Krishnashtakam — InfoLyter.in

ॐ

ಕೃಷ್ಣಾಷ್ಟಕಮ್

Krishnashtakam

Krishna Ashtakam Kannada

ವಸುದೇವ ಸುತಂ ದೇವಂ ಕಂಸ ಚಾಣೂರ ಮರ್ದನಮ್ ।

ದೇವಕೀ ಪರಮಾನನ್ದಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ಅತಸೀ ಪುಷ್ಪ ಸಙ್ಕಾಶಂ ಹಾರ ನೂಪುರ ಶೋಭಿತಮ್ ।

ರತ್ನ ಕಙ್ಕಣ ಕೇಯೂರಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ಕುಟಿಲಾಲಕ ಸಂಯುಕ್ತಂ ಪೂರ್ಣಚನ್ದ್ರ ನಿಭಾನನಮ್ ।

ವಿಲಸತ್ ಕುಣ್ಡಲಧರಂ ಕೃಷ್ಣಂ ವನ್ದೇ ಜಗದ್ಗುರಮ್ ॥

ಮನ್ದಾರ ಗನ್ಧ ಸಂಯುಕ್ತಂ ಚಾರುಹಾಸಂ ಚತುರ್ಭುಜಮ್ ।

ಬರ್ಹಿ ಪಿಞ್ಛಾವ ಚೂಡಾಙ್ಗಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ಉತ್ಫುಲ್ಲ ಪದ್ಮಪತ್ರಾಕ್ಷಂ ನೀಲ ಜೀಮೂತ ಸನ್ನಿಭಮ್ ।

ಯಾದವಾನಾಂ ಶಿರೋರತ್ನಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ರುಕ್ಮಿಣೀ ಕೇಲಿ ಸಂಯುಕ್ತಂ ಪೀತಾಮ್ಬರ ಸುಶೋಭಿತಮ್ ।

ಅವಾಪ್ತ ತುಲಸೀ ಗನ್ಧಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ಗೋಪಿಕಾನಾಂ ಕುಚದ್ವನ್ದ ಕುಙ್ಕುಮಾಙ್ಕಿತ ವಕ್ಷಸಮ್ ।

ಶ್ರೀನಿಕೇತಂ ಮಹೇಷ್ವಾಸಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ಶ್ರೀವತ್ಸಾಙ್ಕಂ ಮಹೋರಸ್ಕಂ ವನಮಾಲಾ ವಿರಾಜಿತಮ್ ।

ಶಙ್ಖಚಕ್ರ ಧರಂ ದೇವಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥

ಕೃಷ್ಣಾಷ್ಟಕ ಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।

ಕೋಟಿಜನ್ಮ ಕೃತಂ ಪಾಪಂ ಸ್ಮರಣೇನ ವಿನಶ್ಯತಿ ॥

Roman (IAST) Transliteration

vasudeva sutaṃ devaṃ kaṃsa cāṇūra mardanam |

devakī paramānandaṃ kṛṣṇaṃ vande jagadgurum ||

atasī puṣpa saṅkāśaṃ hāra nūpura śobhitam |

ratna kaṅkaṇa keyūraṃ kṛṣṇaṃ vande jagadgurum ||

kuṭilālaka saṃyuktaṃ pūrṇacandra nibhānanam |

vilasat kuṇḍaladharaṃ kṛṣṇaṃ vande jagadguram ||

mandāra gandha saṃyuktaṃ cāruhāsaṃ caturbhujam |

barhi piñchāva cūḍāṅgaṃ kṛṣṇaṃ vande jagadgurum ||

utphulla padmapatrākṣaṃ nīla jīmūta sannibham |

yādavānāṃ śiroratnaṃ kṛṣṇaṃ vande jagadgurum ||

rukmiṇī keli saṃyuktaṃ pītāmbara suśobhitam |

avāpta tulasī gandhaṃ kṛṣṇaṃ vande jagadgurum ||

gopikānāṃ kucadvanda kuṅkumāṅkita vakṣasam |

śrīniketaṃ maheṣvāsaṃ kṛṣṇaṃ vande jagadgurum ||

śrīvatsāṅkaṃ mahoraskaṃ vanamālā virājitam |

śaṅkhacakra dharaṃ devaṃ kṛṣṇaṃ vande jagadgurum ||

kṛṣṇāṣṭaka midaṃ puṇyaṃ prātarutthāya yaḥ paṭhet |

koṭijanma kṛtaṃ pāpaṃ smaraṇena vinaśyati ||