Dharmashasta Stotram — InfoLyter.in

ॐ

ಧರ್ಮಶಾಸ್ತಾ ಸ್ತೋತ್ರಮ್

Dharmashasta Stotram

Ayyappa Stotram Kannada

ಶ್ರಿತಾನನ್ದ ಚಿನ್ತಾಮಣಿ ಶ್ರೀನಿವಾಸಂ

ಸದಾ ಸಚ್ಚಿದಾನನ್ದ ಪೂರ್ಣಪ್ರಕಾಶಮ್ ।

ಉದಾರಂ ಸುದಾರಂ ಸುರಾಧಾರಮೀಶಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 1

ವಿಭುಂ ವೇದವೇದಾನ್ತವೇದ್ಯಂ ವರಿಷ್ಠಂ

ವಿಭೂತಿಪ್ರದಂ ವಿಶ್ರುತಂ ಬ್ರಹ್ಮನಿಷ್ಠಮ್ ।

ವಿಭಾಸ್ವತ್ಪ್ರಭಾವಪ್ರಭಂ ಪುಷ್ಕಲೇಷ್ಟಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 2

ಪರಿತ್ರಾಣದಕ್ಷಂ ಪರಬ್ರಹ್ಮಸೂತ್ರಂ

ಸ್ಫುರಚ್ಚಾರುಗಾತ್ರಂ ಭವಧ್ವಾನ್ತಮಿತ್ರಮ್ ।

ಪರಂ ಪ್ರೇಮಪಾತ್ರಂ ಪವಿತ್ರಂ ವಿಚಿತ್ರಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 3

ಪರೇಶಂ ಪ್ರಭುಂ ಪೂರ್ಣಕಾರುಣ್ಯರೂಪಂ

ಗಿರೀಶಾಧಿಪೀಠೋಜ್ಜ್ವಲಚ್ಚಾರುದೀಪಮ್ ।

ಸುರೇಶಾದಿಸಂಸೇವಿತಂ ಸುಪ್ರತಾಪಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 4

ಹರೀಶಾನಸಂಯುಕ್ತಶಕ್ತ್ಯೇಕವೀರಂ

ಕಿರಾತಾವತಾರಂ ಕೃಪಾಪಾಙ್ಗಪೂರಮ್ ।

ಕಿರೀಟಾವತಂಸೋಜ್ಜ್ವಲತ್ ಪಿಞ್ಛಭಾರಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 5

ಗುರುಂ ಪೂರ್ಣಲಾವಣ್ಯಪಾದಾದಿಕೇಶಂ

ಗರೀಯಂ ಮಹಾಕೋಟಿಸೂರ್ಯಪ್ರಕಾಶಮ್ ।

ಕರಾಮ್ಭೋರುಹನ್ಯಸ್ತವೇತ್ರಂ ಸುರೇಶಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 6

ಮಹಾಯೋಗಪೀಠೇ ಜ್ವಲನ್ತಂ ಮಹಾನ್ತಂ

ಮಹಾವಾಕ್ಯಸಾರೋಪದೇಶಂ ಸುಶಾನ್ತಮ್ ।

ಮಹರ್ಷಿಪ್ರಹರ್ಷಪ್ರದಂ ಜ್ಞಾನಕನ್ದಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 7

ಮಹಾರಣ್ಯಮನ್ಮಾನಸಾನ್ತರ್ನಿವಾಸಾನ್

ಅಹಙ್ಕಾರದುರ್ವಾರಹಿಂ‍ಸ್ರಾ ಮೃಗಾದೀನ್ ।

ಹರನ್ತಂ ಕಿರಾತಾವತಾರಂ ಚರನ್ತಂ [ನಿಹನ್ತಂ]

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 8

ಪೃಥಿವ್ಯಾದಿಭೂತ ಪ್ರಪಞ್ಚಾನ್ತರಸ್ಥಂ

ಪೃಥಗ್ಭೂತಚೈತನ್ಯಜನ್ಯಂ ಪ್ರಶಸ್ತಮ್ ।

ಪ್ರಧಾನಂ ಪ್ರಮಾಣಂ ಪುರಾಣಪ್ರಸಿದ್ಧಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 9

ಜಗಜ್ಜೀವನಂ ಪಾವನಂ ಭಾವನೀಯಂ

ಜಗದ್ವ್ಯಾಪಕಂ ದೀಪಕಂ ಮೋಹನೀಯಮ್ ।

ಸುಖಾಧಾರಮಾಧಾರಭೂತಂ ತುರೀಯಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 10

ಇಹಾಮುತ್ರ ಸತ್ಸೌಖ್ಯಸಮ್ಪನ್ನಿಧಾನಂ

ಮಹದ್ಯೋನಿಮವ್ಯಾಹತಾತ್ಮಾಭಿಧಾನಮ್ ।

ಅಹಃ ಪುಣ್ಡರೀಕಾನನಂ ದೀಪ್ಯಮಾನಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 11

ತ್ರಿಕಾಲಸ್ಥಿತಂ ಸುಸ್ಥಿರಂ ಜ್ಞಾನಸಂಸ್ಥಂ

ತ್ರಿಧಾಮ ತ್ರಿಮೂರ್ತ್ಯಾತ್ಮಕಂ ಬ್ರಹ್ಮಸಂಸ್ಥಮ್ ।

ತ್ರಯೀಮೂರ್ತಿಮಾರ್ತಿಚ್ಛಿದಂ ಶಕ್ತಿಯುಕ್ತಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 12

ಇಡಾಂ ಪಿಙ್ಗಲಾಂ ಸತ್ಸುಷುಮ್ನಾಂ ವಿಶನ್ತಂ

ಸ್ಫುಟಂ ಬ್ರಹ್ಮರನ್ಧ್ರ ಸ್ವತನ್ತ್ರಂ ಸುಶಾನ್ತಮ್ ।

ದೃಢಂ ನಿತ್ಯ ನಿರ್ವಾಣಮುದ್ಭಾಸಯನ್ತಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 13

ಅಣುಬ್ರಹ್ಮಪರ್ಯನ್ತ ಜೀವೈಕ್ಯಬಿಮ್ಬಂ

ಗುಣಾಕಾರಮತ್ಯನ್ತಭಕ್ತಾನುಕಮ್ಪಮ್ ।

ಅನರ್ಘಂ ಶುಭೋದರ್ಕಮಾತ್ಮಾವಲಮ್ಬಂ

ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ ॥ 14

ಇತಿ ಧರ್ಮಶಾಸ್ತಾ ಭುಜಙ್ಗ ಸ್ತೋತ್ರಮ್ ।

Roman (IAST) Transliteration

śritānanda cintāmaṇi śrīnivāsaṃ

sadā saccidānanda pūrṇaprakāśam |

udāraṃ sudāraṃ surādhāramīśaṃ

paraṃ jyotirūpaṃ bhaje bhūtanātham || 1

vibhuṃ vedavedāntavedyaṃ variṣṭhaṃ

vibhūtipradaṃ viśrutaṃ brahmaniṣṭham |

vibhāsvatprabhāvaprabhaṃ puṣkaleṣṭaṃ

paraṃ jyotirūpaṃ bhaje bhūtanātham || 2

paritrāṇadakṣaṃ parabrahmasūtraṃ

sphuraccārugātraṃ bhavadhvāntamitram |

paraṃ premapātraṃ pavitraṃ vicitraṃ

paraṃ jyotirūpaṃ bhaje bhūtanātham || 3

pareśaṃ prabhuṃ pūrṇakāruṇyarūpaṃ

girīśādhipīṭhojjvalaccārudīpam |

sureśādisaṃsevitaṃ supratāpaṃ

paraṃ jyotirūpaṃ bhaje bhūtanātham || 4

harīśānasaṃyuktaśaktyekavīraṃ

kirātāvatāraṃ kṛpāpāṅgapūram |

kirīṭāvataṃsojjvalat piñchabhāraṃ

paraṃ jyotirūpaṃ bhaje bhūtanātham || 5

guruṃ pūrṇalāvaṇyapādādikeśaṃ

garīyaṃ mahākoṭisūryaprakāśam |

karāmbhoruhanyastavetraṃ sureśaṃ

paraṃ jyotirūpaṃ bhaje bhūtanātham || 6

mahāyogapīṭhe jvalantaṃ mahāntaṃ

mahāvākyasāropadeśaṃ suśāntam |

maharṣipraharṣapradaṃ jñānakandaṃ

paraṃ jyotirūpaṃ bhaje bhūtanātham || 7

mahāraṇyamanmānasāntarnivāsān

ahaṅkāradurvārahiṃ‍srā mṛgādīn |

harantaṃ kirātāvatāraṃ carantaṃ [nihantaṃ]

paraṃ jyotirūpaṃ bhaje bhūtanātham || 8

pṛthivyādibhūta prapañcāntarasthaṃ

pṛthagbhūtacaitanyajanyaṃ praśastam |

pradhānaṃ pramāṇaṃ purāṇaprasiddhaṃ

paraṃ jyotirūpaṃ bhaje bhūtanātham || 9

jagajjīvanaṃ pāvanaṃ bhāvanīyaṃ

jagadvyāpakaṃ dīpakaṃ mohanīyam |

sukhādhāramādhārabhūtaṃ turīyaṃ

paraṃ jyotirūpaṃ bhaje bhūtanātham || 10

ihāmutra satsaukhyasampannidhānaṃ

mahadyonimavyāhatātmābhidhānam |

ahaḥ puṇḍarīkānanaṃ dīpyamānaṃ

paraṃ jyotirūpaṃ bhaje bhūtanātham || 11

trikālasthitaṃ susthiraṃ jñānasaṃsthaṃ

tridhāma trimūrtyātmakaṃ brahmasaṃstham |

trayīmūrtimārticchidaṃ śaktiyuktaṃ

paraṃ jyotirūpaṃ bhaje bhūtanātham || 12

iḍāṃ piṅgalāṃ satsuṣumnāṃ viśantaṃ

sphuṭaṃ brahmarandhra svatantraṃ suśāntam |

dṛḍhaṃ nitya nirvāṇamudbhāsayantaṃ

paraṃ jyotirūpaṃ bhaje bhūtanātham || 13

aṇubrahmaparyanta jīvaikyabimbaṃ

guṇākāramatyantabhaktānukampam |

anarghaṃ śubhodarkamātmāvalambaṃ

paraṃ jyotirūpaṃ bhaje bhūtanātham || 14

iti dharmaśāstā bhujaṅga stotram |