Ganapati Gakara Ashtottara Shatanama Stotram

ॐ

ಗಣಪತಿ ಗಕಾರ ಅಷ್ಟೋತ್ತರ ಶತನಾಮ ಸ್ತೋತ್ರಮ್

Ganesha Ashtottara Sata Namavali Kannada

ಗಕಾರರೂಪೋ ಗಮ್ಬೀಜೋ ಗಣೇಶೋ ಗಣವನ್ದಿತಃ ।

ಗಣನೀಯೋ ಗಣೋಗಣ್ಯೋ ಗಣನಾತೀತ ಸದ್ಗುಣಃ ॥ 1 ॥

ಗಗನಾದಿಕಸೃದ್ಗಙ್ಗಾಸುತೋಗಙ್ಗಾಸುತಾರ್ಚಿತಃ ।

ಗಙ್ಗಾಧರಪ್ರೀತಿಕರೋಗವೀಶೇಡ್ಯೋಗದಾಪಹಃ ॥ 2 ॥

ಗದಾಧರನುತೋ ಗದ್ಯಪದ್ಯಾತ್ಮಕಕವಿತ್ವದಃ ।

ಗಜಾಸ್ಯೋ ಗಜಲಕ್ಷ್ಮೀವಾನ್ ಗಜವಾಜಿರಥಪ್ರದಃ ॥ 3 ॥

ಗಞ್ಜಾನಿರತ ಶಿಕ್ಷಾಕೃದ್ಗಣಿತಜ್ಞೋ ಗಣೋತ್ತಮಃ ।

ಗಣ್ಡದಾನಾಞ್ಚಿತೋಗನ್ತಾ ಗಣ್ಡೋಪಲ ಸಮಾಕೃತಿಃ ॥ 4 ॥

ಗಗನ ವ್ಯಾಪಕೋ ಗಮ್ಯೋ ಗಮಾನಾದಿ ವಿವರ್ಜಿತಃ ।

ಗಣ್ಡದೋಷಹರೋ ಗಣ್ಡ ಭ್ರಮದ್ಭ್ರಮರ ಕುಣ್ಡಲಃ ॥ 5 ॥

ಗತಾಗತಜ್ಞೋ ಗತಿದೋ ಗತಮೃತ್ಯುರ್ಗತೋದ್ಭವಃ ।

ಗನ್ಧಪ್ರಿಯೋ ಗನ್ಧವಾಹೋ ಗನ್ಧಸಿನ್ಧುರಬೃನ್ದಗಃ ॥ 6 ॥

ಗನ್ಧಾದಿ ಪೂಜಿತೋ ಗವ್ಯಭೋಕ್ತಾ ಗರ್ಗಾದಿ ಸನ್ನುತಃ ।

ಗರಿಷ್ಠೋಗರಭಿದ್ಗರ್ವಹರೋ ಗರಲಿಭೂಷಣಃ ॥ 7 ॥

ಗವಿಷ್ಠೋಗರ್ಜಿತಾರಾವೋ ಗಭೀರಹೃದಯೋ ಗದೀ ।

ಗಲತ್ಕುಷ್ಠಹರೋ ಗರ್ಭಪ್ರದೋ ಗರ್ಭಾರ್ಭರಕ್ಷಕಃ ॥ 8 ॥

ಗರ್ಭಾಧಾರೋ ಗರ್ಭವಾಸಿ ಶಿಶುಜ್ಞಾನ ಪ್ರದಾಯಕಃ ।

ಗರುತ್ಮತ್ತುಲ್ಯಜವನೋ ಗರುಡಧ್ವಜವನ್ದಿತಃ ॥ 9 ॥

ಗಯೇಡಿತೋ ಗಯಾಶ್ರಾದ್ಧಫಲದಶ್ಚ ಗಯಾಕೃತಿಃ ।

ಗದಾಧರಾವತಾರೀಚ ಗನ್ಧರ್ವನಗರಾರ್ಚಿತಃ ॥ 10 ॥

ಗನ್ಧರ್ವಗಾನಸನ್ತುಷ್ಟೋ ಗರುಡಾಗ್ರಜವನ್ದಿತಃ ।

ಗಣರಾತ್ರ ಸಮಾರಾಧ್ಯೋ ಗರ್ಹಣಸ್ತುತಿ ಸಾಮ್ಯಧೀಃ ॥ 11 ॥

ಗರ್ತಾಭನಾಭಿರ್ಗವ್ಯೂತಿಃ ದೀರ್ಘತುಣ್ಡೋ ಗಭಸ್ತಿಮಾನ್ ।

ಗರ್ಹಿತಾಚಾರ ದೂರಶ್ಚ ಗರುಡೋಪಲಭೂಷಿತಃ ॥ 12 ॥

ಗಜಾರಿ ವಿಕ್ರಮೋ ಗನ್ಧಮೂಷವಾಜೀ ಗತಶ್ರಮಃ ।

ಗವೇಷಣೀಯೋ ಗಮನೋ ಗಹನಸ್ಥ ಮುನಿಸ್ತುತಃ ॥ 13 ॥

ಗವಯಚ್ಛಿದ್ಗಣ್ಡಕಭಿದ್ಗಹ್ವರಾಪಥವಾರಣಃ ।

ಗಜದನ್ತಾಯುಧೋ ಗರ್ಜದ್ರಿಪುಘ್ನೋ ಗಜಕರ್ಣಿಕಃ ॥ 14 ॥

ಗಜಚರ್ಮಾಮಯಚ್ಛೇತ್ತಾ ಗಣಾಧ್ಯಕ್ಷೋಗಣಾರ್ಚಿತಃ ।

ಗಣಿಕಾನರ್ತನಪ್ರೀತೋಗಚ್ಛನ್ ಗನ್ಧಫಲೀ ಪ್ರಿಯಃ ॥ 15 ॥

ಗನ್ಧಕಾದಿ ರಸಾಧೀಶೋ ಗಣಕಾನನ್ದದಾಯಕಃ ।

ಗರಭಾದಿಜನುರ್ಹರ್ತಾ ಗಣ್ಡಕೀಗಾಹನೋತ್ಸುಕಃ ॥ 16 ॥

ಗಣ್ಡೂಷೀಕೃತವಾರಾಶಿಃ ಗರಿಮಾಲಘಿಮಾದಿದಃ ।

ಗವಾಕ್ಷವತ್ಸೌಧವಾಸೀಗರ್ಭಿತೋ ಗರ್ಭಿಣೀನುತಃ ॥ 17 ॥

ಗನ್ಧಮಾದನಶೈಲಾಭೋ ಗಣ್ಡಭೇರುಣ್ಡವಿಕ್ರಮಃ ।

ಗದಿತೋ ಗದ್ಗದಾರಾವ ಸಂಸ್ತುತೋ ಗಹ್ವರೀಪತಿಃ ॥ 18 ॥

ಗಜೇಶಾಯ ಗರೀಯಸೇ ಗದ್ಯೇಡ್ಯೋಗತಭೀರ್ಗದಿತಾಗಮಃ ।

ಗರ್ಹಣೀಯ ಗುಣಾಭಾವೋ ಗಙ್ಗಾದಿಕ ಶುಚಿಪ್ರದಃ ॥ 19 ॥

ಗಣನಾತೀತ ವಿದ್ಯಾಶ್ರೀ ಬಲಾಯುಷ್ಯಾದಿದಾಯಕಃ ।

ಏವಂ ಶ್ರೀಗಣನಾಥಸ್ಯ ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥

ಪಠನಾಚ್ಛ್ರವಣಾತ್ ಪುಂಸಾಂ ಶ್ರೇಯಃ ಪ್ರೇಮಪ್ರದಾಯಕಮ್ ।

ಪೂಜಾನ್ತೇ ಯಃ ಪಠೇನ್ನಿತ್ಯಂ ಪ್ರೀತಸ್ಸನ್ ತಸ್ಯವಿಘ್ನರಾಟ್ ॥ 21 ॥

ಯಂ ಯಂ ಕಾಮಯತೇ ಕಾಮಂ ತಂ ತಂ ಶೀಘ್ರಂ ಪ್ರಯಚ್ಛತಿ ।

ದೂರ್ವಯಾಭ್ಯರ್ಚಯನ್ ದೇವಮೇಕವಿಂಶತಿವಾಸರಾನ್ ॥ 22 ॥

ಏಕವಿಂಶತಿವಾರಂ ಯೋ ನಿತ್ಯಂ ಸ್ತೋತ್ರಂ ಪಠೇದ್ಯದಿ ।

ತಸ್ಯ ಪ್ರಸನ್ನೋ ವಿಘ್ನೇಶಸ್ಸರ್ವಾನ್ ಕಾಮಾನ್ ಪ್ರಯಚ್ಛತಿ ॥ 23 ॥

॥ ಇತಿ ಶ್ರೀ ಗಣಪತಿ ಗಕಾರ ಅಷ್ಟೋತ್ತರ ಶತನಾಮಸ್ತೋತ್ರಮ್ ॥

Roman (IAST) Transliteration

gakārarūpo gambījo gaṇeśo gaṇavanditaḥ |

gaṇanīyo gaṇogaṇyo gaṇanātīta sadguṇaḥ || 1 ||

gaganādikasṛdgaṅgāsutogaṅgāsutārcitaḥ |

gaṅgādharaprītikarogavīśeḍyogadāpahaḥ || 2 ||

gadādharanuto gadyapadyātmakakavitvadaḥ |

gajāsyo gajalakṣmīvān gajavājirathapradaḥ || 3 ||

gañjānirata śikṣākṛdgaṇitajño gaṇottamaḥ |

gaṇḍadānāñcitogantā gaṇḍopala samākṛtiḥ || 4 ||

gagana vyāpako gamyo gamānādi vivarjitaḥ |

gaṇḍadoṣaharo gaṇḍa bhramadbhramara kuṇḍalaḥ || 5 ||

gatāgatajño gatido gatamṛtyurgatodbhavaḥ |

gandhapriyo gandhavāho gandhasindhurabṛndagaḥ || 6 ||

gandhādi pūjito gavyabhoktā gargādi sannutaḥ |

gariṣṭhogarabhidgarvaharo garalibhūṣaṇaḥ || 7 ||

gaviṣṭhogarjitārāvo gabhīrahṛdayo gadī |

galatkuṣṭhaharo garbhaprado garbhārbharakṣakaḥ || 8 ||

garbhādhāro garbhavāsi śiśujñāna pradāyakaḥ |

garutmattulyajavano garuḍadhvajavanditaḥ || 9 ||

gayeḍito gayāśrāddhaphaladaśca gayākṛtiḥ |

gadādharāvatārīca gandharvanagarārcitaḥ || 10 ||

gandharvagānasantuṣṭo garuḍāgrajavanditaḥ |

gaṇarātra samārādhyo garhaṇastuti sāmyadhīḥ || 11 ||

gartābhanābhirgavyūtiḥ dīrghatuṇḍo gabhastimān |

garhitācāra dūraśca garuḍopalabhūṣitaḥ || 12 ||

gajāri vikramo gandhamūṣavājī gataśramaḥ |

gaveṣaṇīyo gamano gahanastha munistutaḥ || 13 ||

gavayacchidgaṇḍakabhidgahvarāpathavāraṇaḥ |

gajadantāyudho garjadripughno gajakarṇikaḥ || 14 ||

gajacarmāmayacchettā gaṇādhyakṣogaṇārcitaḥ |

gaṇikānartanaprītogacchan gandhaphalī priyaḥ || 15 ||

gandhakādi rasādhīśo gaṇakānandadāyakaḥ |

garabhādijanurhartā gaṇḍakīgāhanotsukaḥ || 16 ||

gaṇḍūṣīkṛtavārāśiḥ garimālaghimādidaḥ |

gavākṣavatsaudhavāsīgarbhito garbhiṇīnutaḥ || 17 ||

gandhamādanaśailābho gaṇḍabheruṇḍavikramaḥ |

gadito gadgadārāva saṃstuto gahvarīpatiḥ || 18 ||

gajeśāya garīyase gadyeḍyogatabhīrgaditāgamaḥ |

garhaṇīya guṇābhāvo gaṅgādika śucipradaḥ || 19 ||

gaṇanātīta vidyāśrī balāyuṣyādidāyakaḥ |

evaṃ śrīgaṇanāthasya nāmnāmaṣṭottaraṃ śatam || 20 ||

paṭhanācchravaṇāt puṃsāṃ śreyaḥ premapradāyakam |

pūjānte yaḥ paṭhennityaṃ prītassan tasyavighnarāṭ || 21 ||

yaṃ yaṃ kāmayate kāmaṃ taṃ taṃ śīghraṃ prayacchati |

dūrvayābhyarcayan devamekaviṃśativāsarān || 22 ||

ekaviṃśativāraṃ yo nityaṃ stotraṃ paṭhedyadi |

tasya prasanno vighneśassarvān kāmān prayacchati || 23 ||

|| iti śrī gaṇapati gakāra aṣṭottara śatanāmastotram ||