಿತ್ಯಾ॑ಹ । ಪ॒ಶುಭಿ॑ರೇ॒ವೈನ॒ಗ್ಂ॒ ಸಮ್ಪ್ರಿ॑ಯ-ಙ್ಕರೋತಿ । ಪ॒ಶೂ॒ನಾ-ಮಹಿಗ್ಂ॑ಸಾಯೈ ॥ ಛ॒ರ್ದಿಸ್ತೋ॒ಕಾಯ॒ ತನ॑ಯಾಯ ಯ॒ಚ್ಛೇತ್ಯಾ॑ಹ ।ಆ॒ಶಿಷ॑ಮೇ॒ವೈತಾ-ಮಾಶಾ᳚ಸ್ತೇ ॥ ವಾತಃ॑ ಪ್ರಾ॒ಣ ಇತ್ಯ॑ನ್ವಾಹಾರ್ಯ॒-ಪಚ॑ನಮ್ ॥ 62 ॥

ಸಪ್ರಾ॑ಣ-ಮೇ॒ವೈನ॒-ಮಾಧ॑ತ್ತೇ ॥ ಸ್ವ॒ದಿ॒ತ-ನ್ತೋ॒ಕಾಯ॒ ತನ॑ಯಾಯ ಪಿ॒ತು-ಮ್ಪ॒ಚೇತ್ಯಾ॑ಹ । ಅನ್ನ॑ಮೇ॒ವಾಸ್ಮೈ᳚ ಸ್ವದಯತಿ ॥ ಪ್ರಾಚೀ॒ಮನು॑ ಪ್ರ॒ದಿಶ॒-ಮ್ಪ್ರೇಹಿ॑ ವಿ॒ದ್ವಾನಿತ್ಯಾ॑ಹ । ವಿಭ॑ಕ್ತಿರೇ॒ವೈನ॑ಯೋ॒ಸ್ಸಾ । ಅಥೋ॒ ನಾನಾ॑ ವೀರ್ಯಾವೇ॒ವೈನೌ॑ ಕುರುತೇ ॥ ಊರ್ಜ॑-ನ್ನೋ ಧೇಹಿ ದ್ವಿ॒ಪದೇ॒ ಚತು॑ಷ್ಪದ॒ ಇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ॥ ಅ॒ರ್ಕ-ಶ್ಚಕ್ಷು॒ರಿತ್ಯಾ॑-ಹವ॒ನೀಯ᳚ಮ್ । ಅ॒ರ್ಕೋ ವೈ ದೇ॒ವಾನಾ॒ಮನ್ನ᳚ಮ್ ॥ 63 ॥

ಅನ್ನ॑ಮೇ॒ವಾವ॑ ರುನ್ಧೇ ॥ ತೇನ॑ ಮೇ ದೀದಿ॒ಹೀತ್ಯಾ॑ಹ । ಸಮಿ॑ನ್ಧ ಏ॒ವೈನ᳚ಮ್ ॥ ಆ॒ನ॒ಶೇ ವ್ಯಾ॑ನಶ॒ ಇತಿ॒ ತ್ರಿರುದಿ॑ಙ್ಗಯತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಷ್ವೇ॑ವೈನಂ॑-ಲೋಁ॒ಕೇಷು॒ ಪ್ರತಿ॑ಷ್ಠಿತ॒-ಮಾಧ॑ತ್ತೇ ॥ ತತ್-ತಥಾ॒ ನ ಕಾ॒ರ್ಯ᳚ಮ್ । ವೀಙ್ಗಿ॑ತ॒ಮ ಪ್ರ॑ತಿಷ್ಠಿತ॒-ಮಾದ॑ಧೀತ । ಉ॒ದ್ಧೃತ್ಯೈ॒-ವಾಧಾಯಾ॑-ಭಿ॒ಮನ್ತ್ರಿಯಃ॑ । ಅವೀ᳚ಙ್ಗಿತ-ಮೇ॒ವೈನ॒-ಮ್ಪ್ರತಿ॑ಷ್ಠಿತ॒-ಮಾಧ॑ತ್ತೇ ॥ ವಿ॒ರಾಟ್ ಚ॑ ಸ್ವ॒ರಾಟ್ ಚ॒ ಯಾಸ್ತೇ॑ ಅಗ್ನೇ ಶಿ॒ವಾಸ್ತ॒ನುವ॒-ಸ್ತಾಭಿ॒ಸ್ತ್ವಾ ಽಽದ॑ಧ॒ ಇತ್ಯಾ॑ಹ । ಏ॒ತಾ ವಾ ಅ॒ಗ್ನೇ-ಶ್ಶಿ॒ವಾಸ್ತ॒ನುವಃ॑ । ತಾಭಿ॑ರೇ॒ವೈನ॒ಗ್ಂ॒ ಸಮ॑ರ್ಧಯತಿ ॥ ಯಾಸ್ತೇ॑ ಅಗ್ನೇ ಘೋ॒ರಾಸ್ತ॒ನುವ॒ ಸ್ತಾಭಿ॑ರ॒ಮು-ಙ್ಗ॒ಚ್ಛೇತಿ॑ ಬ್ರೂಯಾ॒ದ್ಯ-ನ್ದ್ವಿ॒ಷ್ಯಾತ್ । ತಾಭಿ॑ರೇ॒ವೈನ॒-ಮ್ಪರಾ॑ಭಾವಯತಿ ॥ 64 ॥

(ಲೋ॒ಕೋ॑ - ಽಸೃಜತೈನ॒ - ಮಾಧ॑ತ್ತೇ - ಽನ್ವಾಹಾರ್ಯ॒ಪಚ॑ನಂ - ದೇ॒ವಾನಾ॒ಮನ್ನ॑ - ಮೇನ॒-ಮ್ಪ್ರತಿ॑ಷ್ಠಿತ॒ಮಾಧ॑ತ್ತೇ॒ ಪಞ್ಚ॑ ಚ) (ಅ. 8)

ಅನುವಾಕಂ 9 - ಬ್ರಹ್ಮೌದನಮ್

ಶ॒ಮೀ॒ಗ॒ರ್ಭಾದ॒ಗ್ನಿ-ಮ್ಮ॑ನ್ಥತಿ । ಏ॒ಷಾ ವಾ ಅ॒ಗ್ನೇ-ರ್ಯ॒ಜ್ಞಿಯಾ॑ ತ॒ನೂಃ । ತಾಮೇ॒ವಾಸ್ಮೈ॑ ಜನಯತಿ ॥ ಅದಿ॑ತಿಃ ಪು॒ತ್ರಕಾ॑ಮಾ । ಸಾ॒ದ್ಧ್ಯೇಭ್ಯೋ॑ ದೇ॒ವೇಭ್ಯೋ᳚ ಬ್ರಹ್ಮೌದ॒ನ-ಮ॑ಪಚತ್ । ತಸ್ಯಾ॑ ಉ॒ಚ್ಛೇಷ॑ಣ-ಮದದುಃ । ತ-ತ್ಪ್ರಾಶ್ಞಾ᳚ತ್ । ಸಾ ರೇತೋ॑-ಽಧತ್ತ । ತಸ್ಯೈ॑ ಧಾ॒ತಾ ಚಾ᳚ರ್ಯ॒ಮಾ ಚಾ॑ಜಾಯೇತಾಮ್ । ಸಾ ದ್ವಿ॒ತೀಯ॑-ಮಪಚತ್ ॥ 65 ॥

ತಸ್ಯಾ॑ ಉ॒ಚ್ಛೇಷ॑ಣ-ಮದದುಃ । ತ-ತ್ಪ್ರಾಶ್ಞಾ᳚ತ್ । ಸಾ ರೇತೋ॑-ಽಧತ್ತ । ತಸ್ಯೈ॑ ಮಿ॒ತ್ರಶ್ಚ॒ ವರು॑ಣಶ್ಚಾಜಾಯೇತಾಮ್ । ಸಾ ತೃ॒ತೀಯ॑-ಮಪಚತ್ । ತಸ್ಯಾ॑ ಉ॒ಚ್ಛೇಷ॑ಣ-ಮದದುಃ । ತ-ತ್ಪ್ರಾಶ್ಞಾ᳚ತ್ । ಸಾ ರೇತೋ॑-ಽಧತ್ತ । ತಸ್ಯಾ॒ ಅಗ್ಂಶ॑ಶ್ಚ॒ ಭಗ॑ಶ್ಚಾಜಾಯೇತಾಮ್ । ಸಾ ಚ॑ತು॒ರ್ಥ-ಮ॑ಪಚತ್ ॥ 66 ॥

ತಸ್ಯಾ॑ ಉ॒ಚ್ಛೇಷ॑ಣ-ಮದದುಃ । ತ-ತ್ಪ್ರಾಶ್ಞಾ᳚ತ್ । ಸಾ ರೇತೋ॑-ಽಧತ್ತ । ತಸ್ಯಾ॒ ಇನ್ದ್ರ॑ಶ್ಚ॒ ವಿವ॑ಸ್ವಾಗ್ಶ್ಚಾ-ಜಾಯೇತಾಮ್ । ಬ್ರ॒ಹ್ಮೌ॒ದ॒ನ-ಮ್ಪ॑ಚತಿ । ರೇತ॑ ಏ॒ವ ತ-ದ್ದ॑ಧಾತಿ ॥ ಪ್ರಾಶ್ಞ॑ನ್ತಿ ಬ್ರಾಹ್ಮ॒ಣಾ ಓ॑ದ॒ನಮ್ ॥ ಯದಾಜ್ಯ॑-ಮು॒ಚ್ಛಿಷ್ಯ॑ತೇ । ತೇನ॑ ಸ॒ಮಿಧೋ॒-ಽಭ್ಯಜ್ಯಾದ॑ಧಾತಿ । ಉ॒ಚ್ಛೇಷ॑ಣಾ॒ದ್ವಾ ಅದಿ॑ತೀ॒ ರೇತೋ॑-ಽಧತ್ತ ॥ 67 ॥

ಉ॒ಚ್ಛೇಷ॑ಣಾದೇ॒ವ ತ-ದ್ರೇತೋ॑ ಧತ್ತೇ ॥ ಅಸ್ಥಿ॒ ವಾ ಏ॒ತತ್ । ಯ-ಥ್ಸ॒ಮಿಧಃ॑ । ಏ॒ತ-ದ್ರೇತಃ॑ । ಯದಾಜ್ಯ᳚ಮ್ । ಯದಾಜ್ಯೇ॑ನ ಸ॒ಮಿಧೋ॒-ಽಭ್ಯಜ್ಯಾ॒ದಧಾ॑ತಿ । ಅಸ್ಥ್ಯೇ॒ವ ತ-ದ್ರೇತ॑ಸಿ ದಧಾತಿ ॥ ತಿ॒ಸ್ರ ಆದ॑ಧಾತಿ ಮಿಥುನ॒ತ್ವಾಯ॑ ॥ ಇಯ॑ತೀ-ರ್ಭವನ್ತಿ । ಪ್ರ॒ಜಾಪ॑ತಿನಾ ಯಜ್ಞಮು॒ಖೇನ॒ ಸಮ್ಮಿ॑ತಾಃ ॥ 68 ॥

ಇಯ॑ತೀ-ರ್ಭವನ್ತಿ । ಯ॒ಜ್ಞ॒ಪ॒ರುಷಾ॒ ಸಮ್ಮಿ॑ತಾಃ । ಇಯ॑ತೀ-ರ್ಭವನ್ತಿ । ಏ॒ತಾವ॒ದ್ವೈ ಪುರು॑ಷೇ ವೀ॒ರ್ಯ᳚ಮ್ । ವೀ॒ರ್ಯ॑ ಸಮ್ಮಿತಾಃ ॥ ಆ॒ರ್ದ್ರಾ ಭ॑ವನ್ತಿ । ಆ॒ರ್ದ್ರಮಿ॑ವ॒ ಹಿ ರೇತಃ॑ ಸಿ॒ಚ್ಯತೇ᳚ ॥ ಚಿತ್ರಿ॑ಯಸ್ಯಾಶ್ವ॒ತ್ಥಸ್ಯಾದ॑ಧಾತಿ । ಚಿ॒ತ್ರಮೇ॒ವ ಭ॑ವತಿ ॥ ಘೃ॒ತವ॑ತೀಭಿ॒-ರಾದ॑ಧಾತಿ ॥ 69 ॥

ಏ॒ತದ್ವಾ ಅ॒ಗ್ನೇಃ ಪ್ರಿ॒ಯ-ನ್ಧಾಮ॑ । ಯ-ದ್ಘೃ॒ತಮ್ । ಪ್ರಿ॒ಯೇಣೈ॒ವೈನ॒-ನ್ಧಾಮ್ನಾ॒ ಸಮ॑ರ್ಧಯತಿ । ಅಥೋ॒ ತೇಜ॑ಸಾ ॥ ಗಾ॒ಯ॒ತ್ರೀಭಿ॑-ರ್ಬ್ರಾಹ್ಮ॒ಣಸ್ಯಾದ॑ದ್ಧ್ಯಾತ್ । ಗಾ॒ಯ॒ತ್ರಛ॑ನ್ದಾ॒ ವೈ ಬ್ರಾ᳚ಹ್ಮ॒ಣಃ । ಸ್ವಸ್ಯ॒ ಛನ್ದ॑ಸಃ ಪ್ರತ್ಯಯನ॒ಸ್ತ್ವಾಯ॑ । ತ್ರಿ॒ಷ್ಟುಗ್ಭೀ॑-ರಾಜ॒ನ್ಯ॑ಸ್ಯ । ತ್ರಿ॒ಷ್ಟು-ಪ್ಛ॑ನ್ದಾ॒ ವೈ ರಾ॑ಜ॒ನ್ಯಃ॑ । ಸ್ವಸ್ಯ॒ ಛನ್ದ॑ಸಃ ಪ್ರತ್ಯಯನ॒ಸ್ತ್ವಾಯ॑ ॥ 70 ॥

ಜಗ॑ತೀಭಿ॒-ರ್ವೈಶ್ಯ॑ಸ್ಯ । ಜಗ॑ತೀ ಛನ್ದಾ॒ ವೈ ವೈಶ್ಯಃ॑ । ಸ್ವಸ್ಯ॒ ಛನ್ದ॑ಸಃ ಪ್ರತ್ಯಯನ॒ಸ್ತ್ವಾಯ॑ ॥ ತಗ್ಂ ಸಂ॑ವಁಥ್ಸ॒ರ-ಙ್ಗೋ॑ಪಾಯೇತ್ । ಸಂ॒ವಁ॒ಥ್ಸ॒ರಗ್ಂ ಹಿ ರೇತೋ॑ ಹಿ॒ತಂ-ವಁರ್ಧ॑ತೇ ॥ ಯ-ದ್ಯೇ॑ನಗ್ಂ ಸಂವಁಥ್ಸ॒ರೇ ನೋಪ॒ನಮೇ᳚ತ್ । ಸ॒ಮಿಧಃ॒ ಪುನ॒ರಾದ॑ದ್ಧ್ಯಾತ್ । ರೇತ॑ ಏ॒ವ ತದ್ಧಿ॒ತಂ-ವಁರ್ಧ॑ಮಾನಮೇತಿ ॥ ನ ಮಾ॒ಗ್ಂ॒ಸ-ಮ॑ಶ್ಞೀಯಾತ್ । ನ ಸ್ತ್ರಿಯ॒ಮುಪೇ॑ಯಾತ್ ॥ 71 ॥

ಯ-ನ್ಮಾ॒ಗ್ಂ॒ಸ-ಮ॑ಶ್ಞೀ॒ಯಾತ್ । ಯಥ್ಸ್ತ್ರಿಯ॑-ಮುಪೇ॒ಯಾತ್ । ನಿರ್ವೀ᳚ರ್ಯ-ಸ್ಸ್ಯಾತ್ । ನೈನ॑ಮ॒ಗ್ನಿ-ರುಪ॑ನಮೇತ್ ॥ ಶ್ವ ಆ॑ಧಾ॒ಸ್ಯಮಾ॑ನೋ ಬ್ರಹ್ಮೌದ॒ನ-ಮ್ಪ॑ಚತಿ । ಆ॒ದಿ॒ತ್ಯಾ ವಾ ಇ॒ತ ಉ॑ತ್ತ॒ಮಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯನ್ನ್ । ತೇ ವಾ ಇ॒ತೋ ಯನ್ತ॒-ಮ್ಪ್ರತಿ॑ನುದನ್ತೇ । ಏ॒ತೇ ಖಲು॒ ವಾವಾದಿ॒ತ್ಯಾಃ । ಯ-ದ್ಬ್ರಾ᳚ಹ್ಮ॒ಣಾಃ । ತೈರೇ॒ವ ಸ॒ತ್ವ-ಙ್ಗ॑ಚ್ಛತಿ ॥ 72 ॥

ನೈನ॒-ಮ್ಪ್ರತಿ॑ನುದನ್ತೇ ॥ ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಕ್ವಾ॑ ಸಃ । ಅ॒ಗ್ನಿಃ ಕಾ॒ರ್ಯಃ॑ । ಯೋ᳚-ಽಸ್ಮೈ ಪ್ರ॒ಜಾ-ಮ್ಪ॒ಶೂ-ನ್ಪ್ರ॑ಜ॒ನಯ॒ತೀತಿ॑ । ಶಲ್ಕೈ॒ಸ್ತಾಗ್ಂ ರಾತ್ರಿ॑ಮ॒ಗ್ನಿ-ಮಿ॑ನ್ಧೀತ । ತಸ್ಮಿ॑-ನ್ನುಪವ್ಯು॒ಷಮ॒ರಣೀ॒ ನಿಷ್ಟ॑ಪೇತ್ । ಯಥ॑ರ್ಷ॒ಭಾಯ॑ ವಾಶಿ॒ತಾ ನ್ಯಾ॑ವಿಚ್ಛಾ॒ಯತಿ॑ । ತಾ॒ದೃಗೇ॒ವ ತತ್ ॥ ಅ॒ಪೋ॒ದೂಹ್ಯ॒ ಭಸ್ಮಾ॒ಗ್ನಿ-ಮ್ಮ॑ನ್ಥತಿ ॥ 73 ॥

ಸೈವ ಸಾ-ಽಗ್ನೇ-ಸ್ಸನ್ತ॑ತಿಃ ॥ ತ-ಮ್ಮ॑ಥಿ॒ತ್ವಾ ಪ್ರಾಞ್ಚ॒ಮುದ್ಧ॑ರತಿ । ಸಂ॒ವಁ॒ಥ್ಸ॒ರಮೇ॒ವ ತ-ದ್ರೇತೋ॑ ಹಿ॒ತ-ಮ್ಪ್ರಜ॑ನಯತಿ ॥ ಅನಾ॑ಹಿತ॒-ಸ್ತಸ್ಯಾ॒ಗ್ನಿ-ರಿತ್ಯಾ॑ಹುಃ । ಯ-ಸ್ಸ॒ಮಿಧೋ-ಽನಾ॑ಧಾಯಾ॒ಗ್ನಿ-ಮಾ॑ಧ॒ತ್ತ ಇತಿ॑ । ತಾ-ಸ್ಸಂ॑ವಁಥ್ಸ॒ರೇ ಪು॒ರಸ್ತಾ॒-ದಾದ॑ದ್ಧ್ಯಾತ್ । ಸಂ॒ವಁ॒ಥ್ಸ॒ರಾದೇ॒ವೈನ॑-ಮವ॒ರುದ್ಧ್ಯಾ-ಧ॑ತ್ತೇ ॥ ಯದಿ॑ ಸಂವಁಥ್ಸ॒ರೇ ಽನಾದ॒ದ್ಧ್ಯಾತ್ । ದ್ವಾ॒ದ॒ಶ್ಯಾ᳚-ಮ್ಪು॒ರಸ್ತಾ॒-ದಾದ॑ದ್ಧ್ಯಾತ್ । ಸಂ॒ವಁ॒ಥ್ಸ॒ರ ಪ್ರ॑ತಿಮಾ॒ ವೈ ದ್ವಾದ॑ಶ॒ ರಾತ್ರ॑ಯಃ । ಸಂ॒ವಁ॒ಥ್ಸ॒ರಮೇ॒ವಾಸ್ಯಾಹಿ॑ತಾ ಭವನ್ತಿ ॥ ಯದಿ॑ ದ್ವಾದ॒ಶ್ಯಾ᳚-ನ್ನಾದ॒ದ್ಧ್ಯಾತ್ । ತ್ರ್ಯ॒ಹೇ ಪು॒ರಸ್ತಾ॒ದಾದ॑ದ್ಧ್ಯಾತ್ । ಆಹಿ॑ತಾ ಏ॒ವಾಸ್ಯ॑ ಭವನ್ತಿ ॥ 74 ॥

(ದ್ವಿ॒ತೀಯ॑ಮಪಚಚ್ - ಚತು॒ರ್ಥಮ॑ಪಚ॒ - ದದಿ॑ತೀ॒ ರೇತೋ॑-ಽಧತ್ತ॒ - ಸಮ್ಮಿ॑ತಾ -

ಘೃ॒ತವ॑ತೀಭಿ॒ರಾದ॑ಧಾತಿ - ರಾಜ॒ನ್ಯಃ॑ ಸ್ವಸ್ಯ॒ ಛನ್ದ॑ಸಃ ಪ್ರತ್ಯಯನ॒ಸ್ತ್ವಾ - ಯೇ॑ಯಾ-ದ್- ಗಚ್ಛತಿ - ಮನ್ಥತಿ॒ - ರಾತ್ರ॑ಯ ಶ್ಚ॒ತ್ವಾರಿ॑ ಚ) (ಅ. 9)

ಅನುವಾಕಂ 10 - ಪಞ್ಚಾಗ್ನ್ಯಾಧಾನಮ್

ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ । ಸ ರಿ॑ರಿಚಾ॒ನೋ॑-ಽಮನ್ಯತ । ಸ ತಪೋ॑-ಽತಪ್ಯತ । ಸ ಆ॒ತ್ಮನ್ ವೀ॒ರ್ಯ॑-ಮಪಶ್ಯತ್ । ತದ॑ವರ್ಧತ । ತದ॑ಸ್ಮಾ॒-ಥ್ಸಹ॑ಸೋ॒ರ್ಧ್ವ-ಮ॑ಸೃಜ್ಯತ । ಸಾ ವಿ॒ರಾಡ॑ಭವತ್ । ತಾ-ನ್ದೇ॑ವಾಸು॒ರಾ ವ್ಯ॑ಗೃಹ್ಣತ । ಸೋ᳚-ಽಬ್ರವೀ-ತ್ಪ್ರ॒ಜಾಪ॑ತಿಃ । ಮಮ॒ ವಾ ಏ॒ಷಾ ॥ 75 ॥

ದೋಹಾ॑ ಏ॒ವ ಯು॒ಷ್ಮಾಕ॒ಮಿತಿ॑ ॥ ಸಾ ತತಃ॒ ಪ್ರಾಚ್ಯುದ॑ಕ್ರಾಮತ್ । ತ-ತ್ಪ್ರ॒ಜಾಪ॑ತಿಃ॒ ಪರ್ಯ॑ಗೃಹ್ಣಾತ್ । ಅಥ॑ರ್ವ ಪಿ॒ತು-ಮ್ಮೇ॑ ಗೋಪಾ॒ಯೇತಿ॑ । ಸಾ ದ್ವಿ॒ತೀಯ॒-ಮುದ॑ಕ್ರಾಮತ್ । ತ-ತ್ಪ್ರ॒ಜಾಪ॑ತಿಃ॒ ಪರ್ಯ॑ಗೃಹ್ಣಾತ್ । ನರ್ಯ॑ ಪ್ರ॒ಜಾ-ಮ್ಮೇ॑ ಗೋಪಾ॒ಯೇತಿ॑ । ಸಾ ತೃ॒ತೀಯ॒-ಮುದ॑ಕ್ರಾಮತ್ । ತ-ತ್ಪ್ರ॒ಜಾಪ॑ತಿಃ॒ ಪರ್ಯ॑ಗೃಹ್ಣಾತ್ । ಶಗ್ಗ್ಸ್ಯ॑ ಪ॒ಶೂ-ನ್ಮೇ॑ ಗೋಪಾ॒ಯೇತಿ॑ ॥ 76 ॥

ಸಾ ಚ॑ತು॒ರ್ಥ-ಮುದ॑ಕ್ರಾಮತ್ । ತ-ತ್ಪ್ರ॒ಜಾಪ॑ತಿಃ॒ ಪರ್ಯ॑ಗೃಹ್ಣಾತ್ । ಸಪ್ರ॑ಥ ಸ॒ಭಾ-ಮ್ಮೇ॑ ಗೋಪಾ॒ಯೇತಿ॑ । ಸಾ ಪ॑ಞ್ಚ॒ಮ-ಮುದ॑ಕ್ರಾಮತ್ । ತ-ತ್ಪ್ರ॒ಜಾಪ॑ತಿಃ॒ ಪರ್ಯ॑ಗೃಹ್ಣಾತ್ । ಅಹೇ॑ ಬುದ್ಧ್ನಿಯ॒ ಮನ್ತ್ರ॑-ಮ್ಮೇ ಗೋಪಾ॒ಯೇತಿ॑ । ಅ॒ಗ್ನೀನ್ ವಾವ ಸಾ ತಾನ್ ವ್ಯ॑ಕ್ರಮತ । ತಾ-ನ್ಪ್ರ॒ಜಾಪ॑ತಿಃ॒ ಪರ್ಯ॑ಗೃಹ್ಣಾತ್ । ಅಥೋ॑ ಪ॒ಙ್ಕ್ತಿಮೇ॒ವ ॥ ಪ॒ಙ್ಕ್ತಿರ್ವಾ ಏ॒ಷಾ ಬ್ರಾ᳚ಹ್ಮ॒ಣೇ ಪ್ರವಿ॑ಷ್ಟಾ ॥ 77 ॥

ತಾಮಾ॒ತ್ಮನೋ-ಽಧಿ॒ ನಿರ್ಮಿ॑ಮೀತೇ । ಯದ॒ಗ್ನಿ-ರಾ॑ಧೀ॒ಯತೇ᳚ । ತಸ್ಮಾ॑-ದೇ॒ತಾವ॑ನ್ತೋ॒-ಽಗ್ನಯ॒ ಆಧೀ॑ಯನ್ತೇ । ಪಾಙ್ಕ್ತಂ॒-ವಾಁ ಇ॒ದಗ್ಂ ಸರ್ವ᳚ಮ್ । ಪಾಙ್ಕ್ತೇ॑ನೈ॒ವ ಪಾಙ್ಕ್ತಗ್ಗ್॑ ಸ್ಪೃಣೋತಿ ॥ ಅಥ॑ರ್ವ ಪಿ॒ತು-ಮ್ಮೇ॑ ಗೋಪಾ॒ಯೇತ್ಯಾ॑ಹ । ಅನ್ನ॑ಮೇ॒ವೈ ತೇನ॑ ಸ್ಪೃಣೋತಿ । ನರ್ಯ॑ ಪ್ರ॒ಜಾ-ಮ್ಮೇ॑ ಗೋಪಾ॒ಯೇತ್ಯಾ॑ಹ । ಪ್ರ॒ಜಾಮೇ॒ವೈತೇನ॑ ಸ್ಪೃಣೋತಿ । ಶಗ್ಗ್ಸ್ಯ॑ ಪ॒ಶೂ-ನ್ಮೇ॑ ಗೋಪಾ॒ಯೇತ್ಯಾ॑ಹ ॥ 78 ॥

ಪ॒ಶೂನೇ॒ವೈತೇನ॑ ಸ್ಪೃಣೋತಿ । ಸಪ್ರ॑ಥ ಸ॒ಭಾ-ಮ್ಮೇ॑ ಗೋಪಾ॒ಯೇತ್ಯಾ॑ಹ । ಸ॒ಭಾಮೇ॒ವೈತೇನೆ᳚ನ್ದ್ರಿ॒ಯಗ್ಗ್ ಸ್ಪೃ॑ಣೋತಿ । ಅಹೇ॑ ಬುದ್ಧ್ನಿಯ॒ ಮನ್ತ್ರ॑-ಮ್ಮೇ ಗೋಪಾ॒ಯೇತ್ಯಾ॑ಹ । ಮನ್ತ್ರ॑ಮೇ॒ವೈ ತೇನ॒ ಶ್ರಿಯಗ್ಗ್॑ ಸ್ಪೃಣೋತಿ ॥ ಯದ॑ನ್ವಾಹಾರ್ಯ॒-ಪಚ॑ನೇ-ಽನ್ವಾಹಾ॒ರ್ಯ॑-ಮ್ಪಚ॑ನ್ತಿ । ತೇನ॒ ಸೋ᳚-ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ । ಯ-ದ್ಗಾರ್ಹ॑ಪತ್ಯ॒ ಆಜ್ಯ॑ಮಧಿ॒ಶ್ರಯ॑ನ್ತಿ॒ ಸಮ್ಪತ್ನೀ᳚ರ್ಯಾ॒ಜಯ॑ನ್ತಿ । ತೇನ॒ ಸೋ᳚-ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ । ಯದಾ॑ಹವ॒ನೀಯೇ॒ ಜುಹ್ವ॑ತಿ ॥ 79 ॥

ತೇನ॒ ಸೋ᳚-ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ । ಯಥ್ಸ॒ಭಾಯಾಂ᳚-ವಿಁ॒ಜಯ॑ನ್ತೇ । ತೇನ॒ ಸೋ᳚-ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ । ಯದಾ॑ವಸ॒ಥೇ-ಽನ್ನ॒ಗ್ಂ॒ ಹರ॑ನ್ತಿ । ತೇನ॒ ಸೋ᳚-ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ । ತಥಾ᳚-ಽಸ್ಯ॒ ಸರ್ವೇ᳚ ಪ್ರೀ॒ತಾ ಅ॒ಭೀಷ್ಟಾ॒ ಆಧೀ॑ಯನ್ತೇ ॥ ಪ್ರ॒ವ॒ಸ॒ಥ-ಮೇ॒ಷ್ಯನ್ನೇ॒ವ-ಮುಪ॑ತಿಷ್ಠೇ॒-ತೈಕ॑ಮೇಕಮ್ । ಯಥಾ᳚ ಬ್ರಾಹ್ಮ॒ಣಾಯ॑ ಗೃಹೇವಾ॒ಸಿನೇ॑ ಪರಿ॒ದಾಯ॑ ಗೃ॒ಹಾನೇತಿ॑ । ತಾ॒ದೃಗೇ॒ವ ತತ್ ॥ ಪುನ॑ರಾ॒ಗ-ತ್ಯೋಪ॑ತಿಷ್ಠತೇ । ಸಾ ಭಾ॑ಗೇಯಮೇ॒ವೈಷಾ॒-ನ್ತತ್ । ಸಾ ತತ॑ ಊ॒ರ್ಧ್ವಾ-ಽಽರೋ॑ಹತ್ । ಸಾ ರೋ॑ಹಿ॒ಣ್ಯ॑ಭವತ್ । ತ-ದ್ರೋ॑ಹಿ॒ಣ್ಯೈ ರೋ॑ಹಿಣಿ॒ತ್ವಮ್ । ರೋ॒ಹಿ॒ಣ್ಯಾ-ಮ॒ಗ್ನಿ-ಮಾದ॑ಧೀತ । ಸ್ವ ಏ॒ವೈನಂ॒-ಯೋಁನೌ॒ ಪ್ರತಿ॑ಷ್ಠಿತ॒-ಮಾಧ॑ತ್ತೇ । ಋ॒ದ್ಧ್ನೋತ್ಯೇ॑ನೇನ ॥ 80 ॥

(ಏ॒ಷಾ - ಪ॒ಶೂನ್ಮೇ॑ ಗೋಪಾ॒ಯೇತಿ॒ - ಪ್ರವಿ॑ಷ್ಟಾ -

ಪ॒ಶೂನ್ಮೇ॑ ಗೋಪಾ॒ಯೇತ್ಯಾ॑ಹ॒ - ಜುಹ್ವ॑ತಿ - ತಿಷ್ಠತೇ ಸ॒ಪ್ತ ಚ॑) (ಅ. 10)

(ಬ್ರಹ್ಮ॒ ಸನ್ಧ॑ತ್ತಂ॒ - ಕೃತ್ತಿ॑ಕಾ॒ - ಸೂದ್ಧ॑ನ್ತಿ - ದ್ವಾದ॒ಶಸು॑ - ಪ್ರ॒ಜಾಪ॑ತಿ-ರ್ವಾ॒ಚೋ - ದೇ॑ವಾಸು॒ರಾಸ್ತದ॒ಗ್ನಿರ್ನೋ-ದ್- ಘ॒ರ್ಮ-ಶ್ಶಿರ॑ - ಇ॒ಮೇ ವೈ - ಶ॑ಮೀಗ॒ರ್ಭಾತ್ - ಪ್ರ॒ಜಾಪ॑ತಿ॒-ಸ್ಸ ರಿ॑ರಿಚಾ॒ನ-ಸ್ಸತಪ॒-ಸ್ಸ ಆ॒ತ್ಮನ್ ವೀ॒ರ್ಯ॑-ನ್ದಶ॑ )

(ಬ್ರಹ್ಮ॒ ಸನ್ಧ॑ತ್ತಂ॒ - ತೌ ದಿ॒ವ್ಯಾ - ವಥೋ॑ ಶ॒ತ್ವಾಂಯಁ॒ - ಪ್ರಾಚ್ಯೇ॑ಷಾಂ॒ - ಁಯದು॒ಪರ್ಯು॑ಪರಿ॒ - ಯ-ಥ್ಸ॒ದ್ಯಃ - ಸೋ-ಽಶ್ವೋ॒ ವಾರೋ॑ ಭೂ॒ತ್ವಾ - ಜಗ॑ತೀಭಿ॒ ರಶೀ॑ತಿಃ)

(ಬ್ರಹ್ಮ॒ ಸನ್ಧ॑ತ್ತ - ಮೃ॒ದ್ಧ್ನೋತ್ಯೇ॑ನೇನ)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಪ್ರಥಮಾಷ್ಟಕೇ ಪ್ರಥಮಃ ಪ್ರಪಾಠಕ-ಸ್ಸಮಾಪ್ತಃ ॥

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake prathamaḥ prapāṭhakaḥ - agnyādheyabrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

brahma॒ sandha̭tta॒-ntanmḙ jinvatam | kṣa॒tragṃ sandha̭tta॒-ntanmḙ jinvatam | iṣa॒gṃ॒ sandha̭tta॒-ntā-mmḙ jinvatam | ūrja॒gṃ॒ sandha̭tta॒-ntā-mmḙ jinvatam | ra॒yigṃ sandha̭tta॒-ntā-mmḙ jinvatam | puṣṭi॒gṃ॒ sandha̭tta॒-ntā-mmḙ jinvatam | pra॒jāgṃ sandha̭tta॒-ntā-mmḙ jinvatam | pa॒śū-nthsandha̭tta॒-ntānmḙ jinvatam || stu॒to̭-'si॒ jana̭dhāḥ | de॒vāstvā̭ śukra॒pāḥ praṇa̭yantu || 1 ||

su॒vīrāḥ᳚ pra॒jāḥ pra̭ja॒naya॒-nparī̭hi | śu॒kra-śśu॒kraśo̭ciṣā || stu॒to̭-'si॒ jana̭dhāḥ | de॒vāstvā̭ manthi॒pāḥ praṇa̭yantu || su॒pra॒jāḥ pra॒jāḥ pra̭ja॒naya॒-nparī̭hi | ma॒nthī ma॒nthiśo̭ciṣā ||sa॒ja॒ṅgmā॒nau di॒va ā pṛ̭thi॒vyā-''yuḥ̭ | sandha̭tta॒-ntanmḙ jinvatam | prā॒ṇagṃ sandha̭tta॒-nta-mmḙ jinvatam | a॒pā॒nagṃ sandha̭tta॒-nta-mmḙ jinvatam || 2 ||

vyā॒nagṃ sandha̭tta॒-nta-mmḙ jinvatam | cakṣu॒-ssandha̭tta॒-ntanmḙ jinvatam | śrotra॒gṃ॒ sandha̭tta॒-ntanmḙ jinvatam | mana॒-ssandha̭tta॒-ntanmḙ jinvatam | vāca॒gṃ॒ sandha̭tta॒-ntā-mmḙ jinvatam || āyuḥ̭ stha॒ āyṷrme dhattam | āyṷ-rya॒jñāya̭ dhattam | āyṷ-rya॒jñapa̭taye dhattam | prā॒ṇa-ssthaḥ̭ prā॒ṇa-mmḙ dhattam | prā॒ṇaṃ-ya~॒jñāya̭ dhattam || 3 ||

prā॒ṇaṃ-ya~॒jñapa̭taye dhattam | cakṣuḥ̭ stha॒ścakṣṷrme dhattam | cakṣṷ-rya॒jñāya̭ dhattam | cakṣṷ-rya॒jñapa̭taye dhattam | śrotragg̭ stha॒-śśrotra̭-mme dhattam | śrotraṃ̭-ya~॒jñāya̭ dhattam | śrotraṃ̭-ya~॒jñapa̭taye dhattam | tau dḙvau śukrāmanthinau |ka॒lpaya̭ta॒-ndaivī॒rviśaḥ̭ | ka॒lpaya̭ta॒-mmānṷṣīḥ || 4 ||

iṣa॒-mūrja̭ma॒smāsṷ dhattam | prā॒ṇā-npa॒śuṣṷ | pra॒jā-mmayi̭ ca॒ yaja̭māne ca || nira̭sta॒-śśaṇḍaḥ̭ | nira̭sto॒ markaḥ̭ || apa̭nuttau॒ śaṇḍā॒markaṷ sa॒hāmunā᳚ || śu॒krasya̭ sa॒mida̭si | ma॒nthinaḥ̭ sa॒mida̭si || sa pra̭tha॒ma-ssaṅkṛ̭ti-rvi॒śvaka̭rmā | sa pra̭tha॒mo mi॒tro varṷṇo a॒gniḥ | sa pra̭tha॒mo bṛha॒spati̭ściki॒tvān | tasmā॒ indrā̭ya su॒tamājṷhomi || 5 ||

(na॒ya॒ - ntva॒pā॒nagṃ sandha̭ttaṃ॒ ta-mmḙ jinvataṃ - prā॒ṇaṃ-ya~॒jñāya̭ dhattaṃ॒ - mānṷṣī--r a॒gni-rdve ca̭) (a. 1)

kṛtti̭kā-sva॒gni-māda̭dhīta | e॒tadvā a॒gne-rnakṣa̭tram | ya-tkṛtti̭kāḥ | svāyā̭me॒vaina̭-nde॒vatā̭yāmā॒dhāya̭ | bra॒hma॒va॒rca॒sī bha̭vati || mukhaṃ॒-vā~ e॒tannakṣa̭trāṇām | ya-tkṛtti̭kāḥ | yaḥ kṛtti̭kā-sva॒gni-mā̭dha॒tte | mukhya̭ e॒va bha̭vati || atho॒ khalṷ || 6 ||

a॒gni॒-na॒kṣa॒tramitya-pa̭cāyanti | gṛ॒hānaḥa॒ dāhṷko bhavati || pra॒jāpa̭tī rohi॒ṇyā-ma॒gni-ma̭sṛjata | ta-nde॒vā ro̭hi॒ṇyā-māda̭dhata | tato॒ vai te sarvā॒-nrohā̭narohann | ta-dro̭hi॒ṇyai ro̭hiṇi॒tvam | yo ro̭hi॒ṇyā-ma॒gnimā̭dha॒tte | ṛ॒dhnotye॒va | sarvā॒-nrohā᳚n-rohati || de॒vā vai bha॒drā-ssanto॒-'gni-mādhi̭thsanta || 7 ||

teṣā॒manā̭hito॒ 'gnirāsī᳚t | athai᳚bhyo vā॒maṃ-va~svapā᳚krāmat | te puna̭rvasvo॒rāda̭dhata | tato॒ vai tān vā॒maṃ-va~sū॒pāva̭rtata | yaḥ pu॒rā bha॒dra-ssampāpī̭yā॒-nthsyāt | sa puna̭rvasvo-ra॒gni-māda̭dhīta | puna̭re॒vainaṃ̭-vā~॒maṃ-va~sū॒pāva̭rtate | bha॒dro bha̭vati || yaḥ kā॒mayḙta॒ dāna̭kāmā me pra॒jā-ssyu॒riti̭ | sa pūrva̭yoḥ॒ phalgṷnyo-ra॒gni-māda̭dhīta || 8 ||

a॒rya॒mṇo vā e॒tannakṣa̭tram | yatpūrve॒ phalgṷnī | a॒rya॒meti॒ tamā̭hu॒ryo dadā̭ti | dāna̭kāmā asmai pra॒jā bha̭vanti || yaḥ kā॒mayḙta bha॒gī syā॒miti̭ | sa utta̭rayoḥ॒ phalgṷnyo-ra॒gnimāda̭dhīta | bhaga̭sya॒ vā e॒tannakṣa̭tram | yadutta̭re॒ phalgṷnī | bha॒gyḙva bha̭vati || kā॒la॒ka॒ñjā vai nāmāsṷrā āsann || 9 ||

te sṷva॒rgāya̭ lo॒kāyā॒gni-ma̭cinvata | purṷṣa॒ iṣṭa̭kā॒-mupā̭dadhā॒t-purṷṣa॒ iṣṭa̭kām | sa indro᳚ brāhma॒ṇo bruvā̭ṇa॒ iṣṭa̭kā॒mupā̭dhatta | e॒ṣā mḙ ci॒trā nāmeti̭ | te sṷva॒rgaṃ-lo~॒kamāprāro̭hann | sa indra॒ iṣṭa̭kā॒māvṛ̭hat | te-'vā̭kīryanta | yḙ-'vākī᳚ryanta | ta ūrṇā॒vabha̭yo-'bhavann | dvāvuda̭patatām || 10 ||

tau di॒vyau śvānā̭vabhavatām | yo bhrātṛ̭vyavā॒-nthsyāt | sa ci॒trāyā̭-ma॒gni-māda̭dhīta | a॒va॒kīryai॒va bhrātṛ̭vyān | ojo॒ bala̭mindri॒yaṃ-vī~॒rya̭mā॒tman-dha̭tte || va॒santā᳚ brāhma॒ṇo᳚ 'gnimāda̭dhīta | va॒sa॒nto vai brā᳚hma॒ṇasya॒rtuḥ | sva e॒vaina̭-mṛ॒tāvā॒dhāya̭ | bra॒hma॒va॒rca॒sī bha̭vati | mukhaṃ॒-vā~ e॒tadṛ̭tū॒nām || 11 ||

ya-dva̭sa॒ntaḥ | yo va॒santā॒-'gnimā̭dha॒tte | mukhya̭ e॒va bha̭vati | atho॒ yoni̭mantame॒vaina॒-mprajā̭ta॒mādha̭tte | grī॒ṣme rā̭ja॒nya̭ āda̭dhīta | grī॒ṣmo vai rā̭ja॒nya̭sya॒rtuḥ | sva e॒vaina̭mṛ॒tāvā॒dhāya̭ | i॒ndri॒yā॒vī bha̭vati | śa॒radi॒ vaiśya॒ āda̭dhīta | śa॒radvai vaiśya̭sya॒rtuḥ || 12 ||

sva e॒vaina̭mṛ॒tāvā॒dhāya̭ | pa॒śu॒mā-nbha̭vati || na pūrva̭yoḥ॒ phalgṷnyo-ra॒gnimāda̭dhīta | e॒ṣā vai ja̭gha॒nyā̭ rātriḥ̭ saṃva~thsa॒rasya̭ | yatpūrve॒ phalgṷnī | pṛ॒ṣṭi॒ta e॒va saṃ̭va~thsa॒rasyā॒-gnimā॒dhāya̭ | pāpī̭yān-bhavati | utta̭rayo॒rāda̭dhīta | e॒ṣā vai pra̭tha॒mā rātriḥ̭ saṃva~thsa॒rasya̭ | yadutta̭re॒ phalgṷnī | mu॒kha॒ta e॒va saṃ̭va~thsa॒rasyā॒-gnimā॒dhāya̭ | vasī̭yā-nbhavati || atho॒ khalṷ | ya॒daivainaṃ̭-ya~॒jña ṷpa॒name᳚t | athāda̭dhīta | saivāsyardhiḥ̭ || 13 ||

(khalvā̭ - dhithsanta॒ - phalgṷnyora॒gnimāda̭dhītā - san - napatatā - matū॒nāṃ - ~vaiśya̭sya॒rtu - rutta̭re॒ phalgṷnī॒ ṣaṭ ca̭) (a. 2)

uddha̭nti | yade॒vāsyā̭ ame॒ddhyam | tadapa̭ hanti || a॒po-'vo᳚kṣati॒ śāntyai᳚ || sika̭tā॒ niva̭pati | e॒tadvā a॒gne-rvai᳚śvāna॒rasya̭ rū॒pam | rū॒peṇai॒va vai᳚śvāna॒ramava̭-rundhe || ūṣā॒-nniva̭pati | puṣṭi॒rvā e॒ṣā pra॒jana̭nam | yadūṣāḥ᳚ || 14 ||

puṣṭyā̭me॒va pra॒jana̭ne॒ 'gnimādha̭tte | atho̭ sa॒ñjñāna̭ e॒va | sa॒-ñjñāna॒gg॒ hyḙta-tpa̭śū॒nām | yadūṣāḥ᳚ || dyāvā̭pṛthi॒vī sa॒hāstā᳚m | te vi̭ya॒tī a̭brūtām | astve॒va naṷ sa॒ha ya॒jñiya॒miti̭ | yada॒muṣyā̭ ya॒jñiya॒māsī᳚t | tada॒syā-ma̭dadhāt | ta ūṣā̭ abhavann || 15 ||

yada॒syā ya॒jñiya॒māsī᳚t | tada॒muṣyā̭-madadhāt | tada॒daśca॒ndrama̭si kṛ॒ṣṇam | ūṣā᳚nni॒vapa̭nna॒do ddhyā̭yet | dyāvā̭pṛthi॒vyore॒va ya॒jñiye॒-'gnimādha̭tte || a॒gnirde॒vebhyo॒ nilā̭yata | ā॒khū rū॒pa-ṅkṛ॒tvā | sa pṛ̭thi॒vī-mprāvi̭śat | sa ū॒tīḥ kṷrvā॒ṇaḥ pṛ̭thi॒vīmanu॒ sama̭carat | tadā̭khukarī॒ṣa-ma̭bhavat || 16 ||

yadā̭khukarī॒ṣagṃ sa̭bhāṃ॒ro bhava̭ti | yade॒vāsya॒ tatra॒ nya̭ktam | tade॒vāva̭rundhe || ūrjaṃ॒-vā~ e॒tagṃ rasa̭-mpṛthi॒vyā ṷpa॒dīkā॒ uddi̭hanti | ya-dva॒lmīka᳚m | ya-dva̭lmīkava॒pā sa̭bhāṃ॒ro bhava̭ti | ūrja̭me॒va rasa̭-mpṛthi॒vyā ava̭rundhe | atho॒ śrotra̭me॒va | śrotra॒gg॒ hyḙta-tpṛ̭thi॒vyāḥ | ya-dva॒lmīkaḥ̭ || 17 ||

aba̭dhiro bhavati | ya e॒vaṃ-ve~da̭ || pra॒jāpa̭tiḥ pra॒jā a̭sṛjata | tāsā॒manna॒-mupā᳚kṣīyata | tābhya॒-ssūda॒mupa॒ prābhi̭nat | tato॒ vai tāsā॒manna॒-nnākṣī̭yata | yasya॒ sūdaḥ̭ sambhā॒ro bhava̭ti | nāsya̭ gṛ॒he-'nna̭-ṅkṣīyate || āpo॒ vā i॒damagrḙ sali॒lamā̭sīt | tena̭ pra॒jāpa̭tiraśrāmyat || 18 ||

ka॒thami॒dagg syā॒diti̭ | so̭-'paśya-tpuṣkarapa॒rṇa-ntiṣṭha̭t | so̭-'manyata | asti॒ vai tat | yasmi̭-nni॒damadhi॒ tiṣṭha॒tīti̭ | sa va̭rā॒ho rū॒pa-ṅkṛ॒tvopa॒nya̭majjat | sa pṛ̭thi॒vīma॒dha ā᳚rcchat | tasyā̭ upa॒hatyoda̭majjat | ta-tpṷṣkarapa॒rṇe᳚ 'prathayat | yadapra̭thayat || 19 ||

ta-tpṛ̭thi॒vyai pṛ̭thivi॒tvam | abhū॒dvā i॒damiti̭ | tadbhūmyai̭ bhūmi॒tvam | tā-ndiśo-'nu॒ vāta॒-ssama̭vahat | tāgṃ śarka̭rābhiradṛgṃ hat | śaṃ-vai~ no̭-'bhū॒diti̭ | taccharka̭rāṇāgṃ śarkara॒tvam | ya-dva̭rā॒havi̭hatagṃ sambhā॒ro bhava̭ti | a॒syāme॒vā-cha̭mbaṭkārama॒gni-mādha̭tte | śarka̭rā bhavanti॒ dhṛtyai᳚ || 20 ||

atho̭ śa॒tvāṃya~̭ || sarḙtā a॒gnirā॒dheya॒ ityā̭huḥ | āpo॒ varṷṇasya॒ patna̭ya āsann | tā a॒gnira॒bhya̭ddhyāyat | tā-ssama̭bhavat | tasya॒ retaḥ॒ parā̭-'patat | taddhira̭ṇya-mabhavat | yaddhira̭ṇya-mu॒pāsya̭ti | sarḙtasame॒vāgni-mādha̭tte || purṷṣa॒ invai svā-dreta̭so bībhathsata॒ ityā̭huḥ || 21 ||

u॒tta॒ra॒ta upā᳚sya॒tya-bī̭bhathsāyai || ati॒ praya̭cchati | ārti̭me॒vāti॒ praya̭cchati || a॒gnirde॒vebhyo॒ nilā̭yata | aśvo̭ rū॒pa-ṅkṛ॒tvā | so᳚-'śva॒tthe saṃ̭va~thsa॒ra-ma̭tiṣṭhat | tada̭śva॒tthasyā᳚-śvattha॒tvam | yadāśva̭ttha-ssambhā॒ro bhava̭ti | yade॒vāsya॒ tatra॒ nya̭ktam | tade॒vāva̭-rundhe || 22 ||

de॒vā vā ūrjaṃ॒-vya~̭bhajanta | tata̭ udu॒mbara॒ uda̭tiṣṭhat | ūrgvā ṷdu॒mbaraḥ̭ | yadaudṷmbara-ssambhā॒ro bhava̭ti | ūrja̭me॒vāva̭-rundhe || tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat | tasya̭ pa॒rṇama̭cchidyata | tatpa॒rṇo̭ 'bhavat | ta-tpa॒rṇasya̭ parṇa॒tvam || 23 ||

yasya̭ parṇa॒mayaḥ̭ sambhā॒ro bhava̭ti | so॒ma॒pī॒thame॒vāva̭ rundhe || de॒vā vai brahma̭nnavadanta | ta-tpa॒rṇa upā̭śṛṇot | su॒śravā॒ vai nāma̭ | ya-tpa̭rṇa॒mayaḥ̭ sambhā॒ro bhava̭ti | bra॒hma॒va॒rca॒same॒vāva̭ rundhe || pra॒jāpa̭ti-ra॒gni-ma̭sṛjata | so̭-'bibhe॒tpra mā̭ dhakṣya॒tīti̭ | tagṃ śa॒myā̭-'śamayat || 24 ||

taccha॒myai̭ śami॒tvam | yaccha̭mī॒mayaḥ̭ sambhā॒ro bhava̭ti | śāntyā॒ apra̭dāhāya || a॒gne-ssṛ॒ṣṭasya̭ ya॒taḥ | vika̭ṅkata॒-mbhā ā᳚rcchat | ya-dvaika̭ṅkata-ssambhā॒ro bhava̭ti | bhā e॒vāva̭rundhe || sahṛ̭dayo॒ 'gnirā॒dheya॒ ityā̭huḥ | ma॒ruto॒-'dbhira॒gni-ma̭tamayann | tasya̭ tā॒ntasya॒ hṛda̭ya॒mācchi̭ndann | sā-'śani̭rabhavat | yada॒śani̭hatasya vṛ॒kṣasya̭ sambhā॒ro bhava̭ti |sahṛ̭daya-me॒vāgni-mādha̭tte || 25 ||

(ūṣā̭ - abhavan - nabhava-d- va॒lmīkro᳚ - 'śrāmya॒ - dapra̭thaya॒ - ddhṛtyai̭ - bībhathsata॒ ityā̭hu - rundhe - parṇa॒tva - ma̭śamayada - cchinda॒gg॒ strīṇi̭ ca) (a. 3)

dvā॒da॒śasṷ vikrā॒meṣva॒gnimāda̭dhīta | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒rā-de॒vaina̭-mava॒ruddhyā-dha̭tte || ya-ddvā̭da॒śasṷ vikrā॒me-ṣvā॒dadhī̭ta | pari̭mita॒mava̭rundhīta | cakṣṷ-rnimita॒ āda̭dhīta | iya॒-ddvāda̭śa vikrā॒mā(3) iti̭ | pari̭mita-ñcai॒vāpa̭rimita॒-ñcāva̭rundhe || anṛ̭taṃ॒-vai~ vā॒cā va̭dati | anṛ̭ta॒-mmana̭sā ddhyāyati || 26 ||

cakṣu॒-rvai sa॒tyam | adrā(3)gityā̭ha | ada̭rśa॒miti̭ | ta-thsa॒tyam | yaścakṣṷ-rnimite॒-'gni-mā̭dha॒tte | sa॒tya e॒vaina॒-mādha̭tte || tasmā॒dāhi̭tāgni॒rnānṛ̭taṃ-va~det | nāsya̭ brāhma॒ṇo-'nā᳚śvā-ngṛ॒he va̭set | sa॒tye hya̭syā॒gnirāhi̭taḥ || ā॒gne॒yī vai rātriḥ̭ || 27 ||

ā॒gne॒yāḥ pa॒śavaḥ̭ | ai॒ndramahaḥ̭ | nakta॒-ṅgārha̭patya॒-māda̭dhāti | pa॒śūne॒vāva̭-rundhe | divā̭-''hava॒nīya᳚m | i॒ndri॒yame॒vā-va̭rundhe || a॒rdhodi̭te॒ sūrya̭ āhava॒nīya॒-māda̭dhāti | e॒tasmi॒n vai lo॒ke pra॒jāpa̭tiḥ pra॒jā a̭sṛjata | pra॒jā e॒va ta-dyaja̭māna-ssṛjate | atho̭ bhū॒ta-ñcai॒va bha̭vi॒ṣyaccā-va̭rundhe || 28 ||

iḍā॒ vai mā̭na॒vī ya̭jñānūkā॒śinyā̭sīt | sā-'śṛ̭ṇot | asṷrā a॒gnimāda̭dhata॒ iti̭ | tada̭gacchat | ta ā̭hava॒nīya॒magra॒ āda̭dhata | atha॒ gārha̭patyam | athā᳚-nvāhārya॒-paca̭nam | sā 'bra̭vīt | pra॒tīcyḙṣā॒g॒ śrīra̭gāt | bha॒drā bhū॒tvā parā̭bhaviṣya॒ntīti̭ || 29 ||

yasyai॒va-ma॒gnirā̭dhī॒yate᳚ | pra॒tīcya̭sya॒ śrīrḙti | bha॒dro bhū॒tvā parā̭bhavati || sā-'śṛ̭ṇot | de॒vā a॒gni-māda̭dhata॒ iti̭ | tada̭gacchat | te᳚-'nvāhārya॒-paca̭na॒magra॒ āda̭dhata | atha॒ gārha̭patyam | athā̭hava॒nīya᳚m | sā-'bra̭vīt || 30 ||

prācyḙṣā॒g॒ śrīra̭gāt | bha॒drā bhū॒tvā sṷva॒rgaṃ-lo~॒kame᳚ṣyanti | pra॒jā-ntu na ve᳚thsyanta॒ iti̭ | yasyai॒vama॒gni-rā̭dhī॒yate᳚ | prācya̭sya॒ śrīrḙti | bha॒dro bhū॒tvā sṷva॒rgaṃ-lo~॒kamḙti | pra॒jā-ntu na vi̭ndate || sā-'bra̭vī॒diḍā॒ manu᳚m | tathā॒ vā a॒ha-ntavā॒gni-mādhā᳚syāmi | yathā॒ pra pra॒jayā̭ pa॒śubhi̭-rmithu॒nai-rja̭ni॒ṣyase᳚ || 31 ||

pratya॒smin ~lo॒ke sthā॒syasi̭ | a॒bhi sṷva॒rgaṃ-lo~॒ka-ñje॒ṣyasīti̭ | gārha̭patya॒magra॒ āda̭dhāt | gārha̭patyaṃ॒-vā~ anṷ pra॒jāḥ pa॒śavaḥ॒ prajā̭yante | gārha̭patyenai॒vāsmai᳚ pra॒jā-mpa॒śū-nprāja̭nayat | athā᳚-nvāhārya॒-paca̭nam | ti॒ryaṅṋ̇va॒ vā a॒yaṃ-lo~॒kaḥ | a॒sminne॒va tena̭ lo॒ke pratya̭tiṣṭhat | athā̭hava॒nīya᳚m | tenai॒va sṷva॒rgaṃ-lo~॒ka-ma॒bhya̭jayat || 32 ||

yasyai॒vama॒gni-rā̭dhī॒yate᳚ | pra pra॒jayā̭ pa॒śubhi̭-rmithu॒nai-rjā̭yate | pratya॒smin ~lo॒ke ti̭ṣṭhati | a॒bhi sṷva॒rgaṃ-lo~॒ka-ñja̭yati || yasya॒ vā aya̭thādevatama॒gni-rā̭dhī॒yate᳚ | ā de॒vatā᳚bhyo vṛścyate | pāpī̭yā-nbhavati | yasya̭ yathā deva॒tam | na de॒vatā᳚bhya॒ āvṛ̭ścyate | vasī̭yā-nbhavati || 33 ||

bhṛgṷ̄ṇā॒-ntvā-'ṅgi̭rasāṃ-vra~tapate vra॒tenā-da̭dhā॒mīti̭ bhṛgvaṅgi॒rasā॒māda̭ddhyāt | ā॒di॒tyānā᳚-ntvā de॒vānāṃ᳚-vra~tapate vra॒tenāda̭dhā॒mītya॒nyāsā॒-mbrāhma̭ṇīnā-mpra॒jānā᳚m | varṷṇasya tvā॒ rājño᳚ vratapate vra॒tenāda̭dhā॒mīti॒ rājñaḥ̭ | indra̭sya tvendri॒yeṇa̭ vratapate vra॒tenāda̭dhā॒mīti̭ rāja॒nya̭sya | mano᳚stvā grāma॒ṇyo᳚ vratapate vra॒tenāda̭dhā॒mīti॒ vaiśya̭sya | ṛ॒bhū॒ṇā-ntvā̭ de॒vānāṃ᳚-vra~tapate vra॒tenāda̭dhā॒mīti̭ rathakā॒rasya̭ | ya॒thā॒ de॒va॒tama॒gni-rādhī̭yate | na de॒vatā᳚bhya॒ ā vṛ̭ścyate | vasī̭yā-nbhavati || 34 ||

(dhyā॒ya॒ti॒ - vai rātri॒ - ścāva̭rundhe - bhaviṣya॒ntītya̭ - bravī - jjani॒ṣyasḙ - 'jaya॒-d- vasī̭yā-nbhavati॒ - nava̭ ca) (a. 4)

anuvākaṃ 5 - tatra pavamānahabīṃṣi

pra॒jāpa̭ti-rvā॒ca-ssa॒tya-ma̭paśyat | tenā॒gnimādha̭tta | tena॒ vai sa ā᳚rdhnot | bhūrbhuva॒-ssuva॒rityā̭ha | e॒tadvai vā॒ca-ssa॒tyam | ya e॒tenā॒gni-mā̭dha॒tte | ṛ॒ddhnotye॒va | atho̭ sa॒tyaprā̭śūre॒va bha̭vati | atho॒ ya e॒vaṃ-vi~॒dvāna̭bhi॒cara̭ti | stṛ॒ṇu॒ta e॒vaina᳚m || 35 ||

bhūrityā̭ha | pra॒jā e॒va ta-dyaja̭māna-ssṛjate | bhuva॒ ityā̭ha | a॒sminne॒va lo॒ke prati̭ tiṣṭhati | suva॒rityā̭ha | su॒va॒rga e॒va lo॒ke prati̭ tiṣṭhati || tri॒bhira॒kṣarai॒-rgārha̭patya॒-māda̭dhāti | traya̭ i॒me lo॒kāḥ | e॒ṣvḙvainaṃ̭-lo~॒keṣu॒ prati̭ṣṭhita॒-mādha̭tte | sarvaiḥ᳚ pa॒ñcabhi̭-rāhava॒nīya᳚m || 36 ||

su॒va॒rgāya॒ vā e॒ṣa lo॒kāyādhī̭yate | yadā̭hava॒nīyaḥ̭ | su॒va॒rga e॒vāsmai̭ lo॒ke vā॒ca-ssa॒tyagṃ sarva̭māpnoti || tri॒bhi-rgārha̭patya॒-māda̭dhāti | pa॒ñcabhi̭-rāhava॒nīya᳚m | a॒ṣṭau sampa̭dyante | a॒ṣṭākṣa̭rā gāya॒trī | gā॒ya॒tro᳚-'gniḥ | yāvā̭ne॒vāgniḥ | tamādha̭tte || 37 ||

pra॒jāpa̭tiḥ pra॒jā a̭sṛjata | tā a̭smā-thsṛ॒ṣṭāḥ parā̭cīrāyann | tābhyo॒ jyoti॒-ruda̭gṛhṇāt | ta-ñjyotiḥ॒ paśya̭ntīḥ pra॒jā a॒bhisa॒māva̭rtanta | u॒parī̭vā॒gni-mudgṛ̭hṇīyā-du॒ddharanṋ | jyoti̭re॒va paśya̭ntīḥ pra॒jā yaja̭māna-ma॒bhi-sa॒māva̭rtante || pra॒jāpa̭te॒rakṣya̭śvayat | ta-tparā̭-'patat | tadaśvo̭-'bhavat | tadaśva̭syā-śva॒tvam || 38 ||

e॒ṣa vai pra॒jāpa̭tiḥ | yada॒gniḥ | prā॒jā॒pa॒tyo-'śvaḥ̭ | yadaśva̭-mpu॒rastā॒nnaya̭ti | svame॒va cakṣuḥ॒ paśya̭-npra॒jāpa̭ti॒-ranūdḙti || va॒jrī vā e॒ṣaḥ | yadaśvaḥ̭ | yadaśva̭-mpu॒rastā॒nnaya̭ti | jā॒tāne॒va bhrātṛ̭vyā॒-npraṇṷdate || puna॒rāva̭rtayati || 39 ||

ja॒ni॒ṣyamā̭ṇāne॒va prati̭nudate || nyā̭hava॒nīyo॒ gārha̭patya-makāmayata | ni gārha̭patya āhava॒nīya᳚m | tau vi॒bhāja॒-nnāśa̭knot | sośvaḥ̭ pūrva॒vāḍ-bhū॒tvā | prāñca॒-mpūrva॒muda̭vahat | ta-tpū᳚rva॒vāhaḥ̭ pūrvavā॒ṭ-tvam | yadaśva̭-mpu॒rastā॒nnaya̭ti | vibha̭ktire॒vaina̭yo॒ssā | atho॒ nānā̭vīryāve॒vainaṷ kurute || 40 ||

yadu॒paryṷpari॒ śiro॒ hare᳚t | prā॒ṇān vicchi̭ndyāt | a॒dho̭-'dha॒-śśiro̭ harati | prā॒ṇānā᳚-ṅgopī॒thāya̭ || iya॒tyagrḙ harati | atheya॒tyatheya̭ti | traya̭ i॒me lo॒kāḥ | e॒ṣvḙvainaṃ̭-lo~॒keṣu॒ prati̭ṣṭhita॒mā-dha̭tte || pra॒jāpa̭ti-ra॒gni-ma̭sṛjata | so̭-'bibhe॒tpra mā̭ dhakṣya॒tīti̭ || 41 ||

tasya̭ tre॒dhā ma̭hi॒mānaṃ॒-vyau~̭hat | śāntyā॒ apra̭dāhāya | yat-tre॒dhā-'gni-rā̭dhī॒yate᳚ | ma॒hi॒māna̭me॒vāsya॒ ta-dvyṷ̄hati | śāntyā॒ apra̭dāhāya || puna॒rāva̭rtayati | ma॒hi॒māna̭me॒vāsya॒ sanda̭dhāti || pa॒śurvā e॒ṣaḥ | yadaśvaḥ̭ | e॒ṣa ru॒draḥ || 42 ||

yada॒gniḥ | yadaśva̭sya pa॒de᳚-'gni-mā̭da॒ddhyāt | ru॒drāya̭ pa॒śū-napi̭daddhyāt | a॒pa॒śu-ryaja̭māna-ssyāt | ya-nnākra॒maye᳚t | ana̭varuddhā asya pa॒śavaḥ̭ syuḥ | pā॒rśva॒ta ākra̭mayet | yathā ''hi̭tasyā॒gne-raṅgā̭rā abhyava॒vartḙrann | ava̭ruddhā asya pa॒śavo॒ bhava̭nti | na ru॒drāyāpi̭dadhāti || 43 ||

trīṇi̭ ha॒vīgṃṣi॒ nirva̭pati | vi॒rāja̭ e॒va vikrā᳚ntaṃ॒-ya~ja̭mā॒no-'nu॒ vikra̭mate || a॒gnaye॒ pava̭mānāya | a॒gnayḙ pāva॒kāya̭ | a॒gnaye॒ śuca̭ye | yada॒gnaye॒ pava̭mānāya ni॒rvapa̭ti | pu॒nātye॒vaina᳚m | yada॒gnayḙ pāva॒kāya̭ | pū॒ta e॒vāsmi̭-nna॒nnādya̭-ndadhāti | yada॒gnaye॒ śuca̭ye | bra॒hma॒va॒rca॒sa-me॒vāsmi̭-nnu॒pari̭ṣṭā-ddadhāti || 44 ||

(e॒na॒ - mā॒ha॒va॒nīyaṃ̭ - dhatte - 'śva॒tvaṃ - ~va̭rtayati - kuruta॒ - iti̭ -ru॒dro - da̭dhāti॒ - yada॒gnaye॒ śuca̭ya॒ eka̭-ñca) (a. 5)

anuvākaṃ 6 - pavamānahavirvistāraḥ, havirantarāṇi, dakṣiṇāśca

de॒vā॒su॒rā-ssaṃya~̭ttā āsann | te de॒vā vi̭ja॒ya-mṷpa॒yantaḥ̭ | a॒gnau vā॒maṃ-va~su॒ sa-nnya̭dadhata | i॒damṷ no bhaviṣyati | yadi̭ no je॒ṣyantīti̭ | tada॒gnirno-thsaha̭maśaknot | tat-tre॒dhā vinya̭dadhāt | pa॒śuṣu॒ tṛtī̭yam | a॒phsu tṛtī̭yam | ā॒di॒tye tṛtī̭yam || 45 ||

ta-dde॒vā vi॒jitya̭ | puna॒ravā̭ruruthsanta | te᳚-'gnaye॒ pava̭mānāya puro॒ḍāśa̭-ma॒ṣṭāka̭pāla॒-nnira̭vapann | pa॒śavo॒ vā a॒gniḥ pava̭mānaḥ | yade॒va pa॒śuṣvāsī᳚t | tat-tenāvā̭rundhata | te᳚-'gnayḙ pāva॒kāya̭ | āpo॒ vā a॒gniḥ pā̭va॒kaḥ | yade॒vāphsvāsī᳚t | tat-tenāvā̭rundhata || 46 ||

te᳚-'gnaye॒ śuca̭ye | a॒sau vā ā̭di॒tyo᳚-'gni-śśuciḥ̭ | yade॒vādi॒tya āsī᳚t | tat-tenāvā̭rundhata || bra॒hma॒vā॒dino̭ vadanti | ta॒nuvo॒ vāvaitā a̭gnyā॒dheya̭sya | ā॒gne॒yo vā a॒ṣṭāka̭pālo 'gnyā॒dheya॒miti̭ | yatta-nni॒rvape᳚t | naitāni̭ | yathā॒-''tmā syāt || 47 ||

nāṅgā̭ni | tā॒dṛge॒va tat | yade॒tāni̭ ni॒rvape᳚t | na tam | yathā-'ṅgā̭ni॒ syuḥ | nātmā | tā॒dṛge॒va tat | u॒bhayā̭ni sa॒hani॒rupyā̭ṇi | ya॒jñasya̭ sātma॒tvāya̭ || u॒bhayaṃ॒-vā~ e॒tasye᳚ndri॒yaṃ-vī~॒rya̭māpyate || 48 ||

yo᳚-'gnimā̭dha॒tte | ai॒ndrā॒gna-mekā̭daśakapāla॒- manu॒ nirva̭pet | ā॒di॒tya-ñca॒rum | i॒ndrā॒gnī vai de॒vānā॒-mayā̭tayāmānau | ye e॒va de॒vate॒ ayā̭tayāmnī | tābhyā̭me॒vāsmā̭ indri॒yaṃ-vī~॒rya̭mava̭- rundhe | ā॒di॒tyo bha̭vati | i॒yaṃ-vā~ adi̭tiḥ | a॒syāme॒va prati̭tiṣṭhati || dhe॒nvai vā e॒ta-dretaḥ̭ || 49 ||

yadājya᳚m | a॒na॒ḍuha̭staṇḍu॒lāḥ | mi॒thu॒name॒vāva̭-rundhe | ghṛ॒te bha̭vati | ya॒jñasyālū᳚kṣāntatvāya || ca॒tvāra̭ ārṣe॒yāḥ prāśña̭nti | di॒śāme॒va jyoti̭ṣi juhoti || pa॒śavo॒ vā e॒tāni̭ ha॒vīgṃṣi̭ | e॒ṣa ru॒draḥ | yada॒gniḥ || 50 ||

yathsa॒dya e॒tāni̭ ha॒vīgṃṣi̭ ni॒rvape᳚t | ru॒drāya̭ pa॒śūnapi̭ daddhyāt | a॒pa॒śu-ryaja̭māna-ssyāt | yannānṷni॒rvape᳚t | ana̭varuddhā asya pa॒śavaḥ̭ syuḥ | dvā॒da॒śasu॒ rātrī॒ṣvanu॒ nirva̭pet | saṃ॒va~॒thsa॒ra pra̭timā॒ vai dvāda̭śa॒ rātra̭yaḥ | saṃ॒va~॒thsa॒reṇai॒vāsmai̭ ru॒dragṃ śa̭mayi॒tvā | pa॒śūnava̭ rundhe || yadeka̭-mekame॒tāni̭ ha॒vīgṃṣi̭ ni॒rvape᳚t || 51 ||

yathā॒ trīṇyā॒vapa̭nāni pū॒raye᳚t | tā॒dṛktat | na pra॒jana̭na॒mucchigṃ̭ṣet | eka̭-nni॒rupya̭ | utta̭re॒ sama̭syet | tṛ॒tīya̭me॒vāsmai̭ lo॒kamucchigṃ̭ṣati pra॒jana̭nāya | ta-mpra॒jayā̭ pa॒śubhi॒ranu॒ prajā̭yate | atho̭ ya॒jñasyai॒vaiṣā-'bhikrā᳚ntiḥ || ra॒tha॒ca॒kra-mprava̭rtayati | ma॒nu॒ṣya॒ra॒thenai॒va dḙvara॒tha-mpra॒tyava̭rohati || 52 ||

bra॒hma॒vā॒dino̭ vadanti | ho॒ta॒vya̭-magniho॒trāṃ(3) naho̭ta॒vyā(3)miti̭ | ya-dyajṷṣā juhu॒yāt | aya̭thāpūrva॒māhṷtī juhuyāt | yanna jṷhu॒yāt | a॒gniḥ parā̭bhavet | tū॒ṣṇīme॒va ho̭ta॒vya᳚m | ya॒thā॒pū॒rva-māhṷtī ju॒hoti̭ | nāgniḥ parā̭bhavati || a॒gnīdhḙ dadāti || 53 ||

a॒gnimṷkhā-ne॒vartū-nprī̭ṇāti | u॒pa॒barha̭ṇa-ndadāti | rū॒pāṇā॒mava̭-ruddhyai | aśva̭-mbra॒hmaṇe᳚ | i॒ndri॒yame॒vāva̭-rundhe | dhe॒nugṃ hotre᳚ | ā॒śiṣa̭ e॒vāva̭rundhe | a॒na॒ḍvāha̭-maddhva॒ryave᳚ | vahni॒rvā a̭na॒ḍvān | vahni̭raddhva॒ryuḥ || 54 ||

vahni̭nai॒va vahni̭ ya॒jñasyāva̭-rundhe | mi॒thu॒nau gāvaṷ dadāti | mi॒thu॒nasyāva̭-ruddhyai | vāso̭ dadāti | sa॒rva॒ de॒va॒tyaṃ̭-vai~ vāsaḥ̭ | sarvā̭ e॒va de॒vatāḥ᳚ prīṇāti | ā dvā̭da॒śabhyo̭ dadāti | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒ra e॒va prati̭ tiṣṭhati | kāma̭mū॒rdhva-ndeya᳚m | apa̭rimita॒syāva̭-ruddhyai || 55 ||

(ā॒di॒tye tṛtī̭ya - ma॒phsvāsī॒-tta-ttenāvā̭rundhata॒ - syā - dā᳚pyate॒ - reto॒ - 'gni - reka̭meka me॒tāni̭ ha॒vigṃṣi̭ ni॒rvape᳚t - pra॒tyava̭rohati - dadātya - ddhva॒ryu--r deya॒ meka̭-ñca) (a. 6)

anuvākaṃ 7 - ādhānamantrāḥ

gha॒rma-śśira॒stada॒yama॒gniḥ | sa-mpri̭yaḥ pa॒śubhi̭-rbhuvat | cha॒rdisto॒kāya॒ tana̭yāya yaccha || vātaḥ̭ prā॒ṇastada॒yama॒gniḥ | sa-mpri̭yaḥ pa॒śubhi̭-rbhuvat | sva॒di॒ta-nto॒kāya॒ tana̭yāya pi॒tu-mpa̭ca || prācī॒manṷ pra॒diśa॒-mprehi̭ vi॒dvān | a॒gnera̭gne pu॒ro a̭gni-rbhave॒ha | viśvā॒ āśā॒ dīdyā̭no॒ vibhā̭hi | ūrja̭-nno dhehi dvi॒pade॒ catṷṣpade || 56 ||

a॒rkaścakṣu॒-stada॒sau sūrya॒stada॒yama॒gniḥ | sampri̭yaḥ pa॒śubhi̭-rbhuvat | ya-ttḙ śukra śu॒kraṃ-va~rcaḥ̭ śu॒krā ta॒nūḥ | śu॒kra-ñjyoti॒raja̭sram | tena̭ me dīdihi॒ tena॒ tvā-''da̭dhe | a॒gninā᳚-'gne॒ brahma̭ṇā || ā॒na॒śe vyā̭naśe॒ sarva॒māyu॒-rvyā̭naśe || ye tḙ agne śi॒ve ta॒nuvau᳚ | vi॒rāṭ ca̭ sva॒rāṭ ca̭ | te mā vi̭śatā॒-nte mā̭ jinvatām || 57 ||

ye tḙ agne śi॒ve ta॒nuvau᳚ | sa॒mrāṭ cā̭bhi॒bhūśca̭ | te mā vi̭śatā॒-nte mā̭ jinvatām | ye tḙ agne śi॒ve ta॒nuvau᳚ | vi॒bhūśca̭ pari॒bhūśca̭ | te mā vi̭śatā॒-nte mā̭ jinvatām | ye tḙ agne śi॒ve ta॒nuvau᳚ | pra॒bhvī ca॒ prabhṷ̄tiśca | te mā vi̭śatā॒-nte mā̭ jinvatām | yāstḙ agne śi॒vāsta॒nuvaḥ̭ | tābhi॒stvā ''da̭dhe || yāstḙ agne gho॒rāsta॒nuvaḥ̭ | tābhi̭ra॒mu-ṅga̭ccha || 58 ||

(catṷṣpade - jinvatāṃ - ta॒nuva॒ strīṇi̭ ca ) (a. 7)

anuvākaṃ 8 - etadbrāhmaṇaṃ

i॒me vā e॒te lo॒kā a॒gnayaḥ̭ | te yadavyā̭vṛttā ādhī॒yeranṋ | śo॒cayḙyu॒-ryaja̭mānam | gha॒rma-śśira॒ iti॒ gārha̭patya॒-māda̭dhāti | vātaḥ̭ prā॒ṇa itya̭nvāhārya॒-paca̭nam | a॒rka-ścakṣu॒rityā̭-hava॒nīya᳚m | tenai॒vainā॒n vyāva̭rtayati | tathā॒ na śo̭cayanti॒ yaja̭mānam || ra॒tha॒nta॒ra-ma॒bhigā̭yate॒ gārha̭patya ādhī॒yamā̭ne | rātha̭ntaro॒ vā a॒yaṃ-lo~॒kaḥ || 59 ||

a॒sminne॒vainaṃ̭-lo~॒ke prati̭ṣṭhita॒-mādha̭tte | vā॒ma॒de॒vya-ma॒bhigā̭yata uddhri॒yamā̭ṇe | a॒ntari̭kṣaṃ॒-vai~ vā̭made॒vyam | a॒ntari̭kṣa e॒vaina॒-mprati̭ṣṭhita॒-mādha̭tte | atho॒ śānti॒-rvai vā̭made॒vyam | śā॒ntame॒vaina̭-mpaśa॒vya̭muddha̭rate | bṛ॒hada॒bhigā̭yata āhava॒nīya̭ ādhī॒yamā̭ne | bārha̭to॒ vā a॒sau lo॒kaḥ | a॒muṣmi̭nne॒vainaṃ̭-lo~॒ke prati̭ṣṭhita॒-mādha̭tte || pra॒jāpa̭ti-ra॒gni-ma̭sṛjata || 60 ||

so-'śvo॒ vāro̭ bhū॒tvā parāṃ̭ait | taṃ-vā~̭rava॒ntīyḙnāvārayata |ta-dvā̭rava॒ntīya̭sya vāravantīya॒tvam | śyai॒tena̭ śye॒tī a̭kuruta |tacchyai॒tasya̭ śyaita॒tvam | ya-dvā̭rava॒ntīya̭-mabhi॒gāya̭te | vā॒ra॒yi॒tvaivaina॒-mprati̭ṣṭhita॒-mādha̭tte | śyai॒tena̭ śye॒tī kṷrute || gha॒rma-śśira॒ iti॒ gārha̭patya॒-māda̭dhāti | saśī̭rṣāṇa-me॒vaina॒-mādha̭tte || 61 ||

upai̭na॒mutta̭ro ya॒jño na̭mati || ru॒dro vā e॒ṣaḥ | yada॒gniḥ | sa ā̭dhī॒yamā̭na īśva॒ro yaja̭mānasya pa॒śūn higṃsi̭toḥ | sa-mpri̭yaḥ pa॒śubhi̭-rbhuva॒dityā̭ha | pa॒śubhi̭re॒vaina॒gṃ॒ sampri̭ya-ṅkaroti | pa॒śū॒nā-mahigṃ̭sāyai || cha॒rdisto॒kāya॒ tana̭yāya ya॒cchetyā̭ha |ā॒śiṣa̭me॒vaitā-māśā᳚ste || vātaḥ̭ prā॒ṇa itya̭nvāhārya॒-paca̭nam || 62 ||

saprā̭ṇa-me॒vaina॒-mādha̭tte || sva॒di॒ta-nto॒kāya॒ tana̭yāya pi॒tu-mpa॒cetyā̭ha | anna̭me॒vāsmai᳚ svadayati || prācī॒manṷ pra॒diśa॒-mprehi̭ vi॒dvānityā̭ha | vibha̭ktire॒vaina̭yo॒ssā | atho॒ nānā̭ vīryāve॒vainaṷ kurute || ūrja̭-nno dhehi dvi॒pade॒ catṷṣpada॒ ityā̭ha | ā॒śiṣa̭me॒vaitāmāśā᳚ste || a॒rka-ścakṣu॒rityā̭-hava॒nīya᳚m | a॒rko vai de॒vānā॒manna᳚m || 63 ||

anna̭me॒vāva̭ rundhe || tena̭ me dīdi॒hītyā̭ha | sami̭ndha e॒vaina᳚m || ā॒na॒śe vyā̭naśa॒ iti॒ trirudi̭ṅgayati | traya̭ i॒me lo॒kāḥ | e॒ṣvḙvainaṃ̭-lo~॒keṣu॒ prati̭ṣṭhita॒-mādha̭tte || tat-tathā॒ na kā॒rya᳚m | vīṅgi̭ta॒ma pra̭tiṣṭhita॒-māda̭dhīta | u॒ddhṛtyai॒-vādhāyā̭-bhi॒mantriyaḥ̭ | avī᳚ṅgita-me॒vaina॒-mprati̭ṣṭhita॒-mādha̭tte || vi॒rāṭ ca̭ sva॒rāṭ ca॒ yāstḙ agne śi॒vāsta॒nuva॒-stābhi॒stvā ''da̭dha॒ ityā̭ha | e॒tā vā a॒gne-śśi॒vāsta॒nuvaḥ̭ | tābhi̭re॒vaina॒gṃ॒ sama̭rdhayati || yāstḙ agne gho॒rāsta॒nuva॒ stābhi̭ra॒mu-ṅga॒ccheti̭ brūyā॒dya-ndvi॒ṣyāt | tābhi̭re॒vaina॒-mparā̭bhāvayati || 64 ||

(lo॒ko̭ - 'sṛjataina॒ - mādha̭tte - 'nvāhārya॒paca̭naṃ - de॒vānā॒manna̭ - mena॒-mprati̭ṣṭhita॒mādha̭tte॒ pañca̭ ca) (a. 8)

anuvākaṃ 9 - brahmaudanam

śa॒mī॒ga॒rbhāda॒gni-mma̭nthati | e॒ṣā vā a॒gne-rya॒jñiyā̭ ta॒nūḥ | tāme॒vāsmai̭ janayati || adi̭tiḥ pu॒trakā̭mā | sā॒ddhyebhyo̭ de॒vebhyo᳚ brahmauda॒na-ma̭pacat | tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyai̭ dhā॒tā cā᳚rya॒mā cā̭jāyetām | sā dvi॒tīya̭-mapacat || 65 ||

tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyai̭ mi॒traśca॒ varṷṇaścājāyetām | sā tṛ॒tīya̭-mapacat | tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyā॒ agṃśa̭śca॒ bhaga̭ścājāyetām | sā ca̭tu॒rtha-ma̭pacat || 66 ||

tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyā॒ indra̭śca॒ viva̭svāgścā-jāyetām | bra॒hmau॒da॒na-mpa̭cati | reta̭ e॒va ta-dda̭dhāti || prāśña̭nti brāhma॒ṇā o̭da॒nam || yadājya̭-mu॒cchiṣya̭te | tena̭ sa॒midho॒-'bhyajyāda̭dhāti | u॒ccheṣa̭ṇā॒dvā adi̭tī॒ reto̭-'dhatta || 67 ||

u॒ccheṣa̭ṇāde॒va ta-dreto̭ dhatte || asthi॒ vā e॒tat | ya-thsa॒midhaḥ̭ | e॒ta-dretaḥ̭ | yadājya᳚m | yadājyḙna sa॒midho॒-'bhyajyā॒dadhā̭ti | asthye॒va ta-dreta̭si dadhāti || ti॒sra āda̭dhāti mithuna॒tvāya̭ || iya̭tī-rbhavanti | pra॒jāpa̭tinā yajñamu॒khena॒ sammi̭tāḥ || 68 ||

iya̭tī-rbhavanti | ya॒jña॒pa॒ruṣā॒ sammi̭tāḥ | iya̭tī-rbhavanti | e॒tāva॒dvai purṷṣe vī॒rya᳚m | vī॒rya̭ sammitāḥ || ā॒rdrā bha̭vanti | ā॒rdrami̭va॒ hi retaḥ̭ si॒cyate᳚ || citri̭yasyāśva॒tthasyāda̭dhāti | ci॒trame॒va bha̭vati || ghṛ॒tava̭tībhi॒-rāda̭dhāti || 69 ||

e॒tadvā a॒gneḥ pri॒ya-ndhāma̭ | ya-dghṛ॒tam | pri॒yeṇai॒vaina॒-ndhāmnā॒ sama̭rdhayati | atho॒ teja̭sā || gā॒ya॒trībhi̭-rbrāhma॒ṇasyāda̭ddhyāt | gā॒ya॒tracha̭ndā॒ vai brā᳚hma॒ṇaḥ | svasya॒ chanda̭saḥ pratyayana॒stvāya̭ | tri॒ṣṭugbhī̭-rāja॒nya̭sya | tri॒ṣṭu-pcha̭ndā॒ vai rā̭ja॒nyaḥ̭ | svasya॒ chanda̭saḥ pratyayana॒stvāya̭ || 70 ||

jaga̭tībhi॒-rvaiśya̭sya | jaga̭tī chandā॒ vai vaiśyaḥ̭ | svasya॒ chanda̭saḥ pratyayana॒stvāya̭ || tagṃ saṃ̭va~thsa॒ra-ṅgo̭pāyet | saṃ॒va~॒thsa॒ragṃ hi reto̭ hi॒taṃ-va~rdha̭te || ya-dyḙnagṃ saṃva~thsa॒re nopa॒name᳚t | sa॒midhaḥ॒ puna॒rāda̭ddhyāt | reta̭ e॒va taddhi॒taṃ-va~rdha̭mānameti || na mā॒gṃ॒sa-ma̭śñīyāt | na striya॒mupḙyāt || 71 ||

ya-nmā॒gṃ॒sa-ma̭śñī॒yāt | yathstriya̭-mupe॒yāt | nirvī᳚rya-ssyāt | naina̭ma॒gni-rupa̭namet || śva ā̭dhā॒syamā̭no brahmauda॒na-mpa̭cati | ā॒di॒tyā vā i॒ta ṷtta॒mā-ssṷva॒rgaṃ-lo~॒kamā̭yann | te vā i॒to yanta॒-mprati̭nudante | e॒te khalu॒ vāvādi॒tyāḥ | ya-dbrā᳚hma॒ṇāḥ | taire॒va sa॒tva-ṅga̭cchati || 72 ||

naina॒-mprati̭nudante || bra॒hma॒vā॒dino̭ vadanti | kvā̭ saḥ | a॒gniḥ kā॒ryaḥ̭ | yo᳚-'smai pra॒jā-mpa॒śū-npra̭ja॒naya॒tīti̭ | śalkai॒stāgṃ rātri̭ma॒gni-mi̭ndhīta | tasmi̭-nnupavyu॒ṣama॒raṇī॒ niṣṭa̭pet | yatha̭rṣa॒bhāya̭ vāśi॒tā nyā̭vicchā॒yati̭ | tā॒dṛge॒va tat || a॒po॒dūhya॒ bhasmā॒gni-mma̭nthati || 73 ||

saiva sā-'gne-ssanta̭tiḥ || ta-mma̭thi॒tvā prāñca॒muddha̭rati | saṃ॒va~॒thsa॒rame॒va ta-dreto̭ hi॒ta-mpraja̭nayati || anā̭hita॒-stasyā॒gni-rityā̭huḥ | ya-ssa॒midho-'nā̭dhāyā॒gni-mā̭dha॒tta iti̭ | tā-ssaṃ̭va~thsa॒re pu॒rastā॒-dāda̭ddhyāt | saṃ॒va~॒thsa॒rāde॒vaina̭-mava॒ruddhyā-dha̭tte || yadi̭ saṃva~thsa॒re 'nāda॒ddhyāt | dvā॒da॒śyā᳚-mpu॒rastā॒-dāda̭ddhyāt | saṃ॒va~॒thsa॒ra pra̭timā॒ vai dvāda̭śa॒ rātra̭yaḥ | saṃ॒va~॒thsa॒rame॒vāsyāhi̭tā bhavanti || yadi̭ dvāda॒śyā᳚-nnāda॒ddhyāt | trya॒he pu॒rastā॒dāda̭ddhyāt | āhi̭tā e॒vāsya̭ bhavanti || 74 ||

(dvi॒tīya̭mapacac - catu॒rthama̭paca॒ - dadi̭tī॒ reto̭-'dhatta॒ - sammi̭tā -

ghṛ॒tava̭tībhi॒rāda̭dhāti - rāja॒nyaḥ̭ svasya॒ chanda̭saḥ pratyayana॒stvā - yḙyā-d- gacchati - manthati॒ - rātra̭ya śca॒tvāri̭ ca) (a. 9)

anuvākaṃ 10 - pañcāgnyādhānam

pra॒jāpa̭tiḥ pra॒jā a̭sṛjata | sa ri̭ricā॒no̭-'manyata | sa tapo̭-'tapyata | sa ā॒tman vī॒rya̭-mapaśyat | tada̭vardhata | tada̭smā॒-thsaha̭so॒rdhva-ma̭sṛjyata | sā vi॒rāḍa̭bhavat | tā-ndḙvāsu॒rā vya̭gṛhṇata | so᳚-'bravī-tpra॒jāpa̭tiḥ | mama॒ vā e॒ṣā || 75 ||

dohā̭ e॒va yu॒ṣmāka॒miti̭ || sā tataḥ॒ prācyuda̭krāmat | ta-tpra॒jāpa̭tiḥ॒ parya̭gṛhṇāt | atha̭rva pi॒tu-mmḙ gopā॒yeti̭ | sā dvi॒tīya॒-muda̭krāmat | ta-tpra॒jāpa̭tiḥ॒ parya̭gṛhṇāt | narya̭ pra॒jā-mmḙ gopā॒yeti̭ | sā tṛ॒tīya॒-muda̭krāmat | ta-tpra॒jāpa̭tiḥ॒ parya̭gṛhṇāt | śaggsya̭ pa॒śū-nmḙ gopā॒yeti̭ || 76 ||

sā ca̭tu॒rtha-muda̭krāmat | ta-tpra॒jāpa̭tiḥ॒ parya̭gṛhṇāt | sapra̭tha sa॒bhā-mmḙ gopā॒yeti̭ | sā pa̭ñca॒ma-muda̭krāmat | ta-tpra॒jāpa̭tiḥ॒ parya̭gṛhṇāt | ahḙ buddhniya॒ mantra̭-mme gopā॒yeti̭ | a॒gnīn vāva sā tān vya̭kramata | tā-npra॒jāpa̭tiḥ॒ parya̭gṛhṇāt | atho̭ pa॒ṅktime॒va || pa॒ṅktirvā e॒ṣā brā᳚hma॒ṇe pravi̭ṣṭā || 77 ||

tāmā॒tmano-'dhi॒ nirmi̭mīte | yada॒gni-rā̭dhī॒yate᳚ | tasmā̭-de॒tāva̭nto॒-'gnaya॒ ādhī̭yante | pāṅktaṃ॒-vā~ i॒dagṃ sarva᳚m | pāṅktḙnai॒va pāṅktagg̭ spṛṇoti || atha̭rva pi॒tu-mmḙ gopā॒yetyā̭ha | anna̭me॒vai tena̭ spṛṇoti | narya̭ pra॒jā-mmḙ gopā॒yetyā̭ha | pra॒jāme॒vaitena̭ spṛṇoti | śaggsya̭ pa॒śū-nmḙ gopā॒yetyā̭ha || 78 ||

pa॒śūne॒vaitena̭ spṛṇoti | sapra̭tha sa॒bhā-mmḙ gopā॒yetyā̭ha | sa॒bhāme॒vaitenè᳚ndri॒yagg spṛ̭ṇoti | ahḙ buddhniya॒ mantra̭-mme gopā॒yetyā̭ha | mantra̭me॒vai tena॒ śriyagg̭ spṛṇoti || yada̭nvāhārya॒-paca̭ne-'nvāhā॒rya̭-mpaca̭nti | tena॒ so᳚-'syā॒bhīṣṭaḥ̭ prī॒taḥ | ya-dgārha̭patya॒ ājya̭madhi॒śraya̭nti॒ sampatnī᳚ryā॒jaya̭nti | tena॒ so᳚-'syā॒bhīṣṭaḥ̭ prī॒taḥ | yadā̭hava॒nīye॒ juhva̭ti || 79 ||

tena॒ so᳚-'syā॒bhīṣṭaḥ̭ prī॒taḥ | yathsa॒bhāyāṃ᳚-vi~॒jaya̭nte | tena॒ so᳚-'syā॒bhīṣṭaḥ̭ prī॒taḥ | yadā̭vasa॒the-'nna॒gṃ॒ hara̭nti | tena॒ so᳚-'syā॒bhīṣṭaḥ̭ prī॒taḥ | tathā᳚-'sya॒ sarve᳚ prī॒tā a॒bhīṣṭā॒ ādhī̭yante || pra॒va॒sa॒tha-me॒ṣyanne॒va-mupa̭tiṣṭhe॒-taika̭mekam | yathā᳚ brāhma॒ṇāya̭ gṛhevā॒sinḙ pari॒dāya̭ gṛ॒hāneti̭ | tā॒dṛge॒va tat || puna̭rā॒ga-tyopa̭tiṣṭhate | sā bhā̭geyame॒vaiṣā॒-ntat | sā tata̭ ū॒rdhvā-''ro̭hat | sā ro̭hi॒ṇya̭bhavat | ta-dro̭hi॒ṇyai ro̭hiṇi॒tvam | ro॒hi॒ṇyā-ma॒gni-māda̭dhīta | sva e॒vainaṃ॒-yo~nau॒ prati̭ṣṭhita॒-mādha̭tte | ṛ॒ddhnotyḙnena || 80 ||

(e॒ṣā - pa॒śūnmḙ gopā॒yeti॒ - pravi̭ṣṭā -

pa॒śūnmḙ gopā॒yetyā̭ha॒ - juhva̭ti - tiṣṭhate sa॒pta ca̭) (a. 10)

(brahma॒ sandha̭ttaṃ॒ - kṛtti̭kā॒ - sūddha̭nti - dvāda॒śasṷ - pra॒jāpa̭ti-rvā॒co - dḙvāsu॒rāstada॒gnirno-d- gha॒rma-śśira̭ - i॒me vai - śa̭mīga॒rbhāt - pra॒jāpa̭ti॒-ssa ri̭ricā॒na-ssatapa॒-ssa ā॒tman vī॒rya̭-ndaśa̭ )

(brahma॒ sandha̭ttaṃ॒ - tau di॒vyā - vatho̭ śa॒tvāṃya~॒ - prācyḙṣāṃ॒ - ~yadu॒paryṷpari॒ - ya-thsa॒dyaḥ - so-'śvo॒ vāro̭ bhū॒tvā - jaga̭tībhi॒ raśī̭tiḥ)

(brahma॒ sandha̭tta - mṛ॒ddhnotyḙnena)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake prathamaḥ prapāṭhaka-ssamāptaḥ ||