Chintamani Shatpadi — InfoLyter.in

ॐ

ಚಿನ್ತಾಮಣಿ ಷಟ್ಪದೀ

Chintamani Shatpadi

Kannada

ದ್ವಿರದವದನ ವಿಷಮರದ ವರದ ಜಯೇಶಾನ ಶಾನ್ತವರಸದನ ।

ಸದನವಸಾದನ ದಯಯಾ ಕುರು ಸಾದನಮನ್ತರಾಯಸ್ಯ ॥ 1 ॥

ಇನ್ದುಕಲಾ ಕಲಿತಾಲಿಕ ಸಾಲಿಕಶುಮ್ಭತ್ಕಪೋಲಪಾಲಿಯುಗ ।

ವಿಕಟಸ್ಫುಟಕಟಧಾರಾಧಾರೋಽಸ್ಯಸ್ಯ ಪ್ರಪಞ್ಚಸ್ಯ ॥ 2 ॥

ವರಪರಶುಪಾಶಪಾಣೇ ಪಣಿತಪಣಾಯಾಪಣಾಯಿತೋಽಸಿ ಯತಃ ।

ಆರೂಹ್ಯ ವಜ್ರದನ್ತಂ ಆಖುಂ ವಿದಧಾಸಿ ವಿಪದನ್ತಮ್ ॥ 3 ॥

ಲಮ್ಬೋದರ ದೂರ್ವಾಸನ ಶಯಧೃತಸಾಮೋದಮೋದಕಾಶನಕ ।

ಶನಕೈರವಲೋಕಯ ಮಾಂ ಯಮಾನ್ತರಾಯಾಪಹಾರಿಚಾರುದೃಶಾ ॥ 4 ॥

ಆನನ್ದತುನ್ದಿಲಾಖಿಲವೃನ್ದಾರಕವೃನ್ದವನ್ದಿತಾಙ್ಘ್ರಿಯುಗ ।

ಸುಖಧೃತದಣ್ಡರಸಾಲೋ ನಾಗಜಭಾಲೋಽತಿಭಾಸಿ ವಿಭೋ ॥ 5 ॥

ಅಗಣೇಯಗುಣೇಶಾತ್ಮಜ ಚಿನ್ತಕಚಿನ್ತಾಮಣೇ ಗಣೇಶಾನ ।

ಸ್ವಚರಣಶರಣಂ ಕರುಣಾವರುಣಾಲಯ ದೇವ ಪಾಹಿ ಮಾಂ ದೀನಮ್ ॥ 6 ॥

ರುಚಿರವಚೋಽಮೃತರಾವೋನ್ನೀತಾ ನೀತಾ ದಿವಂ ಸ್ತುತಿಃ ಸ್ಫೀತಾ ।

ಇತಿ ಷಟ್ಪದೀ ಮದೀಯಾ ಗಣಪತಿಪಾದಾಮ್ಬುಜೇ ವಿಶತು ॥ 7 ॥

ಇತಿ ಚಿನ್ತಾಮಣಿಷಟ್ಪದೀ ॥

Roman (IAST) Transliteration

dviradavadana viṣamarada varada jayeśāna śāntavarasadana |

sadanavasādana dayayā kuru sādanamantarāyasya || 1 ||

indukalā kalitālika sālikaśumbhatkapolapāliyuga |

vikaṭasphuṭakaṭadhārādhāro'syasya prapañcasya || 2 ||

varaparaśupāśapāṇe paṇitapaṇāyāpaṇāyito'si yataḥ |

ārūhya vajradantaṃ ākhuṃ vidadhāsi vipadantam || 3 ||

lambodara dūrvāsana śayadhṛtasāmodamodakāśanaka |

śanakairavalokaya māṃ yamāntarāyāpahāricārudṛśā || 4 ||

ānandatundilākhilavṛndārakavṛndavanditāṅghriyuga |

sukhadhṛtadaṇḍarasālo nāgajabhālo'tibhāsi vibho || 5 ||

agaṇeyaguṇeśātmaja cintakacintāmaṇe gaṇeśāna |

svacaraṇaśaraṇaṃ karuṇāvaruṇālaya deva pāhi māṃ dīnam || 6 ||

ruciravaco'mṛtarāvonnītā nītā divaṃ stutiḥ sphītā |

iti ṣaṭpadī madīyā gaṇapatipādāmbuje viśatu || 7 ||

iti cintāmaṇiṣaṭpadī ||