Ashtavakra Gita Trayodasho'dhyayah

ॐ

ಅಷ್ಟಾವಕ್ರ ಗೀತಾ ತ್ರಯೋದಶೋಽಧ್ಯಾಯಃ

Gita Kannada

ಜನಕ ಉವಾಚ ॥

ಅಕಿಞ್ಚನಭವಂ ಸ್ವಾಸ್ಥ್ಯಂ ಕೌಪೀನತ್ವೇಽಪಿ ದುರ್ಲಭಮ್ ।

ತ್ಯಾಗಾದಾನೇ ವಿಹಾಯಾಸ್ಮಾದಹಮಾಸೇ ಯಥಾಸುಖಮ್ ॥ 13-1॥

ಕುತ್ರಾಪಿ ಖೇದಃ ಕಾಯಸ್ಯ ಜಿಹ್ವಾ ಕುತ್ರಾಪಿ ಖಿದ್ಯತೇ ।

ಮನಃ ಕುತ್ರಾಪಿ ತತ್ತ್ಯಕ್ತ್ವಾ ಪುರುಷಾರ್ಥೇ ಸ್ಥಿತಃ ಸುಖಮ್ ॥ 13-2॥

ಕೃತಂ ಕಿಮಪಿ ನೈವ ಸ್ಯಾದ್ ಇತಿ ಸಞ್ಚಿನ್ತ್ಯ ತತ್ತ್ವತಃ ।

ಯದಾ ಯತ್ಕರ್ತುಮಾಯಾತಿ ತತ್ ಕೃತ್ವಾಸೇ ಯಥಾಸುಖಮ್ ॥ 13-3॥

ಕರ್ಮನೈಷ್ಕರ್ಮ್ಯನಿರ್ಬನ್ಧಭಾವಾ ದೇಹಸ್ಥಯೋಗಿನಃ ।

ಸಂಯೋಗಾಯೋಗವಿರಹಾದಹಮಾಸೇ ಯಥಾಸುಖಮ್ ॥ 13-4॥

ಅರ್ಥಾನರ್ಥೌ ನ ಮೇ ಸ್ಥಿತ್ಯಾ ಗತ್ಯಾ ನ ಶಯನೇನ ವಾ ।

ತಿಷ್ಠನ್ ಗಚ್ಛನ್ ಸ್ವಪನ್ ತಸ್ಮಾದಹಮಾಸೇ ಯಥಾಸುಖಮ್ ॥ 13-5॥

ಸ್ವಪತೋ ನಾಸ್ತಿ ಮೇ ಹಾನಿಃ ಸಿದ್ಧಿರ್ಯತ್ನವತೋ ನ ವಾ ।

ನಾಶೋಲ್ಲಾಸೌ ವಿಹಾಯಾಸ್ಮಾದಹಮಾಸೇ ಯಥಾಸುಖಮ್ ॥ 13-6॥

ಸುಖಾದಿರೂಪಾ ನಿಯಮಂ ಭಾವೇಷ್ವಾಲೋಕ್ಯ ಭೂರಿಶಃ ।

ಶುಭಾಶುಭೇ ವಿಹಾಯಾಸ್ಮಾದಹಮಾಸೇ ಯಥಾಸುಖಮ್ ॥ 13-7॥

Roman (IAST) Transliteration

janaka uvāca ||

akiñcanabhavaṃ svāsthyaṃ kaupīnatve'pi durlabham |

tyāgādāne vihāyāsmādahamāse yathāsukham || 13-1||

kutrāpi khedaḥ kāyasya jihvā kutrāpi khidyate |

manaḥ kutrāpi tattyaktvā puruṣārthe sthitaḥ sukham || 13-2||

kṛtaṃ kimapi naiva syād iti sañcintya tattvataḥ |

yadā yatkartumāyāti tat kṛtvāse yathāsukham || 13-3||

karmanaiṣkarmyanirbandhabhāvā dehasthayoginaḥ |

saṃyogāyogavirahādahamāse yathāsukham || 13-4||

arthānarthau na me sthityā gatyā na śayanena vā |

tiṣṭhan gacchan svapan tasmādahamāse yathāsukham || 13-5||

svapato nāsti me hāniḥ siddhiryatnavato na vā |

nāśollāsau vihāyāsmādahamāse yathāsukham || 13-6||

sukhādirūpā niyamaṃ bhāveṣvālokya bhūriśaḥ |

śubhāśubhe vihāyāsmādahamāse yathāsukham || 13-7||