Dvadasha Jyotirlinga Stotram

ॐ

ದ್ವಾದಶ ಜ್ಯೋತಿರ್ಲಿಙ್ಗ ಸ್ತೋತ್ರಮ್

Shiva Stotram Kannada

ಸೌರಾಷ್ಟ್ರದೇಶೇ ವಿಶದೇಽತಿರಮ್ಯೇ ಜ್ಯೋತಿರ್ಮಯಂ ಚನ್ದ್ರಕಲಾವತಂಸಮ್ ।

ಭಕ್ತಿಪ್ರದಾನಾಯ ಕೃಪಾವತೀರ್ಣಂ ತಂ ಸೋಮನಾಥಂ ಶರಣಂ ಪ್ರಪದ್ಯೇ ॥ 1॥

ಶ್ರೀಶೈಲಶ‍ಋಙ್ಗೇ ವಿಬುಧಾತಿಸಙ್ಗೇ ತುಲಾದ್ರಿತುಙ್ಗೇಽಪಿ ಮುದಾ ವಸನ್ತಮ್ ।

ತಮರ್ಜುನಂ ಮಲ್ಲಿಕಪೂರ್ವಮೇಕಂ ನಮಾಮಿ ಸಂಸಾರಸಮುದ್ರಸೇತುಮ್ ॥ 2॥

ಅವನ್ತಿಕಾಯಾಂ ವಿಹಿತಾವತಾರಂ ಮುಕ್ತಿಪ್ರದಾನಾಯ ಚ ಸಜ್ಜನಾನಾಮ್ ।

ಅಕಾಲಮೃತ್ಯೋಃ ಪರಿರಕ್ಷಣಾರ್ಥಂ ವನ್ದೇ ಮಹಾಕಾಲಮಹಾಸುರೇಶಮ್ ॥ 3॥

ಕಾವೇರಿಕಾನರ್ಮದಯೋಃ ಪವಿತ್ರೇ ಸಮಾಗಮೇ ಸಜ್ಜನತಾರಣಾಯ ।

ಸದೈವಮಾನ್ಧಾತೃಪುರೇ ವಸನ್ತಮೋಙ್ಕಾರಮೀಶಂ ಶಿವಮೇಕಮೀಡೇ ॥ 4॥

ಪೂರ್ವೋತ್ತರೇ ಪ್ರಜ್ವಲಿಕಾನಿಧಾನೇ ಸದಾ ವಸನ್ತಂ ಗಿರಿಜಾಸಮೇತಮ್ ।

ಸುರಾಸುರಾರಾಧಿತಪಾದಪದ್ಮಂ ಶ್ರೀವೈದ್ಯನಾಥಂ ತಮಹಂ ನಮಾಮಿ ॥ 5॥

ಯಾಮ್ಯೇ ಸದಙ್ಗೇ ನಗರೇಽತಿರಮ್ಯೇ ವಿಭೂಷಿತಾಙ್ಗಂ ವಿವಿಧೈಶ್ಚ ಭೋಗೈಃ ।

ಸದ್ಭಕ್ತಿಮುಕ್ತಿಪ್ರದಮೀಶಮೇಕಂ ಶ್ರೀನಾಗನಾಥಂ ಶರಣಂ ಪ್ರಪದ್ಯೇ ॥ 6॥

ಮಹಾದ್ರಿಪಾರ್ಶ್ವೇ ಚ ತಟೇ ರಮನ್ತಂ ಸಮ್ಪೂಜ್ಯಮಾನಂ ಸತತಂ ಮುನೀನ್ದ್ರೈಃ ।

ಸುರಾಸುರೈರ್ಯಕ್ಷ ಮಹೋರಗಾಢ್ಯೈಃ ಕೇದಾರಮೀಶಂ ಶಿವಮೇಕಮೀಡೇ ॥ 7॥

ಸಹ್ಯಾದ್ರಿಶೀರ್ಷೇ ವಿಮಲೇ ವಸನ್ತಂ ಗೋದಾವರಿತೀರಪವಿತ್ರದೇಶೇ ।

ಯದ್ಧರ್ಶನಾತ್ಪಾತಕಮಾಶು ನಾಶಂ ಪ್ರಯಾತಿ ತಂ ತ್ರ್ಯಮ್ಬಕಮೀಶಮೀಡೇ ॥ 8॥

ಸುತಾಮ್ರಪರ್ಣೀಜಲರಾಶಿಯೋಗೇ ನಿಬಧ್ಯ ಸೇತುಂ ವಿಶಿಖೈರಸಙ್ಖ್ಯೈಃ ।

ಶ್ರೀರಾಮಚನ್ದ್ರೇಣ ಸಮರ್ಪಿತಂ ತಂ ರಾಮೇಶ್ವರಾಖ್ಯಂ ನಿಯತಂ ನಮಾಮಿ ॥ 9॥

ಯಂ ಡಾಕಿನಿಶಾಕಿನಿಕಾಸಮಾಜೇ ನಿಷೇವ್ಯಮಾಣಂ ಪಿಶಿತಾಶನೈಶ್ಚ ।

ಸದೈವ ಭೀಮಾದಿಪದಪ್ರಸಿದ್ದಂ ತಂ ಶಙ್ಕರಂ ಭಕ್ತಹಿತಂ ನಮಾಮಿ ॥ 10॥

ಸಾನನ್ದಮಾನನ್ದವನೇ ವಸನ್ತಮಾನನ್ದಕನ್ದಂ ಹತಪಾಪವೃನ್ದಮ್ ।

ವಾರಾಣಸೀನಾಥಮನಾಥನಾಥಂ ಶ್ರೀವಿಶ್ವನಾಥಂ ಶರಣಂ ಪ್ರಪದ್ಯೇ ॥ 11॥

ಇಲಾಪುರೇ ರಮ್ಯವಿಶಾಲಕೇಽಸ್ಮಿನ್ ಸಮುಲ್ಲಸನ್ತಂ ಚ ಜಗದ್ವರೇಣ್ಯಮ್ ।

ವನ್ದೇ ಮಹೋದಾರತರಸ್ವಭಾವಂ ಘೃಷ್ಣೇಶ್ವರಾಖ್ಯಂ ಶರಣಂ ಪ್ರಪದ್ಯೇ ॥ 12॥

ಜ್ಯೋತಿರ್ಮಯದ್ವಾದಶಲಿಙ್ಗಕಾನಾಂ ಶಿವಾತ್ಮನಾಂ ಪ್ರೋಕ್ತಮಿದಂ ಕ್ರಮೇಣ ।

ಸ್ತೋತ್ರಂ ಪಠಿತ್ವಾ ಮನುಜೋಽತಿಭಕ್ತ್ಯಾ ಫಲಂ ತದಾಲೋಕ್ಯ ನಿಜಂ ಭಜೇಚ್ಚ ॥

॥ ಇತಿ ಶ್ರೀಮದ್ಶಙ್ಕರಾಚಾರ್ಯವಿರಚಿತಂ

ದ್ವಾದಶಜ್ಯೋತಿರ್ಲಿಙ್ಗಸ್ತೋತ್ರಂ ಸಮ್ಪೂರ್ಣಮ್ ॥

Roman (IAST) Transliteration

saurāṣṭradeśe viśade'tiramye jyotirmayaṃ candrakalāvataṃsam |

bhaktipradānāya kṛpāvatīrṇaṃ taṃ somanāthaṃ śaraṇaṃ prapadye || 1||

śrīśailaśa‍ṛṅge vibudhātisaṅge tulādrituṅge'pi mudā vasantam |

tamarjunaṃ mallikapūrvamekaṃ namāmi saṃsārasamudrasetum || 2||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3||

kāverikānarmadayoḥ pavitre samāgame sajjanatāraṇāya |

sadaivamāndhātṛpure vasantamoṅkāramīśaṃ śivamekamīḍe || 4||

pūrvottare prajvalikānidhāne sadā vasantaṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 6||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 7||

sahyādriśīrṣe vimale vasantaṃ godāvaritīrapavitradeśe |

yaddharśanātpātakamāśu nāśaṃ prayāti taṃ tryambakamīśamīḍe || 8||

sutāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 9||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddaṃ taṃ śaṅkaraṃ bhaktahitaṃ namāmi || 10||

sānandamānandavane vasantamānandakandaṃ hatapāpavṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 11||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||

|| iti śrīmadśaṅkarācāryaviracitaṃ

dvādaśajyotirliṅgastotraṃ sampūrṇam ||