Devi Vaibhavashcharya Ashtottara Shata Nama Stotram

ॐ

ದೇವೀ ವೈಭವಾಶ್ಚರ್ಯ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

Tara Ashtottara Sata Namavali Kannada

ಅಸ್ಯ ಶ್ರೀ ದೇವೀವೈಭವಾಶ್ಚರ್ಯಾಷ್ಟೋತ್ತರಶತದಿವ್ಯನಾಮ ಸ್ತೋತ್ರಮಹಾಮನ್ತ್ರಸ್ಯ ಆನನ್ದಭೈರವ ಋಷಿಃ, ಅನುಷ್ಟುಪ್ ಛನ್ದಃ, ಶ್ರೀ ಆನನ್ದಭೈರವೀ ಶ್ರೀಮಹಾತ್ರಿಪುರಸುನ್ದರೀ ದೇವತಾ, ಐಂ ಬೀಜಂ, ಹ್ರೀಂ ಶಕ್ತಿಃ, ಶ್ರೀಂ ಕೀಲಕಂ, ಮಮ ಶ್ರೀಆನನ್ದಭೈರವೀ ಶ್ರೀಮಹಾತ್ರಿಪುರಸುನ್ದರೀ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್

ಕುಙ್ಕುಮಪಙ್ಕಸಮಾಭಾ-

-ಮಙ್ಕುಶಪಾಶೇಕ್ಷುಕೋದಣ್ಡಶರಾಮ್ ।

ಪಙ್ಕಜಮಧ್ಯನಿಷಣ್ಣಾಂ

ಪಙ್ಕೇರುಹಲೋಚನಾಂ ಪರಾಂ ವನ್ದೇ ॥

ಪಞ್ಚಪೂಜಾ

ಲಂ ಪೃಥಿವ್ಯಾತ್ಮಿಕಾಯೈ ಗನ್ಧಂ ಸಮರ್ಪಯಾಮಿ ।

ಹಂ ಆಕಾಶಾತ್ಮಿಕಾಯೈ ಪುಷ್ಪೈಃ ಪೂಜಯಾಮಿ ।

ಯಂ ವಾಯ್ವಾತ್ಮಿಕಾಯೈ ಧೂಪಮಾಘ್ರಾಪಯಾಮಿ ।

ರಂ ಅಗ್ನ್ಯಾತ್ಮಿಕಾಯೈ ದೀಪಂ ದರ್ಶಯಾಮಿ ।

ವಂ ಅಮೃತಾತ್ಮಿಕಾಯೈ ಅಮೃತಂ ಮಹಾನೈವೇದ್ಯಂ ನಿವೇದಯಾಮಿ ।

ಸಂ ಸರ್ವಾತ್ಮಿಕಾಯೈ ಸರ್ವೋಪಚಾರಾನ್ ಸಮರ್ಪಯಾಮಿ ॥

ಓಂ ಐಂ ಹ್ರೀಂ ಶ್ರೀಮ್ ।

ಪರಮಾನನ್ದಲಹರೀ ಪರಚೈತನ್ಯದೀಪಿಕಾ ।

ಸ್ವಯಮ್ಪ್ರಕಾಶಕಿರಣಾ ನಿತ್ಯವೈಭವಶಾಲಿನೀ ॥ 1 ॥

ವಿಶುದ್ಧಕೇವಲಾಖಣ್ಡಸತ್ಯಕಾಲಾತ್ಮರೂಪಿಣೀ ।

ಆದಿಮಧ್ಯಾನ್ತರಹಿತಾ ಮಹಾಮಾಯಾವಿಲಾಸಿನೀ ॥ 2 ॥

ಗುಣತ್ರಯಪರಿಚ್ಛೇತ್ರೀ ಸರ್ವತತ್ತ್ವಪ್ರಕಾಶಿನೀ ।

ಸ್ತ್ರೀಪುಂಸಭಾವರಸಿಕಾ ಜಗತ್ಸರ್ಗಾದಿಲಮ್ಪಟಾ ॥ 3 ॥

ಅಶೇಷನಾಮರೂಪಾದಿಭೇದಚ್ಛೇದರವಿಪ್ರಭಾ ।

ಅನಾದಿವಾಸನಾರೂಪಾ ವಾಸನೋದ್ಯತ್ಪ್ರಪಞ್ಚಿಕಾ ॥ 4 ॥

ಪ್ರಪಞ್ಚೋಪಶಮಪ್ರೌಢಾ ಚರಾಚರಜಗನ್ಮಯೀ ।

ಸಮಸ್ತಜಗದಾಧಾರಾ ಸರ್ವಸಞ್ಜೀವನೋತ್ಸುಕಾ ॥ 5 ॥

ಭಕ್ತಚೇತೋಮಯಾನನ್ತಸ್ವಾರ್ಥವೈಭವವಿಭ್ರಮಾ ।

ಸರ್ವಾಕರ್ಷಣವಶ್ಯಾದಿಸರ್ವಕರ್ಮಧುರನ್ಧರಾ ॥ 6 ॥

ವಿಜ್ಞಾನಪರಮಾನನ್ದವಿದ್ಯಾ ಸನ್ತಾನಸಿದ್ಧಿದಾ ।

ಆಯುರಾರೋಗ್ಯಸೌಭಾಗ್ಯಬಲಶ್ರೀಕೀರ್ತಿಭಾಗ್ಯದಾ ॥ 7 ॥

ಧನಧಾನ್ಯಮಣೀವಸ್ತ್ರಭೂಷಾಲೇಪನಮಾಲ್ಯದಾ ।

ಗೃಹಗ್ರಾಮಮಹಾರಾಜ್ಯಸಾಮ್ರಾಜ್ಯಸುಖದಾಯಿನೀ ॥ 8 ॥

ಸಪ್ತಾಙ್ಗಶಕ್ತಿಸಮ್ಪೂರ್ಣಸಾರ್ವಭೌಮಫಲಪ್ರದಾ ।

ಬ್ರಹ್ಮವಿಷ್ಣುಶಿವೇನ್ದ್ರಾದಿಪದವಿಶ್ರಾಣನಕ್ಷಮಾ ॥ 9 ॥

ಭುಕ್ತಿಮುಕ್ತಿಮಹಾಭಕ್ತಿವಿರಕ್ತ್ಯದ್ವೈತದಾಯಿನೀ ।

ನಿಗ್ರಹಾನುಗ್ರಹಾಧ್ಯಕ್ಷಾ ಜ್ಞಾನನಿರ್ದ್ವೈತದಾಯಿನೀ ॥ 10 ॥

ಪರಕಾಯಪ್ರವೇಶಾದಿಯೋಗಸಿದ್ಧಿಪ್ರದಾಯಿನೀ ।

ಶಿಷ್ಟಸಞ್ಜೀವನಪ್ರೌಢಾ ದುಷ್ಟಸಂಹಾರಸಿದ್ಧಿದಾ ॥ 11 ॥

ಲೀಲಾವಿನಿರ್ಮಿತಾನೇಕಕೋಟಿಬ್ರಹ್ಮಾಣ್ಡಮಣ್ಡಲಾ ।

ಏಕಾನೇಕಾತ್ಮಿಕಾ ನಾನಾರೂಪಿಣ್ಯರ್ಧಾಙ್ಗನೇಶ್ವರೀ ॥ 12 ॥

ಶಿವಶಕ್ತಿಮಯೀ ನಿತ್ಯಶೃಙ್ಗಾರೈಕರಸಪ್ರಿಯಾ ।

ತುಷ್ಟಾ ಪುಷ್ಟಾಽಪರಿಚ್ಛಿನ್ನಾ ನಿತ್ಯಯೌವನಮೋಹಿನೀ ॥ 13 ॥

ಸಮಸ್ತದೇವತಾರೂಪಾ ಸರ್ವದೇವಾಧಿದೇವತಾ ।

ದೇವರ್ಷಿಪಿತೃಸಿದ್ಧಾದಿಯೋಗಿನೀಭೈರವಾತ್ಮಿಕಾ ॥ 14 ॥

ನಿಧಿಸಿದ್ಧಿಮಣೀಮುದ್ರಾ ಶಸ್ತ್ರಾಸ್ತ್ರಾಯುಧಭಾಸುರಾ ।

ಛತ್ರಚಾಮರವಾದಿತ್ರಪತಾಕಾವ್ಯಜನಾಞ್ಚಿತಾ ॥ 15 ॥

ಹಸ್ತ್ಯಶ್ವರಥಪಾದಾತಾಮಾತ್ಯಸೇನಾಸುಸೇವಿತಾ ।

ಪುರೋಹಿತಕುಲಾಚಾರ್ಯಗುರುಶಿಷ್ಯಾದಿಸೇವಿತಾ ॥ 16 ॥

ಸುಧಾಸಮುದ್ರಮಧ್ಯೋದ್ಯತ್ಸುರದ್ರುಮನಿವಾಸಿನೀ ।

ಮಣಿದ್ವೀಪಾನ್ತರಪ್ರೋದ್ಯತ್ಕದಮ್ಬವನವಾಸಿನೀ ॥ 17 ॥

ಚಿನ್ತಾಮಣಿಗೃಹಾನ್ತಃಸ್ಥಾ ಮಣಿಮಣ್ಟಪಮಧ್ಯಗಾ ।

ರತ್ನಸಿಂಹಾಸನಪ್ರೋದ್ಯಚ್ಛಿವಮಞ್ಚಾಧಿಶಾಯಿನೀ ॥ 18 ॥

ಸದಾಶಿವಮಹಾಲಿಙ್ಗಮೂಲಸಙ್ಘಟ್ಟಯೋನಿಕಾ ।

ಅನ್ಯೋನ್ಯಾಲಿಙ್ಗಸಙ್ಘರ್ಷಕಣ್ಡೂಸಙ್ಕ್ಷುಬ್ಧಮಾನಸಾ ॥ 19 ॥

ಕಲೋದ್ಯದ್ಬಿನ್ದುಕಾಲಿನ್ಯಾತುರ್ಯನಾದಪರಮ್ಪರಾ ।

ನಾದಾನ್ತಾನನ್ದಸನ್ದೋಹಸ್ವಯಂವ್ಯಕ್ತವಚೋಽಮೃತಾ ॥ 20 ॥

ಕಾಮರಾಜಮಹಾತನ್ತ್ರರಹಸ್ಯಾಚಾರದಕ್ಷಿಣಾ ।

ಮಕಾರಪಞ್ಚಕೋದ್ಭೂತಪ್ರೌಢಾನ್ತೋಲ್ಲಾಸಸುನ್ದರೀ ॥ 21 ॥

ಶ್ರೀಚಕ್ರರಾಜನಿಲಯಾ ಶ್ರೀವಿದ್ಯಾಮನ್ತ್ರವಿಗ್ರಹಾ ।

ಅಖಣ್ಡಸಚ್ಚಿದಾನನ್ದಶಿವಶಕ್ತ್ಯೈಕ್ಯರೂಪಿಣೀ ॥ 22 ॥

ತ್ರಿಪುರಾ ತ್ರಿಪುರೇಶಾನೀ ಮಹಾತ್ರಿಪುರಸುನ್ದರೀ ।

ತ್ರಿಪುರಾವಾಸರಸಿಕಾ ತ್ರಿಪುರಾಶ್ರೀಸ್ವರೂಪಿಣೀ ॥ 23 ॥

ಮಹಾಪದ್ಮವನಾನ್ತಸ್ಥಾ ಶ್ರೀಮತ್ತ್ರಿಪುರಮಾಲಿನೀ ।

ಮಹಾತ್ರಿಪುರಸಿದ್ಧಾಮ್ಬಾ ಶ್ರೀಮಹಾತ್ರಿಪುರಾಮ್ಬಿಕಾ ॥ 24 ॥

ನವಚಕ್ರಕ್ರಮಾದೇವೀ ಮಹಾತ್ರಿಪುರಭೈರವೀ ।

ಶ್ರೀಮಾತಾ ಲಲಿತಾ ಬಾಲಾ ರಾಜರಾಜೇಶ್ವರೀ ಶಿವಾ ॥ 25 ॥

ಉತ್ಪತ್ತಿಸ್ಥಿತಿಸಂಹಾರಕ್ರಮಚಕ್ರನಿವಾಸಿನೀ ।

ಅರ್ಧಮೇರ್ವಾತ್ಮಚಕ್ರಸ್ಥಾ ಸರ್ವಲೋಕಮಹೇಶ್ವರೀ ॥ 26 ॥

ವಲ್ಮೀಕಪುರಮಧ್ಯಸ್ಥಾ ಜಮ್ಬೂವನನಿವಾಸಿನೀ ।

ಅರುಣಾಚಲಶೃಙ್ಗಸ್ಥಾ ವ್ಯಾಘ್ರಾಲಯನಿವಾಸಿನೀ ॥ 27 ॥

ಶ್ರೀಕಾಲಹಸ್ತಿನಿಲಯಾ ಕಾಶೀಪುರನಿವಾಸಿನೀ ।

ಶ್ರೀಮತ್ಕೈಲಾಸನಿಲಯಾ ದ್ವಾದಶಾನ್ತಮಹೇಶ್ವರೀ ॥ 28 ॥

ಶ್ರೀಷೋಡಶಾನ್ತಮಧ್ಯಸ್ಥಾ ಸರ್ವವೇದಾನ್ತಲಕ್ಷಿತಾ ।

ಶ್ರುತಿಸ್ಮೃತಿಪುರಾಣೇತಿಹಾಸಾಗಮಕಲೇಶ್ವರೀ ॥ 29 ॥

ಭೂತಭೌತಿಕತನ್ಮಾತ್ರದೇವತಾಪ್ರಾಣಹೃನ್ಮಯೀ ।

ಜೀವೇಶ್ವರಬ್ರಹ್ಮರೂಪಾ ಶ್ರೀಗುಣಾಢ್ಯಾ ಗುಣಾತ್ಮಿಕಾ ॥ 30 ॥

ಅವಸ್ಥಾತ್ರಯನಿರ್ಮುಕ್ತಾ ವಾಗ್ರಮೋಮಾಮಹೀಮಯೀ ।

ಗಾಯತ್ರೀಭುವನೇಶಾನೀದುರ್ಗಾಕಾಲ್ಯಾದಿರೂಪಿಣೀ ॥ 31 ॥

ಮತ್ಸ್ಯಕೂರ್ಮವರಾಹಾದಿನಾನಾರೂಪವಿಲಾಸಿನೀ ।

ಮಹಾಯೋಗೀಶ್ವರಾರಾಧ್ಯಾ ಮಹಾವೀರವರಪ್ರದಾ ॥ 32 ॥

ಸಿದ್ಧೇಶ್ವರಕುಲಾರಾಧ್ಯಾ ಶ್ರೀಮಚ್ಚರಣವೈಭವಾ ॥ 33 ॥

ಪುನರ್ಧ್ಯಾನಮ್

ಕುಙ್ಕುಮಪಙ್ಕಸಮಾಭಾ-

-ಮಙ್ಕುಶಪಾಶೇಕ್ಷುಕೋದಣ್ಡಶರಾಮ್ ।

ಪಙ್ಕಜಮಧ್ಯನಿಷಣ್ಣಾಂ

ಪಙ್ಕೇರುಹಲೋಚನಾಂ ಪರಾಂ ವನ್ದೇ ॥

ಇತಿ ಶ್ರೀಗರ್ಭಕುಲಾರ್ಣವತನ್ತ್ರೇ ದೇವೀ ವೈಭವಾಶ್ಚರ್ಯಾಷ್ಟೋತ್ತರಶತನಾಮ ಸ್ತೋತ್ರಮ್ ।

Roman (IAST) Transliteration

asya śrī devīvaibhavāścaryāṣṭottaraśatadivyanāma stotramahāmantrasya ānandabhairava ṛṣiḥ, anuṣṭup chandaḥ, śrī ānandabhairavī śrīmahātripurasundarī devatā, aiṃ bījaṃ, hrīṃ śaktiḥ, śrīṃ kīlakaṃ, mama śrīānandabhairavī śrīmahātripurasundarī prasādasiddhyarthe jape viniyogaḥ |

dhyānam

kuṅkumapaṅkasamābhā-

-maṅkuśapāśekṣukodaṇḍaśarām |

paṅkajamadhyaniṣaṇṇāṃ

paṅkeruhalocanāṃ parāṃ vande ||

pañcapūjā

laṃ pṛthivyātmikāyai gandhaṃ samarpayāmi |

haṃ ākāśātmikāyai puṣpaiḥ pūjayāmi |

yaṃ vāyvātmikāyai dhūpamāghrāpayāmi |

raṃ agnyātmikāyai dīpaṃ darśayāmi |

vaṃ amṛtātmikāyai amṛtaṃ mahānaivedyaṃ nivedayāmi |

saṃ sarvātmikāyai sarvopacārān samarpayāmi ||

oṃ aiṃ hrīṃ śrīm |

paramānandalaharī paracaitanyadīpikā |

svayamprakāśakiraṇā nityavaibhavaśālinī || 1 ||

viśuddhakevalākhaṇḍasatyakālātmarūpiṇī |

ādimadhyāntarahitā mahāmāyāvilāsinī || 2 ||

guṇatrayaparicchetrī sarvatattvaprakāśinī |

strīpuṃsabhāvarasikā jagatsargādilampaṭā || 3 ||

aśeṣanāmarūpādibhedacchedaraviprabhā |

anādivāsanārūpā vāsanodyatprapañcikā || 4 ||

prapañcopaśamaprauḍhā carācarajaganmayī |

samastajagadādhārā sarvasañjīvanotsukā || 5 ||

bhaktacetomayānantasvārthavaibhavavibhramā |

sarvākarṣaṇavaśyādisarvakarmadhurandharā || 6 ||

vijñānaparamānandavidyā santānasiddhidā |

āyurārogyasaubhāgyabalaśrīkīrtibhāgyadā || 7 ||

dhanadhānyamaṇīvastrabhūṣālepanamālyadā |

gṛhagrāmamahārājyasāmrājyasukhadāyinī || 8 ||

saptāṅgaśaktisampūrṇasārvabhaumaphalapradā |

brahmaviṣṇuśivendrādipadaviśrāṇanakṣamā || 9 ||

bhuktimuktimahābhaktiviraktyadvaitadāyinī |

nigrahānugrahādhyakṣā jñānanirdvaitadāyinī || 10 ||

parakāyapraveśādiyogasiddhipradāyinī |

śiṣṭasañjīvanaprauḍhā duṣṭasaṃhārasiddhidā || 11 ||

līlāvinirmitānekakoṭibrahmāṇḍamaṇḍalā |

ekānekātmikā nānārūpiṇyardhāṅganeśvarī || 12 ||

śivaśaktimayī nityaśṛṅgāraikarasapriyā |

tuṣṭā puṣṭā'paricchinnā nityayauvanamohinī || 13 ||

samastadevatārūpā sarvadevādhidevatā |

devarṣipitṛsiddhādiyoginībhairavātmikā || 14 ||

nidhisiddhimaṇīmudrā śastrāstrāyudhabhāsurā |

chatracāmaravāditrapatākāvyajanāñcitā || 15 ||

hastyaśvarathapādātāmātyasenāsusevitā |

purohitakulācāryaguruśiṣyādisevitā || 16 ||

sudhāsamudramadhyodyatsuradrumanivāsinī |

maṇidvīpāntaraprodyatkadambavanavāsinī || 17 ||

cintāmaṇigṛhāntaḥsthā maṇimaṇṭapamadhyagā |

ratnasiṃhāsanaprodyacchivamañcādhiśāyinī || 18 ||

sadāśivamahāliṅgamūlasaṅghaṭṭayonikā |

anyonyāliṅgasaṅgharṣakaṇḍūsaṅkṣubdhamānasā || 19 ||

kalodyadbindukālinyāturyanādaparamparā |

nādāntānandasandohasvayaṃvyaktavaco'mṛtā || 20 ||

kāmarājamahātantrarahasyācāradakṣiṇā |

makārapañcakodbhūtaprauḍhāntollāsasundarī || 21 ||

śrīcakrarājanilayā śrīvidyāmantravigrahā |

akhaṇḍasaccidānandaśivaśaktyaikyarūpiṇī || 22 ||

tripurā tripureśānī mahātripurasundarī |

tripurāvāsarasikā tripurāśrīsvarūpiṇī || 23 ||

mahāpadmavanāntasthā śrīmattripuramālinī |

mahātripurasiddhāmbā śrīmahātripurāmbikā || 24 ||

navacakrakramādevī mahātripurabhairavī |

śrīmātā lalitā bālā rājarājeśvarī śivā || 25 ||

utpattisthitisaṃhārakramacakranivāsinī |

ardhamervātmacakrasthā sarvalokamaheśvarī || 26 ||

valmīkapuramadhyasthā jambūvananivāsinī |

aruṇācalaśṛṅgasthā vyāghrālayanivāsinī || 27 ||

śrīkālahastinilayā kāśīpuranivāsinī |

śrīmatkailāsanilayā dvādaśāntamaheśvarī || 28 ||

śrīṣoḍaśāntamadhyasthā sarvavedāntalakṣitā |

śrutismṛtipurāṇetihāsāgamakaleśvarī || 29 ||

bhūtabhautikatanmātradevatāprāṇahṛnmayī |

jīveśvarabrahmarūpā śrīguṇāḍhyā guṇātmikā || 30 ||

avasthātrayanirmuktā vāgramomāmahīmayī |

gāyatrībhuvaneśānīdurgākālyādirūpiṇī || 31 ||

matsyakūrmavarāhādinānārūpavilāsinī |

mahāyogīśvarārādhyā mahāvīravarapradā || 32 ||

siddheśvarakulārādhyā śrīmaccaraṇavaibhavā || 33 ||

punardhyānam

kuṅkumapaṅkasamābhā-

-maṅkuśapāśekṣukodaṇḍaśarām |

paṅkajamadhyaniṣaṇṇāṃ

paṅkeruhalocanāṃ parāṃ vande ||

iti śrīgarbhakulārṇavatantre devī vaibhavāścaryāṣṭottaraśatanāma stotram |