Gayatryashtottarashata Namastotram

ॐ

ಗಾಯತ್ರ್ಯಷ್ಟೋತ್ತರಶತ ನಾಮಸ್ತೋತ್ರಮ್

Tara Ashtottara Sata Namavali Kannada

ತರುಣಾದಿತ್ಯಸಙ್ಕಾಶಾ ಸಹಸ್ರನಯನೋಜ್ಜ್ವಲಾ ।

ವಿಚಿತ್ರಮಾಲ್ಯಾಭರಣಾ ತುಹಿನಾಚಲವಾಸಿನೀ ॥ 1 ॥

ವರದಾಭಯಹಸ್ತಾಬ್ಜಾ ರೇವಾತೀರನಿವಾಸಿನೀ ।

ಪ್ರಣಿತ್ಯಯವಿಶೇಷಜ್ಞಾ ಯನ್ತ್ರಾಕೃತವಿರಾಜಿತ ॥ 2 ॥

ಭದ್ರಪಾದಪ್ರಿಯಾ ಚೈವ ಗೋವಿನ್ದಪಥಗಾಮಿನೀ ।

ದೇವರ್ಷಿಗಣಸಂಸ್ತುತ್ಯಾ ವನಮಾಲಾವಿಭೂಷಿತಾ ॥ 3 ॥

ಸ್ಯನ್ದನೋತ್ತಮಸಂಸ್ಥಾ ಚ ಧೀರಜೀಮೂತನಿಸ್ವನಾ ।

ಮತ್ತಮಾತಙ್ಗಗಮನಾ ಹಿರಣ್ಯಕಮಲಾಸನಾ ॥ 4 ॥

ದೀನಜನೋದ್ಧಾರನಿರತಾ ಯೋಗಿನೀ ಯೋಗಧಾರಿಣೀ ।

ನಟನಾಟ್ಯೈಕನಿರತಾ ಪ್ರಣವಾದ್ಯಕ್ಷರಾತ್ಮಿಕಾ ॥ 5 ॥

ಚೋರಚಾರಕ್ರಿಯಾಸಕ್ತಾ ದಾರಿದ್ರ್ಯಚ್ಛೇದಕಾರಿಣೀ ।

ಯಾದವೇನ್ದ್ರಕುಲೋದ್ಭೂತಾ ತುರೀಯಪಥಗಾಮಿನೀ ॥ 6 ॥

ಗಾಯತ್ರೀ ಗೋಮತೀ ಗಙ್ಗಾ ಗೌತಮೀ ಗರುಡಾಸನಾ ।

ಗೇಯಗಾನಪ್ರಿಯಾ ಗೌರೀ ಗೋವಿನ್ದಪದಪೂಜಿತಾ ॥ 7 ॥

ಗನ್ಧರ್ವನಗರಾಗಾರಾ ಗೌರವರ್ಣಾ ಗಣೇಶ್ವರೀ ।

ಗದಾಶ್ರಯಾ ಗುಣವತೀ ಗಹ್ವರೀ ಗಣಪೂಜಿತಾ ॥ 8 ॥

ಗುಣತ್ರಯಸಮಾಯುಕ್ತಾ ಗುಣತ್ರಯವಿವರ್ಜಿತಾ ।

ಗುಹಾವಾಸಾ ಗುಣಾಧಾರಾ ಗುಹ್ಯಾ ಗನ್ಧರ್ವರೂಪಿಣೀ ॥ 9 ॥

ಗಾರ್ಗ್ಯಪ್ರಿಯಾ ಗುರುಪದಾ ಗುಹಲಿಙ್ಗಾಙ್ಗಧಾರಿಣೀ ।

ಸಾವಿತ್ರೀ ಸೂರ್ಯತನಯಾ ಸುಷುಮ್ನಾನಾಡಿಭೇದಿನೀ ॥ 10 ॥

ಸುಪ್ರಕಾಶಾ ಸುಖಾಸೀನಾ ಸುಮತಿ-ಸ್ಸುರಪೂಜಿತಾ ।

ಸುಷುಪ್ತ್ಯವಸ್ಥಾ ಸುದತೀ ಸುನ್ದರೀ ಸಾಗರಾಮ್ಬರಾ ॥ 11 ॥

ಸುಧಾಂಶುಬಿಮ್ಬವದನಾ ಸುಸ್ತನೀ ಸುವಿಲೋಚನಾ ।

ಸೀತಾ ಸತ್ತ್ವಾಶ್ರಯಾ ಸನ್ಧ್ಯಾ ಸುಫಲಾ ಸುವಿಧಾಯಿನೀ ॥ 12 ॥

ಸುಭ್ರೂ-ಸ್ಸುವಾಸಾ ಸುಶ್ರೋಣೀ ಸಂಸಾರಾರ್ಣವತಾರಿಣೀ ।

ಸಾಮಗಾನಪ್ರಿಯಾ ಸಾಧ್ವೀ ಸರ್ವಾಭರಣಭೂಷಿತಾ ॥ 13 ॥

ವೈಷ್ಣವೀ ವಿಮಲಾಕಾರಾ ಮಹೇನ್ದ್ರೀ ಮನ್ತ್ರರೂಪಿಣೀ ।

ಮಹಲಕ್ಷ್ಮೀ-ರ್ಮಹಾಸಿದ್ಧಿ-ರ್ಮಹಾಮಾಯಾ ಮಹೇಶ್ವರೀ ॥ 14 ॥

ಮೋಹಿನೀ ಮದನಾಕಾರಾ ಮಧುಸೂದನಚೋದಿತಾ ।

ಮೀನಾಕ್ಷೀ ಮಧುರಾವಾಸಾ ನಗೇನ್ದ್ರತನಯಾ ಉಮಾ ॥ 15 ॥

ತ್ರಿವಿಕ್ರಮಪದಾಕ್ರಾನ್ತಾ ತ್ರಿಸ್ವರಾ ತ್ರಿವಿಲೋಚನಾ ।

ಸೂರ್ಯಮಣ್ಡಲಮಧ್ಯಸ್ಥಾ ಚನ್ದ್ರಮಣ್ಡಲಸಂಸ್ಥಿತಾ ॥ 16 ॥

ವಹ್ನಿಮಣ್ಡಲಮಧ್ಯಸ್ಥಾ ವಾಯುಮಣ್ಡಲಸಂಸ್ಥಿತಾ ।

ವ್ಯೋಮಮಣ್ಡಲಮಧ್ಯಸ್ಥಾ ಚಕ್ರಿಣೀ ಚಕ್ರರೂಪಿಣೀ ॥ 17 ॥

ಕಾಲಚಕ್ರವಿತಾನಸ್ಥಾ ಚನ್ದ್ರಮಣ್ಡಲದರ್ಪಣಾ ।

ಜ್ಯೋತ್ಸ್ನಾತಪಾಸುಲಿಪ್ತಾಙ್ಗೀ ಮಹಾಮಾರುತವೀಜಿತಾ ॥ 18 ॥

ಸರ್ವಮನ್ತ್ರಾಶ್ರಯಾ ಧೇನುಃ ಪಾಪಘ್ನೀ ಪರಮೇಶ್ವರೀ ।

ನಮಸ್ತೇಽಸ್ತು ಮಹಾಲಕ್ಷ್ಮೀ-ರ್ಮಹಾಸಮ್ಪತ್ತಿದಾಯಿನಿ ॥ 19 ॥

ನಮಸ್ತೇ ಕರುಣಾಮೂರ್ತೇ ನಮಸ್ತೇ ಭಕ್ತವತ್ಸಲೇ ।

ಗಾಯತ್ರ್ಯಾಃ ಪ್ರಜಪೇದ್ಯಸ್ತು ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥

ತಸ್ಯ ಪುಣ್ಯಫಲಂ ವಕ್ತುಂ ಬ್ರಹ್ಮಣಾಪಿ ನ ಶಕ್ಯತೇ ।

ಇತಿ ಶ್ರೀಗಾಯತ್ರ್ಯಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।

Roman (IAST) Transliteration

taruṇādityasaṅkāśā sahasranayanojjvalā |

vicitramālyābharaṇā tuhinācalavāsinī || 1 ||

varadābhayahastābjā revātīranivāsinī |

praṇityayaviśeṣajñā yantrākṛtavirājita || 2 ||

bhadrapādapriyā caiva govindapathagāminī |

devarṣigaṇasaṃstutyā vanamālāvibhūṣitā || 3 ||

syandanottamasaṃsthā ca dhīrajīmūtanisvanā |

mattamātaṅgagamanā hiraṇyakamalāsanā || 4 ||

dīnajanoddhāraniratā yoginī yogadhāriṇī |

naṭanāṭyaikaniratā praṇavādyakṣarātmikā || 5 ||

coracārakriyāsaktā dāridryacchedakāriṇī |

yādavendrakulodbhūtā turīyapathagāminī || 6 ||

gāyatrī gomatī gaṅgā gautamī garuḍāsanā |

geyagānapriyā gaurī govindapadapūjitā || 7 ||

gandharvanagarāgārā gauravarṇā gaṇeśvarī |

gadāśrayā guṇavatī gahvarī gaṇapūjitā || 8 ||

guṇatrayasamāyuktā guṇatrayavivarjitā |

guhāvāsā guṇādhārā guhyā gandharvarūpiṇī || 9 ||

gārgyapriyā gurupadā guhaliṅgāṅgadhāriṇī |

sāvitrī sūryatanayā suṣumnānāḍibhedinī || 10 ||

suprakāśā sukhāsīnā sumati-ssurapūjitā |

suṣuptyavasthā sudatī sundarī sāgarāmbarā || 11 ||

sudhāṃśubimbavadanā sustanī suvilocanā |

sītā sattvāśrayā sandhyā suphalā suvidhāyinī || 12 ||

subhrū-ssuvāsā suśroṇī saṃsārārṇavatāriṇī |

sāmagānapriyā sādhvī sarvābharaṇabhūṣitā || 13 ||

vaiṣṇavī vimalākārā mahendrī mantrarūpiṇī |

mahalakṣmī-rmahāsiddhi-rmahāmāyā maheśvarī || 14 ||

mohinī madanākārā madhusūdanacoditā |

mīnākṣī madhurāvāsā nagendratanayā umā || 15 ||

trivikramapadākrāntā trisvarā trivilocanā |

sūryamaṇḍalamadhyasthā candramaṇḍalasaṃsthitā || 16 ||

vahnimaṇḍalamadhyasthā vāyumaṇḍalasaṃsthitā |

vyomamaṇḍalamadhyasthā cakriṇī cakrarūpiṇī || 17 ||

kālacakravitānasthā candramaṇḍaladarpaṇā |

jyotsnātapāsuliptāṅgī mahāmārutavījitā || 18 ||

sarvamantrāśrayā dhenuḥ pāpaghnī parameśvarī |

namaste'stu mahālakṣmī-rmahāsampattidāyini || 19 ||

namaste karuṇāmūrte namaste bhaktavatsale |

gāyatryāḥ prajapedyastu nāmnāmaṣṭottaraṃ śatam || 20 ||

tasya puṇyaphalaṃ vaktuṃ brahmaṇāpi na śakyate |

iti śrīgāyatryaṣṭottaraśatanāmastotraṃ sampūrṇam |